ماذا تفعل الزوجه ؟؟؟؟؟؟؟؟؟؟؟؟؟

[arora]

يا سيدى الفاضل

من شب على شىء شاب عليه

المقولة دى صحيحة بالنسبة لحضرتك وبالنسبة لوالدك

انت تعودت على انك تشيل نفسك وتشيل اخواتك ووالدك

بل عودته ان تلعب جزء من دوره وتتحمل شىء يسير من مسئولياته

وهو تعود ان لا يتحمل مسئوليتك

بل وتتحمل انت مسؤليتة عن اولاده

اذا انت تعودت على العطاء وهو تعود على الاخذ

ولذلك كان مستنكرا موقفك ان تطلب منه مساعدة

شىء غريب بالنسبة له :happy: :sofa:

المفروض ان حضرتك كنت تساااااااعد لا ان تتحمل مصاريف زواج اخوتك

يعنى تقوله يلزمك كام على سبيل القرض لحد لما تفرج

لانك مسئول منه مثل اخوتك

وطبعا ما كنتش هتاخد منه ارباح زى ما طلب منك

لكن فك زنقة فقط وهو ملزوم او هم ملزومون برد ما اخذوا

فليس ذنبك انك كنت انسان معتمد على نفسك وشقيت طريقك لوحدك

معلش انا مش بسخنك ولا حاجة

لكن الحق حق

رايى ان لاتبيع شقتك لانها من تعبك

ولينتظرك حتى ترد له مبلغه ليعيش حياته !!!!!!

مثلما انتظرت انت حتى تزوج الجميع لتتمتع بمالك !!!!!

تم تعديل 30 نوفمبر 2009 بواسطة arora

[hindaway]

يا سيدى الفاضل

من شب على شىء شاب عليه

المقولة دى صحيحة بالنسبة لحضرتك وبالنسبة لوالدك

انت تعودت على انك تشيل نفسك وتشيل اخواتك ووالدك

بل عودته ان تلعب جزء من دوره وتتحمل شىء يسير من مسئولياته

وهو تعود ان لا يتحمل مسئوليتك

بل وتتحمل انت مسؤليتة عن اولاده

اذا انت تعودت على العطاء وهو تعود على الاخذ

ولذلك كان مستنكرا موقفك ان تطلب منه مساعدة

شىء غريب بالنسبة له :sad: :wub:

المفروض ان حضرتك كنت تساااااااعد لا ان تتحمل مصاريف زواج اخوتك

يعنى تقوله يلزمك كام على سبيل القرض لحد لما تفرج

لانك مسئول منه مثل اخوتك

وطبعا ما كنتش هتاخد منه ارباح زى ما طلب منك

لكن فك زنقة فقط وهو ملزوم او هم ملزومون برد ما اخذوا

فليس ذنبك انك كنت انسان معتمد على نفسك وشقيت طريقك لوحدك

معلش انا مش بسخنك ولا حاجة

لكن الحق حق

رايى ان لاتبيع شقتك لانها من تعبك

ولينتظرك حتى ترد له مبلغه ليعيش حياته !!!!!!

مثلما انتظرت انت حتى تزوج الجميع لتتمتع بمالك !!!!!

ربنا يكرمكك علي النصيحة

بس انا حاسس بالذنب اني مقصر معاه

لانه لو حسبناها زي ما هو بيقول هنلاقي فعلا بعد سنتين اكيد قيمة فلوسه هتقل

و انا متفهم جزء من مشاعره او تقدري تقولي صدمته لان فلوس المعاش دي هي اخر فلوس هايخدها في حياته لان خلاص مفيش شغل تاني فيمكن ده مخليه قلقان , ده غير انه اكيد بيفكر ان اللجي اقل من اللي فات من العمر و انا عاذره لكن كان نفسي يصبر علي شوية لدرجة اني متفق مع مراتي اني هاعوضه ب15 او 20 في المية من فلوسه علشان قيمة الحاجات بتقل في مصر

لو قولتله اكيد هاينبسط لكن مراتي محذراني من ربط نفسي بوعد متعلق بمستقبل محدش عارفه فلو ما اداتوش اللي وعدته هاتسوء العلاقة اكتر

بصراحة حضرتك شجعتني اني اتكلم اكتر لاني خايف والدي يجراله حاجة قبل ما ارجعله فلوسه ساعتها انا عارف نفسي هافضل اانب نفسي طول عمري اني حرمته من فلوسه علشان مصلحتي و بصراحة هو عنده حق في اني مش معني ساعدت اسرتي علي حساب نفسي ان احبس فلوسه و هو في سن محتاجها

علي فكرة انا كنت بساعد اهلي و اجوز اخواتي و مكنتش حارم نفسي او مراتي من حاجة و كانت علاقتي بوالدي كويسة لولا اني استلفت منه مكانش حصل اللي حصل

ووالله و باقسم بالله بالرغم من محاولات اخواتي و مراتي ااقناعي باني مغلطش مع والدي الا اني بسبب مقاطعته ليا بابكي ايام كثير ة لما باخلي بنفسي .

نفسي نرجع زي الاول و نكلم سوا تاني

انا باحب والدي اوي و عمري ما كنت برفضله طلب لدرجة اني ساعدت اخواتي لانه هو اللي طلب

و الله اعلم لو هم اللي طلبو كنت عملت ايه

لدرجة بالرغم من مقاطعته لي طلب مني مصاريف علشا يعمل عمرة للعربية طبعا متاخرتش

بس خرب الدنيا و قعد يدعي علي علشان قولتله اني هاخسم المبلغ ده من فلوسه

و قالي كلمة زعلتني اوي ..قالي اعتبر المبلغ ده من الفلوس اللي صرفتها عليك و انت صغير

الكلمة كانت زي الخنجر ذبحتني و بترن في وداني

انا عارف انه قالها في لحظة غضب لكن صعب اوي ان اب يعاير ابنه باللقمة اللي وكلهاله

تمنيت اني اخلص من الشقة و ارجعله فلوسه و انهي المشكلة

و بالرغمن اعتراض مراتي و اخواتي علي موضوع البيع ده الا اني حاسس حتي لو رجعتله فلوسه و هل بعد اللي حصل ده هنرجع تاني كويسين و بنحب بعض زي الاول..

مراتي من ساعة ما حصلت مشكة والدي و بدات تشك في اني مريض بحب والدي و اهلي

طبعا موضوع الاخت بوسي جاي علي الجرح

يمكن بسبب ان مراتي مش مصرية و عايش بره مصر مخلييني مرتبط باهلي زيادة عن اللزوم

بس والله انا بحب مراتي جدا و مقدرش ابعد عنها يوم و هي عندها نفس الشعور و سابت شغلها و بلدها وبتلف ورايي و عمرها ما زعلتني.

مش عارف ممكن تكون هي علي حق في حكاية مرضي دي

ده العيد التاني اللي وادي مقاطعني فيه و حزين جدا

شاكر ليكي جدا اختي العزيزة علي الرد الكريم

[arora]

على فكرة انت انسان طيب جدا وبار بوالدك واكيد ربنا هيعوضك اضعاف اضعاف

عارف انا كمان خفت لحسن والدك يجرى له حاجة وترجع تندم

على الرغم من انى لا اوافق اطلاقا على موقفه

لكن انا عندى حل وسط

لا لاتبيع الشقة ولا توعده باى مبالغ اضافية

لكن استسمحه انه ينتظرك حتى تردله مبلغه

فان وافق فاسعى جاهدا انك تزيد المبلغ ب 15 او 20 الف حسب مقدرتك

وطمئن زوجتك ان انسان مثلك تقدر تستامنه على حياته وعمرها وسيكون كريما معها كما كان كريما باسرته

اخيرا كلمة فى سرك

احمد ربنا ان زوجتك مش مصرية وعندها الهلع من المستقبل مثلنا نحن المصريات

ربنا يوفقك

[sarmar]

اخى الكريم كل عام وانتم جميعا بخير

موضوعك الذى كتبتة متواجد كثير بيننا ولكن لاننا من مصر واننا مسلمون او مسيحيون فاننا نقدر ونعرف قدر ومكانة الوالد فى حياتنا لدرجة انة يتخيل الينا انة عند عدم رضى الاب او الام فان الله لايرضى عننا ايضا

بارك اللة لك وفيك ومنك واحب ان اعرفك انة كلة سلف ودين ودوام الحال من المحال انا لست رجل دين ولكنى اجدك انسان تعرف ربك وتحب والديك وهذا فى حد ذاتة جميل جدا ولكن الوالدين وحبهم احيانا يتطلب ذلك منك شىء من الجهاد اى جهاد ماتريدة وتغليب مايريدونة على ماتريدة انت اى انك تنصر والدك على نفسك

فان ناصرتهم على نفسك فقد اجتزت الاختبار بنجاح وتفوق كعادتك وان شاء اللة سوف تفوز وتنجح من هذا الابتلاء واذا كان يرضى والدك ويريح بالة انك سوف تعوضة عن شىء مقابل انك حبست مالة عندك لفترة محددة فلا مانع من انك تعرفة بذلك ولكن بشرط عدم تحديد مبلغ معين حتى لاتدخل فى ابواب اخرى اشد خطرا من غضبة ارضية بما تستطيع ان ترضية واذا طلب منك اى شىء مساعدة لماذا العند وتحذرة بانك سوف تخصم من مبلغة :rolleyes: لالالالالا

انت كريم وهو يستاهل هذا الكرم وربنا يوفقك

[hindaway]

شكرا جزيلا علي التعليق

للاخوة الاعضاء

sarmar

arora

و جزاكم الله خير كثيرا

و اسف علي التاخير

ومازالت العلاقة كما هي

و اخوتي و امي يقدرون حبي لهم و دائمي الدعاء لاسرتي

ولكن يبقي ابي يعيش في عالمه الخاص.... باني ابن عاق و قاطع رحم الصلة والخ ...من الاتهمات التي تنفيها علاقتي باهلي ماعدا هو.

لدرجة انه يشتكي لاخوتي بان [طلقة واحدة من طلق ولادتي و معانة امي لا يساويها مال الدنيا.... ]

طبعا انا مفهمتش هو عاوز يقول ايه بالكلام ده

لكن انا اعرف ان اللي قام بكده هي امي و انا دائم السؤال عليها واخواتي

بس طبعا من وراه اتقاء لمشاكل ..لانه لو عرف هاينغس عليهم عيشتهم و مش هيديهم فلوس خالص و تبدا المشالكل المادية من جديد

[انتم اخدتم منه اد ايه..] و [انا مش هاصرف علي البيت..خدو منه] ..[انا ممعايش ..]...

دي بعض عباراته اول لما يعرف اني بعت فلوس ليهم في البيت

فطبعا وجدنا انا و اخواتي و امي اني اتعامل معاهم من وراه تفاديا للمشاكل

بصراحة البيت هادي و مفيش مشاكل بس كالعادة انا ظاهر في االصورة اني الابن الجاحد و العاق و اللي رامي اهله و ابوه و امه قاعد جنب مراته الاجنبية علشان مستعر منا و كلام كتير كدا مالوش لازمة......

طولت عليكم

شكرا جزيلا للجميع