اذهب إلى المحتوى
محاورات المصريين

كل سنه وانتم طيبين يأحلى مغتربين

pocy
 مشاركة

Recommended Posts

pocy عضو جديد

pocy

بتاريخ:
بتاريخ:

رساله جميله منى اليكم بمناسبه قدوم شهر رمضان المبارك

ياللا يا عسول **رمضان على وصول **حسنات على طول**سيئات بتزول **مسحراتى يقول **كلوا زبادى وفول**وأوعى تفطر يا كسول وصيامك أن شاء مقبول وكل سنه وانتم طيبين

ودلوقتى اوصفولى اخباركم فى رمضان ايه فى الغربه

وهل فى احلى من رمضان فى مصر

ولا حد عنده وجه نظر اخري بان رمضان فى خارج مصر احلى

وايه التقاليد والعادات اللى بتعملوها وانتوا فى مصر ومش قادرين تعملوها وانتم فى خارج مصر ؟؟؟؟؟؟؟؟؟؟؟؟

يالا شاركونى معاكم فى رمضان وكل سنه وانتم طيبين يا اخوانى واخواتى الاعزاء المغتربين

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
خالد شحاته مبتدئ متقدم

خالد شحاته

بتاريخ:
بتاريخ:

وانتي بالف خير يا بوسي

بجد رمضان في مصر ملوش مثيل ابدااا لان هنا الواحد بيرجع من الدوام بيكون مو شايف امامه من الحر بيقول النوم للحين المغرب انما في مصر غير بس باذان الله نخد 20 يوم من رمضان في مصر لان انا متعود علي كدا انزل مصر اوقات كتير يوم 10 رمضان لو طولت 20 رمضان المهم ان ربنا يكتب لي نزول مصر في رمضان وكل عام والجميع بخير وربنا يعود الايام الجميله علي الجميه بالخير واليمن والبركات

رابط هذا التعليق
شارك
herohero عضو جديد

herohero

بتاريخ:
بتاريخ:

رساله جميله منى اليكم بمناسبه قدوم شهر رمضان المبارك

ياللا يا عسول **رمضان على وصول **حسنات على طول**سيئات بتزول **مسحراتى يقول **كلوا زبادى وفول**وأوعى تفطر يا كسول وصيامك أن شاء مقبول وكل سنه وانتم طيبين

ودلوقتى اوصفولى اخباركم فى رمضان ايه فى الغربه

وهل فى احلى من رمضان فى مصر

ولا حد عنده وجه نظر اخري بان رمضان فى خارج مصر احلى

وايه التقاليد والعادات اللى بتعملوها وانتوا فى مصر ومش قادرين تعملوها وانتم فى خارج مصر ؟؟؟؟؟؟؟؟؟؟؟؟

يالا شاركونى معاكم فى رمضان وكل سنه وانتم طيبين يا اخوانى واخواتى الاعزاء المغتربين

بصراحه الوضع مختلف عن مصر طبعا وطبعا رمضان قبل الافطار ف مصر بيبقى مش كويس انما بعد الافطار بيبقى رائع

يعني مثلا قبل الافطار لازم تبقي ظابطه مواعيدك وانت طالعه من الشغل يعني هتبقي ع كوبري اكتوبر امتى لان والله فرق 10 دقايق بيقفل الدنيا هتمشي ع الطريق الدائري امتى وهتكوني ع المحور امتى

طبعا انا من خبرتي المتواضعه لقيت ان افضل حل هو انك تنزل متاخر ع اد ماتقدر والله الشوارع بتبقى زي العسل وتلاقي الدنيا رايقه ف مصر من الساعه 2 بتبدا تزحم لحد 3:30 ياسلام لو تنزل 4 او بعد كده حسب مكان سكنك والله بيبقى سواقين الميكروباص او التاكسي بينشوا ولو معاك عربيتك بتلاقي ف وسط البلد لواءات شرطة بينظموا المرور

كل ده قبل الافطار انما بعد الفطار شيئ تاني الشوارع كلها هايصة وزينه وفوانيس ونور منور ع طول صحيح بيكون مسروق من عمدان النور لكن بتبقى جو تاني خالص

بتحس بفرق حتى ف الشغل بيبقى اهدأ

لكن ف الخليج ما اظنش او ف اي بلد تانيه صعب تلاقي الجو ده هنا ف السعودية اقصي شيئ بيميز رمضان بعض السلع اللي بيجيبوها عشان المصريين وبصراحة الفيمتو

معرفش ايه سراهتمامهم بيه هنا ف السعودية ف الكويت عادي انما هنا الفيمتو بيبقى عليه اقبال جدا ف رمضان وشوية حاجات بتاعت ياميش رمضان

غير كده ان المحلات بتقفل متاخر وبيبقى فيه حياة ف الشوارع عن الايام التانيه هو ده اللي بيحسسنا برمضان

طبعا الشيئ المميز بجد لما تروح مكة ف رمضان ياسلام ع جمال الجو هناك والفنادق اللي جنب الحرم عاملة منظر رائع والجو هناك بيبقى شيئ تاني خالص

لكن مازال بصراحه رغم زحمة رمضان قبل الافطار ومشاكل الطريق ف مصر لكن مصر ف ده تكسب لان بجد بتحس بحياة وروح

رابط هذا التعليق
شارك
مغتربة عضو جديد

مغتربة

بتاريخ:
بتاريخ:

رمضان فى الامارات بجد مالوش اى طعم

حتى المولات لما تتمشى فيها الظهر تلاقى الكفيهات و المطاعم شغاله عادى

و تحسى ان انتى الى غريبه

مفيش ايه مظاهر و يعرفوش هنا يعنى ايه فانوس رمضان و لا زينه الشوارع

و لا اى حاجه

بصراحه رمضان يعنى الحسين و بس

ربنا يسهل و نلحق لنايومين فى رمضان فى مصر

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

هلا باخى خالد شحاته وجزاك الله خيرا لردك الكريم

كل رمضان وانت طيب وفعلا رمضان فى مصر ليس له حل على الاطلاق ودى اول سنه اجرب فيها رمضان فى الكويت ويارب يكون حلو انا اسمع ان هنا فى الكويت ميزته فى ان هتلاقي وقت كتير للانك تستفيد منه فى كسب الحسنات اكتر من مصر من حيث الصلاة والقيام والذكر وكل حاجه ام فى مصر فممكن بسبب العزومات والحكاوى فالوقت مش هيكون كافي زى الوقت اللى هيكون هنا

بس ارجع واقول مفيش احلى من لمه العائله ساعه الفطار وما أحلاها وقت التراويح والتجمع مع العائله فى نفس المسجد وياسلام على صلاه التهجد ياه مشتاقه لان رمضان يبدأ بجد ويهل بفرحته وياميشه وعاداته وكل شئ وربنا يصبرنا على بعد الاهل ان شاء الله

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

هلاهلا باخى العزيز هيروووووووووووووووو

كل سنه وانت طيب ياراجل يا طيب

والله فكرتنى بايام خطوبتى وانت بتحكى عن المواصلات كنت انا فى السويس المغرب اذن وفطرت وصليت وشربت الشاي اجى اتصل بخطيبي(زوجي حاليا) اللى فالقاهره هههههههههههه القيه لسه هيدخل البيت يفطر ههههههههههههههههههههه كان بيصعب على قوى هههههههههههههههههههه بس سيبك مفيش احلى من رمضان فى مصر وسط العائله

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

هلا اختى فى الله مغتربه

ليه كده هنا برضه اعتقد ان مظاهر رمضان مش ظاهره قوى زى الحسين ولا زى اى حته فى مصر

بس ليه فى الامارات انا حاسه انها سودا من كلامك ومفيش اى منظر رمضانى على الاطلاق

اتمنى انك تلحقي رمضان فى مصر وتعوضي الايام بتاعه رمضان الامارات ان شاء الله

اختك فى الله بوسي وكل سنه وانتى طيبه يا قمر

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
مغتربة عضو جديد

مغتربة

بتاريخ:
بتاريخ:
هلا اختى فى الله مغتربه

ليه كده هنا برضه اعتقد ان مظاهر رمضان مش ظاهره قوى زى الحسين ولا زى اى حته فى مصر

بس ليه فى الامارات انا حاسه انها سودا من كلامك ومفيش اى منظر رمضانى على الاطلاق

اتمنى انك تلحقي رمضان فى مصر وتعوضي الايام بتاعه رمضان الامارات ان شاء الله

اختك فى الله بوسي وكل سنه وانتى طيبه يا قمر

لا طبعا هيه مش سودة اوى كده

فيها من مظاهر رمضان طبعا

زى الزحمه الى ساعه الخروج من الشغل

هيه يمكن الشارقه هى اكتر اماره ممكن تحسى فيها برمضان

و بتهتم جدا باستضافه الشيوخ و عمل الندوات الرمضانيه

و كمان صلاه التراويح فى مساجدها

لكن بصراحه روح رمضان استحاله تلاقيها فحته غير مصر

لانها مش روح دينيه بس

هيه دينيه على اجتماعيه على حاجات كتير

توليفه غريبه جدا

بس جميله جدا

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

هلا اختى فى الله مغتربه

ايوه كده فرحينى شويه بالامارات واخوانا اللى هناك هيكونوا مرتاحين شوى

وبجد حتى اللى اعرفهم هنا كوايته بيمدحوا برمضان بتاع مصر وازاى انه في روح جميله وزى ما قلتى فيه توليفه غريبه بس جميله جدا ومش موجوده فى اى حته تانيه

وبجد ميرسي جدا على تعقيبكعلى الموضوع

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
Alattar عضو جديد

Alattar

بتاريخ:
بتاريخ: (معدل)

ليه يا جماعه بس تقلبوا عليا المواجع

أنا بقالي أربع سنين كل سنة بأقضي رمضان في منطقة

رمضان 2005 : كنت في طرابلس كنت شغال في تدريس شهادة ال ICDL لموظفي الحكومة

رمضان 2006 : رجعت مصر قبل رمضان بكام يوم و قضيته كله في مصر

ر مضان 2007 : قضيته في القصيم

رمضان 2008 : قضيته في الرياض

رمضان 2009 : لحد دلوقتي المؤشرات كلها بتقول اني هقضيه ان شاء الله برضه في الرياض

لما حكيت الكلام ده لكفيلي ضحك أوي و قال عليا ابن بطوطة

بس فعلا..مافيش أي بلد في الدنيا الواحد بيحس فيها برمضان غير مصر طبعا

وكل عام و أنتم بخير

تم تعديل بواسطة Alattar

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك
عاشق النيل عضو جديد

عاشق النيل

بتاريخ:
بتاريخ:

الاخت الفاضلة

كل عام وانتم بخير اعاد الله رمضان بالخير واليمن والبركات

رمضان برة مصر مالوش طعم

النهار ف اى حتة ف رمضان مش حنحس فرق الا راى الاخوة زحمة المواصلات ف مصرتخليك تكرة نفسك ومواعيد شغل مصر كانت هية هية رمضان وغير رمضان نفس المواعيد

المتعة ف مصر ف الليل زحمة ناس زينة وانوار وسهر وزيارات وعزاييم وتقريبا كنت اسهر للفجر يوميا والشوارع اية حاجة ممتعة والناس قلبتوا علينا المواجع

اما فى السعودية احلى شى الطرق رحمة عن مصر بكتير ومواعيد الدوام برضة

لكن الغربة غربة والواحد بيحاول يتلم على معارفة ف رمضان ويحيى مشاعر اللمة الجميلة اللى بيخنقها دوام الليل بعد العشاء

واللى يهون دا كلة يومين ف مكة والمدينة غير كدة مفيش اى لمحة متعة برة تراب بلدى اللى باعشقها

:roseop: مصر حتفضل غالية عليا :roseop:

عاشق النيل

رابط هذا التعليق
شارك
تامر مصطفى عضو جديد

تامر مصطفى

بتاريخ:
بتاريخ:

اختنا العزيزة بوسي

من اول ما عرفناكي وانتي صاحبة واجب ومجاملات

كل سنه وانتي بألف خير وسلامة ويعود عليكي بالخير

انا ان شاء الله هقضي اسبوع من رمضان في مصر وهرجع الكويت بعده بس انا بقالي 10 سنين مقضيتش ولا يوم من رمضان في مصر

لو تحبي ابقى اصوره فيديو وابعتهولك انا حاضر...

بس بصراحة رمضان هنا في مصر حاجة تانية وشعور تاني بالرغم من اختلافه كتير عن زمان بس ده بسبب انشغال الناس بالجري ورا الفلوس والمصالح

ان شاء الله نقضي رمضان جميعا في مصر بعد سنة او اتنين وعيالنا يشوفوا فرحة رمضان والعيد في مصر

860754425.png

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

أخى فى الله : العطار كل سنه وانت طيب وان شاء الله السنه اللى جايه تقضيه فى وسط اهلك وناسك وحبايبنا كلهم وبعوده عليك يا رمضان

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

أخي فى الله عاشق النيل بجد النيك نيم بتاعك ممتاز وعاجبنى جدا

واتمنى ان شالله دايما عاشق لنيلها

كل سنه وانت طيب وان شاء الله ومن قلب المصرين كلهم قريب

ربنا يباركلك يارب واحلى كلمه قلتها لما قلت

" bravo.gif مصر حتفضل غالية عليا bravo.gif " بس تصحيحها علينا كلنا ان شاء الله

وكل عام وانت بصحه وخير وهنا ان شاء الله

بس بينى وبينك انا بحسدك على اليومين بتوع مكه والمدينه دول لوحدهم كفايه فى العشر الاواخر فى رمضان كمان وربنا يوعدنا يارب

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
pocy عضو جديد

pocy

بتاريخ:
  • كاتب الموضوع
بتاريخ:

أخي العزيز وبجد كمان الذيذ جدا اخونا فى الله الاستاذ تامر

بجد ليك وحشه الكام يوم دول وهنحاول منحقدش ولا نحسد على الكام يوم بتوع مصر دول بس ان شاء الله نشوفك على خير وبصحه وسلامه يارب ويكرمك باسرتك يارب وان شاء الله فى سنه من السنين كده تقضي انت والاولاد رمضان فى مصر وتحس طعم رمضان وسط الاهل والاقارب واذان المغرب وضرب المدفع ومرحب شهر صوم مرحب وهاتوا الفوانيس ياولاد هاتوا الفوانيس وكل اغانى رمضان الحلوه

وبعوده ايامك يارمضان

وكل سنه وانت طيب يا اخى الكريم

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك
تامر مصطفى عضو جديد

تامر مصطفى

بتاريخ:
بتاريخ:

اقولك على حاجة على السريع

انا عندي البنتين وبنت عمتهم متفقين انهم ياخدوا الفوانيس وينزلو على سلم العمارة ويقولوا وحوي يا وحوي وحالو يا حالو

بس للأسف للأسف للأسف

الفانوس اللي بنتي " دانه " مسكت فيه على شكل توكتوك... wst:: :roseop:

أصوت ... ألطم ... يوقولوا الراجل اتجنن :roseop:

دا انا مش بخرج من البيت ومستخبي بسبب التوكتوك يقوم يجيلي في البيت ؟؟؟؟؟؟؟

860754425.png

رابط هذا التعليق
شارك
herohero عضو جديد

herohero

بتاريخ:
بتاريخ:
اقولك على حاجة على السريع

انا عندي البنتين وبنت عمتهم متفقين انهم ياخدوا الفوانيس وينزلو على سلم العمارة ويقولوا وحوي يا وحوي وحالو يا حالو

بس للأسف للأسف للأسف

الفانوس اللي بنتي " دانه " مسكت فيه على شكل توكتوك... :D wst::

أصوت ... ألطم ... يوقولوا الراجل اتجنن :D

دا انا مش بخرج من البيت ومستخبي بسبب التوكتوك يقوم يجيلي في البيت ؟؟؟؟؟؟؟

لا انا راي تجيب الفانوس بتاع كرومبو جميل والبركةف اخواننا الصينيين

رابط هذا التعليق
شارك
عاشق النيل عضو جديد

عاشق النيل

بتاريخ:
بتاريخ:

الاخت الفاضلة /بوسى

كل رمضان وانتى وكل عزيز عليكى بخير

وعلى كل الاخوة الافاضل بالمنتدى

انا بعد ما جيت السعودية بكام يوم حسيت بمهانة وغربة شديدة وكان نفسى بجد ارجع مصر "وامرمرغ وشى بترابها " انى سبتها وسافرت

وبمرور الوقت الالم اتعودت عليه والغربة بتقسى الواحد لكن الحنيين وكل الذكريات الجميلة مش باقدر انسى "القى النسيان امانى "

والى بيهون عليا شوية النت

وهنا مفيش ذكريات والا حنيين لحاجة مفيش حاجة معلمة ف الواحد

لكن مواعيد العمل وطول فترة الدوام بتخلى الايام تجرى

وبلاش حسد على مكة لان دى الحاجة الوحيدة اللى بتصبر الواحد

wst:: :D :D

عاشق النيل

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • Scorpion
      2
      كل سنه وانتم طيبين بعوده الايام
      عيد الأضحي.mp4

      بواسطة Scorpion
      كُتب

    • فولان بن علان
      3
      كل سنة وانتم طيبين بعد رمضان والعيد
      ولسه في الحظر والكورونا رمضان شهر القرآن والعبادة وزاد عليه السنة دي مع الحظر الكمون في البيت والصلوات في البيت ورب ضارة نافعة لعل التقارب زاد بين الآباء والأبناء صلوات الجماعة الاسرية والنقاش فيما لم يكن فيه نقاش من قبل وزاد أيضا المحاضرات أون لاين الوبينارز هيئات ومستشفيات وشركات أدوية تتسابق لتنظيم وبينارز على شكل محاضرات فردية أو مناقشات بين خبراء  من كل دول العالم وهذه كانت من النوافع المهمة جدا لضارة الجائحة والحظر وهذه غيرت من نمط الكورسات وسهلت على الكث

      بواسطة فولان بن علان
      كُتب

    • Scorpion
      2
       كل سنة و احنا كلنا طيبين 
      إخوتي و زملائي الأعزاء .. أرق امنياتي القلبية اليكم جميعآ بالعيد ... بارك الله فيكم و منحكم الصحة و السعادة و راحة البال .. و الرضا منه و مع الحياة كلها .... انتم و جميع من تحبونهم ...    كل سنة و احنا كلنا طيبين       

      بواسطة Scorpion
      كُتب

    • Scorpion
      8
      و احنا كلنا طيبين
      و انتم طيبين

      بواسطة Scorpion
      كُتب

    • Scorpion
      19
      يا أهل المحاورات الكرام .. كل سنة وانتم طيبين ..
      الي جميع الأعزاء في اسرة المحاورات الجميلة ... رمضان كريم .. كل سنة و احنا كلنا بخير .. كل سنة و احنا جميعآ صافيين من جوه حتي لو فيه عكارة بره .. كل سنة و احنا بنضحك من جوانا حتي لو اللي حوالينا كله نكد .. كل سنة و المحاورات بتجمعنا دايمآ ...   رمضان كريم ...

      بواسطة Scorpion
      كُتب

×
×
  • أضف...