كل سنه وانتم طيبين يأحلى مغتربين

[سهل جدا]

بصراحة أكثر حاجة بحبها في مصر في رمضان إني أصلي صلاة التراويح خلف إمام صوته جميل ويكون بيطوّل في الصلاة

واللي الناس ما تعرفوش وبتستغرب منه إن في السعودية هنا تقريباً ما فيش مسجد بتطوّل خالص

باستثناء الحرمين.. يمكن

وطبعاً من المميزات الجميلة في رمضان مصر.. الإفطار العائلي الجميل (الأم والأخوة وأولادهم) في أول يوم من رمضان

يا خسارة...

بس إن شاء الله يمكن ألحق لي آخر عشرة أيام من رمضان في مصر..

ادعولي أعرف آخذ أجازة

[خالد شحاته]

الاخ الفاضل

سهل جدا

في مساجد كتير في الرياض مشاء الله تصلي الترويح وتنسي نفسك وراء الامام في مسجد علي طريق الملك فهد مقابل العويس اكتر من ساعتين وقراء يخشع لها القلب بس في مصر اكتر الناس تروح للمسجد الا بيقول كلمتين وبس علي راي فؤاد المهندس عايز يجيب ال 11 ركعه علشانيروح يتفرج علي التلفزيون ربنا يكفينا شر التلفزيون هذا العام

[pocy]

والله يا اخ تامر فكرتنى بالابتكارات بتاعه الصينين فى الفوانيس بس انا بحب فوانيس زمان هى دى بتاعه رمضان اللى ملهاش حل مش اللى بتاعه دلوقتى كرمبو والتوكتك والفيل والجمل والحركات دى

وفين ايام زمان لما بيخبطوا العيال على الباب ويقولك ادونا العاده هههههههههههههههههههههههه وفى مدخل العماره العيال ماسكه الفاونايس بالليل ومنواراها وبيلعبوا ويغنوا ويقولوا وحوى يا وحوى

اهه فينك يا زمان قول للزمان ارجع يا زمان

[pocy]

الاستاذ أزقوز كل سنه وانت طيب وابنك العسول ده وان شاء الله تلاقيه والاخ هيروووووووووووووووووو كفي ووفي فى الموضوع تلاقيله فانوس منين فى الرياض

ولو انا عندك كنت جبتله احسن فانوس ربنا يحميه ليك وميرسي كتير على الاغنيه والله لما حطيت الموضوع مشغله عندى على الجهاز جميع اغانى رمضان القديمه منها مرحب شهر الصوم وهاتوا الفوانيس

ورمضان جانا واهلا رمضان واصحي يانايم ياسلام على كل الاغانى الحلوه دى اللى بتحس معاها بقدوم الشهر الكريم وان العائله ومعاك وكل قاعدين مستنين دار الافتاء وهو بيقول بكره رمضان ولا غدا هو المتمم لشهر شعبان وكل الناس فى البيت تقول كل سنه وانتم طيبين ونحضن بعض والعائله ملمومه لسماع الخبر

[herohero]

والله يا اخ تامر فكرتنى بالابتكارات بتاعه الصينين فى الفوانيس بس انا بحب فوانيس زمان هى دى بتاعه رمضان اللى ملهاش حل مش اللى بتاعه دلوقتى كرمبو والتوكتك والفيل والجمل والحركات دى

وفين ايام زمان لما بيخبطوا العيال على الباب ويقولك ادونا العاده هههههههههههههههههههههههه وفى مدخل العماره العيال ماسكه الفاونايس بالليل ومنواراها وبيلعبوا ويغنوا ويقولوا وحوى يا وحوى

اهه فينك يا زمان قول للزمان ارجع يا زمان

على فكرة ف الكويت زمان قوي كانوا عندهم برده العيال بتلف ف الشوارع ايام الفقر واللي مازال موجود هو موضوع القرقيعان ، هتلاقيه ف نص رمضان وهو شيئ ظريف

ابقى هاتي لعمورة علبة قرقيعان

[pocy]

والله يا اخ عاشق النيل مهمها عملت فالحسد على اللى بيصلي في مكه والحرم ده محسود محسود حتى لو حطوا فى عيونا ميتين عود

انا لما رحت العمره مكنتش عايزه امشي والله الفندق مش شوفته الا ساعات قليله جدا بسبب انى مكنتش عايزه اروح ابدا من مكه وانى افضل اصلي واصلي هناك وادعي لي وليك ولكل الاخوه المسلمين

بالمناسبه لاتنسانى اخى الكريم من الدعاء عند الكعبه بتيسر الامور ان شاء الله وجزاك الله خيرا وهحاول مش احسد على الكام يوم بتوع مكه ههههههههههههههههه بس موعدكش

[pocy]

هلاهلا بالاخ سهل جدا (اللى لحد الان لايريد الاعتراف باسمه الحقيقي علشان الحكومه هههههههههههههههه)

كل سنه وانت طيب وان شاء الله الاخ خالد هيكون رد عليك فى موضوع المساجد ده وترتاح فى صلاه التروايح ومتنساش تدعيلنا معاك وتدعيلي للاخ خالد معاك ان شاء الله

وكل سنه وانت طيب والحكومه التانيه طيبه ههههههههههههههه

[pocy]

اخى العزيز والفاضل واللى بحترمه جدا وبحترم ارائه الرائعه الاخ هيرووووووووووووووووووووووووووووووو

كل سنه وانت طيب فعلا القرقيعان هنا ممتاز وان شاء الله هاودى عمر هناك ان شاء الله وانا هكون قبيليه هناك لانى نفسي اشوفه السنه دى

وفعلا دى الحاجه الوحيده الى تحس فيها برمضان هنا فى الكويت

[عنبو]

ليه كده بس يا انجى "" بوسى "" فكرتونى بالذى مضى يعنى الواحد كان مصبر نفسه اصل ده هيبقى اول رمضان عليا فى الغربه لكن اللى مصبر نفسى برضه انى فى حده وبينى وبين الحرم مافيش 45 دقيقه العربيه فربنا ييسير الامور وننزل مكه

بس الحق يتقال رمضان فى مصر له طعم تانى يعنى لمة الناس واللى مخاصم حد تلاقيه يروح يصالحه وتلاقى الناس كلها متغيره كده وحاسيين انهم فى رمضان

ان شاء الله السنه اللى جايه هنزل مصر فى رمضان

[pocy]

هلاهلا بالاخ عنبي اخبارك ايه كل سنه وانت طيب ومن عائلتك الكريمه قريب ان شاء الله مش تقلق وبس وحياتى عندك يا شيخ دعوتين كده حلوين هناك فى مكه ومتنساناش والا الحكم الديكتاتورى هيقام فى دوله انا دايما بنسي اسمها ههههههههههههههههه

وكل سنه وانت طيب والحمد لله انك افتكرت الاسم وبجد مواضيعك كلها خفيفه بترجع الواحد لايام الطفوله والمدرسه والكليه والذي منه هههههههههههه

[ابو زمزم]

السلام عليكم ورحمة الله وبركاته

هلا وغلا فيكم جميعا

كل عام وانتم الى الله اقرب وعلى طاعته ادوم يشرفنى وجودى معكم لعلنا نعيش اجواء رمضانية جميلة متعايشين معكم الاستعداد فى خلال هذه الفترة يوم بيوم فى انتظار مولود هلال الشهر الكريم اعاده الله علينا بالخير واليمن والبركات يا اخوانى كل يوم هو فى شأن فما بالكم هناك تغير فى رمضان واحنا صغار عن واحنا كبار مثال مثلا كان الفانوس على ايامى هو ابو زجاج ملون وجواه شمعة دلوقتى زى ما اخونا تامر بيقول ان بقى توك توك وكرومبو ربنا يخليكى لينا يا صين يالى مش حرمانا من حاجه

شكرا( ام عمر ) :sad: انا مش ناسى

ويشرفنى مشاركتكم فى هذا الموضوع :blink:

إضغط هنا لزيارة موضوعنا :lol:

[pink rose]

رمضان في مصر له سحر تاني خالص :lol: :sad:

لمة العيلة كلها اول يوم على الفطار حاجة فيها بركة كده :sad:

و الكل يقوم يصلي المغرب جماعة و يادوب ناكل و بسرعه بسرعه نلحق ننزل عشان التراويح و لا التهجد اخر 10 ايام يا سلااااااااااااااااااااااااااام

و لا القطايف و الكنافة بقى ما حدش يقولي ان لهم طعم غير في مصر

و زمااااااااااااااااااااااااااااااااان كان المسحراتي يجي بالليل و ينادي على اسامينا و اد ايه الفرحة اللي كنا بنحس بيها انا و اختي :lol:

الفوانيس بقى حاجه تانية خالص جميلة جدا و رقيقة جدا لكن الفوانيس الصيني دي بجد مزعجة الفانوس حلاوته في نوره مش في الاغاني او بمعنى اصح الازعاج اللي بيعمله

كنت باحكي لمريم على رمضان و الفوانيس بتاعتي و انا صغيرة و باقولها كنا بنقول حالو يا حالو و لسا باكملها باقي الاغنية لقيتها سالتني سؤال مفحم بصراحة قالتلي يعني ايه حالو يا مامي

تنحت لاني فعلا عمري ما فكرت بصراحة يعني ايه معنى الكلمة :blink: wst::

المهم طبعا تملصت من سؤال مريم بلباقة لحد ما انكش كده على معنى حالو يا حالو wst::

قولولي بقى يعني ايه حالو يا حالو عشان خاطر ما يبقاش شكلي وحش قدام البنت

و بالمرة كمان معنى وحوي يا وحوي اياحا تحسبا لاي سؤال قادم :)

و كل سنة و انتم طيبين

تم تعديل 13 أغسطس 2009 بواسطة remo

[pocy]

وانت طيب يا اخي الكريم ابو زمزم

وكل المسلمين طيبين وبخير

وبجد ميرسي جدا على الفانوس بتاع عموره والله فكرتنى ببتاع زمان ابو شمعه مش دلوقتى كرمبو والتوكتك واغنيه بوس الواوا واله الله يعين على الاطفال والنشئ اللى جاى

فين ايام وحوى يا وحى

[pocy]

الاخت ريمو اد ايه كرمك جميل وكل سنه وانتى طيبه يا قمر فكرتنينى بنفسي في رمضان

كل سنه وانتى ومريم والامه الاسلاميه طيبين

[pocy]

أخوانى فى الغربه

رمضان قادم وعلى الابواب وهيخبط على بابك بعد كام يوم يا ترى محضر ليه حاجه معينه وايه اللى هتعمله اول ما يخبط عليك رمضان على بابك

وياترى ايه اللى هتقوله

ملحوظه المقصود برمضان هنا مش رمضان اخونا اللى هنا فى الكويت واللى بدعيله ان ربنا يكرمه وييسر امور زواجه يارب ان شاء الله

المقصود برمضان هنا هو الشهر الكريم الذي انزل فيه القرآن هدى للناس

[تامر مصطفى]

أخوانى فى الغربه

رمضان قادم وعلى الابواب وهيخبط على بابك بعد كام يوم يا ترى محضر ليه حاجه معينه وايه اللى هتعمله اول ما يخبط عليك رمضان على بابك

وياترى ايه اللى هتقوله

ملحوظه المقصود برمضان هنا مش رمضان اخونا اللى هنا فى الكويت واللى بدعيله ان ربنا يكرمه وييسر امور زواجه يارب ان شاء الله

المقصود برمضان هنا هو الشهر الكريم الذي انزل فيه القرآن هدى للناس

كل رمضان وانتم بخير

بالنسبة ليا هييجي يلاقي الباب مفتوح له ومنتظرينه مش هيحتاج يخبط

وهيلاقي الكل بيرحب بيه

[elfakhrany]

رمضـــان كريم و كل سنة وجميع الأعضاء بخير و اسأل الله اللذى جمعنا فى دنيا فانية ان يجمعنا ثانية فى جنة قطوفها دانية .

[pocy]

اللهم امين يا فخرانى

وكل سنه وانت طيب ورمضان كريم