الاخوة اعضاء المنتدى الكرام .. انت وظيفتك ايه .. ؟

[mrs gehad ahmed]

لكا مجتهد نصيب ............ ولو بعد حين

لا تجعلى موضوع الواسطه (الفساد الأدارى) اللى ظلم معظمنا يؤثر على عزيمتك فى الأجتهاد

كملى فى اجتهادك وتأكدى ان الله لا يضيع من أحسن عملاُ .

شكرا لرد حضرتك

انا متأكده من عدل وكرم ربنا سبحانه وتعالي وده اللي مديني الامل وعمره ان شاء الله ما هيأثر علي عزيمتي

[هشام الجنيدى]

بداية الموضوع ده جامد جدا ده هيبقا عامل زى دليل التليفون كده ....... مشكور جدا اخى على هذا الموضوع الشيق والمفييييد

اما عن وظيفتى ....... فانا طبيب اسنان

عملت سنتين فى وزارة الصحة ثم عملت اجازة بدون مرتب .... وتفرغت للحصول على درجة الماجستير فى العلاج التحفظى (اى شىء قبل خيار خلع الاسنان يسمى تحفظى)

وها اناذا فى السنة الثانيه فى الماجستير و اجهز عيادتى الخاصة بدمياط ............. :) وبس

[سهران]

السلام عليكم

أخوكم مدير تسويق لمصنع أبواب بالدمام .. خريج تجارة القاهرة / قسم محاسبة .

بدات محاسب بعد التخرج مباشرة و أتجهت للتسويق بالتدريج بنفس الشركة .

تحياتي .

[mekkawy]

لذيذ الموضوع ده و بيقرب و يعرف المحاواراتية ببعض أكتر

أنا هأبعتلكم كل يوم وظيفة من اللي اشتغلتهم عبر العصور :cry1:

خلونا نبدأ ... و بحكم دراستي إني آداب إنجليزي و كنت داخل سخن أوي لأني بحب الإنجليزي أوي و واخدها عن حب مش جواز صالونات .. قصدي مش اختيار تنسيق يعني

(مترجم و تايبست)

و دي كانت في أولى كلية لحد رابعة كلية + شغلاناتا تانية .. و أهوا الواحد يقلب عيشه بردو لأن تقليب فلوس الكتب ما كانش بيكفي المصاريف الخزعبلية على الكريب و سندوتشات البرجر و البيتزا أم كاتشب

مساء الطفاسة و الأيام الجميلة

مكاوى ... ميموريز

[عماد حمدي]

اخوكم في الله : عمادد بيه حمدي :cry1:

المؤهل : بكالوريوس تجارة - محاسبة - المنصورة 2007

المهنة : محاسب

إشتغلت محاسب بمجموعة الطيّار للسفر فرع شرم الشيخ من بعد تخرجي حتي مارس 2009

في مجال النقل السياحي والليموزين وتأجير السيارات

وتعد مجموعه الطيّار من كبري الشركات السعودية التي لها فروع في جميع أنحاء العالم ومنها مصر والتي تعمل في عده مجالات منها ما سبق ذكره و السفر وعطلات - حج وعمرة - شحن بري وشحن جوي - تخليص الجمارك وغيرها ..

بعدين سافرت السعودية أشتغلت محاسب في مؤسسة صغيرة للمقاولات لمدة كام شهر كدا )

نزلت من السعودية مكملتش وحاليا ً بدرس الزمالة الأمريكية للمحاسبين الإداريين بأمريكا CMA

ومسافر الإمارات إن شاء الله قريبا ً للعمل محاسب لدي مجموعة ....... للعقارات شركة أيضا ً سعودية لكن لها فروع في دول كثيرة

أيام الكلية من سنة أولي حتي سنة رابعة

إشتغلت في مبيعات الكمبيوتر وتدريس مناهج الـرخصة الدولية لقيادة الحاسب الآلي ICDL خاصة بعد حصولي عليها ً مبكرا ً 2004ومشروع بسيط ( الجبنة القديمة وتخزينها ) وتصوير مذكرات ومراجع للطلبة كل فرق كلية تجارة :D وإشتغلت بالغردقة وصممت موقع ( نادي العلوم بجامعة المنصورة ) وحاز ع المركز الأول في أسبوع شباب الجامعات فبراير 2005

معايا دورات تدريبة من الجامعة الأمريكية في التخصصات الآتية :

التسويق والتجارة الإلكترونية

المحاسبة الإلكترونية

مهارات إدارة الأعمال

إحتراف مهارات البيع

وورد

إكسيل ( تجاري )

أكسيس ( تجاري )

وإنجلش

وإعداد محاسبين ( جامعة المنصورة )

والـ ICDL طبعا ً :D

كوكتيل :D بس ليا فكرة من تجميعة التخصصات المختلفة دي خاصة قبل الدخول في الحياه العملية ووجهة نظري كالآتي :

ان ربما في المستقبل أكون مدير فرع أو مدير شركة فبتالي هكون ملم بالإدارة والتسويق والمبيعات وغيرها مما سبق .. ودا هيكون عامل من عوامل نجاحي مستقبلا ً " وجهة نظر " ودي كانت فكرتي أني اخد الكورسات دي بدري خاصة قبل تخرجي ..

لكن الأن التخصص محاسبة بحت وبعمق دراستي لها من خلال دراسة الزمالة CMA

ليا خلفية مش بطاله عن " الهاكرز " وأمن النظم والمعلومات فترة تقريبا ً 5 سنوات وخلالها كان ليا إنجازات منشورة ع منتدي : العاصفة إسم العضوية Emad Virus

آه نسيت حاجة مهمة أي حد محتاج حاجة في اللغة الروسية .. بفضل الله بتكلم وبقرأ وبكتب روسي والمستوي جيد //

دي سيرة ذاتية كدة ع خفيف وإذا حد محتاج أي خدمة في المجالات اللي فوق دي تحت أمره

وبكدة نقدر نقول 17 صنايع والبخت " الحمد لله ع كل شيء "

فوتوكوا بعافية ودعواتكم بقا أسافر :D

تم تعديل 6 مايو 2010 بواسطة omda2006

[MZohairy]

أخوكم Mzohairy كهربائي سيليسيون

اتخرجت من كلية الزراعه قسم معماري على اساس لما اتخرج اقدر افتح عياده و اقدر اترافع بقى امام القضاء المصري الشريف و اكسب كل القضايا

لكن للأسف نقابة الصحفيين رفضت تديني الترخيص لممارسة مهنة التدريس كمحاسب قانوني و مارست المهنه اللي اتعلمتها و هي مذيع في اذاعة الشباب و الرياضه

حد فيكم يعرف يجيبلي عقد في السعوديه بمهنة ظابط أمن ؟ :cry1:

[okwaitme]

أخوكم Mzohairy كهربائي سيليسيون

اتخرجت من كلية الزراعه قسم معماري على اساس لما اتخرج اقدر افتح عياده و اقدر اترافع بقى امام القضاء المصري الشريف و اكسب كل القضايا

لكن للأسف نقابة الصحفيين رفضت تديني الترخيص لممارسة مهنة التدريس كمحاسب قانوني و مارست المهنه اللي اتعلمتها و هي مذيع في اذاعة الشباب و الرياضه

حد فيكم يعرف يجيبلي عقد في السعوديه بمهنة ظابط أمن ؟ :unsure:

صديق ... أنت مُسكل كبير.

[لماضة مصرية جدا]

السلام عليكم و رحمة الله و بركاته

مبسوطة اوي اني بتعرف علي مهن حضراتكم مع اني حسيت اني قاعدة في نقابة التجاريين... :unsure:

و مستمتعة اكتر بالقصص اللي ورا الوظيفة.....و الله الصابرين بخير فعلا

اااقول انا بقي

معلش هرجع بيكو لورا شوية.... لا شويتين.....

من صغري بحب العربي و الانجليزي...اومال يعني مسميني لمضة أونطة.....و كنت بحب كل الانشطة اللي في المدرسة اللي فيها مسرح و شعر و حركات كده

المهم روحت السعودية الحمد لله رب العالمين لا كان فيه انشطة و لا انجليزي و نست كل حاجة

و توحدت في حلم بابا اني اطلع داااااااااكتورة ....ايون من اللي بتدي حوقن

في السعودية بقي مش عندنا علمي رياضة و علوم و الليلة دي....هما اتنين يا ادبي يا علمي.....انا طبعا تلبية لرغبة السيد الوالد هاي هيء....دخلت علمي و كنت بحب رياضة جدا.....و هو مصر اني اركز علي العلوم و الاحياء.....(اييييييييه و يا ما شجعني اني اتصاحب ع الضفادع تمهيدا للتشريح مستقبلا...بس علي مين ان من وراه كنت بحب الصراصير اكتر.... )

باااااااااانت النتيجة.....آن آن آآآآآآآآن

جبت مجموع كبير 98 بس بمعدل مصر....(اصل كان لينا تنسيق لوحدينا كده.....تقريبا عشان كان عندنا كوليرا و لا ايه عاملين لينا عازل)....طبعا مدخلنيش تطشب

قوووووووم ايه قولت لبابا فلذة كبدي.....اخش فنون جميلة......شفتوا القفزات....بقي

هو تقريبا بابا مكنشي مركز معايا خالص في اللحظة المصيرية دي.....و راح كاتب كلية موفتخرة أوي.....

كلية......تهذيب و تأديب و إصلاح.............

انها كلية قم للمعلم و فه التبجيلا......احسن المعلم قرب يسوق حنطورا

و فعلا يا مواطنين كانت الرغبة 32........و انا مكنتش بحبها خااااااالص....و رشقت في وشي

اقوله يا حاج والدي.....انا كنت تلميذة فقدانة.....(الوحيدة اللي ممكن اطلع بره الحصة و اغيب اكتر من نصها يا اما بجيب البشاورة.....و الف علي الفصول اخبط ع الباب و اجري...او اروح اوضة الموسيقي اعزف ع الااكسيليفون و يجيوا يزعقوا فيا)

بس ع مين.....هو بابا تربس دماغه.....و انا قدامه بضعف الحقيقة الله مش هو اللي معاه المصروف

معرفشي إزاي جبت فيها جيد جدا.....و كان فاضلي تكة ع المرتبة بس كان فيه ازمة قطن

اول ما بدات اتكيف مع الكلية و ده غالبا في اليوم الاخير من سنة رابعة......قالولي يا بنتي انتي هتتعيني في الكلية و برضه هتبقي اوبلة بس هتدرسي في الجامعة.....قولت مااااشي...

و ادوني شوية سكشنز كده و الدفعات عندنا ماشاء الله كبير فبناخدها في المسرح...

قووووم ايه دماغي قالتلي اني ادرسهم بطريقة المسرحيات......و قد كان و كان السكشن.......مسخرة الحقيقة....العيال من الصعيد عاملين ادوار شكسبير و دكتور فاوسطس......و شوية تلاقيهم...عامل دور مدرس بيزعق في العيال

انا قعدت في الكلية علي امل واحد....ان تجيلي بعثة و اسافر.............و ابتديت اراسل جامعات بره مصر فعلا

و طبعا كان الرفض القاطع من البيت

في منعطف تاريخي.......انا و الكلية سبنا بعض....و كانت شحتفة بقي...و الدمع اكوام اكوام

رحت اشتغلت في هيئة امريكية في مصر اسمها CARE International

تخيلوا اول مرة روحت قدمت فيها......كنت مش فاهمة حاجة و طلعت الوظيفة كبير سواقين........ :blush2:

المرة التانية.......دخلت في الغميق بقي.....و ابتديت اركز.........كان مشروع تعليمي و كنت بشتغل Quality Trainer

لمدة 3 سنين اداني خبرات جميلة جدا لان احنا كنا بنشتغل مع البنات في القري اللي اتحرمت من التعليم....و كنا بنعيش قصصهم و حياتهم و احلامهم

و انا بشتغل في كير....تقريبا نفسي اتفتحت ع الحياة..........بقيت الحمد لله مدرس معتمد للغة في كل من الAMIDEAST, AUC

انا فاكرة كويس كنت من 8 ل 5.........مدعوكة في خضرة و نحمده و ووداد.....وازاي هنوفر مصاريف المدرسة للبنات

و من 7 ل 10.......برطن عنجليزي مع علية القوم و الاكابر

بعد 3 سنين برضه عملت قفزة

سبت كل ده و شديت الرحال علي الامارات..........و بشتغل حاليا

الدراع اليمين في فريق اسمه ............Instituational Research& Academic Quality

مبسوطة فيه اوي الحمد لله علشان ببساطة ان احنا بنلف حول العالم نشوف ايه ال Best practicesيعني التجارب المؤسسية الناجحة في اي مجال...مطعم...مستشفي.....كوشك بقالة و نحاول ندرسها و نطبقها في المجال بتاعنا

و في نفس الوقت بدرس عنجليزي برضه احسن بخاف يقلب هندي

حالي بفكر اعمل قفزة تااااني ايه رايكم

اعمل و لا اكن علي كده....!!!!

فوتكم بعافية

[Mr MAGED]

مدير عام الترفيه وتطوير الأعمال بشركة استثمار عقاري مقرها جدة

انشاء وتطوير وتجهيز مدن الترفيه ( الملاهي بالمصري يعني ) الداخلية والخارجية

بالاضافة للتخطيط للاستثمارات في مجالات

Leisure, Spa, Recreation and Sports projects

[engmido]

مهندس كهرباء - وزارة الكهرباء والطاقة

الشركة المصرية لنقل الكهرباء-substation engineer

زمعنديش قصص كفاح.....بس باحترمها جداااااااااااااااااااااااااااااااااااااااااااااااااااااااااااااااا

[الباشمهندس ياسر]

مهندس كهرباء - وزارة الكهرباء والطاقة

الشركة المصرية لنقل الكهرباء-substation engineer

زمعنديش قصص كفاح.....بس باحترمها جداااااااااااااااااااااااااااااااااااااااااااااااااااااااااااااااا

معندكش ايه!!!!!!!!

مجرد حصولك ع بكالوريوس الهنا .. يعتبر ملحمة في حد ذاته

و كمان كهرباء و لسه عندك جهد انك تتكلم

كويس انك ملسعتش يا راجل 

[fatfouta]

انا اول ماشتغلت كنت فى تانية ثانوى.....اه والله كانت اختى الكبيرة مخلصة تجارة خارجية وبتشتغل محاسبة فى شركة ادوات كهربائية فى العتبة وكانت حنينة جداااا

لو جابت اى حاجة او ادوها اى حاجة فى الشغل لو حتى اكل كانت تجيبه عشان نشاركها فيه وماتحبش تتمتع بحاجة من غيرنا وبعدين اخدت اختى اللى بعدها معاها واختى دى كانت فى كلية لغات وترجمة فورية فى سنة اولى

بس عشان كان بابا الله يرحمه خلاص ابتدى يتعب جدااا ومابقاش عارف يشتغل فانا حسيت انه ليه اقعد فى البيت مانا كمان اروح اشتغل وكما عشان كانوا بيصعبوا عليا اخواتى قووووى كانوا بيخرجوا من تمانية الصبح وييجوا تسعة بالليل مثلا

وبعدين قعدت ازن على اختى انها تاخدنى معاها وهى تقولى لا مش هينفه مش هيرضوا عندنا فى الشغل انتى لسه صغيرة

وجت فى يوم اخدتنى معاها رحلة تبع الشغل وروحنا كولنا وكان صاحب الشغل هو ومراته موجودين وانا اللى روحت كلمته وقولتله انا عاوزا اشتغل مع اخواتى قعد يضحك وقاللى ماشى تعالى ونشوفبك اى حاجة

وحسيت انه بيسخر منى بس قولت مش مهم كله يهون فى سبيل انى اشارك اخواتى شوية واساعد فى البيت

وبعدين روحت معاها الشغل وقابلت صاحب الشغل قام قاللى ماشى هشغلك تقفى فى ريون حاجة كده ذى بياعة لا هى بياعة ادوات كهربائية وكده فعلا

كان المحل فى دور تحت ده للناس البائعين وكده وكان فيه ناس كتير معانا رجالة وستات وبنات وعدد كبير قوى بيشتغل والدور اللى فوق بقى ده كان فيه سكرتارية الحاج اللى هو صاحب الشغل واللى كان من ضمنهم اختى الكبيرة

كان فيه واحدة ست مديرته بتشتغل فوق اللى هى مديرة مكتب الحاج فى مرة حصل موقف وبعدها لقيتها بتقولى انتى بنت امينة ومحترمة انا هاخدك معانا فوق انتى حرام تشتغلى بياعة

وقامت مكلمة الحاج وبعدا بقيت اشتغل فوق اورزع فاكسات وارد على تليفونات وهكذا وفى مرة اللى كان ماسك الخزنة تعب ومشى خالص من الشغل لقيت صاحب الشغل فجأة قاللى تعرفى تعدى فلوس قولتله ايوه قاللى وعلطول وبدون مقدمات خدى مفتاح الخزنة وخليه معاكى

والله ماصدقت وكنت خايفة جداااااااا وقولت يا لهوى دى فيها الاف انا هعمل ايه بس

وقعدت فترة وانا ماسكاله الخزنة جمب شغلى وبصراحة الراجل كان محترم فى امتحاناتى كان بيدينى اجازات ولما طلعت ثانوية عامة كنت عاوزا اسيب الشغل وهو مارضيش وقاللى خليكى معانا ان شاله بعد ماتيجى من المدرسة تيجى ساعتين وتمشى وقعدت معاهم سنتين على كده

كنت اروح المدرسة وكنت اتكسف قوى انى اقول لحد فى صحباتى انى بشتغل وكنت ارجع مهدودة وتعبانة وانام شوية واسهر طول الليل اذاكر بس كنت فرحانة ولما كنت اجى ادى لماما المرتب الصغنن فى ايديها كنت ببقى مبسوطة جداااااااا وفرحانه و وكان كفاية دعوة ابويا المريض وهو بيبصلى وبيدعيلى كان كفاية اوى عليا انه ياخدنى فى حضنى ويضمنى واحسن انه بيصبرنى مع انى ماكنتش تعبانه والله

وبعدها قعدت معاهم تلات سنين على كده وكنت خلاص بقى دخلت الكلية وجت اختى اللى قبل الكبيرة اتخرجت واشتغلت فى شركة كويسة وكانت قريبة مننا جداااا يعنى عالكورنيش واحنا بيتنا جوا شوية

وفى مرة بكلمها رد عليا واحد بقوله عاوزا اكلم دينا قاللى انتى مين قلتله اختها قاللى فى سنة كام.....قولت فى نفسى اللهم طولك يا روح

قلتله فى اولى كلية تجارة ......

قاللى مادام احنا فى الصيف بتعملى فى الصيف قلتله بشتغل

قاللى طب ماتيجى تشتغلى عندنا

قلتله موافقة علطول كده

قاللى انا مسافر المانيا بكرة وماشى بعد نص ساعة...ربع ساعة وتكونى ادامى

وفى ثوانى نطيت ولبست وروحت قابلته وقاللى هديكى مرتب 300 ج قولت يا فرج الله وقبلت طبعا

واشتغلت معاهم سكرتيرة واتعلمت كمبيوتر وتايبنج وكنت بكتب كل جوابات الشركة من مهندسين وادارة وكله وابعتها فاكسات لان الشركة دى كانت كبيرة قوووى وبتشتغل فى طلمبات المياه ومليانة مهندسين واداريين وكل ده كان على دماغى انا

والحمد لله اثيتت نفسى فى الشغل وكان معانا اجانب من كل بلد واتعرفت على واحدة اسمها سيلفانا طليانية بتكلم انجليزى ومتجوزة مصرى وحبتنى جدااا الست دى بس بعدها مشيت من الشغل

وبعدين اختى سابت الشركة وراحت تعمل انترفيو فى شركة سيارات كبيرة فة المهندسين قامت قابلت الست الايطاليه دى وكانت هى السبب انها تشتغل فى الشركة دى بعد ربنا

وبعدها بحوالى كام شهر وبعد كام سنه من شغلى فى الشركة دى ومات في الفترة دى بابا وبعدها ماما بكام سنة

لقيت اختى جاية تقولى تعالى دول هينقلوا فى فندق سوفيتيل المعادى وعاوزين ريسشانست قولتلها لا يا ختى انا ماشتغلش الشغلانة دى قلتلى يا هبلة دول هيدوكى مرتب خيالى وثبتى نفسك فى الشركة لغايت ماتستقر وخلاص

وروحت فعلا وعلطول اتقبلت وقعدت كام شهر بشتغل فى الشركة انا واحتى وكنا كل يوم الصبح نصحى نركب المترو من الخلفاوى للمعادى وبعدها نتمشى من المترو لمبنى سوفيتيل عشان نوفر

وابتدت مرحلة جديدة فى حياتنا بصراحة شوفنا ناس جديدة واتعاملنا مع ناس مختلفة اجانب ومصريين وبعد كام مدير اختى الالمانى قاللى انا عاوزك يا فتفوتة تروحى المصنع فى اكتوبر قولتله ريسبشنست برضو قاللى لا فى الحسابات قولت اوكى وكنت برفرف من الفرحة

واشتغلت فى اكتوبر كتيييييييير فى مصنع سيارات لشركة سيارات ليها اسم فى السوق واتعرفت على اجانب والحمد لله الناس كانت بتحبنى

وعملوا فى يوم اوفر ان كل العاملين ممكن ياخدوا عربيات من الديلارز بتوع الشركة بس على انواع معينة من العربيات غير بتاعة الشركة وبالتقسيط وكان مبلغ التقسيط قليل وقولنا فرصة وجبت انا و اختى عربيتين وكنا سعدااااااء جداااا

وبعد فترة جاتلى مكالمة غريبة من احدى شركات التوظيف واحدة ست انا عارفاها قلتلى عندى ليكى اوفر خررررافى قولتلها بس انا بحب شغلى ومستريحة فيه قلتلى تعالى وجربى

روحت عملت الانترفيو فتح راجل طويل شكله ذى ماتقول اسبانى بيتكلم انجليزى مكسر قولتله ممكن اقابل مستر مورتى قاللى انا موتى موجال

وبعدين عملى الاختبارات وقاللى هكلمك بعد يومين.......انا قولت زحلقنى واتمنيت انه ياخدنى خصوصا ان الشركة ابتدت تنفصل عن الشركة التانية لدواعى مالية وشكلها كان هيفلس فى مصر

وبعد يومين لقيت واحد بيكلمنى بيقولى انا مدير الشركة الفولانية اللى جيتى عملتى فيها انترفيو وانتى اتقبلتى وتعالى اشتغلى

روحت اشتغلت وكانت مديرتى ست جميلة جدااا فى كل حاجة علمتنى الشحن من الف الى الياء وقلتلى عشان انا ماشية وانتى هتمسكى بدالى وده طبعا بعد كام شهر

وبعد كام شهر مشيت فعلا وانا من ساعة ماشتغلت ماشفتش مورتى ده اللى عملت معاه الانترفيو ومكسوفة اسال ده جنسيته ايه!!!!!!

وفى يوم جه مديرى قاللى معلش يا فتفوتة روحى المطار اعملى بيك اب لمستر مورتى عشان انتى عربيتك تستحمل قولتله ماشى

وروحت اجيبه واحنا جايين من المطار سالته جنسية حضرتك ايه؟؟؟؟ قاللى اسرائيلى

آن آآآآآآآآآآآآآآآآآآآن

قولته طب حضرتك تبقى للشركة ايه قاللى انا صاحب الشركة هو وقعد يضحك ودور وشه

الشركة دى كانت شركة شحن كبيرة بتتعامل مع مصانع الملابس الكبيرة فى مصر اللى واخدة توكيلات ذى ماذر كير واسبريت وكده

انا اتخضيت وقعدت فترة مسهمة

ورورحت لشريف مديرى وقولتله انت اذاى ماتقوليش واذاى تقعدنى الفترة دى كلها وانا معرفش ان صاحب الشركة اسرائيلى.........قعد يضحك وقاللى خديها عادى

وبعدها اتعرفت على واحدة من صحاب المصانع الملابس دى ورورحت اشتغلت عندها فى اكتوبر وهربت منةالشركة بجلدى

وقعدت فى المصنع ده مدة كبيرة لغاايت ماوصلت لمديرة استيراد وتصدير وكنت محترفة جدااا فى شغل الجمارك والشحن الدولى وبعدين اتجوزت وقعدت فترة اشتغل لغايت ماجيت اولد ابنى الاول

وبعدها جوزى كان فى السعودية اصلا بس كان نزل نهائى لفترة كدع وجاله عقد عمل تانى فى السعودية وسيبت شغلى وكل حاجة وسافرتله وخلاص على كده

وانا دلوقتى بشتغل ام

دى قصة كفاحى طويلة شوية معلش بس انا كده اختصرت والله

تم تعديل 7 مايو 2010 بواسطة fatfouta

[enjisultan]

قصة جميلة يا فتفوتة

للحظة حسيت انك هتطلعى بتهزرى خاصة عن مستر مورتى وحسيت كدة بروح رأفت الهجام انها حضرت

بس والله انا بحييكى على كفاحك

ربنا يكرمك فى زوجك وابنك ان شاء الله

تم تعديل 8 مايو 2010 بواسطة se_ Elsyed

[عبير يونس]

ما شاء الله لا قوة الا بالله

فتفوتة

انتي من الأحرار

:rolleyes:

قصدي اقولك

انتي حكاية

:blink:

مش لاقية كلام اقوله

لأ و أنا اللي فاكرة نفسي خبرة بقى و اشتغلت و كده

طلعت قدامك بيبي لسه بيحبي يا معلم

ربنا يكرمك في جوزك و عيالك يارب

و يعدل لك المايلة

يا قادر يا كريم

أختك

مصرية

[the consultant]

دي رحلتي كامله

مدرس قانون - مصر -السكندرية :blink:

(ماجستير قانون من مصر)

مستشار قانوني لشركة ملاحة - مصر - الاسكندرية :blink:

(ماجستير قانون من امريكا)

مستشار قانوني-احدى الشركات ذات الاصل الالماني -جدة - السعودية :rolleyes:

[se_ Elsyed]

وروحت اجيبه واحنا جايين من المطار سالته جنسية حضرتك ايه؟؟؟؟ قاللى اسرائيلى

هي القضية باظت من شويه ؟؟؟

اوووووووووف مليتو البلد

[fatfouta]

مصرية وانجى

شكرا على كلامكم الجميل

وروحت اجيبه واحنا جايين من المطار سالته جنسية حضرتك ايه؟؟؟؟ قاللى اسرائيلى

هي القضية باظت من شويه ؟؟؟

اوووووووووف مليتو البلد

اى قضية تقصد يا سى السيد؟؟ مافهمتش بصراحة

ولو كنت تقصدنى انا باوووف مليتو البلد........ربنا يسامحك

وشكرااا

تم تعديل 8 مايو 2010 بواسطة fatfouta

[Alrefaey]

انا اول ماشتغلت كنت فى تانية ثانوى.....اه والله كانت اختى الكبيرة مخلصة تجارة خارجية وبتشتغل محاسبة فى شركة ادوات كهربائية فى العتبة وكانت حنينة جداااا

لو جابت اى حاجة او ادوها اى حاجة فى الشغل لو حتى اكل كانت تجيبه عشان نشاركها فيه وماتحبش تتمتع بحاجة من غيرنا وبعدين اخدت اختى اللى بعدها معاها واختى دى كانت فى كلية لغات وترجمة فورية فى سنة اولى

بس عشان كان بابا الله يرحمه خلاص ابتدى يتعب جدااا ومابقاش عارف يشتغل فانا حسيت انه ليه اقعد فى البيت مانا كمان اروح اشتغل وكما عشان كانوا بيصعبوا عليا اخواتى قووووى كانوا بيخرجوا من تمانية الصبح وييجوا تسعة بالليل مثلا

وبعدين قعدت ازن على اختى انها تاخدنى معاها وهى تقولى لا مش هينفه مش هيرضوا عندنا فى الشغل انتى لسه صغيرة

وجت فى يوم اخدتنى معاها رحلة تبع الشغل وروحنا كولنا وكان صاحب الشغل هو ومراته موجودين وانا اللى روحت كلمته وقولتله انا عاوزا اشتغل مع اخواتى قعد يضحك وقاللى ماشى تعالى ونشوفبك اى حاجة

وحسيت انه بيسخر منى بس قولت مش مهم كله يهون فى سبيل انى اشارك اخواتى شوية واساعد فى البيت

وبعدين روحت معاها الشغل وقابلت صاحب الشغل قام قاللى ماشى هشغلك تقفى فى ريون حاجة كده ذى بياعة لا هى بياعة ادوات كهربائية وكده فعلا

كان المحل فى دور تحت ده للناس البائعين وكده وكان فيه ناس كتير معانا رجالة وستات وبنات وعدد كبير قوى بيشتغل والدور اللى فوق بقى ده كان فيه سكرتارية الحاج اللى هو صاحب الشغل واللى كان من ضمنهم اختى الكبيرة

كان فيه واحدة ست مديرته بتشتغل فوق اللى هى مديرة مكتب الحاج فى مرة حصل موقف وبعدها لقيتها بتقولى انتى بنت امينة ومحترمة انا هاخدك معانا فوق انتى حرام تشتغلى بياعة

وقامت مكلمة الحاج وبعدا بقيت اشتغل فوق اورزع فاكسات وارد على تليفونات وهكذا وفى مرة اللى كان ماسك الخزنة تعب ومشى خالص من الشغل لقيت صاحب الشغل فجأة قاللى تعرفى تعدى فلوس قولتله ايوه قاللى وعلطول وبدون مقدمات خدى مفتاح الخزنة وخليه معاكى

والله ماصدقت وكنت خايفة جداااااااا وقولت يا لهوى دى فيها الاف انا هعمل ايه بس

وقعدت فترة وانا ماسكاله الخزنة جمب شغلى وبصراحة الراجل كان محترم فى امتحاناتى كان بيدينى اجازات ولما طلعت ثانوية عامة كنت عاوزا اسيب الشغل وهو مارضيش وقاللى خليكى معانا ان شاله بعد ماتيجى من المدرسة تيجى ساعتين وتمشى وقعدت معاهم سنتين على كده

كنت اروح المدرسة وكنت اتكسف قوى انى اقول لحد فى صحباتى انى بشتغل وكنت ارجع مهدودة وتعبانة وانام شوية واسهر طول الليل اذاكر بس كنت فرحانة ولما كنت اجى ادى لماما المرتب الصغنن فى ايديها كنت ببقى مبسوطة جداااااااا وفرحانه و وكان كفاية دعوة ابويا المريض وهو بيبصلى وبيدعيلى كان كفاية اوى عليا انه ياخدنى فى حضنى ويضمنى واحسن انه بيصبرنى مع انى ماكنتش تعبانه والله

وبعدها قعدت معاهم تلات سنين على كده وكنت خلاص بقى دخلت الكلية وجت اختى اللى قبل الكبيرة اتخرجت واشتغلت فى شركة كويسة وكانت قريبة مننا جداااا يعنى عالكورنيش واحنا بيتنا جوا شوية

وفى مرة بكلمها رد عليا واحد بقوله عاوزا اكلم دينا قاللى انتى مين قلتله اختها قاللى فى سنة كام.....قولت فى نفسى اللهم طولك يا روح

قلتله فى اولى كلية تجارة ......

قاللى مادام احنا فى الصيف بتعملى فى الصيف قلتله بشتغل

قاللى طب ماتيجى تشتغلى عندنا

قلتله موافقة علطول كده

قاللى انا مسافر المانيا بكرة وماشى بعد نص ساعة...ربع ساعة وتكونى ادامى

وفى ثوانى نطيت ولبست وروحت قابلته وقاللى هديكى مرتب 300 ج قولت يا فرج الله وقبلت طبعا

واشتغلت معاهم سكرتيرة واتعلمت كمبيوتر وتايبنج وكنت بكتب كل جوابات الشركة من مهندسين وادارة وكله وابعتها فاكسات لان الشركة دى كانت كبيرة قوووى وبتشتغل فى طلمبات المياه ومليانة مهندسين واداريين وكل ده كان على دماغى انا

والحمد لله اثيتت نفسى فى الشغل وكان معانا اجانب من كل بلد واتعرفت على واحدة اسمها سيلفانا طليانية بتكلم انجليزى ومتجوزة مصرى وحبتنى جدااا الست دى بس بعدها مشيت من الشغل

وبعدين اختى سابت الشركة وراحت تعمل انترفيو فى شركة سيارات كبيرة فة المهندسين قامت قابلت الست الايطاليه دى وكانت هى السبب انها تشتغل فى الشركة دى بعد ربنا

وبعدها بحوالى كام شهر وبعد كام سنه من شغلى فى الشركة دى ومات في الفترة دى بابا وبعدها ماما بكام سنة

لقيت اختى جاية تقولى تعالى دول هينقلوا فى فندق سوفيتيل المعادى وعاوزين ريسشانست قولتلها لا يا ختى انا ماشتغلش الشغلانة دى قلتلى يا هبلة دول هيدوكى مرتب خيالى وثبتى نفسك فى الشركة لغايت ماتستقر وخلاص

وروحت فعلا وعلطول اتقبلت وقعدت كام شهر بشتغل فى الشركة انا واحتى وكنا كل يوم الصبح نصحى نركب المترو من الخلفاوى للمعادى وبعدها نتمشى من المترو لمبنى سوفيتيل عشان نوفر

وابتدت مرحلة جديدة فى حياتنا بصراحة شوفنا ناس جديدة واتعاملنا مع ناس مختلفة اجانب ومصريين وبعد كام مدير اختى الالمانى قاللى انا عاوزك يا فتفوتة تروحى المصنع فى اكتوبر قولتله ريسبشنست برضو قاللى لا فى الحسابات قولت اوكى وكنت برفرف من الفرحة

واشتغلت فى اكتوبر كتيييييييير فى مصنع سيارات لشركة سيارات ليها اسم فى السوق واتعرفت على اجانب والحمد لله الناس كانت بتحبنى

وعملوا فى يوم اوفر ان كل العاملين ممكن ياخدوا عربيات من الديلارز بتوع الشركة بس على انواع معينة من العربيات غير بتاعة الشركة وبالتقسيط وكان مبلغ التقسيط قليل وقولنا فرصة وجبت انا و اختى عربيتين وكنا سعدااااااء جداااا

وبعد فترة جاتلى مكالمة غريبة من احدى شركات التوظيف واحدة ست انا عارفاها قلتلى عندى ليكى اوفر خررررافى قولتلها بس انا بحب شغلى ومستريحة فيه قلتلى تعالى وجربى

روحت عملت الانترفيو فتح راجل طويل شكله ذى ماتقول اسبانى بيتكلم انجليزى مكسر قولتله ممكن اقابل مستر مورتى قاللى انا موتى موجال

وبعدين عملى الاختبارات وقاللى هكلمك بعد يومين.......انا قولت زحلقنى واتمنيت انه ياخدنى خصوصا ان الشركة ابتدت تنفصل عن الشركة التانية لدواعى مالية وشكلها كان هيفلس فى مصر

وبعد يومين لقيت واحد بيكلمنى بيقولى انا مدير الشركة الفولانية اللى جيتى عملتى فيها انترفيو وانتى اتقبلتى وتعالى اشتغلى

روحت اشتغلت وكانت مديرتى ست جميلة جدااا فى كل حاجة علمتنى الشحن من الف الى الياء وقلتلى عشان انا ماشية وانتى هتمسكى بدالى وده طبعا بعد كام شهر

وبعد كام شهر مشيت فعلا وانا من ساعة ماشتغلت ماشفتش مورتى ده اللى عملت معاه الانترفيو ومكسوفة اسال ده جنسيته ايه!!!!!!

وفى يوم جه مديرى قاللى معلش يا فتفوتة روحى المطار اعملى بيك اب لمستر مورتى عشان انتى عربيتك تستحمل قولتله ماشى

وروحت اجيبه واحنا جايين من المطار سالته جنسية حضرتك ايه؟؟؟؟ قاللى اسرائيلى

آن آآآآآآآآآآآآآآآآآآآن

قولته طب حضرتك تبقى للشركة ايه قاللى انا صاحب الشركة هو وقعد يضحك ودور وشه

الشركة دى كانت شركة شحن كبيرة بتتعامل مع مصانع الملابس الكبيرة فى مصر اللى واخدة توكيلات ذى ماذر كير واسبريت وكده

انا اتخضيت وقعدت فترة مسهمة

ورورحت لشريف مديرى وقولتله انت اذاى ماتقوليش واذاى تقعدنى الفترة دى كلها وانا معرفش ان صاحب الشركة اسرائيلى.........قعد يضحك وقاللى خديها عادى

وبعدها اتعرفت على واحدة من صحاب المصانع الملابس دى ورورحت اشتغلت عندها فى اكتوبر وهربت منةالشركة بجلدى

وقعدت فى المصنع ده مدة كبيرة لغاايت ماوصلت لمديرة استيراد وتصدير وكنت محترفة جدااا فى شغل الجمارك والشحن الدولى وبعدين اتجوزت وقعدت فترة اشتغل لغايت ماجيت اولد ابنى الاول

وبعدها جوزى كان فى السعودية اصلا بس كان نزل نهائى لفترة كدع وجاله عقد عمل تانى فى السعودية وسيبت شغلى وكل حاجة وسافرتله وخلاص على كده

وانا دلوقتى بشتغل ام

دى قصة كفاحى طويلة شوية معلش بس انا كده اختصرت والله

قصة كفاح ولا اروع , مثال صارخ لعصامية البنت المصرية , تقبلى احترمى وتحياتى

[myusername]

الشغلانة: مطور مواقع - بس جايبها من تحت

بدأت فى 2005... علشان مكانش عندى كمبيوتر فى بيتنا, قمت رحت اشتغلت فى كافى نت جنبينا.. علشان اقعد عالنت ببلاش

فى آخر 2005: تعرفت على سيدة أمريكية تستثمر فى الشركات الصغيرة.. و طرحت عليها فكرة لموقع.. و وافقت انها تدعمنى ماديا, و كمان دعمتنى من ناحية التعليم.. لانى ماكنتش اعرف حاجة تقريبا فى تطوير المواقع. :wub:

فى آخر 2007: اضطرينا نوقف الموقع لاسباب قانونية تتعلق بحقوق النشر... و لكن حققنا نجاح (مادى) لا بأس به.

خلال عام 2008: استكملت تعليم بعض لغات البرمجة و التقنيات, حتى اواكب العصر..

فى نهاية 2008... و حتى منتصف 2009: انفصلت قليلا عن تطوير المواقع, و اشتغلت كمترجم لاحد المستوردين فى العتبة.

من منتصف 2009 و حتى مارس 2010... انتقلت بين بعض شركات تطوير المواقع... ثم تركت العمل نهائيا فى مارس, للتفرغ للعمل الحر كمطور مواقع, و للتحضير للسفر الى اوروبا. wst::

من مارس 2010 حتى الان: مطور مواقع حر... عن طريق مواقع مثل freelancer.com ... و الحمدلله الامور ماشية افضل مما كنت متوقع.

[se_ Elsyed]

مصرية وانجى

شكرا على كلامكم الجميل

وروحت اجيبه واحنا جايين من المطار سالته جنسية حضرتك ايه؟؟؟؟ قاللى اسرائيلى

هي القضية باظت من شويه ؟؟؟

اوووووووووف مليتو البلد

اى قضية تقصد يا سى السيد؟؟ مافهمتش بصراحة

ولو كنت تقصدنى انا باوووف مليتو البلد........ربنا يسامحك

وشكرااا

ما فيناش من زعل

أن قصدي القضية الفلسطينية ..

لا بجد مش متخيل نفسي أشتغل مع حد إسرائيلي ... لأ وداخل مصر كمان .... صعبه قوي الحكاية دي .. لكن للظروف أحكام