سلّي صيامك !

[MZohairy]

طيب شوف كلام الفقهاء بيقول ايه:

وأما في باب النَّظر: فقد ذكر الفقهاءُ رحمهم الله تعالى أن عورة الأَمَة أيضاً ما بين السُّرَّة والرُّكبة(1)، ولكن شيخ الإسلام رحمه الله في باب النَّظر عارض هذه المسألة(2)، كما عارضها ابن حزم في باب النَّظر، وفي باب الصَّلاة

يعني اغلب الفقهاء اجمعوا على ان العوره للأمه من الركبه الى السره ما عدا ابن حزم و شيخ تاني

و اللي ماجمعوش دول حبوا يخففوا الموضوع شويه فقالولك لأ

دي مينفعش تظهر صدرها (اللي هو مش عوره) للرجاله كده بس ممكن و هي بتصلي بس

لو انت موافق على الكلام ده انه من الاسلام قوللي وانا اوافق على طول

[سهل جدا]

يا سلام عليك عم زوهيري..

في موضوع الزوجة الثانية كنت سعادتك بتتهمني أنا واللي زيي ان احنا كل اهتمامنا بالنصف السفلي من المرأة

بس انت بصراحة أثبت لنا إن اهتماماتك أعلى مننا بشوية... لأنك مهتم بالنصف العلوي من المرأة

((الصدر)) :sad:

آه لو ما كنتش صائم.. كنت قوتلك كلام... :)

عموماً الأخت ضحى ما قصّرتش في الردّ..

رمضان كريم

[MZohairy]

يا سلام عليك عم زوهيري..

في موضوع الزوجة الثانية كنت سعادتك بتتهمني أنا واللي زيي ان احنا كل اهتمامنا بالنصف السفلي من المرأة

بس انت بصراحة أثبت لنا إن اهتماماتك أعلى مننا بشوية... لأنك مهتم بالنصف العلوي من المرأة

((الصدر)) wst::

آه لو ما كنتش صائم.. كنت قوتلك كلام... :)

عموماً الأخت ضحى ما قصّرتش في الردّ..

رمضان كريم

:sad:

مش انا اللي مهتم يا ريس

فقهاء المسلمين هم اللي مهتمين و احلوا ظهور صدر المرأه الأمه سواء في العام او في وقت الصلاه

لا مشاحه لا مشاحه يا أخي

هذا هو الاسلام!!

[عنبو]

يا عم محمد انت حتتعبني معاك ليه بس؟

انا لا هتعبك ولا حاجه يازوهيرى الا اقولى يازوهيرى هو اسم الدلع بتاع زوهيرى ايه ؟

الشرع الاسلامي كما تفهمه حضرتك بيقول ايه؟

الشرع الاسلامى زى لما افهمه حضرتى بيقول ان الراجل اللى عنده امه لو الامه دى زوجها لعبد عنده يبقى المفروض ميبصش لها مابين

السره والركبه وده حاجه خاصه بالراجل اللى هو مالك الامه ده لو اخدنا بنص الحديث اللى انا اقولته ولكن طبعاً انا اقولتك ان الشيخ الالبانى قال عنه مابين الموضوع والضعيف وانا طبعاً هاخد براى الاحوط وهقول ان الحديث ده ضعيف ومش هبص خالص طبعاً دى لو عندى جاريه اساساً لكن اساسا معدش فيه جاريات اليومين دول

عورة الأمه المسلمه داخل فيها صدرها أم لا؟

جسمها كله عوره ياعم زوهيرى لاحظ ان الحديث موجه للسيد اللى هو مالكها مش موجه للناس كلها وده طبعاً لو اعتبرنا اساساً ان الحديث صحيح

ياريت اجابه واضحه محدده

[MZohairy]

انا بعتذر عن تشتيت الموضوع و عن عدم اقتناعي بأن هذا هو شرع الله

ادعوكم لاستكمال الفوازير

تحياتي

[عنبو]

انا بعتذر عن تشتيت الموضوع و عن عدم اقتناعي بأن هذا هو شرع الله

ادعوكم لاستكمال الفوازير

تحياتي

خد ياعم زوهيرى رايح فين مش جاوبت على سؤالى ليه

هو اسم الدلع بتاع زوهيرى ايه ؟؟؟

[سهل جدا]

:) أستاذ ماندوووووو :sad:

بعتلك الهديّة اللي وعدتك بيها برسالة خاصّة

على فكرة .. هديّة قيّمة, وهاتستفيد منها كثير إن شاء الله

عشان تعرف إن عمو سهل .. لما يوعد بحاجة بينفذها ..

عمو سهل ... عمو سهل .. إنت راجل عسل وسكر .... بارك الله فيك على الهدية

خد بقى شوية الألغاز دى وعيش حياتك .... هعقدك .. :D

هل يمكن أن تكون قراءة الإمام يوم الجمعة سرية ؟

رجل صلى إلى عدة جهات في صلاة واحدة وصحت صلاته ولا يجب عليه الإعادة ؟

اللى فات ده كله سهل جدا :D إيه رأيك فى رجل جامع زوجته في نهار رمضان متعمداً وليس عليه إلا القضاء ولا تلزمه الكفارة ؟

معقولة الكلام ده ياماندو ؟

إيه يا عم الأسئلة السهلة ديه :D

بالنسبة لقراءة الإمام سراً في صلاة الجمعة، فهذا ممكن يحدث إذا صادف العيد يوم الجمعة على رأي بعض الفقهاء

وفي هذه الحالة إذا صلى الرجل صلاة العيد، فهو مخيّر بين أن يصلي الجمعة أو الظهر , لحديث: (قد اجتمع في يومكم هذا عيدان فمن شاء أجزأه من الجمعة وإنا مجمّعون)

وبالنسبة للرجل الذي صلى صلاة واحدة في جميع الجهات.. فهذا يكون في صلاة النافلة في السفر

لأنه ثبت إن الرسول صلى الله عليه وسلم كان يصلي النافلة (النافلة فقط وليس الفرض) على راحلته في السفر

والسؤال الثالث جاوبك عليه الأخ الرفاعي.. (انظر الصفحة رقم: 3 من هذا الموضوع)

خذوا بقى السؤال ده:

مال مع رجل لم يمرّ عليه إلّا يوماً واحداً , ومع ذلك وجبت فيه الزكاة (خذ بالك حول الزكاة بيكون سنة كاملة)

جائزة للي يعرف الحلّ wst::

[doha]

مال مع رجل لم يمرّ عليه إلّا يوماً واحداً , ومع ذلك وجبت فيه الزكاة (خذ بالك حول الزكاة بيكون سنة كاملة)

ممكن يكون اشترى بيه ارض والارض فيها زرع وده وقت الحصاد يبقى لازم يطلع الزكاه في الحال لان ربنا سبحانه وتعالى بيقول ( وآتوا حقه يوم حصاده )

صح كده؟

[عنبو]

بصوا بقى خدوا الحته دى

فى ايه فى القران بتقول

بسم الله الرحمن الرحيم الحمد لله رب العالمين ... وَلَا تَزِرُ وَازِرَةٌ وِزْرَ أُخْرَى وَمَا كُنَّا مُعَذِّبِينَ حَتَّى نَبْعَثَ رَسُولًا )) " 15 " الاسراء ...

طيب وفيه ايه تانيه بتقول

وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا .... 16 الاسراء

هو كده الايتين دول بيخلفوا بعض ولا ايه

يعنى ازاى ولا تزر وازره وزر اخرى وازى برضه امرنا مترفيها ففسقوا فيها يعنى كده ناس اتاخدت بذنب ناس يعنى ممكن يكون القريه فيها ناس طيبه وفى نفس الوقت هلكوا بسبب المترفين دول يبقى ازاى لا تزر وازره وزر اخرى

اللى عارف يدخل يقول

على فكره انا عارف الاجابه طبعاً

[سهل جدا]

مال مع رجل لم يمرّ عليه إلّا يوماً واحداً , ومع ذلك وجبت فيه الزكاة (خذ بالك حول الزكاة بيكون سنة كاملة)

ممكن يكون اشترى بيه ارض والارض فيها زرع وده وقت الحصاد يبقى لازم يطلع الزكاه في الحال لان ربنا سبحانه وتعالى بيقول ( وآتوا حقه يوم حصاده )

صح كده؟

أنا كنت أقصد مال نقود..

لكن عموماً هي محاولة حلوة من حضرتك

فاضلّك محاولتين كمان.. يلّا شدّ حيلك

[doha]

اقولك تفسيري الخاص وممكن يكون لها تفسير تاني الله اعلم ..

من فهمي للآية فهي ممكن تيجي على محملين ..

هم ثلاث ايات وراء بعض في نفس السورة ..

مَّنِ اهْتَدَى فَإِنَّمَا يَهْتَدِي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَلاَ تَزِرُ وَازِرَةٌ وِزْرَ أُخْرَى وَمَا كُنَّا مُعَذِّبِينَ حَتَّى نَبْعَثَ رَسُولاً (15)

وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا (16)

وَكَمْ أَهْلَكْنَا مِنَ الْقُرُونِ مِن بَعْدِ نُوحٍ وَكَفَى بِرَبِّكَ بِذُنُوبِ عِبَادِهِ خَبِيرًا بَصِيرًا(17)

التفسير الاول .. ان ربنا سبحانه وتعالى بيقول ان القرى التي يراد اهلاكها تمر بعده مراحل .. اولا يأمرهم ولن يكون هذا الامر الا برسول سبق وارسله تعالى فهو لايعذب الا برسول كما قال في الآية السابقة لها .. لن يستجيب اهل القرية المترفين لهذا الأمر وبهذا فهم قد ( فسقوا ) يعني خرجوا عليه او عصوه .. فيحق عليهم القول .. اي يستحقوا عذابه اعاذنا الله اجمعين ..

طيب ماوضع اهل القرية المؤمنين ـ غير المترفين ـ الذين لاذنب لهم فيما فعل الفاسقون من اهلها؟

من وجهة نظري هنالك تفسيران ..

اما انهم رأوا ماحدث ( وسكتوا عليه ) يعني لا امر بالمعروف ولا نهي عن المنكر وهنا فقد حق عليهم القول بسكوتهم واصبحوا شركاء في الجريمه ولكن الله سبحانه وتعالى يذكرنا بان لاتزر وازرة مثل اخرى فهم سيهلكون معا ولكن حسابهم لن يكون ذات الحساب فالفاسقين سيحاسبوا على فسقهم والساكتين عن الحق سيحاسبوا على سكوتهم لا على مافسق فيه الفاسقون .. هذا التفسير الاول ..

التفسير الثاني تدعمه الآية التي بعدها في الترتيب ..

فربما ان اهل القرية المترفين حين فسقوا نصحهم المصلحين منهم فلم ينتصحوا فلما زاد الفساد في القرية نزح عنها الصالحون فحق القول على من فيها من فاسدين وكان هلاكهم .. اذا فالعذاب صب على اهل القرية الفاجرة دونا عن الآخرين الذين تركوها .. مايدعم هذا القول هو ذكره تعالى في الآية التالية لقوم نوح (( وَكَمْ أَهْلَكْنَا مِنَ الْقُرُونِ مِن بَعْدِ نُوحٍ )) ومن المعلوم في قصة نوح ان الصالحون من قومه الذين استجابوا لدعوته وآمنوا بالله ركبوا في السفينة معه وتركوا خلفهم الذين كذبوه وحق عليهم قول الله فاغرق الطوفان الفاسقين فقط ونجى نوح وقومه الصالحون من عذاب الله ..

هذا تفسيري للآية من فهمي والله تعالى اجل واعلم وربما يكون لها تفسير آخر ..

[doha]

مال مع رجل لم يمرّ عليه إلّا يوماً واحداً , ومع ذلك وجبت فيه الزكاة (خذ بالك حول الزكاة بيكون سنة كاملة)

ممكن يكون اشترى بيه ارض والارض فيها زرع وده وقت الحصاد يبقى لازم يطلع الزكاه في الحال لان ربنا سبحانه وتعالى بيقول ( وآتوا حقه يوم حصاده )

صح كده؟

أنا كنت أقصد مال نقود..

لكن عموماً هي محاولة حلوة من حضرتك

فاضلّك محاولتين كمان.. يلّا شدّ حيلك

ممكن يكون المال معاه على سبيل الامانة ؟

ولا المال ملكه بتاعه يعني ؟

[سهل جدا]

ممكن يكون المال معاه على سبيل الامانة ؟

ولا المال ملكه بتاعه يعني ؟

مال يملكه

[doha]

فكرت وقلت هل يمكن يكون ميراث ومكنتش متأكده الميراث بيستحق عليه زكاه من وقت البلوغ ولا من وقت الوفاه .. للامانة عملت سيرش يعني مكنتش عارفه الاجابة على وجه اليقين ..

المهم لقيت ان مال القاصر يستحق الزكاه من وقت بلوغه سن استلام ميراثه الشرعي كنت هقفل الصفحه فلقيت ملحوظه حلوة كده ان لو تاخر في استلام ميراثه من الوصي بتحسب الزكاه عن الفترة دي ويدفعها ..

يعني في حالتك الراجل ممكن يكون عمره 22 سنة ويادوب استلم مال الزكاه من الوصي او المجلس الحسبي وبكده يبقى عليه زكاة السنة الي فاتت من يوم ماكان عنده 21 يعني

صح كده؟ اياك تقول لاه عشان انا غشيتها مش معقول هكون غشيت غلط

[سهل جدا]

فكرت وقلت هل يمكن يكون ميراث ومكنتش متأكده الميراث بيستحق عليه زكاه من وقت البلوغ ولا من وقت الوفاه .. للامانة عملت سيرش يعني مكنتش عارفه الاجابة على وجه اليقين ..

المهم لقيت ان مال القاصر يستحق الزكاه من وقت بلوغه سن استلام ميراثه الشرعي كنت هقفل الصفحه فلقيت ملحوظه حلوة كده ان لو تاخر في استلام ميراثه من الوصي بتحسب الزكاه عن الفترة دي ويدفعها ..

يعني في حالتك الراجل ممكن يكون عمره 22 سنة ويادوب استلم مال الزكاه من الوصي او المجلس الحسبي وبكده يبقى عليه زكاة السنة الي فاتت من يوم ماكان عنده 21 يعني

صح كده؟ اياك تقول لاه عشان انا غشيتها مش معقول هكون غشيت غلط

معليش جات آوت ..

فضلّك محاولة واحدة :happy:

عموماً الواحد بصراحة بيستفيد من المراجعة والبحث... ودي في حدّ ذاتها أكبر مكسب من المواضيع اللي زي دي..

بس حبيت أوضّح نقتطين:

1- الصحيح من أقوال العلماء أن الزكاة تجب في عين المال وليس في ذمة الشخص

يعني لو طفل صغير ورث مليون جنيه مثلاً.. فيجب على وليّه أو وصيّه إنه يخرج زكاة من هذا المال (25 ألف جنيه) بعد مرور حول كامل

ولذلك قال سيدنا عمر لشخص تولّى مال ليتيم: اتّجر له في ماله , ولا تدع الصدقة تأكله (والصدقة هنا المقصود بها الزكاة)

2- لو إنسان يملك مالاً بلغ نصاب الزكاة ولكنه ليس تحت تصرّفه, فلا زكاة عليه فيه.. ولو مرّ عليه سنوات وسنوات.. وحينما يتسلّمه يزكيه عن سنة واحدة فقط ..

والله أعلم

لكن اللغز بتاعنا عن واحد تملك مالاً جديداً.. وظلّ هذا المال معه طوال اليوم.. وفي نهاية اليوم قيل له يجب عليك أن تخرج زكاة هذا المال

[doha]

طااايب .. دي بقى مغشوشه طاازه ..

الزكاة تجب بشروط خمسة: حرية، وإسلام، وملك نصاب، واستقراره، ومضي الحول.

والمراد بمضي الحول: أن يمضي عام هجري على المال الذي بلغ نصاباً، وذلك لقول النبي صلى الله عليه وسلم: "لا زكاة في مال حتى يحول عليه الحول" رواه الترمذي وأبو داود وابن ماجه.

قال الحافظ ابن حجر في التلخيص: لا بأس بإسناده، والآثار تعضده، فيصلح للحجة.

ولا يشترط حولان الحول في خمسة أشياء:

1- الخارج من الأرض، من الحبوب والثمار، بل تجب زكاته عند حصاده.

2- نتاج السائمة: أي أولادها، فإنها تتبع الأصل في حوله.

3- ربح التجارة، فمن اشترى سلعة للتجارة بمائة مثلاً، فصارت قبل تمام السنة بمائتين زكي عن المائتين عند حولان الحول على السلعة.

4- الركاز، وهو دفين الجاهلية، ففيه الخمس عند العثور عليه.

5- المعدن: فمن عثر على معدن ذهب أو فضة، واستخرج منه نصابا، وجب عليه أداء زكاته فوراً.

وعليه، فإذا ملكت نصاباً من النقود، ثم جاءك مالٌ آخر لم يجب ضمه إلى حول الأول، إلا أن يكون ربحاً ناتجاً عنه، فإن لم يكن ناتجاً عنه ولكنه من جنسه فأنت بالخيار بين أمرين: 1- أن تضيفه إلى رأس المال وتزكيه معه عند تمام الحول الأول. 2- أن تستأنف حولاً جديداً وتزكيه عند تمام الحول، ولو كان هذا المال الزائد دون النصاب لأنه قد بلغ النصاب بالمال الأول. والله أعلم.

يبقى هو لقي كنز وبالتالي يدفع زكاته في الحال بدون حولان الحول ..

بس على فكره لو خذت بالك هتلاقي ان اجابتي الاولى صحيحه برضه والي هي زكاة الزرع.

[سهل جدا]

برافوووووو يامدام ضحى :happy:

قصدي برافوا على المحاولة.. لكن الجواب للأسف غير صحيح

لأن الركاز زي ما حضرتك قولتي تجب فيه الزكاة بمجرد العثور عليه

أما السؤال بتاعي عن إنسان تملّك المال ومرّ عليه يوم كامل.. ثم قلنا له بعد مرور اليوم: الآن يجب عليك إخراج زكاة من هذا المال..

بس بجد محاولاتك رائعة جداً

هاقرّب الحلّ شويّة

جواب اللغز ده موجود في حديث من أحاديث الدجّال الذي سيأتي في آخر الزمان

[doha]

اوعى يكون قصدك لما هيكون اليوم كسنة وساعتها هتتحسب الزكاه على هذا الاساس ..

ده آخر حل هقوله اللغز بصراحه صعب وحلو فيه تشغيل دماغ حد غيري بقى يحاول فيه اصلي تعبت ..

بالمناسبة محدش يعني جاوب على اللغز بتاعي الي في الصفحه الي فاتت مع انه سهل جدا .. اللغز طبعا

[Alshiekh]

خذوا بقى السؤال ده:

مال مع رجل لم يمرّ عليه إلّا يوماً واحداً , ومع ذلك وجبت فيه الزكاة (خذ بالك حول الزكاة بيكون سنة كاملة)

جائزة للي يعرف الحلّ :)

هذا الرجل ورث مالا ، وكان استحقاق زكاة ذلك المال فى اليوم التالى ، فهو يؤدى زكاة ذلك المال فى الموعد الذى كان يجب ان تؤدى فيه.

[سهل جدا]

اوعى يكون قصدك لما هيكون اليوم كسنة وساعتها هتتحسب الزكاه على هذا الاساس ..

ده آخر حل هقوله اللغز بصراحه صعب وحلو فيه تشغيل دماغ حد غيري بقى يحاول فيه اصلي تعبت ..

تمام هو ده الحلّ

الله ينوّر..

والتفصيل هو:

جاء في صحيح مسلم, في حديث الدجّال:

(...قلنا يا رسول الله وما لبثه في الأرض؟

قال أربعون يوما يوم كسنة ويوم كشهر ويوم كجمعة وسائر أيامه كأيامكم.

قلنا يا رسول الله فذلك اليوم الذي كسنة أتكفينا فيه صلاة يوم؟ قال لا اقدروا له قدره...)

قال بعض الشرّاح:

فالحاصل أن الرسول عليه الصلاة والسلام حذر من الدجال تحذيرا بالغا وأخبر أن الدجال الأكبر يخرج في آخر الزمان ويبقى في الأرض أربعين يوما فقط..

ولكن اليوم الأول كسنة اثنا عشر شهرا تبقى الشمس في أوج السماء ستة أشهر من المشرق إلى المغرب ما تغيب هذه الفترة الطويلة وتبقى غائبة ليلا ستة أشهر هذا أول يوم.

واليوم الثاني كشهر والثالث كجمعة وبقية الأيام كسائر الأيام سبعة وثلاثون يوما كسائر الأيام.

لما حدث النبي صلى الله عليه وسلم الصحابة بهذا الحديث لم يستشكلوا كيف تبقى الشمس سنة كاملة ما تدور على الأرض وهي تدور عليها في كل أربع وعشرين ساعة فقدرة الله فوق ذلك وأن الله على كل شيء قدير والصحابة لا يسألون في الغالب عن المسائل الكونية والقدرية لأنهم يعلمون قدرة الله عز وجل لكن يسألون عن الأمور التي تهمهم وهي الأمور الشرعية.

فلما حدثهم بأن اليوم الأول كسنة قالوا يا رسول الله اليوم الذي كسنة هل تكفينا فيه صلاة واحدة قال لا اقدروا له قدره يعني قدروا ما بين الصلاتين وصلوا مثلا إذا طلع الصبح نصلي الصبح إذا انقضى الوقت ما بين الصبح والزوال صلينا الظهر حتى لو كانت الشمس في أول المشرق وهي تكون أول المشرق لأنها تبقى ستة أشهر كاملة فيقدرون له قدره.

إذن نصلي في اليوم الأول صلاة سنة والصيام نصوم شهرا ونقدر للصوم والزكاة كذلك وهذا ربما يلغز بها فيقال مال لم يمض عليه إلا يوم وجبت فيه الزكاة..

كذلك اليوم الثاني نقدر فيه صلاة شهر والثالث صلاة أسبوع وبعده تعود الأيام كما هي.

وفي إلهام الله للصحابة أن يسألوا هذا السؤال عبرة لأنه يوجد الآن في شمالي الأرض وجنوبي الأرض يوجد أناس تغيب عنهم الشمس ستة أشهر وتطلع عليه ستة أشهر لولا هذا الحديث لأشكل على الناس كيف يصلي هؤلاء وكيف يصومون لكن الآن نطبق هذا الحديث على حال هؤلاء فنقول هؤلاء الذين تكون الشمس عندهم ستة أشهر كاملة يقدرون للصلاة وقتها كما أرشد النبي صلى الله عليه وسلم الصحابة.

على فكرة الكلام المقتبس ده فيه معلومات قيّمة ..

وخصوصاً ما لوّنته بالأحمر بالذات.. يا ريت أخونا الحبيب زهيري يقرأه كويّس