الشامى رجع من كندا يا رجالة

[ELSHAMY]

حمدالله على السلامة يالشامي

سؤال سريع , كم كانت تكاليف التاكسي , وسؤال تاني معلش

مافكرتش تاخد حد معاك من المطار وتتقاسموا تكاليف الرحلة الى تورنتو

الله يسلم حضرتك

التكاليف كانت كتير....بس مافيش حاجة تغلى على رؤية الأولاد....

الشامى طول عمره نزيه....لا يقاسم التكاليف مع أحد......(بينى و بينك كان نفسى أملا الفان بالزباين....)

[ELSHAMY]

تحية تقدير للدكتور الشامى على سرده الجميل

و ارشحه لجائزة نوبل فى الاداب لعام 2009

:winner: :happy:

دكتورنا العزيز...

انت اللى تستاهل جايزة نوبل فى الذوق و الأخلاق....

تحياتى...

[ELSHAMY]

اكيد اكيد فية مفاجئات يادكتور

رحلة حضرتك كلها مغامرات

بس متهيألى المفاجئة المرة دى كويسة

صح ولا غلط :winner: :happy: mil:

برافو أيناس

المرة دى الجايزة تذهب لك بكل فخر.... :D

حتكونى سبب فى نزول مجموعة كبيرةمن الصور...

[ELSHAMY]

السلام عليكم ...

المداخلة السابقة على سبيل المزاح ..اما في هذه المداخلة فانا احي فيك العربي الناجح الذي يثبت للغرب اننا قادرون على النجاح والتفوق اينما ذهبنا

شكرا أخى الفاضل...

انتظر صور انتفاضة الجيوش الشامية فى مظاهرات تورونتو و لندن....

[ELSHAMY]

يظهر الشطارة مش بان الواحد يجى بدرى و يقعد اول تختة

يا استاذ

انا درجاتى ضعيفة كل الاسئلة اللى فاتت معرفتش احلها و الظاهر ان السنة دى مش حتعدعى على خير

ممكن تدنى درس خصوصى و بالمرة درس ايطالى يعنى شروة واحدة يبقى بكام دولار

دة طبعا بعد تسجيل اعجابى بقصة ( مغامرات ابو الشام فى بلاد العم سام)

ده شعور طبيعى...مش لازم الواحد يفهم كل حاجة من أول السنة....لسه العمر قدامك طويل ان شاء الله..

بس أهم حاجة النوم بدرى...و المواظبة على الصلاة و الدروس الخصوصية اللى حأعطيهالك....

سجل اسمك و ابعت أول شيك....

محدش بياكلها بالساهل...

[ELSHAMY]

يعني يا دكتور شامي أدخل كل أسبوع عشان أعرف اللي حصل ،ولا أتصل بأم علي :o و أريح نفسي و أعرف اللي حصل ،

النية مبيتة يا جماعة...... على أن يحكي الدكتور الشامي القصة حتى الإجازة القادمة :happy:

هتكون إمتى يا دكتور؟؟ :D عشان نحسب عدد الحلقات و حجمها

عاوزين الجايزة عل الإجابة تكون دعوة في سفرياتك لينا بصلاح الأحوال و رضا الرحمن :winner: .

ربنا يوفقك و يوفقنا جميعا mil:

بس يا دكتور وصلت سلاماتنا لأم علي و لا لأ ؟؟

يمكن لو في نصيب نروح كندا نقابل عيلتكم و نتشرف أنا و زوجي و أولادي بكل الناس الكويسة اللي الواحد اتعرف عليها في المنتدى .

منتظرين الحلقات القادمة أنا هدخل كل أسبوع مرة ماشي .

متسجلة غياب يا أم بلال... و ده حيأثر على أعمال السنة بتاعتك....

الدعوات لك و لكل من أوصانى تمت...

و تم توصيل السلامات لأم على....

الشرف الحقيقى حيكون لنا بأستقبالكم...... و الشرف حيكون لمدينة لندن اذا اخترتوها مكان للاستقرار....

دعواتك....

[ELSHAMY]

أخوانى.....أخواتى الأحباء

السلام عليكم و رحمة الله...

الكدب خيبة....الحقيقة المرة دى وصلنا الى البيت فى لندن بسلام..

هالنى منظر و كمية التلج المتراكم فى الشارع و أمام جراج البيت...نزلت الشنط و حاسبت السواق...و شكرته...و ان كنت مش حأنسى له أبدا اللى عمله معايا فى الحلم....يلا المسامح كريم...

كانت الساعة حوالى خمسة و نصف فجرا....و الدنيا سكون....على باب البيت من داخل النافذة الزجاجية لقيت الأولاد معلقين لى

لوحات ترحيب...

Welcome Babi - We miss U مع شوية رسوم لقلوب و حاجات تانية لزوم مشاعر الحب اللى بيننا....

الجميل ان الباب كان مقفول....و معنديش مفتاح...و كله نايم...و غرف النوم بعيدة....و الجماعة حسب خبرتى نومهم تقيل حبتين....

ما علينا...بعد عدة محاولات صحيوا من النوم..... و كانت موقعة ترحيب عنيفة خصوصا من الجندى على و السيرجنت ندى....كانوا كلهم وحشونى جدا....أكتر من 3 شهور ما شفتهمش...أول مرة نغيب عن بعض كده...على و ندى فضلوا لازقين فيا على طول....كأنهم خايفين انى أهرب...أو أختفى تانى.... ساعات كتيرة الأطفال لا يقدروا على استيعاب الفراق مهما كانت مبرراته...بنتى كانت تبكى فى التليفون لما سافرت فى المرة الأولى....خصوصا لما كنت أقول لها ان أنا بأعمل كده عشانهم و ان دى تضحية كبيرة منى أنا قبل ما تكون منهم....واذا كانوا هم مفتقدين فرد واحد اللى هو انا....فأنا على الجانب الأخر أفتقدهم جميعا....فكان بكاءها يزيد و هى تقول : عشان كده أنا أبكى لأنك انت اللى صعبان عليا....

مرت الأيام الأولى فى لندن فى سعادة أسرية كبيرة...و بدأ الصداع من تانى بعد ما كنت نسيت مشاكلهم و طلباتهم....لكنه صداع محبب الى النفس و مشاكل كنت أفتقدها و أفتقد مناقشة طرق حلها معهم....

قمت بأيجار سيارة فان استعدادا للذهاب الى تورونتو لحضور المؤتمر الاسلامى الكبير المنعقد من 26 – 28 ديسمبر تحت عنوان "اعادة روح الاسلام"..... كلنا كانت تملأنا حماسة كبيرة للقيام بهذه الرحلة....كانت فرصة عظيمة لن تتكرر مشاهدة هذا التجمع الاسلامى الكبير و هؤلاء المتحدثين الذين جاءوا من كل مكان فى العالم....و منهم علماء و دعاة كنا نراهم فقط على شاشات التلفزيون....عمرو خالد – طارق سويدان – حمزة يوسف – و الفنانة المعتزلة حنان ترك و غيرهم....حوالى 16 متحدث...

مرت الأيام سريعا و جاء موعد الذهاب الى المؤتمر...كان يوم جمعة...و كنا سنذهب فى صحبة أصدقائنا اللى تصادف وجود والدهم صديقى فى لندن فى نفس وقت وجودى هناك.... حضرنا السيارات و السندوتشات و خرجنا 8 صباحا فى طريقنا الى تورونتو...

كان يوم الجمعة 26 ديسمبر هو موعد ال Boxing Day و هو يوم بداية الاوكازيونات و التخفيضات الموسمية السنوية فى عموم كندا و أمريكا....تخفيضات جبارة...تحتاج منك دراسة متأنية بحيث تنشن على سلعة معينة أو مجموعة سلع نفسك فيها...و تصحى الفجر و تروح ترابط أمام المحل المنشود ...و أول ما يفتح تجرى على المكان اللى انت عاوزه...و قد يكون نصيبك كام بوكس فى وشك من الزباين التانيين.....عشان كده سموه ال Boxing day

كان صديقى عاوز كام حاجة و قر اننا نروح متجر WALLMART فى تورونتو قبل بدء المؤتمر.....كانت فعاليات المؤتمر حتبدأ بعد صلاة الجمعة....

هل استطاع صديقى الحصول على مراده ؟....

يتبع

[ELSHAMY]

تعمل ايه لما تصحى الصبح تلاقى الوضع كده.....

وبعد نص ساعة من الاشغال الشاقة

[ELSHAMY]

بعض الصور من تورونتو

[ELSHAMY]

أخوانى.....أخواتى الأحباء

السلام عليكم و رحمة الله...

الكدب خيبة....الحقيقة المرة دى وصلنا الى البيت فى لندن بسلام..

هالنى منظر و كمية التلج المتراكم فى الشارع و أمام جراج البيت...نزلت الشنط و حاسبت السواق...و شكرته...و ان كنت مش حأنسى له أبدا اللى عمله معايا فى الحلم....يلا المسامح كريم...

كانت الساعة حوالى خمسة و نصف فجرا....و الدنيا سكون....على باب البيت من داخل النافذة الزجاجية لقيت الأولاد معلقين لى

لوحات ترحيب...

Welcome Babi - We miss U مع شوية رسوم لقلوب و حاجات تانية لزوم مشاعر الحب اللى بيننا....

الجميل ان الباب كان مقفول....و معنديش مفتاح...و كله نايم...و غرف النوم بعيدة....و الجماعة حسب خبرتى نومهم تقيل حبتين....

ما علينا...بعد عدة محاولات صحيوا من النوم..... و كانت موقعة ترحيب عنيفة خصوصا من الجندى على و السيرجنت ندى....كانوا كلهم وحشونى جدا....أكتر من 3 شهور ما شفتهمش...أول مرة نغيب عن بعض كده...على و ندى فضلوا لازقين فيا على طول....كأنهم خايفين انى أهرب...أو أختفى تانى.... ساعات كتيرة الأطفال لا يقدروا على استيعاب الفراق مهما كانت مبرراته...بنتى كانت تبكى فى التليفون لما سافرت فى المرة الأولى....خصوصا لما كنت أقول لها ان أنا بأعمل كده عشانهم و ان دى تضحية كبيرة منى أنا قبل ما تكون منهم....واذا كانوا هم مفتقدين فرد واحد اللى هو انا....فأنا على الجانب الأخر أفتقدهم جميعا....فكان بكاءها يزيد و هى تقول : عشان كده أنا أبكى لأنك انت اللى صعبان عليا....

مرت الأيام الأولى فى لندن فى سعادة أسرية كبيرة...و بدأ الصداع من تانى بعد ما كنت نسيت مشاكلهم و طلباتهم....لكنه صداع محبب الى النفس و مشاكل كنت أفتقدها و أفتقد مناقشة طرق حلها معهم....

قمت بأيجار سيارة فان استعدادا للذهاب الى تورونتو لحضور المؤتمر الاسلامى الكبير المنعقد من 26 – 28 ديسمبر تحت عنوان "اعادة روح الاسلام"..... كلنا كانت تملأنا حماسة كبيرة للقيام بهذه الرحلة....كانت فرصة عظيمة لن تتكرر مشاهدة هذا التجمع الاسلامى الكبير و هؤلاء المتحدثين الذين جاءوا من كل مكان فى العالم....و منهم علماء و دعاة كنا نراهم فقط على شاشات التلفزيون....عمرو خالد – طارق سويدان – حمزة يوسف – و الفنانة المعتزلة حنان ترك و غيرهم....حوالى 16 متحدث...

مرت الأيام سريعا و جاء موعد الذهاب الى المؤتمر...كان يوم جمعة...و كنا سنذهب فى صحبة أصدقائنا اللى تصادف وجود والدهم صديقى فى لندن فى نفس وقت وجودى هناك.... حضرنا السيارات و السندوتشات و خرجنا 8 صباحا فى طريقنا الى تورونتو...

كان يوم الجمعة 26 ديسمبر هو موعد ال Boxing Day و هو يوم بداية الاوكازيونات و التخفيضات الموسمية السنوية فى عموم كندا و أمريكا....تخفيضات جبارة...تحتاج منك دراسة متأنية بحيث تنشن على سلعة معينة أو مجموعة سلع نفسك فيها...و تصحى الفجر و تروح ترابط أمام المحل المنشود ...و أول ما يفتح تجرى على المكان اللى انت عاوزه...و قد يكون نصيبك كام بوكس فى وشك من الزباين التانيين.....عشان كده سموه ال Boxing day

كان صديقى عاوز كام حاجة و قر اننا نروح متجر WALLMART فى تورونتو قبل بدء المؤتمر.....كانت فعاليات المؤتمر حتبدأ بعد صلاة الجمعة....

هل استطاع صديقى الحصول على مراده ؟....

يتبع

اظن انه حصل عل كام بوكس حلويين في وشه....بدل مراده ده...

صح المرة ده بقي يا دكتور.......

حنمشيها صح المرة دى فقط لأنك صعبتى عليا...

هو الحقيقة لم ينل مراده....بس برضه لم يأخذ أى بوكس.....

انتظرى الجايزة بتاعتك...بس فكرينى لو نسيت أبعتها...

[ELSHAMY]

بوكس ايه وبتاع ايه ؟؟؟ هو احنا بتوع الكلام الفاضي دة ؟؟

الناس دي مرفهة يا دكترة مالهاش في فن الطوابير والزحام زي عندنا في مصر ؟؟ دة احنا نقطعهم

هية طاسة محترمة في ايدك واللي تقابله في وشك السعوا واحدة في ام رأسة او اعمل مناخيرة اومليت واللي بعده واللي بعده

وارفع الراية يا حاج فوق البضاعة وخلصنا وتبقي فتوة الماركيت bsh:)

حلووووووووووووووووووووووووووووة

عرفت دلوقت ليه ما كانش فيه تخفيض على الطاسات....

بأفكر أديك دور فى القصة القادمة......

[ELSHAMY]

هذا هو شكل الثلج أمام البيت عند وصولى....

تسجيل متابعة واعجاب بحضرتك والله أنا متابع فى سكون مش عاوز أقطع حبل أفكارك

حلو حكاية الحبل دى ...................

بمناسبة الحبال والعدد............. يا باشا انت البيت الى فى الصورة دة لو بيتك...........

بقى حضرتك عايز 10 ردالة من عند أخونا جناوى دول مداومين عدل أمام البيت وملهمش شغلة غير يقعدوا طول اليوم يشيلوا التلج

وحضرتك بالصلاة على النبى كدة ( رايح جاى تعمل لهم جهوة وشيشة :blink: )

دة انت عاوز دبابة تفتح لك با ب الجراش :blink:

سؤال هو الواحد لو فوجئ الصبح انة مش عارف يفتح با ب البيت علشان يروح الشغل يعمل ...... اية؟؟؟

مجرد سؤال ............................؟؟؟؟؟؟؟؟؟؟؟؟؟؟؟؟

بسيطة ...عندك حل من اثنين يا تنط من الشباك......يا ما تروحش الشغل....

من ضمن المشاكل كمان ان باب العربية يعلق من السقعة و ما يفتحش......هنا بقى ميزة ان يكون عندك جراج...

[ELSHAMY]

تسجيل متابعة واعجاب

كمل يا دكتور كمل :blink:

وبلاش حكاية الجوائز دي أحسن تطمع الناس فيك

شكرا لمتابعتك أخى نور

[ELSHAMY]

هاقولك يا دكتور تعمل ايه في التلج ده

ازرع مانجا وشيكولاتة وفانيليا قدام البيت في الصيف

في الشتا هتطلع آيس كريم

باحب كتابتك اوي

كمان احبك في الله

أخى أحمد....أحبك الذى أحببتنى فيه

[ELSHAMY]

أخوانى....أخواتى الأحباء

السلام عليكم و رحمة الله

كانت الثلوج تتساقط طول الطريق الى تورونتو و الذى يستغرق حوالى ساعتين....بس حركة المرور سالكة...و اللوحات الارشادية المضيئة طول الطريق تكتب لنا حال الطريق أمامنا و الطرق البديلة اذا كان هناك ازدحام....

وصلنا الى المتجر المنشود فى تورونتو....طبعا كان صديقى واهما ...كل شىء شطب على الساعة 7 صباحا وبقيت شوية بضاعة فى الهجايص...

توجهنا الى مقر المؤتمر و كان فى قاعة كبيرة جدا تسمى Convention Center بجوارCN Tower و هناك تذكر الشامى موقعة البرج الشهيرة...... و ترحم على الشهداء..... ووضع عليهم أكليلا من الزهور ....

كانت طبعا فرصة عظيمة عشان الشامى يلم ايراد البرج عن ال 3 شهور اللى فاتوا....أهى حاجة تسد فى تكاليف المعيشة....

مركز المؤتمرات كانت مساحته مهولة...أربعة أدوار...و كان من الواضح أن التنظيم على أعلى مستوى.... حاجة تفرح حقيقة أن يستطيع مجموعة من الشباب المتطوعين أن يقوموا بمثل هذا التنظيم الرائع....لم يتركوا شىء للصدفة....اهتمام بالغ بأدق التفاصيل.... اجابات جاهزة لكل ما يخطر ببالك من الأسئلة.....أماكن للأطفال من سن 0 – 4 سنوات مع وجود مشرفات.... قاعات ألعاب للأطفال من سن 4 – 7 و أخرى من سن 7 – 11 نصفها للبنات و نصفها للأولاد.....

عند الوصول توجد مكاتب لتسهيل تسجيل المشاركين عن طريق النت....تتسلم فورا بادج يعلق على الصدر بأسمك....مع أسورة مصنوعة من مواد لا تتأثر بالمياه حتى لا تخلعها طوال فترة المؤتمر....و يكفيك اظهارها للمشرفين عند الدخول حتى يسمحوا لك...منتهى السلاسة...

شنطة المؤتمر كان بها كثير من النشرات و البرامج التى تتم على هامش المؤتمر....

يوجد أيضا قاعة ضخمة لسوق أو ما يسمى بازار تعرض فيه مختلف المنتجات ملابس – طرح – عبايات – كتب – شرايط – أجهزة كمبيوتر و عشرات المنتجات الأخرى.....كما يوجد مكان كبير لبيع المأكولات الحلال طبعا ...مع قاعة طعام ضخمة... أيضا يوجد قاعة كبيرة للتسلية بين المحاضرات تقدم فيها بعض الأناشيد و النشاطات الأخرى....

حتى الجراج أعطونا كارت مع تخفيض خاص طوال أيام المؤتمر...

الخلاصة موضوع ضخم و جهد مشكور و مثال جيد جعلنى فخورا بأنى مسلم............. مثلهم....!

القاعة الرئيسية للمؤتمر كانت تتسع لعشرة ألاف شخص....عدد المشاركين هذا العام فاق ال 15 ألف شخص.... كان من الواضح أن المؤتمر يجمع جنسيات العالم كلها...أتوبيسات قادمة من مونتريال ولندن و المدن الأخرى.... و رحلات تم تنظيمها من أمريكا.... شعور رهيب بأن الاسلام و قضيته أكبر بكثير من ضيق الأفق الذى قد نتسم به أحيانا....هنا مسلمون من كل حدب و صوب... أفكار و مذاهب متعددة...جمعهم حب الله و رسوله فقط...لا مكان لخلاف أو تنابذ.... الأمر أرقى من أن يدنس بخلافات عرقية أو مذهبية.....

يذكرنى هذا بملاحظة زكية أبداها الشيخ / حمزة يوسف خلال أحد محاضراته فى المؤتمر و هو أمريكى من كاليفورنيا أسلم منذ سنوات و جاب العالم داعية و فقيها....قال : يا أيها الناس عن أى خلافات تتحدثون.....كنت قبل أسلامى أحترم الجميع لا أعرف سنيا من شيعيا....أأفعلها الأن بعد أن من الله على بالاسلام و أصبح الجميع أخوانى....؟؟!!

كرنفال أزياء و أفكار عز أن تجده فى مكان أخر....يعطيك دفعات أيمانية و يخرج منك طاقات و طاقات و يجعلك تستصغر ما كنت تظنه يوما خدمات قدمتها لدينك....هؤلاء الناس نصفهم لا يتكلم العربية...نشأوا فى كندا أو أمريكا....و تراهم فى غيرتهم على دينهم أعلى من كثير من غيرهم فى بلاد العرب....أفكارهم طموحة لا حد لها...نشأوا فى بلاد تحترم الرأى و الفكر و حرية الدين....

وبدأ المؤتمر....

يتبع...

[ELSHAMY]

أخوانى..أخواتى الأحباء

السلام عليكم و رحمة الله....

ملاحظات و انطباعات من المؤتمر:

- بداية كانت صلاة الجمعة و كان الخطيب شيخ/ زيد شاكر..... أمريكى مشهور جدا فى كندا و أمريكا....له مؤلفات عديدة....سعة أفق و فهم ما شاء الله عليه....لم ألاحظ فى البداية انه غير عربى من قوة تمكنه فى اللغة العربية و القرأن ....

- أمتلأ المكان المخصص للصلاة بالألاف من المصلين....الخطبة كانت بالعربية و الانجليزية...

- فعاليات المؤتمر كانت تبدأ فى العاشرة صباحا....و تنتهى فى منتصف الليل....و الغريب ان الحضور فى كل المحاضرات كان مكثفا....لا يوجد كرسى فاضى....بل لا يوجد مكان لقدم......شاشات كبيرة كانت تنقل الأحداث لجميع من فى القاعة....اذا كنت فى أخر القاعة الضخمة فانك تكاد لا ترى منصة المحاضرين ....

- كانت المحاضرات مجدولة بحيث تكون بين أوقات الصلاة ... وظهر من عدد المصلين الذين يصلون قصرا و جمعا أن هناك عدد كبير من الحاضرين من خارج تورونتو...

- الغريب أن حوالى 60 – 70 % من الحضور سيدات و فتيات... قمة فى الرقى و الذوق و أخلاق الاسلام...و كمان فى الشياكة و حسن المظهر..... تأثرهم بالمحاضرات غير عادى....كثيرات منهم كن يبكين تأثرا....قلوب عطشى للاسلام و تعاليمه....

- الشباب و الشابات القائمين على التنظيم كلهم متطوعين....باب التطوع للعمل فى المؤتمر اتقفل قبل المؤتمر بشهر.... كانوا على أعلى مستوى من التدريب للترحيب بالناس و تنظيم الأمر...مع صعوبة السيطرة على 15 ألف انسان....

- من أجمل الفقرات فقرة أناشيد اسلامية قدمها شاب سويدى مسلم..... صوته رائع و تفاعل معه جموع من الشباب ...أتارى له شرايط و مشهور جدا هناك... سويدى سويدى يعنى أصلى مش مضروب...

- دكتور طارق سويدان.....قمة فى التمكن من اللغة...و حسن التحضير...و عمق المحاضرات.....يعرف كيف يشد انتباه الحاضرين بأسلوبه الجميل.....

- الأستاذ عمرو خالد كان بحق نجم المؤتمر الأول....سوبر ستار فعلا....شعبية جارفة وسط الشباب و الكبار....أستقبل استقبالا حافلا...و كانت محاضراته على مستوى الحدث مركزة و موجهة بتعاليم محددة عن واجبات المسلمين فى كندا خاصة و فى المهجر عامة.... مع نصائح جميلة لوجوب حسن التعامل و التفاعل مع المجتمع الكندى....مع التركيز على الهدف الرئيسى و هو اجبار المجتمع على احترام المسلمين بالمشاركة الفعالة و التراحم و اظهار أخلاق الدين...و الاندماج الفعلى عن طريق التبرع لعمل الخير و التطوع فى كل أنشطة خدمة المجتمع...

- الفنانة حنان ترك كانت مقنعة جدا و هى تحكى تجربتها مع الحجاب و الالتزام....الحقيقة تأثيرها كان كبيرا على الفتيات و السيدات....فندت حجج الشيطان التى ساورتها فى رحلتها الايمانية...و كانت مثالا جيدا ببساطتها و تلقائيتها فى التعبير

- أول أيام المؤتمر تزامن مع العدوان الأثم على غزة....

الأخبار عرفناها من التليفزيون فى الفندق....طبعا محطات ال CNN و FOX و المحطات الأخبارية الكندية لا تنقل الصورة كما نراها نحن فى بلادنا.....يعنى الأخبار الموجهة الى كندا و أمريكا الشمالية غير اللى بنشوفها عندنا....و مع هذا كانت الأخبار الأولية مروعة..... و قام الدكتور طارق سويدان بتعريف الحضور ببداية المجزرة..... كان الغضب فى أرجاء المؤتمر كبيرا..... و مع توالى الأخبار و تزامن ذلك مع الروح الهائلة التى يتشبع بها من حضروا المؤتمر كنت تشعر أن هناك بركان يغلى فى القلوب....و هذا فى حد ذاته أقوى من مائة محاضرة عن الجهاد و تأججت روح الانتماء للدين و الانسانية مع الصور المروعة التى كنا نراها....

- أعلنت هيئات الأغاثة الانسانية العالمية عن توجيه كل أنشطتها للتخفيف عن أهل غزة....و فى النصف ساعة الأولى بعد معرفتنا بالأخبار تم جمع 120 ألف دولار فقط من جيوب الحاضرين فى القاعة.....

- من أكثر الفقرات تأثيرا كانت تلك التى قام فيها المحاضرين بتلقين المسلمين الجدد الشهادة أمام الحضور....خمسة من الكنديين بينهم فتاة أسلموا خلال أيام المؤتمر.....منظر كان مؤثرا جدا أبكى معظم الحاضرين من الفرحة....

- أهم شىء فى الموضوع هو فرحتى برؤية تأثير هذا المؤتمر على فكر و نظرة الأولاد للأمور......نقلة نوعية رهيبة.... عرفوا أن دينهم عظيم...و أن غيرهم بالأف يحبون هذا الدين....و يتكلمون نفس اللغة....يشعرون بنفس المشاعر .... و يتضامنون عند المصيبة الواحدة....ليس أدل على ذلك من حديث الرسول صلى الله عليه و سلم قبل 14 قرن من الزمان:

" مثل المؤمنين فى توادهم و تراحمهم كمثل الجسد الواحد اذا أشتكى منه عضو تداعى له سائر الأعضاء بالحمى و السهر".... صدقت يا رسول الله....

فى الحلقة القادمة....لقاء الشامى مع المهندس ايهاب سالم لأول مرة....

و شجاعة الجيوش الشامية فى مظاهرات تورونتو..

ملف مدعم بالصور....

[ELSHAMY]

من أجمل ما حدث خلال هذه الرحلة مقابلتى مع أخى الفاضل مهندس أيهاب...شخصية جميلة...خدومة...متفائلة....ربنا يبارك له فى عمله و أسرته

هذه الصور لأول مرة على الفضائيات...

ملحوظة: المهندس ايهاب هو اللى قاعد فى النص.... :lol:

[ELSHAMY]

صور من المؤتمر

مكان انعقاد المؤتمر ...

[ELSHAMY]

احدى القاعات الخاصة بأماكن غرف الأولاد و جليسات الأطفال

أساور اليد

أحد أماكن التسجيل

الجزء الأمامى من القاعة الرئيسية دقائق قبل بدء المؤتمر

الجزء الخلفى من القاعة...10 ألاف كرسى

[ELSHAMY]

عند الخروج من القاعة

أثناء أحد الصلوات

المنشد السويدى

تم تعديل 14 يناير 2009 بواسطة ELSHAMY