الزواج والفروق الاجتماعيه

[عنبو]

ياترى ياهل ترى لو انت ولد ممكن تتزوج واحده اعلى منك اجتماعيا او ماديا او علميا ؟؟؟ او العكس يعنى تكون اقل منك ؟؟

طيب ياترى لو انتى بنت ممكن تتزوجى واحد اعلى منك اجتماعيا او ماديا او علميا ؟؟ او العكس يعنى يكون اقل منك ؟؟

طيب لو فعلا حصل واتجوزتوا ياترى ايه شكل الحياه وياترى اتغلبتوا على المشاكل اللى ممكن تقابلوها ازاى ؟؟؟

طيب لو حصل وهو اقلك كلمه او انتى اقولته كلمه ياترى بيبقى فيه حساسيه ؟؟؟

طيب ممكن تقبل ان زوجتك تساعدك فى حياتك يعنى مثلا تكون هى صاحبة الشركه او المصنع وانت شغال عندها ولا ؟؟؟

تم تعديل 17 يونيو 2009 بواسطة محمد العنبى

[الباشمهندس ياسر]

ايه يا معلمى

هى بنت صاحب الشركة حاطة عنيها عليك يا كبييييييييييير؟؟

قول متخفش

سرك ف بيييييييييييييير

[مدى]

استاذ محمد بصراحة موضوع في غاية الأهمية..

يمكن الواحد ممكن في لحظة روقان يقلك وماله اخده فقير اخده غني..متعلم مش متعلم ..مش هتفرق..لكن هتفرق كثيير والله..

بتفرق لما يبقى فيه مسؤليات تااني..

بصراحة هي بتزيد من حجم مساحة المشاكل..

الفروق المادية والإجتماعية والعلمية بجد بجد مهمة جدا يكون في توافق..لأن مع الوقت هتتضخم الفروق دي..وهيبقى في نوع من الحساسية مهما بان العكس..

هحكي لحضرتك موقف يمكن يكون تافه..وكده..بس بجد خلاني اغير نظرتي للحياة..لأني من الأول كنت من المتشدقين بعبارة وماله..

عادي يعني لما يكون في فرق..

كنت في فترة مخطوبة لشخص..يعني ماحطيتش في اعتباري اووي ناحية المادة..كان مستواه عادي..بس مش في نفس المستوى اللي الواحد اتربى فيه

المهم بقله في مرة جبلي بيبسي معاك..

جه وجايب البيبيس اللي هو لتر ده من اللي بيتغير..

الموضوع عادي جدا..ووممكن انا بنفسي انزل اشتري واحدة منه لكن مع ضغوط تانية انا اول ماشفت القزازة قلتله ليه جايب قزازة كبيرة انا بس اللي هشرب..

قلي لا عادي منا هشرب معاكي..قلتله بس انا مابشرب البيبسي اللي بيتعبى ده..انا بشرب كنز..

بجد كان الموضوع عندي مسألة قرف مش أكثر..

لأن وقتها كان موضوع الأجسام الغريبة اللي الواحد بيلاقيها منتشر شوية..

هو طبعا زعل..وخد الكلام على محمل اني بتمنظر عليه.زوانا حز في نفسي انه يشتريلي حاجة كبيرة عشان رخصية ومايتشرليش اللي انا عاوزاه..

يعني عارفة ان موقف تافه..بس يعني الموقف التافه ده اتصعد لمواقف كثير وكان كلها بسبب فرق المستوى..

لكن طبعا في حالة واحدة الواحد ممكن يتغاضى..

انه يبقى في حب قووي..واختيار بالقلب سبق العقل..

وقتها الحب بيتغلب على حجات كثير..

[doha]

قبل ماارد على سؤالك لازم الفت النظر الى اهمية التفرقة بين الفروق ( الاجتماعية ) والفروق ( المادية ) ..

المستوى المادي هو قدرات الشخص الماديه او مايستطيع ان يشتريه ومالايستطيع مايمتلكه من اموال سائلة او يمكن تحويلها لسائلة ومالايمتلكه وماهو متاح له وتحت تصرفه من مصادر لهذه الاموال ومدى الاستمرارية في توافر هذه الاموال او تدفقها ..

اما المستوى الاجتماعي فهو مكانة هذا الشخص ( و اسرته ) بين افراد المجتمع , التعليم الذي وصل له ومستوى تعليم اسرته ايضا .. الاصول او الجذور والانتماء فالشخص في مجتمع ريفي يختلف تماما عن غيره في مجتمع صناعي وبالتاكيد يختلفون هم الاثنان جملة وتفصيلا عن الافراد في الطبقة المخملية من المجتمع او حتى عن الافراد في هوامش المجتمع و طبقاته الدنيا ..

لدينا ايضا الخلفية الثقافيه وبيئة النشأة وهي احد اركان المستوى الاجتماعي التي يجب ان لانغفلها عند الاختيار

قد يكون للمستوى المادي دور في تحديد ( جزء ) من المكانه الاجتماعيه للشخص لكن تبقى لبقية العناصر سابقة الذكر اهمية اكبر في ابراز هذه المكانه وتشكيل حدودها ..

لطالما كان لي رايي في هذا الموضوع لم يتغير حتى الآن .. ارى بان الفروق الاجتماعيه امر في غايه الاهمية ويجب ان نوليه كل عنايه عند الاختيار بعكس الفروق الماديه التي يمكن التغاضي عنها ( احيانا ) وضمن حدود ..

التكافوء الاجتماعي في رايي احد اهم مايدعم الزواج الناجح بل اني اعول عليه في انجاح او افشال اي زيجه بنسبة قد تتعدى الخمسين في المائة .. ولا انصح ابدا شخص من طبقة ما ان يسعى للاقتران باخرى من طبقة اعلى او حتى اقل الا في حاله وجود اسباب قاهرة مع وضعه في الحسبان ماسيتحملانه من تبعات لهذا الاختيار غير المتكافيء ..

ويمكن تجربة الاخت " مدى " تكون مثال واضح على مااتكلم عنه ..

يعني على بساطة الموقف الا انه معبر جدا عن التصرفات العفويه الناتجه عن ( البيئة ) والثقافه الشخصية ومااعتاد عليه كل واحد منهم .. لو كان خطيبها من نفس مستواها الاجتماعي ( ولا اقول المادي ) لتصرف وفقا لما تريده من البدايه او ( لتفهم ) سبب استنكارها لو كان العائق عن شراء ماتريد هو الماده .. ولكن لان مامنعه من احضار ماارادت من البدايه هو ( قناعته المسبقة ) وخبراته الحياتيه المتراكمه من نشاته في مستواه الاجتماعي المختلف وليس عدم وجود ( ماده ) تكفي لشراء ماارادت من البدايه والدليل انه استنكر رفضها ولم يتفهمه ببساطة لانه لايرى فيما احضر عيب بل انه ربما كان يعتبره ( انجاز ) يجب ان يتلقى عنه الاشادة فضلا عن الشكر ..

اذا فما حدث هنا كان بسبب الاختلاف في المستوى الاجتماعي سواء كان هذا الاختلاف لفارق المستوى المادي او لاي سبب آخر فلايهم المهم انه مختلف وحسب .. وهذا هو جوهر القضية .. لا للفروق الاجتماعيه نعم ـ وبشروط ـ للفروق الماديه ..

بس انا بكتب عربي ليه؟ معرفش جات معايا كده معليش ..

الخلاصة .. متتجوزش بنت صاحب المصنع وشيل عينك من على بنت البواب

[عنبو]

ايه يا معلمى

هى بنت صاحب الشركة حاطة عنيها عليك يا كبييييييييييير؟؟

قول متخفش

سرك ف بيييييييييييييير

ليه كده ياهندسه !!!

طيب وينفع انا اساسا مش بشوف صاحب الشركه لما اشوف بنته ؟؟؟ ""طيب خليها بنت المدير مهو برضه حاجه تمام "" وبعدين ياهندسه دول اكتر من 500 شركه تبع المجموعه يعنى لو حصل الكلام اللى انت بتقول عليه هشترى محاورات لنفسى وتبقى لعبت يامعلم

استاذ محمد بصراحة موضوع في غاية الأهمية..

يمكن الواحد ممكن في لحظة روقان يقلك وماله اخده فقير اخده غني..متعلم مش متعلم ..مش هتفرق..لكن هتفرق كثيير والله..

بتفرق لما يبقى فيه مسؤليات تااني..

بصراحة هي بتزيد من حجم مساحة المشاكل..

الفروق المادية والإجتماعية والعلمية بجد بجد مهمة جدا يكون في توافق..لأن مع الوقت هتتضخم الفروق دي..وهيبقى في نوع من الحساسية مهما بان العكس..

هحكي لحضرتك موقف يمكن يكون تافه..وكده..بس بجد خلاني اغير نظرتي للحياة..لأني من الأول كنت من المتشدقين بعبارة وماله..

عادي يعني لما يكون في فرق..

كنت في فترة مخطوبة لشخص..يعني ماحطيتش في اعتباري اووي ناحية المادة..كان مستواه عادي..بس مش في نفس المستوى اللي الواحد اتربى فيه

المهم بقله في مرة جبلي بيبسي معاك..

جه وجايب البيبيس اللي هو لتر ده من اللي بيتغير..

الموضوع عادي جدا..ووممكن انا بنفسي انزل اشتري واحدة منه لكن مع ضغوط تانية انا اول ماشفت القزازة قلتله ليه جايب قزازة كبيرة انا بس اللي هشرب..

قلي لا عادي منا هشرب معاكي..قلتله بس انا مابشرب البيبسي اللي بيتعبى ده..انا بشرب كنز..

بجد كان الموضوع عندي مسألة قرف مش أكثر..

لأن وقتها كان موضوع الأجسام الغريبة اللي الواحد بيلاقيها منتشر شوية..

هو طبعا زعل..وخد الكلام على محمل اني بتمنظر عليه.زوانا حز في نفسي انه يشتريلي حاجة كبيرة عشان رخصية ومايتشرليش اللي انا عاوزاه..

يعني عارفة ان موقف تافه..بس يعني الموقف التافه ده اتصعد لمواقف كثير وكان كلها بسبب فرق المستوى..

لكن طبعا في حالة واحدة الواحد ممكن يتغاضى..

انه يبقى في حب قووي..واختيار بالقلب سبق العقل..

وقتها الحب بيتغلب على حجات كثير..

انا مع حضرتك فى كل اللى اقولتيه لكن الحته الاخيره دى انا مش معاكى وخصوصا اختيار بالقلب سبق العقل يبقى هينطبق عليه المثل اللى بيقول مراية الحب عميه وطبعا مش هتقدرى تشوفى العيوب اللى فى التانى ومش هتظهر العيوب دى الا بعد الجواز

لكن اهم حاجه علشان مسالة الفروق دى ... هى الثقه بالنفس ودى لو تحققت مش هيبقى فيه ان شاء الله اى مشكله من دول

يعنى من الاخر لازم يكون الطرفيين عند كل منهم ما يتميز بيه عن الاخر يعنى "" مثلا انا بلعب فيفا 2008 تمام "" بس طبعا فى العربيات اى كلام يعنى لو حد لاعبنى فيفا 2008 هغلبه لكن طبعا لو عربيات هيغلبنى يبقى واحد واحد ""

طبعا اللى انا اقصده من المثل الاخير ده انا كل واحد فيهم يكون عنده حاجه هو مميز فيها علشان ميحسش بالنقص ويكون طبعا عارف ان مافيش حد ناجح فى كل حاجه

[عنبو]

الخلاصة .. متتجوزش بنت صاحب المصنع وشيل عينك من على بنت البواب

الله يسامحك يابشمهندس ياسر

اما بالنسبه لكلام حضرتك فانا معاكى ميه بالمئه ممكن نتغضى عن الفروض الماديه بس بشروط يعنى يكون فيه فرق حوالى 10 % فقط اما الفروق العلميه والاجتماعيه فلا والف لا

[مغتربة]

الزواج ليس ارتباط بين انين فقط

الزواج مؤسسه متكامله يتداخل فيها حتى الاقرباء من الطرفين

مينفعش ان خال الاولاد مثلا يكون مسجل خطر و اعمامه اساتذه جامعه

الفروق المادية يمكن التغاضى عنها

لكن الذى لا يمكن بجد التغاضى عنه هى الفروق الاجتماعيه و الاخلاقيه

و خصوصا اذا كانت كبيره

و الاهم بكل تاكيد هى الاخلاقيه

و لكن هذا ليس معناه ايضا انه لا ينجح فى كل الاحوال

لا انه يمكن له ان ينجح و هناك نماذج كثيره لذلك

و لكن هذا يرجع اى مدى وعى و ثقافه الاطراف المشاركه فى الزواج

و مدى قدرتها على المرور بل و التكيف فى بعض الاحيان مع الصعاب التى ستواجههم

ويعنى يعتمد بشكل اكبر على شخصيه الزوجين و مدى وجود روابط اخرى تدعم هذا الزواج و تساعده على تجاوز هذه الاختلافات

[dawn walker]

انا مقتنع ان الرجل لازم يكون

superior

لزوجته اجتماعيا وماديا وثقافيا

ولا يكون الفارق كبير ايضا

تم تعديل 17 يونيو 2009 بواسطة dawn walker

[elfakhrany]

الموضوع نسبة وتناسب كلما زادت الفجوة بين المستوى الاجتماعى والثقافى والمادى كلما كانت احتمالات الفشل أكثر و بالتأكيد طبعا لكل قاعدة شواذ

ياعنبى ابعد عن بنت المدير لاحسن يبقى مصيرك الخروج النهائى

[عنبو]

الموضوع نسبة وتناسب كلما زادت الفجوة بين المستوى الاجتماعى والثقافى والمادى كلما كانت احتمالات الفشل أكثر و بالتأكيد طبعا لكل قاعدة شواذ

ياعنبى ابعد عن بنت المدير لاحسن يبقى مصيرك الخروج النهائى

يعنى انت شايف كده ؟؟

اهو على رايك برضه وبعدين المديرين اللى عندنا مش مصريين وبنات بلدى اولى بى "" طالما فيها خروج نهائى "" هههههههههههههههههه

ياعم الفخرانى اساسا مافيش حاجه من دى المديرين بتوعنا لسه فرافير يعنى بتوع 40 الى 45 سنه يعنى معندهمش حد ينفع للزواج

[عنبو]

انا مقتنع ان الرجل لازم يكون

superior

لزوجته اجتماعيا وماديا وثقافيا

ولا يكون الفارق كبير ايضا

[/quote

يعنى انت بتؤمن بزواج الطبقات ؟؟؟؟

[ابو حودة]

بيقولوا لك يا محمد ابعد عن بنت المدير

انا واحد صاحبي زميله في الشغل خطب بنت المديرة مش المدير اه ياعيني بقى لما تبقى حماتك مديرتك

المهم بعد فترة اختلفوا والخطوبة اتفسخت وعينك ما تشوف الا النور

فترة محترمة على ما الامور رجعت لطبيعتها بعد تدخل العديد من الزملاء ( ان عادت كما كانت )

[metwallly]

أيه المواضيع الجامدة دى ياريس

عمتا لو مش عاوز تجوز بنت المدير أنا سداد بس أرسل التفاصييل على الخاص

ندخل فى الموضوع بصراحة أنا عندى مشكلة أكبر من الفروق المادية والإجتماعية والمشكلة

دى هى طريقة تفكير البنات نفسهم وإختلاف طريقة التفكير عننا يعنى ممكن تكون متربى معاها

وبرده ما تعرفش ترضيها إزاى والدليل على ذلك مثال الآخت اللى أتكلمت فيه على البيبسى

يعنى ممكن حاجة من وجهة نظرنا كرجال نعتبرها حاجة تافهة وحابيبنا الحلوين يعملوا منها قبة

وده ممكن راجع لطبيعتهم العاطفية زيادة عن اللازم ولا أيه بالظبط ياريت حد من الناس الخبرة يشرح لنا

أزاى نرضيهم!!!!!!!!!!!!

[ahmedkamal]

ليه بنربط دايما الفروق بالماديات يا جماعه اهم شيئ يكون اتنين قريبين من بعض ف تقييمهم للامور وطبيعة معيشتهم اتنين اغنياء ونفس مستوى التعليم لكن تقييمهم للامور مختلف وده مهم جدا انا بقيم شيئ وانت بتقيم شيئ وهنا الاخلاف

خدتيه غني وافتقر او العكس فرقت ايه المهم نشاته تكون قريبه من نشاتك واسلوب معيشة اهلك يكون نفس اسلوب المعيشة يعني يكونوا قريبين من بعض ده الاساس

[icehearted girl]

لو فرق مادي مافيش مشكلة

انما لو اجتماعي مستحيل

وشتان بين االاتنين

[الباشمهندس ياسر]

انا مقتنع ان الرجل لازم يكون

superior

لزوجته اجتماعيا وماديا وثقافيا

ولا يكون الفارق كبير ايضا

يعنى انت بتؤمن بزواج الطبقات ؟؟؟؟

انا موافق ع الكلام ده و ده من ولقع تجارب ملهاش نهاية

بس احنا لازم نتفق الاول ع معنى كلمة طبقات..

والدليل على ذلك مثال الآخت اللى أتكلمت فيه على البيبسى

يعنى ممكن حاجة من وجهة نظرنا كرجال نعتبرها حاجة تافهة وحابيبنا الحلوين يعملوا منها قبة

وده ممكن راجع لطبيعتهم العاطفية زيادة عن اللازم ولا أيه بالظبط ياريت حد من الناس الخبرة يشرح لنا

أزاى نرضيهم!!!!!!!!!!!!

ع فكرة

عجبنى جد المثال بتاع الاخت مدى

لانها عرفت تفكر فيما وراء الفعل... ودى مرحلة بعيدة مش بيعرف يوصلها كل الشباب .. بكل اسف

و لانها شافت و يمكن ف صورة فيلم سينمائى ايه اللى هيحصل ف حياتهم بعدين

مسألة انك ازاى تراضى البنات...فده موضوع تانى خاااااااااالص

و ملوش علاقة باللى احنا بنتكلم فيه هنا

ممكن تبقى تفتح موضوع عن ده

و كلنا هندلى بدلونا فيه

[Alrefaey]

اعتقد ان التوافق الاجتماعى مهم جدا بين الزوجين بينما ليس شرط وجود توافق مادى

وهناك تباين بين الشعوب فى هذا المبداء

فالشعب الخليجى مثلا مغرم بالتوافق الاجتماعى من حيث اصول الشخص وقبيلته وكنيته يأتى التوافق المادى لاحقا

نحن كمصريين نهتم اكثر بالنواحى المادية اكثر من الاجتماعيه نهتم بتوافر الشقه والعربيه والانبهار بالمستوى المادى على حساب الاجتماع والدراما المصريه خير دليل

الشعوب الاجنبية لها مقايس اخرى غيرنا كعرب

[ذهبية]

اعتقد ان المستوى الاجتماعى و المادى لابد ان يتوافق فية الزوجين بشدة و مش بس الزوجين العائلتين

لان الزواج مش ارتباط رجل بامراءة فقط لكن ارتباط اسرة باسرة

سواء شأت ام ابيت سوف يكون لاولادك عم و خال و عمة و خالة واولادهم بكل معتقداتهم و تربيتهم و سوف يتاثر بيهم اولادك

انا هاعطى مثل بسيط بالرغم ان المستوى الاجتماعى متقارب بينى و بين زوجى مش فارق شاسع قوى لكن بالرغم من دة باسمع تعليقات من اهلة ما لها لزمة بسبب الحززيات من موضوع الفروق الاجتماعية والمادية

يوم خطوبة اخويا اللى جاب شبكة سولتير اخدت الشبكة روحت افرجهم على الشبكة و باقول لهم على فكرة الشبكة سولتير بعد الفرح بقى لاقيت اختة زعلت و فهمت كلمتى غلط

راحت قالت لجوزى هى مراتك يتترسم علينا و لا اية و اتفهمت غلط خالص مع انى و اقسم بالله باعاملهم معاملة كويسة جداااااااااوعمر ما جة فى بالى اللى جة فى بالهم دة و زعلت جدا بعدها و انا كان قصدى انى افرجهم على الشبكة من قريب لانها كانت بعيدة عنهم

حتى تربية الاولاد هتلاقى برضة الفروق هتظهر يعنى لو حبيت انك تميز اولادم بتعليم متميز و الاهتمام باللغات تلاقى تعليقات من نوع لغات اية و بتاع اية بلا وجع دماغ انتم كدة دايما باصين فوق ما كلة مش لاقى شغل و قاعد فى البيت

لو حد من اولادى ذهب الى اقارب ليا و حكيوا الى الجانب الاخر تسمع تعليقات من اة دول عالم ما يهمها الفلوس يا عم دول فلوسهم كتير يعنى بجد بتفرق بتفرق جامد جدااااااااااااا

فعلا الفروق الاجتماعية مش هتفرق بس معاك او معاكى لكن هتفرق مع اولادك كمان لان استحالة تبعد اولادك عن اولاد عمهم او خالتهم او خالهم

فالمووضع بجد شائك محتاج بعد نظر و تقدير مدروس من كل الاطراف حتى لا تظلم نفسك او اولادك

[عنبو]

بيقولوا لك يا محمد ابعد عن بنت المدير 

انا واحد صاحبي زميله في الشغل خطب بنت المديرة مش المدير اه ياعيني بقى لما تبقى حماتك مديرتك 

المهم بعد فترة اختلفوا والخطوبة اتفسخت وعينك ما تشوف الا النور 

فترة محترمة على ما الامور رجعت لطبيعتها بعد تدخل العديد من الزملاء ( ان عادت كما كانت )

والله العظيم مافيه حاجه من دى اولا المديرين بتوعنا مش مصريين وثانيا معندهمش حد للجواز كله لسه فراير

أيه المواضيع الجامدة دى ياريس  

عمتا لو مش عاوز تجوز بنت المدير أنا سداد بس أرسل التفاصييل على الخاص  

ندخل فى الموضوع بصراحة أنا عندى مشكلة أكبر من الفروق المادية والإجتماعية والمشكلة

دى هى طريقة تفكير البنات نفسهم وإختلاف طريقة التفكير عننا يعنى ممكن تكون متربى معاها

وبرده ما تعرفش ترضيها إزاى والدليل على ذلك مثال الآخت اللى أتكلمت فيه على البيبسى

يعنى ممكن حاجة من وجهة نظرنا كرجال نعتبرها حاجة تافهة وحابيبنا الحلوين يعملوا منها قبة

وده ممكن راجع لطبيعتهم العاطفية زيادة عن اللازم ولا أيه بالظبط ياريت حد من الناس الخبرة يشرح لنا

أزاى نرضيهم!!!!!!!!!!!!

ازيك ياعم متولى اخبار معاليك ايه انت على طول شغال ياريس

بالنسبه ان البنات ممكن يعملوا من الحبه اقبه فده طبعا راجع لطريقة معاملة الواحد معاها يعنى من باب اللى لقى الدلع ومدلعش .. يعنى الواحده على حسب لما تسستمها وارجوك ارجع اقرأ المداخله تانى بتعة الاخت مدى علشان شكلك مخدتش بالك منها

ليه بنربط دايما الفروق بالماديات يا جماعه اهم شيئ يكون اتنين قريبين من بعض ف تقييمهم للامور وطبيعة معيشتهم اتنين اغنياء ونفس مستوى التعليم لكن تقييمهم للامور مختلف وده مهم جدا انا بقيم شيئ وانت بتقيم شيئ وهنا الاخلاف 
خدتيه غني وافتقر او العكس فرقت ايه المهم نشاته تكون قريبه من نشاتك واسلوب معيشة اهلك يكون نفس اسلوب المعيشة يعني يكونوا قريبين من بعض ده الاساس 

مهو يابشمهندس الاتنين مش هيبقوا متوافقين فى تقيمهم للامور الا لما يكونوا تقريبا اتربوا فى ظروف مشابهه وطبعا مش تنسى ان المستوى الاجتماعى بيتحدد من المستوى المالى وكذالك الاجتماعى لانك لما معاك فلوس هتتعلم تعليم كويس وفى نفس الوقت هتعيش فى بيئه مختلفه وهتتعرف على ثقافات كتير وبالتالى ده كله هيأثر على ثقافتك وبالتالى على وضعك الاجتماعى يعنى من الاخر انا شايفهم كلهم بيدورا فى نفس الدائره يعنى كله بياثر فى كله سواء المادى بياثر على الاجتماعى بيأثر على الثقافى على حسب انت ملكت ايهم الاول

لو فرق مادي مافيش مشكلة

انما لو اجتماعي مستحيل

وشتان بين االاتنين

مهو ياجماعه اللى هيحدد الفرق الاجتماعى الفرق المادى

اعتقد ان التوافق الاجتماعى مهم جدا بين الزوجين بينما ليس شرط وجود توافق مادى 

وهناك تباين بين الشعوب فى هذا المبداء 

فالشعب الخليجى مثلا مغرم بالتوافق الاجتماعى من حيث اصول الشخص وقبيلته وكنيته يأتى التوافق المادى لاحقا 

نحن كمصريين نهتم اكثر بالنواحى المادية اكثر من الاجتماعيه نهتم بتوافر الشقه والعربيه والانبهار بالمستوى المادى على حساب الاجتماع والدراما المصريه خير دليل

الشعوب الاجنبية لها مقايس اخرى غيرنا كعرب

فعلا الخليجين بيهتموا اقوى بالتوافق الاجتماعى او القبلى بمعنى اصح بس ده راجع ليه لان اغلب الناس متوفره لديهم سبل الحياه من سياره وشقه ووظيفه اما فى مصر الوضع يختلف

يوم خطوبة اخويا اللى جاب شبكة سولتير اخدت الشبكة روحت افرجهم على الشبكة و باقول لهم على فكرة الشبكة سولتير بعد الفرح بقى لاقيت اختة زعلت و فهمت كلمتى غلط 

راحت قالت لجوزى هى مراتك يتترسم علينا و لا اية و اتفهمت غلط خالص مع انى و اقسم بالله باعاملهم معاملة كويسة جداااااااااوعمر ما جة فى بالى اللى جة فى بالهم دة و زعلت جدا بعدها و انا كان قصدى انى افرجهم على الشبكة من قريب لانها كانت بعيدة عنهم 

حتى تربية الاولاد هتلاقى برضة الفروق هتظهر يعنى لو حبيت انك تميز اولادم بتعليم متميز و الاهتمام باللغات تلاقى تعليقات من نوع لغات اية و بتاع اية بلا وجع دماغ انتم كدة دايما باصين فوق ما كلة مش لاقى شغل و قاعد فى البيت 

لو حد من اولادى ذهب الى اقارب ليا و حكيوا الى الجانب الاخر تسمع تعليقات من اة دول عالم ما يهمها الفلوس يا عم دول فلوسهم كتير يعنى بجد بتفرق بتفرق جامد جدااااااااااااا

فعلا الفروق الاجتماعية مش هتفرق بس معاك او معاكى لكن هتفرق مع اولادك كمان لان استحالة تبعد اولادك عن اولاد عمهم او خالتهم او خالهم 

الاخيره دى اوفر اقوى وتضايق وده مش فروق اجتماعيه لا ده فيه حاجه من جوه مش مظبوطه وربنا يصبرك بس حاولى تخلى اولادك مش يخطلتوا بيهم اقوى يعنى على اقد صلة الرحم وخلاص انا بس بهدى النفوس

تم تعديل 18 يونيو 2009 بواسطة محمد العنبى

[عنبو]

انا موافق ع الكلام ده و ده من ولقع تجارب ملهاش نهاية

بس احنا لازم نتفق الاول ع معنى كلمة طبقات..

الطبقات هى مفرد كلمة طبقه والمقصود بيها مجموعه من الناس :blush2:

تم تعديل 18 يونيو 2009 بواسطة محمد العنبى