اذهب إلى المحتوى
محاورات المصريين

الله يجزاكم الجنة.........ساعدوني ضروري جدا

pink rose

بواسطة pink rose
في استشارات طبية و نفسية

 مشاركة

Recommended Posts

pink rose عضو جديد

pink rose

بتاريخ:
  • كاتب الموضوع
بتاريخ:
بس ليا سؤال الدم الكتير اللي بينزل دا اعوضهولها ازاي؟

يعني دا ممكن يأثر على نسبة الهيموجلوبين يعني ممكن يعملها انيميا؟

و هل في اكل معين يتاكل يعوض و يعمل على تقليل سرعة النزف و السيولة

طبعا طبعا انا نسيت اقولك على الحكاية دى لازم تعوضيلها الدم دة بالاكل ثم الاكل وابعدى عن الادوية الا اذا البنت لا قدر اللة وشها مقطوف ولا همدانة ولا شفايفها paleشوية بعد الشر تروحى تعملى تحليل صورة دم كاملة ولو الهيموجلوبين قليل تحتاج علاج بس عموما غذيها كويس وكترى من الخضار والفاكهة زى البلح والتين والخوخ والزبيب والعسل الأسود كمان الكبدة واللحوم الحمرا والبيض والسمك ومهم جدا عصير البرتقال لامتصاص الحديد وكمان الطماطم واؤيدك فى رؤية طبيب متخصص من اهل الثقة مادام النزيف كان كتير امبارح حتى تطمئنى وان شاء اللة كلة يبقى تمام

حاضر يا دكتورة

هاظبط انا موضوع الاكل دا ان شاء الله

انتي عارفه الاطفال في سنها دا الاكل عندهم اخر حاجه بيفكروا فيها

و الاكل دايما بيبقى شوية بالمحايلة و شوية بالصويت

لكن خلاص مش هاسمح باي دلع فيه بقى بعد كده ان شاء الله

ألف سلامة لست العرايس يا remo و عموما ممكن يكون السبب إرتفاع في درجة حرارة الجو و يعمل حساسية فيحصل "الرعاف" اللي هو نزيف الأنف - إنشاء الله بسيطة و ربنا يطمنك عليها بأسرع وقت.

ميرسي يا استاذ saw

ايوة الجو في الرياض صعب فعلا ربنا يهون ان شاء الله

اصل انا اول مرة اقعد بيها لحد الوقت دا هنا كنا من نص 6 دايما في اسكندرية

و هناك و لا كأنها عمرها نزفت ابدا

يالا ربنا كريم ان شاء الله

لا بأس طهور ان شاء الله خليها تتجنب السهر (ضروري جدا) و عدم التعرض للشمس و احرصي على التغذيه الجيده و عدم بذل مجهود بدني عنيف، و لو حصل النزيف جامد دوبي ملح في كباية ميه و بلي بيه قطن و حطي القطن المبلل بالميه بملح في الانف مع اتباع نفس الخطوات المعتاده

ان شاء الله الموضوع يتعالج بس ممكن ياخد وقت شويه، و ممكن تكون طبيعة أجسام يعني الشعيرات الدمويه في الانف رقيقه زياده و لما تكبر في السن يقل الموضوع ده لوحده الى ان يختفي باذن الله

لما كنت صغير كنت كده و بابا داخ بيا على الدكاتره و اتهريت علاج و كي بالكهربا و فتاوي اد كده و في الآخر اتحلت لوحدها لما بقيت في ثانوي

و لا تنسي الدعاء فالله هو الشافي

شكرا يا استاذ محمد جزاك الله خير

هي باباها كان كده و هو صغير برضه و لما كبر الموضوع راح

ربنا يجيب الخير ان شاء

رابط هذا التعليق
شارك
pink rose عضو جديد

pink rose

بتاريخ:
  • كاتب الموضوع
بتاريخ:
الف سلامة على مريومة

نزيف الانف شائع جدا جدا فى الرياض وده راجع لثلاث اسباب

1- الجفاف الشديد لجو الرياض ,عدم وجودرطوبة بتجفف السائل المخاطى المبطن للانف فتتعرض الشعيرات الدموية المطنة للانف للجفاف ويبدأ النزف

2- وجود الاتربة الدائمة فى جو الرياض والتى بدورها بتستحس الانف وتسبب هياج فى الاغشية المبطنة للجدار الانفى ويحدث النزف

3- طبيعة الغذاء السائد لأهل الرياض من اعتماد على اللحوم والارز والاقلال من الخضروات والفاكهة يحدث نقص فى الفيتامينات فيحدث النزف تباعا

الوقاية

استخدام جهاز بخار مرطب للجو فى غرفة الانسة مريومه

الاكثار من اكل الخضار والفاكهة طبعا لمدام ريمو اذاكانت مريوم لسة بترضع

لا مانع من استخدام فيتامينات بسيطة وامنة ومناسبة لتلك الفترة العمرية مثلا (seven seas syrup - multi sanistol syrup ) طبعا للانسة مريوم الجرعة على حسب الوزن

لا ما نع من استخدام نصيحة ام بودى باستخدام الفازلين او ببانتين كريم لكن بشرط انك تستخدمة بأعواد الاذان ويكون كمية قليلة جدا جدا عشان مريوم هانم تعرف تتنفس بحرية

الله يسلمك يا دكتور

فعلا هي دي الاسباب بالظبط لاننا لما بننزل اسكندرية ما بتنزفش

اما بالنسبة لموضوع الوقاية دا

ايه جهاز البخار دا و هل في نوع معين و بيتباع فين؟

و يا ترى لو ركبت مكيف صحراوي يؤدي نفس الغرض و لا زيه زي االمكيفات العادية

اصل انا كنت بافكر اركب مكيف صحراوي عشان الموضوع دا باحس انه بيجيب هوا زي الطبيعي كاننا فاتحين شباك كده في اسكندرية هوا طبيعي بتاع ربنا دا اللي احنا محرومين منه هنا

و عموما مريم عندها 3 سنين و 8 شهور ايه الفيتامينات اللي ممكن اجيبهالها لان هي اكلها ضعيف فعلا

و شكرا مرة تانية ليك يا دكتور

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ: (معدل)
الف سلامة على مريومة

نزيف الانف شائع جدا جدا فى الرياض وده راجع لثلاث اسباب

1- الجفاف الشديد لجو الرياض ,عدم وجودرطوبة بتجفف السائل المخاطى المبطن للانف فتتعرض الشعيرات الدموية المطنة للانف للجفاف ويبدأ النزف

2- وجود الاتربة الدائمة فى جو الرياض والتى بدورها بتستحس الانف وتسبب هياج فى الاغشية المبطنة للجدار الانفى ويحدث النزف

3- طبيعة الغذاء السائد لأهل الرياض من اعتماد على اللحوم والارز والاقلال من الخضروات والفاكهة يحدث نقص فى الفيتامينات فيحدث النزف تباعا

الوقاية

استخدام جهاز بخار مرطب للجو فى غرفة الانسة مريومه

الاكثار من اكل الخضار والفاكهة طبعا لمدام ريمو اذاكانت مريوم لسة بترضع

لا مانع من استخدام فيتامينات بسيطة وامنة ومناسبة لتلك الفترة العمرية مثلا (seven seas syrup - multi sanistol syrup ) طبعا للانسة مريوم الجرعة على حسب الوزن

لا ما نع من استخدام نصيحة ام بودى باستخدام الفازلين او ببانتين كريم لكن بشرط انك تستخدمة بأعواد الاذان ويكون كمية قليلة جدا جدا عشان مريوم هانم تعرف تتنفس بحرية

الله يسلمك يا دكتور

فعلا هي دي الاسباب بالظبط لاننا لما بننزل اسكندرية ما بتنزفش

اما بالنسبة لموضوع الوقاية دا

ايه جهاز البخار دا و هل في نوع معين و بيتباع فين؟

و يا ترى لو ركبت مكيف صحراوي يؤدي نفس الغرض و لا زيه زي االمكيفات العادية

اصل انا كنت بافكر اركب مكيف صحراوي عشان الموضوع دا باحس انه بيجيب هوا زي الطبيعي كاننا فاتحين شباك كده في اسكندرية هوا طبيعي بتاع ربنا دا اللي احنا محرومين منه هنا

و عموما مريم عندها 3 سنين و 8 شهور ايه الفيتامينات اللي ممكن اجيبهالها لان هي اكلها ضعيف فعلا

و شكرا مرة تانية ليك يا دكتور

جهاز البخار ( humiditfier)هو عبارة عن جهاز صغير من البلاستك المقوى او الفايبر جلاس او البولى ايثلين حجمة اد الميكرويف او اصغر بيوضع فيه الماء وبيشغل بيحول الماء الى بخار بالتسخين وبيتصاعد البخار ليملىء الغرفة طبعا بيوضع فى مكان مرتفع بعيد عن مريوم وشقاوتها بيرطب الجوى وبيقضى على الجفاف

موجود فى كل الصيدليات ماركات مختلفة براون وشيكو وماركات كتير هتجدية ايضا عندنا فى الرياض فى شارع الضباب فى محلات بيع الادوات الطبية المنتشرة فى الشارع وهيكون بسعر ارخص بكثير عن الصيدليات ونزل منه حديثا جهاز بيطلع البخار بارد او بالاصح غير ساخن

سعرة بيتراوح من 150 الى 250 ريال

المكيف الفريون طبيعة عملة انه بيسحب ويكثف الرطوبة من الجو فبتكون المحصلة برد +جفاف

المكيف الصحراوى بيوضع فيه بالاساس ماء فابالتالى هيزيد الرطوبة لكن تأثيرة ضعيف سواء اكان برودة او رطوبة

تم تعديل بواسطة Alrefaey

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
Alrefaey عضو جديد

Alrefaey

بتاريخ:
بتاريخ:

بعض الفيتامينات للأميرة مريومة

-

- seven seas syrup cod liver oil

- seven seas orange syrup

multi sanistol syrup

minadax syrup

دول اربع انواع اختارى اى واحد فيهم خذى الثالث انا بفضلة اعطى مريومة 5 مل او معلقة شاى صغيرة يوميا مع الفطور

لا تخافى دى ادوية آمنة ,لاوصفية

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك
pink rose عضو جديد

pink rose

بتاريخ:
  • كاتب الموضوع
بتاريخ:

جزاك الله خير يا دكتور

انا بجد مش عارفه اشكر حضرتك ازاي

كلكم يا جماعة بجد ربنا يخليكم و يديم المعروف و المحبة اللي بينا :roseop: :roseop:

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...