رحمك الله ياسادات

[doha]

الفاضلة مصرية والفاضل شرف الدين...

لم أفهم أعتراضكم...

أنتم تقولون أن الإسرائيلي شكمنه عدو يبقى مايعيبوش... والجزائري شكمنه عربي يعيبه....

وأنا ختمت كلامي بدعاء "اللهم حنن قلوبنا على أعدائنا...اللهم قسي قلوبنا على بعضنا..."

يعني إحنا لنا نفس رأي... وإن أختلفت الصيغة...

معترضين على كلامي ليه؟.... طب ماقولتوش أمين ليه؟؟؟؟

طب بلاش إسرائيل علشان دي من الأعداء فيبقى لازم نستحملها....

ألاف المصريين إلى مذلولين في الخليج من سنين طويلة... دول كرامتهم تبع مين؟

المصريين إلى إتجلدوا في السعودية.... دول كرامتهم تبع مين....

المصريين إلى إتعذبوا وإتقتلوا في ليبيا... دول كرامتهم تبع مين...

يعني كل "الصفعات" دي ماحوقتش معانا... والصفعة بتاعة ماتش الكورة هيا إلى كنا مستنينها....

طيب... الأيام مافيش أقرب منها... وربنا يكرم....

قولوا أمين...

:happy:

كفيت ووفيت يااستاذ وجدي بصراحه مداخلتك دي مع السابقة لها محتاجه تتبروز الاول بعدين ترجع تنحط تاني حرام كده تمر مرور الكرام .. جبت الخلاصة وخلاصة الخلاصة كمان ..

ربنا يديلك ويدينا جميعا كل على نيته ..

[اغابي]

اللهم حنن قلوبنا على أعدائنا...

اللهم قسي قلوبنا على بعضنا...

اللهم شمتنا في بعض...

وفرقنا عن بعض...

قولوا أمين...

يا سيدي الفاضل

لما انت ومصري بتقول على صفحات النت مثل هذا الكلام - فنبقي ننتظر ايه من الجزائرين

لما انت على النت تطعن بلدك بالشكل داه - ما تبقاش متحامل على مصر للدرجة برضوه دي بلدنا

انا عارفة انك زعلان وكلنا قلبنا مجروووح اوى من سفارتنا فى الدول العربية والحكومة والوزرا والمعيشة لكن

دلوقتى بلدي فى ازمة متهانة وعلى صفحات الجرايد وشاشات التلفزيونات الفضائية - بسهولة اجى وانشر غسيلي

على المنتديات للكل -

يا عزيزي الفاضل وانا قولت الكلام دا قبل كده انا متغربة بره البلد من 8 سنين واتعاملت مع كل الجنسيات العربية مفيش حد بيحبنا كنت بتقدم للوظيفة 6 وسبع مرات اترفض علشان انا مش مصربة كل مدير من جنسية عربية مش عاوز يشغل مصرية تقول عاملين مؤامرة علينا

داه مرة مدير فى المقابلة قالى انت قدراتك واللغة عندك ممتازة والسي في بتاعتك جيدة جدا بس عيبك الوحيد انك مصرية وانا مش بحب المصريين داه قالها صراحة فى وشي وكان فلسطيني وشوف احنا عاملين ايه مع الفلسطينين وطبعا مشيت - يبقي الزمن علينا واحنا كمان نبقي قاسيين على بعض - كفاية احساس الاسبوع داه الى انا حسيته ان كلنا ايد واحدة وروح الوطنية - مهما كان ال حصل ان بلدنا مصر واسم مصر وعلم مصر انداسو - انا مش معاك يا اخى الفاضل اتكلم لو سمحت بطريقة غير كده - ما تحاولش تشككنا فى حبنا لمصر - بلدنا غاليه اوى علينا ومسيرها تتغير - لكن مش معنى كده اشجع الجزائر اللى لا بتمس العرب من بعيد ولا قريب ولا محسوبة دولة عربية فتش فى شهادات ميلاد الجزائرين لو مالقتش 85% منهم مواليد فرنسا ابقى قول على اللى عاوزه - انا بعتبر ان مصر اتهانت بكل الطرق - وداه مقصود - كفاية معاملة جميع الجنسيات العربية اللى بقابلها مش بيحبونا ليه - ليه بتكرهو المصريين علشان طيبين - علشان تفكيرهم متحضر واعماق تفكيرهم فيها جذور تاريخ وحضارة وثقافة - انا مش عاوزة تريقة على النقطة دي لانها مهمة - احنا عندنا حضارة وجذور عن كل الشعوب العربية داه معندهمش مادة علميه يدرسوها فى مادة التاريخ فى مدارسهم - وعندهم فى تاريخهم حاجة اسمها فراغ ثقافي وحضاري وتاريخي وداه حيظهر مباشرة بمجرد ما تتعامل معاهم تتفاجأه - كارثة - دا حتى فى طريقة اكلهم مش عاوزة اوصفلكم بياكلوا ازاى يبقي الواحد راكب عربيه موديل ايه بقي واول ما يجى يتعشى معاك ويمد ايديه للاكل ......كل دى ثقافات ... مش عاوزة اوصف

مصر - يا سلام يا بلدي - داه مفيش حد اخد جائزة نزبل زى المصريين - مفيش حد عنده سينما - مكتبات - علوم اثار - تاريخ - مصر لغاية لحظتنا رموزها بتتجدد قصصهم وحكايتهم ماده دسمة وبيتاخدو كمادة تدرس فى جميع الجامعات العربية - مصر هى الحضارة والتاريخ والثقافة وانشاءلله واملى كبير فى ربنا ان مصر ترجع اقوى وافضل من زمان

تحياتي لكل المصريين اخواتى وحبايبي اللى على المنتدي الرائع

000080"]لا نأسف على غدر الزمان فطالما

رقصت عــلى جثث الأســـوود كلاب

لا تحســـبن برقصــها بلغت مقاماً

تبقي الاسوود اسوداً والكلاب كلاب [/color]

[wagdi]

الفاضلة مصرية والفاضلة اغابي...

أنا بجد مش عارف أنتوا معترضين على إيه...

يعني بتقولوا دي القشة إلى قصمت ظهر البعير... ماشي... نشوف البعير لما ظهره أنقصم حيعمل إيه... الأيام ممافيش اقرب منها...

أنتوا فاكرين مثلاً أنا مش عايز المصري يبقى له كرامته جوة بلده قبل براها؟ هو حد يكره... طب أنا محبب على قلبي أشوف أي حد بيمس شعرة أي مصري بيتمسح بيه بلاط السيراميك...

بس يا جماعة الخير... إلى بيحصل ده يمكن يكون حق... بس بالتأكيد أريد به باطل...

يعني نظام بقاله 28 سنة إتبهدل فيه المصريين من كل من هب ودب... وفجأة كدة سبحان الله عرق الكرامة المصرية نفر... طيب أنا إلى أعرفه لما بني أدم يبقى عنده كرامة بتبقى حتة واحدة.... مش حتت... يعني ماينفعش يبقى عنده كرامة في الجزائر وماعندوش كرامة في ليبيا... ماينفعش يبقى عنده كرامة في سوريا وماعندوش في إيطاليا... ماينفعش يبقى عنده كرامة في الزمالك وماعندوش كرامة في إمبابة... إلى عايز يحافظ على كرامة المصريين كان حافظ عليها جوة قبل برة... وكان حافظ عليها عند القوي قبل الضعيف...

وياريت ماحدش يقوللي إحنا في محنة... محنة إيه... علشان ماتش كورة... يعني الألوف إلى ماتوا في العبارات والقطارات دول ما كانتش مصر في محنة؟ ده إلى ماحدش فتح بقه ياجدعان... ده ولا حتة واحد على مية من التغطية الإعلامية إلى حصلت للماتش ده....

يا جماعة أنا لو قالولي هات عين من عنيك علشان مصر تبقى دولة محترمة حديهالهم على الأقل أشوفها بالعين التانية بلد نضيفة... بس إلى بيحصل ده مالوش أي علاقة بكرامتنا... كرامة المصريين اليومين إلى فاتوا واخدينها حجة أو مبرر مش هدف أو غاية... وأظن الفرق كبير...

تحياتي...

[عبير يونس]

الفاضلة مصرية والفاضلة اغابي...

أنا بجد مش عارف أنتوا معترضين على إيه...

يعني بتقولوا دي القشة إلى قصمت ظهر البعير... ماشي... نشوف البعير لما ظهره أنقصم حيعمل إيه... الأيام ممافيش اقرب منها...

أنتوا فاكرين مثلاً أنا مش عايز المصري يبقى له كرامته جوة بلده قبل براها؟ هو حد يكره... طب أنا محبب على قلبي أشوف أي حد بيمس شعرة أي مصري بيتمسح بيه بلاط السيراميك...

بس يا جماعة الخير... إلى بيحصل ده يمكن يكون حق... بس بالتأكيد أريد به باطل...

يعني نظام بقاله 28 سنة إتبهدل فيه المصريين من كل من هب ودب... وفجأة كدة سبحان الله عرق الكرامة المصرية نفر... طيب أنا إلى أعرفه لما بني أدم يبقى عنده كرامة بتبقى حتة واحدة.... مش حتت... يعني ماينفعش يبقى عنده كرامة في الجزائر وماعندوش كرامة في ليبيا... ماينفعش يبقى عنده كرامة في سوريا وماعندوش في إيطاليا... ماينفعش يبقى عنده كرامة في الزمالك وماعندوش كرامة في إمبابة... إلى عايز يحافظ على كرامة المصريين كان حافظ عليها جوة قبل برة... وكان حافظ عليها عند القوي قبل الضعيف...

وياريت ماحدش يقوللي إحنا في محنة... محنة إيه... علشان ماتش كورة... يعني الألوف إلى ماتوا في العبارات والقطارات دول ما كانتش مصر في محنة؟ ده إلى ماحدش فتح بقه ياجدعان... ده ولا حتة واحد على مية من التغطية الإعلامية إلى حصلت للماتش ده....

يا جماعة أنا لو قالولي هات عين من عنيك علشان مصر تبقى دولة محترمة حديهالهم على الأقل أشوفها بالعين التانية بلد نضيفة... بس إلى بيحصل ده مالوش أي علاقة بكرامتنا... كرامة المصريين اليومين إلى فاتوا واخدينها حجة أو مبرر مش هدف أو غاية... وأظن الفرق كبير...

تحياتي...

يا فندم ما حدش بيشكك في حبك لبلدك

و لا حد يقدر طبعا

الفكرة بس ان كل واحد رد فعله مختلف عن الآخر

زي ما نشوف أم لما ابنها ما يسمعش الكلام

و يصاب بالأذى مما تحذره منه

و يبدأ في البكاء

تلاقي الأم خدته في حضنها على طول

و تطبطب عليه

و لما يهدى

و يبطل عياط

تبتدي تعاتبه و تفهمه غلطه

في نفس الموقف ده تلاقي أم تانية

رد فعلها مختلف تماما

تلاقيه تشخط فيه الأول

و تقوله مش قلت لك ده غلط

الاتنين أمهات

و الاتنين ولادهم دوا عينهم

بس ردود أفعالهم بتختلف

و ده لا ينتقص شيء من أمومتهم

و لكن عن نفسي مثلا

يزعجني النموذج الثاني

رغم اني كأم و من شدة غيظي من ابني اللي هو دوا عيني

أحيانا ممكن تبقى ردة فعلي زي النموذج الثاني

خصوصا لو عمالة احذر أكتر من مرة و ما سمعش كلامي

كلنا منفعلين

و كل واحد بيعبر بطريقته

بس بصراحة

في قسوة واضحة من البعض

في انكار ماحدث بطريقة أكثر من المعتدين أنفسهم

و يستنكرون علينا ان نغضب حتى!!!

يا جماعة مبنقولش نوحد ردود الفعل

بس على الأقل نراعي مشاعر بعض شوية

مراعاة مشاعر اخواتنا المصريين الأشقاء بجد

أهم وأبدى من مراعاة الجيرة والعروبة

و الا حضرتك مش معايا؟

[sohagy]

استاذ وجدى انا مش عارف انت عايز توصلنا ايه مصر فضلها كبير على الجزائر وده مش كلامى التاريخ بيقول كده مين اللى ساعد الجزائر فى حروبها للتحرير مين اللى دعمها بالأسلحة والمال وحتى الفدائيين مين اللى لحن السلام الوطنى الجزائرى مين اللى عمل فيلم جميلة بو حريد اللى عرف العالم مين هما الفدائيين الجزائريين اللى ضحوا بنفسهم عشان وطنهم كل اللى عمل كل ده هى مصر مش بعد ده كله علم مصر يتحرق ويداس عليه مش بعد ده كله يتم اتهام مصر انهم يهود وخونة مش بعد ده كله يضرب شعبنا بالسكاكين والحجارة والأمواس مش بعد ده كله تحرق استثماراتى اللى فى الجزائر مش بعد ده كله تحصرنى وتجوعنى ليه كل ده وعشان ايه ده كله

تم تعديل 21 نوفمبر 2009 بواسطة sohagy

[جيمي]

سبحان الله...

فجأة تذكر المصريين أن لهم كرامة يجب الحفاظ عليها...

يعني اليهود لما عرضوا صور الأسرى المصريين المقتولين .... حد فتح بقه...

ودول جنود مصريين ضحوا بحياتهم علشان حرية مصر ولم يتقاضوا على ذلك ملايين بل ماتوا مجهولين وعاش أولادهم من بعدهم مش لاقيين العيش الحاف...

ألاف المصريين إلى مذلولين في الخليج من سنين طويلة... دول كرامتهم تبع مين؟

المصريين إلى إتجلدوا في السعودية.... دول كرامتهم تبع مين....

المصريين إلى إتعذبوا وإتقتلوا في ليبيا... دول كرامتهم تبع مين...

يعني كل "الصفعات" دي ماحوقتش معانا... والصفعة بتاعة ماتش الكورة هيا إلى كنا مستنينها....

يعني نظام بقاله 28 سنة إتبهدل فيه المصريين من كل من هب ودب... وفجأة كدة سبحان الله عرق الكرامة المصرية نفر... طيب أنا إلى أعرفه لما بني أدم يبقى عنده كرامة بتبقى حتة واحدة.... مش حتت... يعني ماينفعش يبقى عنده كرامة في الجزائر وماعندوش كرامة في ليبيا... ماينفعش يبقى عنده كرامة في سوريا وماعندوش في إيطاليا... ماينفعش يبقى عنده كرامة في الزمالك وماعندوش كرامة في إمبابة... إلى عايز يحافظ على كرامة المصريين كان حافظ عليها جوة قبل برة... وكان حافظ عليها عند القوي قبل الضعيف...

وياريت ماحدش يقوللي إحنا في محنة... محنة إيه... علشان ماتش كورة... يعني الألوف إلى ماتوا في العبارات والقطارات دول ما كانتش مصر في محنة؟ ده إلى ماحدش فتح بقه ياجدعان... ده ولا حتة واحد على مية من التغطية الإعلامية إلى حصلت للماتش ده....

معلش بناء على رغبة الاعضاء ... قلت ابروز اللى اقدر عليه .... هيييييه...

] يا جماعة أنا لو قالولي هات عين من عنيك علشان مصر تبقى دولة محترمة حديهالهم على الأقل أشوفها بالعين التانية بلد نضيفة...

بتهيالي بقه المفروض محدش يشكك فى وطنية الراجل بعد الكلام ده ..... وكلنا هذا الرجل يا وجدي باشا ...

فى ناس ردت على كلام الراجل بان المصري حضاره والمصري تاريخ ومصر خيرها على الدول العربيه ومصر ومصر ومصر ..... كلامسليم ميه الميه .... بس ايه علاقته بالموضوع

وناس استشهدت بالتاريخ المعاصر وناس رجعت لورا الاف السنين واستشهدت بحضارة الفراعنه .... والله انا مصدق ومقتنع ... وابصم بالعشره كمان ..... بس ايه علاقة ده بالموضوع .....

الموضوع اسمه الله يرحمك يا سادات .... ومواضيع تانيه فى نفس الوقت اتفتحت تطلب الرحمه لعبد الناصر .... تعيشو وتفتكرو ... بس ايه اللي فكركو .... قالو ان كرامة المصري كانت متصانه .... المصري على فكره طول عمره عنده كرامه بس بقالها فتره يجي 28 سنه كده مش متصانه ....

الراجل لاقي الكل بينادي بالكرامه ... قال وقلنا ... مادام جبنا سيرة الكرامه نخليها على جميع الاصعده بقي ... ونشوف كرامة المصري بره بلده فى الخليج فى المانيا فى الصومال فى القطارات فى العبارات فى المطارات و على الدائري عامله ايه ... ومادام البعير ضهره اتقسم يبقي يقوم وينفض اللى على ضهره كله ... ومادام المارد قام من قمقمه والبلد بتغني بصوت واحد ... وبقينا نسمع الاغاني الوطنيه اكتر من اغاني سعد الصغير بذات نفسيته ... يبقي نعمم الهدف وبدل مانخليه علشان الكوره بس ... يبقي علشان مصر و المصرين .......

ده اللى انا فهمته من كلام الراجل ده وهوه تفضل مشكوراا واخد اللى جوايه وسطره على المنتدي ... ومافهمتش من كلامه ابداا انه بيقول يعني مادام بناخد على دماغنا فى كل حاجه ... طب ماناخد على دماغنا المرادي ونسكت ..... لم افهم هذا ولن استوعبه ولا اطييق ان نصل الى مثل هكذاا خنوع واستسلام