الشامى رجع من كندا يا رجالة

[ELSHAMY]

بندحرج التماسى من مواطن اسكندرانى على كل الموجودين

وبشكر الجميع على مجهوداتهم العظيمة دى

وطبعا الشكر الخاص والتقدير للدكتور الشامى بطل مغامرات الشامى رجع من كندا يارجالة

واللى النهارة خلانى كنت هطير من الفرحة لما بعتله ميل انى فى جدة ولو هو لسه فيها أحب أكلمه

ولم أتصوراطلاقا انه بالسرعة دى ألاقى التليفون بتاعى قاعد يرقص(طبعا لانى كنت مشغل الفيبريشن)

الو مين معايا وافاجأ بالمتحدث يزف الخبر العظيم أنا الشامى

(الشامى بيكلمنى يارجالة)

بعد مافوقونى وشربت ييجى 3 لتر عصير ليمون وتمالكت أعصابى

مقدرش أقولكم الترحاب والمبادرة بتقديم المساعدة والذوق اللى فعلا اسرنى

من الدكتور الشامى وخلانى لازم أشكره رغم انى كنت ناوى انى معملش اى مشاركة قبل ماأقرا ال83 صفحة الاول

فعلا الدكتور الشامى انسان يستحق كل تقدير

:wub:

[ELSHAMY]

استاذنا د/ الشامي

انا مقصر والله انا عارف بس ما بجيش من زمان

انا مش بجامل والله وانا بقول ان الناس ماحبتش الموضوع ده ( كل المشاهدات والردود والتثبيت) علشان بس هو فيه معلومات عن كندا

لا ده علشان شخصية حضرتك الجميلة مخلياه جميل

ولهذا أطالب بفتح توبيك جديد او علي الاقل فتح المجال في التوبيك ده لأى افكار او معلومات

و شكرا

أخى الباشدكتور

شكرا لكلماتك و رأيك...

أقولها لك بكل صراحة ان لم أخرج من هذا الموضوع الا بدعوات اخوانى و أخواتى....و كذلك تعرفى على أمثالك من الأفاضل و الفضليات لكفانى هذا الأمر و أرضانى...

بالفعل أفكر جديا فى فتح توبيك جديد خارج موضوع كندا....و قد يكون عنوانه "مشاهدات من الحياة ".... ولربما يقربنا هذا الموضوع أكثر و أكثر من بعضنا البعض و نستفيد فيه من تبادل خبراتنا و مشاهداتنا...

شكرا على دعوتك...

و ياريت لو حد عنده أفكار غير كده يقولها...

تحياتى للجميع...

[ELSHAMY]

يانهار ازرق انا قريت 84 صفحة ده انا معملتهاش في 15 سنه تعليم

بس بجد والله موضوع اكثر من رائع ويجزيك الله خير يادكتور عن كل معلومه قلتها هنا وانا اصلا كنت قريت الموضوع وانا زائر وسجلت مخصوص أولا علشان اشكرك وثانياً انا كنت عايز اسألك سؤال مهم جدا بس لو أمكن يادكتور اميلك علشان في حجات شبه شخصية

اخوك أحمد_ دبي الشقيقة

أشكرك يا سيدى على كلماتك

تفضل يا سيدى:

melshamy@hotmail.com

[ELSHAMY]

[color="#800080"]الى كل أعضاء المنتدى الكرام و الأخ الشامى الجميل : أنا مقدم للهجرة فيدرال الى كندا و مر على سنة وأنا دائم فى عمل

الأستخارة.......ولكن لى عدة أسئلة

أرجو ان أجد لها أجابة :

أنا بكلوريوس علوم - قسم كيمياء - وأملك خبرة 16 سنة كلها فى العمل فى شركات أدوية عالمية فى قطاع المبيعات وهذه الشركات

لها فروع فى كندا فهل فرصتى جيدة فى العمل هناك - وماهو متوسط الأجور هناك بالنسبة لمهنتى المذكورة - وماهى نسبة الضرائب

المفروضة على المرتب - وهل أعتبر من المهن المطلوبة هناك علما بأننى عائل لأسرة تتكون من الزوجة و طفلين ولى خال يقطن فى

مونتريال ............ولكم جزيل الشكر . ...............................محدش بيرد ليه ياجماعة .............يادى النايبة لانكون مش مطلوبين

هناك

أخى الفاضل على

أكيد الأخوة شافوا سؤال حضرتك المنتشر فى كل المواضيع....و من عنده اجابة تأكد لن يبخل عليك بها....

لكن اسئلتك فيها شىء من الخصوصية الشديدة...., نحن هنا لسنا على هذا المستوى...و ممكن ما يكونش حد عارف اجابة لأنها فى رأيى أسئلة صعبة شوية.....ثم ان أهل الاختصاص ليسوا تحت الطلب و جالسين فى انتظار خريجى الكليات المختلفة ليعرفوا نسبة الضرائب على المرتب اللى حضرتك لسه حتاخده لما تلاقى وظيفة طبعا بعد ما يوافقوا لحضرتك على الهجرة و تيجى بالسلامة

....ممكن تكون الامور كلها اتغيرت...

ربنا يوفقك....الرزق على الله....و الصبر طيب...

تحياتى

[ELSHAMY]

اللهم صل وسلم وبارك على سيدنا محمد وعلى آله وصحبه ومن تبعه باحسان الى يوم الدين .

أسجل اعجابى بذكائك و سرعة بديهتك....

أنا يا أبو الشباب باحبك فى الله...

تحياتى

[ELSHAMY]

اللهم صل وسلم وبارك على سيدنا محمد وعلى آله وصحبه ومن تبعه باحسان الى يوم الدين .

أسجل اعجابى بذكائك و سرعة بديهتك....

أنا يا أبو الشباب باحبك فى الله...

تحياتى

أحبك الله الذي أحبتني فيه وجمعنا الله على حبه ان شاء الله

دكتور كلمتك دي (بجد) شرف كبير ليا lo::

يابختك يادكتورنا 'شاب مصري'

سبعه يظلهم الله تحت ظله...... صدق رسول الله

و انت كمان يا دكتور.....و لا تزعل...

ربنا يجمعنا تحت ظل عرشه يوم لا ظل الا ظله

[ELSHAMY]

السلام عليكم ورحمة الله وبركاته

سؤال مهم جدا يا دكتورنا الفاضل هل جميع القنوات الفضائية ممكن تدخل هناك ؟ مثل الناس والهدى والمجد الفضائية ؟؟؟

سؤال تاني : هل عيش أبنائنا فترة من حياتهم في بلاد حارة ثم الإنتقال لبلاد باردة جدا شيء عادي صحيا عليهم ، ربنا يحفظنا ويحفظكم وأولادنا جميعا من كل سوء ؟

مع تحياتي للجميع

الفاضلة أم بلال

و عليكم السلام و رحمة الله و بركاته

ما أعرفه هو وجود باقات من القنوات تختاريها حسب رغبتك و أعتقد لا يتعدى عددها العشر قنوات و انا اخترت باقة فيها أقرأ و المصرية و الجزيرة...حتى يبقى صوت عربى بالبيت....أعتقد أن القنوات الأخرى له اشتراكات خاصة...

موضوع التعود على الجو الجديد بيحصل بسرعة بدون مشاكل... خصوصا للأطفال....الحمد لله ما فيش مشاكل حتى الأن...

فين الدعوات اللى عودتينا عليها....؟

تحياتى

[ELSHAMY]

اخويا العزيز وحبيبي الغالي دكتورنا الشامي باشا.اتزر وبشدة عن تاخيري الشديد في المداخلة ولكن والله ماكان بقصدي الكمبيوتر بتاعي ياسيدي كان بايظ ومكنتش بعرف ادخل المحاورات الا كزائر. وبالتالي لا مشاركة ولا عرف حتى اشوف الرسائل الخاصة ولا اي حاجة. بالاضافة الى الاسبو اللي اخدتة شركة الصيانة عشان تظبط الجهاز.

المهم الحمد لله كلة تمام دلوقتي. تسجيل متابعة واجاب شديد ياريس. ربنا يديم حب الناس ليك. ويباركلك في اولادك. واتمنى ليك اجازة عيد سعيدة في كندا الشهر الجاي.

حبيبى سامح

بجد كنت قلقت عليك ....حمدا لله على السلامة....احنا ممكن نعمل جمعية و نشتريلك كمبيوتر بس أوعى تغيب تانى...

كلماتك وسام على صدرى....

خالص ودى و تقديرى

[ELSHAMY]

الى الاخ العزيز الدكتور الشامى سؤل انا عرفت منك اجابته ولكن لكى يطمأن السادة رواد الموقع انك ما زلت متابع ويا ريت ان شاء الله بعد ما ترجع بالسلامة يكون معك مجموعة كبيرة من الصور الجميلة والرائعة لمحبوبة الجماهير كندا

السؤل هو انا مقدم على البرتا والأبلكيشن مشى على كدة هل ممكن اسكن فى اى مكان أخر فى كندا مثلا لندن علشان حتى اكون قريب منك ونخطط سويا لتوحيد امريكا الشمالية تحت راية السلطان الشامى اعظم الله اجرة ونشوف صورتك على الجنية قريبا يا رب :D ;) :)

أخى حازم

انزل فى اى مكان و اسكن فى أى مكان ما فيش مشكلة

عندى بالفعل صور كتيرة حتنزل قريبا....

عشان تسكن فى لندن فيه شوية رسوم بسيطة حتدفعها....اتصل بى عشان أقول لك كام....هى سايبة..

ملحوظة: أنا صورتى حتنزل على الدولار...مش على الجنيه

[ELSHAMY]

أهلا بك معنا أختى الفاضلة newcomer

الشرف لى أن تكون هنا أول مشاركاتك....ان شاء الله تسعدى بوجودك وسط اخوانك و أخواتك...

اتمنى تكونى استفدتى....و بما انك من النوع اللى بيدعى فلا تنسينا من صالح الدعاء...

الله يصبحك بالخير يا أم بلال.... :)

خالص تحياتى

تم تعديل 17 نوفمبر 2008 بواسطة ELSHAMY

[ELSHAMY]

أخى حازم

انزل فى اى مكان و اسكن فى أى مكان ما فيش مشكلة

عندى بالفعل صور كتيرة حتنزل قريبا....

عشان تسكن فى لندن فيه شوية رسوم بسيطة حتدفعها....اتصل بى عشان أقول لك كام....هى سايبة..

ملحوظة: أنا صورتى حتنزل على الدولار...مش على الجنيه

يا دكتور الشامي ... انت فين

لندن الناس داخلة .. طالعة منها و انت سايبها ... مش كفاية CN TOWER هايبعوه للفرنجة و انت ساكت md2:

اتمنى لك كل توفيق برحلتك القادمة "رحلة لم شمل الاسرة" و ان شاء الله لما ترجع تكتب لنا

"الشامي رجع من كندا يا رجالة كلاكيت رقم 3" و عقبال ما يكونوا 100 كمان بس مع الاسرة الكريمة :)

حنعمل ايه يا أبوحميد...سنة الحياة....لو دامت لغيرنا ما وصلت الينا....

لا تقلق الغزوة الجديدة الشهر الجاى....أنا متابع كل الحركات الانفصالية....و ما أبقاش الشامى ان ما كنتش أنيمك من المغرب يا كندا.... :closedeyes: :wub: wst::

[ELSHAMY]

أستاذنا وكبيرنا الشامى :closedeyes:

مش معقول حنقدر نستنى لما حضرتك ترجع بالسلامة ان شاء الله من كندا

حيبقى كتير قوى علينا كل ده -_-

المهم استغل شوية الهدوء اللى فى التوبيك واقول:

ادعو لعم الشامى بطولة العمر ..الله يخليه

الله يخليه ويبارك فيه

بوظت هدوء التوبيك بصوتى bsh:) ...صح؟؟؟

:old:

خلاص حرمت اخر مرة

اختى الفاضلة waloaa

رئيسة قسم الدعم النفسى و المعنوى

تحية طيبة و بعد...

دايما منورة الموضوع بكلامك المتزن الجميل....أشكرك على دعواتك و لا تحرمينا من صوتك....بس بلاش الكلام اللى علمت لك عليه بالأحمر .....بتشعرينى انى بابا جدو.... :)

دمت فى حفظ الله و رعايته...أرجوكى بوظى هدوء التوبيك دايما...أنا متابع كل يوم...

خالص تقديرى :wub: wst:: md2:

[ELSHAMY]

quote FROM ELSHAMY

ملحوظة: أنا صورتى حتنزل على الدولار...مش على الجنيه

سيدي و أخي الحبيب الشامي :wub:

وبالنسبة لموضوع صورتك على الدولار فأنا أشم رائحة نوايا توسعية wst:: حيث انكم حضرتكم لم تحددو نوع الدولار md2: والظاهر إنك ناوي تضم أمريكا لكندا :happy: وتخليهم واحد هو كده ولا انا غلطان .... بس لا يسمعنا اوباما :lol:

ويا ريت يا زعيم والله بطريقك تعدلنا قوانين الهجرة حاكم انا مش عارف اجيب ال 67 نقطة ازاي خاصة اني محتاج 16 نقطة من الايلتس وقد اكد لي الكثيرون انه حتى الاشخاص الطليقين بالانجليزية يصعب عليهم الحصول على 7 في كل اقسام الامتحان .... فما الحل ؟

ولي طلب من حضرتك وهو انك ياريت تعملنا حلقة خاصة عن موضوع الكشف الطبي بالتفــــــــــــــصيل وهو موضوع يشغل الكثيرين فتبدأ معنا من لحظة استلامك للطلب الى لحظة دخولك على الطبيب ثم ما جرى بالتفصيل وطبيعة الفحص وعلى ايش بيركزو ثم خروجك وانطباعك وما الى ذلك

الله يخليك مش عاوزين جواب سريع ومسلوق احنا مستعدين نستناك wst:: wst:: فيا ريت تجلس كده شوية وتمخمخ لنا في الموضوع ده :lol:

أسأل الله العظيم رب العرش العظيم أن يفتح عليك من بركات السماء والأرض و أن يكفيك ما اهمك في الدنيا والآخرة جزاء عونك ومساعدتك لإخوانك ووقوفك معهم

حاضر يا كركور.....حأمخمخ و أرد عليك....بس هذا الكشف له فترة....فأرجو من الأخوة اللى عندهم تجربة كشف طبى حديثا يفيدونا...

قريبا جدا حتسمع عن الدولار الموحد لدولة "كنديكا" بعد توحيد كندا و أمريكا...على يد الفاتح العظيم الشامى...

حأبقى أحكيلكم بالتفصيل الغزوة الأنتيكة لدولة كنديكا... :lol:

و الله ولى التوفيق... :wub:

[ELSHAMY]

مزيد من الصور

وبدأ موسم الثلج...

صور جديدة

[ELSHAMY]

السلام عليكم

الاخ الشامي:

أرجو أن تمتلك صدر واسع من أجل الاجابة على اسفساراتي بالتفصيل:

انا مهندس كمبيوتر و اعمل كمدير لنظم المعلومات من ما يقارب السنتين لذلك سأسجل على الهجرة وفقا NOC 0213

زوجتي طالبة سنة ثالثة ترجمة لذلك اخبروني في المنتدى أنه ينبغي علي وضعها Seconday بالتالي أخسر كافة العلامات المخصصة لها.

بعد حساب علاماتي تبين أنه لا يمكنني النجاح إلا إذا وضعت أنني ممتاز باللغة الانكليزية "قراءة و كتابة و سماع و تحدث" و هذا بعيد قليلاً عن الحقيقة.

الاسئلة:

1- هل يمكنني وضع زوجتي ك Diploma كون سنوات دراستها حتى اللحظة هي 15

2- كم هي الفترة الفاصلة بين تقديمي للأوراق و المقابلة الشفهية و إذا تبن للسفير أنني لست كما ذكرت باللغة الانكليزية, هل يرفض طلبي مباشرةً؟

3- كم هي الفترة الفاصلة ما بين تقديمي للأوراق و طلب المستندات التي تثبت صحة المعلومات التي قدمتها و من بينها سيكون طبعاً نتيجة امتحاني باللغة الانكليزية "و التي أتمنى ان اكون عندها قد حسنت من لغتي"

4- لو فرضنا أن زوجتي تخرجت من الجامعه عند طلب الاوراق و أن سنوات خبرتي قد ازدادت هل يمكن لهذا ان يضاف الى علاماتي مما يجعلني غير مجبر على اخذ العلامة الكاملة باللغة الانكليزية.

5- ما هي الفترة الزمنية المسموحة ما بيت طلبت تقديم المستندات و تقديمها.

و لكم جزيل الشكر.

أخى الفاضل

1- حضرتك ذكرت ان زوجتك مازالت طالبة فلا يمكنك الأن كتابة ان معها دبلوم ...لكن يمكن ذكر ذلك بعد تخرجها عند طلب UPDATE لبياناتك.

2- أنا تم استثنائى من المقابلة فالحقيقة لا أعرف كيف سيكون الرد فى المقابلة...و بالنسبة لسؤالك و بقية الاسئلة فلا يوجد وقت محدد لهذه الفترات...من واقع مشاهداتى الفترة قد تتراوح بين 3 شهور و سنة...

استأذنك فى تحويل هذه الاسئلة الى موضوع أخى قناوى....هناك تجارب حديثة يمكنك الاستفادة منها....

تحياتى

[ELSHAMY]

السلام عليكم ورحمة الله وبركاته

نشرة الأخبار

كندا من أمام C N TOWER

حيث تجمع الالاف من المتظاهرين من الجنسيات المختلفة امام برج CN TOWERالشهير يطالبون بعودة الحماية الشامية على البرج :beee:

وقد قام المتظاهرون بإرتداء التي شيرتات التى تحمل صورة القائد الشامى :cry1: وقاموا برفع لافتات تحمل اسمه وترددت الهتافات المؤيدة لسموه :blush2: :scooter: :beee:

منها(يا إما الشامى يا إما بلاش ....واحد غيره ماينفعناش)

يأتى ذلك ردا على بعض المزاعم المغرضة واللتى ترددت الاونة الاخيرة حول محاولة الحكومة الكندية رفع السيطرة الشامية من على البرج الشهير ومحاولة بيعه

الجدير بالذكر ان المتحدث الرسمى للقائد الشامى قد صرح بقيام سموه-حفظه الله- برحلة إلى الأراضى الكندية أواخر الشهر القادم لزيارة الاراضى الشامية وطمأنة الرعايا هناك

وسنواليكم بما يرد إلينا من أخبار

محدثتكم من أمام البرج الشهير

ولوأة أبو العافية

قطاع الأخبار

الأخت ولاء "أم العافية" الله يعطيكى العافية...

فى انتظار نشرات أخرى....

و الله نفسى أرى جميع أحبابى فى قعدة حلوة تجمعنا كلنا...و نفتكر الايام الجميلة دى....

يمكن ده يكون فى الجنة ....

قولوا أمين

[ELSHAMY]

السلام عليكم ورحمة الله وبركاته

دكتور شامى

من فضلك عندى استفسار لو تسمح

عند التقديم لاولاد حضرتك فى المدارس الابتدائية تم طلب شهادات التطعيم المترجمة ولا لم تطلب ؟؟ وشكرا

وفقكم الله

الأخت دعاء

و عليكم السلام و رحمة الله وبركاته

الحقيقة انى كنت محضرها و لكن لم تطلب عند التقديم للمدرسة الابتدائية

وفقكم الله...

[ELSHAMY]

يعنى يا دكتور ما فيش اى يوميات للجيش الشامى فى الاراضى الكندية؟؟؟؟

ممكن حضرتك تحكيى لنا اخبار الجنود المغواريين فى المدارس و مع الاصدقاء الجداد

او اخبار الفيلد مارشال الدكتورة فى غزواتها للاسواق و المولات ...... وده طبعا لحد ما حضرتك توصل بالسلامة

بصراحه....... انا اتعودت بقالى كذا يوم اقرأ كام صفحة من مسلسلات حضرتك........ خلصتها.........

رحت لمسلسلات د. التهامى............ خلصتها ........ رحت لمسلسل م. ياسر ......خلص بسرعه ده ( سهره يعنى)

و بعدين يعنى ....اروح بقى للمنافس يوسف معاطى و كده ( و ده تقريبا قريت كل كتبه)

مستنيين ........ و متابعيين.. :lol: :

الفاضلة newcomer و ترجمتها " القمر الجديد "

أعتقد أنك أصبت بحالة من الادمان و دى علاجها بسيط ...شوية حلقات جديدة عن الحياة اليومية للجيش حتنزل قريبا ....بس فين النفس اللى تكتب...

شكرا لكلماتك...سعيد بوجودك معانا...

تحياتى

[ام بلال]

السلام عليكم ورحمة الله وبركاته

طبعا أنا متابعة حضرتك على الصامت ، ومنتظرة ذهاب حضرتك بسلامة الله لكندا شهر 12 ، علشان الحلقات تسخن ، وأنا وعائلتي شايلين حضرتك لوقت عوزة ، في الواقع لسه أمس فقط أرسلنا الوثائق المبدئية و الشيك ، يعني لسه حتى لم نأخذ فايل نمبر ،

أهدي لكل من في المنتدى وللدكتور الشامي هذا الدعاء:

اللهم رب السوات السبع ورب العرش العظيم ربنا ورب كل شيء فالق الحب والنوى ، الواحد الأحد الصمد الذي لم يلد ولم يولد ، أسألك بكل إسم هو لك سميت به نفسك أو أنزلته في كتابك أو استأثرت به في علم الغيب عندك ، أن تفرج كروبنا أجمعين ، وتزيل همومنا ، اللهم إنا نستغفرك مما نعلم ومما لا نعلم ، اللهم إن لم تسعك رحمتنا ، فلمن تكلنا ، اللهم أنت الوكيل والحسيب والولي ، ولا ملجأ لنا إلا أنت ، اللهم لا تكلنا إلى أنفسنا طرفة عين ، اللهم عاملنا بما أنت أهله ولا تعاملنا بما نحن أهله ، أنت أهل الرحمة والمغفرة ونحن أهل التقصير والذنوب ، اللهم إننا نشكو إليك ما ألم بنا من هموم وكروب الدنيا ، وعلقنا بك حوائجنا وتعلقنا ببابك نرجو رحمتك ، فلا تردنا اللهم لا ترد أيدينا خائبتين اللهم أنت أكرم الأكرمين وأرحم الأرحمين اللهم أنت حسبنا و ونعم الوكيل في كل مصائب الدنيا ، اللهم إن لم يكن بك غضب علينا فلا نبالي ، اللهم نسألك رضاك ومغفرتك ، وصلى اللهم وسلم على نبينا محمد وعلى آله وصحبه وسلم تسليما كثبرا آمييييييييييييييييييييييييييييييييننننننننننننننننن

[ELSHAMY]

الأخ المهندس أحمد صالح

تنور جدة و فى انتظارك راسلتك على الخاص بأرقام تليفوناتى و لكن خاصية استقبال الرسائل الخاصة لديك غير مفعلة....أرسل لى ايميلك للتواصل...

تحياتى