pocy بتاريخ: 6 أغسطس 2009 تقديم بلاغ مشاركة بتاريخ: 6 أغسطس 2009 اخوانى فى الغربه *** ممكن اعرف ايه اسباب تركك لمصر الحبيبه ؟ *** و الاسباب اللى ممكن تخليك ترجعلها جرىىىىىىىىىىىىىىىىىىى؟ وهل الراتب والاستقرار المادى فى مصر هو سبب اساسي في الرجوع لمصر؟؟؟؟؟؟؟؟؟؟؟؟؟؟؟؟؟؟؟؟؟ ومعلش هتقل عليك شويه الاسره مجتمعه فى الغربه احسن ولا الزوج بس اللى يسافر افضل؟؟؟؟؟؟؟؟؟؟؟؟؟؟؟؟؟؟؟؟ مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
خالد شحاته بتاريخ: 6 أغسطس 2009 تقديم بلاغ مشاركة بتاريخ: 6 أغسطس 2009 اخوانى فى الغربه *** ممكن اعرف ايه اسباب تركك لمصر الحبيبه ؟ *** و الاسباب اللى ممكن تخليك ترجعلها جرىىىىىىىىىىىىىىىىىىى؟ وهل الراتب والاستقرار المادى فى مصر هو سبب اساسي في الرجوع لمصر؟؟؟؟؟؟؟؟؟؟؟؟؟؟؟؟؟؟؟؟؟ ومعلش هتقل عليك شويه الاسره مجتمعه فى الغربه احسن ولا الزوج بس اللى يسافر افضل؟؟؟؟؟؟؟؟؟؟؟؟؟؟؟؟؟؟؟؟ السلام عليكم ورحمة الله وبركاته الافضل الانسان الا عايز يسافر بكون محدد لنفسه هدف ان واصل للهدف يرجع ويكمل مسيرته في بلده ولكن انا اشك في الشي ده لاننا كلنا العمر بيجري من تحت ارجلنا ولم نحس بالعمر الا بيفوت الا عند الموت وللاسف بيكون الانسان انتهي والله لما يكون الدخل كويس في الغربه بيكون الاهل افضل انما للاسف والف مره للاسف في ناس هنا مش عارفه تصرف علي نفسها ويجيب اولاده بالله لما زوجته بتشوف فلانه وفلانه بتجيب وتجيب ما هو شعورها اكيد هي كمان بتعمل المباح والغير مباح لتكون افضل منهم سواء مشروع او غير مشروع رابط هذا التعليق شارك المزيد من خيارات المشاركة
تامر مصطفى بتاريخ: 6 أغسطس 2009 تقديم بلاغ مشاركة بتاريخ: 6 أغسطس 2009 صباح الخير يا بوسي بالنسبة ليا انا كنت متمسك جدا بمصر سنة 95 وكنت مصمم اني اطلع السلم درجة درجة ووالدي كان في الكويت ووقتها اشتغلت في ميناء دمياط ( وانا من القاهرة ) وطبعا بواسطة كبيرة وتقيلة جدا بس الراجل الواسطه فهمني الموضوع غلط وتخيلت اني ممكن آخد 450 جنيه راتب وقتها ولما رحت استلم الشغل اكتشفت ان الراتب 70 جنيه والحوافز 70 يعني 140 جنيه في حين اني كنت أجرت شقة في دمياط الجديدة ب 90 جنيه (بس كنت ساكن في مربع سكني لوحدي ) المفروض اني آكل واشرب واروح ازور أهلي في القاهرة من باقي الفلوس. وقتها والدي عرف اني استسلمت راح مقدم ورقي في التربية وعملي زيارة ( اجباري ) ورحت قابلت ونجحت ورحت الكويت وكنت مصمم اني اقعد سنتين بس . النهاردة انا بقالي 14 سنه (وزعلان اوي علشان فاضل 25 سنه واطلع معاش fty:: :wub: ) بالنسبة ليا وبكل صراحة بقول اني لو وزارة التربية استغنت عني لأي سبب فأنا بإذن الله هبحث عن اي عمل في الكويت حتى ولو براتب يكفي أكلي وشربي وسكني انا وعيالي فقط.لأني باختصار مقدرش اعيش دلوقتي في مصر . وبالنسبة لسؤالك الأخير انا جبت زوجتي الكويت معايا على نفس الطيارة بعد الزواج بشهر ونص وكنت عاملها ورق من قبل ما اسافر لأني كنت كاتب كتابي وهقولك على حاجة مهمة بالنسبة لوجود الزوج في الغربة لوحده وهي ان الزوجة والأولاد بيتعودوا على عدم وجود الأب وبيتحول لمجرد مصدر للدخل والعيشة المرتاحة ووقت ما بينزل أجازة والهدايا تتوزع ويبتدي يمارس دور الاب بيكون الكل بيتمنى اليوم اللي يسافر فيه وانا عندي واحد مدرس بقاله في الكويت 20 سنه وزوجته واولاده في مصر اكتشف انه قعد مع عياله سنتين بس خلال العشرين سنه وللأسف ده اكتشفه لما ابنه قاله بلاش تيجي من الكويت احنا مرتاحين من غيرك . بمعنى آخر اختر احد الوضعين : زوج لوحده في الغربة يكسب فلوس كتير ويخسر زوجة وابناء زوج معاه زوجته واولاده يكسب عائلته ويخسر فلوس كتير ( بس هيحوش شوية فلوس ) كل متغرب القرار بيرجع ليه والاختيار بيكون صعب . رابط هذا التعليق شارك المزيد من خيارات المشاركة
KAhamid بتاريخ: 6 أغسطس 2009 تقديم بلاغ مشاركة بتاريخ: 6 أغسطس 2009 صباح الخير يا بوسيبالنسبة ليا انا كنت متمسك جدا بمصر سنة 95 وكنت مصمم اني اطلع السلم درجة درجة ووالدي كان في الكويت ووقتها اشتغلت في ميناء دمياط ( وانا من القاهرة ) وطبعا بواسطة كبيرة وتقيلة جدا بس الراجل الواسطه فهمني الموضوع غلط وتخيلت اني ممكن آخد 450 جنيه راتب وقتها ولما رحت استلم الشغل اكتشفت ان الراتب 70 جنيه والحوافز 70 يعني 140 جنيه في حين اني كنت أجرت شقة في دمياط الجديدة ب 90 جنيه (بس كنت ساكن في مربع سكني لوحدي ) المفروض اني آكل واشرب واروح ازور أهلي في القاهرة من باقي الفلوس. وقتها والدي عرف اني استسلمت راح مقدم ورقي في التربية وعملي زيارة ( اجباري ) ورحت قابلت ونجحت ورحت الكويت وكنت مصمم اني اقعد سنتين بس . النهاردة انا بقالي 14 سنه (وزعلان اوي علشان فاضل 25 سنه واطلع معاش fty:: :wub: ) بالنسبة ليا وبكل صراحة بقول اني لو وزارة التربية استغنت عني لأي سبب فأنا بإذن الله هبحث عن اي عمل في الكويت حتى ولو براتب يكفي أكلي وشربي وسكني انا وعيالي فقط.لأني باختصار مقدرش اعيش دلوقتي في مصر . وبالنسبة لسؤالك الأخير انا جبت زوجتي الكويت معايا على نفس الطيارة بعد الزواج بشهر ونص وكنت عاملها ورق من قبل ما اسافر لأني كنت كاتب كتابي وهقولك على حاجة مهمة بالنسبة لوجود الزوج في الغربة لوحده وهي ان الزوجة والأولاد بيتعودوا على عدم وجود الأب وبيتحول لمجرد مصدر للدخل والعيشة المرتاحة ووقت ما بينزل أجازة والهدايا تتوزع ويبتدي يمارس دور الاب بيكون الكل بيتمنى اليوم اللي يسافر فيه وانا عندي واحد مدرس بقاله في الكويت 20 سنه وزوجته واولاده في مصر اكتشف انه قعد مع عياله سنتين بس خلال العشرين سنه وللأسف ده اكتشفه لما ابنه قاله بلاش تيجي من الكويت احنا مرتاحين من غيرك . بمعنى آخر اختر احد الوضعين : زوج لوحده في الغربة يكسب فلوس كتير ويخسر زوجة وابناء زوج معاه زوجته واولاده يكسب عائلته ويخسر فلوس كتير ( بس هيحوش شوية فلوس ) كل متغرب القرار بيرجع ليه والاختيار بيكون صعب . طبعا انا معاك مليون في الميه يا استاذ تامر لان الواحد طالما سافر وناوي يقعد فترة ما ايا كانت فلازم ولاده يكونوا معاه وزوجته والا فبلاها السفر اصلا لان ما فيش اي قيمة للمال اللي هتجمعه في السفر مهما كان حجمه لو خسرت اولادك رابط هذا التعليق شارك المزيد من خيارات المشاركة
عماد حمدي بتاريخ: 6 أغسطس 2009 تقديم بلاغ مشاركة بتاريخ: 6 أغسطس 2009 (معدل) أنا قابلت ناس مرتاحة ماديا ً جدا جدا في مصر ومع ذلك اخذ قرار انه يتغرب ؟؟ طيب لية ياعم الحاج يقولك انا عايز كده والفرق بين دخلة في مصر والغربة لا يذكر بس هوايته انه يتغرب دا نوع النوع التاني واحد عايز يتغرب علشان فية هدف عايز يحققة بلدة الرئيسي مش موفرة لية أي وسائل لتحقيق هذا الهدف , فبيتغرب يحقق هدفة ويرجع بلدة يستقر . النوع الثالث واحد عايز يتغرب زهق من البلد قام قالك ما اهج من البلد باللي فيها واشوف بشر جديدة واكسبلي قرشين كدا كدا كسبان وملوش اي هدف بالنسبة بقا لموضوع الزوجة وكدا انا لسة متجوزتش .. بس لو متجوز لازم مراتي وولادي يكونوا معايا طبعا ً دا كان بنسبة 100 % اما بعد اللي سمعته ان الابن يقول لابوه خليك هناك احنا مرتاحين بقت النسبة500000 % والإ أقطع خبر ابني دا تم تعديل 6 أغسطس 2009 بواسطة EMAD HAMDY رابط هذا التعليق شارك المزيد من خيارات المشاركة
herohero بتاريخ: 6 أغسطس 2009 تقديم بلاغ مشاركة بتاريخ: 6 أغسطس 2009 كل واحد وله اسبابه ف السفر والسفر له فوايد كتيرة وفيه الي سافر عشان ظروفه المادية ف مصر كانت سيئة فحب يجرب وفيه الي سافر لانه زهق واتخنق من الزحمة والفساد الي لاسف زاد قوي واكبر دليل ع كده الناس اللي بتهاجر شوفوا مستوياتها ايه لو اي حد راح يمتحن امتحان اللغة وشاف مستوى اللي رايحين يمتحنوا ايه المادي هيستغرب فليس كل من يسافر من البلد سعيا وراء المادة وده شيئ هيحس بيه اي مغترب بعد خمس سنين هيحس انه عاوز (life style ) اتعود ع شوارع منظمة وهدوء ونظام فبيضطر يقعد ف المكان اللي لقى فيه ذلك وحتى لو هيعيش زي ما بيقولوا اللي جاي ع اد اللي رايح لانه وزهق من العيشة ف مصر والافضل طبعا يكون الاسرة كلها مع بعض خاصة ف الفتره الاولى لحد بلوغ الطفال ومروهم بفتره المراهقة بعد كده عادي يعني بتكون شخصيته اتشكلت بما فيه الكفاية وكمان الاب بيكون صعب عليه انه يرجع فبيكون بينزل لهم كل فتره قريبه وهم بيجوا له لان الاب بيتعب جدا لما ينزل مصر لا هيعرف يتعامل مع الناس ولا يسوق العربية بسهولة وللاسف نامل ان الاوضاع السلبية ده تتغير لان زي ما بقول دايما طالما مش معيا الا جواز السفر المصري لازم ابقى عامل حسابي اني راجع راجع غير كده لما يبقى معاك جواز سفر تاني تقدر تقول مصر للاجازات انما عيشة مستمرة لا ، لان مصر للاسف تصلح للعيشة انما كحياة لا وطبعا احنا عارفين ان هناك فرق بين العيشة والحياة رابط هذا التعليق شارك المزيد من خيارات المشاركة
pocy بتاريخ: 6 أغسطس 2009 كاتب الموضوع تقديم بلاغ مشاركة بتاريخ: 6 أغسطس 2009 اخوانى فى الغربه حياكم اخوانى انا بقي هاحكيلكم بالتفصيل الممل بس اوعو ا تروحوا لبعيد *** ممكن اعرف ايه اسباب تركك لمصر الحبيبه ؟ مش انا اللى سبتها هى اللى طردتنى تخيلوا انا كان مرتبي قبل ما اسيب مصر وصل ل2500 جنيه وجوزى اللى كان خطيبي ساعتها وصل مرتبه ل3000 يعنى على بعض هيبقي احلى عيشه بس متعرفوش الغلا وجوزى صرف تقريبا اللى قدامه واللى وراه فى جهاز طبي وللاسف اللعب تحت التربيزه وعدم وجود ماديات كافيه معرفناش نسوق المنتج بتاعه اللى دلوقتى مركون في البيت والله يجازى اللى كان السبب واللى يخلى اختراع زى ده هيوفر على كل مستشفيات مصر الحكوميه وغير الحكوميه اكتر من 100 الف جنيه والصيانه ببلاش وضمان 10 سنوات بس الحمد لله انها طردتنا منها من القرف اللى شوفناه هناك *** و الاسباب اللى ممكن تخليك ترجعلها جرىىىىىىىىىىىىىىىىىىى؟ والله لحد الان مش لاقيه سلبب ارجعله غير اهلى وعائلتى وعزوتى بس النت مش مخلى انا يوميا بكلم اهلى وبشوف وباعرف اخر الاخبار والحمد لله ومطمئنه عليهم غير كده مفيش سبب واحد يخلينى ارجعلها الواحد شاف منها وياما لسه هيشوف وهو براها والله يعين وهل الراتب والاستقرار المادى فى مصر هو سبب اساسي في الرجوع لمصر؟؟؟؟؟؟؟؟؟؟؟؟؟؟؟؟؟؟؟؟؟ لا اعتقد لان انا لما بدأت اعيش فى الكويت حسيت بالامان والراحه النفسيه والنظام والمعاملات النظيفه والشوارع لا الحياه هنا افضل بكتير من اى منطقه اخرى الحياة الادميه هنا ليها تمن كبير لا يقدر بتمن يا اخوانى ومعلش هتقل عليك شويه الاسره مجتمعه فى الغربه احسن ولا الزوج بس اللى يسافر افضل؟؟؟؟؟؟؟؟؟؟؟؟؟؟؟؟؟؟؟؟ طبعا مفيش احسن من اننا نكون مع بعض على حلوها ومرها ولانى شفت قبل كده نماذج من الناس اصبح فيها الزوج فقط مورد مادى وعندنا يرجع فقط لمده شهر الله بيعين وكيف ان الزوجه والاولاد بيستحملوا الشهر ده بالعافيه دا غير الخلافات اللى بتبقي موجوده والكل بيسأل امتى هيسافر تانى مااحنا كنا مرتاحين وللحديث بقيه ان شاء الله وبجد تحيتى لردودكم جميعا مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
عاشق النيل بتاريخ: 6 أغسطس 2009 تقديم بلاغ مشاركة بتاريخ: 6 أغسطس 2009 يقول تعالى: (ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ) ... يعنى احنا اللى سلوكنا زفت ونفوسنا مش والا بد ولا يغير الله ما بقوم حتى يغيروا ما بانفسهم هو حال مصر ما يسرش حد والوظائف عموما بالكوسة والمعرفة مش بالكفاءة/ وتولى امورنا اما جاهل او فاسد / للاسف مفيش مصلحة والا وزارة ناجحة يشار اليها واللى بيقعد على الكرسى مش بيبص الا لنفسة ولمصلحتة على حساب اى حد وماعندناش غيرة على بلدنا الا ما رحم ربى والناس يدوب بيتجرى على اكل عيشها ولقمتها بالعافية ودا حال الاغلبية ومن لا يملك قوتة لا يملك راية انا نفسى ارجع بلدى ف اى وقت بس انا 12 سنة باقدم على وظيفة حكومية دخلها معقول وسط ولسة ما فى والقطاع الخاص مص دم الواحد 11 سنة بدون فايدة تذكر المرتب 1500لحلوح مصرى وصاحب العمل من ساعة ما عمل اعلان وجالة اكتر من 6000 طلب للشغل شم نفسة وقالك الباب يفوت جمل افك اى موظف قديم ب 3 موظفين جدد ب 500 جند او لحلوح وعشان كدة سبناهالة خضراء عاشق النيل رابط هذا التعليق شارك المزيد من خيارات المشاركة
pocy بتاريخ: 8 أغسطس 2009 كاتب الموضوع تقديم بلاغ مشاركة بتاريخ: 8 أغسطس 2009 اخى فى الله الاستاذ عاشق النيل ليه بس الكلام التقيل ده بس واضح انك شايل ومعبي من مصر اللى بيحصل فيها مع ان اللى يشوف النيك نيم بتاعك يقول حاجه تانيه بس افرجها شويه وربنا يزيح عن كل المغتربين وكل اللى في مصر مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
pocy بتاريخ: 8 أغسطس 2009 كاتب الموضوع تقديم بلاغ مشاركة بتاريخ: 8 أغسطس 2009 هلا استاذ تامر بجد كلامك صحيح ميه فى الميه وخصوصا صديقك اللى بقاله 20 سنه ده تعرف والله انا شوفت نفس الحاله واحد بقاله 23 سنه فى الامارات وكل ما بينزل شهر تسمع الام بطمن اولادها تقولهم هانت كلها اسبوعين ويمشي امسكوا نفسكم وعدوا تخيلوا بعد ما بيجي بيومين عياله بيسأله انت حاجز رجوع امتى والله وقدامى مواقف بتحصل فظيعه بينهم بسبب انهم مش عارفين بعض لحد دلوقتى بعد 23 سنه زواج مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
pocy بتاريخ: 8 أغسطس 2009 كاتب الموضوع تقديم بلاغ مشاركة بتاريخ: 8 أغسطس 2009 يا جماعه انا بس عايزه استنتج من الموضوع ده هل مصر هي اللى طردتنا منها باسلوب التعاملات وعدم احترام الحكومه لشعبها او ان الحكومه مش شايفه مصلحه الشعب وعشان الفساد ولا .....................اسباب اخري ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
ozoozo بتاريخ: 8 أغسطس 2009 تقديم بلاغ مشاركة بتاريخ: 8 أغسطس 2009 عن نفسي سبت مصر عشان حاجتين اولا الفلوس ثانيا عيشه انضف بس بصراحه هنا معايا فلوس اجيب اللي عاوزه بس مفيش احساس بطعم الحياه وفي مصر في كل المتع والفسح بس مفيش فلوس بعيدا عن الموضوع كنت عايز اعرف ايه موضوع الجهاز ده يعني مستورده ولا مخترعه ولا ايه وبتاع ايه بالظبط رابط هذا التعليق شارك المزيد من خيارات المشاركة
herohero بتاريخ: 8 أغسطس 2009 تقديم بلاغ مشاركة بتاريخ: 8 أغسطس 2009 الفلوس موجوده في مصر بس زي ما قولنا مش للموظفين يعني فئة المهندسين والمدرسين والمحاسبين والاطباء مالهومش مكان ولا اساتذة الجامعة الفلوس للتجارة ايا كانت وكل مهنة من دول لها تحارتها مهندس اشتغل ف المقاولات او اي شيئ يه تلقيط رزق دكتور ادخل ف الشغل االي يجيبفلوس يعني لي وحركات مدرس اديها دروس خصوصية انا مدرسي زمانبتاع الانجليزي سالني ايام ماكنا ف الكويت وبنزل اجازة فاداناي ف مصر سنة الغزو 90-91 قالي مرتب المدرس كام ساعتها كان 250 قالي معقوله 250 ف الشهر ع ايه ده اي كلام وده سنة 90 الراجل ده نسيت اقولكم اني كنت بروح له انا وزميلي الساعه صباحا .... ارزاق اما عن الحياة هي نسبية طبعا مستحيل السعودية يكون فيها حياة يعني بلد مغلقة انما الامارات مفتوحه طبعا بس اصرف بقى ياريس ماهي محسوبة عيه ودلع يبى الامارات تعيش وتحوش لك قرشين يبقى السعوديه وبعدها الكويت انما احياة ف مصر والفسح بقت اغلبها فسح مولات يعني زي اللي ف الخليج عموما وبصراحه ترجع من شغلك سواء معاك غربيه او ف مواصلات طلعان عيك يبقى فسح فين بقى وفين المزاج طبعا الاخوة اللي خارج القاهرة وضاحيها ما يحسوش بالمشاكل ده انما مشوار واحد لشارع شبرا ومن ثم كوبري اكتوبر وهو واقف وده غالبا الصبح وزحمه مكرم وعباس ساعتها هيكرهوا السواقه والشغل رابط هذا التعليق شارك المزيد من خيارات المشاركة
enjisultan بتاريخ: 8 أغسطس 2009 تقديم بلاغ مشاركة بتاريخ: 8 أغسطس 2009 عجبنى اوى عنوان الموضوع بس لاقيت نفسي باقول مش احنا اللى سيبنا مصر لا مصر هى اللى سابتنا واللة لما بلد تخلى كل راجل مسئول عن عيلة يشتغل اكتر من 18 ساعة فى اليوم عشان بس يعيش يبقى مصر هى اللى سابتنا لما بقت كل الناس بتحلم بجنسية تانية تتسند عليها وقت الشدة يبقى مصر هى اللى سابنتنا لما تحسى ان حد ما بيفهمش اى حاجة بس عندة واسطة يخود حاجة كانت من حقك او حق اى حد غيرك يبقى مصر هى اللى سابت ناسها لما شاب يكونوا اهلة صرفوا علية دم قلبهم ويجى لة سفر بالف ريال ويبقى دا مهربة الوحيد من بلد ما بتقدرش ولادها صح ولا غلط ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
سهل جدا بتاريخ: 8 أغسطس 2009 تقديم بلاغ مشاركة بتاريخ: 8 أغسطس 2009 عن نفسي سبت مصر عشان حاجتين اولا الفلوس ثانيا عيشه انضف بس بصراحه هنا معايا فلوس اجيب اللي عاوزه بس مفيش احساس بطعم الحياه وفي مصر في كل المتع والفسح بس مفيش فلوس جبت المفيد يا أوزوز وفّرت علي الكلام دائماً كده تجيب من الآخر.. يا أخي سيب لنا حاجة نكتبها :P ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ صدق الله العظيم رابط هذا التعليق شارك المزيد من خيارات المشاركة
ozoozo بتاريخ: 8 أغسطس 2009 تقديم بلاغ مشاركة بتاريخ: 8 أغسطس 2009 (معدل) عن نفسي سبت مصر عشان حاجتين اولا الفلوس ثانيا عيشه انضف بس بصراحه هنا معايا فلوس اجيب اللي عاوزه بس مفيش احساس بطعم الحياه وفي مصر في كل المتع والفسح بس مفيش فلوس جبت المفيد يا أوزوز وفّرت علي الكلام دائماً كده تجيب من الآخر.. يا أخي سيب لنا حاجة نكتبها :lol: معلش يابو التساهيل مره من نفسي انا كنت جاي هنا وكنت بقول لنفسي حتي لو اللي هاقبضه هاصرفه كفايه الرفاهيه واختلاف المعامله والشوارع النضيفه لكن بعد سنه في الغربه حاسس فعلا بالحنين لمصر وانها ماكنتنش بالسؤ اللي احنا شايفينه لكن الناس هنا قالتلي ده كلام عاطفي ويعد سنتين تلاته هاتحس ان هنا بيتك وحياتك وهاتبقي عايز تخلص اجازتك في مصر بسرعه عشان ترجع بيتك اللي في الغربه تم تعديل 8 أغسطس 2009 بواسطة ozoozo رابط هذا التعليق شارك المزيد من خيارات المشاركة
raedraed بتاريخ: 8 أغسطس 2009 تقديم بلاغ مشاركة بتاريخ: 8 أغسطس 2009 (معدل) غبااااااء بعيد عنك وعن القراء :lol: ديه إجابتي عن سؤال الموضوع كان فيه مثل بقوله كتير لكن دلوقتي حاسس بيه فعلا وهو "اللي ايده في المية مش زي اللي ايده في النار" الواحد مننا في مصر (وباتكلم عن الأغلبية الغلبانة) يبص للمغترب أكنه ماسك وزارة في البلد اللي هو فيها وقاعد متهني ومش ناقصه حاجة ورغم اني كنت فاهم كويس إن الغربة صعبة جدا ولازم يكون فيه مقابل يستاهل عشان أتغرب إلا إنني وبمنتهى الغباء تركت الأهل والجيران والأصدقاء (واللي كان بسببهم الحياة ليها طعم) والوظيفة وسافرت ! أول شغل ليا قبضت حوالي 600 جنيه ، شغل 8 ساعات بالمواصلات كان 12 ساعة يومياً لكن كنت حاسس بطعم الفلوس وكنت فرحان جدا مع أنهم مايجيبوش حاجة تقريبا لكن كنت فرحان أوي ! وهنا بخادلي كام الف ولا حاسس بيهم وراميهم تحت المخدة ! تم تعديل 8 أغسطس 2009 بواسطة raedraed رابط هذا التعليق شارك المزيد من خيارات المشاركة
pocy بتاريخ: 9 أغسطس 2009 كاتب الموضوع تقديم بلاغ مشاركة بتاريخ: 9 أغسطس 2009 كلنا هذا الرجل يا اخي بس الصبر استنى بس المدام تيجي وبعدهم الاولاد هم اللى هيصبروك فى الغربه غير كده هيبقي حياه الملل والاكتئاب بتطاردك وحاول تشوف اصدقاء فى نفس البلد بيصبروا على الغربه والله انا نفس الشعور اول ما جيت بس لانى كنت بشتغل 12 ساعه يوميافكان الشغل اخد وقتى وكنت لما بروح كنت بشتغل برضه فمش حسيت الا لما اتزوجت وحسيت ان الحياه بتمر من تحت رجلينا واحنا مش حاسين مدونتى ....الدخول من هنا مدونتى إسلاميات }فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * { "(الحمد لله الذي تواضع كل شئ لعظمته الحمد لله الذي استسلم كل شئ لقدرته)" "سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين" رابط هذا التعليق شارك المزيد من خيارات المشاركة
مروان بتاريخ: 9 أغسطس 2009 تقديم بلاغ مشاركة بتاريخ: 9 أغسطس 2009 اما انا فلم اترك مصر ولم افكر يوما في تركها ولكنها تركتني نعم ولفظتني لفظا حتى اقرب الناس الي كان دايما يقول لي سافر حتى امي قالت لي سافر يابني وكان ابي لو مقدمتش في اعلان يزعل مني اصحابي اتهموني اني معقد وان العمر يجري مني ان لم اسافر كنت اعمل مدرسا بالحصة في احد المدارس وكانت الحصة ب90 قرش واخدت 100 حصة في الشهر علشان ازود دخلي وكنت راضي وفرحان وربنا اكرمني ببعض الدروس لكن الوطن والاهل والاصحاب لم يرضوا وعندما جاءت اول فرصة حقيقية للسفر لم استطع ان اقول لا امام ذلك الطوفان وحزمت حقائبي الى بلاد الحرمين ورايت فيها العجب العجاب واستلمت مايوازي 3000 جنيه مصري ولكن لم اكن سعيدا ابدا جالي احساس اني عبد عن كفيلي وان باشارة منه ممكن يرجعني بلدي بلدي التي بخلت علي بالوظيفة والسكن حتى تخطيت الثلاثين صدقيني يا مصر لم اتركك يوما ولكن كل ما فيك يا مصر لفظني وبرغم ذلك كله احبك يا وطني احب حتى زملائي الذين كانوا يريدون ازاحتي عن طريقهم بنصحهم الدائم لي بالسفر هل اخطات يا مصر عندما سافرت هل اخطات عندما لم اسافر قبل ذلك؟ لست ادري رابط هذا التعليق شارك المزيد من خيارات المشاركة
المخنوق دائما بتاريخ: 9 أغسطس 2009 تقديم بلاغ مشاركة بتاريخ: 9 أغسطس 2009 عشان السفر له سبعة فوائد ده غير انه خبره فى الحياه وتحضرنى مقوله الإمام الشافعي – رحمه الله تعالى –: ارحل بنفسك من أرض تضام بها ولا تكن من فراق الأهل في حُرق مـن ذلّ بيـن أهاليه بـبلدتـه فـالاغتراب له من أحسن الخلق فالعنبـر الخـام روث في مواطنه وفي التـغرب محمول على العنق والكحل نوع من الأحجار تنظره في أرضه وهو مرميٌّ على الطرق لما تغرب حـاز الفضل أجـمعه فصار يحمل بين الجفـن والحدق اللهم إنى أعلم أنى عاصيك ... ولكنى أحب من أطاعك ... فإجعل اللهم محبتى لمن أطاعك شفاعة تقبل لمن عصاك اللهم إن أحييتنى غريبا ... فلا تميتنى غريبا كبير المحاسبين المتخصصين بالمملكة العربية السعودية ودول مجلس التعاون الخليجى رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان