الموت حق ، والنفاق باطل..

[herohero]

عارفين انا مبسوط جدا بالنفاق العلني ده عشان خلاص هريح نفسي وهبطل فرجه ع البرامج بتاعت العاشره مساء وتسعين دقيقه والحياه اليوم والبيت بيتك

شاطرين تغمونا كل يوم وف الاخر تطلعوا منافقين نفسي اشزف بلد حاكمها يلغي زيارة لدوله خارجيه عشان موت حفيده وايه لعلمكم الزياره ده من فتره

لان بوش كان مطنش الزبون لكن نلغيها عشان وفاة حفيد، اللي انا مستغرب له هل القنوات الفضائيه مالقيتش حزن ف موت ضحايا العباره ده حتى لو ايه قرانيه اتقرت عليهم وياترى ماشوفش حلقه من برنامح واحد من الناس ايه ماشوفش حلالت السرطان اللي عند الاطفال ده طفل لقى رعاية واهتمام انما الغلابه اللي كان السبب فيه مرضهم المبيدات المسرطنه عندنا ياجماعة بجد احنا حلال فينا الدبح

نفالق علني ودمه تقيل ولا المفتي بجد الله يكرمه انا حسيت اننا بنتكلم عن شهيد ربنا يرحمه لكن طفل ماوصلش للدرجه ده

ياجماعه بيقانو الموقف بوفاة ابناء الرسول

والله حرام احنا مستنيين تاني ايه يحصلنا ضيعتونا بره وجوا ده احنا اللي عاوزين جنازة ، جنازة ع المصريين الي ضاعوا برا وجوا

[se_ Elsyed]

الموضوع ده جه عالطبطاب لآل مبارك عشان الإنتخابات القادمة

التشريعية ومن بعدها الرئاسية ...

أحلى تعاطف من الطبقة المستفيدة المنافقة ...

والله العظيم ضوفت مجرم الحرب محمد إبراهيم سليمان اللي خد ملايين الدولارت من الامارات لتطوير منطقة الدويقة وحطها في جيبه بصفته .. بصفته عارفين إيه ؟

وزير الإسكان السابق اللي حصل في عهدة تبرع الإمارات بملايين الدولارات لتطوير تلك المنطقة وما أنحطش فيها طوبة تطوير ..

وكمان مفاجأة يمكن كتير مش عارفينها .. وإنه نائب مجلس الشعب عن تلك الدايرة اللي ما قدرش يهوب هناك بدل ما يقلتوه لإن اهلها لا يعرفوه ولا شافوا وشه .

المهم شفته في الجنازة كان خلاص يعني هايعمل بيبي على نفسه من كتر التأثر والبكاء .. وكأن من وقع عليهم الصخور التي تزن أطناناً . وقعت على بيوتهم وهما نايمين وكانت مذبحة راح ضحيتها الأبرياء .. وكإن دول كلاب وماتوا ... وحفيد الرئيس الطفل هو ملاك من السما ...

ويقول لك كانت هناك تعليمات صريحة من منسقي الجنازة وعلى رأسهم زكريا عزمي وقيادات الحرس الرئاسي إن ما فيش بوس ولا أحضان لجمال وعلاء ... لكن الوزرا والمعزيين ما قدروش يمسكوا نفسهم من التاثر والحب الجارف ... حتى الراجل العسكري حسين طنطاوي .. ما قدرش يمسك نفسه في الموقف الإنساني العصيب وهاتك يا بوس في علاء وشوفته وهو بيميل على علاء وشكله كان بيقول له ( المرحوم كان سالف مني 5 بواكي ) ...

وعمرو أديب مستعجب ... إزاي جمال وعلاء سلموا على كل الناس دي في الصوان ؟

وعشان حب الشعب اللي بيهيم حباً في مبارك وآهله ... كل اللي راح العزا حتى - ده كلامه - الناس العاديه اللي لابسه جلاليب ... لا كان في حرس قال لهم إنتو رايحين فين ولا جايين منين ودخلوا سلموا على ابو لاشهيد وعمه كده .. صان فاصو ..

نسيت اقول لكم .. راح حمدي رزق واخد المايك منه وحكى لنا على فيلم من افلام الخيال العلمي الهوليودية زي مارس آتلك .. واندبيندنز داي كده ... وقال .. ما هي دي مش جديدة عليهم - آل مبارك يعني - .. لإن مبارك بنفسه يا عمرو بيسوق عربيته بنفسه وبينزل القرى والنجوع والشوارع ويوقف سيارته ويجلس مع الناس البسطاء ويدخل بيوتهم يشرب معاهم الشاي .......

بس نسي يحكي لنا عن مركبات الفضاء والمخلوقات اللي راسها كبيره وبتبقى بالطول ولونها أخضر من برا واحمر وببذر من جوه

ههههههع هههههع ههههع ...

على يدي فعلاً .. أنا مره كنت ماشي في شارع فيصل وإنت جاي من المنيب وداخل عالعمرانية .. وواقف بأضرب سدُق وكبده على عربية هناك لقيت عربية هيونداي أكسنت معدية عادي يعني ... وراح الريس نازل منها وضرب معانا شاندوشتات .. حتى بالامارة مشي من غير ما يحاسب .. فقلت هي عادته ولا هايشتريها ...

وبعدها لقيت ماما بتصحيني من النوم وتقول لي : مش تبقى تتغطى يا منيل بدل ما طول الليل عمال تخرف وتقول : إوعى الجاززززززز

وغيره وغيره من المنافقين وعلى رأسهم فضيلة شيخ الأزهر اللي بيُعلنها صراحة إنه ما يعرفش حاجه عن الفساد في مصر ؟

ليه يا عم الحج ؟ والكلام على لسانه

لإنه مش فاضي يقرأ صحف أو يشاهد قنوات أخباريه

آه والله يا أخوانا يا مصريين الكلام ده بأقول له وأنا صادق فيه وعلى لسان اصحابه في لقاءات تليفزيونية .. بالأمارة لما محمود سعد بيسألوه عن موقفه من البلاوي اللي بتحصل في مصر .ز

فقال إيه اللي بيحصل في مصر ؟ أنا مش فاضي أشوف أخبرا أو اقرأ جرايد ...

على فكرة

هو أول شيخ أزهر يمشي بحراسة وبموتسيكلات وبييب بيييب والهلوما بتاعت الوزراء الجبناء ... اللي الأسبوع الماضي كان أول حكم سجن من نوعه على واحد من حرس الوزراء قتل مواطن ماشي في الشارع لإن كل ذنبه وجريمته النكراء إنه كان ماشي أثناء موكب معالي الوزير معدي ..

انا عن نفسي حصل الموقف ده و كانت اول مره وأخر مره أشوف منظر زي ده من سنتين كده ماشي بالعربية عالكورنيش بس في منطقة الزمالك وألاقي دول معديين وكلاب الحراسة طالعين من الشبابيك وكل واحد ماسك رشاش وبيوجهه ناحية أي سيارة مش مديه خوانه ومعديه جنب الموكب غير الرعب بتاع مكبرات الصوت عشان نوسع واللي ممكن ترعب أي حد سواقته على قده وتخلية يلبس في عامود أو ينزل في النيل .. عشان الباشا اللي مش عارفين أنهي واحد فيهم معدي . وممكن كمان تلاقيه لا وزير ولا حاجه .. ممكن يكون كلب الوزير رايحين يفسحوه في حديقة الحيوان يشوف إخواته هناك ...

الأمل في الشعب الصادق المحترم وليس في هؤلاء .. أصحاب الكراسي ...

بأقول لصديقي يموديست أمبارح وإحنا بنتكلم في التليفون ...

أومال يا موديست لما الموت علينا حق .. لو كان علاء او جمال هو اللي مات ؟

على كده كانوا عملوا فينا زي قبائل الأشانتي في غانا .. لما حد من الكبارات بيموت لهم في القبيلة بيجيبوا خيرة شباب القرية يدبحوهم ويدفنوهم معاه ..ونس يعني

فعلاً .. كان ممكن أمن الدولة والحرس الجمهوري نزلوا الشوارع ولموا لهم قد مليون شاب وفتاة من الحسناوات .. واندبحوا في طريق صلاح سالم ودفنوهم جماعياً مع الشهيد الركن جمال أو علاء ...

ههههه ... اسرع حديقة في العالم .. بعون الله ضربوها في 3 أيام وهايفتتحوها يوم السبت ... حديقة الشهيد محمد علاء مبارك .. يا حلاوه !!!!

تفتكروا الرئيس نفسه ما بيفكرش كده .. لو كان خسر مثلاُ والعياذ بالله الإنتخابات وبقى رئيس سايق محبوب وحلو وله مريديه ودراويشه ... لو كان حفيده ولا ولاده كلهم ماتوا ... كنت هاتلاقي حالة الإسهال النفاقي الموجودة دلوقت دي ؟

كنا بنقول الموت عظه له ولأمثاله ..

ولكن الظاهر الموت ده هايبقى دفعة للأمام له وللمحيطين به ..

[سكر]

الموت حق

وتعزية اهل المتوفى واجب انسانى ودينى

عجبنى جدا ان فى ناس كتير فى مصر زعلانه لكن الناس الى زعلت مكنتش عايزة تنافق

الناس دة عبارة عن الاقارب والاهل والاصدقاء خصوصا الامهات منهم لان المتوفى طفل

ودة فعلا المعدن الطيب فى الشعب المصرى

لايمكن ان يفرح فى مصييبه غيره مهما كانت الخلافات خاصه الموت

وذلك بعيدا عن زفة النفاق

ايضا هولا اصابهم الحزن عند خبر زبح الطفلين زياد وشهد وهم داخل منزلهم من ابن عمتهم من اسبوعين تقريبا

وايضا كانت صدمة كبيرة جدا

ولكن توجد حقيقة لا يمكن ان يتجاهلها انسان

الناس طبقات ويبدو ان الحزن ايضا طبقات

حزن الملك غير حزن الوزير غير حزن الغفير

فى مقارنة سريعة بين الحادثين الحادث الاخير للطفلين اشد وافظع ويكاد يقطع القلب

ولكن دة حزن الغفير وليس حزن الملك

دعونا نطلب من الله ايخف الالم على كل اب وكل ام مهم كان مرتبته فى المجتمع فالحزن واحد ولكن

اصحاب المصالح يحاولون النيل من كل حدث للحصول على سبوبه جديدة

[سكر]

نسيت اقول حاجة

انا حاسس ان خبر الوفاة نهاية لاسره مبارك وان فى خلال اقل من سنتين الاسرة دة هتختفى من حياة المصريين

يمكن اكون مبالغ او غلطان بس دة احساس قوى عندى

يعنى دى بداية النهاية

[اسماعيل امين]

اقتباس من احد الاخوه الزملاء

-----

بمناسبة الأخوة اللي بيقولوا إحنا بنشمت في الموت في هذا الموضوع

غريية جداً ... يا ريت يجيب لنا أي زميل لفظ سخرنا فيه من موت محمد علاء مبارك

-----------------------

كلمات ساخره لا داعي لها في كشف نفاق المحيطين :-

--------

بيميل على علاء وشكله كان بيقول له ( المرحوم كان سالف مني 5 بواكي ) ...

-----------------

حديقة الشهيد محمد علاء مبارك .. يا حلاوه !!!!

----------------

بيقولك كلب الباشا مات...البلد كلها راحت تعزي

ولما الباشا مات...ولا كلب راح يعزي

طبعاً أنا ما اقصدش التشبيه لا سمح الله ، إنما بس باشبه الموقف مش أكتر

-------------

وبعدين ليه يلفوا الولد بعلم مصر؟ احنا مش ملكية ولا الولد شهيد ولا ادي خدمة للبلد.

يعني كل طفل يموت نلفه بعلم مصر ولا ايه؟

--------------

طيار مثل جده وعارفينها ... حيث أن جده كان هو الأخ التالت للإخوان لوميير مخترعي الطائرة ...

-------------

بس بقى أحسن هاعيط والدموع هاتفرفر من عيني .. يا كبدي يابني .. وزنه قابل للزيادة .. حاكم جده كان مادد له ماسورة من مصنع جالاكسي من جينيف في سويسرا لحد قصر علاء في القطامية والواد كان حاطط بؤه في بزبوز الماسورة طول اليوم وعمال يشفط شوكولاته وفعلاً زاد 5 جرام الأيام الأخيرة ..

-------------

كان شبه جدو بالضبط فى حركاته وسكناته، حسنى مبارك التانى،

-------------

محمد كان يحب جدو أكتر من الشيكولاتة،

----------------

بالتأكيد هايتكلم عن وفاة الشهيد محمد علاء مبارك وعلاقة ذلك بالازمة الاقتصادية العالمية وتسريح آلاف العمال من شركة تويوتا وأنهيار إقتصاديات منطقة اليور وطفح المجاري في شوارع البدرشين ..

------------------------

وأدي سفرية أمريكا طارت .... خليه بقى يدور له على عقد عمل في الخليج وييجي لحد عندي يسألني عن البصمة وأوراق الإستقدام .. وهل مهنة رئيس جمهورية مسموح لها بالإستقدام ولا لأ

------------------

كلمات منطقيه راقيه يعبربها اعضاء المحاورات عن رفضهم لكل مظاهر النفاق مع احترام هيبه الموت

أتفهم أن يتابع التيفزيون الحدث، ويجرى تعديلا على برامجه بإلغاء برامج المنوعات والغناء ليكون التليفزيون معبرا عن الحالة المزاجية للناس، لكن بشرط ألا يصل الأمر إلى ما يشبه الحداد الرسمى الكامل لأن الانطباع الذى يخلقه مثل هذا التصرف خطير جدا، ولا أعتقد أن الرئيس يقبله، لأنه ضرب بنفسه مثالين الأول باقتصار العزاء على تشييع الجنازة، والثانى بمناشدة الناس عدم نشر مشاطرات فى الصحف، لكن يبدو أن رغبة البعض فى المجاملة أعمتهم عن فهم الرسائل الرئاسية فى هذا الموقف العصيب.. وإنا لله وإنا إليه راجعون.. ولا حول ولا قوة إلا بالله

----------

دعونا نطلب من الله ايخف الالم على كل اب وكل ام مهم كان مرتبته فى المجتمع فالحزن واحد ولكن

اصحاب المصالح يحاولون النيل من كل حدث للحصول على سبوبه جديدة

---------------

وإن كنا نختلف مع هؤلاء سياسياً إلا أننا في النهاية يجب أن نحترم مشاعرهم ونقدر حزنهم والجانب الإنساني يجب أن يوضع محل اعتبار

لا أراكم الله مكروهاً في عزيز لكم.

وألهم الله والد الطفل وجده وأسرته الصبر والسلوان

-------------------

نعم بلا ادني شك جميعا نقدر هذه المأساة لهذه العائلة

ولكن كعائلة مصرية تفقد اغلي ما لديها ((ولد في عمر الزهور))

---------------

هذا احساس المواطن العادي

ولكن ان تنقلب هذه الماساة الى مظاهرة منافقين

هذا ما لا كنت اتمناه كواحد من ابناء مصر

-------------

سقوط الأقنعة ..

وإنكشاف المنافقين .

---------------------

. لو إنت رايح تؤدي واجب العزاء بمنتهى الوقار والاحترام .. وفجأة لقيت الميتم تحول إلى حفل باليه راقص ... هل ده مش هايلفت نظرك لشيء غريب مثلما هو حادث في وصلات النفاق المستمرة الأن ؟

بقيه تعليقات الاخوه الزملاء تعبر عن الحزن علي فقد عزيز لغفير يكافئ الحزن علي عزيز لوزير او رئيس

دوله .الحزن له جلاله واحترامه يمتنع المنافقين والمستفيدين .

لا أراكم الله مكروهاً في عزيز لكم.

[Sherief AbdelWahab]

وعن سبب إطلاق اسم الراحل «محمد علاء مبارك» على الحديقة قال مدير المدرسة: «تلاميذ المدرسة، الذين تتقارب أعمار معظمهم مع عمر الفقيد، هم الذين اقترحوا الفكرة، فوافقت عليها الإدارة، وكل تلميذ غرس شجرة، ثم علق عليها (كارت) يحمل اسمه، وكتب عليه إهداءه الشجرة لروح الفقيد».

أبوس إيديك كفاية .. ح أعيط .. منديلي مش معايا .. ح أعيط .. :sad:

لسة فيه حد لغاية دلوقت مش مصدق إن فيه نفاق مسخسخ في الموضوع؟

خلص الكلام

[ssmaly]

احب اضيف لكلام الأخوة

ان الموقف كان يستحق الشماتة لان كلنا كنا بندعى عليهم انهم يتألموا مثل ما تألم الشعب المصرى كله فى وفاة ضحايا طابور العيش

وضحايا غرق العبارة

وضحايا قطارات الموت

وضحايا الاغذية المسرطنة

وضحايا رجال الشرطة

وضحايا الخصصخة

وضحايا الفساد المستشرى فى البلد حتى النخاع

و ضحايا---

وضحايا ------

ولكن احنا شعب طيب كل واحد هنا كتب لم يبدى اى شماتة

ولكن كانت التعليقات عن النفاق الزائد الذى يصل الى حد الهبل والعبط

والنقد كله كان موجه للنفاق

ولكن حالة الموت والوفاة كل الناس لم تشمت لأننا شعب طيب يحترم الموت و الموتى

تم تعديل 21 مايو 2009 بواسطة ssmaly

[الحازم حسن]

وألهم الله والد الطفل وجده وأسرته الصبر والسلوان ... ولكن

إنا لله وإنا إليه راجعون ... ولكن

لله ما أعطى ولله ما أخذ ... ولكن

مينفعش نعزي بس من غير ولكن ؟!!!

[se_ Elsyed]

مينفعش نعزي بس من غير ولكن ؟!!!

ما هو الناس مش واخده بالها يا حازم بيه

الموضوع هنا في باب الاعلام لمناقشة ظاهرة الاسهال النفاقي الاعلامي .. وموضوع العزا عملنا فيه الواجب وزيادة

تخيل ا الاسهال ده مستمر لحد النهاردة

وواحده زي لميس الحديدي مرات عمرو اديب مازالت تكتب وتكتب وتكتب في المصري اليوم .. وده يمكن المقال العاشر عن الفقيد الشهيد

ولسه لحد امبارح بعض القنوات الفضائية تعيش في حالة الحداد ؟

تفتكر ده طبيعي ... وشيء يعدي بالساهل ؟

------------

شوية فضفضة بقى

- ما كدبش ابراهيم عيسى لما قال في مقاله الشهير اللي اتحبس عشانه " الالهه لا تموت "

فعلاً .. الرؤساء الالهه لا يموتون

وبما ان س = ص .. وع هو قريب سين من ناحية الاب ... اذاً ع = س

يعني بما ان الرئيس له اولاد واحفاد

اذاً الاحفاد والاولاد لا يموتون هما برضيكي

واذا ماتون .. يبقى في التوكتوم وتظل الاسباب غاية في السرية

- برضوا مش عارف ليه .. عفواً يعني .. وانتو اخواتي وحبايبي ... مش عارف ليه حاسس ان الجنازة بتاعت الطفل الفقي محمد دي كانت بروفه لحاجه اكبر جايه .... والحدق يفهم

بس لحد كده

[se_ Elsyed]

الله عليك يا بلال يا فضل .

استاذ يابني والله

اصطباحة

بقلم بلال فضل ٢٥/ ٥/ ٢٠٠٩

لا تأتمن على أحزانك إلا النبلاء، وحدهم يمكن أن يشاركوك فيها ويخففوا عنك أثقالها. أما الأوباش فمن شأنهم أن ينحطوا بأحزانك ويبتذلوها ويجعلوها ممجوجة ومنفرة.

للناس فى حزنهم مذاهب، وأنا وأنت لم نحزن على رحيل محمد علاء مبارك لأنه حفيد رئيس الجمهورية، بل لأنه طفل برىء خطفه الموت وحرمه من بهجة الحياة، تمامًا مثلما خطف قبله أطفال الدويقة وأطفال عبّارة ممدوح إسماعيل وأطفال قطار الصعيد وأطفال معهد الأورام وكل الأطفال الذين اقتضت حكمة الله أن يخطفهم الموت من وسطينا لعلّنا نتعظ برحيلهم فنصنع عالمًا أفضل يكبر فيه كل الأطفال الباقين على قيد الحياة سعداء ومبتهجين وأحرارا ومتساوين فى حقوقهم التى خلقهم الله من أجلها بنى آدمين، لا متاعا ولا عقارا.

لعلك تذكر أننى قبل أسبوع شكرت الله على حالة التعاطف الشعبى التى حظى بها رئيس الوزراء د. أحمد نظيف بعد رحيل زوجته رحمها الله، وهى الحالة التى أثبتت أن بربرية الحزب الوطنى لم تفقد المصريين تحضّرهم، وحمدت يومها للرجل حرصه على عدم المتاجرة بحزنه أو السماح لهواة النفاق باستغلاله أسوأ استغلال، ثم لما شاء القدر أن يُفجع الرئيس مبارك وعائلته برحيل زهرة العائلة بتلك الصورة القاسية، وجب أن نحمد للرئيس أن وطأة الحزن لم تنسه أنه يحكم بلدا جمهوريا لا يصح فيه أن يختلط العام بالخاص،

ولذلك أصر على أن تقام جنازة حفيده بتلك الصورة الحضارية التى توحد فيها الخصوم السياسيون أمام رهبة الموت، ثم حرص فى خطوة أشد تحضرا على أن يرجو فى نعى الأسرة المنشور فى الأهرام عدم مشاطرة العزاء بالنشر،

ومع ذلك أبت دببة الحزب الوطنى الغشيمة الغاشمة إلا أن تنحط بتلك الرغبة فى التعبير الراقى عن الحزن، لتجبر أفعالها الناس على التأفف من ذلك الاستغلال السياسى الرخيص لرحيل هذا الطفل البهىّ الذى يخطف القلب، فتنجح ببراعة مخجلة فى إفساد لحظة نادرة توحّد فيها المصريون على قلب رجل واحد.

قل لى بالله عليك أى بذاءة تلك التى تجعل كاتبًا غشيمًا يتطوع بإدخال الرئيس وأسرته إلى الجنة بدون حساب، مع أن سيدنا أبوبكر الصديق نفسه يقول: لو كانت إحدى قدمى فى الجنة والأخرى خارجها لما أمنت مكر الله، ولماذا أوقفت قنوات فضائية خاصة بث برامجها واستبدلتها بالقرآن الكريم، مع أنها لم تفعل ذلك بعد رحيل مئات المصريين فى كل كارثة حاقت بالبلاد،

ولماذا تتطوع صحف خاصة بنشر صفحات تعزية رفضها الرئيس نفسه لمجرد أنها تريد أن تظهر حسن نيتها الوطنية لعلها تنفعها فى أيام سوداء قادمة، ولماذا يصر مفتى الجمهورية الدكتور على جمعة على ألا يكف عن إدهاشنا فيقول فى برنامج البيت بيتك إنه لم يحضر فى حياته جنازة سادها الهدوء وحفّتها الرحمة مثل جنازة محمد علاء رحمه الله، فيجبر الناس على أن ينسوا حزنهم ويلفتوا انتباه فضيلته إلى أن هدوء الجنازة كان بفعل حصار الجهات الأمنية للمنطقة والذى منع آلاف الناس من حضور الجنازة،

وأن الملائكة تحف بالرحمة والسكينة كل جنازات الأطفال دون أن تخص طفلاً بعينه، ولماذا ينشر كتاب حكوميون كلامًا مسفًا من نوعية أن حزن المصريين كان استفتاء جماهيريًا على حبهم للرئيس، مع أن غالبية المصريين الذين ذرفوا الدموع الصادقة على تلك الفاجعة يكتوون بنار سياسات حزب الرئيس ورجاله،

ولو أجريت الآن انتخابات نزيهة تحت إشراف قضائى كامل لسقط الحزب الوطنى فيها بالثلث، لأن المصريين ليسوا أغبياء ولا حمقى ليجعلوا مشاعر الحزن النبيل والتضامن الواجب فى ساعة الشدة تنسيهم رغبتهم فى التغيير والإصلاح.

رحم الله محمد علاء مبارك وأسكنه فسيح جناته وألهم أهله وذويه وزملاءه فى المدرسة وأصدقاء طفولته الصبر والسلوان. هو فى جنة الخلد لا محالة، هو فى رحاب من وسعت رحمته كل شىء،

لكن هل نرحم نحن أنفسنا ونتعظ برحيله الفاجع ونخلق جميعا من لحظة التعاطف النبيل التى سادت مصر بداية لمرحلة جديدة تجعل مصر يوما ما جنة لأطفال الفقراء والأغنياء على السواء، ولعلنا إن فعلنا نستحق أن نورد على الجنة، كما يردها الأطفال دون عناء.

[اسماعيل امين]

كلمات الاستاذ بلال .

كلمات من نور ...توزن بميزان المعادن النفيسه

الله عليك يا بلال يا فضل .

استاذ يابني والله

اصطباحة

بقلم بلال فضل ٢٥/ ٥/ ٢٠٠٩

لا تأتمن على أحزانك إلا النبلاء، وحدهم يمكن أن يشاركوك فيها ويخففوا عنك أثقالها. أما الأوباش فمن شأنهم أن ينحطوا بأحزانك ويبتذلوها ويجعلوها ممجوجة ومنفرة.

للناس فى حزنهم مذاهب، وأنا وأنت لم نحزن على رحيل محمد علاء مبارك لأنه حفيد رئيس الجمهورية، بل لأنه طفل برىء خطفه الموت وحرمه من بهجة الحياة، تمامًا مثلما خطف قبله أطفال الدويقة وأطفال عبّارة ممدوح إسماعيل وأطفال قطار الصعيد وأطفال معهد الأورام وكل الأطفال الذين اقتضت حكمة الله أن يخطفهم الموت من وسطينا لعلّنا نتعظ برحيلهم فنصنع عالمًا أفضل يكبر فيه كل الأطفال الباقين على قيد الحياة سعداء ومبتهجين وأحرارا ومتساوين فى حقوقهم التى خلقهم الله من أجلها بنى آدمين، لا متاعا ولا عقارا.

لعلك تذكر أننى قبل أسبوع شكرت الله على حالة التعاطف الشعبى التى حظى بها رئيس الوزراء د. أحمد نظيف بعد رحيل زوجته رحمها الله، وهى الحالة التى أثبتت أن بربرية الحزب الوطنى لم تفقد المصريين تحضّرهم، وحمدت يومها للرجل حرصه على عدم المتاجرة بحزنه أو السماح لهواة النفاق باستغلاله أسوأ استغلال، ثم لما شاء القدر أن يُفجع الرئيس مبارك وعائلته برحيل زهرة العائلة بتلك الصورة القاسية، وجب أن نحمد للرئيس أن وطأة الحزن لم تنسه أنه يحكم بلدا جمهوريا لا يصح فيه أن يختلط العام بالخاص،

ولذلك أصر على أن تقام جنازة حفيده بتلك الصورة الحضارية التى توحد فيها الخصوم السياسيون أمام رهبة الموت، ثم حرص فى خطوة أشد تحضرا على أن يرجو فى نعى الأسرة المنشور فى الأهرام عدم مشاطرة العزاء بالنشر،

ومع ذلك أبت دببة الحزب الوطنى الغشيمة الغاشمة إلا أن تنحط بتلك الرغبة فى التعبير الراقى عن الحزن، لتجبر أفعالها الناس على التأفف من ذلك الاستغلال السياسى الرخيص لرحيل هذا الطفل البهىّ الذى يخطف القلب، فتنجح ببراعة مخجلة فى إفساد لحظة نادرة توحّد فيها المصريون على قلب رجل واحد.

قل لى بالله عليك أى بذاءة تلك التى تجعل كاتبًا غشيمًا يتطوع بإدخال الرئيس وأسرته إلى الجنة بدون حساب، مع أن سيدنا أبوبكر الصديق نفسه يقول: لو كانت إحدى قدمى فى الجنة والأخرى خارجها لما أمنت مكر الله، ولماذا أوقفت قنوات فضائية خاصة بث برامجها واستبدلتها بالقرآن الكريم، مع أنها لم تفعل ذلك بعد رحيل مئات المصريين فى كل كارثة حاقت بالبلاد،

ولماذا تتطوع صحف خاصة بنشر صفحات تعزية رفضها الرئيس نفسه لمجرد أنها تريد أن تظهر حسن نيتها الوطنية لعلها تنفعها فى أيام سوداء قادمة، ولماذا يصر مفتى الجمهورية الدكتور على جمعة على ألا يكف عن إدهاشنا فيقول فى برنامج البيت بيتك إنه لم يحضر فى حياته جنازة سادها الهدوء وحفّتها الرحمة مثل جنازة محمد علاء رحمه الله، فيجبر الناس على أن ينسوا حزنهم ويلفتوا انتباه فضيلته إلى أن هدوء الجنازة كان بفعل حصار الجهات الأمنية للمنطقة والذى منع آلاف الناس من حضور الجنازة،

وأن الملائكة تحف بالرحمة والسكينة كل جنازات الأطفال دون أن تخص طفلاً بعينه، ولماذا ينشر كتاب حكوميون كلامًا مسفًا من نوعية أن حزن المصريين كان استفتاء جماهيريًا على حبهم للرئيس، مع أن غالبية المصريين الذين ذرفوا الدموع الصادقة على تلك الفاجعة يكتوون بنار سياسات حزب الرئيس ورجاله،

ولو أجريت الآن انتخابات نزيهة تحت إشراف قضائى كامل لسقط الحزب الوطنى فيها بالثلث، لأن المصريين ليسوا أغبياء ولا حمقى ليجعلوا مشاعر الحزن النبيل والتضامن الواجب فى ساعة الشدة تنسيهم رغبتهم فى التغيير والإصلاح.

رحم الله محمد علاء مبارك وأسكنه فسيح جناته وألهم أهله وذويه وزملاءه فى المدرسة وأصدقاء طفولته الصبر والسلوان. هو فى جنة الخلد لا محالة، هو فى رحاب من وسعت رحمته كل شىء،

لكن هل نرحم نحن أنفسنا ونتعظ برحيله الفاجع ونخلق جميعا من لحظة التعاطف النبيل التى سادت مصر بداية لمرحلة جديدة تجعل مصر يوما ما جنة لأطفال الفقراء والأغنياء على السواء، ولعلنا إن فعلنا نستحق أن نورد على الجنة، كما يردها الأطفال دون عناء.

----------------

اعتذر للاخوه الزملاء اذا كنت اندفعت بكلماتي في اجزاء سابقه .وعذري انني عايشت تجربه انسان عزيز الي قلبي فقد وحيده في

شهر يوليو الماضي تبدل حاله ...لولا رحمه الله سبحانه وتعالي (كل شئ يولد صغير ويكبر مع الايام الا الحزن علي عزيز يولد

كبير لولا عون من الله ).

ادعو الله بالصبر لكل من يفقد عزيز علي قلبه

كلمه اخيره للمصريين

لماذا لا يكون حلمنا الكبير كل اطفالنا وشبابنا (مدارس ...جامعات ....ملاعب ....كل ما يسلحهم للمستقبل )....العمر خلاص عدي

احنا عاوزين ايه من الدنيا ........ابنك لن يكون سعيد الا بسعاده من حوله من اقران .

انا كمصري مثل غالبيه المصريين مستعد لدفع عمري لتحقيق هذا الحلم العظيم

[yasser6666]

برقية عزاء بحفيد الريّس حسني

الكاتب أحمد السعيد

الأربعاء, 20 مايو 2009 16:46

أحمد السعيد - تعازينا يا سيادة الرئيس.. إن قال لك أحد عظم الله أجركم فلا تعتقله بشبهة أنه اخونجي.. فغالبية شعبك من المؤمنين وان لم يكن لهؤلاء نصيب في الحكم أو التقرب منك.

سمعت أن طائرة رئاسية خاصة نقلت حفيدك الى فرنسا بينما تُمنع عربة إطفاء وإنقاذ جلبها متبرعون بريطانيون ومنهم النائب جورج غالاوي من دخول غزة والعمل على رفع الأنقاض من فوق جثث أطفالها.. هل تعلم أن هؤلاء الانجليز قد فقدو الأمل بإدخال العربة وأعادوها الى ليبيا مؤقتا؟؟

وفي اليوم الذي عادت طائرتك الرئاسية بحفيدك بعد أن قضى الله التعجيل بأجله, يتم منع وفد طبي من دخول غزة؟ ماذا لو مُنع الأطباء عن حفيدك وهو في شدة المرض يا سيادة الرئيس؟

ولمَ قبلتم بنقله الى فرنسا؟ أما أخبروك أن أحسن الفرق الطبية الاجنبية يتم احتجازها حاليا خارج معبر رفح المغلق غير بعيد عن مكان اجازتك الدائمة في شرم الشيخ

هل أخبرك رئيس مخابراتك أنه في الوقت الذي تدفن فيه أنت حفيدك, يقوم الفلسطينون بدفن الطفل ربحي جندية الذي يصغر حفيدك بعامين والذي مات أمس بعد طول عناء من المرض والوهن

هل تعلم أنه كان يتبول دماً منذ أذار الماضي دون أن يقوى الاطباء على تشخيص مرضه أو أن يسمح له بالسفر للعلاج؟؟؟

ربما كان ألم رحيل الولد أخف وطأة من مرارة شعور أب بقلة ذات الحيلة.. وهو يرى جسد ابنه الضعيف يذبل شيئا فشيئا.. بينما يقوم الأمن بحراسة أقفال المعبر المغلق تنفيذا لأوامركم ؟

لم يطلب أحد استعارة طائرتك الرئاسية لنقل الطفل ربحي... بل كان أهله سيكتفون بنقله على حمار عبر معبر رفح فيما لو سمح ذلك البغل الذي يغلق المعبر لهم بالوصول الى الجانب الاخر من السجن الغزّي؟

فراق الحبيب مؤلم يا سيادة الريّس!! لكنه لا يعادل شعور من امتزجت لديه لوعة فقدان الولد بالمرارة من ظلم الأخوة والقرف من سيادتكم

وعظّم الله أجركم

[اسماعيل امين]

برقية عزاء بحفيد الريّس حسني

الكاتب أحمد السعيد

الأربعاء, 20 مايو 2009 16:46

أحمد السعيد - تعازينا يا سيادة الرئيس.. إن قال لك أحد عظم الله أجركم فلا تعتقله بشبهة أنه اخونجي.. فغالبية شعبك من المؤمنين وان لم يكن لهؤلاء نصيب في الحكم أو التقرب منك.

سمعت أن طائرة رئاسية خاصة نقلت حفيدك الى فرنسا بينما تُمنع عربة إطفاء وإنقاذ جلبها متبرعون بريطانيون ومنهم النائب جورج غالاوي من دخول غزة والعمل على رفع الأنقاض من فوق جثث أطفالها.. هل تعلم أن هؤلاء الانجليز قد فقدو الأمل بإدخال العربة وأعادوها الى ليبيا مؤقتا؟؟

وفي اليوم الذي عادت طائرتك الرئاسية بحفيدك بعد أن قضى الله التعجيل بأجله, يتم منع وفد طبي من دخول غزة؟ ماذا لو مُنع الأطباء عن حفيدك وهو في شدة المرض يا سيادة الرئيس؟

ولمَ قبلتم بنقله الى فرنسا؟ أما أخبروك أن أحسن الفرق الطبية الاجنبية يتم احتجازها حاليا خارج معبر رفح المغلق غير بعيد عن مكان اجازتك الدائمة في شرم الشيخ

هل أخبرك رئيس مخابراتك أنه في الوقت الذي تدفن فيه أنت حفيدك, يقوم الفلسطينون بدفن الطفل ربحي جندية الذي يصغر حفيدك بعامين والذي مات أمس بعد طول عناء من المرض والوهن

هل تعلم أنه كان يتبول دماً منذ أذار الماضي دون أن يقوى الاطباء على تشخيص مرضه أو أن يسمح له بالسفر للعلاج؟؟؟

ربما كان ألم رحيل الولد أخف وطأة من مرارة شعور أب بقلة ذات الحيلة.. وهو يرى جسد ابنه الضعيف يذبل شيئا فشيئا.. بينما يقوم الأمن بحراسة أقفال المعبر المغلق تنفيذا لأوامركم ؟

لم يطلب أحد استعارة طائرتك الرئاسية لنقل الطفل ربحي... بل كان أهله سيكتفون بنقله على حمار عبر معبر رفح فيما لو سمح ذلك البغل الذي يغلق المعبر لهم بالوصول الى الجانب الاخر من السجن الغزّي؟

فراق الحبيب مؤلم يا سيادة الريّس!! لكنه لا يعادل شعور من امتزجت لديه لوعة فقدان الولد بالمرارة من ظلم الأخوة والقرف من سيادتكم

وعظّم الله أجركم

-------------------

الاخ المحترم احمد سعيد ذكرتني بالاستاذ المحترم احمد سعيد (نكسه 1967)

لقد تذكرت جيدا اسم الشهيد الطفل ربحي جنديه الله يرحمه سوف اذكر لحضرتك اسماء 16 طفل شهيد مصري تم تسويه الارض بهم

هل ترحمت عليهم

1. أحمد أنس الباشا.

2. طه عبد الجواد طه.

3. عادل مصطفى خميس.

4. سامي إبراهيم قاسم.

5. محمد أنور أحمد العناني.

6. كحلاوي صابر فتحي حسين.

7. طارق نبيل أبو زيد حسن.

8. ممدوح بدر علي محمود.

9. وليد إبراهيم إبراهيم حسن.

10. أحمد علي عبد العاطي أحمد.

11. نجاة محمد حسن خليل.

12. صلاح محمد إمام قاسم.

13. أحمد عبد العال السيد.

14. محمد حسن محمد إمام.

15. زينب السيد إبراهيم عوض.

16. محمد السيد إبراهيم عوض.

هل تعرف اين فقدناهم هل تريد المزيد منهم ؟؟؟؟

المفروض ان يكون عنوان مقالك دعوه حق يراد بها باطل تريد حرب تطحن فيها المصريين كفاهم مافيهم .