المحاورات بعد عشر سنين بس

[عنبو]

اولا وقبل كل شىء السلام عليكم ورحمة الله وبركاته

كل عام وانتم جميعاً بخير بمناسبة شهر رمضان الكريم

انا وانا اللى هو انا قاعد مع نفسى اللى هى برده انا فى لحظة سكون حلوه سكون دى وقاعد بفكر فى كذا حاجه كده وكان من ضمن الحاجات اللى كنت بفكر فيها ان ده اول رمضان يعدى عليا من غير لما اكل محشى فيه "" ايه الاسرار اللى الواحد عمال يقولها دى ""

واذ فجأةً الاقى نفسى سايب لحظة السكون بتعتى دى واقمت اخدت السياره الساعه 12 ظهراً بالليل " وش يونس شلبى فى العيال لسه صغيارين " :closedeyes: :unsure: واقعدت الف وامواج تشلنى وارض تحطنى لحد لما وصلت للبيت ركنت العجله ورديت على الموبيل اصل ايه كنت نسيت اقول لناس كل سنه وهم طيبون اقوم ايه هم اتصلوا بيا يعنى علشان يقولوا ليا انهم فطروا محشى انهارده رجعنا تانى لموضوع المحشى

بصوا بقى سيبكم من الكلام الى فوق ده خاطره كده من خواطرى

ايه رأيكم لما كل واحد يتخيل ايه اللى تبقى المحاورات عليه بعد 10 سنين بس يعنى نتخيل ايه الموضوعات اللى هتتناقش هنا بس طبعاً بشكل كوميدى خفيف اوك اتفقنا

يلا بقى سلام

ملحوظه كل واحد يجيب معاه الفانوس بتاعه علشان يعرف يقكتب اصل مافيش نور جوه شكل الادراه مدفعوش فلوس الكهرباء

[elfakhrany]

أتوقع أن تظل المحاورات بنفس الشكل ولكن ستتغير الأعضاء وعليها ستتغير الموضوعات :closedeyes:

[Rocky]

اعتقد انا هبقي مشرف بااب اللي بيقروأ أكتر ما بيشاركوا :closedeyes: :unsure:

[عنبو]

elfakhrany مشاركة بتاريخ اليوم, 01:22 PM

أتوقع أن تظل المحاورات بنفس الشكل ولكن ستتغير الأعضاء وعليها ستتغير الموضوعات

ازيك ياعم فخفخه ايه ياعم دى الكوميديا بتعتك ياعم عاوزين تصور كوميدى

Rocky مشاركة بتاريخ اليوم, 02:20 PM

اعتقد انا هبقي مشرف بااب اللي بيقروأ أكتر ما بيشاركوا

ازيك ياعم صخرى كل سنه وانت طيب

[عنبو]

اييييييه ولا دايم الا وجه

نيجى بقى للشغل

بالنسبه لباب المغتربين

مواضيعيه ممكن تبقى كالاتى

المواضيع المهمه

صباح الخير يا كندا

التامين الصحى فى كندا

القول الفيصل فى موضوع البصمه فى كندا

مواضيع المنتدى

1- ارجوكم ساعدونى مشكله مع كفيلى فى كندا

2- الى عنده فكره عن الاستقدام لكندا وامتى هيفتحوه

3- فيزا حره فى كندا

بالنسبه لباب الهجره

على ما اعتقد هيبقى فيه باب الهجره اللى المريخ طبعاً هيبقى فيه قهاوى زى مثلاً المريخ البلد ترحب ب سو سو سو سو رانى

بالنسبه لباب محاربة الفساد

1- الغش فى الامتحانات الازهريه

2-شوفوا ايناس الدغيدى بتقول ايه "" انا معرفش ايه التزمت ده يعنى هى الصلاه خلاص بقت فرض دلوقتى مهو طول عمرنا بيقولنا سنه ليه ""

3- ماذا سيحدث لو ان المرتبات بدأت من 10,000

بالنسبه لباب سياسه داخليه

1- كلاكيت ؟؟؟؟؟؟؟ مره القوات الاسرائيليه تطلق النار على جندى مصرى على الحدود بين الاسماعيليه والشرقيه

2-واااسفاه قردى فى خانة الديانه

4-الحكومه تقرر نقل حديقة الحيوان من 6 اكتوبر الى مكانها القديم فى الجيزه

بالنسبه لباب موضوعات جاده

1- هل ستصوم مع مصر ولا السعوديه ولا كندا

2- لماذا لا نستطيع ان نتكلم المصريه بطلاقه

4-مصريه ترفع دعوى قضائيه للقضاء المصرى لمنعها من دخول المسبح نظراً لارتدائها المايووو الشرعى

بالنسبه لباب انجازات المصريين

1- ولد مصرى يستطيع ان يلف 20 سيجارة بنجو فى اقل من 10 دقايق

2- صعوووووود مصره للمونديال بعد غياب دام اكتر من ربع قرن

[doha]

اييييييه ولا دايم الا وجه

نيجى بقى للشغل

بالنسبه لباب المغتربين

مواضيعيه ممكن تبقى كالاتى

المواضيع المهمه

صباح الخير يا كندا

التامين الصحى فى كندا

القول الفيصل فى موضوع البصمه فى كندا

مواضيع المنتدى

1- ارجوكم ساعدونى مشكله مع كفيلى فى كندا

2- الى عنده فكره عن الاستقدام لكندا وامتى هيفتحوه

3- فيزا حره فى كندا

بالنسبه لباب الهجره

على ما اعتقد هيبقى فيه باب الهجره اللى المريخ طبعاً هيبقى فيه قهاوى زى مثلاً المريخ البلد ترحب ب سو سو سو سو رانى

بالنسبه لباب محاربة الفساد

1- الغش فى الامتحانات الازهريه

2-شوفوا ايناس الدغيدى بتقول ايه "" انا معرفش ايه التزمت ده يعنى هى الصلاه خلاص بقت فرض دلوقتى مهو طول عمرنا بيقولنا سنه ليه ""

3- ماذا سيحدث لو ان المرتبات بدأت من 10,000

بالنسبه لباب سياسه داخليه

1- كلاكيت ؟؟؟؟؟؟؟ مره القوات الاسرائيليه تطلق النار على جندى مصرى على الحدود بين الاسماعيليه والشرقيه

2-واااسفاه قردى فى خانة الديانه

4-الحكومه تقرر نقل حديقة الحيوان من 6 اكتوبر الى مكانها القديم فى الجيزه

بالنسبه لباب موضوعات جاده

1- هل ستصوم مع مصر ولا السعوديه ولا كندا

2- لماذا لا نستطيع ان نتكلم المصريه بطلاقه

4-مصريه ترفع دعوى قضائيه للقضاء المصرى لمنعها من دخول المسبح نظراً لارتدائها المايووو الشرعى

بالنسبه لباب انجازات المصريين

1- ولد مصرى يستطيع ان يلف 20 سيجارة بنجو فى اقل من 10 دقايق

2- صعوووووود مصره للمونديال بعد غياب دام اكتر من ربع قرن

bv:- :P bv:-

[بنت الشاطئ1]

سياسة داخلية

ترشح للرئاسة للمرة التاسعة

[بنت الشاطئ1]

قسم المطبخ

مطعم الشيف بندق افندى ..افرع فى جميع انحاء العالم

اطلب دليفرى وادفع بالفيزا كارت

[MZohairy]

الاشخاص و الاسامي حتتغير

و المواضيع ستبقى كما هي

[se_ Elsyed]

باب المغتربين

- زهيري يغزو الصومال ( السلام عليكم من وجادوجو )

- كل ما يخص اجراءات زيارة الزوجة لدارفور

- ما هي اسعار الشقق في غينيا بيساو ... ارجوكو ساعدوني بسرعه جايلنا عقد هناك ( اختكم روشه )

باب شئون المحاورات

- سين سين بتاع المليون ونص ( تهنئة بمناسبة بلوغ سين سين سن الرشد و مليون ونص مداخله )

- باركولي وصلت الفين مداخلة ( بقلم الحازم حسن )

- انذار للعضو العنبي لتعمده عدم تحويل مسار الموضوعات ( بالرغم من ان موضوعه سقط 3 سنين في ثانوي ولازم يحول مسار )

باب شئون دينية

- ترفيع الحواجب ( موضوع الساعة هام جداً )

باب سياسة داخلية

- هل ستشارك في انتخابات الرئاسة القادمة ( بمناسبة ترشيح مبارك لفترة رئاسية ثامنة )

- نزاهة ... شفافية .. آليات ( مصطلحات نريد تفعيلها في حياتنا ... بقلم عادل ابو زيد )

رياضة

- انبي هو هو بيكسب بره وجوه ( بقلم موديست الانباوي )

الاسرة والطفل

- متى تعود العصمة في يد الزوج ( ارهاصات بقلم فيروز )

باب الاقتصاد

- كل ما يخص قرعة الاراضي في حلاليب وشلاليت ( الحق اعمل لك سبوبة )

[rewsha]

باب المغتربين

موضوع مثبت :نصائح س س للمهاجرين الى بور كينا فاسو

اماكن الترفيه في بورندي :بقلم س س (سي السيد )

خطوات استقدام الزوجه لتنجانيقا:اخوكم س س خطوه بخطوه

باب :سياسه داخليه

الحكومه تقرر نقل الاهرامات الى محافظه العبور لتشجيع السياحه في المحافظه

تكمله للخبر :القبض على 3 مليون متسول و2 مليون طفل شوارع في محافظه العبور بعد نقل الاهرامات اليها

تم تعديل 28 أغسطس 2009 بواسطة rewsha

[se_ Elsyed]

باب :سياسه داخليه

الحكومه تقرر نقل الاهرامات الى محافظه العبور لتشجيع السياحه في المحافظه

من بؤك لباب السما

يااااااااااااه

ده انا ساعتها اجيب ييجي 10 جمال و7 حصنه و 4 حمير وأجرهم للسياح وجيفت بجشيش يا مستر والبليه تلعب معانا بقى ونقب على وش الدنيا

[Alrefaey]

فيزا حره للسودان ب20 الف

حققت بورصة الخرطوم وازربجان ارتفاعا كبيرا بفضل اسهم شركات البترول

السودان تحكم السيطرة على حدودها الشمالية مع مصر لمنع الاجئين من الشمال

مستثمر سودانى يطرد العماله الخليجية ويستورد مكانهم روبووت من الهند

بوادر حرب نووية بين الصين والهند للتنازع على زعامة العالم

انفلونزا الصراصير تفتك بحياة مليون شخص باأمريكا وبوش ابن الابن يقدم للكونجرس ميزانية قدرها 10 مليار للتصدى للوباء

حرب عالمية ثالثة وشيكة للتنازع على منابع المياة

نتيجة لظاهرة الاحتباس الحرارى وزوبان القطب الشمالى ادى الى اختفاء بعد الجزر ودلتا مصر

تاتا الهندية تضم تويوتا وبذلك تعلن احتكارها لصناعة السيارت بالعالم

تهامى الابن والهجرة الى المريخ

الشامى الابن رجع من االزهرة فى كبسولة يارجاله

عمر سين سين وكيفة استقدام الزوجه الى كوالامبور

زهيرى الابن اصدقائى الايهابيين لكم كل تقدير واحترام

(مستعجب ) بقلم هيثم حسام يوسف

كل ماتريد معرفتة عن الهجرة الى فيجى وهاوى بقلم قناوى الابن

لولا (الابنه ) واحلام عصريه

اسلاميات بقلم سهل بن سهل جدا

احدث طرق العلاج بالليزر بقلم م الرفاعى

[se_ Elsyed]

احدث طرق العلاج بالليزر بقلم م الرفاعى

ليزر ؟!!!!!!!!!!!!!

بنقول يا عم المحاورات بعد 10 سنين ... مش من 20 سنة

ده انت قديم قوي

قول مثلاً

احدث طرق العلاج بـ اللولو تكنولوجي

يعني تقف قدام الجهاز و قبل ما تقول كلمة لولو .. مثلاً تقول ل و ..... تلاقي الواو خفت واتلفت في المكركرون والشاش والجهاز كمان يقولك نعيماً

[سهل جدا]

كلّه فضل يفتي ويألف عن باب المغتربين اشمعنى أنا يعني ..

بعد نفاذ البترول من السعودية..

الحكومة السعودية تستجدي المقيمين المصريين للبقاء على أراضيها..

وترفع شكوى لمجلس الأمم.. شعارها... ((بقى تاخدونا لحم وترمونا عظم)) :P

[Khiber]

موضوع ظريف جدا

طب خذ دى

فى باب "فى الثقافة و العلم"

وزير التربية والتعليم

إلغاء السنه الخامسة وإعادة السنة السادسة من المرحلة الإبتدائية

[enjisultan]

عمر سين سين وكيفة استقدام الزوجه الى كوالامبور

مع كل التقدير لسين سين سيبولى خطوات استقدام لكولالمبور

[cypher]

باب انجازات المصريين

تنفيذ المرحلة السبعتاشر من مشروع فصل الانتاج عن التوزيع

بدأ العمل في المفاعل النووي المصري بطاقة اتناشر بلحة في اليوم

ارتفاع عدد اراضي القمح الى 27 فدان وانباء عن الغاء الاستيراد والاكتفاء بالمحلي

حصول المطرب المصري زرزور على جائزة جرامي الموسيقية

محاربة الفساد

ارتفاع عدد حالات التعذيب في الاقسام والداخلية تؤكد انها حالات فردية

وزارة الزراعة : نبذل قصارى جهدنا لمكافحة زراعات الصرف الصحي

التعليم و العمل - education & employment issues

خروج جميع الجامعات المصرية من قائمة افضل مليون جامعة في العالم

منحة لدعم التعليم في مصر تقدر بـ 500 مليون دولار مقدمة من اريتريا

وزير التعليم الجديد : الغاء سادسة و تحويل الثانوية العامة الى سبع سنوات لضمان جودة المحتوى التعليمي

مسائل إقتصادية - economic issues

استمرار حملة المتفوتر لمصلحة الضرائب بالرغم من القبض على منفذيها بتهمة التهرب الضريبي

وزير المالية : معدل النمو وصل 113% بس لسة المواطن مش هيحس بي دلوقتي

موضوعات جادة

عودة الصيادين المختطفين في الصومال بعد ان يأس الخاطفين من الحصول على الفدية

دعوى قضائية لوقف تصدير الغاز لاسرائيل للمرة االثانية عشر

الرئيس جمال مبارك : لا نية لانشاء عاصمة جديدة والابقاء على عزبة الهجانة عاصمة لمصر

الفنون

نبيل الوحش يرفع قضية على ابتهال بتهمة الابتذال والعري يطالب بوقف المسلسل

النجمة فكيهة (87 سنة) تقوم بدور طالبة جامعية في فيلمها الجديد

دعوة للأبتسام

عصابة حساس بعد طلوع المعاش (بقلم س س ) (ان شاء الله أعيش وأقرهالة)

احنا اللي خطفنا القراصنة كلاكيت تمنتاشر مرة

باب هدى الاسلام

دخول الحمام باليمنى ام اليسرى عاااجل

كل سنة وانت طيبين

تم تعديل 28 أغسطس 2009 بواسطة cypher

[mandoo]

شوف ياعنبو ياحبيبى ... بما إن الموضوع بعد 10 سنين ... يبقى أكيد شكل اللاب توب هيتغير ..... يعنى هيكون بدون كى بورد .... بيقرأ الأفكار ويكتبها

أخذ يفكر i*: .. ويفكر i*: .. وإستغرق فى التفكير .. ونزولا على رغبة الجماهير flx: .... قرر :ok: ... ترشيح نفسه لفترة رئاسية جديدة md2: wst:: :ninja:

طيب إيه رأيك لو احد المحاورين طرح الموضوع ده ..ياترى مع اللاب توب الحديث ده هتكون الردود إزاى .

بس خللى بالك .. اللى حتفكر فيه هيظهر على الشاشة ......يالهوى .... أنا بطلت أفكر ;)

[جيمي]

باب شئون دينية

- ترفيع الحواجب ( موضوع الساعة هام جداً )

باب هدى الاسلام

دخول الحمام باليمنى ام اليسرى عاااجل

طيب مانقفل باب هدي الاسلام بقه مادام مستقبله تافه اوي كده ... انا شايف ان كده مش دعوه للأبتسام ده كده يبقي دعوه للازدراء ه حتي لو كان بنيه سليمه

مع كامل احترامي للعضوين الفاضلين طبعاا