استفسارات حول الهجرة - 1

[az3rina]

السلام عليكم ورحمه الله وبركاته

بعد التحيه والسلام احب ان الفت نظر سيادتكم بأني ومع ندره اشتراكي بالمنتديات ولكن مع احساسي بحاله الحب والانسجام والتفاني في نصح الاخرين ممايدل انكم ناس محترمين ولكم مني كل التقدير

اولا احب اعرفكم بنفسي

انا محاسب مصري اعمل بالخليج ومقدم للهجره لكندا

وعندي عده اسأله وارجو من اخواننا اللي سبقونا وهاجرو يدلوني لاني كتير بتشغلني الاسأله دي

1-انا عندي بكالوريوس تجاره جامعه القاهره ولغتي الانجليزيه جيده ان لم تكن جيده جدا لكني عند تقديمي لطلب الهجره لي انا واسرتي كتبت ان زوجتي هي مقدم الطلب على اساس انها خريجه كليه الاداب قسم اللغه الانجليزيه وده هيكون اسهل ليها لطلاقتها في اللغه وده طبعا عن التقدم للانترفيو .لكن من بعض مشاركات الاخوان في المنتدي لاقيت ان ناس كتير بتربط بين ان يجب ان يكون مقدم الطلب بيعمل في نفس مجال دراسته . زوجتي تعمل سكرتيره تنفيذيه وانا مش عارف هل ده مجال عمل من مجالات دراسه الاداب للغه الانجليزيه او لا

فأرجو الافاده في هذا الموضوع

2-طبعا كل الناس اللي في مصر واللى صادفهم الحظ واشتغلوا بمنطقه الخليج عارفين للاسف مدى عدم وجود كرامه للمصريين في بلدهم وبالتالي ده بيأثر عليهم لما بيشتغلو بره بالجواز المصري فهل حد من اخواننا بعد حصل على الجنسيه الكنديه رجع للخليج او رجع لمصر وهل احس بأي تغيير في معامله الناس هناك او هناك ..وده طبعا من الناحيه الانسانيه الاجتماعيه وكمان على الناحيه الماديه

3-طبعا كلنا عارفين ان قوانين الجمارك المصريه العظيمه بتعقد لنا الامور كمغتربين في حال حبينا نرجع بلدنا بسياره وبيبقو عايزين ياخدو دم قلبنا عشان سياره 1600سي سي واحنا اللي مطلطمين برا ومش مكلفين مصر ولا حكومتها اي تعريفه ..فهل قوانين استقدام سياره لحاملي الجنسيات المزدوجه او اللي شايلين الجواز الكندي هتبقى احسن ولا زي بعض ولا ايه

انا عارف ان اسالتي كتير لكن ده من ظني فيكم انكم اهل خير وان شاء الله مش هتخيبو ظني

مع الشكر

[مصرية والنعم]

السلام عليكم ورحمه الله وبركاته

بعد التحيه والسلام احب ان الفت نظر سيادتكم بأني ومع ندره اشتراكي بالمنتديات ولكن مع احساسي بحاله الحب والانسجام والتفاني في نصح الاخرين ممايدل انكم ناس محترمين ولكم مني كل التقدير

اولا احب اعرفكم بنفسي

انا محاسب مصري اعمل بالخليج ومقدم للهجره لكندا

وعندي عده اسأله وارجو من اخواننا اللي سبقونا وهاجرو يدلوني لاني كتير بتشغلني الاسأله دي

1-انا عندي بكالوريوس تجاره جامعه القاهره ولغتي الانجليزيه جيده ان لم تكن جيده جدا لكني عند تقديمي لطلب الهجره لي انا واسرتي كتبت ان زوجتي هي مقدم الطلب على اساس انها خريجه كليه الاداب قسم اللغه الانجليزيه وده هيكون اسهل ليها لطلاقتها في اللغه وده طبعا عن التقدم للانترفيو .لكن من بعض مشاركات الاخوان في المنتدي لاقيت ان ناس كتير بتربط بين ان يجب ان يكون مقدم الطلب بيعمل في نفس مجال دراسته . زوجتي تعمل سكرتيره تنفيذيه وانا مش عارف هل ده مجال عمل من مجالات دراسه الاداب للغه الانجليزيه او لا

فأرجو الافاده في هذا الموضوع

الاخ الكريم بالنسبة لسؤالك الاول انا معيا تجارة عين شمس وعملت سكرتيرة تنفيذية وقدمت طلب الهجرة على الاساس دة والحمد للة اتقبلت وعملت المقابلة الشخصية والفحص الطبى وفى انتظار الفيزا المهم شهادة الخبرة ولو اخدت كورسان فى الكمبيوتر تقدمهم مع الاوراق

2-طبعا كل الناس اللي في مصر واللى صادفهم الحظ واشتغلوا بمنطقه الخليج عارفين للاسف مدى عدم وجود كرامه للمصريين في بلدهم وبالتالي ده بيأثر عليهم لما بيشتغلو بره بالجواز المصري فهل حد من اخواننا بعد حصل على الجنسيه الكنديه رجع للخليج او رجع لمصر وهل احس بأي تغيير في معامله الناس هناك او هناك ..وده طبعا من الناحيه الانسانيه الاجتماعيه وكمان على الناحيه الماديه

بالنسبة للخليج والعمل فية اكيد المعاملة بتتغير اعرف ناس فرقت معاهم حتى فى المرتب

3-طبعا كلنا عارفين ان قوانين الجمارك المصريه العظيمه بتعقد لنا الامور كمغتربين في حال حبينا نرجع بلدنا بسياره وبيبقو عايزين ياخدو دم قلبنا عشان سياره 1600سي سي واحنا اللي مطلطمين برا ومش مكلفين مصر ولا حكومتها اي تعريفه ..فهل قوانين استقدام سياره لحاملي الجنسيات المزدوجه او اللي شايلين الجواز الكندي هتبقى احسن ولا زي بعض ولا ايه

انا عارف ان اسالتي كتير لكن ده من ظني فيكم انكم اهل خير وان شاء الله مش هتخيبو ظني

للاسف معنديش فكرة على سؤالك دة

مع الشكر

[az3rina]

الله ييخليكي ويبارك فيكي اختي مصريه والنعم

اخيرا وبعد 47 مشاهده لقيت حد يرد عليا

كتر خيرك وانا عارف انه مش قصور من باقي الاعضاء اد ماهو ممكن يكون انشغال

الله يباركلك وان شاء الله موفقه

وانا بعد في انتظار مداخلات تانيه من الاخوه الكرام

[ميزو وبس]

السلام عليكم ورحمة الله وبركات

الى خبراء الهجرة لكندا عايز استفسر عن موضوع ؟ لو لم اكمل نقط 67 يعنى انا خريج جديد :unsure: ومعنديش خبرة B)

لو عايز اقدم للهجرة لغاية ما اخد كورسات :lol: ويكون عندى الخبرة اللازمة لطلب الهجرة ممكن اقدم ولا مينفعش

يا ريت حد يرد عليا :lol:

وشكرا

:rolleyes:

[مصرية و مغتربة]

أعتقد ان الخبرة مطلوبة وقت التقديم لانني بعد تقديم الملف بسنتين ناقشت مع المكتب اللي مقدمة فيه ازيد سنين الخبرة نظرا لزيادتها بالفعل قالوا لي لا لانها لا يحتسب فقط الا ما قبل التقديم

[مصرية و مغتربة]

بالنسبة لسؤالك الاول عن الخبرة في مجال الدراسة ده غير مطلوب بالمرة لكندا هو مطلوب فقط لاستراليا بالنسبة لي انا خريجة هندسة وعملت بتدريس الحاسب الالي وقدمت والحمدلله وصلت لمرحةل المديكال وفي انتظار طلب الباسبور. قدموا ربنا يوفق الجميع

[ميزو وبس]

أعتقد ان الخبرة مطلوبة وقت التقديم لانني بعد تقديم الملف بسنتين ناقشت مع المكتب اللي مقدمة فيه ازيد سنين الخبرة نظرا لزيادتها بالفعل قالوا لي لا لانها لا يحتسب فقط الا ما قبل التقديم

اولا مرسى على ردك مصرية والنعم بس انا قرات مرة ان هناك استثناء للذين لم يكملو النقط المطلوبة ان يقدموا بالاوراق علشان يحجزوا

رقم الملف وفى الوقت دة ممكن يكون عندى خبرة واخذ كورسات بس مش متأكد من الموضوع دة

يا ريت لو حد يعرف يقلى وشكرا

[Ghost]

أعتقد ان الخبرة مطلوبة وقت التقديم لانني بعد تقديم الملف بسنتين ناقشت مع المكتب اللي مقدمة فيه ازيد سنين الخبرة نظرا لزيادتها بالفعل قالوا لي لا لانها لا يحتسب فقط الا ما قبل التقديم

دو الكلام المضبوط

[az3rina]

والله كتر خيرك على تشجيعك وردودك وكتر الله من امثالك

اتوكلنا على الله وقدمنا وان شاء الله مجبورين لان املي كل املي ان اجعل ابني مواطن لدوله تحترم شئون مواطنيها وتجعلهم في اولي اهتماماتها

والله الموفق

[Gladiator]

السلام عليكم ورحمه الله وبركاته

انا مصري اعمل بالخليج متزوج وعندي ولد وزوجتي حامل ف الشهور الاولى

انا ناوي ع الهجره لكندا ان شاء الله

سؤالي عن امكانيه الولاده في كندا يعني لو سافرنا انا وعائلتي لكندا زياره

ساعتها ان شاء الله كيف بيكون وضع المولود الجديد ووضعنا انا وزوجتي وابني الاول

ارجو الرد للاهميه ولو ده هيسهل لي اجراءات الجنسيه يبقى بلاش امشي ف اجراءات الهجره واسافر لحالي ده ؟؟؟؟

ان شاء الله متخيبوش املي فيكم

[Gladiator]

معقول ياجماعه 20 مشاهده ولاحديرد علي

اكيد مشغولين بس مش هتنسوني ان شاء الله

[KaBo]

معقول ياجماعه 20 مشاهده ولاحديرد علي

اكيد مشغولين بس مش هتنسوني ان شاء الله

والله انا لو كنت اعرف كنت رديت ليك لكن للاسف انا عايش في مصر ومش اعرف عن قوانين كندا حاجة . واكيد هيتم الرد عليك واكيد اللي دخلوا معندهومش معلومات عشان كدا مردوش عليك . لو عندهم معلومات تأكد انهم هيردوا عليك بدون تردد . تقبل اسمي تحياتي

[Gladiator]

والله كتر خيرك يا (كابو)

وجزاك الله كل خير

والموضوع منتظر من الاخوان اصحاب الدرايه انهم يفيدونا ولهم جزيل الشكر

[عبدوس الوزير]

السلام عليكم

أي مولود في كندا يحمل الجنسية الكندية تلقائيا

إذا لم تكن مقيما في كندا إقامة شرعية أي للهجرة أو العمل لمدة ثلاثة شهور قبل الولادة لن يتم تغطية المصاريف الطبية وهي باهظة جدا

لا أستطيع التعليق على تأثير جنسية ابنك الكندية باجراءات الهجرة لك وإن كنت أشك أنه سيكون لها تأثيرا

[Automatic]

السلام عليكم ورحمه الله وبركاته

انا مصري اعمل بالخليج متزوج وعندي ولد وزوجتي حامل ف الشهور الاولى

انا ناوي ع الهجره لكندا ان شاء الله

سؤالي عن امكانيه الولاده في كندا يعني لو سافرنا انا وعائلتي لكندا زياره

ساعتها ان شاء الله كيف بيكون وضع المولود الجديد ووضعنا انا وزوجتي وابني الاول

ارجو الرد للاهميه ولو ده هيسهل لي اجراءات الجنسيه يبقى بلاش امشي ف اجراءات الهجره واسافر لحالي ده ؟؟؟؟

ان شاء الله متخيبوش املي فيكم

مش حتساعدك في حاجه خالص. كل اللي حيحصل ان الطفل يبقي من حقه/حقها تاخد الجنسيه.

أنا مش فاهم ليه الناس المرتاحه ومش محتاجه والحمد لله, مصممين علع الهجره ويوصلو للأسلوب دا.

او يمكن انا فاهم غلط والحقيقه ان العيشه في الخليج مش مريحه!

[ايهاب سالم]

سؤالي عن امكانيه الولاده في كندا يعني لو سافرنا انا وعائلتي لكندا زياره

ساعتها ان شاء الله كيف بيكون وضع المولود الجديد ووضعنا انا وزوجتي وابني الاول

ولو ده هيسهل لي اجراءات الجنسيه يبقى بلاش امشي ف اجراءات الهجره واسافر لحالي ده ؟؟؟؟

ولادة طفل لك في كندا لا يمنحك أي ميزه في إجراءات الهجره .. و لا يمنحك الحق في طلب الجنسيه لاحقا و لا حتى الحق في طلب تأشيرة دخول لكندا مع طفلك بإعتباره كندي و عايز يعيش في بلده و إنت والده و لازم تروح معاه

الميزه الوحيده لمن يولد له طفل في كندا .. هو أنه عند بلوغ إبنه 18 عاما يستطيع الرجوع بمفرده كندا ثم يعمل إجراءات sponsorship لعائلته و هي تستغرق سنوات حاليا

الكلام ده مش تخمين

أنا مررت بنفس ظروفك دي سنة 2003 و كنت وقتها معي طفلين و مراتي حامل في الثالث و كان معانا خلاص تأشيرة الهجره لكندا

و بعد السؤال ... و معرفة المعلومات المذكوره أعلاه ... إخترنا ولادة الطفل في مصر .. عشان ياخد الجنسيه المصريه :P .......

تم تعديل 14 يناير 2008 بواسطة ايهاب سالم

[ايهاب سالم]

أنا مش فاهم ليه الناس المرتاحه ومش محتاجه والحمد لله, مصممين على الهجره

او يمكن انا فاهم غلط والحقيقه ان العيشه في الخليج مش مريحه!

مش كل اللي عايشين في الخليج مستريحين

إنما عن تجربه شخصيه .. بعد 10 سنين في قطر .. عيشه مستريحه .. ودخل عالي .. تقريبا ضعف دخلي الحالي في كندا ....

بأقول .... يا ريتني هاجرت كندا من زمان

لأن الفلوس مش كل حاجه في الدنيا

ال life style اللي الإنسان عايشه .. له قيمه زي الفلوس ..

و السنين اللي بتعدي مش بترجع تاني

و أنا هنا عايش مستريح نفسيا .. و عصبيا .. و بصريا .. و مزاجيا ..عن الخليج

لكن

على الجانب الأخر

فيه ناس كتير بعد الهجره من الخليج لكندا ..

بتقول كندا دي أكبر مقلب أخدناه في حياتنا .. و لا يوم من أيام الخليج

و دي الناس اللي بتقيس مدى سعادتها في الحياه .. ..

بمقدار الفلوس اللي بتحوشها كل شهر

تم تعديل 14 يناير 2008 بواسطة ايهاب سالم

[ايهاب سالم]

انا مصري اعمل بالخليج متزوج وعندي ولد وزوجتي حامل ف الشهور الاولى

انا ناوي ع الهجره لكندا ان شاء الله

سؤالي عن امكانيه الولاده في كندا يعني لو سافرنا انا وعائلتي لكندا زياره

ساعتها ان شاء الله كيف بيكون وضع المولود الجديد ووضعنا انا وزوجتي وابني الاول

ارجو الرد للاهميه ولو ده هيسهل لي اجراءات الجنسيه يبقى بلاش امشي ف اجراءات الهجره واسافر لحالي ده ؟؟؟؟

هو حضرتك متأكد إنك مصري ؟

أصل الكلام اللي بالأحمر بيقول غير كده

إحنا بنقولها .. أعمل في الخليج .. مش "بالخليج"

و مش بنقول خالص .. "كيف بيكون" .. أو .. "باسافر لحالي كده"

حتى عنوان الموضوع .. لو مصري كان هيكون .. الولاده في كندا .. مش "بكندا"

أرجو إني أكون غلطان و متكونش كدبه بيضه ..

تحياتي

تم تعديل 14 يناير 2008 بواسطة ايهاب سالم

[ميزو وبس]

بس بعد اذنك يعنى انا سمعت كلام غير كدة يا ريت حد يفهمنى

[Gladiator]

مشكورين والله ...كتر خيركم جميعا ومقصرتوش معايا

وبالنسبه للاخ ايهاب احب اقول له اني مصري ابن مصري والحمد لله

يمكن بس لاني بالخليج من 7سنين فلساني شويه اتعوج لان بقالي سنه ونص مارحت اجازه

وكمان احب اقول لك ان الخليجيين ابدا مش بفكرو في انهم ياخدو جنسيه تانيه لانهم مش محتاجين ده

واخدين حقهم تالت ومتلت بصراحه

شكرا جزيلا