الاخوة اعضاء المنتدى الكرام .. انت وظيفتك ايه .. ؟

[fatfouta]

تكرار

تم تعديل 8 مايو 2010 بواسطة fatfouta

[fatfouta]

[quote name='fatfouta' post='604982' date='May 8 2010, 02:36

.. لكن للظروف أحكام

فعلااااااا للظروف احكام

وانا مش هحكى انا ىعملت ايه لما عرفت لان ده مايهمش حد اكيد

وكل واحد ادرى بظروفه فعلا

[اغابي]

أخوكم Mzohairy كهربائي سيليسيون

اتخرجت من كلية الزراعه قسم معماري على اساس لما اتخرج اقدر افتح عياده و اقدر اترافع بقى امام القضاء المصري الشريف و اكسب كل القضايا

لكن للأسف نقابة الصحفيين رفضت تديني الترخيص لممارسة مهنة التدريس كمحاسب قانوني و مارست المهنه اللي اتعلمتها و هي مذيع في اذاعة الشباب و الرياضه

حد فيكم يعرف يجيبلي عقد في السعوديه بمهنة ظابط أمن ؟

تحياتى استاذى

مش معقول

بجد اجمل تعليق قريته نهارده

هو حضــــــــــــرتك 7 صــــــــــنايع wst::

طب اقول حاجة انا نسيت هو مين ابن مين طب مين باباك

انت ليه مش محسسنى انى بابايا - انت ليه مش محسسنى انك ابنى ( وش احمد حلمى فى فلم ذكى شان ) :wub:

[mekkawy]

ما بدهاش بأة نحكي من الأول .. نقول بسم الله

أول شغلانة اشتغلتها خااااالص كانت في الايرلي ايجز .. من بدري يعني .. ده مش اسم شركة wst:: ... كانت أمي عندها شقة في العريش و ليها معارف هناك راحت حدفاني أشتغل في كافتيرينا من اللي هناك .. قعدت فيها أسبوع بالظبط .. و كنا بنحط الكراسي قدام بعضيها و ننام عليها و كنت بأكل فول مسوس .. و بم إني كنت شايف إني ابن ناس و مش وش بهدلة ... و بعد ما اتخانقت مع واد هناك ... نزلت بعد أسبوع و كأنني راجع م الجيش ... و كنت خايف اني اتعامل معاملة الفاشى الدزمة ... و قد كان.

و بم انى مستحملتش معاملة الفاشل الدزمة ... رحت أشتغل في مصنع ملابس في العاشر من رمضان ... وردية 12 ساعة و قلتلهم معايا ثانوية عامة .. استنضفوني يظهر هناك فشغلوني مراقب على خط انتاج من أول يوم ... تاني يوم رئيس الوردية استنضفني زيادة شغلني مراقب جودة ... رابع يوم كدة شغلوني مراقب مراقبين الجودة ... اخر الأسبوع سبتهم wst:: لنفس السبب و هو اني شايف اني ابن ناس و مش وش بهدلة .. و رجعنا لمعاملة الفاشل الدزمة :wub:

و بم إني ما استحملتش معاملة الفاشل الدزمة لتاني مرة ... ركزت في الرياضة بتاعتي و زودت التدريب أكتر شوية و دخلت منتخب مصر (كنت بلعب هوكي في الشرقية بتوع موسوعة جنس دول) و بكدة ما بقتش فاشل و دزمة و أصبحت بنات العيلة و الجيران يتهافتوا ع الكابتن أبو ترنجات حمرا في أسود بتاعت المنتخب و النادي

خلصت ثانوية و دخلت الكلية و من النص الثاني في سنة أولى .. لقيت الهوكي مش جايب همه و مفيش برانس رحت رايح على مفتاح الحياة في الوقت ده في اوائل الالفين .. سيبرات النت .. كل الشباب كان مهبوش بالسيبرات عشان بيقعد نت ببلاش ... رحت اشتغلت هناك مسكت شيفت و بقيت بعد شوية شيفتجي و تايبست و مترجم بحكم دراستي (اداب انجليزي) و مفيش مانع أشتغل مدرس لولاد صاحبة المحل اللي كانت بتستغلني و حاسبتني في الاخر على النت اللي كنت باقعده أثناء الشفت .. حاجة فل خالص

سبتها و خدت أجرتي موبيل مستعمل .. و كان أول موبيل أجيبه في حياتي و اشتريت خط بالتقسيط و باة عندي موبيل

بعد كدة رحت مكاتب كتير أشتغل تايبست شهر و أقلب .. شهرين و أقلب و رحت عامل شغل على أختي و صاحبتها في كلية الزراعة و بقيت أترجملهم الورقة بتاعت الأبحاث بخمسة جنيه .. كنت بعمل فلوس حلوة أوي و بعزم بيها أختي اخر الشغلانة .. استمريت على كدة لحد 3 كلية و كانت الأشية معدن جنب طبعاً فلوس الكتب اللي كنت بأقلبها... شوية و اشتغلت في تصوير كتب الكلية و كنت بأصور لزمايلي و أطلع لنفسي نسبة .. بيزنس يعني ... كل الشباب كان بيبزنس على بعضه ... و عديت لرابعة كلية و بدأت مرحلة جديدة ..... المذكراااااااات ... مذكرات و دروس لطلبة اداب و تربية و نغنغت و لعب البلية اخر حاجة ... و اديها كورسات و دورات في كل حتة و اخدت عيال العيلة عقد احتكار ... بس مكانوش مقتنعين اني مدرس بجد ... و حسيت اني هأتعامل تاني معاملة الفاشل الدزمة ... قولت يفتح الله.

خلصت كلية ........... و يتبع بأة عشان ما أطولش عليكم

مكاوى .... مش فاشل و مش دزمة

[mekkawy]

نقول كمان

خلصت الكلية و أنا عندي 20 سنة و حتة كدة لأني مواليد اخر السنة .. المهم الدكتور بتاع الحضارة - الله يهديه - شيلني حضارة و كان امتحانها في شهر تسعة .. يعني دور تاني و علامة سواد في قلب الشهادة ... بس الرزق باة مبيفرقش ... قبل ما أخد الشهادة و تحديداً في تاريخ سعدي 32 أغسطس (لأن ده أول يوم شفت في شغل و أول يوم شفت فيه زوجتي ) اشتغلت في شركة كبيرة أوي من شكرات مصر (السويدي) و كان معايا ليسانس اداب انجليزي بس لسة مش معايا شهادة لكن ثبتهم إني إن شاء الله هأجيب الشهادة .. طبعاً هتقولوا بيسرح بينا .. لكن رزقي .. اعمل ايه .. المهم شغلوني سكرتير في المكتب الفني و عامل فاكس ... استلم الفاكسات و أوزعها ع الادارات و أختمها و كدة .. و لأني قرد في التايبنج و الكمبيوتر و الانجليزي ففرقت معاهم في السريع اللذيذ كدة .. بحكم خبرتي في السيبرات طبعاً .. راح واخدني مدير المصنع سكرتير شخصي ليه و كانت نقلة محترمة ... و الراجل الله يباركله يا رب و يصبحه بالخير علمني حاجات كتير أوي و وثق فيا جامد و بدأت أسمع في المصنع و كنت مصدر ثقة للناس و أي حد من طرفي كان متعين متعين ... لمدة ستة شهور كنت مع مدير المصنع لحد ما طمع فيا صاحبه اللي هو ميدر المبيعات ساعتها ... لأنهم كانوا دفعة واحدة و جيران و كدة فقالوا خلاص ميغلاش عليك .. و اشتغلت مع الاتنين لحد ما جت النقلة التامة و اللي غيرت مجرى حياتي .. رحت مكتب المبيعات .. منسق مبيعات !!!!

قعدت سنة في الشركة دي و بعد كدة سبتها و زغللت عنيا فلوس الدروس و اشتغلت مدرس اه و الله مدرس ... قعدت سنتين شغال مدرس في معهد ازهري نموذجي ثم في مدرسة خاصة في العاشر من رمضان و كانت الدروس الخصوصية عاملة معايا شغل و موصلة دخلي لحوالي 2000 جنيه في الشهر و كان سنى ساعتها 22 سنة ... لكن للأسف فلوس الدروس موسمية و مكنتش بتدوم ... بس الشهادة لله ربنا سهلي بيها الجواز و خلصت عليه في ظرف 6 شهور ... جنب المدارس كنت شغال بارت تايم يف معاهد اللغات زي أميدإيست فرع الشرقية و المعهد البريطاني و فرع الأيه يو سي و كدة ... عشن كنت باحب اللغة و مكنتش عاوز أنساها بالمناهج المتخلفة بتاعتنا .. و بيني و بينكم عشان كانت فلوسها جامدة موووووت.

صحيت في يوم قولت (لأاااااااا .. أنا مش مدرس ) .. بس المشكلة ان اليوم ده كان قبل دخلتي ب3 اسابيع ... جنان رسمي طبعاً .. رحت مقدم استقالتي في ظل دهشة و هلع من الجميع ع المجنون اللي بيستقيل قبل جوازه بـ 3 أسابيع .. كرمني ربنا بشغلانة في ظرف أسبوع واحد في شركة لوكاليزيشن (اسمها فيوتشر ترانس) في المهندزين ... و اشتغلت فيها بروجيكت منجر .. مدير مشروعات يعني بس جونيور .. كل الخبرة اللي عندي كمبيوتر و لغة .. قعدت في الشركة دي شهرين بعد الجواز و بعدين سبتها و رجعت للسويدي تاني ... بس كابلات بأة.

اشتغلت في شركة اسمها انرجيا للكابلات تبع مجموعة السويدي .. كنت أوفيس مانجر ... سكرتير درجة أولى يعني ... في مكتب التصدير .. و الله يباركله مدير التصدير لاحظ عليا علامات النجابة و العبقرية المعهودة في المكاكوة فعملني مشروعه و دربني و مسكني كام أكونت كدة أهوبص فيهم ... قعد في الشركة دي سنة و نص ... مشيت منها Area Sales Manager و كنت ماسك مبيعات بلدين و نص ... البحرين و عمان و جدة هنا في المملكة... و بردو سبتها إلى السعودية

أنا حالياً أريا سيلز مانجر بردو في شركة من الشركات الكبيرة هنا في السعودية بس من غير أسامي عشان ميعرفوش اني كنت مدرس في يوم من الايام .... الحمد لله ع السلامة

مكاوى ... تاريخ

[pink rose]

ما بدهاش بأة نحكي من الأول .. نقول بسم الله

أول شغلانة اشتغلتها خااااالص كانت في الايرلي ايجز .. من بدري يعني .. ده مش اسم شركة wst:: ... كانت أمي عندها شقة في العريش و ليها معارف هناك راحت حدفاني أشتغل في كافتيرينا من اللي هناك .. قعدت فيها أسبوع بالظبط .. و كنا بنحط الكراسي قدام بعضيها و ننام عليها و كنت بأكل فول مسوس .. و بم إني كنت شايف إني ابن ناس و مش وش بهدلة ... و بعد ما اتخانقت مع واد هناك ... نزلت بعد أسبوع و كأنني راجع م الجيش ... و كنت خايف اني اتعامل معاملة الفاشى الدزمة ... و قد كان.

و بم انى مستحملتش معاملة الفاشل الدزمة ... رحت أشتغل في مصنع ملابس في العاشر من رمضان ... وردية 12 ساعة و قلتلهم معايا ثانوية عامة .. استنضفوني يظهر هناك فشغلوني مراقب على خط انتاج من أول يوم ... تاني يوم رئيس الوردية استنضفني زيادة شغلني مراقب جودة ... رابع يوم كدة شغلوني مراقب مراقبين الجودة ... اخر الأسبوع سبتهم wst:: لنفس السبب و هو اني شايف اني ابن ناس و مش وش بهدلة .. و رجعنا لمعاملة الفاشل الدزمة :wub:

و بم إني ما استحملتش معاملة الفاشل الدزمة لتاني مرة ... ركزت في الرياضة بتاعتي و زودت التدريب أكتر شوية و دخلت منتخب مصر (كنت بلعب هوكي في الشرقية بتوع موسوعة جنس دول) و بكدة ما بقتش فاشل و دزمة و أصبحت بنات العيلة و الجيران يتهافتوا ع الكابتن أبو ترنجات حمرا في أسود بتاعت المنتخب و النادي

خلصت ثانوية و دخلت الكلية و من النص الثاني في سنة أولى .. لقيت الهوكي مش جايب همه و مفيش برانس رحت رايح على مفتاح الحياة في الوقت ده في اوائل الالفين .. سيبرات النت .. كل الشباب كان مهبوش بالسيبرات عشان بيقعد نت ببلاش ... رحت اشتغلت هناك مسكت شيفت و بقيت بعد شوية شيفتجي و تايبست و مترجم بحكم دراستي (اداب انجليزي) و مفيش مانع أشتغل مدرس لولاد صاحبة المحل اللي كانت بتستغلني و حاسبتني في الاخر على النت اللي كنت باقعده أثناء الشفت .. حاجة فل خالص

سبتها و خدت أجرتي موبيل مستعمل .. و كان أول موبيل أجيبه في حياتي و اشتريت خط بالتقسيط و باة عندي موبيل

بعد كدة رحت مكاتب كتير أشتغل تايبست شهر و أقلب .. شهرين و أقلب و رحت عامل شغل على أختي و صاحبتها في كلية الزراعة و بقيت أترجملهم الورقة بتاعت الأبحاث بخمسة جنيه .. كنت بعمل فلوس حلوة أوي و بعزم بيها أختي اخر الشغلانة .. استمريت على كدة لحد 3 كلية و كانت الأشية معدن جنب طبعاً فلوس الكتب اللي كنت بأقلبها... شوية و اشتغلت في تصوير كتب الكلية و كنت بأصور لزمايلي و أطلع لنفسي نسبة .. بيزنس يعني ... كل الشباب كان بيبزنس على بعضه ... و عديت لرابعة كلية و بدأت مرحلة جديدة ..... المذكراااااااات ... مذكرات و دروس لطلبة اداب و تربية و نغنغت و لعب البلية اخر حاجة ... و اديها كورسات و دورات في كل حتة و اخدت عيال العيلة عقد احتكار ... بس مكانوش مقتنعين اني مدرس بجد ... و حسيت اني هأتعامل تاني معاملة الفاشل الدزمة ... قولت يفتح الله.

خلصت كلية ........... و يتبع بأة عشان ما أطولش عليكم

مكاوى .... مش فاشل و مش دزمة و دمه خفيف

[mekkawy]

الفاضلة فتفوتة

بأحييكي بجد على قصتك و احساسك بأهلك و ده شئ نادر وجوده في الزمن ده للأسف .. رحم الله والديكي فقد أحسنوا تربيتك

و إلى مزيد من التقدم لكل المحاوراتية

مكاوى

[fatfouta]

الفاضلة فتفوتة

بأحييكي بجد على قصتك و احساسك بأهلك و ده شئ نادر وجوده في الزمن ده للأسف .. رحم الله والديكي فقد أحسنوا تربيتك

و إلى مزيد من التقدم لكل المحاوراتية

مكاوى

والله انا اللى بحييك

كل ده يطلع منك والله انت اللى مكافح بجد

ربنا يارب يديلك على اد عملك يامكاوى

[mekkawy]

والله انا اللى بحييك

كل ده يطلع منك والله انت اللى مكافح بجد

ربنا يارب يديلك على اد عملك يامكاوى

لا لا لا .. ايه أد عملك دي ... هو أنا عملي و الله ما يمشى لحد باب المكتب ... ادعيلي يديني على قد كرمه سبحانه ... كدة باة عطاء غير مجذوذ

و بعدين ده انا محبتش أحكيلكم ع المطابع و الماركتات... حسيت يعني ان ملهاش لزمة .. خاصة إن أول ماركت اشتغلت فيه و الله كنت في أولى اعدادي

كنت أحب الشوبنج أوي لدرجة اني اشتغلت في السوبر ماركت اللي تحت البيت و الاساتذة كانوا بييجوا يشتروا جبنة و أنا اللي أبيعلهم و طبعاً العيال كلها اهاليها بتطاردها في الشوارع و أنا والدي بيطاردني في السوبر ماركتات

و لأنه كان ظابط في الجيش فكان عيب على البرستيج بتاعه إني أعمل كدة ... بس والدتي كانت بتشجعني .. امي ده ربنا يبارك فيها .. و أبويا كمان يا رب

مكاوى ... على قد كرمك يارب

[engmido]

مهندس كهرباء - وزارة الكهرباء والطاقة

الشركة المصرية لنقل الكهرباء-substation engineer

زمعنديش قصص كفاح.....بس باحترمها جداااااااااااااااااااااااااااااااااااااااااااااااااااااااااااااااا

معندكش ايه!!!!!!!!

مجرد حصولك ع بكالوريوس الهنا .. يعتبر ملحمة في حد ذاته

و كمان كهرباء و لسه عندك جهد انك تتكلم

كويس انك ملسعتش يا راجل 

لا مش للدرجة دى...طبعا بكالوريوس الهندسة ملحمة ادهم الشرقاوى فى حد ذاته

ولكن قصدى بالكفاح ان الواحد يقف بعربية ترمس لحد ما يبقى صاحب شركة استيراد وتصدير....

مثلا...

ولكن الحياة فيها جوانب اخرى للكفاح ...والحمد لله على كل حال....وانا لله وانا اليه راجعون

[shiko]

ليه اقعد فى البيت مانا كمان اروح اشتغل وكما عشان كانوا بيصعبوا عليا اخواتى قووووى كانوا بيخرجوا من تمانية الصبح وييجوا تسعة بالليل مثلا

وبعدين قعدت ازن على اختى انها تاخدنى معاها وهى تقولى لا مش هينفه مش هيرضوا عندنا فى الشغل انتى لسه صغيرة

وجت فى يوم اخدتنى معاها رحلة تبع الشغل وروحنا كولنا وكان صاحب الشغل هو ومراته موجودين وانا اللى روحت كلمته وقولتله انا عاوزا اشتغل مع اخواتى قعد يضحك وقاللى ماشى تعالى ونشوفبك اى حاجة

كنت اروح المدرسة وكنت اتكسف قوى انى اقول لحد فى صحباتى انى بشتغل وكنت ارجع مهدودة وتعبانة وانام شوية واسهر طول الليل اذاكر بس كنت فرحانة ولما كنت اجى ادى لماما المرتب الصغنن فى ايديها كنت ببقى مبسوطة جداااااااا وفرحانه و وكان كفاية دعوة ابويا المريض وهو بيبصلى وبيدعيلى كان كفاية اوى عليا انه ياخدنى فى حضنى ويضمنى واحسن انه بيصبرنى مع انى ماكنتش تعبانه والله

قاللى انا مسافر المانيا بكرة وماشى بعد نص ساعة...ربع ساعة وتكونى ادامى

وفى ثوانى نطيت ولبست وروحت قابلته وقاللى هديكى مرتب 300 ج قولت يا فرج الله وقبلت طبعا

وانا دلوقتى بشتغل ام

دى قصة كفاحى طويلة شوية معلش بس انا كده اختصرت والله

...يااااااااا الله ...

يا فرج الله وكرمه ....

ياااااااه يا فتفوتة ...ده انتى انطلااااااااااقة

بقدر الله وحوله وقوته شئتى ان تكونى ذلك "الصرح الانسانى " مقتبسة من لماضة

...بجد يا بختك يا فتفوتة عند ربنا ...

بصى انا فعلا ..موش عارفة اتكلم ...انا عاجزة عن اى كلام ..

لسانى ابكم ...عجزت يداى عن التعبير عما يدور بداخلى

تكبلت الكلمات بقيد من حديد على لسانى

اقف عاجزة امام كلماتك ولا يحضرنى سوى ...

خلق الانسان فى كبد ...

لقد ايقنت اننا نتكبد الحياة بمختلف الاشكال

بس المهم انه ما يفتكرش انه الوحيد اللى بيتكبد ...

...ربنا صاحب المن والجود والكرم دايما بيفتكر عبيده الضعفاء

موش عارفة ليه جاى على دماغى الاية دى ...؟؟

لا يكلف الله نفساً إلا ما اتاها سيجعل الله بعد عسرا يسرا

===========================

الوظيفة الحالية دى اعظم وظائف الارض ....

ده انتى رئيس مجلس ادارة مع مراتب الشرف الاولى ... :ninja:

تم تعديل 9 مايو 2010 بواسطة shiko

[mohamed gouda]

استاذ دكتور باحد المراكز البحثية في مجال كيمياء و تكنولوجيا الصناعات النسجية والتخصص الدقيق كيمياء المنسوجات الطبية

[shiko]

مربوط على الدرجة الاولى والناس درجات ...ومرشح اخد على قفايا ...غير الخصوماااااااات

مجموع الثانوية العامة ....

ماجبش سياسة ...؟؟طب اعمل ايه ؟؟

ممكن حقوق ...؟؟...اصلى بحب القانون ...

بنتى ماتشتغلش محامية .....

تربية وتهذيب واصلاح ....لا كله الا ده ....

خلينا فى تجارة ....نجارة نجارة ......

تجارة القاهرة 2001

خدمة عملاء...فى البنك 2001

خدمة عملاء فى شركة اتصالات 2001

مطور تسويقى 2002 فى نفس الشركة

2003 مفاوض شئون اقتصادية فى نفس الشركة

2007 منسق علاقات تنظيمية فى ذات الشركة

2009 مدير ادارة العلاقات الحكومية فى نفس الشركة

15/5/2010 هاقادم استقالتى ....

16/5/2010 فاقد وظيفة ......

ومطلوووووووووووووب وظيفة ...

وليه تشتغل اكتر.....لما ممكن ماتشتغلش خالص...

عاوز شغلة روح لبابا ....

تم تعديل 9 مايو 2010 بواسطة shiko

[mekkawy]

مربوط على الدرجة الاولى والناس درجات ...ومرشح اخد على قفايا ...غير الخصوماااااااات

مجموع الثانوية العامة ....

ماجبش سياسة ...؟؟طب اعمل ايه ؟؟

ممكن حقوق ...؟؟...اصلى بحب القانون ...

بنتى ماتشتغلش محامية .....

تربية وتهذيب واصلاح ....لا كله الا ده ....

خلينا فى تجارة ....نجارة نجارة ......

تجارة القاهرة 2001

خدمة عملاء...فى البنك 2001

خدمة عملاء فى شركة اتصالات 2001

مطور تسويقى 2002 فى نفس الشركة

2003 مفاوض شئون اقتصادية فى نفس الشركة

2007 منسق علاقات تنظيمية فى ذات الشركة

2009 مدير ادارة العلاقات الحكومية فى نفس الشركة

15/5/2010 هاقادم استقالتى ....

16/5/2010 فاقد وظيفة ......

ومطلوووووووووووووب وظيفة ...

وليه تشتغل اكتر.....لما ممكن ماتشتغلش خالص...

عاوز شغلة روح لبابا ....

ما شاء الله ... تاريخ و الله

طب و ليه الاستقالة بس ... عامة متقلقيش ربك بيبعت على طول .. اهو تريحيلك شوية بردو

مكاوى ... ريكروتمنت

[اغابي]

الله عليك ..... يا مكاوى يا تاريخ

بتحكى بطريقة سهلة ودمها خفيف -

داا انت شقيت اوى وكنت مجتهد

ربنا يوفقك

اغابي

:ninja:

[لماضة مصرية جدا]

السلام عليكم و رحمة الله و بركاته

بجد و الله تحية خاصة جدا لكل اللي بيجي التوبيك ده

بس قصة "فتفوتة....تسبح و تعوم ضد التيار"

و قصة عكاوي.....مش عارفة ليه فكرتني بعبد الغفور البورعي...

و الله قصص تستحق التامل و التحية ربنا يبارك فيكم...اديتو الواحد جورعة امل ع الصبح

====================

بالنوسبة لحبيبة قلب ماما من جوه شيكو....اللي هي بعد الضهر بنحب نقولها يا علي لوز....

انا استغربت اوي انك قاااااااعدة في الشركة نفسها ...نفس السحن كل المدة دي....الله يقويكي....مش عارفة يمكن انا غلط بس انا العمر الافتراضي بتاعي لاي وظيفة هو سنتين و اقصي حاجة كانت 3 سنين بس مش بمزاجي

برضه مش بشجعك انك تسيبي الشغل

عارفة ليه

طبقا لدورة حياة ذبابة الفاكهة....كل واحد بيجي عليه وقت بيبقي حاسس انه خلاص قرف من الشوغلانة دي....(انا بالنوسبة لي شهر مايو بيبقي يا تن تن.... يا تن تن)

علشان كده حددي هدفك كويس....و شوفي انت قادرة تكبري في المكان اللي انتي فيه و لا لا....و لا هي مسالة زهق و احتياج لاجازة شوية

رايي خدي اجازة...ابعدي و قرري كويس...بس يوم ما تاخدي القرار مترجعيش فيه

ربنا يسعد قلبك

بس خلاص

فوتك بعافية

كان معكم لماضة من امام بيت الصرصار الابيض

[Deathangel]

مصمم جرافيك فى احدى الشركات العاملة فى مجال تصميم المواقع والدعاية فى الرياض - السعودية

وقبل كده كنت بشتغل فى مصر مصمم جرافيك فى شركة انتاج برمجيات كبرى :lol:

[hOuSsAm]

انا اول ماشتغلت كنت فى تانية ثانوى.....اه والله كانت اختى الكبيرة مخلصة تجارة خارجية وبتشتغل محاسبة فى شركة ادوات كهربائية فى العتبة وكانت حنينة جداااا

لو جابت اى حاجة او ادوها اى حاجة فى الشغل لو حتى اكل كانت تجيبه عشان نشاركها فيه وماتحبش تتمتع بحاجة من غيرنا وبعدين اخدت اختى اللى بعدها معاها واختى دى كانت فى كلية لغات وترجمة فورية فى سنة اولى

بس عشان كان بابا الله يرحمه خلاص ابتدى يتعب جدااا ومابقاش عارف يشتغل فانا حسيت انه ليه اقعد فى البيت مانا كمان اروح اشتغل وكما عشان كانوا بيصعبوا عليا اخواتى قووووى كانوا بيخرجوا من تمانية الصبح وييجوا تسعة بالليل مثلا

وبعدين قعدت ازن على اختى انها تاخدنى معاها وهى تقولى لا مش هينفه مش هيرضوا عندنا فى الشغل انتى لسه صغيرة

وجت فى يوم اخدتنى معاها رحلة تبع الشغل وروحنا كولنا وكان صاحب الشغل هو ومراته موجودين وانا اللى روحت كلمته وقولتله انا عاوزا اشتغل مع اخواتى قعد يضحك وقاللى ماشى تعالى ونشوفبك اى حاجة

وحسيت انه بيسخر منى بس قولت مش مهم كله يهون فى سبيل انى اشارك اخواتى شوية واساعد فى البيت

وبعدين روحت معاها الشغل وقابلت صاحب الشغل قام قاللى ماشى هشغلك تقفى فى ريون حاجة كده ذى بياعة لا هى بياعة ادوات كهربائية وكده فعلا

كان المحل فى دور تحت ده للناس البائعين وكده وكان فيه ناس كتير معانا رجالة وستات وبنات وعدد كبير قوى بيشتغل والدور اللى فوق بقى ده كان فيه سكرتارية الحاج اللى هو صاحب الشغل واللى كان من ضمنهم اختى الكبيرة

كان فيه واحدة ست مديرته بتشتغل فوق اللى هى مديرة مكتب الحاج فى مرة حصل موقف وبعدها لقيتها بتقولى انتى بنت امينة ومحترمة انا هاخدك معانا فوق انتى حرام تشتغلى بياعة

وقامت مكلمة الحاج وبعدا بقيت اشتغل فوق اورزع فاكسات وارد على تليفونات وهكذا وفى مرة اللى كان ماسك الخزنة تعب ومشى خالص من الشغل لقيت صاحب الشغل فجأة قاللى تعرفى تعدى فلوس قولتله ايوه قاللى وعلطول وبدون مقدمات خدى مفتاح الخزنة وخليه معاكى

والله ماصدقت وكنت خايفة جداااااااا وقولت يا لهوى دى فيها الاف انا هعمل ايه بس

وقعدت فترة وانا ماسكاله الخزنة جمب شغلى وبصراحة الراجل كان محترم فى امتحاناتى كان بيدينى اجازات ولما طلعت ثانوية عامة كنت عاوزا اسيب الشغل وهو مارضيش وقاللى خليكى معانا ان شاله بعد ماتيجى من المدرسة تيجى ساعتين وتمشى وقعدت معاهم سنتين على كده

كنت اروح المدرسة وكنت اتكسف قوى انى اقول لحد فى صحباتى انى بشتغل وكنت ارجع مهدودة وتعبانة وانام شوية واسهر طول الليل اذاكر بس كنت فرحانة ولما كنت اجى ادى لماما المرتب الصغنن فى ايديها كنت ببقى مبسوطة جداااااااا وفرحانه و وكان كفاية دعوة ابويا المريض وهو بيبصلى وبيدعيلى كان كفاية اوى عليا انه ياخدنى فى حضنى ويضمنى واحسن انه بيصبرنى مع انى ماكنتش تعبانه والله

وبعدها قعدت معاهم تلات سنين على كده وكنت خلاص بقى دخلت الكلية وجت اختى اللى قبل الكبيرة اتخرجت واشتغلت فى شركة كويسة وكانت قريبة مننا جداااا يعنى عالكورنيش واحنا بيتنا جوا شوية

وفى مرة بكلمها رد عليا واحد بقوله عاوزا اكلم دينا قاللى انتى مين قلتله اختها قاللى فى سنة كام.....قولت فى نفسى اللهم طولك يا روح

قلتله فى اولى كلية تجارة ......

قاللى مادام احنا فى الصيف بتعملى فى الصيف قلتله بشتغل

قاللى طب ماتيجى تشتغلى عندنا

قلتله موافقة علطول كده

قاللى انا مسافر المانيا بكرة وماشى بعد نص ساعة...ربع ساعة وتكونى ادامى

وفى ثوانى نطيت ولبست وروحت قابلته وقاللى هديكى مرتب 300 ج قولت يا فرج الله وقبلت طبعا

واشتغلت معاهم سكرتيرة واتعلمت كمبيوتر وتايبنج وكنت بكتب كل جوابات الشركة من مهندسين وادارة وكله وابعتها فاكسات لان الشركة دى كانت كبيرة قوووى وبتشتغل فى طلمبات المياه ومليانة مهندسين واداريين وكل ده كان على دماغى انا

والحمد لله اثيتت نفسى فى الشغل وكان معانا اجانب من كل بلد واتعرفت على واحدة اسمها سيلفانا طليانية بتكلم انجليزى ومتجوزة مصرى وحبتنى جدااا الست دى بس بعدها مشيت من الشغل

وبعدين اختى سابت الشركة وراحت تعمل انترفيو فى شركة سيارات كبيرة فة المهندسين قامت قابلت الست الايطاليه دى وكانت هى السبب انها تشتغل فى الشركة دى بعد ربنا

وبعدها بحوالى كام شهر وبعد كام سنه من شغلى فى الشركة دى ومات في الفترة دى بابا وبعدها ماما بكام سنة

لقيت اختى جاية تقولى تعالى دول هينقلوا فى فندق سوفيتيل المعادى وعاوزين ريسشانست قولتلها لا يا ختى انا ماشتغلش الشغلانة دى قلتلى يا هبلة دول هيدوكى مرتب خيالى وثبتى نفسك فى الشركة لغايت ماتستقر وخلاص

وروحت فعلا وعلطول اتقبلت وقعدت كام شهر بشتغل فى الشركة انا واحتى وكنا كل يوم الصبح نصحى نركب المترو من الخلفاوى للمعادى وبعدها نتمشى من المترو لمبنى سوفيتيل عشان نوفر

وابتدت مرحلة جديدة فى حياتنا بصراحة شوفنا ناس جديدة واتعاملنا مع ناس مختلفة اجانب ومصريين وبعد كام مدير اختى الالمانى قاللى انا عاوزك يا فتفوتة تروحى المصنع فى اكتوبر قولتله ريسبشنست برضو قاللى لا فى الحسابات قولت اوكى وكنت برفرف من الفرحة

واشتغلت فى اكتوبر كتيييييييير فى مصنع سيارات لشركة سيارات ليها اسم فى السوق واتعرفت على اجانب والحمد لله الناس كانت بتحبنى

وعملوا فى يوم اوفر ان كل العاملين ممكن ياخدوا عربيات من الديلارز بتوع الشركة بس على انواع معينة من العربيات غير بتاعة الشركة وبالتقسيط وكان مبلغ التقسيط قليل وقولنا فرصة وجبت انا و اختى عربيتين وكنا سعدااااااء جداااا

وبعد فترة جاتلى مكالمة غريبة من احدى شركات التوظيف واحدة ست انا عارفاها قلتلى عندى ليكى اوفر خررررافى قولتلها بس انا بحب شغلى ومستريحة فيه قلتلى تعالى وجربى

روحت عملت الانترفيو فتح راجل طويل شكله ذى ماتقول اسبانى بيتكلم انجليزى مكسر قولتله ممكن اقابل مستر مورتى قاللى انا موتى موجال

وبعدين عملى الاختبارات وقاللى هكلمك بعد يومين.......انا قولت زحلقنى واتمنيت انه ياخدنى خصوصا ان الشركة ابتدت تنفصل عن الشركة التانية لدواعى مالية وشكلها كان هيفلس فى مصر

وبعد يومين لقيت واحد بيكلمنى بيقولى انا مدير الشركة الفولانية اللى جيتى عملتى فيها انترفيو وانتى اتقبلتى وتعالى اشتغلى

روحت اشتغلت وكانت مديرتى ست جميلة جدااا فى كل حاجة علمتنى الشحن من الف الى الياء وقلتلى عشان انا ماشية وانتى هتمسكى بدالى وده طبعا بعد كام شهر

وبعد كام شهر مشيت فعلا وانا من ساعة ماشتغلت ماشفتش مورتى ده اللى عملت معاه الانترفيو ومكسوفة اسال ده جنسيته ايه!!!!!!

وفى يوم جه مديرى قاللى معلش يا فتفوتة روحى المطار اعملى بيك اب لمستر مورتى عشان انتى عربيتك تستحمل قولتله ماشى

وروحت اجيبه واحنا جايين من المطار سالته جنسية حضرتك ايه؟؟؟؟ قاللى اسرائيلى

آن آآآآآآآآآآآآآآآآآآآن

قولته طب حضرتك تبقى للشركة ايه قاللى انا صاحب الشركة هو وقعد يضحك ودور وشه

الشركة دى كانت شركة شحن كبيرة بتتعامل مع مصانع الملابس الكبيرة فى مصر اللى واخدة توكيلات ذى ماذر كير واسبريت وكده

انا اتخضيت وقعدت فترة مسهمة

ورورحت لشريف مديرى وقولتله انت اذاى ماتقوليش واذاى تقعدنى الفترة دى كلها وانا معرفش ان صاحب الشركة اسرائيلى.........قعد يضحك وقاللى خديها عادى

وبعدها اتعرفت على واحدة من صحاب المصانع الملابس دى ورورحت اشتغلت عندها فى اكتوبر وهربت منةالشركة بجلدى

وقعدت فى المصنع ده مدة كبيرة لغاايت ماوصلت لمديرة استيراد وتصدير وكنت محترفة جدااا فى شغل الجمارك والشحن الدولى وبعدين اتجوزت وقعدت فترة اشتغل لغايت ماجيت اولد ابنى الاول

وبعدها جوزى كان فى السعودية اصلا بس كان نزل نهائى لفترة كدع وجاله عقد عمل تانى فى السعودية وسيبت شغلى وكل حاجة وسافرتله وخلاص على كده

وانا دلوقتى بشتغل ام

دى قصة كفاحى طويلة شوية معلش بس انا كده اختصرت والله

فتفوتة

بجد ما شاء الله عليكى

انتى مثال ناجح ونفخر بيه كمصريين

بصراحة ملقتش كلام يعبر عن انبساطى بيكى

بس اقل حاجة اقدر اقولها ربنا يكتبلك جنة الفردوس الاعلى :lol:

[hOuSsAm]

السلام عليكم ورحمة الله وبركاته

هبدا القصة من مكتب التنسيق

بلزق الطوابع ولزقت كل كليات هندسة لانى كنت بحب المجال ده وكنت فاهم هدخل انهو تخصص وهعمل فيه ايه بالظبط وهشتغل ايه وفين بس بصراحة كنت متوقع انها متجيش لانى كنت واقف رجل بره ورجل جوه

وجه الاختيار عاللى بعد هندسة

انا قولت معهد الطاقة باسوان اهو بردوا نفس المجال

ابويا قال ابدا على جثتى متتغربش ابدا وتروح اسوان وكمان انا مرضاش تدخل معهد انت تدخل تربية وتطلع مدرس رياضة :blink:

قولتله ابدا على جثتى اطلع مدرس (مع الاحترام والتقدير الكامل لهم بس مش شخصيتى ومكنتش هنجح)

دبينا خناقة والجيران تحوش والمطافى جت (بهذر طبعا)

هو اصر انى مروحش الطاقة قولتله خلاص طالما تربية دخلنى علوم رياضة وفيزيا وعالاقل اطلع عالم فضاء :happy: (قالى هأو عالم ايه يابو عالم)

وفضلنا لمدة اسبوعين نتناقش مابين علوم رياضة وتربية رياضة وكل واحد منشف دماغه وعند بعند دخلت تجارة wst::

اول سنة كنت كاره نفسى وحياتى والبنى ادمين فى الكلية والدكاترة على ام مبنى الكلية وكنت ضارب الحياة صارمة

جبت جيد عشان يحلو عن دماغى بس بردوا كنت عارف انها كلية فاشلة :D

فى اجازة سنة اولى اخويا ودانى مصنع بلاستيك اشتغل فيه عامل وقد كان اعدت فيه حوالى 3 شهور

خرجت منه بعد الدراسة بشهر وكانت نظرتى للكلية بدات تتغير شوية وبدات اندمج فى وسط الناس والمجتمع

وبردوا فى سنة تانية جبت جيد

وساعتها بس بدات افكر هو المفروض مستقبلى يمشى ازاى

وكان قدامى 3 بدايل لاما اشتغل محاسب وكانت بالنسبة ليا صعبة جدا لانى مكنتش شايف اى بادرة امل ان فيه حد اصلا بيشتغل فى المجال ده الا بواسطة ومش عارف ليه

البديل التانى عمل حر ومكنش معايا اى راس مال اعمل بيه اى حاجة

البديل التالت اشتغل فى المبيعات وبردوا مكنتش لاقى نفسى فيه

فى اجازة سنة تانية قررت انى ابدا العمل الحر

وقررت انى اعمل مشروع زراعة عيش الغراب او المشروم (ولو كان نجح كنت هكمل بعده بمكتبة)

وعملت دراسة الجدوى ولاقيته هيكلفنى حوالى 1500 جنيه كان معايا 500 وبطجت على اخويا فى 500 وماما كملت الباقى

طبعا تعبت فيه جدا وابهدلت وكان نفسى اثبت نفسى بس للاسف المشروع كان اكبر منى غير كدة كان عايز حد عنده خبرة بالزراعة لانها تعتبر زراعة وانا ياولداه ملييش فى الليلة دى خالص

وللاسف المشروع خسر خسارة فادحة ده غير تعبى شهرين واصبت بالاكتئاب وحبست نفسى فى البيت مش بكلم حد (نهاية العالم بقى :lol: )

بعد كدة زميل اخويا كلم اخويا وقاله انا عايزحسام يقعد عندى فى السيبر عشان محتاج حد يكون امين واعرفه

اعدت فى السيبر الشفت المسائى وبصراحة خرجنى من الجو اللى انا كنت فيه و اتعرفت على ناس جديدة وبيئات مختلفة واتعلمت كتير اوى من صاحب السيبر ازاى تخلى الناس دايما مبسوطة وحتى لو فيه مشاكل واهم حاجة راحت الزبون واتعلمت شوية خدمة عملا (على اد المكان كدة)

ومكنش راضى يسبنى عشان كنت عايز اركز فى الكلية بقى وعايز اروح ولو حتى ساعتين بالليل بس الحاج مرضييش

دخلت سنة تالتة وفى نفسى اخدت قرار انى لازم ابقى انجح واحد فى الكلية وحبيت المحاسبة جدا نسيت اقولكوا كنت بشرح لزمايلى الرياضة والاحصاء وهما يظبطونى فى الادارة والاقتصاد

حبيت الكلية اوى وحبيت زمايلى واجتهدت اوى وشديت على نفسى كمان

وطلعت فى سنة تالتة بتقدير جيد بردوا بس كان اعلى بكتير من كل سنة واخر يوم فى الامتحانات قررت انى اغير نفسى كتير واطور نفسى اكتر

تطوعت فى احدى الجمعيات الخيرية والحمد لله مسكت لجنة كويسة هناك واتعلمت منهم حجات كتيرة اوى وحجات كتيرة اتغيرت فيا وبقيت اكتر ايجابية حتى اهلى واصحابى اتغيروا معايا وفى نفس الاجازة اخدت كمية كورسات تنمية بشرية على شوية حجات فى الادارة والمحاسبة حلووين اوى

دخلت فى سنة رابعة وكل تركيزى انى اخلص السنة وتانى يوم الاقى شغل

ركزت اوى ومضيعتش ثانية كنت مقضيها محاضرات ومذاكرة وكورسات انجليزى على تنمية بشرية على قراية على رياضة

السنة دى كنت فى عز اجرامى وكنت بعمل حجات كتيرة اوى

ابويا سعات يتصل بيا ياخد ميعاد لانى بجد مكنتش فاضى وكنت مركز

فى الترم الاول جبت جيد جدا

التانى جبت اقل من جيد جدا بحاجة بسيطة

الاجمالى جيد

وقد كان فعلا تانى اسبوع بعد الامتحانات دخلت شركة كبيرة رائدة فى صناعة ماكينات البلاستيك بالاضافة لمنتجات البلاستيك واتدربت فى قسم المالية لمدة 3 شهور وكنت بسافر كل يوم من بتنا لدمياط وكان التدريب ده من غير فلوس بالرغم من انى جايبه بواسطة بس اللى كان باسطنى انى جبتها بتوفيق من عند ربنا ثم بعلاقاتى ومحدش ساعدنى فى الليلة دى

بعد مالنتيجة بانت وجبت جيد بدات اخطط للمستقبل بتفاصيله قولت ماذا لو دخلت الجيش يا حلو هتضيع سنة كدة

قولت لا والف لا قولت يبقى الحل فى الدراسة يعنى اعمل دبلومة ورحت لفيت عالجامعات كلها اشوف الشروط روحت 6 جامعلت مفيش بس الا واحدة وافقت بيا وهى كانت جامعة طنطا وقدمت فيها انا وواحد زميلى

بعد مقدمت قولت هو انا لسه هستنى قرار الجيش

قولت ادور لحد منعرف النتيجة

كنت مركز اوى على مكاتب المحاسبة الكبيرة فى مصر (البيج فور) بس مكنتش ظابطة معايا لحد معرفت ان توكيل بروكتور وجامبل فى المنصورة عايزين محاسب واحد

قولت لواحد صحبى قالى انت اهبل هياخدوك انت يا حديث التخرج

قولت ولو هقدم والفرج من عند ربنا

وقد كان

نجحت فى كل الاختبارات والمقابلات الحمد لله بس المشكلة كانت الموقف من التجنيد فخافوا يعينونى لحسن ادخل الجيش

واعدوا شهرين يدوروا على حد تانى كويس بدون جدوى لحد متصل بيا المدير المالى قالى ايه يا حس عملت ايه فى الجيش قولتله تاجيل قالى يبقى تجيبلى ورقك وتيجى يوم الاتنين الجاى تستلم

كنت اول محاسب يدخل الفرع وكانت حرب طاحنة انى اثبت نفسى واشرح للناس يعنى ايه محاسب وفايدته والحمد لله خلال 5 شهور اثبت نفسى وكنت سبب فى فصل 4 حرامية فى الشركة وجابوا تحت ادارتى اتنين امناء خزينة واتنين محاسبين

بس عرفت بعد كدة ان ده هيبقى اخر طموحى يعنى مفيش مرحلة بعد كدة

قولت لا والف لا لازم فكر بطريقة مختلفة وانزل اغزو القاهرة عشان مستقبلى فيها

مكنتش ببقى فاضى انزل اعمل مقابلات كتيرة لانها لحظى الاسود بيبقى فى يوم عندى اجتماع اوحاجة مهمة

نسيت اقولكوا انى بعد الشغل ركزت عالشغل او ونفضت للدبلومة شوية ورحت امتحنت عالمعلومات العامة وعلى شوية مذكرات والنتيجة بانت ولاقتى شايل ضرايب وهعيد السنة عليها :wub:

المهم اول شركة عرفت اقابلهم كانت شركة برمجيات ووافقت عالعرض بتاعهم ودماغ صاحب الشركة عجبتنى اوى يومها وفرشلى الارض طحينة بمستقبل باهر معاه

الشركة كانت بتعمل برنامج ERP لشركة كبيرة فى السعودية وكنت انا المفروض هدرب الناس هنا فى جدة

كانت الشركة فى المعادى وموقعها تحفة عالنيل جنب فندق سوفتيل وكنت مبسوطاوى بشغلى فى القاهرة

بس اكتشفت بعد كدة انه عايزينى امسكله شغل تانى وكان بيثبتنى بموضوع البرنامج ده

وده اول الم اخده على قفايا وحسيت بالغلطة انى اسيب شركة كبيرة واروح لشركة مش معروفة

بس اسيب نفسى للفشل لا والف لا

اجتهدت شوية ورجعت تانى للكورسات بصورة مكثفة واعدت ادور على شغل فى كل مكان وبجنون وبطريقة عمرى معملتها فى حياتى لدرجة فىه ايام 4 شركات بيكلمونى المهم اخلص نفسى من الورطة اللى اتحطيت فيها دى

لحد ماشركة سعودية كلمتنى وبينى وبينكوا مكنش ليا فى موضوع السفر ده ومش ناوى عليه اصلا بس قولت اروح اجرب اشوف الناس دى بتعمل ايه

روحت وانا ملييش نفس وقابلت الناس وضايقونى جدا

مسالونيش عن اى حاجة فنية واعدوا ربع ساعة بس وقالوا لى خلاص شكرن هنبقى نكلمك اضايقت منهم وكنت ههب فيهم واقولهم مضيعين وقتى عشان ربع ساعة بس قولت بلاش خليك انت الكبير

بعد يومين لاقيت ارقام كتيرة بتتصل بس نفضت عشان دماغى كانت تعبتنى

بعدها بيوم لاقيت رقم بردوا بيتصل قولت ارد اشوف مين لاقيته الراجل بتاع الشركة السعودية بيقولى انت فين يا حسام بيتصل بيك من امبارح وانت مش بترد

قالى بجد قدامى 5 سعات ومسافر لو تعرف تلحقنى عشان نمضى العقد

بصراحة العقد عجبنى اوى والحمد لله كانت فرصة كويسة فى الفترة دى

وقد كان وسافرت فى خلال شهر ونص مش حبا فى السعودية ولكن هروبا من الشركة اللى كنت فيها

بس بصراحة تجربة مفيدة جدا وفرقت معايا كتير واخدت خبرة هنا كويسة اوى والحمد لله الناس اللى اشتغلت معاهم محترمين

وبردوا اجتهدت وضغطت على نفسى لحد ماخدت ترقية وان شاء الله التانية عن قريب باذن الله

بس ادعولى انتوا :rolleyes:

معلهش طولت عليكوا

بس ببقى مبسوط لما بفتكر ايام التعب والشقا

اتمنى التوفيق للجميع

[البرادعى]

اخوكم البرادعى

المؤهل الثانوى دبلوم صناعى الشعبه المعماريه

المؤهل المعهد الفنى للمنشأت البحرية واقتصاديات النقل البحرى شعبة ميكنة وتشغيل السفن

المهارات ميكانيكا ديزل صيانة وصيانة الحاسب الالى وصيانة الدش والموبايل سوفت وشويه هارد وير

دورات فى الكمبيوتر واللغه الانجليزيه والصيانة ده حتى عملت دورات فى الطبيخ هههههههه من معهد ايجوس للسياحه والفنادق

العمل اشتغلت كتير من اول عامل نظافه فى بنزينه وسيلس فى محلات كتير وامين مخازن ومراقب عمال مبانى واشتغلت فاعل اشيل قصعه واشتغلت فى الوكاله ابيع منجه فى موسم المنجه لحد ماوصلت للمهنة اللى انا فيها حاليا مسوق عقارى

واعمل مسوق عقارى من 2007 وباءت مسوق اليكترونى اجيب واعلن شغل وشويه شويه بداءت اتعلم المهنه صح واللسان بداء يتحرك ونزلت اتعامل بقى مع العملاء واوريهم شغل وافرجهم شغل بس الشركة بتنصب علينا وبتدينا اقل اقل من حقنا بس اهو شغل

عمرى حاليا 23 سنه