متابعة كأس الأمم الأفريقية - انجولا 2010

[mamdowh]

ان شاء الله هانكسب بس إبعدوا عنى المذيع بتاع اوووووووووووووه , اووووو لاللاااااااااااااا , الجزائر جاى من بعيييييييييييييييييييد تقولشى كانوا مسافرين وما شافهومش الا دلوقتى والا الظاهر انه كان واقف على محطة المترو.

[president]

والله ياجماعه انا متفائل جدا ...

حاسس اننا هنشربهم من نفس الكاس ... هما رجعوا للبطوله فى الوقت الضايع ... عشان يطلعوا على ايدينا ان شاء الله .

أدعوا بس ربنا يكرمنا ان شاء الله النهارده ... والماتش الجاى هنعلم عليهم ...

اللى انا مستغربله من الأتحاد الأفريقى انه مسك الماتش لنفس الحكم بتاع ماتش السودان ...

وبرده كان فى وقت ضايع بالعبيط عشان الحركات بتاع الحارس الأهبل بتاعهم ابو شعرتين ... ومع ذلك ادى وقت اضافى أقل ...

هو الأتحاد الأفريقى ده مابيفهمش ؟

تفاءلوا ياجماعه وربنا هيكرمنا ان شاء الله

[Abu Reem]

بصراحة الجزائر تستحق الفوز على ساحل العاج الذي لعبت الشوط الثاني بتراخي غريب ، وخاصة خط الدفاع الذي كان يتفرج على اللاعب وهو يرفع الكرة وبعد ذلك يتفرج باقي خط الدفاع على مهاجمي الجزائر اثناء لعب الكرة بالرأس داخل الشباك ، ولو لاحظتم الهدف الثاني للجزائر هو تماما الهدف الثالث نفس اللعبة بصراحة الدفاع كان بيتفرج.

صراحة لو .....لو كسبنا الكاميرون ، سيكون من الصعب الفوز على الجزائر .....لسبب واضح جدا...

دفاعنا ....يلعب على الواقف ......يتفرج ولا ينقض ....يرجع للوراء مع اي مهاجم ولا ينقض ولا يقع على الارض ويستخلص الكرة...فقط اللعب على الواقف.....هذا غير طبعا أن كل الكرات العرضية ...سنجد لا عبينا يقفزوا لأسفل ...

- والجزائر كل اعتمادها على الكرات العالية من الجانبين ,,,, وبعدها انقضاض رائع من المهاجمين على هذه الكرات ..بدقة وكفاءة...

- هذا هو ما سيحدث لو لاعبنا الجزائر ...لا عبوهم يجرون طوال المباراة ينقضون على كل لاعب يملك الكرة سواء في نصف ملعبهم او نصف ملعب الخصم......وهذا لا يحدث من لاعبينا...

هل رأيتم أمس تناقل عرضي بالكرة ..هل رأيتم لاعب يمشي بالكرة يمين ويسار ثم يعود ويلعبها بالعرض مرة اخرى ..هل رايتم لاعب خط وسط يسلم الكرة للامام ويقف ....مكانه ولا يتقدم مع المهاجمين...

الكل يتسلم الكرة ويتحرك بسرعة للأمام..والمهاجم بدون كرة يتحرك يمين ويسار حتى لا يستطيع اي مدافع توقع حركته واتجاهه...وهذا كله لا يحدث من فريقنا....

(( الموقف صعب .....واخشى من تراخي متعمد من اللاعبين اليوم أما الكاميرون......أخشى ....أشك....هل ممكن يفكروا في ان الخروج أمام الكاميرون...أفضل ...من السيناريو الآخر ......)) هل ممكن هذا التفكير يحدث من لاعبينا ....مش عارف

تم تعديل 25 يناير 2010 بواسطة Abu Reem

[ozoozo]

ياجماعه انتم واخدين بالكم من ردودكم

كلنا مذعورين من الجزاير (وانا اولكم

ياتري ايه السبب

هل خايفين علي هيبه مصر تاني؟؟؟

بصراحه انا ابتديت اقلق علي اهلنا اللي بيشتغلوا في الجزاير واللي مش هايلاقو حد يحميهم من كلاب الاعلام اللي بتهوهو في البلدين

ربنا يستر

تم تعديل 25 يناير 2010 بواسطة ozoozo

[Abu Reem]

بعيدا عن التفاؤل والتشاؤم

فريق الجزائر كان قوي دفاعا قبل ان اقول قوي هجوما ، وايضا خط وسطه رائع شعلة نشاط ، وكل الكرات الجانبية ترفع دائما على رأس المهاجم بالمسطرة ، مش زي فريقنا كل 10 كرات مرفوعة تجد واحدة او اثنين فقط مضبوطين.

أما الدفاع.....دفاع فريقنا ....فما زال مهزلة.....واوعوا تنخدعوا بأن دخل فينا هدف واحد فقط....

دفاعنا .....دفاع أولاد الذوات.......وهذا لا ينفع مع الكاميرون ولا الجزائر......ودفاعنا لا يتستطيع التعامل مع الكرات العرضية....

- خط وسطنا .....الله يرحمه.....فقط يصبح جيد عندما يلعب به احمد فتحي ، واحمد حسن....لما يكون في حالته الطبيعية

أما غالي ، وحسني ، والباقيين ......كمالة عدد ...ووجودهم عالة على الفريق.....

يمكن خط هجومنا يكون افضل ما في الفريق بالاضافة الي الحضري ....اما فريق بلا دفاع ابدا وخط وسط ....لا تجد له دور لا دفاعا ولا هجوما ...سيكون من الصعب عليه التفوق....على الجزائر خصوصا

اما الكاميرون...فأملنا أن العامل النفسي يلعب لصالحنا ...وأملنا الا يتخاذل اللاعبون أمام الكاميرون....حتى لا يكون خروجهم مهينا من الجزائر للمرة الثانية....أنا كتبت الكلام ده في موضوع تاني في المحاورات ...وبصراحة مش عارف هل ممكن لاعبينا لو لم تسير معهم مباراة الكاميرون كما يجب ..هل ممكن ..يتراخوا....حتى لا تحدث المواجهة...أم أن فريقنا بالفعل ..عنده الحماس للأخذ بالثأر من الجزائر....إيه رأيكم

تم تعديل 25 يناير 2010 بواسطة Abu Reem

[التونسى]

انا عن نفسى بعد خروجنا من كاس العالم مش متحمس للبطوله دى نهائى .. وبصراحه اكبر لا اتمنى اللعب مع الجزاير فى التوقيت ده .. والجروح لسه ملمتش ..

الجزائر لعبت ماتش رائع .. انا لحد جول كيتا كنت بشجع ساحل العاج .. واول ما سمعت المعلق الجزائرى بيهتف الله اكبر فرحة بتعادل فريقه .. لاقتنى بتعاطف معاهم وبشجعهم لا شعوريا .. ونسيت لفتره ما حدث بيننا وبينهم

معلش يا جماعه شجعتهم غصب عنى .. كأنى كنت واحد تانى .. ليه كده -_-

[ozoozo]

فعلا احنا شعب طيب وكريم

شوفو تعليقات المصريين في جريده الشروق

كلها بتهني الجزاير بحراره

http://www.echoroukonline.com/ara/sports/47420.html

[jasmin hamed]

انا عارفه ان ناس كتير هتزعل من الكلام ده بس معلش

يا رب ان كان مقدرلنا نطلع من البطولة دية يبقى على يد الكاميرون لانوا اكيد افضل من شماتة اى حد و اكيد افضل من الوصول للنهائى و الخساره.

انا تماما ضد كل العصبية و التشنج و اكيد هفرح لو كانت الكاس لمسلمين افارقة و عرب بس الشماتة مؤلمه

, و ربنا يستر

[president]

انا عارفه ان ناس كتير هتزعل من الكلام ده بس معلش

يا رب ان كان مقدرلنا نطلع من البطولة دية يبقى على يد الكاميرون لانوا اكيد افضل من شماتة اى حد و اكيد افضل من الوصول للنهائى و الخساره.

انا تماما ضد كل العصبية و التشنج و اكيد هفرح لو كانت الكاس لمسلمين افارقة و عرب بس الشماتة مؤلمه

, و ربنا يستر

وايه اللى فى كلامك يزعل بس ... كل المصريين اللى قابلتهم النهارده بيقولوا نفس كلام حضرتك بالظبط ...

بس ان شاء الله هنكسب وماحدش هيشمت فينا ...

عملوا ماتش كويس آه ... بس خط دفاعهم تعبان جدا وبطئ وسهل اننا نكسبهم ان شاء الله ...

على فكره لعيبة مصر أكبر وأشجع انهم يخافوا يلاعبوا الجزائر تانى ... ولما نكسب الكاميرون النهارده ان شاء الله يبقى لينا كلام تانى ..

يارب النصر لمصر

تم تعديل 25 يناير 2010 بواسطة president

[Simba]

اللي يزعل ان اغلب الشباب المتحمس مستني مصر تقطع الجزائر وتثأر للكرامة

قال كرامة قال

[engmido]

بصراحة الجزائر تستحق الفوز على ساحل العاج الذي لعبت الشوط الثاني بتراخي غريب ، وخاصة خط الدفاع الذي كان يتفرج على اللاعب وهو يرفع الكرة وبعد ذلك يتفرج باقي خط الدفاع على مهاجمي الجزائر اثناء لعب الكرة بالرأس داخل الشباك ، ولو لاحظتم الهدف الثاني للجزائر هو تماما الهدف الثالث نفس اللعبة بصراحة الدفاع كان بيتفرج.

صراحة لو .....لو كسبنا الكاميرون ، سيكون من الصعب الفوز على الجزائر .....لسبب واضح جدا...

دفاعنا ....يلعب على الواقف ......يتفرج ولا ينقض ....يرجع للوراء مع اي مهاجم ولا ينقض ولا يقع على الارض ويستخلص الكرة...فقط اللعب على الواقف.....هذا غير طبعا أن كل الكرات العرضية ...سنجد لا عبينا يقفزوا لأسفل ...

- والجزائر كل اعتمادها على الكرات العالية من الجانبين ,,,, وبعدها انقضاض رائع من المهاجمين على هذه الكرات ..بدقة وكفاءة...

- هذا هو ما سيحدث لو لاعبنا الجزائر ...لا عبوهم يجرون طوال المباراة ينقضون على كل لاعب يملك الكرة سواء في نصف ملعبهم او نصف ملعب الخصم......وهذا لا يحدث من لاعبينا...

هل رأيتم أمس تناقل عرضي بالكرة ..هل رأيتم لاعب يمشي بالكرة يمين ويسار ثم يعود ويلعبها بالعرض مرة اخرى ..هل رايتم لاعب خط وسط يسلم الكرة للامام ويقف ....مكانه ولا يتقدم مع المهاجمين...

الكل يتسلم الكرة ويتحرك بسرعة للأمام..والمهاجم بدون كرة يتحرك يمين ويسار حتى لا يستطيع اي مدافع توقع حركته واتجاهه...وهذا كله لا يحدث من فريقنا....

(( الموقف صعب .....واخشى من تراخي متعمد من اللاعبين اليوم أما الكاميرون......أخشى ....أشك....هل ممكن يفكروا في ان الخروج أمام الكاميرون...أفضل ...من السيناريو الآخر ......)) هل ممكن هذا التفكير يحدث من لاعبينا ....مش عارف

لو اللى بتفكر فيه ده صحيح يابو ريم

تبقى مصيبة بقى المنتخب يهرب من المواجهة...وخاصة اننا افضل

لعلمكم الجزائر مش افضل ولاحاجة ...الجزائر هى الجزائر.....القصة كلها انهم استفادوا من الدفعة المعنوية وطمعوا فى الماتش والدليل اننهم فى اول الماتش كانوازبالة

واكرر واقول الجزائر مش حلوة ولكن كوت ديقوار هى اللى وحشة جدا ....هى دى كوت ديفوار؟؟؟؟؟؟

[fatfouta]

بصراحة بصراحة

اقول رأيى وماحدش يضرب؟

انا نفسى نتغلب من الكاميرون عشان مانلاعبش الجزائر

مش هنعرف نهزمها يا ناس وهيبقى شكلنا وحش

ربنا يستر

[السويفي]

السلام عليكم

اولا انا كنت بشجع الجزائر

ثانيا اتمني فوز مصر بكره على الكاميرون علشان تقابل الجزائر

وساعتها يبان احنا اتغلبنا زي ما الناس هللت وقالت علشان كنا خايفين ......ولا علشان كنا نستحق الهزيمه

وساعتها يبان ان الجعجعه الفاضيه كان ليها سبب تاني

تم تعديل 25 يناير 2010 بواسطة السويفي

[سكر]

النهائى غانا والجزائر

الجزائر مش هتفوت الفرصه

حتى لو فرقه ضعيفه

اخذت جرعة معنويه عاليه جدا جدا جدا

عكس مصر البطوله بتهرب من ايدهم براحة بدون ان تشعر

يارب اكون غلطان واللعيبه يكون عندهم راى تانى

[sarmar]

بصراحة بصراحة

اقول رأيى وماحدش يضرب؟

انا نفسى نتغلب من الكاميرون عشان مانلاعبش الجزائر

مش هنعرف نهزمها يا ناس وهيبقى شكلنا وحش

ربنا يستر

عندك حق امس كانت معركة حامية الوطيس واحقاقا للحق هما كانوا ادها صراحة اول 8 دقايق انهزموا فرحت فيهم جدا بس كان عندى احساس انى بشجع الغريب على ابن عمى

لكنى هللت اكثر وافعلت بفرحة كبيرة لما كانت النتيجة 3/2 وهذا لانهم تعبوا بجد واجتهاد ومهما كان ومهما اختلفنا احنا المصريين والجزائريين اولى ببعضنا

ولكن ليس عندى شك فى فريق الساجدين الفراعنة المؤمنين انهم يجيبوا الكاس هذا العام ويفرحونا مثل كل عام

[سكر]

المصريين مش خايفين من الجزائر ولكن

المصريين خايفين منالمجد والشهرة الى هتحصل للجزائر لوهزمت مصر

بس فكر المحترف لازم يكون مختلف يعنى فكر فى الكاميرون الاول وبعدين

نشوف الجزائر

[Abu Reem]

بصراحة بصراحة

اقول رأيى وماحدش يضرب؟

انا نفسى نتغلب من الكاميرون عشان مانلاعبش الجزائر

مش هنعرف نهزمها يا ناس وهيبقى شكلنا وحش

ربنا يستر

مهم قوي هذا السؤال

ماذا لو كسنا الكاميرون ، وبعدين اتغلبنا من الجزائر

-- ياترى هتكون نهاية حسن شحاته ، ونهاية الثقة في الكرة المصرية ،، ونبدأ نتكلم عن ضرورة استقالة الجهاز الفني ، ولازم نعمل جيل جديد ، ويطلع عمنا ابراهيم حجازي يقول اصل مفيش ملاعب في المدارس ، واللاعب المصري لا يستنشق هواءا نقياً ( اللمبي في فيلم اللي بالي بالك )

-- كل هذه الافكار أكيد تدور في ذهن اللاعبين من الان

-- أما المشكلة التي قبل التفكير في الجزائر ...ياترى لو طلعنا من الكاميرون....هنفرح انها جات من الكاميرون افضل ما تيجي من الجزائر

أم سنزعل لأن الجزائر وصلت لدور الأربعة واحنا لأ

لو اللى بتفكر فيه ده صحيح يابو ريم

تبقى مصيبة بقى المنتخب يهرب من المواجهة...وخاصة اننا افضل

طب بأمارة ايه احنا افضل الان.......هما غلبونا مرتين.....ودخلوا كاس العالم على حسابنا.......

نفسي اكون مطمن مثلك......على العموم أملنا في ربنا كبير وفي التزام الاعبين.

((( بس مش ملاحظين ان مصر الجزائر زامبيا - 3 فرق من مجموعتنا في دور الثمانية ، والجزائر في دور الاربعة واليوم زامبيا بتحصلها....فاضل مصر بإذن الله )))

نفس اعرف من العبيط اللي قال على مجموعتنا في كأس العالم سهلة...

تم تعديل 25 يناير 2010 بواسطة Abu Reem

[engmido]

يا اخواننا الجزائر هى الجزائر لا زادت ولا قلت دى دفعة معنوية فقط

الجزائر مكانتش حلوة ....كوت ديفوار هى اللى كانت زفت

[engmido]

يابو ريم باشا

طبعا احنا الافضل اداءا ولعبا ونتيجة

ومش عشان الجزائر بتكسب يبقى هى الاحسن واديك شايف منتخب مصر بقاله فترة امجازات ونتائج

المفرق بيننا وبين كاس العالم كان جون لو دخا كنا بقينا احسن فريق فى العالم

الجزائر صعدت من التصفيات التمهيدية عل حساب الستغال بفرق هدف

وصعدت على حساب مصر بفرق هدف وشوية حظ

وصعدت دور التمانية بفرق هدف برده

وصعدت قبل النهائى ولعبت ماتش جامد مانكرش.....بس كوت ديفوار هى اللى كانت زفت مش الجزائر اللى كويسة واديك شفت اول الماتش كان دفاع الجزائر شورية

[se_ Elsyed]

بعيدا عن التفاؤل والتشاؤم

فريق الجزائر كان قوي دفاعا قبل ان اقول قوي هجوما ،

أما الدفاع.....دفاع فريقنا ....فما زال مهزلة.....واوعوا تنخدعوا بأن دخل فينا هدف واحد فقط....

إنت متأكد يابو ريم إنك بتتفرج على ماتشاتنا ؟

أيوه يعني ماتشات مصر ؟

أومال أنخدع بأيه لو ما كنتش أنخدع بأرقام حقيقية أمام الاعين واضحه وجليه ؟

الجزاير شالت 5 اهداف في أربع مباريات ..

ومواقع رياضية قبل مبارة الأمس صنفت شاوش الحارس بتاعهم إنه من أسوء حراس المرمى في البطولة ...

يبقى نصدق الأرقام والوقائع ولا إيه بالظبط ؟

-----------------

لا ينبغي لنا أن نفكر فيما هو قادم قبل أن نتخطى مباراة اليوم

ما فيش حاجه في الكره إسمها كعبه عالي وكعب كوباية ...

بإذن الله أنا متفائل خيراً ... نعدي الكاميرون بس وبعدين نفكر في الجزائر ...

الجزائر فريق أقل من العادي .. بدليل إن بقى له 20 سنة لم يصل إلى نهائيات أفريقيا .. ومشيت معاه البطولة دي بالحظ فقط وبفارق هدف ..

ساحل العاج - نيجيريا - الكاميرون

بيفكروني بــــ

مش هاقول أكتر من اللي قاله بوحه في فيلم بوحه ههههههه

فاكرين لما كان الواد أبن المعلم بيتخانق مع البت كوتا وعمال يكيل لها ... وبوحه واقف مع القهوجي العملاق اللي شنباته قد دراع الواحد ؟

فبوحه بيقول له : ما تنزل تحوش

راح قايل له : لا يا عم لا يضربوني

بص له لفوق وقال له : إنت ما بتشوفش نفسك في المرايا ؟

اهم هما كده

لعيبة عالميين ..

أجسام جبارة وكل واحد قد ضرفة الباب

مهارات مالهاش حل

ومع ذلك هم أصحاب أداء هزيل نابع من عدم الأنتماء لبلادهم وعدم وضع أولولية لمنتخبهم الذين لا يحصلون منه على أي عائد مادي - من وجهة نظرهم -

وبالتالي كل واحد بيلعب تلاقيه كأنه بينظر إلى ساعته ويحسب متى يرجع إلى وطنه الذي يحترف به ............. بلا أفريقيا بلا رطوبة بلا حر بلا قرف

وهذا ما شاهدناه بالامس

فريق ساحل العاج نزل الشوط الأول وحتى الجزائريين أنفسهم قالوا : أكلنا تراب يا رجاله

وفجأة أنكشفت الأفيال على حقيقتها ووضح تخاذلهم لدرجة اقسم بالله هناك أوقات كان الجزائريون يتناقلون فيها الكرة والتانيين واقفين متمسمرين في الأرض وكنت أظن إن الحكم اطلق صفارته عن خطأ ما والجزائر لم تسمع الصفارة ... حتى الكرات العرضية الجزائرية ... اللاعب الأيفواري مكسل يقفز وكأن مربوط على اقدامة أكياس رمل

وبالتالي ده أعطى فرصة للجزائر انها تلعب مباراة العمر وتفوز بجدارة طالما الفريق المنافس ليس لديه رغبة في اللعب حتى وليس الفوز ...

مبروك للجزائر هذا العرض المشرف ... وإن شاء الله تكمل اليوم بمصر وبعدها لكل حادث حديث

وأرجو الا يأتي الأخوة الجزائريون لأنجولا بأسلحتهم كما دعاهم المذيع أمس وأن ياتوا فقط بسلاح الوطنية وحب الألوان اللي كرهها 100 مره عشان يداري على كلامه وهو بيقول " وا با تفليقه " أرجو أن تُسهل إرسال المناصرين المدجيين بالأسلحه إلى أنجولا ....

حاسس إن المناصرين دول مربينهم في مكان وبيطلقوهم وقت اللزوم