الشامى رجع من كندا يا رجالة

[مجبورة انشاء الله]

السلام عليكم

اغزاء المتواجدين انا قمت بعمل المقابلة يوم 30 أكتوبر في القاهرة وكانت جولستينا هي الممتحنة وكانت حادة جدا في كلامها حيث بدأت المقابلة بالسؤال ومناقشة جميع الوثائق وكان معي 3 شهادات خبرة أثتين في مجال السكرتارية بحوالي 5 سنوات و الثالثة في مجال الخدمة الاجتماعية علما بأنه مجالي في الدراسة حيث أنني أخصائية اجتماعية ولكنها للاسف رفضت الشهادتين الاولتين وذلك بان الاولي تحمل ختم الشركة فقط ولا يوجد عليها توقيع ورفضت الثانية حيث ان تاريخ انتهاء العمل لم يثبت فيها واحتسبت الثالثة فقط في مجال الخدمة الاجتماعية وكانت بها حوالي سنتين ونص خبرة وللاسف لم تحتسب سوي درجات اشهادة الاخيرة وانقصت درجات السكرتارية وسأتتني بعض الاسئلة عن عملي وعن أسباب الهجرة وعن عملي في كيبك وبعد ذلك اتجهت الي زوجي وسالته عن ملفه واوراقه وسألته عن شهادات الخبرة وعندما قرأتها شككت في صحتها وقالت له انت الذي قمت بعملها

وذلك لان ترجمة الشهادتين كانتا بصيغتين متشابهتين جدا وفارتبك زوجي من هذا الموقف لانه اصبح شبه اتهام ولكن زوجي اصر انه لم يقوم بعملها والذي قام بكتابتها السكرتارية في العمل وذلك بالصدفة أن الادارة في الشركة القديمة هي نفسها الادارة في الشركة الحالية ومع ذلك لم يغير زوجي اي شئ من كلامة وأصر على موقفه وسألته اسئلة كثيرة عن عمله وعمله في كيبك ومعلوماته عن كيبك وكثير من الاسئلة علما بانه ليس المقدم الرئيسي وبعد ذلك تحدثت كتيرا ثم طبعت اوراق وجمعت الدرجات امام اعيننا حيث كان مجموع الدرجات 71 درجة وبعد ذلك جعلتني اوقع على شهادة اقرار الزمة المالية ثم سألها زوجي هل نحن مقبولين فقالت لا وانهت المقابلة وفي أثناء المغادرة وهي تصحبنا للخارج قالت لي لو هتسافر كيبك لابد ان حسني مستواكي في اللغة الفرنسية وانتهت المقابلة على ذلك أرجو الافادة أرجو

وبرجاء من الاخوة الاعضاء الافادة في ذلك ولكم جزيل الشكر

[ELSHAMY]

ارجو من الاخ الشامى الرد على ااسفسارى بعد قرات التعليق فوق

وذلك لخبرتك وقدمك فى المنتدى وشكرا

الأخت مجبورة

الموقف ملىء بالمتناقضات....فكيف تجعلك توقعين اقرار الذمة المالية و تنصحك بتحسين اللغة الفرنسية ثم تخبركم أن نتيجة المقابلة هى الرفض...

هل هذا يعنى اعطاؤكم فرصة أخرى..الحقيقة الأمر ملتبس...

انتظرى ردهم الرسمى على المقابلة...

وفقكم الله لما فيه الخير

[ELSHAMY]

دكتورنا الغالي وكعادتك الجميله امتعت الملايين من المعجبين

لااجد كلمات اشكرك بها على مجهودك ووقتك الجميل اللي قضيته معانا

وفقك الله لما يحبه ويرضاه

مييييييييييييييييييييدووووووووووووو

انت فين يا رااااااااااااااااااااجل...

شكرا لمتابعتك...استمتعت بصحبتك...

تحياتى

[ELSHAMY]

د/الشامي

بالرغم من ان دي اول مداخلة لي في التوبيك بتاع حضرتك ألا اني كنت متابعك من زمان و مستمتع جدا باسلوبك الشيق الرشيق

و بستفيد جدا من اللي بتكتبه من خبرات عملية ..... يمكن كنت حاسس اني مش حقدر اضيف شيء قدام طوفان مداخلات المحبين و المعجبين بيك ولهم الحق في ذلك...

لكن انا حبيت اقول لك ان في ناس زيي كتير بتحبك في الله و تتمنالك الخير بظهر الغيب ليك و لأسرتك و يجمع شملكم عن قريب انشاء الله....

لكن في النهاية لا أجد مناصا ( لا مؤاخذة في دي الكلمة اصل عاجباني قوي) من اني اسجل اسمي في قوافل المعجبين .. منتظرين منك تكمل المسيرة و تتحفنا قريبا بسلسلة جديدة من ابداعاتك

د/الشامي

شكرا وفقك الله لما يحب و يرضي

أخى الفاضل negmo

أنا زعلان منك....ليه تكتم ايمانك طول الفترة دى ؟ ....انا نفسى أتعرف على أكبر قدر من أخوانى القراء...

و الله هذا فى رأيى من أهم المكاسب و هو حب الناس...

أنا سعيد جدا بمداخلتك ..

[ELSHAMY]

د. الشامي

فصعب يعرفو انا سافرت إمتى

وربنا يسهل

ومعلش سؤال تاني

بالنسبة لكارت الإقامة الدائمة هل هو مجرد كارت تستخدمه داخل كندا

أم أنه مثل الدول الإروبية وثيقة تشبه جواز السفر يمكن إستخدامها في السفر ؟؟؟

أخى العزيز

مش صعب يعرفوا لأنه ببساطة بمراجعة أختام باسبورك حيجدوا ختم دخول للدولة التى سافرت منها و هى مصر عند عودتك من كندا....

كارت الاقامة ليس وثيقة سفر و لكنه اثبات رسمى انك مقيم بشكل شرعى فى كندا و لكنه لا يستخدم بدلا من الباسبور...

تحياتى

[ELSHAMY]

اشكرك اخى الشامى الرد واشكر كل الموجودين واهتمه دعواتكم لينا بالقبول

يمكن تكون اول مرة اتكلم فيها معكم بس انا متابعه كل المعلومات والاستفسارات واستفدت منكم بس ماكنتش عارفة اسجل فى المنتدى والحمد الله اتوفقت ولكمنى كل التوفيق للجميع

الاخت الفاضلة مجبورة ان شاء الله

أهلا بك وسط اخوانك و اخواتك....و تحت أمرك فى اى استفسار...

تحياتى

[ELSHAMY]

السلام علكيم

مرحبا لكل المتواجدين

دكتور الشامى

انا عن طريق المعارف قدرة اعرف ان المدام اللى عملت معنا المقابلة عملت مع ناس زى ماعملت معنا يعنى كدة من الواضح شخصيتها كدة ادعى لنا بالنجاح وربنا مع اللى ح يقابلها بعدينا

ان شاء الله خير...

طمنينا على الأخبار لاحفا و بالتوفيق

[ELSHAMY]

واللة ذى ماقال الاخ نجمو فية ناس كتير متابعة حضرتك بصمت ربنا يكرمك يادكتور ويلم شملك باسرتك على خير ويجازيك خير على ماقدمتة لنا من مساعدات معلشى انا عندى سؤال هو اكيد ان الفيش والتشبية بيقدم مع الفيدرال لان لو دا صحيح حيعطلنا كتير فى تقديم الفيدرال لان زوجى حيطلعة من السعودية وامريكا ومصر احنا جيلنا تقديم الفيدرال على ابو ظبى دعواتك

الأخت الفاضلة ايناس

الحقيقة انا مش عارف انتم فى أى مرحلة....لكن يمكنك تحضير أوراقك قبلها ...الله يعينك..

[ELSHAMY]

اصبحت مدمن موضوعك

اول ما ارجع من الدوام

افتح الكمبيوتر محاورات المصريين الشامي رجع من كندا يا رجالة بعد كده الغداء واكمل تصفح الكمبيوتر

ربنا يكرمك

ولكن لي تعقيب ولا تزعل مني للتدخل ولك الحرية بلاجابة او السكوت

اليس من الخطا ان نبتعد عن اسرتنا الصغيرة حتي ولو اسبوع ؟ انا طبيب واعلم ان عمل الاطباء غير متاح بسهولة بكندا وخصوصا اونتاريوا وستبدأ الطريق بعد الكثير من المعادلات وامتحانات اللغة ويمكن تبدا من اول الطريق بالنايبة ؟وممكن تعمل تخصص غير تخصصك ؟ كيف يعيش المرأ بدون اسرتة وكيف هم يعيشون بغيرة ؟ انا رأي لنروح كلنا لنقعد كلنا شروة واحدة حتي لو هعيش علي شغل بسيط واعانة؟

مرة اخري اسف للسؤال البايخ ويمكنك الا تجاوب .......واسجل اعجابي الكامل لشخصك واسلوبك ......

شكرا لك أخى الفاضل

عندك حق طبعا و من قال لك انى راضى تماما عن هذا الوضع....

لكن الشغل البسيط و الاعانة فى حالتى لا يكفون للحياة الكريمة....

أنا مستعد جدا و منفتح لعمل أى شىء ....لكن بسبب ان حضرتك لم تذهب هناك و لم تعرف ما أعرفه عن سوق العمل قد تظن ان الامر سهل....

أنا أول من سيكون معك اذا عرفت لى مجال أسد فيه حاجة الاسرة بالكامل....و الى هذا الحين ليس فى الامكان أحسن مما كان...

شكرا على نصيحتك...

تحياتى

[ELSHAMY]

أخوانى...أخواتى

السلام عليكم و رحمة الله

اليوم - عذرا - سنخرج قليلا عن السياق الزمنى للقصة و ندخل مؤقتا للحديث عن أهم ما يميز كندا ..و هو موضوع التعليم...

حلقة اليوم شيقة جدا...و هى مهداة للسادة مسئولى وزارة التربية و التعليم. smk: ..يمكن يعرفوا ليه كندا أصبحت الأولى فى التعليم على العالم...و احنا مش على الخريطة أصلا...اذا كان الأمر يهمهم... :lol:

يشمل مصطلح الهاى سكول (4سنوات دراسية) يعنى الأطفال ابتداءا من الصف التاسع و حتى الصف الثانى عشر...

خلال هذه المرحلة يدرس الطالب 32 مادة مختلفة بواقع 8 مواد دراسية كل عام على حدة...

كل عام دراسى بيكون 2 سيمستر...يعنى 4 مواد فى كل سيمستر...

سهلة دى...؟

يختار الطالب المواد التى يحب أن يدرسها على مزاجه...و خد بالك من "يختار" دى...لأن ذلك بيتم حسب ميول الطالب و رغباته و تطلعاته المستقبلية...يعنى مثلا الطالب غير مجبر مثلا انه يدرس مادة التاريخ اذا كان ميوله فى الأخر أنه يدرس طب....ليه نعكنن عليه و على عيلته اذا كانت ميوله مش تاريخية...

يجلس الطالب فى أول أيام الدراسة مع مسئول أو مسئولة توزيع المواد الدراسية و يتم اختيار المواد المرغوبة بحرية تامة مع بعض النصائح اللطيفة من المسئول حول اختيارات الطالب و ماهية المواد التى سيدرسها حتى لا يفاجأ بمكونات فى المنهج غير متوافقة مع اسم المادة التى اختارها للدراسة...

و كمان مع معرفة رغبة الطالب فى المستقبل يتم مساعدته فى اختيار مواد أخرى قد تكون مكملة لأختياراته...

و هناك مواد كنا نظنها ترفيهية كمادة الألعاب الرياضية و الموسيقى و الدراما و الفنون....الا انها تعامل بنفس الجدية التى تعامل بها المواد الأخرى و لها نفس الدرجات فى التقييم النهائى....

و يبقى أن المطلوب من الطالب قضاء عدد معين من الساعات الدراسية فى كل مادة يختارها...و يتم تقييم الطالب بامتحانات دورية مع مراقبة شديدة لتقدمه فى المادة المختارة و استيعابه لها خلال كامل فترة الدراسة...و قد يتدخل مدرس المادة و ينصح بعدم ملائمة ميول الطالب لهذه المادة اذا لاحظ عدم قدرته على التجاوب...و ساعتها يتم اخطار الأهل و الطالب بذلك ليتم احتيار مادة أخرى بديلة....

أيضا من حق كل طالب بنفسه أن يغير فى اختياراته حسب قبوله للمادة بعد بدأ الدراسة...فقد يرى الطالب أن اختياره لم يكن دقيقا و أنه مش مرتاح للمادة...للمدرس ...لزملائه... للكرسى اللى قاعد عليه :blink: ....أى شىء .....فيكون من حقه تغيير هذه المادة فى الأيام الأولى للدراسة...

طبعا لكل مادة مدرس و فصل خاص لتدريس هذه المادة... و يتحرك الطلبة الى مكان الفصل وليس العكس ...يعنى الفصل و المدرس ثابتين و يقوم الطلبة بعد كل حصة بالذهاب الى مكان الحصة الجديدة...

لكل فصل طاقة استيعابية...يعنى لازم كل طالب يكون محضر المواد اللى حابب يدرسها و يحجز مكان بدرى قبل بدء العام الدراسى...

فى حالة الطلبة اللى حضروا متأخرين (زى حالاتنا)...فان الست المسئولة قامت بكل ود و تفهم لظروفنا كمهاجرين جدد بأن تم استثناءنا من ذلك و قام الأولاد باختيار المواد التى يرغبوا فى دراستها براحتهم...بل أكثر من ذلك ذهبت معنا بنفسها لكل مدرس تستأذنه (مش عايز أقول تؤمره) انه يقبل طلبة جداد عنده حتى لو كان استكفى...

ناس ذوق...ذوق...ذوق...

الفصل مساحته مهولة...و هناك حرية للطلبة فى الجلوس على طاولات متفرقة دائرية منتشرة فى مساحة مفتوحة...و يجلس الطلبة فى مجموعات نقاشية...تدار فيها المناقشات بحرية تامة....و يترك للطالب فيها المجال للتعبير عن أراؤه...و هى فى الوقت ذاته فرصة يقتنصها المدرس لوضع تقييم للطالب دون أن يشعر عن مدى فاعليته فى الصف و اشتراكه فى المناقشات و قدرته على الخلق و الابداع كذلك اعتماده على نفسه...

الفصول التى يكون بها جزء عملى فى الدراسة تحتوى على أحدث الأجهزة للتدريب و التطبيقات المختلفة...

طبعا ناهيك عن الفصول الخاصة بمهارات معينة...و المكتبة الكبيرة...و ورش العمل و المعامل و معامل الكمبيوتر.... و غرف الموسيقى...و المسرح...و الصالة المغطاة للألعاب الرياضية و هى بحجم ملعب كرة السلة....و المطعم..و المتحف...و صالة الكئوس و الدروع التى حصلت عليها فرق المدرسة...

المدارس هنا ليس لها سور ...سور ليه ؟ مافيش سور عشان مافيش حد حينط من عليه و يزوغ....ثم يزوغ يروح فين...عدم حضوره للفصل يسجل عليه و بالتالى يسقط تقييمه فى هذه المادة....و هو الخسران...

معظم المدارس محاطة بكمية خضرة غير عادية...مدرسة بنتى محاطة بملعب كرة قدم...و ملعب كرة قدم أمريكية...و 8 ملاعب تنس...

الحصة الواحدة مدتها 75 دقيقة...و يكون يوم الطالب عبارة عن أربع حصص بينهم فترة راحة و غذاء مدتها 75 دقيقة أيضا يمكن خلالها للطلبة الخروج من المدرسة حتى الى البيت و العودة.

يستلم كل طالب فى بداية الدراسة دولاب خاص به (لوكر) يضع فيه كل احتياجاته عشان مش لازم يشيل على ضهره شنطة كبيرة....و ياخد معاه فى البيت الحاجات فقط اللى يحتاجها لمراجعة مادة معينة أو عمل مشروع على الكمبيوتر أو ما شابه...

لا يوجد زى مدرسى معين...

كل ما سبق ذكره مجانى...ماعدا 5 دولار تمن القفل بتاع اللوكر و 25 دولار تمن الصور التى ستلتقط للطلبة خلال الدراسة و كارنيه المدرسة....استغلال فظيع.. bk:

بمناسبة الصور...مسئولة المدرسة جاءت لتستأذن اذا كنا لا نمانع ان يظهر الأولاد فى الصور الجماعية خلال المباريات و المناسبات المختلفة التى يقوم التليفزيون و الصحف بتصويرها فى المدرسة...كوميديا و الله...

لسه الموضوع فيه كلام تانى

حد عنده سؤال...

ياالله امال الى احنا كنا فيها دى اية دى مفيش تعبير يصلح ان نطلقة عليها متابعين والله يا دكتور الشامى ربنا يكرمك انت والأسرة والأولاد :)

أخى حازم

شكرا على المتابعة

[ELSHAMY]

وأسعد الناس ما بين الورى رجل...............تقضى على يديه للناس حاجات

لا تمنعن يد المعروف عن أحد ..................ما دمت مقتدرا فالعيش هبات

قد مات قوم وما ماتت مكارمهم ...............وعاش قوم وهم فى الناس أموات

تسجيل تحية ومتابعة واستمرار فى الدعاء

أجمل رد عليكى سيكون رد الملائكة " ولك مثله"...

يقول الرسول صلى الله عليه و سلم " الله فى عون العبد ما دام العبد فى عون أخيه "

خالص دعائى لك بسداد الخطى...و بلوغ الهدف..و رضا الله...

[ELSHAMY]

هذه صورة لندن منذ 3 أيام....ايه رأيك حتيجى و لا رجعتى فى كلامك..؟ :rolleyes:

أعتقد تيجوا فى الصيف حتكون ألطف شويه

ايه رأيك فى المدرسة الثانوية دى...

[ELSHAMY]

السلام علكيم

مرحبا لكل المتواجدين

دكتور الشامى

انا عن طريق المعارف قدرة اعرف ان المدام اللى عملت معنا المقابلة عملت مع ناس زى ماعملت معنا يعنى كدة من الواضح شخصيتها كدة ادعى لنا بالنجاح وربنا مع اللى ح يقابلها بعدينا

الأخت مجبورة

حاولت أرد علي رسالتك على الخاص لكن خاصية اسنقبال الرسائل لديك غير مفعلة.....

موضوع التغيير يجب استشارة أحد المشرفين فيه....يمكنك مراسلة أخونا سى السيد على الخاص....أكيد عنده حل..

تحياتى

[ELSHAMY]

الله يجزيك الخير دكتورنا الحبيب الشامي

الموضوع حي وسيبقى حي ان شاء الله

وفي حال خطر ببالك موقف او فائدة لا اظنك ستبخل علينا بايرادها

ولي هنا سؤال محدد لحضرتك لو سمحت

الا وهو هل تتوقع حضرتك انه من الممكن الحصول على 7 في كل اقسام الايلتس

فقد سمعت ان هذا صعب جدا فهل لك خبرة ما في ذلك او لاحد من معارفك

ارجو التفصيل في هذا ؟

كما اتمنى لو تحدثنا عن امكانية الحصول على عقد عمل لزيادة النقاط وآلية ذلك ؟

معليش دكتورنا العزيز عارف اني تعبتك بأسالتي

بس انا متأكد انك كريم وقلبك كبير :happy: :blink: :lol: wst:: :rolleyes:

شكرا لك مقدما

أخى كريم

موضوع الحصول على سكور عالى فى امتحان الايلتس صعب لكنه مش مستحيل....لابد من اعداد جيد جدا...

أنا شخصيا نجحت فيه من أول مرة و على ما أتذكر كان السكور بين 6 و 7

الحقيقة موضوع عقود العمل ليس لدى أى خبرة فيها....

أنا قلبى كبير فعلا مقاس XX Large

تحياتى

[ELSHAMY]

بس هما بيسبحوا ازاي في الزمهرير و -40 في كندا :lol:

زعلتنى منك يا أبو الشباب....فى أوروبا و الدول المتقدمة بيكون حمام السباحة فى قاعة مكيفة و بيسخنوا المياه...

صباحك عسل

[ELSHAMY]

الدكتور الشامى الف شكر على مجهودك الرئع فى كل حاجة كتبتها

امتعتنا بكل شى كتبتوا وافتدنا فى حجات كتير جدا

ومهما شكرنا فلن نوفيك حقق ولكن نسال الله ان يوفيك حقق

وعلى الرغم من وجودى فى كندا من حوالى 4 شهور الا انى كان نفسى اجى بعد محضرتك وصلت كنت استفت من حجات كتير انت كتبتها

واسمحلى ان اضيف شئ عن المدارس مش بس المدارس واسعة وجميلة بس عيزة اكلمكم عن سلوكيات المدرسين وتفهمهم بنتى فى جريت6 وفى حصة (pe)

فى السباحة لحظة المدرسة ان بنتى مغيرتش ونزلت حمام السباحة فسالتها لية منزلتيش مع زميلك قلتلها بنتى انها مسلمة وانها متقدرش تنزل حمام السباحة مع

الولاد فسالتها انتى بتحبى السباحة قلتلها اه وبعرف اسبح

فى حصة السباحة الى بعدها المدرسة قالت ان بعد كدة من الحصة الجاية ان الحصص هتتقسم بين البنات والولاد حصة للبنات هتسبح فيها وحصة للولاد يسبحوا فيها

مش عارفة اقلكم اية احساسى وامتنانى للمدرسة انهاتفهمت شعور طفلة عايزة تسبح واهتمت بيها معلش اطلت عليكم سلام .

الأخت shoshe

شكرا لمشاركتك و نسعد جميعا لو نستفيد من خبراتك و مشاهداتك...

تحياتى

[ELSHAMY]

ِشكرا د /الشامي

والله مجهود رائع ربنا يجازيك بكل حرف كتبته لنفع اخوانك.

تقبل تحياتي

أخى مهندس شريف

شكرا على دعائك... شرفتنى بمشاركتك

[ELSHAMY]

اخوانى...أخواتى

حسب طلباتكم اليكم بعض الصور من كندا....

صور من أوتاوا

أوتاوا كمان..و كمان

أوتاوا

مبنى البرلمان

و انتظروا المزيد...

تحياتى

[ELSHAMY]

أوتاوا كمان..و كمان

ربنا ينور عليك يا دكتو ر شامي

صور تخلي الواحد يجري يجيب لحاف لحافين يتغطى بيهم cld: cld: cld: cld:

بس بالنسبة للصورة دي <_< :o

هي زي ما انا فهمها ولا ايه ؟!

هو ده مثلا نهر ولا قناة وفي مركب واقف فيها وبحيرة متجمدة في الخلف !!!!!!!

بالفعل أخى كريم

هذه صورة لقناة فى أوتاوا تسمى قناة "ريدو".... و فى الشتاء تتحول هذه القناة الى أطول ممر تزلج على الجليد...

برافو عليك....تكسب 75 قرش..

[ELSHAMY]

الدكتور الشامى الف شكر على مجهودك الرئع فى كل حاجة كتبتها

امتعتنا بكل شى كتبتوا وافتدنا فى حجات كتير جدا

ومهما شكرنا فلن نوفيك حقق ولكن نسال الله ان يوفيك حقق

وعلى الرغم من وجودى فى كندا من حوالى 4 شهور الا انى كان نفسى اجى بعد محضرتك وصلت كنت استفت من حجات كتير انت كتبتها

واسمحلى ان اضيف شئ عن المدارس مش بس المدارس واسعة وجميلة بس عيزة اكلمكم عن سلوكيات المدرسين وتفهمهم بنتى فى جريت6 وفى حصة (pe)

فى السباحة لحظة المدرسة ان بنتى مغيرتش ونزلت حمام السباحة فسالتها لية منزلتيش مع زميلك قلتلها بنتى انها مسلمة وانها متقدرش تنزل حمام السباحة مع

الولاد فسالتها انتى بتحبى السباحة قلتلها اه وبعرف اسبح

فى حصة السباحة الى بعدها المدرسة قالت ان بعد كدة من الحصة الجاية ان الحصص هتتقسم بين البنات والولاد حصة للبنات هتسبح فيها وحصة للولاد يسبحوا فيها

مش عارفة اقلكم اية احساسى وامتنانى للمدرسة انهاتفهمت شعور طفلة عايزة تسبح واهتمت بيها معلش اطلت عليكم سلام .

لا ما هما بردة اهتموا بتعلمنا امال احنا زى الفل وعشرة على عشرة اهو ودكاترة ما شاء الله عليهم عوزين اى بلد يهجوا فيها المهم يبعدوا عن المحروسة وخلاص انا هحكى تجربتى عن مدرستى العظيمة الى كان لى الشرف واتخرجت منها طبعا دون ذكر اسمها او مكانها للمحافظة على سرية الموضوع واكفى على الخبر ماجور .

حبيبى الشامى مدرستى الابتدائية كانت زى مدرسة اولادك ربنا يحرصهم لكن مكنش لها صور مش عارف لية وبما اننى من سكان القرى لك ان تتخيل مدرسة بدون صور طبعا القرى مش عايش فيها بنأدمين وبس فية مخلوقات اسمها حيوانات اليفة يعنى واحنا فى الحصة ممكن تلاقى خروف فتح باب الفصل على الصبح و يسمعك صباح الخير على طريقة الخراف i*: وكل واحد وعلامة ولا مؤخذة اعزرنى يعنى دى وجهات نظر امل اية.

طبعا مش الخرفان وبس ممكن اثناء طابور الصباح الى كان كله هيبة واحترام وخصوصا اثناء تحية العلم والواحد تلقيه ساعت ما يقلوا تحيا مصر و الواد يرفع العلم :o تلاقى الواحد فى موقف مهيب ما يقطعة الا صوت مألوف : cld: :vian بردة بيحى العلم بس على طريقتة وفين مباشرة خلف التلاميذ عمار يا مصر.

ويا سلام لما ربنا يفتحه علينا الصبح بفوج من البط وهم سرحين كدة على الترعة لأن مدرستى كانت وخدة ناصية بحرى على الترعة طوالى cld: <_< .

طبعا من المناظر المألوفة ودة كل يوم كان بيحصل لأن المدرسة كان فيها شجرتين مساكين طلعين وشوية حشيش جنبها تجد اسراب الماعز وهى تعزف احلى الألحان cld: مش بقولك كان فى نهضة تعليمية واهتمام بالنشئ حلوة النشئ دى .

معرفش حد فيكم كان من الريف زى حلاتى وحضر عربية التغذية لما تيجى المدرسة طبعا دى مش كانت محتاجة لا مكرفون ولا حاجة تعلن عن موعد وصولها لانها عربية اربع رجول اول ما تطب المدرسة تسمع التحية cld: طوالى العيال لا محتاجة جرس ولا اذن ولا يحزنون كلة جرى بيساعد عم محمد بتاع التغذية ودة كان اهم شخص بنأسل عنة هو وحمارة و كانت له شهرة ودلال يا عينى علية الى ينول رضا عم محمد يخد لة حتت حلاوه طحنية زيادة او رغيف عيش & اصبحت من المقربين يا ابنى.

طبعا الحمامات غنية عن الوصف ومعروفة للجميع وبلاش اعكنن عليكم mf) لا فيها ميه ولا حمامات من اصلة وجه نظر بردة.

معزرة اخى الشامى انا معيش صور لمدرستى الجميلة دى ارفقة فى الموقع لان اعتقد الصورة خصارة فيها وحرام هفكرك بالعكننة ليه :sad:

أخى حازم

أحسنت الوصف و التعبير....موتنى من الضحك...

ربنا يصلح الحال..