إعلان إداري بخصوص باب الحياة و الهجرة الي كندا

[أحمد سيف]

:happy: :happy:

الأخوه الأفاضل مشرفي و أعضاء المنتدي

لا زلت غير مصدقه أن المنتدي اللى بهذا الحجم و الأهميه يغلق تماما

...

وربنا يوفقنا جميعا (امين) وادعو الله ان يرجع المنتدي قريبا (صحيح امتى؟) وانشاء الله يبدأ بأخبار مفرحه للكل

الأخت الفاضلة emy

عفوا لكن حضرتك بتتكلمي عن (باب) كندا باعتباره (منتدى) ... وأعتقد أن هذا الفهم هو أحد أسباب المشكلة التي قادتنا في النهاية الى هذا الوضع

باب كندا هو مجرد باب في منتدى كبير وعريق اسمه (محاورات المصريين) ... بل هو من أحدث الأبواب فيه ... بدأ كموضوع وحيد ثم رؤي أن يفصل في باب منفرد ثم تمدد هذا الباب حتى كاد يطغى على المنتدى الأصلي ... وها نحن نجد المشتركين الجدد مثل حضرتك لا يعرفون عن محاورات المصريين سوى أنه منتدى الهجرة لكندا

وكون باب كندا هو مجرد باب في محاورات المصريين فإنه تسري عليه نفس القواعد التي تنظم المشاركة في الأبواب الأخرى والتي وضعت لتحقيق أهداف المنتدى والغرض الذي أنشئ من أجله

محاورات المصريين" هي صالون سياسى ثقافى إجتماعى يجمع المصريين للحوار الراقى حول شئون مصر و المصريين

[SoSo R]

باب كندا هو مجرد باب في منتدى كبير وعريق اسمه (محاورات المصريين) ... بل هو من أحدث الأبواب فيه ... بدأ كموضوع وحيد ثم رؤي أن يفصل في باب منفرد ثم تمدد هذا الباب حتى كاد يطغى على المنتدى الأصلي ... وها نحن نجد المشتركين الجدد مثل حضرتك لا يعرفون عن محاورات المصريين سوى أنه منتدى الهجرة لكندا

بعد إذنك يا أستاذ أحمد..

مش فاهمة الجملة دى ؟؟؟

يعنى يطغى عليه إزاى..

ملحوظة جانبية يا أستاذ أحمد....

هو حضرتك ليه مختلف عن ما أتعودنا عليه من حضرتك...حساك بقيت عصبى ...و منفعل رغم إنك عهدناك على خلاف ذلك

عفوا لو كان تطفل منى ...بس ده سؤال من عضوة لعضو وزميل من فترة...وباطمن على حضرتك...

ودة إحساسى و إنطباعى الشخصى.

مع الشكر

[Spanish Eyes]

صباح الخير

بعد إذنكم ابدي حزني وأسفي إلى ما آلت إليه الأمور أحب أناقش نقطتين:

اولا:مدى اختلاف باب كندا عن باقي أبواب منتدي محاورات المصريين، بداية مش معني أنة مختلف انه سوبيريور او دي ميزة او لا يسري عليه قوانين المنتدي أطلاقا الاختلاف في طبيعة المواضيع فقط وليس كونه دوله داخل دولة، يعني مثلا هل أي شخص غير مستقبلة وحياته وكاريره لمجرد انه اقتنع بفكرة في أي باب تاني غير باب الحياة والهجرة الي كندا ؟ دة حصل معايا أنا شخصيا مش سطحية أو مبالغة ،انا كان عندي الدوافع والأسباب بس محتاجه بداية الطريق لقيتها عند الشامي وتهامي وهشام وسوسو عيشت معاهم تفاصيل يومهم استمتاعهم بكندا + معانتهم معاها!! لما اخدت القرار عيشت يومي مع رد على الاستفسارات السريعة لما دخلت في الآيلتس تألق زناتي وهكذا...

هل التفاصيل الصغيرة والتهاني والمجاملات مش مهمة ؟؟؟ مين قدر يحكم ؟؟؟ لما سوسو تحكي ان بنتها وقعت الاونيون ديب في السوبر ماركت وكان رد فعل الكانيدين هو الابتسام والضحك و"جود شوت" دي ممكن تبان حادثة هايفه (سوري يا سوسو) ومش معلومة تستحق بس بالنسبة ليا انا كانسان بيقدم على تغيير مسار حياته بالكامل لأ مهمة ومهمة أوي كمان دة بيعتبر انديكاتور أن كندا دي جنة الأطفال بيحترموا الأطفال وبيستثمروا فيهم

حتى الخناق في باب كندا مهم (مش كله يعني) مثال لما تورنتو أتخانق مع ايهاب سالم على صلاحيه مياة بحيرة اونتاريو للشرب وان فيها وفيها قام ايهاب قال لأ دي زي الفل وحط لينك مفيد ومهم هو كان بيأيد وجه نظرة بس انا استقدت اللينك ودة انديكاتور ان البلد دي بتخاف على شعبها وبتحبة يبقى دي بلد تستاهل اني اهاجرلها والواقعة دي تأثر في قراري.

ثانيا الاجتماعيات: فيه حاجة مهمة اوي ممكن ميحسش بأهميتها غير المهاجرين أو اللي في الطريق، المهاجرين يا جماعة محتاجين عزوة بيعتبروا العالم الافتراضي دة بيتهم حسيت اوي بتهامي لما نجح في الكورس وجه بيقول انا نجااااااحت (عشرتاشر الف) فرحان وعايز يشارك فرحته مع اهلة حسيت بسوسو لما نجحت وكانت عايزة ضرب نار يشتغل انا نفسي لما مسكت جوازات السفر وعليها التأشيرة أول ناس عايزة افرح معاهم هما أهلي في المحاورات نيجي للناحية التانية السابورت النفسي فاكرين لما الشامي كان قلقان على الكونتينر كل الناس كانت بتدعيلة وهو حس بكدة فاكرين لما زناتي مظبطش الآيلتس معاه من اول مره (معلش يا زناتي الكيميا غداره) كل الناس وقفت جمبه لغاية لما تمالك اعصابة مره تانية وقرر الاعادة، سوسو والاسترس الفظيع اللي هيا فيه مين بيصبرها ويرسم ضحكة على وشها ؟ تهامي لما اتظبط في امن الدولة ايام الحج ....وغيرة وغيرة انا الذاكرة عندي مسلمه نمر من زمان مش بفتكر ويمكن مواقف اكتر من كدة بس السن ليه حكم برضه

الخلاصة اللي عايزه أقولها ودة رأي الشخصي وغير ملزم طبعا، أرجوكم رجعوا الباب بسرعة راعوا الترابط اللي بين الاعضاء المهاجرين.

[emy]

أستاذنا الفاضل

اختلاف المسميات لا يفسد للود قضيه- ( ألح و الا أصر )

المهم كما تفضلت أن باب المنتدى هو أكثر الأبواب نشاطا وده يحسب له بالتأكيد

و يمكن تسمية المشاركات بالفوضى المنظمه في كل المواضيع

والله المستعان

[moheltohamy]

صباح الخير جميعاً... أعتذر للجميع عن سدة النفس اللي حصلتلي الفترة السابقة ، وتكاسلي عن الإيجابية في تنظيم الوضع داخل الباب ، ويمكن ده اللي أعطى الزملاء من الأعضاء الانطباع إننا في الإدارة مقطعين شعور بعض!

فريق الإدارة يا سادة يتعامل كمجموعة أصدقاء ، بكل احترام وتفاهم. قد نتفق بالإجماع ، وقد نختلف في الرأي ، ويستمر النقاش وتوضيح نقاط الاختلاف ، حتى الوصول لرأي موحد أو رأي للأغلبية ، يتم إعلانه ، وتطبيق آليات تنفيذه.

هذا الرأي النهائي يراعي دوماً المصلحة العامة ، ولا تتداخل فيه المصلحة الخاصة أو المشاعر الشخصية لأي من المشرفين ، وإن اختلفت مع ما يطالب به بعض الزملاء من الأعضاء.

جاري العمل في باب كندا حالياً مع جميع المشرفين ، وسيتم إعادة فتحه قريباً فور الانتهاء ، وبعد الاتفاق على خطة العمل به في المستقبل.

نقطة أخرى أود لفت النظر إليها... لا تكميم لأفواه أي من المشاركين في الحوار. الحوار الودي والعلاقات الاجتماعية مرحّب بها دوماً ، وإن كنت أستأذنكم مراعاة الإقلال منها فيما بعد. وتقبل حذفها بعد بضعة شهور.

كوني أزور صديق مريض ، وأهاديه بوكيه ورد ، فالهدية لن تمكث أكثر من أسبوع قبل أن تذبل ، لكن إحساسها ومعناها وصل بالفعل.

إحساس ممتع إني لما أرجع البيت أرمي هدومي ع السرير ، وأنتظر حد يرتبها ورايا. أبسط رد فعل إني أقول له شكراً. ولو ما قلتهاش يبقى بلاش أهينه.

نقطة أخيرة... محاورات المصريين فعلاً البيت الكبير اللي بيجمعنا كلنا. ومن هذا المنطلق... عودة بعض الأعضاء المختلفين مع الإدارة مرحب به دوماً ، وإن كنا نتنافس في مساعدة الآخرين ، إلا أننا نرحب بالمزيد من الأيدي. ومن هذا المنطلق ، فالبيت الكبير لن يغلق بابه في وجه أي حد.

إحنا أكبر من كده يا جماعة...

ويا ريت نفتكر دوماً في تعاملنا مع الإدارة... Nothing is personal :happy:

تحياتي دوماً :happy:

[أحمد سيف]

بداية أحيي أخي الدكتور التهامي على التوضيح الذي قدمه ووضعه النقاط على الحروف منعا لأي لبس لدى بعض الأعضاء حول ما تقوم به الإدارة من إصلاحات في باب كندا وتأثير ذلك على العلاقة مع مشرف الباب. وأحب أطمنكم أن الدكتور التهامي بنفسه - كما أشار في مداخلته - مشترك معنا في عمليات التصنيف والتبويب والتنقية للمداخلات والمواضيع.

الدكتورة سوسو ... معنى الجملة التي أشرت اليها هي أن الكثير من الأعضاء الجدد أصبحوا لا يعرفون من المنتدى سوى باب كندا وأن العدد الأكبر من المشاركات - حتى التي لا علاقة لها بالهجرة - أصبحت تكتب في هذا الباب وليس في باقي أبواب المنتدى.

تحياتي

[myusername]

سوأل اخير:

انا لا اجد موضوع الدكتور تهامي (كندا التي رأيتها) ولا موضوع دكتور هشام

فهل تم حذفهما؟

بحثت طويلا عن موضوع الدكتور التوهامى.. فلم أجده.. و لم اجد مشاركاتى فيه اطلاقا..

و ايضا موضوع الاستاذ ايهاب سالم..

و ايضا المواضيع المثبتة تم حذفها..

برجاء التأكيد من جانب الادارة.. و ربما الامر ليس كما يبدو.. ربما يتم غربلة تلك المواضيع و اعادتها مرة أخرى.. الله اعلم.

لاداعى للقلق

فقط دعونا نعمل فى هدوء

شكرا

سوأل اخير:

انا لا اجد موضوع الدكتور تهامي (كندا التي رأيتها) ولا موضوع دكتور هشام

فهل تم حذفهما؟

بحثت طويلا عن موضوع الدكتور التوهامى.. فلم أجده.. و لم اجد مشاركاتى فيه اطلاقا..

و ايضا موضوع الاستاذ ايهاب سالم..

و ايضا المواضيع المثبتة تم حذفها..

برجاء التأكيد من جانب الادارة.. و ربما الامر ليس كما يبدو.. ربما يتم غربلة تلك المواضيع و اعادتها مرة أخرى.. الله اعلم.

مافيش أي موضوع إتحذف

ولكن سحبناهم عشان يتنظموا مش اكتر

وسنعيد كل شيء كما كان بإذن الله

بس إدعوا لنا بالتوفيق

وفقكم و اعانكم الله..

و انا كتبت "ربما يتم غربلة تلك المواضيع و اعادتها مرة أخرى".. لانى احمل الكثير من الثقة فى الادارة.. و حتى لا يكون هناك اى سوء ظن و لو بسيط.. لدى الاعضاء الاخرين.

تم تعديل 8 مارس 2010 بواسطة myusername

[myusername]

بداية أحيي أخي الدكتور التهامي على التوضيح الذي قدمه ووضعه النقاط على الحروف منعا لأي لبس لدى بعض الأعضاء حول ما تقوم به الإدارة من إصلاحات في باب كندا وتأثير ذلك على العلاقة مع مشرف الباب. وأحب أطمنكم أن الدكتور التهامي بنفسه - كما أشار في مداخلته - مشترك معنا في عمليات التصنيف والتبويب والتنقية للمداخلات والمواضيع.

الدكتورة سوسو ... معنى الجملة التي أشرت اليها هي أن الكثير من الأعضاء الجدد أصبحوا لا يعرفون من المنتدى سوى باب كندا وأن العدد الأكبر من المشاركات - حتى التي لا علاقة لها بالهجرة - أصبحت تكتب في هذا الباب وليس في باقي أبواب المنتدى.

تحياتي

السلام عليكم...

انا لست على دراية بما تقصده الدكتورة سوسو.. بس فعليا.. الكثير من الاعضاء الجدد لا يعرفون غير باب كندا.. و هذه حقيقة.

لكن ممكن الادارة تضع تنويه او اعلان.. بأن من يريد وضع مشاركات عن مواضيع أخرى.. يمكنه البحث عن الباب المناسب لهذا الموضوع :)

اما عن العدد الاكبر من المشاركات يتم كتابته فى باب كندا.. فهذا امر طبيعى جدا! لان معظم مشاركاتنا هى عن كندا... و معظمنا مشتركين علشان نشارك فى باب كندا... لكن بالنسبة لنقطة "اللتى لا علاقة لها بالهجرة".. فباستثناء التهانى... يكون هذا شىء نادر الحدوث.. يعنى نادرا ما حد هيفتح موضوع دينى مثلا فى باب الهجرة لكندا smk: و تقريبا محصلتش غير مرة واحدة (اللتى اتذكرها).. و كان لها علاقة بالحياة فى كندا.. (موضوع المعلم عتريس عن القروض فى كندا)..

تم تعديل 8 مارس 2010 بواسطة myusername

[يوتوبيا]

صباح الخير

بعد إذنكم ابدي حزني وأسفي إلى ما آلت إليه الأمور أحب أناقش نقطتين:

اولا:مدى اختلاف باب كندا عن باقي أبواب منتدي محاورات المصريين، بداية مش معني أنة مختلف انه سوبيريور او دي ميزة او لا يسري عليه قوانين المنتدي أطلاقا الاختلاف في طبيعة المواضيع فقط وليس كونه دوله داخل دولة، يعني مثلا هل أي شخص غير مستقبلة وحياته وكاريره لمجرد انه اقتنع بفكرة في أي باب تاني غير باب الحياة والهجرة الي كندا ؟ دة حصل معايا أنا شخصيا مش سطحية أو مبالغة ،انا كان عندي الدوافع والأسباب بس محتاجه بداية الطريق لقيتها عند الشامي وتهامي وهشام وسوسو عيشت معاهم تفاصيل يومهم استمتاعهم بكندا + معانتهم معاها!! لما اخدت القرار عيشت يومي مع رد على الاستفسارات السريعة لما دخلت في الآيلتس تألق زناتي وهكذا...

هل التفاصيل الصغيرة والتهاني والمجاملات مش مهمة ؟؟؟ مين قدر يحكم ؟؟؟ لما سوسو تحكي ان بنتها وقعت الاونيون ديب في السوبر ماركت وكان رد فعل الكانيدين هو الابتسام والضحك و"جود شوت" دي ممكن تبان حادثة هايفه (سوري يا سوسو) ومش معلومة تستحق بس بالنسبة ليا انا كانسان بيقدم على تغيير مسار حياته بالكامل لأ مهمة ومهمة أوي كمان دة بيعتبر انديكاتور أن كندا دي جنة الأطفال بيحترموا الأطفال وبيستثمروا فيهم

حتى الخناق في باب كندا مهم (مش كله يعني) مثال لما تورنتو أتخانق مع ايهاب سالم على صلاحيه مياة بحيرة اونتاريو للشرب وان فيها وفيها قام ايهاب قال لأ دي زي الفل وحط لينك مفيد ومهم هو كان بيأيد وجه نظرة بس انا استقدت اللينك ودة انديكاتور ان البلد دي بتخاف على شعبها وبتحبة يبقى دي بلد تستاهل اني اهاجرلها والواقعة دي تأثر في قراري.

ثانيا الاجتماعيات: فيه حاجة مهمة اوي ممكن ميحسش بأهميتها غير المهاجرين أو اللي في الطريق، المهاجرين يا جماعة محتاجين عزوة بيعتبروا العالم الافتراضي دة بيتهم حسيت اوي بتهامي لما نجح في الكورس وجه بيقول انا نجااااااحت (عشرتاشر الف) فرحان وعايز يشارك فرحته مع اهلة حسيت بسوسو لما نجحت وكانت عايزة ضرب نار يشتغل انا نفسي لما مسكت جوازات السفر وعليها التأشيرة أول ناس عايزة افرح معاهم هما أهلي في المحاورات نيجي للناحية التانية السابورت النفسي فاكرين لما الشامي كان قلقان على الكونتينر كل الناس كانت بتدعيلة وهو حس بكدة فاكرين لما زناتي مظبطش الآيلتس معاه من اول مره (معلش يا زناتي الكيميا غداره) كل الناس وقفت جمبه لغاية لما تمالك اعصابة مره تانية وقرر الاعادة، سوسو والاسترس الفظيع اللي هيا فيه مين بيصبرها ويرسم ضحكة على وشها ؟ تهامي لما اتظبط في امن الدولة ايام الحج ....وغيرة وغيرة انا الذاكرة عندي مسلمه نمر من زمان مش بفتكر ويمكن مواقف اكتر من كدة بس السن ليه حكم برضه

الخلاصة اللي عايزه أقولها ودة رأي الشخصي وغير ملزم طبعا، أرجوكم رجعوا الباب بسرعة راعوا الترابط اللي بين الاعضاء المهاجرين.

الكلام ده كان نفسي اقوله بس ماعرفتش ممكن اقوله ازاي اظن ان كلنا عندنا نفس الاحساس ده عشان كده كله تقريبا بيتكلم في محور واحد

تم تعديل 8 مارس 2010 بواسطة نهر النيل

[يوتوبيا]

عايزة اضيف شئ

انتم بتستغربوا ان منتدى كندا في اكبر عدد من المشاركات

ده شئ طبيعي لان موضوع الهجرة في حد ذاته مش موضوع ثابت ده قرار بيقوم بأخذه الشخص الراغب في الهجرة وطبعا مش ممكن هيكون كلنا في نفس الوقت قررنا نقوم بالخطوة دي

عشان كده بتلاقي اللي لسه يادوب بيبدأاول خطوة ومش عارف يكتب a ولا b ولا c في الابليكاشنز زيي كده وانا لسه مش فاهمة حاجه

وبعدها بيبدأمذاكرة ايلتس

وبعدها الاب ديت والاستفسارات عن كيفية تقديم الاوراق في الشكل المطلوب

وبعدها المديكال

وبعدها اللاندينج

وبعدها الاقامة

وخلال انتظار ده كله بتكثر الاسئله والاستفسارات عن الحياه بكندا والمدارس والمعادلات والجامعات وغيره

وحتى اللي بيروح في البداية بيكون عايز سابورت من اصدقاؤه

وطبعا انا بتكلم عن عشرات مننا يختلفو ا بإختلاف حالة اوراقهم

والحمد لله ان في ناس مش بتسيب اللي محتاج وتفضل تدعمه على قد ما تقدر

والاهم من ده كله ان معظم واغلب اللي بيشاركوا في الموضوعات هنا هم اعضاء مغتربين في مختلف البلاد بعيد عن مصر

يعني هم في امس الحاجه بانهم يحسوا ان لهم اصدقاء يخافوا عليهم ويصدقوهم القول مع ان عمرهم ما شافوا بعض ويمكن كمان عمرهم ما هيشوفوا بعض

لكن بيجمعهم الخير اللي الكل بيتسابق في عمله

(اختي سوسو قلبي معاك ربنا يصبرك ويوفقك للخير)

[Nassarlink]

السلام عليكم ورحمة الله وبركاته

اتمني من الله ان تمر هذه المرحله علي خير في باب كندا

واحنا بنطالب دائما بعمل تلك الاصلاحات والتوضويبات داخل الباب

بس انا اعتقد انه كان من الممكن ان تتم الاصلاحات والصيانه داخل باب كندا دون غلقه تماما

لاننا مشوفناش حكومه تقفل طريق عام ورئيسي لاصلاحه من غير ما تسيب ولو ممر ضيق لحين الانتهاء من الاصلاحات

وبنلاقي علي طول الطريق لافته ( نعمل من اجلكم ونأسف لازعاجكم )

لكن انا شايف ان اداره المحاورات قفلت الطريق تماما الي اجل غير مسمي و حاطه لافته

نعمل من اجلكم رغم انكم متستاهلوش

او

نعمل من اجلكم يا شويه همج

وده رغم علمنا بنية الاداره في الاصلاح

ولي طلب اخير

ان باب بحجم باب كندا ان يكون له اكثر من مشرف

وده مش قدح في امكانيات د تهامي

الراجل كتر خيره علي مجهوده

ولكن الباب الاكثر نشاطا يلزمه اكيد اكثر من مشرف

لان مش معقول د تهامي يشيل الليله كلها لوحده

وشكرا

نصّار

تم تعديل 8 مارس 2010 بواسطة Salwa

[erene]

لو سمحت يادكتور تهامى احنا فى امس الحاجه للمنتدى فى الوقت ده علشان مقابلاتنا وانا مقابلتى باقيلها اقل من اسبوعين وكنت محتاجه اعرف معلومات اكتر وشكرا لحضرتك

[se_ Elsyed]

لو سمحت يادكتور تهامى احنا فى امس الحاجه للمنتدى فى الوقت ده علشان مقابلاتنا وانا مقابلتى باقيلها اقل من اسبوعين وكنت محتاجه اعرف معلومات اكتر وشكرا لحضرتك

سؤال يا erene هانم

هل في الاف المداخلات والموضوعات الموجودة دي .. لم تجدي أي شيء خاص بالمقابلات ؟ !!!!!!!!!!!!!

[ehabtaher]

انا غير معترض على موضوع الغربله والدمج وما الى ذلك فكله لمصلحه التوبيكس اساسا علشان اللى بيلاقى توبيك طويل وبيقراه من اوله حا يزهق ويروح لاخره ويسيب اسئله كان المفروض يعدى عليها

وكنت وضعت الاقتراح بارشفه الاجزاء القديمه من التوبيك فى بدايه ونهايه البديل

وده مثال للمنتدى وفيه ارشفه للاجزاء القديمه منه ومع ذلك صالحه لان الشخص المتصفح يدخل

http://www.thesrt.org.uk/cgi-bin/forum/show.cgi?61833/77735عليها لو عايز

موضوع التنظيم شىء لا بد منه

ولكن ليا تحفظ على كلام استاذ احمد سيف بان الباب طغى على غيره من الابواب

ناس ونشطه فى التعامل فيه والتواصل مع بعضها .. لماذا يحزن هذا احد

ناس و مالهاش انشطه اخرى ... هل يستطيع احد اجبارها بالنشاط فى ابواب اخرى

يا سيدى الفاضل الانترنت مكان مفتوح وكل واحد بيسوق بضاعته فيها ان جاز التعبير ويعمل اعلانات ويجذب المتصفح ووو

اذا كان اللى عايز يهاجر بيلاقى فى الباب ملاذه و معلومات هو عايزها يبقى الباب نجح

اذا كان اللى عايز يهاجر استطاع انه يكون اصدقاء وزملاء من الاخرين اللى فى الغربه يبقى الباب نجح فى استقطاب الشريحه دى وتوجيهها التوجيه السليم

اذا كان المحاميين بتوع الهجره فى مصر بينشو من شغل الباب يبقى الباب نجح ونجح ونجح

واذا كانت الابواب التانيه بتنش فده مش ذنب الباب والا الناس اللى فيه

المنتدى واى منتدى بيفتح فى الانترنت فى الاول والاخر هو مكان لجذب الافراد لتصفحه لسبب ما ممكن لرؤيه الاعلانات اللى على جانب صفحه المنتدى او لرؤيه البوب اب اللى بتطلع والمفروض ان الحاجات دى بيبقى عليها فلوس داخله للقائمين على المنتدى

الدخول على الانترنت فى الاول والاخر موجه للاستفاده للاخرين على اختلاف ميولهم

يعنى انا مش حادخل على الا نترنت اذا مكانش فيها استفاده ليا سواء ماديه او معنويه او تسهيل لحياتى اليوميه او تحسين ايضا لحالتى النفسيه ... اذا لم اجد هذا فبلاش منه احسن

تم تعديل 8 مارس 2010 بواسطة ehabtaher

[أحمد سيف]

يا دكتور ايهاب ... والله أنا ما كنت هزعل لو المشاركات الكثيرة اللي في باب كندا هي مشاركات جادة بها معلومات ونصائح أو حتى حوار موضوعي ... المشكلة أن معظمها زي ما وصفتها (ناس نشطة في التواصل مع بعضها) يعني مشاركات تواصل على غرار غرف الدردشة وليست مشاركات حوار كما هو مفترض في صالون ثقافي مثل محاورات المصريين.

والأمر الثاني أن هناك بالفعل مشاركات تجدها في باب كندا والمفترض أن تجدها في ابواب أخرى زي مشاركة حضرتك عن الكورة التى كان حذفها مقدمة لكل ما حدث ... حضرتك مش شايف إن وضعها في باب كندا وترك باب الرياضة مثلا (ينش) على حد تعبيرك هو أمر غير منطقي.

[moheltohamy]

عزيزي نصار... الباب بالفعل تحت إشراف فريق الإدارة بالكامل ، وده اللي عاوز أوضحه للجميع.

أنا باعتبر الباب ده مسئوليتي الأولى ، باعتبار إن مفيش ورايا غيره ، في حين باقي المشرفين متابعين لباقي الأبواب زي هدى الإسلام وحوارات جادة ، وضرب النار اللي شغال عرض مستمر هناك!

بس في خلال الأيام الي بانشغل فيها عن المنتدى بحياتي الفعلية على أرض الواقع ، بيقوم الزملاء من المشرفين بمتابعة التقارير والمشاكل الموجودة في الباب. يعني الباب ده مش ملكية خاصة ليا :)

ومحدش قالها نهائياً قصة الهمج دي أو أشار ليها ، لكن بالفعل فيه كتير من الفوضى داخل الباب ، أنا نفسي مش عارف تتحل ازاي. ومهما عملنا ، مش هنرضي جميع الأطراف ، كل ما ننشده هو التماس العذر ، والقليل من التفهم.

مدام إيريني... زي ما قال لك سي السيد بالظبط... عندك نماذج لا حصر لها من المقابلات وما يحدث فيها ، يعني مش محتاجة كلام إضافي ، والكلام ده أنا قلته قبل كده أكتر من مرة.

لكن على أي حال... إن شاء الله قبل ميعاد مقابلتك بفترة كافية هيكون العمل تم في باب كندا ، وسيتم إعادة فتحه للكل.

[winwin]

كان فيه مشاركة فى أول صفحة فى الموضوع ده للأخ/ صعيدى من مونتريال، مش عارف ليه اختفت فجأة ؟

أنا مستغرب بصراحة، إذا كان الحكومة اللى هى حكومة بحق وحقيقى الناس بتنتقدها و بتسخر منها بكل حرية فى الصحف والمنتديات و مافيش حاجة بتتحذف.

قواعد المشاركة، حسب مافهمت، بتقول ممنوع الإهانة لفريق الإشراف، بس لو انتوا بتعتبروا أى نقد إنه إهانة يبقى عدلوا القاعدة وتبقى ممنوع النقد لأى عضو فى فريق الإشراف عشان يبقى الموضوع واضح للأعضاء.

شكرا

[أحمد سيف]

حبيت بس أطمن الإخوة الأعضاء أنني انتهيت من إعداد فهرس لباب كندا به روابط لمعظم المواضيع الهامة مصنفة حسب نوعها (متابعة - تجارب شخصية - معلومات واستفسارات ... الخ). وباقي علينا الآن خطوتين هامتين:

- استكمال غربلة المواضيع وتنظيمها داخليا، والعمل مازال جاريا في هذه الجزئية بواسطة عدد من المشرفين كل حسب ما يسمح به وقته وجهده.

- الاتفاق على قواعد تضمن عدم عودة باب كندا الى حالته السابقة بعد إعادة افتتاحه ... وكما أخبركم الدكتور تهامي فإن المناقشات مستمرة داخل إدارة المنتدى للوصول الى الآلية المناسبة لذلك.

شاكرين تفهمكم وصبركم

[myusername]

كان فيه مشاركة فى أول صفحة فى الموضوع ده للأخ/ صعيدى من مونتريال، مش عارف ليه اختفت فجأة ؟

أنا مستغرب بصراحة، إذا كان الحكومة اللى هى حكومة بحق وحقيقى الناس بتنتقدها و بتسخر منها بكل حرية فى الصحف والمنتديات و مافيش حاجة بتتحذف.

قواعد المشاركة، حسب مافهمت، بتقول ممنوع الإهانة لفريق الإشراف، بس لو انتوا بتعتبروا أى نقد إنه إهانة يبقى عدلوا القاعدة وتبقى ممنوع النقد لأى عضو فى فريق الإشراف عشان يبقى الموضوع واضح للأعضاء.

شكرا

طيب و ايه يعنى؟ ما كان فيه مشاركات هنا للاستاذ احمد سيف, و برضه اختفت :) (لا اعلم العدد بالظبط..)

بالنسبة للنقد.. فهناك فارق بين النقد و الاهانة.. و ما يتم كتابته فى الكثير من الصحف.. يحمل الكثير من الاهانات للحكومة.. و ذلك يرجع لاننا "مابنعرفش نتكلم"!!

تم تعديل 8 مارس 2010 بواسطة myusername

[ehabtaher]

يا سيدى انت ليك وجهه نظرك و نختلف معاك او نتفق المفروض لا يفسد للود قضيه (بيتهيالى كده صح)

لكن

بدايه التوبيك بتاع الزناتى وهو عن اللاندنج بتاع خلاص تم وخلص فانتهى الغرض من التوبيك

يعنى لو بالمنطق خلاص يتأرشف كله ويتنقح وما يتسابش مفتوح .. ويتقال اللى عايز يقرا عن الموضوع بتاع اللاندنج بتاع الزناتى ينزل الملف الفلانى او الملف العلانى

لكن ما بعد اللاندنج اللى هو الموضوع الاساسى للتوبيك اللى اتفتح فهو الحوارات والتواصل بين الاصدقاء اللى مش حايدخلو فى التوبيك ده الا علشان هذا التواصل لان اللى فات فات وتمت قرائته

وزى ما قلت كان ممكن الارشفه والتنقيح يبقى فى الجزء القديم وتتساب الاسئله عن الموضوع الاساسى ولكن الارشفه والتنقيح تبقى على الجزء القديم اللى فات عليه مثلا شهرين تلاته

تقوللى مين اللى ليه بال يعمل الموضوع ده ... اكيد مش احنا ... لان الواحد بيدخل يكتب كلمتين وبيخرج

لكن اللى المفروض يعمل الموضوع ده من غربله ومراقبه وووو معروفين و اكيد عندهم الادوات

ولكن انت كنت تزعل لو كنت حطيت المداخله الموجهه لصاحب التوبيك فى مثلا موضوع زى استفسارات عن الهجره بدون محامى لقناوى مثلا

اما غير كده فاعتقد لا

يعنى واحده بتحكى عن حياتها اليوميه فى كندا والتلج والانفلونزا ووو العربيه اللى اتخبطت وماتش كندا اللى كسبته كند

تيجى تقوللى انه المفروض ماتتكلمش عن الحاجات دى وتتكلم بس عن ازاى تروح تعمل كارت الاقامه ووو

ياسيدى الفاضل لو تبص للصوره العامه تلاقى ان موضوع الهجره يخلص فى 3 صفحات

املا الابليكاشن ابعتها واستنى

لكن اللى بيخلى الناس تخش وتسأل ووو هو ان فيه ناس تانيه بترد

لو كل واحد دخل واخد المعلومه اللى هو عايزها بسهوله وتنظيم برضه وسأل السؤال اللى هو عايزه وخلصت حاجتى من جارتى

ايه اللى حيدخله تانى

انا خلاص بعت الورق من شهر فات ايه اللى حيدخلنى كل شويه على الباب ده اللى خلصت احياجاتى منه الا فى التواصل مع الاخرين والشات اللى مش عارف ليه معترض عليه

ده فيه برامج مخصوص بتموت نفسها علشان الناس يعملو شات من خلالها

انت كان المفروض تدور ازاى نستفيد من دخول الناس بكثره على هذا التوبيك وتعمل اعلان هنا والا هناك عن حاجات تهمهم

زى التلفزيون ما بيعمل بين الماتشات المهمه

لكن علشان الناس بتدخل وتتواصل مع بعض ومش داخله على طوول فى الموضوع الاساسى

هو ايه الموضوع الاساسى

مش الهجره لكندا

ناس حتهاجر وتعمل مجتمع جديد وبيكونوه مع بعض بدايه من الحوار والصداقو وتبادل المشوره والمعلومات الخ

مش ازيك سلام عليكم ودمتم