المحاورات بعد عشر سنين بس

[cypher]

باب شئون دينية

- ترفيع الحواجب ( موضوع الساعة هام جداً )

باب هدى الاسلام

دخول الحمام باليمنى ام اليسرى عاااجل

طيب مانقفل باب هدي الاسلام بقه مادام مستقبله تافه اوي كده ... انا شايف ان كده مش دعوه للأبتسام ده كده يبقي دعوه للازدراء ه حتي لو كان بنيه سليمه

مع كامل احترامي للعضوين الفاضلين طبعاا

ولا انا ولا سي السيد قصدنا السخرية ولا اي حاجة بس بنقول ان بعض عشر سنين لسة الناس هتفضل تتكلم وتجادل في حاجات المفروض انها بديهيات ..... اسف لو كانت المشاركة ضايقتك.... كل سنة وانت طيب md2:

[White heart]

فى باب الثقافة و العلم:

أخيرا توفر آلة الزمن بأسعار مناسبة وسنكون نحن هنا اول من سيجربها ....

طبعا عارفين فى ايه؟

لألألألألألألأ ما تخلوش أحلامكم تشتطح لبعيد!

هو إستخدام واحد بس ....

السفر عبر الزمن الى المستقبل و تحديدا بعد عشرة أعوام أخرى (عام 2030 ) و ذلك للإطلاع على المحـــــــــــاورات ساعتها! md2:

تحياتي

[SoSo R]

اييييييه ولا دايم الا وجه

نيجى بقى للشغل

بالنسبه لباب المغتربين

مواضيعيه ممكن تبقى كالاتى

المواضيع المهمه

صباح الخير يا كندا

التامين الصحى فى كندا

القول الفيصل فى موضوع البصمه فى كندا

مواضيع المنتدى

1- ارجوكم ساعدونى مشكله مع كفيلى فى كندا

2- الى عنده فكره عن الاستقدام لكندا وامتى هيفتحوه

3- فيزا حره فى كندا

بالنسبه لباب الهجره

على ما اعتقد هيبقى فيه باب الهجره اللى المريخ طبعاً هيبقى فيه قهاوى زى مثلاً المريخ البلد ترحب ب سو سو سو سو رانى

:closedeyes: :closedeyes:

أنا إزاى ما شفتش الموضوع دة قبل كدة...وكمان إسمى مكتوب :closedeyes: ا

على فكرة أنا بنتى إسمها مرمر مش سوسو...

ممكن نخلى موضوعها

القطب الشمالى يرحب بمرمر سوسورانى

وفى مواضيع المغتربين

الحكومة الكندية ترحل عدد من المهاجرين الجدد إلى بلادهم لزيادة التعداد السكانى

جتكم القرف مليتوا كندا بقلم أحمد محمد سعد التهامى

كيف تصبح تمرجى بدون معادلة طبيب بقلم خالد هشام إبراهيم

على محمد الشامى رجع من ألاسكا يا رجالة

وممكن فى باب الشعر والأدب

كم من ترويش فى الطاسة بتاعة الست...مرمرسوسورانى

أنا و العصر وكباية البيناكولادا....لولو بنت لولا

لوك لوك ورغى و بس...مادا إبن مانا

وفى الفنون

العندليب السوبر ستار الراحل تامر حسنى وأروع ماغنى

مزيكا خبط القباقيب

كفاية كدة

تحياتى

سوسورانى

[Khiber]

أتوقع عودة الكاتب الكبير والمفكر العظيم أبو نوسه "حشيش" فكرينه وحشتنا كتير ياشيشو

بإحدى رواياته العظيمة مثل:

عودة الروح للبلاعه

قريبا بالأسواق

فى الرياضة:

حسام حسن المدير الفنى للمنتخب الوطنى متفائل رغم هزيمتنا من الصومال وتعادل إريتريا مع جزر القمر (حسام يوسف)

الزمالك سيصعد هذا العام للدورى الممتاز (أ) يارب (حسام يوسف)

[عنبو]

باب الاجتماعيات بعد اربع سنوات بس بقلم بنتنا مرمر

اخوانى الاعضاء تحيه طيبه وبعد احب ان ازف لكم هذين الخبرين

اولاً تمكنت احدى مهندسات البترول من السيطره على قلب ابنا ياسر وتم ولله الحمد زواجهم وقد شرف حفل الزواج العديد من اعضاء المحاورات وقام الاعضاء جميعاً بغناء اغنية طالعه من دار ابوها طالعه مش راجعه تانى

ثانياً هذا الخبر لم نتمكن من صحته حتى الان استطاعت احدى مووووووووووووزات بلاد الفرنجه من السطره على قلب محمد عنبووو حيث انه تعرف عليها فى زياره لاحدى بلاد الفرنجه فى رحلة عمل استغرقت شهرين وقد تمت الخطوبه ومن اللطيف ان العروس لا تجيد الا الفرنسيه وعربى على خفيف بينما محمد اخره عربى وانجليزى بس صرح محمد ان دى مش مشكله وان الحب مافيهوش لغات وابتسم ابتسامته المعهوده عليه

باب الاجتماعيات بعد 10 سنوات

نبارك للباششمهندس ياسر بمناسبة عيد ميلاد ابنه علام ربنا يارب يبارك له وعبقال مية سنه

نبارك للاخ محمد عنبوووووووو على تعلم اللغه الفرنسيه لا اقصدى على زواجه

باب موضوعات خفيفه

عاوز اتزوج يابابا ل انس جداً سهل جداً

تعالى هنا وسيبك من هناك كفر شوشو ولا تقولى شومبونجو ل قلب ابيض الابنه

احنا بتوع العفاريت لماندو الابن بعد اعتزال الولد هذه المهنه والتفرغ لمهنة الهندسه

باب موضوعات شخصيه

متيجو نعيط شويه كل واحد يدخل يحكى عن ميت او اى حاجه عنده لمسيوووووو محمد انبوووو

مواقف وطرائف الكبار ل مريم بنت ريمووووووووووووو

موضوعات جاده

***********

إيه يا عنبو ... إنت مش صايم زيينا ولا إيه ؟

سي السيد اللي مفتح لك

انتبه قد تكون انت التالى فيه بعض الفتيات بيكلموا الشباب على النت ويقمن بتصوريهم محمد ابن الفاضله ضحا

مظاهرات للشباب فى الشوارع لمطالبة النساء بارتداء ملابس حشمه تستر مابين السره والركبه فقط والترحم على ايام 2009 ل متولى متولى متولى

تفتكر الحجاب ده كان شكله ازاى دعوه للتخيل النسر المصرى الابن

استرجل واشرب حشيش ل عمرو رضوان الابن

باب الفنون

الرقابه تحذف 15 مشهد من فيلم لخالد يوسف نظراً لعدم الالتزام بزى البلد من السره للركبه

لؤى ( المغتى ) لزوهيرى الابن

عصام شعبان عبدالرحيم وطفره فى الاغنيه الشعبيه لزوهيرى الابن

الاسره والطفل

الحقووووووووو الودا لحد دلوقتى مشربش سجاير ده طبيعى ولا ارجوكم افيدونى ل ام عواد

شؤؤؤؤؤن المحاورات

انذار للعضوه انجى سلطان الابنه من مرمر سوسو رانى نظراً لشلفطة المداخلات

نرحب بالعضوه الجديده Madame Cépages يعنى مدام عنبى بس بالفرنساوى

[عنبو]

*********

هي طالبه معاك فطار باين .... و ......

اللهم اغزيك يا شيطان ....

بقلم سين السين اللي قرب يحطك عالرن واي :closedeyes:

تم تعديل 29 أغسطس 2009 بواسطة se_ Elsyed

[pink rose]

مواقف وطرائف الكبار ل مريم بنت ريمووووووووووووو

انا كتبت مواقف و طرائف الاطفال و ازاي بيعملوا حاجات تلقائية و تضحك و فيهم براءة

بس للاسف زمن البراءة انتهى فا انا فعلا كنت غلطانة

عارف يا محمد لو مريم كتبت فعلا الموضوع دا هاتبقى بنتي فعلا بتفهم احسن مني لان مواقف الكبار هي اللي محتاجة مننا وقفات كتير اوي

اسكت يا محمد عشان انا من امبارح و انا قلبي واجعني و متعكننة اخر عكننة للاسف الكبار ما طلعوش كبار و لا يستاهلوا يتقال عليهم كبار

الكبير اللي يفهم ان كلامه هايتحاسب عليه يوم المشهد العظيم

الكبير اللي يفهم ان اي كلمه بيكتبها هاتكون حجة عليه يوم لا تنفع فيه شفاعة

الكبير اللي يقدر رد فعل الناس من كلامه و مدى تأثيره عليهم

الكبير اللي يفهم ان كلمته ممكن تغير قناعة انسان او تعمله بلبلة في دماغه

الكبير اللي يعرف ان الكلمة أمانة تقيلة اوي

الكبير مسؤولية يا محمد

مش باقولك اسكت عشان انا شايلة في قلبي كتير اوي

اللهم اني صائمة

اللهم اني صائمة

اللهم اني صائمة

تم تعديل 29 أغسطس 2009 بواسطة remo

[enjisultan]

انذار للعضوه انجى سلطان الابنه من مرمر سوسو رانى نظراً لشلفطة المداخلات

منك لله يا سوسو يا بنت رانى عاجبك كدة (شكلى هاتبرى منك ومش هتبقى بنت بطنى)

ماشى يا عنبو ...ليك عليا اول ما امسك باب المغتربين بكولالمبور لتكون اول مهمة إلغاء عضوية الحاج محمد الجنيور

[enjisultan]

ريمو خير يا بنتى كئيبة على غير عادتك لية يا مامة مريمومة القمر خليك فريش احنا فى رحلة (على رأى سوسو)

[MZohairy]

اصدقاء اولادي الشرفاء البهائيين...لكم دينكم و لأولادي دين

[elfakhrany]

سياسة داخلية : جدال حول تحديد تاريخ بناء أبو الهول والجيزة تؤجل اعلان عيدها القومى

[الباشمهندس ياسر]

هاجر جزر الكاريبى تدخل الفردوس الاعلى

[engmido]

شئون داخلية

احمد عز قرر يدخل العمل الخيرى ويرأس ادارة ملجأ ايتام واول قرار له بعد تولى المنصب عمل اجتماع لاولياء الامور ...(اللى فيه داء ميبطلوش)

الرياضة

تأهل المغرب الى كاس العالم على حساب المنتخب المصرى بهدف اعتبارى (ده كاس وداير علينا كل اربع سنين)

موضوعات جادة

اعادة فتح موضوع كفاك تشويها لسمعة مصر يا خالد يوسف ووصوله للصفحة 2653 ( نصهم لاستاذ mzohairy )

هدى الاسلام

النقاب عادة ام عبادة ( مابنزهقش من اللت والعجن فىة موضوع منتهية)

[engmido]

محدش عايز يعلق

[من بعيد]

أتوقع عودة الكاتب الكبير والمفكر العظيم أبو نوسه "حشيش" فكرينه وحشتنا كتير ياشيشو

بإحدى رواياته العظيمة مثل:

عودة الروح للبلاعه

قريبا بالأسواق

فى الرياضة:

حسام حسن المدير الفنى للمنتخب الوطنى متفائل رغم هزيمتنا من الصومال وتعادل إريتريا مع جزر القمر (حسام يوسف)

الزمالك سيصعد هذا العام للدورى الممتاز (أ) يارب (حسام يوسف)

على فكره منتخبنا نال شرف اللعب مع جزر القمر وعلى ما اتذكر انهم غلبونا على استاد القاهره وكانوا بيشوطوا على المعلم اكرامى من كل حدب وصوب من ارجاء الملعب وخارج منطقه الجزاء وكان بيمثلنا مصطفى عبده ومصطفى يونس والخطيب والمعلمحسن وفاروق والنجوم السبعينات كلهم

[fatfouta]

باب الاجتماعيات

الفاضلة fatfouta فى رحاب الله

ماحدش يتخض دى مجرد توقعات

تم تعديل 5 مارس 2010 بواسطة fatfouta

[الباشمهندس ياسر]

باب الاجتماعيات

الفاضلة fatfouta فى رحاب الله

ماحدش يتخض دى مجرد توقعات

العمر الطويل ليكي يا فتفوتة

ربنا يفرحك بشبابك و باولادك و يمتعك بصحتك

و يرزقنا جميعا حسن الختام ...

امين

[اغابي]

العمر الطويل لجميع من فى المنتدي الجميل

اكيد حنبقي ابيض واسود مش الوان

بمعنى الافكار اللى بنطرحها دلوقتى

حتبقي قديمة شوية

مشاكلنا السياسية

امور حياتنا واولادنا

فبالتالى

مناقشتنا اكيد حتختلف

تحياتى :blink:

[MZohairy]

اخويا الحبيب ابو عمر wst:: بعد 25 سنه سيكتب :

و تعد نسبة ال 4% المسيحيين في مصر نسبه حقيقيه و هي في تناقص مستمر بينما النسبة المتبقيه و هي 99% من المصريين المسلمين السنه في تزايد مستمر

و على البابا شنوده ان يحاول ربط اواصر المسيحيين بالمسلمين بدلا من محاولات التفرقه

[اغابي]

اخويا الحبيب ابو عمر wst:: بعد 25 سنه سيكتب :

و تعد نسبة ال 4% المسيحيين في مصر نسبه حقيقيه و هي في تناقص مستمر بينما النسبة المتبقيه و هي 99% من المصريين المسلمين السنه في تزايد مستمر

و على البابا شنوده ان يحاول ربط اواصر المسيحيين بالمسلمين بدلا من محاولات التفرقه

عســــــــــــــل - عســــــــل يا زوهير

صدقنى ضحكتنى من قلبي :lol: :lol:

انت فلته - محصلتش

مش عارفة بتجيب التعليقات دي ازاى :lol:

تحياتي للجميع