انت سبت مصر لية ؟

[عنبو]

عن نفسي سبت مصر عشان حاجتين اولا الفلوس ثانيا عيشه انضف بس بصراحه هنا معايا فلوس اجيب اللي عاوزه بس مفيش احساس بطعم الحياه وفي مصر في كل المتع والفسح بس مفيش فلوس

بعيدا عن الموضوع كنت عايز اعرف ايه موضوع الجهاز ده يعني مستورده ولا مخترعه ولا ايه وبتاع ايه بالظبط

ايه ياعم مش خايف من الحسد ؟؟

[pocy]

والله لما الاخ المخنوق دائما ربنا يباركلنا فيه قال ان السفر في سبع فوائد فكرنى بالامام الشفاعي رحمه الله حيث قال :

تغرب عن الأوطان في طلب العلا *** وسافر ففي الأسفار خمس فوائـد ..... تفريـج هـم واكتسـاب معيشـة *** وعلـم وآداب وصحبـة مـاجـد

[herohero]

يا جماعة ماتكبروش الحكاية احنا سيبنا مصر او هي اللي سابتنا ف الاخر احنا مصريين عادي زعلت من البيت شويه وروحت عند قرايبك تغير جو مش مشكلة

زي ماقولت مصر ف دماغنا وتفكيرنا وبعدين مادام معاك جواز سفرها يبقى خلاص مالكش الاهي بمزاجك او غصب عنك ومازلت اقولها ساعة مايكون معاك جواز سفر تاني هنا المشكلة بتبدا تحس بصراع داخلك تنتمي للبلد اللي قدرتك وكبرت فيها وادتك الفرصه وللاسف خدت حقوقك فيها ولا انتمائك يبقى للبلد اللي اتولدت من ابوين عاشوا فيها وانت لك بعض الذكريات فيها

هو ده السؤال الصعب ولائك يبقى لمين زي ما بنقول بالبلدي الام الي خلفت ولا الام اللي ربت وعلمت

انا شوفت ده مع ناس كتيره قوي من حملة الجنسيات المزدوجة وللاسف الشديد الام اللي ربت وعلمت هي اللي كفتها بترجح لان الام اللي خلفت سابتك واتجوزت السلطة والمفسدين وخلفت فساد ورشاوي وضياع للحقوق

[عماد حمدي]

الله الله الله علي الكلام الجميل أوي دا يا hero .. تسلم

[عاشق النيل]

والله يا اخوانى انا باحب مصر بجنون وباغير عليها بشدة

وباحلم انى ارجعلها كل يوم

زى العاشق المغرم الولهان اللى بيستنى بس نظرة من معشوقتة

وانا نفسى يتصلح حالها ومؤمن" ان الله لا يغير ما بقوم حتى يغيروا ما بانفسهم"

وف بداية حياتى العملية كانت معتقداتى ان اللى بيسافر برة دة انسان ضعيف وبيهرب من الواقع وكافحت كتير من ادنى الوظائف لاعلاها

لكن برضة ربنا لم يشاء الا ان يسهل لى اسباب السفر

لان كثرة البطالة عندنا والايدى العاملة طمعت المصريين اصحاب المال

واغلب اصحاب المال بيقولوا"ازود مين انا افك اى موظف خبرة عندى بتلاتة خريجين جدد وباقل من مرتبة او بنفس المرتب"

والدليل ان اعلانات تعيين ف وزارة التربية والتعليم بيتقدملها حملة دكتوراة وماجستير

للتعيين ف اى وظيفة

مصر فيها خير كتير ومشروعات كتير ممكن تتعمل تستوعب ملايين ولكن امتى

الله اعلم :ninja:

[pocy]

انت تعرف ان شركات اللى موجود فى العين السخنه اد ايه كنتير جدا وكمان الشركات اللى فى دمياط والمرتبات هناك خرافيه والله بقولك عامل اللى بينضف الحمامات مش بياخد اقل ن 850 منخمس سنين دا غير انه بياخد 50 الف ارباح كل سنه تخيل وده عامل تنظيف معاه اعداديه

الخير كتير بس اللى يدور عليه ويتعب علشان يلقاه وربنا ييسر للجميع بس مش دايما الحل فى السفر وانك تسيب بلدك وفى كتير يادوبك بدأو يسافروا وبعد كده مكملوش شهور وعايزين يرجعوا بلدهم تانى لانهم اكتشفوا ان البلد بتاعتهم اولى بيهم من الذل والمهانه وعيشه القحط وفى ناس تانيه كانت على العكس من كده

فربنا يرزق الجميع يارب

[herohero]

انت تعرف ان شركات اللى موجود فى العين السخنه اد ايه كنتير جدا وكمان الشركات اللى فى دمياط والمرتبات هناك خرافيه والله بقولك عامل اللى بينضف الحمامات مش بياخد اقل ن 850 منخمس سنين دا غير انه بياخد 50 الف ارباح كل سنه تخيل وده عامل تنظيف معاه اعداديه

الخير كتير بس اللى يدور عليه ويتعب علشان يلقاه وربنا ييسر للجميع بس مش دايما الحل فى السفر وانك تسيب بلدك وفى كتير يادوبك بدأو يسافروا وبعد كده مكملوش شهور وعايزين يرجعوا بلدهم تانى لانهم اكتشفوا ان البلد بتاعتهم اولى بيهم من الذل والمهانه وعيشه القحط وفى ناس تانيه كانت على العكس من كده

فربنا يرزق الجميع يارب

شوفوا من زمان وهي كده احنا قرايبنا لا سافروا ولا جم وماديا احسن مننا وبالورقة والقلم متمتعين باللي عملوه وده شيئ مهم ، للاسف الغربة لها ثمن يعني لما هتسافر ورجعت ف اي وقت هتلاقي مالكش صحاب مش عارف تقضي مصالحك ف البلد مش لاقي حد تخرج معاه او تغير جو معاه عشان كده ياريت الكل يبقى محافظ ع حلقة وصل بينه وبين اللي ف مصر من اصدقائه بمكالمة تليفون او بمجاملات ظريفة بتنفع بعد كده ع الاقل تلاقي حد تكلمه لما ترجع وزي ما قولت طالما مش معاك الا جوزا السفر المصري فرجوعك لمصر ف اي لحظة وارد

وانا مقتنع بشيئ نجاحك ف البلد الغريبة جزء منه جاي من انك كنت ناجح ف بلدك وكنت عاوز فرصة افضل وده حقك

وانا شايف ان فيه مهن كتير بقى وضعها ف مصر مغري جدا يعني المهن الهندسية بقى لها سوق كويس جدا ف مصر ف مجال المقاولات او مجال الاتصالات وفيه شركات مالتي ناشيونال ممتازة ف مصر انا معرفش حد ف مجال الاتصالات او الاي تي الا وشغال ف مصر نسبة بطالتها قليله جدا وفيه كتير وضعهم ف مصر ف المجال ده افضل من الخليج

انا بشوف ناس كتيره بترفض تقيم ف السعودية وبتيجي بتاشيره زيارة لان وضعهم ف مصر ممتاز بيجي يادوب يخلص شغل هنا ويرجع

لكن ف الاول والاخر هي نصيب

لكن اللي بيدور ع البعد عن الزحمة والفوضى للاسف هيضطر يبعد عن مصر لان العيشة ف هدوء ف مصر ف اماكن معينة وبالتالي لازم تحتك بالزحمة والفوضى