مذكرات طبيبة صغنونة فى الصحراء

[Sherief AbdelWahab]

بداية كل سنة و نونة الشعنونة و كل أعضاء المحاورات و غير أعضاء المحاورات بخير بعد أن أعلن قبل قليل أن شهر رمضان المعظم يبدأ غدا بإذن الله..

و على ذكر مطروح التي توقف الزمان فيها عند أغنية ليلى مراد...لم أكن أتخيل أن هذا البلد ينقسم إلى قسمين...قسم جمهورية الساحل الشمالي و قسم مطروح...الذي اتضح أنها تبعد عنا بقرنين من الزمان على الأقل...

أعانك الله يا شنشن...و إن كانت شجاعة تحسدين عليها قبولك العمل في مطروووووح! :D

كل عام و أنتم بخير

خلص الكلام

[se_ Elsyed]

طيب فين باقى الموضوع بقى  :o  :)  :P

انا بجد كل ما اتخيلك و انت طالعه درجن درجن درجن

وبعدين نازله درجن درجن درجن

افتكر فيلم عربى بس هو اييييييييييييييييه .. ماعرفشششش  :)  :wub:

يا فيروز لما تبقي مزنوقة في معلومات فنية زي دي لو سمحتي إتصلي بـ س س على زيرو 900 أربع ستات 0

- الجملة دي إتقالت في فيلم الكيتي كات .. لما كان الشيخ حسني عمال بيغني أغنية " وكل واحد مننا يركب حصان خياله .... درجن درجن درجن )

- وإتقالت في فيلم " حنفي الآبهة " بتاع عادل إمام لما كان بيغني أغنية " يالا نكسر كام مليون "وكان راكب الكرسي وكأنه حصان وعمال يقول درجن درجن درجن "

- وإتقالت في فيلم " راح مع الريح " لما كانت إسكارليت زعلانة من كلارك جابر وركبت الحصان بتعاها اللي وهو بيجري كان بيعمل درجن درجن درجن .

مدام سلوى كتبت

انا لما سألت فى مصر على سعر الكمبيوتر المحمول لقيته ب18 ألف جنيه فى كارفور ..ولولا كدة كنت قلتلك اشترى واحد بالتقسيط ...

والله حضرتك طيبة يا مدام سلوى .... ده الـ 18 ألف دول نجهز بيهم شعنونة ... آه والله العظيم دول يجيبوا غسالة فول اتوماتيك وبوتجاز محترم وتلاجة 18 قدم نوفروست والرفايع بتاعت المطبخ والستاير والتنجيد - لو كان علينا - ويفضل معانا حق مونيتور 17 إينش وهارد ديسك 80 جيجا .

[فــيــروز]

نشكر الناقض السينمائى س.س. على معلوماته الوفيره .. :lol: واسمح لى اسميك بعد كده الموسوعه السينمائيه :unsure: :lol:

[بنت شعنونة]

انا جيييييت تانييييي :lol: :lol: :lol: :lol:

وحشتوووووووني اوووووووووي اووووووووووي المرادي فعلالالالالالالالالا

انام حبة واجيلكم احكيلكم قبل ما اسافر تاني :lol: fsh::

[Mohd Hafez]

شونشن في بيتنا .. يا ألف مرحبا .. والله أنا كنت خايف عليكي من الواد أبن عمدة السلوم .. الحمد الله جاءت سليمة .. أفطري ونامي شوية ثم قدمي تقرير شامل كامل بالتفاصيل والموسيقي التصويرية .. لكل دقيقة قضياتها في مدينة السلوم عاصمة بوركانوا فاسوا

تم تعديل 6 نوفمبر 2003 بواسطة EGYPT5

[بنت شعنونة]

يمكن المرادي الكلااعي ما يكونش مسلي

اصلي ابتديت الزنب بدري بدري

اولا انا مسكت نائبة قسم الأورام لآن الكل كان بيهرب من القسم دا مش عارفا ليه؟؟!

وانا كمان ما كنتش عاوزاه لآني بخاف وقلبي ضعيف جدا

لكن المديرة اصرت على اني امسك الشغل هناك ومسكته

ومن اول يوم ابتديت اتعامل مع العيانين اللي عندي في القسم وهما حوالي 5 فقط :huh:

لس اتعاملت معاهم باسلوبي اني زي بنتهم او اختهم الكبيرة احيانا

ومش وقت الشغل وخلاص

لا دا انا كل شوية اشقر عليهم واكلم دي واكلم دا واضحك دي واهزر مع دا

الحمدلله اتشهرت في المستشفى كلها في زمن قياسي وبقى الناس تيجي تدور عليا عشان تشوفني!

زي ما اكون مزار سياحي :D :lol:

اول زنبة...

طبيب زمل عاوز يجي القسم بتاعي

اذ فجاة كدا؟؟

وكان عندي يوم الخميس استشاريين واليوم دا المستشفى كلها بتعمل حسابه عشان بيبقى يوم مربك جدا ومنظرنا فيه بيبقى زباااااله عشان انا و الأخصائي رئيس القسم متخلفين رسميا

فعلا دا اللي حصل

يومها الصبح لقيت الزميل الفاضل بيتصل بيا الصبح ويقولي انزلي يا دكتورة انتي عندك عيادة دلوقتي

نزلته :angry:

- يا دكتر انا اصلا ما ليش عيادات انا بنزلها تطوع

- لا انتي النهاردا

- لا انا ماسكا اورام وبس

- لا يا ماما انتي مش ماسكا اورام

- يا سلالالام؟؟

- حتى اسالي المديرة؟

قالهالي بسخرية لما كنت ها اعيط ساعتها

ورحت ع المديرة وقلتها انا عاوزة اعرف انا بشتغل ايه بالضبط بقى

قالتلي اورام

ليه؟

قلتها حصل كذا وكذا

راحت اتعصبت وقالت مش من حقة يقولك كدا ولا من حقه يقولك انك تنزلي العيادة اصلا

بيستعبط دا؟ انا ها اوريييييه

شكرتها ولسا ها امشي

لقيتها بتقولي

يا ذكتورة

شكرا

؟؟؟

ف انا استغربت

لقيتها بتقولي وانا في الجامع امبارح كان فيه ناس يتوصني على ست وحيدة وهيا محجوزة عندك من يومين

ولما جيت اوصي البنات عليها قالولي انك قعدت معاها امبارح واكلتيها ب ايديك

انا بقى وشي جاب الوااان بقيت حاطا وش في الأرض من الكسوف والأحراج لآن دي حاجا انا عملتها كدا بيني وبين نفسي وما كنتش اتمنى توصل للمديرة صراحا

انما ربنا كتبهالي عشان تنقذني في مواقف كتييييييير بعد ككدا وكلهااااا ذنب

وفعلا المديرة بقت حباني اوي من بعد الموقف دا

وها احكيلكم على بقية الذنب وازاي سبحان الله طلعت منها كدا رباني؟؟؟؟؟؟

سبحان الله فعلالالالالا

[الأفوكاتو]

الف حمد الله بسلامة العودة, و رمضان كريم بإذن الله تم تعديل 6 نوفمبر 2003 بواسطة الأفوكاتو

[هشام عبد الوهاب]

حمدالله على السلامه يا شانا :angry: .. ورمضان كريم

شانا كتبت:

يمكن المرادي الكلااعي ما يكونش مسلي

الكلام ده سلومى ولا تايوانى

taz:: taz:: shk():

[سقراط المصري]

شانا رجعت يا مرحبا يامرحبا ، نورك عطى على الكهربه.

مثل او حكمه مصريه او شيء خاص بالذنب تذكرته لما حكيتي:بيقول:

تديني ذنبه اديك اتنين ، تفقعني ....... يتردلك يا نور العين.

كلامك عن او ذنبه يوكد استلامك العمل رسمياص ، او بمعنى أخر ، يمكن تأريخ او استلام العمل رسمياً بميعاد اول ذنبه من زملاء العمل.

سقراط ( اللي ورم ذنب)

[بنت شعنونة]

عمي الأفوكاتوا

الله يسللللللللمك ورمضااااان كررررريم ع الجميع يا رب

استاذ هشاااااااااام

ماشي ماشششششششي

انت ما بتفوتش حاجا كداااااااا :huh: :angry:

اصل بعيد عنك مستعجلة قبل ما اجازتي تخلص عشان اقعد معاكم واكل وانام واشوف الناس كل دا في 24 ساعة :D :D :lol:

سقرااااااااااط

انت فن يا افندم سالت عليك المرة الل فاتت والله

واحشنييييييييييي جدا انت وكلللللل اهل المنتدىىىىىىى

بالنسبة للذنب مخلصها انه فيه 2 عمالين يلفوا ويدوروا عشان ياخدوا مكاني

لآنه عبارة عن شغل خفيف ومرتب كويس بالمقارنة ببقية اقسام المستشفى :(

ماهوا الكعكة في ايد التييييييم

بس سبحان الله ربنا عمال يكشف فهم واحد ورا التاني ويبوظ مقالبهم وخططهم

والبجااااااحة ان الواحد منهم يبقى واقف معايا ولا ينطقش

واول ما يشوف المديرة تلاقي كلام عجيييييييييب يتقاااااااااال

ما علينا..

المواقف الضاحكة بقى..

لسا النهاردا قبل ما اسافر واحدا ست كبيرة عندها مغص كلوي وانا علقتلها محلول

وكا العادة كل شوية اطمن ع المضى بتوعي لحد ما يخرجوا من عندي زي الفلللل

ف لاقيتها باعتة جوزها بتناديني

افتكرتها تعبت وجريييت عليها

لقيتها كوبسة وبتسالني عن اسمي

- شانا...

- يا دكتورة انا حبييييييتك اووووووي

- ربنا يخليكي يا سكر

- انتي متجوزة او مخطوبة يا دكتورة؟

-؟؟؟!؟؟؟!؟!؟!؟!؟!؟!؟!؟

ليه؟؟؟

- ردي بس؟؟

- لا الحمدلله

- طب بصي.. انا ابني واقف برة مدرس رياضيات ومسافر السعودية وانا حبيتك وعاوزة اخدك ليه... هااااا قلتي اييييييييه؟؟؟؟

وانا سمعت كدا وانفجرررت في الضحك

وهيا تشوفني اضحك وتتنرفز وتقولي انا بتكللللم جدددددد وعاوزة رايك

وانا اقولها طب اهدي كدا ولما نخلص المحللو نتكلم

وكل ما اعدي من قدامها تقلي

ها يا دكتورة

فكرتي؟؟؟

هههههههههههههههههههههههههههههههههه

[بنت شعنونة]

نيجي لموقف تاني...

مرة بعد نبطشية 24 ساعا دخلت الاوضة عندي

لقيت بررررررررررررصصصصصص ع الارضضضضض

طبعا وقفت متنحة قدامه يجي عشر دقايق وانا هاين عليا اعييييييييط وانا بفكر ها اموته ازاااااااي داااااااااا :huh: :D

واول ما فقت صوت وطلعت اجري على زميلة ليا كانت مجودة وانا بقولها

تعالي بسررررررررررررعة

راحت جايا

قلت بس

دي شكلها جدعة وها تموته

- فيه ايه يا بنتي بتصوتي لييييييه؟

- بصيييييي برررررررص

- برص؟؟

يااااااه كل الصويت دا عليه؟؟؟

- تعرفي تموتيه؟

- لا طبعا حرام عليكي سيبيه يرعى كدا في الأوضة يعني هوا ها يعمل ايه؟

:angry:

:lol:

طبعا احبطت وانا بقولها

دا لو نام في الأوضة انا ها انام في الشااااااااااارع

راحت ضاحكة وماشيا

وانا بقى رحت ماسكا المساحة وهاتك يا كلام مع نفسي

ياربي؟؟ انا عمري ما موتت صرصارررر اموت برررررررص؟

وفتحت باب الأوضة ع الأخر وابتديت اكلم البرص وانا بقرب منه

والنبي موت

طب اقولك اجري على برا وانا مش ها اموتك

طب بص

وهوباااااا راح البرص الأهبلللللللللل جاري عليااااا

وانا رحت رتقعا بالصووووت

وزووووووووووووووووووو على برا وانا بصرخ

لدرجة اني دخلت اوضة زميلتي الي قدامي وانا لسا بصوت وفزعتهااااااا خلتها تطلع تجري من الأوضة وهيا مش عارفا في ايه

وبقى السكن كله ملموم عليا يتفرج عليا وانا ادخل اضرب شوية وهوبا اصوووووووت واروح اجري على برااااااا باقصصصى سسسسسرررررررررررععععععععععععة :D

واخيرا ضربته ضربة قاااااااااضية موتته

بعدها اتصلت ب بابا وقعدت اعيييييييييط وانا بقوله اني موت برص

نفسيتي صعبت عليا اوي وقعدت ارجع طول الليل :(

[بنت شعنونة]

اتعلمت حاجات كتير

اولها اني اعمل غرز واخيط الجرح :huh: :D

تصوروا؟؟؟

انا بخيييييييط جرووووووح؟؟؟؟؟؟ :lol:

دخلت اوضة العمليات مرتين

وفيه دكاترة كتير عاوزان معاهم في القسم

بيقولوا عليا نشيطة...

مايعرفوش الخيبة :angry:

المصيبة انه كلهم جرااااااااااااااااحة :D

المرضى حبوني الحمدلله

واتشهرت اني الدكتورة اللي بتنادي كلللللل العيانات ب توتة :D

طلعت مع حاجا اسمها القافلة الطبية

الظاهر مصر لسا فيها حاجات كويسة فعلا

اوتوبيس كدا مجهز طبيا بيلف في القرى والصحرا ع البدو و الفلاحين يكشف عليهم عند باب بيتهم

شفت العجببببب العجااااااب

لالالالا

بجد بجد

ربنا يكن في عون الريس والله !؟!؟

دكاترة كتييييير مش عاجبهم طريقة تعاملي مع العيانين مع اني ما باخدش اكتر من 5 دقايق مع الواحد

انما هما عاوزني اكون رسمية جدا؟

دكتورة يعني؟

اقولهم دول غلابة محتاجين كلمة واحدا حلوة او ابتسامة من القلب

الاقي الكل يقلب شفته ويقولولي بكرا تتعلمي وتفهمي؟؟؟!

افهم ايه او اتعلم ايه؟؟ مش عارفا بجد؟

عندي استشارين الخميس الجاي

ادعولي اني ابيض وشي قدامهم المرادي احسن انا كنت بلالالالالا خالص المرة اللي فاتت

دا الحكيمات كانوا احسن مني :(

[se_ Elsyed]

ســــــــــــــــــــــــــــــــــــــــــــــلومه .. حمدالله عالسلامه وحشتينا والله

اول زنبة...

أنا عايز أسأل سؤال بجد ، هي أسمها زنبة ولا زمبه ؟ أنا طول عمري أعرف انها زمبه

لآنه عبارة عن شغل خفيف ومرتب كويس بالمقارنة ببقية اقسام المستشفى

قشطه قوي .. كده ضمنا الجيب الـ فور باي فور أم بابين سبور

- طب بصي.. انا ابني واقف برة مدرس رياضيات ومسافر السعودية وانا حبيتك وعاوزة اخدك ليه... هااااا قلتي اييييييييه؟؟؟؟

وفكرتي ولا لسه يا شنا ؟ وافقي علشان خاطري على الأقل تجيلنا السعودية ونستأنس بيكي ...

اتعلمت حاجات كتير

اولها اني اعمل غرز واخيط الجرح 

يا نهار زي بعضه !!!! أومال انتوا كنتوا بتتعلموا أيه في كلية الطب ؟ أوعي يكون تطريز وفن التريكو

ربنا يكون في عون الريس والله !؟!؟

شانا .. أوعي يكون إتعمل لك غسيل مخ وبقيتي عضو مجلس محلي السلوم .... يا خسارة تعليمنا فيكي بالمنتدى .

افهم ايه او اتعلم ايه؟؟ مش عارفا بجد؟

قصدهم يعني انك طيبة زيادة عن اللزوم ن لن مع ضغط الشغل مش هاتلاحقي تقعدي مع ده وتضحكي مع ده وإلا بقية العيانين هايحمضوا ...

[بنت شعنونة]

ارد على الناااااااس بقى بعد ما نمممممممممممممممممممت :D mfb:

سيد مرزوووووووق

ازيييييك يا فندم ولله انت واحشنيييييي جدااااااااااااا

العيشة هناك عجبببببب مافيهاش اي نووووووع من انواع الترفيه غير انك انت ترفه عن نفسك بمعرفتك.. :angry:

عشان كدا كله شغل شغل

شغل وااااايد صديق

بس انا لحد دلوقتي مبسوطة بالزحمة دي يارب ما ازهق منهاااااااا

استاااذ ايجيييييبت ازاي حضرتك

ربنا يخليك يا فندم ع الترحيييييب

معلش النوم سلطااااااان انا ناك ما بنامش تقريبا ولا ااااااااااااااااااكككل :huh:

عمي الأفوكااااااتو حمدالله ع السلالالالالالامة وعلى رجعتك ليناااااااااااا

اعتقد ها احتاجك قريب تطلعني من السجننننن :D

سسسسسسي السسسسسسسيد

ازيك يا فندددددددددم و اخبار النونو اييييييييه

انت عارف

اول مرة طلعت بالعربية الصحية دي عرفت ان فيه ناس تحت مستوى الفقر بمرااااااااااحل

مش فقر مادي بس

لالالالالا وتعلمي كمان

تصور ست ضغطها 250 على 120 ومش عاوزا تاخد الحقنة عشان ما تفطرش؟؟؟؟

لما انا كنت ها اتشل جنبهااااا

وناس تانية عندها امراض مستعصيييييية وما تجيش المستشفى؟

مستنيين العربية لحد ما توصلهم الصحرا؟؟؟

بجد بجد انا كنت ها اموت من الحسرة ع الناس دي

وبعدين اوافق على العريس؟؟؟؟؟

انت بتتكلم جدددددددددد؟؟؟؟؟؟؟؟ :lol:

دا انا احتست ضربت اخماس ف اسداس وما بقيتش عارفا اعمل ايه

دعوناااااا نعمل في صممممممممممت :D ups:

الخبر الحلو بقىىىىى

ان عندي في القسم بتاعي كمبيوتر ها ادخل عليه فايلات الناس اللمرضى بتعي بدل التهريج اللي هما عاملنه هناك دا

وباقنع المدرة اننا ندخل نت في المستشفى

وها افضل وراها لحد ما اقنعهااااااااااااااااااااا

قولوا يا رب

[صعيدي]

قولوا يا رب

يا رب

[بنت شعنونة]

اضحككم بقى

انا كنت قايلة لأهلي ان جايا الجمعة

انا في نيتي اج الخميس واعملها مفاجاة ليهم

المهم وصلت قبل الادان بخمس دقايق تمام

دخلت البيت ومش لاقت حد خااااالص :D

قلت يالهوي؟؟؟؟

يطلعوا ها يفطروا برا والا حاجا و اتسووووووح انا :angry:

لكن لما لقيت الاطباق مرصوصة ع السفرة اتطمنت

المهم دخلت غرفتي اغير ودقيقة لقيت الباب بيخبط

رحت ابص من العين السحرية لقيت مرات بابا

ف فتحت الباب وانا مبتسمة جداااااا كدا :D

لقيتها تنحت :huh:

ثم تنحت :lol:

ثم تنحت

يجي خمس دقايق متنحة لدرجة اني حسيت انها نستني؟؟؟؟

واخيرا راحت مصوووووووووووتتتتتتتة

هيييييييييييييييييه

مش ممكن انتي جييييييتيييييي

دمعت وبقت حالتها حالة :D

شية وبابا رن الجرس

رحت فتحت الباب

لقيته تنح

ثم تنح

ثم تنح برضه يجي 3 دقايق

لحد ما قال فجاة

الله؟؟؟؟؟ دا انتي؟؟؟؟؟

وانا بقى فطسسسسسسسسسست على روحي من الضحك mfb: ups:

[فــيــروز]

ربنا يكن في عون الريس والله !؟!؟

شعنونه داخله الانتخابات يا جدعان :o

بمناسبة الزنب :unsure: اعتقد ان الواحد طول ما بتتعمل فيه زنب يطمئن انه فى مصر المحروسه "وفى اقوال اخرى المحرومه" :lol: لو توقفت الزنب يعرف ان فيه حاجه غلط !! mfb:

[freefreer]

الله .. :lol:

حواديتك زى العسل والله .. و مسلية جدا .. و مضحكة جدا .. جدأ .. هاهااها .. :unsure: mfb: :o

ربنا يسعد ايامك يا رب .. و ينولك اللى بالى .. taz:: هاهاهاهاهاها ..

لأ بجد .. و ينولك اللى فى بالى .. :lol: هاهاهاهاهاهاها

بقى ربنا يكون فى عون الريس ؟؟ !! .. على رأى س س .. يا خسارة تربيتنا فيكى .. بقى نعلمك الثورجية فى سنييييين .. تتعلمى مسح الجوخ فى ثوانى .. .. على رأى الشاعر بمغص دائم المخضرم فيرم الطرشى لما قال .. يا بلدنا يا عجيبة فيكى حاجة مدوخانى .. نزرع القمح فى سنين .. تطلع الفته فى ثوانى .... و عجبى ..

[Sherief AbdelWahab]

كل التوفيق لسيدة التلقائية شنشن، و ننتظر حكاويها بالتفصيل عن جيران الساحل الشمالي و جمهورية مارينا العظمى...

:D

ربنا يكن في عون الريس والله !؟!؟

:blink: :D

و في عون كل من لا تراهم الحكومة لمجرد أنهم يعيشون بعيدا عن القاهرة..

خلص الكلام

تم تعديل 8 نوفمبر 2003 بواسطة Sherief AbdelWahab

[Scorpion]

يعني يا شانا هنفضل بالشكل ده لمدة سنتين... تقعدي شهر... و بعدين ترجعيلنا بجرعات مكثفة كله ورا بعضه.. مداخلات في العضل مباشرة... انا بطني وجعتني من الضحك...

والله.. و يمين أتحاسب عليه... بيبقي فيه فرق لما بترجعي... ربنا يعدي أيام التكليف بسرعة... علي الأقل الأبراص هناك تموت موتة ربنا مش مقتولة..

سي السيد كتب :

أقتباس

أتعلمت حاجات كتير

أولها أني أعمل  غرز و أخيط الجرح

]يا نهار زي بعضه !!!! أومال أنتم كنتم بتتعلموا أيه في كلية الطب؟ أوعي يكون تطريز و فن التريكو

خطيرة يا أبو السيد....

:D :blink: :D

تم تعديل 8 نوفمبر 2003 بواسطة Scorpion