مذكرات طبيبة صغنونة فى الصحراء

[خاطر]

الأخت شانا

ربنا معاكي أكيد زي ما بيقول المثل

الضربه التى لاتقصم الظهر تقويه

أفتكرت أيام الجيش وأنا في كلية الضباط الأحتياط

وكان معظم المجندين أطباء ومهندسين

وأغلبهم ما شفش بهدله قبل كده hpc:!:

كانوا بيقوللنا أنتم لازم تتحطوا في القالب الميري me0:

وفعلا كانو ثلاث شهور تدريب غيروا فينا حاجات كتير بعد كده

أهم حاجه خلى بالك من العينين

وأوعي تنسي( تويتي) فى بطن حد منهم

بعدين يعيش عمره كله يكاكي :rolleyes:

[بنت شعنونة]

من ناحية ضامناها

بجد مش عارفة :D

بس ها احاول اعمل حاجا بحيث انه كله يكون تحت عيني انا او تصرفي

ربنا يسهلها ونعمل حاجا بس

ابو فصاد

ربنا يخلييييييييييييييك يارب

دايما كدا رافع معنوياتي :lol: ;)

خاطر

حتى انت يا خااااااااااااااطر

ماااااااااااااالها يعني البطة الصفرا

هاااااااااااا ;)

حصل معايا موقف من شوية قارفني جداااااااا من نفسي ومن الحياة كلها

لدرجة اني كشفت على عيان وانا بعيط من القهر

كنا قاعدين في الستقبال وعمالة بتكلم مع زميايلنا وواحد زميل تاني بيتكلم مع زميلة ليا

المهم زمايلنا بيناغشوني ف انا قمت من على المكتب ورايحالهم عشان اغلس عليهم واخد ورق من عندهم

لقيت فجاة حاجا رشششششششقت في ضهري مرة واحدا!!!

لدرجة كنت ها اصرخ من الوجع

ب التفت الاقي جهاز ضغط سماعة اتحدف على ضهري و ووقع على ااالارض!!!!!!!!!!!

اتاري زميلي اللي كان ورايا دا حب "يهزززززر" معايا راح حادفني بيه!!!!!!!!!

طبعا انا صعقت وفضلت ازعق واقول ليه هوا والبنت من فيكم عمل كدا

راحت هيا شاورتلي انه هوا

سالته انت عملت كدا قام قالي لا

وشوية لما حس اني ها اولع فيه

راح قالي ما انتي بتهزري كدا معايا

قلتله ابداااااااااا

انا اهزر كلام بس

انما احدف حاجا على حد او اهزر ب اليد ما اعملهاش عمري

وقلبت وشي منه وما قدرتش امسك نفسي من العياط ساعتها :(

بعد ساعا جه وقعد يعتذر وانه دا مش طبعه ولا هزاره " ودا بجد فعلا ودا اللي ها يجنني!!! flrt: " وانه مش عارف هوا عمل كدا ليه

وانه مش طايق نفسه

المهم مش عاوزة اقولكم اني مش طايقاااااااااااه

بس عشان اعتذر انا قلتله خلاص حصل خير

صحيح كتفي دابحنيييييييي من الوجع

ونفسي صعبانا عليا اوي ومخنوقة مني ومنه ومن الكوكب كله

انما مش عارفا اعمل ايه :P

تم تعديل 14 مارس 2004 بواسطة بنت شعنونة

[abofasad]

ما محبة الى بعد عداوة يا ست البنات

[lالمطحون]

انت حظك غريب حد يحدف جهاز ضغط ويقول هزار معلش الله يكون معاكى لان واضح انك بتتعاملى مع بقر مش اطباء ومن ناحيه تانيه قللى تعاملك معاهم للمستوى المهنى فقط لانهم واضح ان فى فارق بين طبيعة تعاملك الطيبه والاريحيه واسلبهم القمىء وعلشان خطرى خللى دمعتك عزيزه على الاقلا\ اثناء الدوام

[se_ Elsyed]

ماحدش يحوشني .. سيبوني عليها ..

يا شعنونة إنتي عشان طيبة واللي في قلبك على لسناك وبتتعاملي مع الآخرين بحسن نيه فالبعض من هؤلاء يعتقد بإنك ممكن تتقبلي أي نوع من الهزار حتى لو كان تقيل وما يصحش إلا بين الرجالة وبعضهم، وخاصة الهزار اللي بالأيد اللي أنا في رأيي غير مقبول حتى بين الرجاله فقد تطيش حاجة زي السماعة دي مثلاً ودي في عين الواحد تطيرهاله ..

لن انسى المره اللي واحد زميلي كان بيهزر معايا هزار بوابين بسكينة وكنت في المرحلة الإعداداية وتقوم قطعه كف أيدي بما لا يقل عن 10 سم ... لأن في مثل هذه الحالات مثلما قال رسولنا الكريم الشيطان بيبقى على الحاجات اللي زي دي حتى لو بالهزار فممكن تصيب الإنسان في مقتل ..

وبالتالي لازم من الأول كنتي تديهم وش أبلكاش مع شوية كلام من فوق وده عشان ماحدش ياخد عليكي ويتمادى في الهزار الغبي وتبقى العملية سان فا سو ... فاكره الدكتور اللي رمى عليكي الرجل المقطوعة ؟!!! وحذرناكي بعدها ...

لكن أنا ملاحظ يا شانا إن إنتي مابتسمعيش الكلام وفاكره رغم كل ده أنك عايشه في وسط ملائكة وهايفهموكي صح ...

[linux]

شوفي يادكتورة ...

يعني أيه يحدفك بالسماعة؟؟

الواد ده أهطل و العياذ بالله و لا أيه؟

عايزك تعرفيه أن أخوكي المعلم لينكس آرميدان لينكس بيعبي العربية النقل دلوقتي و ها ينطلق صوب (حلوة الفصحي دي؟) السلوم علشان يعرف الواد الأفندي الدك"طور" ده شغله ... هو فاكر أن العملية سايبه؟

و قولي له على ما أجيله أن مش كل قط يتقال له بس بس!!

لينكس آرميدان لينكس و بنته جنايات

و مشحون وراه في النقل أولاده:

سبع الليل

غضنفر الزلط

أبو رجل مسلوخه

سنجة واكل مطوة

خوط الصعيد التاسع عشر

أبو دومة اللومنجي

لؤي

[زيزو]

ليس دفاعًا عنه، ولكن أي إنسان معرض لذلة، وقد تأسف. يعني يجب تهدية النفوس وقد عرف خطأه، فإن كرره فليكن لكي موقف آخر.

وعمومًا أتفق مع من ينصحونك بعدم التعامل بالطيبة دائمًا، فهناك الكثيرون ممن لا يستحقون هذه المعاملة ولا يفهمونها...

ويامـــــا الواحد أخد مقالب في ناس... بس إحنا رجالة وبنستحمل... والوضع بيبقى حساس أكتر عند البنات، بس عارفينك راجل برضه ولا إيه؟ :P

[DARWEEN]

طيب شويه جد بقى من غير هزار .....

ما أهو أنا من أول يوم قلتلك خلي التعامل بالشوكه والسكينه مع الناس هناك

وقلت دول مش أصحابك وأنتي ماأخترتيهمش ولكن مفروضين عليكي

بس هو الظاهر مفيش فايده ... ياشعنونههههههه أنتي مش في الكليه خلاص وهزار الطلبه والحاجات فينيتو

معلش أنا حكون غلس معاكي المره دي بس علشان مصلحتك وحاسألك سؤال رخم ... هل هذا المتخلف سبق وهزر بهذا الشكل الهمجي مع أي زميله ليكي ؟؟؟

طيب ليه ؟؟؟

أنتي طيبه وبتصرفي على طبيعتك .... بس ده مش صح مع كل الناس لأن فيه ناس مخها عجالي مابيجبش معاهم أسلوب النيه الصافيه

يا شانا ... غيري نفسك شويه أرجوكي

حاولي تكوني سخيفه أحيانا وسمجه أحيانا مفيش مانع

تعامل الشغل أكتر من السلام عليكم يكون كلام في الشغل

فهمتي ولا نقول من الأول ؟؟؟؟؟؟

[بنت شعنونة]

:D :D

والله يا جماعا انا بحاول اني ابقى مش طيبة

انما الظاهر مش نافع خالص :(

لسا امبارح بيييييييييييه من البهوات اللي هنا بيقولي انا عاوزك تشتغلي مكاني باطنة وانا ها اخد مكانك ;) flx:

قلتله دا من ايه دا؟

قالي عشان عاوز ارتاح من الباطنة عشان شغلها كتيييييييير جدا

"ودا فعلا الشغل فيها هناك بالهبللللللل وماحدش بيرتاح"

المصيبة اني باخد من 2 ل 3 نبطشيات باطنة اصلا مع شغلي دا

والبيه عاوز ينزلني من الأورام ويسبني اشيل همممممم الباطنة على دماغي عشان يستريح

من نرفزتي قلتله ماشي

بس بشرط رووووووووح قول لرئيس القسم بتاعي لو وافق انا موافقة

والحمدلله

ربنا نصفني عشان شغلي

ورئيس القسم رفض ابدااااااا انه يستغنى عني :D

واتفش غليييييييي من البييييييه

حاجا كمان

عندنا هنا 2 دكاترا بنات شريرييييييين جدااااااااااااااااااا

بصورة مفزعة وحاطيني في دماغهم وهاريني مشاكل

ولولا ان الواحد بيرضي ربنا في شغله كان زماني في الشجن بسببهم من اول يوم جيت فيه

مسكوني النهاردا عشان انا نبطشية باطنة وهما ماسكين استقبال

وعروووووووووووووض باطنة بالهبللللللل mc:

على كل حالة تافهة

لدرجة اني نزلت كشفت على حالة واديتها كوباية لبن فقط لا غير!!!!! B) :D :)

تصوروا؟

يعني الهوانم مصحيني من النوم عشان اسقي العيان لبن

وخدوا من دا بالهبل

المهم اول عرض جاني

كانوا الممرضات اتصلوا بيا وقالولي عليه وانع عرض فشنك

قلت طب والله لا انا جاناهم

رحت زلت العنبر عندي وقعدت اغير على حالات الغيار عندي

لقيتلكم مدير المستشفى قاااااااالب الدينا عليا وعمال يزعق

الهوااااااااانم ادوني شكوى معتبرة عنده اني ما بشتغلش واني متبلغة بعرض من اكتر من نص ساعا وما شفتش العيان

مع اني اتبلغت بيه من 10 دقايق بس والله

طبعا لما دخل ولقاني شغالة والعيانة بتنزف قدامهة

فضل واقف مشلووووووووووول

مش عارف يزعقلي ازاي

وبقي يتشال ويتحط وانا عمالة اغير بمنتهى البروووووود

وبعد ما نزلت وكشفت على الحالة

رحت واخدا التذكرة وقلتله انا راضية ذمتك

حالة انا نزلت شربتها كوباية لبن

يتعملها عرض باطنة لييييييييييه؟؟؟؟؟؟؟؟ :) :)

طبعا ضحك على عقلي بكلمتين وقالي استحملي الاسبوع دا بس وانا ها اتصرف!! :blink:

بس بجد بقى

عاوزاكم كللللللللللكم تنصحوني اعمل ايه معاهم

لآنهم بجد مفتريين جدااااااااااااا ومقربين من الأدارة جدا جدا

لدرجة مسمينهم مخابرات المستشفى ;)

والبنات التانيين بيتجنبوهم جدا جدا

وبيقولوا خلينا جنب الحيط!!!!!

وانه كدا دا بيفرسمهم عدم الرد عليهم؟

انما انا مش قادرة اسكت الصراحا

وفاااااااااااااااااض بياااااااا

دول جننوننننننننني والله :)

[Sherief AbdelWahab]

دانتو محبوسين في آخر الدنيا.وعندكم لسة فيه "زنب" و مقالب؟

:blink:

لنا الله!

خلص الكلام

[se_ Elsyed]

والله يا جماعا انا بحاول اني ابقى مش طيبة

على بابا الكلام ده !! يابنتي اللي فيه طبع مابيغيروش وإنتي أنكتب عليكي تبقي الست أم أبراهيم الطيبة اللي بتتاعمل مع الناس بالسليقة .. لكن ربنا بيكون معاها دايماً وبيكفيها شر الأشرار ...

عاوزاكم كللللللللللكم تنصحوني اعمل ايه معاهم

تسمعي كلام عمو س س وتتجوزي الولد الغلبان حشيش وساعتها يبقى لك راجل تتحامي فيه وطبعاً حشيش دمه حامي وممكن ياخد النص آلي ويروح يطيح في العالم اللي مضايقينك هناك وترتاحي منهم ومنه في نفس الوقت :rolleyes: <_<

خدي حذرك وخلي بالك يا شعنونة وحاولي تتعاملي مع البنتين العصافير دول بشكل طبيعي علشان ماياخدوش موقف منك ويأذوكي ...

إنتي ناقصلك قد أيه يابنتي على ماتخلصي مدتك ؟

وهل ممكن يفرجوا عنك بعد تلات أربع المده ؟

[SANAA]

إنتي ناقصلك قد أيه يابنتي على ماتخلصي مدتك ؟

وهل ممكن يفرجوا عنك بعد تلات أربع المده ؟

هما فتحوا فرع في مطوح ؟؟؟؟

[بنت شعنونة]

مواقف كتييير جدا بتعدي عليا بتخليني اعيط

لكن الموقف دا ما اعتقدش اني ممكن انساه ابدا...

كان عندي مريض تعبان جدا وحالته متاخرة وكنت بدعي ربنا انه يتوفي وانا في الأجازة

ماكنش نفسي احضر وفاته بجد :(

وفي يوم قررنا اننا ننزله بلده بعربية اسعاف لتاخر الحالة واننا حسينا انه ممكن يتوفي في اي لحظة

العربية كانت ها تتحرك الساعا 4 الفجر

الساعا 11 عم "فتحي " اتوفي

ونزلت جرييييي

حاولت بكل جهدي اني ارجعه لكن كان امر الله نفذ

لن انسى ما حييييت منظر مراته وهيا عمالة تعيط ورايا شوية وتسكت شوية وتبص عليا على امل ان جوزها يرجع وهيا شايفاني بحاول اسعفه

الى ان يأست

وقلتلها البقاء لله

ساعتها الست اترمت في حضني وهيا عمالة تشكرني وتبكي مكررة

الف شكر يا دكتورة

وقفتي جنبنا وتعبناكي

الف شكر يا دكتورة

وكانت بتكررها بهستيريا بجد قتلتني

اتصلت باولادها واخبرتهم انه ابوهم عاوز يشوفهم

وماحدش قالهم انه اتوفى

الولد الكبير وهوا شاب في اوائل العشرين دخل على والده فلاقاه متوفي

جن جنونه وخبط راسه في الحيط وبكاء هستيري

وخرجناه بالعافية من الغرفة

بعده بدقايق جت اخته اصغر منه على طول

وهاتك يا صوووووييييت

وهيا تردد

يارتني ما روحت

روحتيني ليه يا امة

ما سبتنيش جنبه ليييييه

الحاجا اللي دبحتني فعلا

اصغر اولاده

بنت عندها 5 سنوات تقريبا او اقل

جت مفزوعة وتصرررخ وجريت عليه وشالوها ورفعوا الغطا من على وجهه عشان تبوسه

وعلى الفزززززززززع اللي حصلها وانا عمالة اصرخ فيهم انه حرام علييييهم اللي بيعملوه فيها دا

البنت مش ها تستحمل

انا ما قدرتش استحمل منظرها وخرجت اعيط من الجزن والفزع اللي حسيت بيه

وبعدين سبتهم عشان اعمل ورق الوفاة بعد ما هديتهم امهم قالتلي

ارجوكي يا دكتورة ما معيش فلوس ادفع الأسعاف

ارجوكي كملي جميلك وساعدينا

لم ارغب انه يكون معايا 300 جنيه زي ما اتمنيت اليوم دا

وضربت نفسي ميييييت علقة اني ما جبتش معايا فلوس

وقعدت ضربت اخماس في اسداس

طب الم من السكن؟

الم من الدكاترة الصبيان؟

اعمل اييه مش عارفة

كل اللي عرفته اني وعدتها اتصرف

وقلبت الدنيا لحد ما وصلنا للمحافظة

ساعتها انا توقفت

وبعت اولادها لآخذ اعفاء من المحافظ عشان ما يدفعوش ال 300 جنيه

واعتقد ان الموضوع اتحل فعلا وعدت على خير

[se_ Elsyed]

جزاكي الله كل خير وإن شاء الله اللي بتعمليه ده هاتاخدي ثوابه في الدنيا والأخرة ...

بس اللي أنا مستغرب له موضوع الـ 300 ج ... يا سبحان الله ...... إحنا عمالين نبعتر في الفلوس هنا ومن ناحية تانية ناس ممكن تموت عشان ملاليم !!!!!

[lالمطحون]

ايه يا بنتى مش ممكن انتى بتشتغلى فى مشرحه ولا مستشفى كل معارفك ياماهيموتوا ياماتوا الله يكون فى عونك ياشانا وعشان خاطرى شوفى لك قسم عدل بلاش قسم الاموات اللى انت فيه مش معقول الطب فيه حياه وانت محسسانى اننا حانوتيه مش اطباء شوفى قسم ابن حلال وسهل جلديه طب طبيعي كلينيكا باثولوجى اى حاجه بعيد عن المشرحه اللى انت فيها

[Salwa]

نفسى مكتبش حاجة .....

نفسى بس اكون معاكى وابص لك وآخدك فى حضنى واقولك ربنا يحميكى ..

واقولك .ليه عملوا فى الناس كدة ؟؟..ومستناش منك اجابة ....

كلنا عارفين الاجابة ..

لكم الله يابسطاء مصر ......

منكم لله يا جبارى العصر ....

[se_ Elsyed]

نفسى بس اكون معاكى وابص لك وآخدك فى حضنى واقولك ربنا يحميكى ..

وأنا كمان rs:

نفسي

أقولك " عشتي زخراً للغلابة "

[بنت شعنونة]

والله يا استاذ مطحون انت عندك حق

انما غصب عني اتشديت للناس دي

مع اني عارفة انه كل العلاج الكيماوي و الأشعاعي اللي بنعمله ما منوش فايدة

بس في يقيييين جوايا غريب جدا انه مافيش حاجا مستحيلة

وان لكل داء دواء

وبجد لالالازم الاقي علاج للسرطانات دي المهم اللي يدور صح

عشان كدا عمالة ادور في كل النظريات العلاجية عشان اخرج براها خالص

لعل وعسى!

سي السيد...

لو عاوز تشوف مصر بجد

ادخل اي مستشفى حكومي وانت تعرف مصر عاملة ازاي :(

ماما سلوى

ياريتك معايا بجدددد والله

تصدقي يا ماما

انا ماما واحشاني جداااااا

رغم كل شيء بيحصل حواليا

لكني بحاول ابقى جدعه

بدل ما الأخطبوط "على راي عمي عادل ابو زيد" يبلعني

[se_ Elsyed]

سي السيد...

لو عاوز تشوف مصر بجد

ادخل اي مستشفى حكومي وانت تعرف مصر عاملة ازاي :(

شايفها وحافظها عنبر عنبر يا شعنونة وإذا لم أشعر بمعاناة أهل بلدي الحقيقيين ( مش بتوع شارع العروبة ) وأعيش في برج عاجي ماستحقش أبقى مصري .

[بنت شعنونة]

انا مخنوقة جدا

بعد التوزيع الجديد

البنات اللي انا اتعرفت عليهم هناك مشيوا

وجم ناس جداد

وبقت في معايا واحدا في الأوضة بتاعتي

بعد ما كنت قاعدا لوحدي

هيا قعدت في اوضتي خلاص

انا لسا ما شفتهاش

انما انا مكتئبة جدا

وقرفانا اوي

وهاين عليا ما ارجعش الشغل تاني

انا عمري ما نمت مع حد من اولى ثانوي تقريبا

ومش ها اعرف انام او اقعد في اوضة واحدا مع حد غريب عني اصلا وما اعرفوش

انا قرفانا جدا :(