متابعة كأس الأمم الأفريقية - انجولا 2010

[se_ Elsyed]

شوفتوا زيدان وهو خارج ( لم يسلم على زميله ورمى شارة كان يلبسها على الأرض )

عندك حق يا شحاته على اهمية السلوكيات

بالراحة يا كابتن أبو ريم

ده عادي في كره القدم

يعني لا الراجل شتم ولا راح يضرب مدربه زي ما عمل ميدو في 2006

إلا بالحق .. إنت تقرب لطارق دياب ؟

اصلك ما قولتش مبروك ههههههههههه

------------

مبروك لمصر

أداء على قد فلوس موزمبيق وفوز بأقل مجهود

وفوز على الظروف الصعبه ... اكتر من نص الفريق يا جماعه أصيب بانفلونزا حاده ..

أحسن منظر أمبارح في التدريبات كل لعيب ماسك في أيده زجاجة مليئة بعصير الليمون ومتبت عليها جامد

تأهل المنتخب المصري بنتيجة 100 % والفوز بنتيجة المبارتين ..

والمباراة الثالثة ستكون تحصيل حاصل امام بنين يوم السبت القادم

على فكرة بنين فريق جامد وواعد وقطع نيجيريا النهاردة ونيجيريا فازت 1-0 بالعافية وفلتت من هزيمة فعلاً

أفريقيا يا جماعة قارة ما فيهاش صغيرين .. حاجه غريبة

بقى الجابون تكسب الكاميرون 1-0 ........ لييييييييييييه ؟

برافو برافو أبطال مصر ..

وأحب ان أُهدي هذا الفوز لصديقي أبو ريم ... وللسيد جمال مبارك

[president]

شوفتوا زيدان وهو خارج ( لم يسلم على زميله ورمى شارة كان يلبسها على الأرض )

الف مبروك لمصر ... ونشوف مستوى أحسن من كده الأدوار الجايه ان شاء الله ...

على فكره رد فعل زيدان عشان هو زعلان من نفسه انه ملعبش زى ماكان عايز ومكانش متوفق .... عادى يعنى مش لازم نمسكله على الواحده ...

أحمد حسن فى ماتش بيلعبه هايل ... وماتش تانى تحس ان بيلعب فى الحاره ... فعلا لعيب غريب ...

هوا حسنى عبدربه فين ؟؟؟؟؟؟؟؟

تم تعديل 16 يناير 2010 بواسطة president

[أسامة الكباريتي]

جدو حالة مستعصية ..

ومالهاش حل ..

مرحى جدو مفاجاة حسن شحاتة في أنجولا

موديل 2010

ومبرووووووووووك علينا الفوز

رغم تدمير أعصابنا في الشوط الأول ..

منتخب مصر لعبه يتطور دقيقة بدقيقة في الشوط التاني ..

المهم التلات نقاط ..

والفرحة مستمرة بحول الله وقوته ..

تم تعديل 16 يناير 2010 بواسطة أسامة الكباريتي

[أسامة الكباريتي]

أحمد حسن فى ماتش بيلعبه هايل ... وماتش تانى تحس ان بيلعب فى الحاره ... فعلا لعيب غريب ...

فعلا ما كانش مقنع النهارده إلا في الربع ساعة الأخير .. تحرك في كل مكان ورجع للماتش ..

تم تعديل 16 يناير 2010 بواسطة أسامة الكباريتي

[عاشق الترحال]

جدو جدو جدو خش الشارع هدو

ألف مبروووووك لمصر ولكل المصريين

تم تعديل 16 يناير 2010 بواسطة عاشق الترحال

[Abu Reem]

المشكلة اني بأفكر ياترى مين الفريق اللي مصر ممكن تلاعبه في دور الثمانية ونقدر نقول عليه لقاء سهل

- الجابون فريق واعد وهزم الكاميرون ، وقبل كده فاز لى المغرب في تصفيات كاس العالم

- زامبيا ( اكثر فريق اتمنى الا نقابله ، وفي رأيي اقوى فريق في المجموعة الثانية )

- تونس ( نفسي نقابلها علشان نكسر انفهم غرورهم )

- ( الكاميرون ممكن تكون نفسيا احسن لنا ، ولكن تظل فريق قوي وهو سيحاول الانتقام لو لعب معانا )

أما بالنسبة لزيدان يا حاج سين سين ، مش عارف حاسس انه منفسن وعايش في الدور ..ودي مصيبته

ونصف مبروك فقط علشان فريقنا ...يخوف...ودفاعنا وحش قوي ,,, وعلى اي ننتظر شفائهم من الانفلوانزا

[أسامة الكباريتي]

ألف مبروووووك لمصر ولكل المصريين

ولكل العرب رَغِمَت أنف طارق

[se_ Elsyed]

يابو ريم

الكبير لا يخاف الكبار

إن شالله نقابل العفريت الأزرق مش هاتفرق طالما عندك أرادة

وهانروح بعيد ليه

في 2008

لكنا الكاميرون مرتين وبهمزيمة مذلة

وساحل العاج شالت اربعة في هزيمة تاريخية

إذاً ما يهمش نقابل مين ..

المهم نلعب إزاي

--------

بالمناسبة

حاسس إن عم أسامه الكباريتي هايلبس الشورت والفانله وينزل يلعب ... هههههه

انا أرشحه بصراحه يلعب بدل حُسني عبد ربه ... بصراحه وعذراً للدوري الأماراتي ... مستواه أتدهور من ساعة ما راح هناك

انزل سخن يا عم اسامه عشان هاديك فرصة عمرك في ماتش بنين الجاي

[om marawan]

ألف مبروووووك لمصر ولكل المصريين

ولكل العرب رَغِمَت أنف طارق

الله يبارك فيك ويبارك لمصر وللعرب يا استاذ أسامة ولا رغمت انف حد ولا حاجة

ربنا يهدي والله .

زى ماتكون كلمة والناس عاوزة تصدقها ان المصريين مكروهين من العرب

الحمد لله لسه فيه ناس عاقلة فاهمة ان مافيش حاجة اسمها شعب كامل يتكره من بابه كده

وربنا يهدي

عاوزة اقول حاجة اخيرة انا اخدت دور البرد اللى اتكلموا عن ان اللعيبة واخداه دور صعب جداااااا يعنى بجد ربنا يعينهم خصوصا مع الرطوبة اللى خلت المطرة تنزل نص الماتش دي ... الدور بجد ياجماعة مرهق جدا وبيقلل التركيز بشكل غريب بس الحمد لله اللعيبة دول محترمين ومجتهدين بجد وعشان كده ربنا ماضيعش تعبهم

بالتوفيق ويااااارب ياااااااارب يسترها فى الماتشات الجاية باذن الله احسن بجد نفسى الناس كلها تفرح

[أسامة الكباريتي]

يابو ريم

الكبير لا يخاف الكبار

إن شالله نقابل العفريت الأزرق مش هاتفرق طالما عندك أرادة

وهانروح بعيد ليه

في 2008

لكنا الكاميرون مرتين وبهمزيمة مذلة

وساحل العاج شالت اربعة في هزيمة تاريخية

إذاً ما يهمش نقابل مين ..

المهم نلعب إزاي

--------

بالمناسبة

حاسس إن عم أسامه الكباريتي هايلبس الشورت والفانله وينزل يلعب ... هههههه

انا أرشحه بصراحه يلعب بدل حُسني عبد ربه ... بصراحه وعذراً للدوري الأماراتي ... مستواه أتدهور من ساعة ما راح هناك

انزل سخن يا عم اسامه عشان هاديك فرصة عمرك في ماتش بنين الجاي

ياسيد الرجال .. كان زمااااان

دا انا اكبر من روجيه ميلا (في السن)..

كان نفسي .. ويشرفني لبس فانيلة "مصر"

[Ambitious]

دايما بشوف المواضيع بتاعة الكورة دى ومبدخلش على المواضيع .. لكن دخلت من استغرابى لما لقيت مشاركة لأسامة الكباريتى خارج قسم القضية الفلسطينية :unsure:

[أسامة الكباريتي]

دايما بشوف المواضيع بتاعة الكورة دى ومبدخلش على المواضيع .. لكن دخلت من استغرابى لما لقيت مشاركة لأسامة الكباريتى خارج قسم القضية الفلسطينية :D

هي الكورة ف إيد أسامة .... عَجَبَة ياخي

اسامة الكباريتي

(لاعب كرة يد سابق .. وكوتشينة حاليا) :unsure:

تم تعديل 17 يناير 2010 بواسطة أسامة الكباريتي

[se_ Elsyed]

أنتهت مباريات الدور الأول

وأثبتت الايام ان الكبير كبير

وصعد لدور الثمانية الفرق التالية

انجولا ... وهاتلاعب غانا

الجزائر ... وهاتتفرم من ساحل العاج

مصر .. وحظنا جه تاني مع الكاميرون وكأن مكتوب علينا نلطش فيها كل مره

نيجيريا مع زامبيا

---------------

فريقنا الحمد لله حصل على علامات الاجادة كاملة

9 نقاط من 9 ....... أمتياز مع مرتبة الشرف

الفريق الوحيد الحمد لله كالمعتاد الذي لم يُهزم

احرزنا 7 أهداف في 3 مباريات

أُحرز فينا هدف واحد في اول مباراة فقط امام نيجيريا

الحمد لله أيضاً فريقنا مستواه يرتفع ضد الفرق الكبيرة .... وبالتالي اتوقع يوم الأثنين القادم مباراة قوية بيننا وبين الكاميرون ..

لا ألتفت كثيراً الي التاريخ وما يقال إن كعبنا عالي عليهم وإننا غسلناهم وكويناهم في مبارتين بالبطولة السابقة

فالبطولات لا تعترف بالماضي ...

بدليل

الجابون داست الكاميرون في أول مباراه بالبطولة

والجابون عفواً يعني مش موجوده على الخريطة الكروية الأفريقية

وبالتالي كل مبارة تُمثل 90 دقيقة هي بطولة مستقلة بحد ذاتها ...

ومن يكسب هو من يبذل مجهود أكثر ... ويركز طوال المباراة ويحترم خصمه ويقرأه جيداً

[rar]

سيناريو روش جدا جدا يا رب يبقي بحقيقي...

مصر هزمت نيجريا... لو هزمت الكاميرون هتلاعب ساحل العاج... لو وصلت النهائي جايز تلاعب غانا...

أيووووووه ... دانت تبقي كبير قوي يا ابو كريم لو دهست كل الفرق المتأهلة لكأس العالم...

مين عارف...

[se_ Elsyed]

انا بدي نجابل الجزاير لو حصلت معجزه وفازت على ساحل العاج ونشفي غلالنا ونعرفهم مين ولاد أبو اسماعين

ولاد ابو اسماعين اللي عمرهم ما يسيبوا تارهم واصل ... وانا جلبي مشعلل نار من ساعة علقة السودان ... والضرب لسه معلم في جتتي يابوي

الله يرحمك يا زلطه ... كان راجل ...... عاش راجل ومات راجل

[om marawan]

انا مش عاوزة أشوف وشهم

بجد فرقة مستفزة فى طريقة لعبها وعاملين زى العيال الصغيرة

ده كفاية انها الفرقة الوحيدة اللى اتأهلت بجون واحد !!!!!!!!!! وفاكرين نفسهم بيفهموا فى حاجة اسمها كورة

عجب

[حسام يوسف]

عشان نفوز لازم نغلب الماتشات الجاية باذن الله

الكاميرون

ثم كوت ديفوار

ثم غانا

مهمة صعبة

ودي سكة البطولة

[Simba]

انا بدي نجابل الجزاير لو حصلت معجزه وفازت على ساحل العاج ونشفي غلالنا ونعرفهم مين ولاد أبو اسماعين

ولاد ابو اسماعين اللي عمرهم ما يسيبوا تارهم واصل ... وانا جلبي مشعلل نار من ساعة علقة السودان ... والضرب لسه معلم في جتتي يابوي

الله يرحمك يا زلطه ... كان راجل ...... عاش راجل ومات راجل

ضرب ايه بس يا استاذ سين سين

هو حضرتك صدقت ذينا كده

احنا انضحك علينا واللي كان كان

[ozoozo]

غانا تطيح بانجولا

عشان يعرف سي جوزيه يظبط ماتشاته مع الجزاير كويس

[ozoozo]

الخضره لبست اول جون في اول خمس دقايق

لو مشيو بالمعدل ده كل خمس دقايق جون انشاء الله تشبلها 8 او 9