ازمة العته الاجتماعي

[الباشمهندس ياسر]

امس

كنت و احد اصدقائي الاعزاء نتناقش سويا في مسألة المهور و تجهيزات الشقق و ما الي ذلك من لوازم الزواج في مجتمعنا المتخلف

اولا : اريد ان افهم من هو الشيطان الذي ابتدع تلك البدع التي ما انزل الله بها من سلطان و ما قام بها اصحاب العقول ايدا

نحن امة تنتحر بمزاجها انتحارا بطيئا علي كافة المستويات ... فإن غلبتنا الحكومات المتتالية ف السياسة و دمرتنا ف الاقتصاد و خربت علينا الزراعة و الصناعة

واوصلتنا الي ان نكون في ذيل الامم ف كل شيء و اي شيء

فـــ أين نحن و دورنا ف الحروب الاجتماعية التي نعيشها

أيها السادة

دعونا نقر و نشهد أننا ف مشكلات اجتماعية تخطت حاجز الخطورة من المستوي الرابع و العشرتاشر اذا لزم الامر

نحن نعيش ازمة بكل ما تعنيه الكلمة

و ازماتنا ف افكارنا و عقولنا الغبية التي تري الحق و تحيد عنه تحت مبررات لا تستحق عناء الالتفات اليها اصلا

من خلال تنقلاتي المختلفة و اختلاطي بالفرنجة ( ايوه هما فرنجة و هقول روم كمان ) رايت فيهم ما لم اره فينا ف هذا الامر خصيصا

يتمتع و اقولها بالفصحي يتمتع الشباب الافرنجي من الفتيان و الفتيات بكامل حياته النفسية و الجنسية منذ بلوغه سن الثامنة عشر

بينما يحرم الشاب منا و الفتاة من بناتنا من ذلك الي ان يشاء الله و يستطيع هو ان يجهز قصر الخلافة العامرة و يتقدم لطلب يدها التي فقدت نضارتها و رونقها

بفعل مرور السنين و فقد هو قوته و فحولته جراء تجرع الصبر المرير و فقد أعصابه ايضا و بدأت تدب فيه الامراض المختلفة نتيجة الضغوط الرهيبة من كل اتجاه

فأصابه السكري و الضغط و ربما وصل الامر لابعد من ذلك جراء تناولنا الاطعمة و المزروعات المسرطنة (( نسأل الله السلامة لكل الخلائق ))

ان الشاب في بلاد الفرنجة اذا اراد ان يستقل بصديقته لا زوجته اكتفوا بما نسميه نحن استديو Studio Apartments و لا يستطيع معظمهم ايجار مثل هذا الاستديو

بينما في بلادنا العامرة لا تستطيع ان تجد من تقبل مثل هذا التفكير و ان قبلت هي لا يقبل السادة اصحاب الجلالة و الفخامة و السلطنة (( بالمرة بقي )) اولياء امرها

و ربما تجد من يسكن ابوها و امها و اخوانها و اخواتها في شقة بالايجار القديم ( الله يرحم ع الناصر اللي عمل شقق تمليك ببلاش ) و لا تزيد مساحتها عن المائة متر مربع

و يسألك عن شقة معاليك و مكانها و مساحتها و مستوي واحد ولا اتنين و فاضل عليك اقساط و لا خلصتها ...

و تدخل بقي ع الشبكة و تحاول تفهم الخلايق ان الشبكة ما هي الا هدية رمزية عشان اللي يبص ف صباع معاليها يعرف انها تابعة لراجل تاني و السلسلة و الكام خاتم ما

هم الا زينة مش اكتر و ممكن تستخدم الاكسسوارات للزينة و دائما بتبقي اشيك و الله .. انما مفيش فايدة لازم تقوم رازع 20 باكو عشان يتقال جابلها زفت ع دماغها و دماغ

ابوها كمان

و تيجي سعادتك للعفش ... شوف الاسم نفسه .. عفش ... يعني حتي اللفظ المصري الاصيل يوحي اليك بعدم اهمية هذا المتاع من اساسه

انما تعمل ايه للتفكير الغبي و العقول المقفولة علي مجموعة من الترهات تفأجا بأنك مطالب بغرفة نوم تمنها لن يقل عن 14 الف بأي حال من الاحوال و طبيعي جدا انك

تتكلم ف 20 الف و 25 الف كمان و ده عند شرائح الطبقة الوسطي التي تكافح بشدة لكي تظل ف الوسطي ولا تتحرك ... للاسفل طبعا

و الصالون ... و الانترية و السفرة و يا سلام بقي علي غرفة النونو اللي لسه انت مدخلتش علي امه اصلا عشان تعرف هيجي البيه ده ولا لآ

هتلاقي الحسبة دخلت علي كام يا جمييييييييييييييل

و طبعا ابوها لازم ينوبه من الحب جانب فهيشيل معاك و يجيب انتريه مثلا او صالون و يشيل المطبخ

و تخش ع المطبخ

يا تري هيجي من قبنوري و لا هتقدر تجيبه من حد تاني

طب هيبقي خشب ولا الوميتال ولا خشمنونيوم ولا اي فزلكة جديدة و خلاص

طب طقم الخشاف .. اه و الله الخشاف هيبقي كريستال اللؤلؤة ولا كريستال الصومال عشان نبقي متفقين

و اوعي حد ينسي طقم العناب ................ و عندك واحد عناب و صلحه

و يا سيدي بقي علي مزاج سعادتك و انت بتشرب واحد كابتشينو ... يا تري اتعمله طقم ولا لسه

احسن انا فعلا معنديش فكرة و الله

و طقم ام علي ... و ابو علي اذا لزم الامر

و 3000 حلة من تصنيع الاهرام ان مكنوش مستورد عشان مستوي الاحتكاك هيتولد عنه براده معدنية هتتسبب ف بله زيادة عن البله اللي موجود اصلا

طقم صيني بأكتر من الف جنيه فما فوق عشان يترمي ف النيش (( اللي ملوش اي لازمة ف الحياة )) و لما ربنا يكرمك و تخلف و يبقي عندك ببنت

و يجيلها عريس تبقي تعشيه فيه

و يا سلام ع الميلامين و اوعي حد يضحك عليك و ميجيش مع العروسة الف و خمسمائة ملاية سرير

و سبعمائة و سبعين مفرش ... اشي قطيفة علي اشي ستان علي شوية حرير

و ستمائة مرتبة ... متسالنيش هتعزم القبيلة كلها ولا ايه

حاجة بقت في منتهي الهبل و مهزلة لازم تتوقف

لا اله الا الله

الموضوع فعلا موضوع مقرف راسا و موضوعا

لازم كلنا نبطل التخلف اللي احنا فيه

لازم نتغير و نغير افكارنا العبيطة دي

نفسي حد يجاوبني

مين اللي قال ان العروسين لازم يبدأوا من حيث انتهي الاخرين..............؟؟؟؟؟؟؟؟؟؟؟؟؟؟؟؟

فعلا

احنا مجتمع عبيط

[myusername]

فى الحقيقة... اولا احييك على فتح الموضوع ده, و يمكن كنا بنتكلم فيه فى موضوع عايز اتجوز.. عايزة عريس.

من اول ما قريت اول سطرين, تذكرت غزوتى الاخيرة فى بلاد الاندلس و بلاد الفرنجة, ثم تفاجئت ان حضرتك ذكرت ابناء الفرنجة فى الموضوع... ده مش انا لوحدى بقى... :rolleyes:

لما رحت بلاد الفرنجة و الاندلس (اسبانيا و فرنسا)... اكتر حاجة كانت شاغلة بالى انى اتكلم مع الناس - و خصوصا الشباب.. و اسالهم عن حياتهم و عاداتهم و تقاليدهم... لانى فعلا كان نفسى افهم الناس دول عايشين ازاى.

طبعا بسبب قصر رحلتى, لم اتمكن من جمع معلومات كثيرة.. و لكن قابلت العديد من البينى آدمين اللى افادونى فى الموضوع ده.. و اللى حاكولى على تجاربهم و على حياتهم.

عجبنى قوى نظام الحياة هناك... الشباب مبيفكروش كتير فى المواضيع دى.. مش معنى كده انهم مبيفكروش فى مستقبلهم, و لكن يمكن بسبب استقلالهم عن اسرهم, مبيبقاش فيه تدخل كبير فى موضوع اختيار السكن و كيفية الحياة... و ما الى ذلك من امور عائلية تهم الطرفين فقط لا غير.

و لقيت المثل هناك بيقول... انا راضى و هى راضية.. مالك انت بقى يا ابوها(بدل يا قاضى).. يعنى بصراحة الناس هناك مهلسة الاخر و مش شاغلة دماغها بالحوارات دى.

اتمنى ان تحصل ثورة اجتماعية تغير الكلام ده...

[لماضة مصرية جدا]

السلام عليكم و رحمة الله و بركاته

لمست حالة الغضب من كلمات حضرتك يا باشمهندس ياسر... و لك كل الحق...لأن فعلا الجواز كده بقي فعلا زي المعركة الحربية اللي كل واحد بيستبسل انه يهبش م الطرف التاني اللي يقدر عليه...

و ده يا اما لسوء تقدير شديد جدا إن غلاوة بنتي....و غلاوة بنتي عند العريس لازم يكون ليها قيمة ملموسة... مع انها في حقيقة الامر بعيدة عن كده تماما

يا إما خوف شديد جدا علي الابنة.....(طب مين قال ان طقم الميلامين و لا الخمستاشر ملاية.... هم مفتاح السعادة)

بس الحقيقة نفس الطرح اللي حضرتك قولت عليه.... كان فيه شبيه ليه مع عائلتي باختلاف الدور طبعا.... لأني بنت... و كانت صدمة ليهم اني اتكلم بالمنطق المعاكس جدا (لان اي بنت من وجهة نظر الاهل بيبقيوا متخيلين ان فرحتها هتكون في الكوبايات.. و الملايات...ز و كم طقم معتبرين..... مش عارفة ليه اهالينا بيصروا يعاملونا زي الناس التانيين مع انهم نجحوا جدا انهم يربونا عشان نكون مختلفين)

و كان الرد الهاديء في وقتها..... ان الزواج.... فيه جزء كبير جدا تصنعه الاعراف....و إذا كنت مثلا م الصعيد....فان لك مسئولية مثلا (أقرب ما تكون قبلية) بتحتم عليك انك توصل للصورة اللي اترسمت م الي قبلك

الحل من وجهة نظري....المتواضعة ةجدا.... و لك ان تقبله او ترفضه... أو خلي كل المحاورين نفكر فيه

لكل حد الحق ان يحلم و ان يؤمن بما يعتقد انه الصواب...

و من حقه ايضا... ان يعيش حياته كما رسمها لنفسه لا كما يرسمها له آخرون... و إن كانت غايتهم اسعاده....من وجهة نظرهم

ببساطة... إذا وصل البني آدم لقناعة تامة أن هذا الانسان او الانسانة.... هو من يملك مفاتيح السعادة...إذن...

افتح بيبانك.. و احلم

و عيش حلمك كما تراه..... و حافظ علي حلمك ده بكل ما اوتيت من قوة..... و تضحيات

و ربي بنتك أو ابنك علي ما تراه من قناعات.....و اترك لهم مساحة للتنفس... قد يأتون يوما بما غاب عنك

و عندما تجد ضالتك..... اعلم تمام اليقين أن الاهل سيسعدون بك.....لأنه يسعون لذلك... كل بطريقته الخاصة جدا

رايي ... ألا نتوقف كثيرا..... عند ما نظنه يدفعنا الي الوراء....

و خلينا نمسك احلامنا بقوة...

عشان هي الدينامو الحقيقي المحرك لينا لقدام

تحياتي

[justme]

اولا مساء الفل يا عم ياسر ونهارنا ابيض ان شاء الله

مانتا معايا على الخط تهوه امال مبنشوفكش في القهوة ليه

انت مالك يا حج شكلك تعبت زي حالاتي بس اخوك بقى خبرة بتاع 5 سنين كده بعيد عنك وشاف فيهم العجب

اعتقد انا قلتها قبل كده بس خليني اكررها تاني

اذا جائكم من ترضون دينه فزوجوه ده كلام حبيبنا النبي صلى الله عليه وسلم طب لو معملناش كده يبقى ايه تكن فتنة

واحنا ولله الحمد في زمن يعج بالفتن لأسباب عدة

طب مثال على كلامك اختي لمات جت تتجوز جابت 6 اطقم كوبيات اعتقد انها لو فاتحة قهوة مش هتجيب العدد ده

ده غير 4 اطقم بطاطين مش عارف مع انهم عندهم تكييف ودفاية وكمان هما لسه 2 ما علينا

سعادتك زمان في التلفزيون كنا دايما بنشوف البت بتتجوز في الارياف في بيت اهل جوزها

لكن علشان الدنيا تتعقد

لازم شقة كام اوضة وكمان تمليك في المنطقة الفولانية ومساحتها و و و و و

طب اضحكك

اعرف بنت اتخطبت لواحد عنده شقة تمليك في وسط البلد اهلها شرطوا عليه يجيب شقة جنبهم وللعلم تاكس ب 2 جنيه او مسافة 20 دقيقة مش هيوصلوا

طب محدش سأل نفسه ازاي وصلنا كده

انا عندي نظريتين من واحدة من بتوع المؤامرة والتاني كده موضوع طويل شرحه

بص يا سيدي

انت فاكر زمان اذا كان جدك عايش ربنا يديه طولة العمر او اسأل حد من الناس اللكبار وقوله انت اتجوزت عندك كام سنة ومراتك كان عندها قد ايه

لو حد قالك اكتر من 20 23 سنة للراجل و 16 او 18 سنة للبت ابقى قابلني طبعا في شواذ لكن الغالبة كانت كده

دلوقتي ده يعتبر خطأ وازاي وليه وهذكذا

طب مين قالنا كده ---- الجماعة الفرنجه على رأيك

طب ليه هما بيمنعونا او مش عايزنا نقيم شرع ربنا ونتجوز بدري وهما بيسمحوا للواد المفعوص او ما يوصل 16 سنة انه يعك زي ما هو عايز

لأن سعادتك ده بيولد كبيت وبعده انفجار

واحنا على فكرة بدأنا نشوف بوادر الانفجار في المجتمع على كل الاصعدة (الفتنة)

طيب ايه الحل

لازم وقفة

يعني مثلا هو اقتراح من قبيل الضحك بس ياريت محجدش يفتكروا حاجة غلط

لماضة قالت كل واحد حر

طب حرية بقى

نعمل جروب على الفيس بوك ونسميه بلاك ليست

ونحط فيه اسم كل ولي امر عايز يفرض شروط مجنونة على العريس وننشرها بين الشباب

وخلي بقى حد يحط شروط هبله كده واحنا نفضحه وخليه يفرح ببنته كده ويتفشخر بيها

شوفتوا حلقة واحد من الناس بتاعت المدرس اللي بياخد 350 بعد 7 سنين خدمة

حد يقولي الراجل ده لو مشتغلش بعد الظهر كان عاش ازاي

ولو ابو زوجته مقدرش ظروفه كان عمل ايه

كان ممكن يسرق

يقتل

يغش في سبيل المادة

عموما نكمل بعدين

[رضوي]

السلام عليكم ورحمة الله وبركاته

أولاً احييك علي اختيار العنوان الرائع ( ازمة العته الاجتماعي )

أوافقك الرأي ..................... وواضح ان كلنا متفقين في هذا الرأي

طيب عندي حكاية حقيقية فعلاً ممكن تضحكوا عليها بجد

اعرف ناس اتجوزا من غير شقة أصلا............. اه والله .............. نظام قاعدين شوية عند اهلها وشوية عند اهلة وبعدين واحدة واحدة ربنا كرمهم واشتروا شقة ........... وقعدوا فيها من غير عفش ........ وواحدة واحدة برضه فرشوها ....... بتعب وصبر وغربة ............ بس أهم حاجة واللي كانت الدافع والمحفز لهم انهم فعلاً بيحبوا بعض ............ مثال للصبر والبساطة والاجتهاد ........... وحاجات كتير تانية .......... ودلوقتي بعد مشوار طويل ربنا كرمهم وانتقلوا لوضع هايل ومركز جامد

ايه بقي المضحك في الموضوع :

انهم بعد لما بنتهم كبرت رفضوا يجوزوها بنفس الطريقة ....................... وفضلوا يطلبوا طلبات غير منطقية من خطيبها ............... لدرجة اعجزته عن انه يكمل ............. والموضوع باظ ............... واتجوزت البنت من شخص مقتدر وميسور الحال - يافرحتي - ولكن ................................................................................

......

طيب بأي منطق بترفض لبنتك وضع انت نفسك كنت علي أسواء منه زمان ............ ليه

بصراحة موضوع المغالاه في متطلبات الزواج أصبح وباء يهدد المجتمع كله بالانهيار ........... وانا لا ابالغ في هذا الصدد........... ويوجد من الدراسات مايثبت كلامي ......

طيب فعلاً عندي سؤال دايماً بفكر فيه وبسأله لنفسي كتير

ليه كل الناس اللي اتجوزوا في ظروف بسيطة جداً وماعقدوش الدنيا وكلفوا نفسهم فوق طاقتهم .......... ربنا بيكرمهم اخر كرم .............. بجد والله دي فعلاً مشاهدات واقعية .................

وبعد لما بتعب من التفكير بقول لنفسي يمكن علشان يطيعون الله وينفذون أوامره فيرزقهم من حيث لايحتسبوا

ويمكن علشان ربنا اعطاهم البصيرة في الدنيا ........................ ولا اداهم البركة ........................

الدبن يسر .......... وقد أَََُُُمرنا الله بتيسير أمور الزواج تيسيراً علي الشباب

فلماذا نعقدها نحن بعقد لايوجد لها لامبرر منطقي

لماذا لاننظر للأمور بنظرة مجردة اكثر

لماذا دائما نغمي اعيننا عن الحقيقة ونرفضها مع انها واضحة امامنا وضوح الشمس

تأتي الاجابة دائما ( التقليد الأعمي ) اجل هو دائما منبع المصائب

عجبني رد واحدة من اعز صديقاتي واكثرهم تقوي ......... لما تقدم لها احد الشباب الملتزم لكنة لايملك الكثير ويرفض الاعتماد علي عائلته ............ عندما رفض والدها أن تسكن في مكان في غاية البساطة ردت عليه بالرد التالي

أنا مش صفقة تزيد قيمتها بزيادة ثمنها المادي

- يابنتي حتعيشي ازاي في الوضع دة

احسن ما اعيش في وضع مادي محترم مع شخص لايتقي الله فيا

- وحتقدري تكملي في الظروف المتواضعة دي

بص ياوالدي ( اذا جاءكم من ترضون دينه فزوجوه ) وأنا رضيت دين هذا الرجل ......... فلو كان عند حضرتك اي تعليق فيكون علي دينه

- لا والله دة شخص فعلاً ونعم الرجل المتدين

اذا هذا ماأريده

تعالوا بقي نشوفها النهاردة ( والله وبدون ذرة مبالغة ) تسكن مكان متواضع جداً وبسيط اوي ........ لكن مليان بالحب والتقوي والأمااااااااااااااااااااااااااااااااااااااااااااااااااااان

مافيش مرة بزورها أو اتصل بيها الا وبتكون في أفضل حالاتها النفسية ( بسم الله تبارك الله ) كل ما أكلمها - ايه يابنتي عاملة ايه - ترد عليا وتقولي - ونعم الزوج والرفيق والحبيب

ومن اسبوعين ربنا رزقهم بطفل - تبارك الخالق - مجرد النظر اليه يشرح الصدر

ودايماً لانها من أصدقائي المقربين بتدعيلي ان ربنا يرزقني بزوج زي زوجها

ربنا يارب يرزقكم كلكم بأزواج وزوجات صالحين

فعلاً يابشمهندس فيه ازمة في مجتمعنا لكن فيه بريق أمل في ناس تتقي الله وتطيع أوامره

تحياتي للجميع ربنا يوفقكم لما فيه الخير

[hOuSsAm]

يا جماعة الموضوع بقى ممل اوى

وبتخنق كل مبفكر فيه

ايه قلة الادب اللى بتحصل دى

بصراحة بقالى سنة ونص مش عايز انزل اجازة عشان مش عايز اتعكنن وارجع خالى اليدين

فكرتنى يا بشمهندس قبل مسافر روحت اتقدمت لشخص ما وكانت انسانة كويسة والكل يشهد باخلاقها وزكائها

كانت المواجهة الاولى مع والدها ووالدتها كانت اسئلتهم غريبة جدا مع انى مستقبلى كان واضح بس مش فاهم هما عايزين ايه

كانوا بيسالوا عالشقة وساعتها مكنش عندى شقة بس كان عند والدى ارض

كانوا ساعتها مستغربين انت ليه تتجوز وانت صغير كدة (كان سنى ساعتها 22) قولتلهم يا جماعة مش بالسن ولكن بتحمل المسئولية والشخصية والقدرة على فتح بيت ويرجعوا يقولوا لاء لسه صغير عايزين واحد عنده 30

سالونى عن السى فى بتاعتى قولتلهم انا جاى اتجوز مش جاى اتوظف

سالونى انت هتقعد فين فى السعودية قولتلهم هتفرق فى ايه قالوا اصل فيه اماكن بتبقى متشددة شوية قولتلهم وايه المشكلة قالوا لاء عشان النقاب :sofa:

سالونى عن تقديراتى فى الكلية والكورسات اللى اخدتها بالتفصيل wst::

سالونى عن شجرة العيلة لاطراف انا مقبلتهمش قبل كدة فى حياتى mfb:

عايزين يعمل انتر فيو معايا الاول وبعدين انتر فيو مع بابا وماما وبعد كدة ابقى اعد مع ست الحسن والجمال بعد مستوفى جميع الشروط المادية تقول اه او لاء

وبعد كل ده هيبقى لي نفس انزل اخطب تانى

بجد وبعد الكلام اللى بسمعه من الناس فى مصر ملييش نفس اخطب

حاسس ان حد هيخمنى او هيدينى الم محترم على افايا

الفكرة يا سادة اثبت نفسك ماديا الاول وبعد كدة موضوع القبول والاعجاب والحب والتدين يبقى يتحل بعدين

هل مطلوب منى اروح الاول افرجهم على شقة واجيبلهم شيت المرتب بتاعى واجيب كشوف حساب من البنوك عشان اثبتلهم قدرتى على الحفاظ عالست المصون وعشان بعد كدة يفكروا يقبلونى ولا لاء

بصراحة انا قرفت من التخلف ده

قرفت من الذل اللى فيه الولاد والبنات دلوقتى

حسبنا الله ونعم الوكيل

[justme]

يا جماعة الموضوع بقى ممل اوى

وبتخنق كل مبفكر فيه

ايه قلة الادب اللى بتحصل دى

بصراحة بقالى سنة ونص مش عايز انزل اجازة عشان مش عايز اتعكنن وارجع خالى اليدين

فكرتنى يا بشمهندس قبل مسافر روحت اتقدمت لشخص ما وكانت انسانة كويسة والكل يشهد باخلاقها وزكائها

كانت المواجهة الاولى مع والدها ووالدتها كانت اسئلتهم غريبة جدا مع انى مستقبلى كان واضح بس مش فاهم هما عايزين ايه

كانوا بيسالوا عالشقة وساعتها مكنش عندى شقة بس كان عند والدى ارض

كانوا ساعتها مستغربين انت ليه تتجوز وانت صغير كدة (كان سنى ساعتها 22) قولتلهم يا جماعة مش بالسن ولكن بتحمل المسئولية والشخصية والقدرة على فتح بيت ويرجعوا يقولوا لاء لسه صغير عايزين واحد عنده 30

سالونى عن السى فى بتاعتى قولتلهم انا جاى اتجوز مش جاى اتوظف

سالونى انت هتقعد فين فى السعودية قولتلهم هتفرق فى ايه قالوا اصل فيه اماكن بتبقى متشددة شوية قولتلهم وايه المشكلة قالوا لاء عشان النقاب :sofa:

سالونى عن تقديراتى فى الكلية والكورسات اللى اخدتها بالتفصيل wst::

سالونى عن شجرة العيلة لاطراف انا مقبلتهمش قبل كدة فى حياتى mfb:

عايزين يعمل انتر فيو معايا الاول وبعدين انتر فيو مع بابا وماما وبعد كدة ابقى اعد مع ست الحسن والجمال بعد مستوفى جميع الشروط المادية تقول اه او لاء

وبعد كل ده هيبقى لي نفس انزل اخطب تانى

بجد وبعد الكلام اللى بسمعه من الناس فى مصر ملييش نفس اخطب

حاسس ان حد هيخمنى او هيدينى الم محترم على افايا

الفكرة يا سادة اثبت نفسك ماديا الاول وبعد كدة موضوع القبول والاعجاب والحب والتدين يبقى يتحل بعدين

هل مطلوب منى اروح الاول افرجهم على شقة واجيبلهم شيت المرتب بتاعى واجيب كشوف حساب من البنوك عشان اثبتلهم قدرتى على الحفاظ عالست المصون وعشان بعد كدة يفكروا يقبلونى ولا لاء

بصراحة انا قرفت من التخلف ده

قرفت من الذل اللى فيه الولاد والبنات دلوقتى

حسبنا الله ونعم الوكيل

باجماعة اسمعوا كلامي مفيش حلغير اننا نعمل زي لما الجماعة قاطعوا اللحمة علشان غالية طبعا مع فارق التشبيه الاباء معظمهم مش منطقي علشان ممكن قابل بعض المصاعب في بداية حياته

المشكلة كلها في خوفنا على الرزق

ربنا مع الشباب والبنات

انا بقول نصوم احسن عملا بحديث النبي

انا بقيت قاعد اتنرفز كل ما اكلم مصر ويفتحوا سيرة الجواز مش عارف اتكلم معاهم بأي منطق

وبيصعب عليا نظرة الالم في عين اهل وهما شايفين اولادهم مش عارفين يتجوزوا مع ان الحمد لله الوضع جيد

يبقى الحل احنا مش هنستنا حد يغير تفكيره منه لنفسه لازم الاولاد والبنات يغيروا تفكيرهم والا هتحصل ازمة

ومتفتكروش احنا في ازمة دلوقت

احنا بنشوف فقط البوادر

بس الامل دايما موجود

والحل لازم نصنعهمش نستناه ونندب حظنا

تحياتي للجميع

[عنبو]

اهم حاجه فى الزواج التكافؤ

ويمكن اغلب الاسر مبيهتموش بالحاجات دى ومبيبقاش عندهم بعد نظر فى الموضوع ده كل الى يهمهم الشبكه والعفش والشقه وخلاص طيب بنتهم هتعيش مع الشبكه والعفش بنتهم هتعيش مع بنى ادم

لازم البنى ادم ده يكون كفأ بالنسبه ليها وهى كمان

والغريبه بجد ان انت بتلاقى الناس الى نازلين طلبات دول كانوا اساساً بادئين حياتهم بالعافيه يمكن مكنش حيلتهم الا المرتب وخلاص

ودلوقتى بعد لما ربنا فتحها عليهم نسيوا هم اساساً اتزوجوا ازاى بس هنقول ايه بقى ؟؟

انا شايف الاب او الام الى بتدور على الشكليات دول مش بيدورا على مصلحة بنتهم دول بيدورا على مصلحتهم هم وشكلهم هم لكن بنتهم لا

بجد اهم حاجه فى الزواج التكافؤ

بلا عفش بلا شبكه بلا كلام فااااااض كل دى حاجات ممكن تيجى بعد كده لكن اتكافؤ عمره ما هيجى بعد كده ول حتى بعد مية سنه

من ضمن اراء الاباء يعنى لا تقوله انت ليه ياعم الحج بتعمل كده يقولك علشان اطلع عينه يقوم يعرف ان بنتى غاليه يقوم عمره ما يزعلها خااالص اه والله ده كلامهم

طبعاً منطق غريب وناس تعصب بس هنقول ايه ودائماً عندهم كلمة احنا داخلين على ايام سوده انا معرفش الايام السوده ددى هم السبب فيها اساساً من فكرهم الى مالوش منطق

من ضمن برده الحاجات ان واحد زميلى فى الشغل بقولى واحد يعرفه ليلة فرحه معملش حاجه خااااااالص من الاقساااااط الى عليه الراجل كان خايف ليتسجن من الاقساط هيعرف يفرح هو وعروسته

انا شايف ان حل الموضوع ده يتوقف على البنات اكتر من الشباب انهم يقولوا طالما مناسب يبقى خلاص كل حاجه ممكن تتعوض

يعنى احنا عارفين الحاله الاقتصاديه بتعت الشباب يبقى ليه نتقل عليهم مش كفايه المصاريف الى جايه قدام

مافيش احسن من البساطه انتوا عارفين احنا عاوزين واحد تكون قدوه والله وتتزوج زواج بسيط هتلاقى الناس بدأت تتشجع وتسيبها من المنظره الكدايه دى

على جنب بقى

اهدى ياياسر كده وخدلك واحد ديفو ماشى

شكراً

[الباشمهندس ياسر]

على جنب بقى

اهدى ياياسر كده وخدلك واحد ديفو ماشى

شكراً

عنبو

الموضوع مش شخصي خااااااالص

انا قعدت مع واحد زميلي من ايام الجامعه و ظروفه مش اللي هي

و حسيت بيه اوي لانه انسان محترم جدا جدا و اتاثرت بالكلام و عشان كده كتبت الموضوع ده

اطمن

اللي احنا بنضيعه ف الكلام الفاضي يعمل اربعتاشر جوازة مش جوازة واحدة

[لماضة مصرية جدا]

السلام عليكم و رحمة الله و بركاته

مش عارفة ليه كل ما اقرا الموضوع ده افتكر البيتين دول

وضعوني في إناء و قالوا لي تأقلم....

و قد ضاق إنائي بنموي فتحطم......

أنا من روح السماء......

أحمد مطر

نداااااااااااااااااااااااااء عاجل..............

كونوا روح السمااااااااااااااااء

بس خلاص

[Simba]

ايه الناس اللي عايزة تتجوز دي :blink:

بلاش استعجال يا اخوالنا لسه العمر قدامكم تلاتين اربعين سنة كمان ولا حاجة

كل واحد قبل ما يتجوز بيحلم ان الفطار هيجي له علي السرير وهو شهر وتلاقيه بقي يفطر في الشارع :lol:

هو انا طبعا مش مع المغالاة الكبيرة اللي بتحصل وخصوصا الشبكة اللي كل شوية بقي التمادي فيها فعلا شئ يحير العقل

لكن فيه حاجات ما ينفعش بصراحة التفريط فيها ولا نتجاوز عنها يعني مثلا مش مقتنع ان حد يتقدم لبنتي ويقولي هنأجر اوضة ونعيش حياتنا طوبة فضة وطوبة دهب علي ا

الاستايل الغربي

ماهو الموضوع مش واحد مع واحدة وعلاقة ودمتم

اللي بيفكر في الجواز لازم يكون عارف هو مقدم علي ايه ... تكوين اسرة ... يعني انت حضرتك مش هتجيب اطفال مش ليهم ذنب في حاجة ويحسوا ان الدنيا ضيقة عليهم

مش مهم ابدا العريس يكون مقتدر ماليا هو وعيلته لكن فيه حد أدني .... أنه يقدر يفتح بيت .. وده حق لكل اب وام انهم يطمنوا علي حياة بنتهم ماهي مش هتتعشي حب

وتفطر حب وتصوم الضهر

برضه لان اتقال في الموضوع عفش ايه وكلام فاضي ايه

خلاص بلاش عفش لما العريس يروح يتجوز يقول هجيب حصرتين وقلة ...مش شرط ابدا يكون العفش مبالغ فيه بس علي الاقل يكون فيه مكان للنوم ومكان لاستقبال

الضيوف ومكان تطبخ فيه ومش مهم المروحة والغسالة والثلاجة علشان الادوات الكهربائية غالبا بتكون علي العروسة وانا مش عايز اتقل علي نفسي :rolleyes:

تم تعديل 2 يناير 2010 بواسطة سمبا

[عنبو]

الباشمهندس ياسر مشاركة بتاريخ اليوم, 12:27 AM

عنبو

الموضوع مش شخصي خااااااالص

انا قعدت مع واحد زميلي من ايام الجامعه و ظروفه مش اللي هي

و حسيت بيه اوي لانه انسان محترم جدا جدا و اتاثرت بالكلام و عشان كده كتبت الموضوع ده

اطمن

اللي احنا بنضيعه ف الكلام الفاضي يعمل اربعتاشر جوازة مش جوازة واحدة

انت عارف ياياسر الموضوع مالوش علاقه بموضوع معايا او ما معيش الموضوع مسئلة مبدأ حتى لو معايا مبحبش اسلوب الفرض ده نهاااااااائى طالما الناس موافقه على المبدأ نفسه يبقى كل واحد يجيب الى يقدر عليه قول لصاحبك يشوف ناس تانيه تكون بتشترى راجل بجد

سمبا مشاركة بتاريخ اليوم, 05:23 AM

ايه الناس اللي عايزة تتجوز دي

بلاش استعجال يا اخوالنا لسه العمر قدامكم تلاتين اربعين سنة كمان ولا حاجة

كل واحد قبل ما يتجوز بيحلم ان الفطار هيجي له علي السرير وهو شهر وتلاقيه بقي يفطر في الشارع

هو انا طبعا مش مع المغالاة الكبيرة اللي بتحصل وخصوصا الشبكة اللي كل شوية بقي التمادي فيها فعلا شئ يحير العقل

لكن فيه حاجات ما ينفعش بصراحة التفريط فيها ولا نتجاوز عنها يعني مثلا مش مقتنع ان حد يتقدم لبنتي ويقولي هنأجر اوضة ونعيش حياتنا طوبة فضة وطوبة دهب علي ا

الاستايل الغربي

ماهو الموضوع مش واحد مع واحدة وعلاقة ودمتم

اللي بيفكر في الجواز لازم يكون عارف هو مقدم علي ايه ... تكوين اسرة ... يعني انت حضرتك مش هتجيب اطفال مش ليهم ذنب في حاجة ويحسوا ان الدنيا ضيقة عليهم

مش مهم ابدا العريس يكون مقتدر ماليا هو وعيلته لكن فيه حد أدني .... أنه يقدر يفتح بيت .. وده حق لكل اب وام انهم يطمنوا علي حياة بنتهم ماهي مش هتتعشي حب

وتفطر حب وتصوم الضهر

برضه لان اتقال في الموضوع عفش ايه وكلام فاضي ايه

خلاص بلاش عفش لما العريس يروح يتجوز يقول هجيب حصرتين وقلة ...مش شرط ابدا يكون العفش مبالغ فيه بس علي الاقل يكون فيه مكان للنوم ومكان لاستقبال

الضيوف ومكان تطبخ فيه ومش مهم المروحة والغسالة والثلاجة علشان الادوات الكهربائية غالبا بتكون علي العروسة وانا مش عايز اتقل علي نفسي

مهو ياستاذ سيما مافيش واحد بيروح يتزوج الا لما يكون عنده على الاقل اساسيات الحياه والا هيروح يتزوج ليه ؟؟

لكن طالما الناس موافقه عليه وشايفها انه كويس ليه بقى نفرض عليه انه يجيب حاجات اكتر من طاقته

شكراً

[justme]

ايه الناس اللي عايزة تتجوز دي :ninja:

بلاش استعجال يا اخوالنا لسه العمر قدامكم تلاتين اربعين سنة كمان ولا حاجة

كل واحد قبل ما يتجوز بيحلم ان الفطار هيجي له علي السرير وهو شهر وتلاقيه بقي يفطر في الشارع :blink:

هو انا طبعا مش مع المغالاة الكبيرة اللي بتحصل وخصوصا الشبكة اللي كل شوية بقي التمادي فيها فعلا شئ يحير العقل

لكن فيه حاجات ما ينفعش بصراحة التفريط فيها ولا نتجاوز عنها يعني مثلا مش مقتنع ان حد يتقدم لبنتي ويقولي هنأجر اوضة ونعيش حياتنا طوبة فضة وطوبة دهب علي ا

الاستايل الغربي

ماهو الموضوع مش واحد مع واحدة وعلاقة ودمتم

اللي بيفكر في الجواز لازم يكون عارف هو مقدم علي ايه ... تكوين اسرة ... يعني انت حضرتك مش هتجيب اطفال مش ليهم ذنب في حاجة ويحسوا ان الدنيا ضيقة عليهم

مش مهم ابدا العريس يكون مقتدر ماليا هو وعيلته لكن فيه حد أدني .... أنه يقدر يفتح بيت .. وده حق لكل اب وام انهم يطمنوا علي حياة بنتهم ماهي مش هتتعشي حب

وتفطر حب وتصوم الضهر

برضه لان اتقال في الموضوع عفش ايه وكلام فاضي ايه

خلاص بلاش عفش لما العريس يروح يتجوز يقول هجيب حصرتين وقلة ...مش شرط ابدا يكون العفش مبالغ فيه بس علي الاقل يكون فيه مكان للنوم ومكان لاستقبال

الضيوف ومكان تطبخ فيه ومش مهم المروحة والغسالة والثلاجة علشان الادوات الكهربائية غالبا بتكون علي العروسة وانا مش عايز اتقل علي نفسي

بص يا عم سيمبا

باختصار حديث النبي صلى الله عليه وسلم للشباب بيقول ايه

من استطاع منكم الباءة فليتزوج .... إلى اخر الحديث

يعني اذا استطاع منكم القيام بمتطلبات الزواج

محدش قال اوضه والحاجات دي

بس لما افكر في الموضوع ده الاقي انه ليه لأ طالما هما سعداء ولو كتير عملوا كده هيبقى محدش شايفه حاجة غريبة

زي الغرب لأنهم كتير بيبدأوا كده

بس المشكلة الاخطر

ايه تعريف الباءة بمنظور المجتمع

80 ولا 100 جرام دهب على الاقل

شقة تمليك ولو تنازلوا تكون ايجار بس على الاقل 3 اوض وصالة

عفش الاربع اوض ويكون على لاقل ب 30 او 40 الف

فرح في نادي مش اقل من 5000 طبعا ده ممكن يكون اكتر

وكمان يكون من عيله مرموقة في المجتمع يعني لو ابوه سباك بس الواد كويس قوي هنرفضه حتى لو جاب كل حاجة تانية

ومننساش اهم حاجة

انوا لازم يكون حرك وروش علشان يعجب البنت واهلها ومستقبله يكون مضمون

انا نفسي بس نكون واقعيين ونشوف نسبة الشباب اللي يقدر يحققالمطالب دي خلال 2 او 3 سنين بالمقاييس العدية من غير غربة

ونسبة البنات اللي قاعدة من غير جواز وعدوا سن ال 25 سنة وعلى فكرة علميا البنت في الفترة من 20 ل 30 بيبقى اكتر سن مناسب لها للحمل والانجاب وبعد كده كل ما تقرب من ال 40 بيبقى احتمال حدوث تشوه واعاقة اعلى وده كلا مثبت علميا

يعني اللي بنعمله دلوقت في نفسنا حرام

فكروا في شعور البنت اللي قاعده من غير جواز وبقالها متخرجة مثلا 7 سنين

او الشاب برضه طب اسأل كده الاجانب بيعلموا العيال ايه علشان لما يعدي مرحلة البلوغ يعمل ايه وهما يقولولك

يبقى الاحسن نسيبهم بقى يرتكبوا معاصي ويغضبوا ربنا وجواز عرفي وامراض وبلا ازرق

ولا نمشي بشرع ربنا

واخر حاجة الفلوس دي برضه سبب من اسباب فشل الزواج المنتشر

وتلاقي الراجل لو مش مستريح او البنت اول حاجة يفكر فيها التكلفة المادية وبسببها ممكن يطلع عين البنت علشان ياخد حاجته والعكس بيبقى صحيح

انا اعرف جوزاة باظت علشان ستارة

ينفع ده ولا يرضي مين

تم تعديل 2 يناير 2010 بواسطة justme

[الباشمهندس ياسر]

انا اعرف جوزاة باظت علشان ستارة

ينفع ده ولا يرضي مين

انا هبقي احكيلكم علي كام جوازة باظت بسبب حاجات لا دلالة لها الا ضيق الافق

و مستوي التخلف الذي وصلناله

[الباشمهندس ياسر]

العريس و العروسة و صلوا مع بعض لمستوي انهم اتفقوا علي تحديد كتب الكتاب و الزفاف

و الامور مستقرة علي كل المستويات

تعالي بقي ياعم الامور عشان تمضي ع القائمة

لقي الحاجات اللي ابو العروسة جايبها تجاوزت حاجز ال 50 باكو

ليه يا جماعه

ادي يا ابني الفواتير

طب يا جماعه تمام

البيه راح مذيل التوقيع بتاعه ب ايه

كتب .. ولا تسترد هذه القائمة الا ف حالة الطلاق فقط

ابوها راح اتنفض من مكانه و قاله هو انا مديهالك عشان تعمروا بيت جديد ولا عشان تطلقها

و الله العظيم ما تتكتبلك قايمة عليها و لا تشوف شعراية منها

و فعلا نفذ اللي قاله بالحرف

تعالي بقي خش ف دوامة الصلح و حاول تلم الموضوع

خير يا عم الامور ... كتبت كده ليه ؟؟

اصل جاري كل ما يتخانق مع مراته و تغضب و تروح بيت ابوها يجي اخوها و يلم العفش كله

طب و ايه علاقة ده بموضوعنا هنا

اصل انا خفت احسن يتعمل معايا كده

ببساطة تامة .. انت متستاهلش تناسب الناس دي و متشوفش حد يحللك الموضوع لان مفيش حد بيفهم هيرضي يدخلك اصلا

شفت البله وصل ببعض الشباب لايه

البيه داخل يتجوز و بيفكر ف الطلاق و المشاكل وخراب البيوت من الاول

[justme]

العريس و العروسة و صلوا مع بعض لمستوي انهم اتفقوا علي تحديد كتب الكتاب و الزفاف

و الامور مستقرة علي كل المستويات

تعالي بقي ياعم الامور عشان تمضي ع القائمة

لقي الحاجات اللي ابو العروسة جايبها تجاوزت حاجز ال 50 باكو

ليه يا جماعه

ادي يا ابني الفواتير

طب يا جماعه تمام

البيه راح مذيل التوقيع بتاعه ب ايه

كتب .. ولا تسترد هذه القائمة الا ف حالة الطلاق فقط

ابوها راح اتنفض من مكانه و قاله هو انا مديهالك عشان تعمروا بيت جديد ولا عشان تطلقها

و الله العظيم ما تتكتبلك قايمة عليها و لا تشوف شعراية منها

و فعلا نفذ اللي قاله بالحرف

تعالي بقي خش ف دوامة الصلح و حاول تلم الموضوع

خير يا عم الامور ... كتبت كده ليه ؟؟

اصل جاري كل ما يتخانق مع مراته و تغضب و تروح بيت ابوها يجي اخوها و يلم العفش كله

طب و ايه علاقة ده بموضوعنا هنا

اصل انا خفت احسن يتعمل معايا كده

ببساطة تامة .. انت متستاهلش تناسب الناس دي و متشوفش حد يحللك الموضوع لان مفيش حد بيفهم هيرضي يدخلك اصلا

شفت البله وصل ببعض الشباب لايه

البيه داخل يتجوز و بيفكر ف الطلاق و المشاكل وخراب البيوت من الاول

ممكن افهم ايه الغلط في اللي كتبه ده

هو غلطان انو قبل اساسا حاجتهم كان ببساطة رفض مشاركتهم وساعتها هو حر في اللي يجيبه ويجهز على قده

ليه نعمل ورقة العهدة دي

ايوة عهدة ولو تلفت ممكن تروح ترفع عليك قضية تبديد

واعرف ناس عملت اكتر من كده خدوا العفش ورفعوا عليه قضية بالتبديد

انا عن نفسي لما بحس اني قاعد في حاجة مش ملكي مبعرفش اخد راحتي لأني مضيت انها امانة ومش بتاعتي

يعني حضرتك مثلا لو انكسرت منك كباية وهنمشيها بالقانون يبقى لازم تدفع تمنها

يعني انا داخل شركة مش شراكة وهنا الفرق

الحاجة اللي انا جايبها لنفسي في بيتي كهدية مش مطلوب اكتب عليها حاجة

اما حاجتهم فدي هما احرار فيها

وانا عن نفسي مش عايزها

[miramikhail]

هو أنا طبعا حتكلم من الناحية التانية يعنى الأم و الأب

يعنى طبيعى أما يجى لبنتى عريس لازم يكون فية تكافؤ فى كل حاجة يعنى (نفس المستوى وده مش تكبر ولا حاجة ولا أننا بهوات ولا حاجة لأنى مش حقبل لبنتى واحد أقل كتير لأنه بعد شوية حتحصل مشاكل ولا أعلى منا بكتير برضة لأن حتحصل مشاكل برده )

أما الأساسيات المادية فهو طبعا شقة وعلى الأقل أوضتين وصالة فى حتة مناسبة ويكون له مستقبل يعنى شاطر فى شغلة و شغلانه معقولة لكن الفرش ده بالتراضى ما بين الطرفين يعنى يفرشوا أوضة و يكلوا على الأرض هما حرين و أن كنت عارفة أن بنتى مش حترضى. بالنسبة للشبكة دية تقدير العريس للعروسة و مقامة يعنى هو و ذوقة . و أحنا معندناش قايمة ولا حاجة من دية لكن بينى و بينكم لو عندنا مش معقول حقولة أمضى على العفش و أنا مديا له بنتى يعنى العفش أهم من بنتى

لكن حاكية أنهم حيقدروا يغيروا حاجات بعد الجواز (طبعا الأرزاق بتاعة ربنا) لكن صعبة جدا لأن بعد الجواز بتخلف و بيبقى عندك مصاريف جمده طبعا الشباب الصغير مش متخيلها فصعب تغير حاجة أو على الأقل تأخد عشر سنين و أسأل مجرب :blush2: .

[herohero]

هو أنا طبعا حتكلم من الناحية التانية يعنى الأم و الأب

لكن حاكية أنهم حيقدروا يغيروا حاجات بعد الجواز (طبعا الأرزاق بتاعة ربنا) لكن صعبة جدا لأن بعد الجواز بتخلف و بيبقى عندك مصاريف جمده طبعا الشباب الصغير مش متخيلها فصعب تغير حاجة أو على الأقل تأخد عشر سنين و أسأل مجرب :blush2: .

يعني من الها يطلع عينه الشاب او بمعني اخره اللي معهوش ما يلزموش

بس السؤال لما هجيب الشقة الراقية والعفش الراقي كل ده هعمله امتى وهيكون عندي كم سنة طبعا والدي هو اللي هيساعدني وده اول مسمار ف نعش الشخصية

ياترى مقومات الزواج اننا بنشتري راجل ولا اننا بنشتري شقة ف حته راقية وغيره وغيره من تجهيزات واب وام 2010 هل بدئوا حياتهم كده بالشقة الكبيرة والعفش الشيك

ولما يبدئو حياتهم وكل شيئ موجود يبقى هيعملوا ايه بعد كده بيجيبوا غرفة الطفل قبل مايشوفوا ربنا هيرزقهم بنعمة البنين والبنات ولا لا يعني بنفقر من اولها

ونيش وسفرة وغرفة صالون وحاجات ماانزل الله بها من سلطان

طيب لو ده صح ليه مش موجود ف الفلبين ولا ف اوروبا ولا ف امريكا معقوله الاب والام هناك ماوصلوش لسر سعادة بنتهم وهو ف النيش والسفرة ام 18 كرسي وغرفة البيبي والطقم ابو 10000000000000000000000000000000قطعة اللي بتركن منظر ف النيش

عموما انا اللي شايفه ان حملة خليها تعنس اللي ع الفيس بوك تبقى مناسبة جدا مدام مجتمعنا بيفكر كده

واتمنى ان بقية المجتمعات تكتشف السر الفظيع اللي اكتشفناه عشان نحقق السعادة والدليل ان نسبة الطلاق في الزيجات الحديثة ارتفعت

[miramikhail]

لو خدت بالك أنا قلت أية شقة فى حتة مناسبة يعنى أعرف ناس ساكنة فى شبرا و دفعت أد كده عشان تشترى شقة أكبر فى شبرا مع أن الفلوس دية تجيب شقة فى الشروق تمليك مش أيحار قديم لكن دية بالنسبة لهم أنسب حاجة ده اللى أقصدة يعنى أنا ممكن يناسبنى شقة فى الشروق غيرى أنسب تأخد جنب أهلها فى شرا و عين شمس هى تكافؤ مش أكتر و بعدين أتفاق عشان بعد الجواز ما تحصلش مشاكل لآزم كل حاجة تبقى واضحة ولازم يبقى معروف أنك على الأقل عندك 10سنين مصريف جامده و الولاد صغيرين ود عن تجربة يعنى مش سهل أنكم تشتروا مثلا أوضة سفرة بكبيرة ممكن تكملوا أوضة البيبى تجيبوا أنترية كنبة فى كرسى شوية كوبيات كل سنة كده تجيبوا جهاز كهربائى مش تقيل يعنى مش غسالة ولا تلاجة تلفزيون ديش كده يعنى و ده عشان تبقى الأمور ماشية وده طبعا كل واحد حسب دخلة و بيتهيألى أننا بنتكلم على الطبقة المتوسطة لأن الأغنية ما فيش مشكلة و الفقرا أوى برضة معندهمش مشكلة ممكن يتجوز فى البيت مع أخواته و البنت كام جلابية و خلاص.

[الباشمهندس ياسر]

ممكن افهم ايه الغلط في اللي كتبه ده

هو غلطان انو قبل اساسا حاجتهم كان ببساطة رفض مشاركتهم وساعتها هو حر في اللي يجيبه ويجهز على قده

انا مستغرب جدا انك مقدرتش تفهم الولد غلط ف ايه

الولد داخل بنية سودا او انه مهزوز

و الحالتين ملهومش الا حل واحد.... انه يروح ف ستين الف سلامة

ليه نعمل ورقة العهدة دي

ايوة عهدة ولو تلفت ممكن تروح ترفع عليك قضية تبديد

واعرف ناس عملت اكتر من كده خدوا العفش ورفعوا عليه قضية بالتبديد

ورقة العهدة معموله لسبب واحد

ان الشاب قبل ان الناس تجيبله حاجات ف بيته

فالطبيعي انه يرضخ للاصول دي

افتكر اننا مرة اتناقشنا ف الحوار ده ووصلا لمبدأ قد يبدو غريب

اي انا كــ عريس لو قمت بتجهيز شقتي بالكامل فــ أنا مطالب اني اكتبلها نص العفش ف القائمة

عارف ليه

لان الاصل ف المسألة ان البنت ليها المهر كــ حق شرعي أصيل

انما لو انا دفعت المهر عاجلا او اتفقنا ان مهرها اجلا ففي الحالة دي ملهاش اي كلام ف العفش او المنقولات زي ما بيسموها

و برده الحوار اللي حكيته ملوش علاقة بالمشاكل المادية خاااااااااااااااااااااااالص

و حاسب قبل ما تناااااااااااااسب