الله يجزاكم الجنة.........ساعدوني ضروري جدا

[pink rose]

الله يجزاكم الجنة يا جماعة

حد هنا في الرياض يعرف دكتور انف و اذن كويس

مريم بنتي بتنزف من مناخيرها من و هي صغيرة و روحت بيها لدكتور قبل كده في مستشفى الرعاية قالنا من جفاف جو الرياض و انتوا عارفين طبعا الرياض عامله ازي و التراب اللي يعمي دا

و عملنالها تحاليل كتير عشان السيولة و حاجات كتير كده و قالنا كله كويس و الموضوع مش مستاهل يتعملها كي

لكن بصراحة الموضوع زاد عن الحد المعقول بقى

النهاردة قعدت تنزف نزيف متواصل لمدة نص ساعة لما انا قلبي وجعني من المنظر و الدم بينقط منها كاننا فاتحين حنفية

فا الله يخليكم اللي يعرف دكتور كويس في اي مستشفى في الرياض يقولي عليه

تم تعديل 2 يوليو 2009 بواسطة remo

[مدى]

الف سلامة عليها يارب...تطمني عليها..

هحاول اسألك وان شاء الله لحد مااوصل لاجابة ممكن توديها اي مستوصف خاص يكون فيه استشاري..

ويارب تطمني عليها..

[عبير يونس]

ألف سلامة شفاها الله و عافاها

ان شاء الله تلاقي الدكتور المناسب

ربنا يطمنا عنك

[MZohairy]

اي استشاري انف و اذن و حنجره في مستشفى الحمادي او السعودي الألماني اعتقد حيكون مناسب جدا

الموضوع مش كبير

ربنا يطمنك عليها

[عنبو]

الف الف على سلامه على مريم "" مريومه "" وربنا يارب يشفيها

[زهره]

الف سلامه لمريم ربنا يشفيها

[ام بودى]

الف سلامة والف لا بأس على مريومة انا مش عاوزاكى تقلقى ان شاء اللة خير النزيف من الانف شائع جدا وبالذات عند الاطفال الصغيرين وميخوفش باذن اللة لان الشعيرات الدموية الموجودة فى بطانة الانف دقيفة جدا ورقيقة جدا وتتأثر من اقل شئ يتعرض لة الانسان فما بالك بالاطفال اللى هما اصلا مبيستحملوش مثلا نوبات الزكام والبرد المتكررة او حساسية الانف كمان درجات الحرارة العالية زى عندكو فى الرياض وجفاف الجو او جفاف بطانة الانف نفسها وكمان فية اطفال وهى بتلعب بتحط حاجات فى انفها لو حصلت مع مريم قبل كدة ممكن يكون دة سبب او بتتخبط فى انفها اثناء اللعب كتير وطبعا فية اسباب تانية كتير بس بتكون غالبا فى الكبار مش الاطفال طيب نعمل اية تعاملى مع الموضوع بهدوء لانك لو توترتى البنت حتخاف وتنزعج اكتر والنزيف يزيد واعنقد دة اللى حصل معاكى امبارح وخلى النزيف قعد شوية من الخطأ الشائع لما حد بينزف يرجع بدماغة لورا ودة غلط لان الدم بينزل فى البلعوم ويتبلع الصح انك تميلى راسها لقدام شوية وتضغطى برفق مش جامد على الانف وتعملي لها كمادات باردة واما يوقف النزيف خليها ترتاح لان الحركة مباشرة وبالذات العنيفة كالانطلاق فى اللعب مباشرة يخلى النزيف يرجع تانى و لما تنضفى انفها نضفى برفق واغمسى عود من عيدان القطن بفازلين ورطبى انفها باستمرار بالفازلين وشوية شوية حتروح منها الحكاية دى مرة تانية الف سلامة لمريومة و بوسة كبيرة من تانت ام بودى

[doudy]

صباح الفل يا ريمو

الف سلامة على مريم حبيبتى

و ربنا يطمنك عليها باذن الله

[aimen]

الف مليون سلامة لمنو " مريم" "

لا بأس طهور ان شاء الله

[mama nona]

الف سلامة لمريم

وان شاء الله الموضوع بسيط ومتقلقيش نفسك

روحى مركز مغربى ال فمستشفى المواساة ال ع مخرج 14

هتلاقى استشارى اسمه حسن عبد الهادى

الاستشارى ده كويس بس يا ريت تلاقيه وميكنش فأجازة

والف سلامة لمريومة

[pink rose]

الف سلامة عليها يارب...تطمني عليها..

هحاول اسألك وان شاء الله لحد مااوصل لاجابة ممكن توديها اي مستوصف خاص يكون فيه استشاري..

ويارب تطمني عليها..

ربنا يخليكي يا مدى تسلمي يا رب

بس انا مش عاوزة موضوع المستوصفات دا خالص

لاني بصراحة باحس انهم مش اد كده جربتهم قبل كده و ما ارتاحتش لهم

مع احترامي لاي حد هنا بس اللي تعاملت معاهم في المستوصفات عك في عك

عشان كده عاوزة مستشفى يكون فيها استشاري مصري

و شكرا ليكي مرة تانية

[pink rose]

ألف سلامة شفاها الله و عافاها

ان شاء الله تلاقي الدكتور المناسب

ربنا يطمنا عنك

الله يسلمك يا مصرية متغربة

يا رب الاقي دكتور كويس يا رب

لحسن بجد الموضوع دا تاعبني نفسيا جامد

الف الف على سلامه على مريم "" مريومه "" وربنا يارب يشفيها

الله يسلمك يا محمد تسلم يا رب

الف سلامه لمريم ربنا يشفيها

الله يسلمك يا زهرة ربنا يخليكي

صباح الفل يا ريمو

الف سلامة على مريم حبيبتى

و ربنا يطمنك عليها باذن الله

صباح الورد يا دودي

الله يسلمك يا حبيبتي

الف مليون سلامة لمنو " مريم" "

لا بأس طهور ان شاء الله

الله يسلمك يا استاذ امين

ربنا يخليك

[pink rose]

اي استشاري انف و اذن و حنجره في مستشفى الحمادي او السعودي الألماني اعتقد حيكون مناسب جدا

الموضوع مش كبير

ربنا يطمنك عليها

ميرسي مسيو زهيري

هاشوف موضوع السعودي الالماني دا

بس انا كنت باسالكم يمكن حد يكون اتعامل مع دكتور معين و جربه يعني يكون ثقة

انا عارفه و الله ان الموضوع بسيط و بيحصل بقاله سنتين اهو و باتعامل معاه

لكن امبارح كان زايد لدرجة مرعبة

ربنا يستر ان شاء الله

الف سلامة والف لا بأس على مريومة انا مش عاوزاكى تقلقى ان شاء اللة خير النزيف من الانف شائع جدا وبالذات عند الاطفال الصغيرين وميخوفش باذن اللة لان الشعيرات الدموية الموجودة فى بطانة الانف دقيفة جدا ورقيقة جدا وتتأثر من اقل شئ يتعرض لة الانسان فما بالك بالاطفال اللى هما اصلا مبيستحملوش مثلا نوبات الزكام والبرد المتكررة او حساسية الانف كمان درجات الحرارة العالية زى عندكو فى الرياض وجفاف الجو او جفاف بطانة الانف نفسها وكمان فية اطفال وهى بتلعب بتحط حاجات فى انفها لو حصلت مع مريم قبل كدة ممكن يكون دة سبب او بتتخبط فى انفها اثناء اللعب كتير وطبعا فية اسباب تانية كتير بس بتكون غالبا فى الكبار مش الاطفال طيب نعمل اية تعاملى مع الموضوع بهدوء لانك لو توترتى البنت حتخاف وتنزعج اكتر والنزيف يزيد واعنقد دة اللى حصل معاكى امبارح وخلى النزيف قعد شوية من الخطأ الشائع لما حد بينزف يرجع بدماغة لورا ودة غلط لان الدم بينزل فى البلعوم ويتبلع الصح انك تميلى راسها لقدام شوية وتضغطى برفق مش جامد على الانف وتعملي لها كمادات باردة واما يوقف النزيف خليها ترتاح لان الحركة مباشرة وبالذات العنيفة كالانطلاق فى اللعب مباشرة يخلى النزيف يرجع تانى و لما تنضفى انفها نضفى برفق واغمسى عود من عيدان القطن بفازلين ورطبى انفها باستمرار بالفازلين وشوية شوية حتروح منها الحكاية دى مرة تانية الف سلامة لمريومة و بوسة كبيرة من تانت ام بودى

الله يسلمك يا دكتورة ربنا يخليكي

ايوة هي فعلا الشعيرات الدموية رقيقة ومع جو الريض اللي زي الفل بتنفجر

لا هي ما بتحطش حاجه في انفها و لا حاجه بس طول اليوم تنطيط و رزع في نفسها

انا و الله دايما باكون هادية و باتبع التعليمات اللي قولتي عليها دي لان الدكتور قالهالي قبل كده راسها تكون معتدلة و اضغط على الانف بالراحة لحد ما يوقف و اخليها تقعد شوية تستريح بالعافية طبعا

لكن امبارح بصراحة انا كنت مش متوترة بس انا كنت شبة منهارة لان الموضوع حصل بالليل متأخر و طول اوي اوي فعلا و كمان كان في دم كتير و كتل عجيبة كده كانت بتنزل

و اللي كان مخوفني اكتر اني كنت لوحدي لان جوزي مسافر و كان كل تفكيري لو ما وقفش النزيف اتصرف ازاي

لدرجة اني اتصلت بعمها صحيته و خليته جه و الحمدلله انه جه لان انا مش كنتش هاقدر استحمل المنظر دا لوحدي

و اخدناها و نزلنا بس كان الوقت متأخر ما فيش غير طبيب عام في كل مكان و ما حدش افادنا خالص

ماشي اجرب موضوع الفازلين دا حاضر و ربنا يستر بقى

بس ليا سؤال الدم الكتير اللي بينزل دا اعوضهولها ازاي؟

يعني دا ممكن يأثر على نسبة الهيموجلوبين يعني ممكن يعملها انيميا؟

و هل في اكل معين يتاكل يعوض و يعمل على تقليل سرعة النزف و السيولة

ربنا يخليكي و البوسة وصلت يا تانت

[pink rose]

الف سلامة لمريم

وان شاء الله الموضوع بسيط ومتقلقيش نفسك

روحى مركز مغربى ال فمستشفى المواساة ال ع مخرج 14

هتلاقى استشارى اسمه حسن عبد الهادى

الاستشارى ده كويس بس يا ريت تلاقيه وميكنش فأجازة

والف سلامة لمريومة

الله يسلمك يا ماما نونا

جنب مني المستشفى دي فعلا

حضرتك جربتيه الدكتور دا و لا عن سمع بس انه كويس؟

[mama nona]

جربته وراجل ممتاز ومحترم وروحى وابقى قولى لى رأيك

[pink rose]

جربته وراجل ممتاز ومحترم وروحى وابقى قولى لى رأيك

اوك ان شاء الله هاروحله

ربنا يكرمك يا رب

اقبلي دي منى

[ام بودى]

بس ليا سؤال الدم الكتير اللي بينزل دا اعوضهولها ازاي؟

يعني دا ممكن يأثر على نسبة الهيموجلوبين يعني ممكن يعملها انيميا؟

و هل في اكل معين يتاكل يعوض و يعمل على تقليل سرعة النزف و السيولة

طبعا طبعا انا نسيت اقولك على الحكاية دى لازم تعوضيلها الدم دة بالاكل ثم الاكل وابعدى عن الادوية الا اذا البنت لا قدر اللة وشها مقطوف ولا همدانة ولا شفايفها paleشوية بعد الشر تروحى تعملى تحليل صورة دم كاملة ولو الهيموجلوبين قليل تحتاج علاج بس عموما غذيها كويس وكترى من الخضار والفاكهة زى البلح والتين والخوخ والزبيب والعسل الأسود كمان الكبدة واللحوم الحمرا والبيض والسمك ومهم جدا عصير البرتقال لامتصاص الحديد وكمان الطماطم واؤيدك فى رؤية طبيب متخصص من اهل الثقة مادام النزيف كان كتير امبارح حتى تطمئنى وان شاء اللة كلة يبقى تمام

[SAW]

ألف سلامة لست العرايس يا remo و عموما ممكن يكون السبب إرتفاع في درجة حرارة الجو و يعمل حساسية فيحصل "الرعاف" اللي هو نزيف الأنف - إنشاء الله بسيطة و ربنا يطمنك عليها بأسرع وقت.

[محمد عيسى]

لا بأس طهور ان شاء الله خليها تتجنب السهر (ضروري جدا) و عدم التعرض للشمس و احرصي على التغذيه الجيده و عدم بذل مجهود بدني عنيف، و لو حصل النزيف جامد دوبي ملح في كباية ميه و بلي بيه قطن و حطي القطن المبلل بالميه بملح في الانف مع اتباع نفس الخطوات المعتاده

ان شاء الله الموضوع يتعالج بس ممكن ياخد وقت شويه، و ممكن تكون طبيعة أجسام يعني الشعيرات الدمويه في الانف رقيقه زياده و لما تكبر في السن يقل الموضوع ده لوحده الى ان يختفي باذن الله

لما كنت صغير كنت كده و بابا داخ بيا على الدكاتره و اتهريت علاج و كي بالكهربا و فتاوي اد كده و في الآخر اتحلت لوحدها لما بقيت في ثانوي

و لا تنسي الدعاء فالله هو الشافي

[Alrefaey]

الف سلامة على مريومة

نزيف الانف شائع جدا جدا فى الرياض وده راجع لثلاث اسباب

1- الجفاف الشديد لجو الرياض ,عدم وجودرطوبة بتجفف السائل المخاطى المبطن للانف فتتعرض الشعيرات الدموية المطنة للانف للجفاف ويبدأ النزف

2- وجود الاتربة الدائمة فى جو الرياض والتى بدورها بتستحس الانف وتسبب هياج فى الاغشية المبطنة للجدار الانفى ويحدث النزف

3- طبيعة الغذاء السائد لأهل الرياض من اعتماد على اللحوم والارز والاقلال من الخضروات والفاكهة يحدث نقص فى الفيتامينات فيحدث النزف تباعا

الوقاية

استخدام جهاز بخار مرطب للجو فى غرفة الانسة مريومه

الاكثار من اكل الخضار والفاكهة طبعا لمدام ريمو اذاكانت مريوم لسة بترضع

لا مانع من استخدام فيتامينات بسيطة وامنة ومناسبة لتلك الفترة العمرية مثلا (seven seas syrup - multi sanistol syrup ) طبعا للانسة مريوم الجرعة على حسب الوزن

لا ما نع من استخدام نصيحة ام بودى باستخدام الفازلين او ببانتين كريم لكن بشرط انك تستخدمة بأعواد الاذان ويكون كمية قليلة جدا جدا عشان مريوم هانم تعرف تتنفس بحرية