وبعدين يا حكومه شحنه قمح اخري فاسده لصالح واحد مسنود ابن مسنود

[Sherief AbdelWahab]

ودلوقت بقى الموضوع فزورة..

جريدة بكري بتقول إن الموضوع مصيبة سوداء ..

لم تكن تلك هي المرة الأولي، ولن تكون الأخيرة بالقطع، لقد تعودنا علي ذلك لعقود طويلة من الزمن، وتحديدًا منذ صفقات الفراخ الفاسدة، مرورًا بالأغذية الفاسدة، واللحوم الفاسدة، وغيرها من المواد، التي تصيب المصريين في صحتهم .. واحوالهم المعيشية والحياتية.

كان الأمر مجرد صدفة، فقد تلقيت اتصالاً هاتفيًا من ميناء سفاجا، بدأت أحقق في الأمر، حصلت علي صور لسيارات تنقل الصفقة إلي المخازن حتي قبيل استكمال الاجراءات، وكان طبيعيًا والأمر كذلك أن أحصل أيضًا علي عينة من القمح الفاسد، لتكون سندا في طرح القضية، والمطالبة بالتحقيق في الواقعة. كانت الباخرة 'ثيوفوروس' الروسية قد أكملت شحن الصفقة من ميناء 'نوفورسيسك' بروسيا وعلي متنها 52.238.100 طن من القمح الروسي، اتجهت في البداية إلي ميناء بورسعيد، غير أن ما تردد في هذا الوقت أن ميناء بورسعيد رفض الصفقة، إلا أنها توجهت بعد ذلك إلي ميناء سفاجا بمحافظة البحر الأحمر.

مضت عبر قناة السويس، تحملت الهيئة العامة للسلع التموينية قيمة العبور، وفي 2009/4/24 وصلت الباخرة الروسية إلي ميناء سفاجا.

في مثل هذه الأحوال يصعد إلي ظهر السفينة لجنة ثلاثية من الهيئة العامة للرقابة علي الصادرات والواردات ومندوب عن الحجر الزراعي وآخر عن الحجر الصحي.

المقال كاملاً لطوله:

http://www.elaosboa.com/elaosboa/issues/63...=68&vnum=25

أخبار القط بتقول إن الموضوع زوبعة في فنجان

كتب ضياء أبو كيله:

تعلن اليوم نتائج تحاليل عينات شحنة القمح الروسية. اكد ذلك د. علي سليمان رئيس ادارة الحجر الزراعي بوزارة الزراعة وقال ان كل مانشر حول هذه الصفقة مجرد »شائعات«.. وقد اتضحت حقيقة الزوبعة التي اثيرت حول الشحنة وتبين انها مطابقة للمواصفات ولم يتم الافراج عنها بشكل نهائي حيث تم التحفظ عليها من جانب الحجر الزراعي وطلب التخلص من الشوائب قبل اعادة فحصها.. واكد اللواء محمد البنا رئيس الهيئة العامة للرقابة علي الصادرات والواردات ان جميع الاقماح المستوردة لايسمح بالافراج النهائي عنها الابعد اجتياز جميع اختبارات الفحص وفقا للمواصفات القياسية المصرية والتأكد من صلاحيتها للاستهلاك الادمي.. واستيفائها لاشتراطات الحجر الزراعي ومعامل وزارة الصحة. واوضح ان شحنة القمح الروسي التي وصلت الي ميناء سفاجا خضعت لجميع اجراءات الفحص والرقابة وفقا للوائح والقوانين وبعد سحب العينات وفحصها وردت نتائج الجهات الرقابية والتي اكدت مطابقتها للمواصفات وصلاحيتها للاستهلاك الادمي من جانب هيئة الطاقة الذرية ووزارة الصحة بينما اشترط الحجر الزراعي لمنح شهادة المطابقة والافراج النهائي اجراء عمليات غربلة خارج الدائرة الجمركية للتخلص من النسب الزائدة من الحشائش والشوائب علي ان تخضع للفحص مرة اخري.. واشار الي انه نظرا لصعوبة اجراء عملية الغربلة داخل الدائرة الجمركية فقد تم السماح للرسالة بالنقل والتخزين تحت التحفظ من قبل الحجر الزراعي في الاماكن التي حددها المستورد للقيام بعمليات الغربلة واعادة الفحص بجميع الجهات الرقابية المختصة.. ولايتم التصرف في الرسالة الا بعد الحصول علي الافراج النهائي.. واضاف ان جميع المستندات الدالة علي سلامة الشحنة وصلاحيتها للاستهلاك الادمي تم تقديمها للنيابة العامة.

http://akhbarelyom.org.eg:81/akhbarelyom/a...z=1325&m=17

مين بيقول الحق؟

خلص الكلام

[ssmaly]

شوف يا سيدى الموضوع كا الاتى

القمح درجات والسعر حسب الدرجة

طبعا الشعب المصرى العزيزلازم ياكل من اقل درجة (ومافيش مانع يكون الشركة الخاصة بيعاه للشعب المصر باعلى سعر علشان الشعب المصرى طول عمره غالى)

الأهم من ذلك ما سمعته امس فى برنامج العاشرة مساء

زمان كان النظام ايه

كانت شركة حكومية اسمهاتقريبا مؤسسة السلع التموينية كانت مسؤولة عن توفير السلع التموينية الاساسية ومنها القمح

والان ومع الخصخصة اتجهت هذة المؤسسة الى طلب توريد من الشركات الخاصة لشراء السلع التموينية وكانت الدفع بعد التوريد ولكن بدون مقدمات اصبح الدفع من الشركة الحكومية(من فلوس الشعب) مقدما للشركة القطاع الخاص وبعدين الشركة الحكومية الطيبة تعطى الشركة الخاصة فرصة للتوريد فى فترة من ثلاث اشهر الى ستة اشهر شوفتوا حكومة طيبة اكتر من كدة؟من دقنوا وافتلوا

وعند وصول شحنة القمح بيتعمل للشحنة تسهلات خاصة لانها داخلة لحساب الشركة الحكومية للقمح المدعوم يتاع الغلابة فممكن التغاضى عن عيوب كثيرة وخلى الفقير ياكل

واذا حصل ان الشحنة تم رفضها فالشركة الحكومية اللى دفعت الفلوس مقدما تتحمل وراحت فلوسك ياحكومة

فلازم يستلموا الشحنة بحشائشها وحشراتها وقمحها المكسر اللى لونه بنى ورائحته لاتطاق

ولازم يطلع مسؤول حكومى يبرر ويحلف مليون يمين ان الشحنة كويسة بس عايزة شويه غربلة وتتخلط مع القمح المصرى حتبقى فلة

لان مين اللى يقدر ينحمل رفض الشحنة وتحمل قيمتها المالية؟

الشركة الخاصة خدت فلوس الشحنة مقدما واضربوا راسكم فى اقرب عامود مسلح بحديد عز

[الترجمـان]

الأهم من ذلك ما سمعته امس فى برنامج العاشرة مساء

زمان كان النظام ايه

كانت شركة حكومية اسمهاتقريبا مؤسسة السلع التموينية كانت مسؤولة عن توفير السلع التموينية الاساسية ومنها القمح

والان ومع الخصخصة اتجهت هذة المؤسسة الى طلب توريد من الشركات الخاصة لشراء السلع التموينية وكانت الدفع بعد التوريد ولكن بدون مقدمات اصبح الدفع من الشركة الحكومية(من فلوس الشعب) مقدما للشركة القطاع الخاص وبعدين الشركة الحكومية الطيبة تعطى الشركة الخاصة فرصة للتوريد فى فترة من ثلاث اشهر الى ستة اشهر شوفتوا حكومة طيبة اكتر من كدة؟من دقنوا وافتلوا

وعند وصول شحنة القمح بيتعمل للشحنة تسهلات خاصة لانها داخلة لحساب الشركة الحكومية للقمح المدعوم يتاع الغلابة فممكن التغاضى عن عيوب كثيرة وخلى الفقير ياكل

يا اخواننا ليه اللف والدوران دا كله ..؟؟

عايزين تشيلوا الدعم من العيش شيلوه بس بلاش تستوردولنا أكل مواشي وحشرات وحشائش سامه من الخارج .. !!

سيبونا كدا نموت من الجوع احسن وارحم ما نموت من وجع الأمراض المستورده بفلوسنا ...!

تم تعديل 18 مايو 2009 بواسطة الترجمـان

[ssmaly]

اخى الترجمان

مين قال ان الدعم سبب المشكلة

فيه ناس بتسرزق من الدعم كتييييييييييييير وطبعا ان اقصد ناس تانية غير الغلابة اللى مفروض انهم بستفيدوا من الدعم

زى القطاع العام كان فيه ناس مستفيدة من خسارته وفيه ناس استفادت من بيعه بعد جعله يخسر

الناس دول بيستفيده من مصائب الشعب اكتر من افراحه

يعنى عملية استراد القمح دى فيه شركة قطاع خاص بتكس دهب بدون ان تدفع جينه واحد رأس مال

يعنى بتكسب من الهواء (مصر فيها خير كتير بس مش لينا)

هنا فى الكويت القطاع الخاص له نسبة كبيرة وممكن ان نقول له كل الحصة فى التجارة

عندما تريد اى وزارة ان تورد لها اى منتج بتعمل منقاصة وعندما ترسى على شركة خاصة

الشركة بترقص وتعمل افراح اذا دفعت الوزارة عربون مقدم والباقى بعد تسليم البضاعة وبيكون بشيك بعد ثلاث اشهر

[se_ Elsyed]

عرفت معلومة خطيرة جداً إمبارح وهي علامة سودا في تاريخ مبارك الأسود ...

مصر وللعام الثالث على التوالي ... تنفرد بالمركز الأول بين الدول العالم في إستيراد القمح

بننافس نفسنا .. هل من منافس

نقول تاني ... أكبر دولة في العالم للعام الثالث على التوالي في حجم إستيراد القمح ...

وإحنا كشعب 80 مليون بسلطاتنا ببابا غنوجنا .. مش عارفين نزرع قمح ...

إوعى توشكى ..

حاسب يا عم شرق العوينات

والصالحية ومديرية التحرير ومدينة السادات ... وكل الريف المصري اللي يُمثل اغلبية مساحة مصر .. مش عارفين حتى ننتج ولو 50 % من إحتياجات القمح ؟

وأنا أعذر الفلاح المصري تماماً في إحجامه عن زراعة القمح طالما مخسرة معاه وطالما الدولة بتذل أم الفلاح عشان تاخد منه القمح بثمن بخس ... ده غير إكتواء ظهره بثمن السماد والتقاوي ... وعلى رأي يوشع بن والي وزير الرزاعة الأسبق - أقسم بالله العظيم هذه التصريحات على لسانه - عندما هاجموه على تعاونه الوثيق مع إسرائيل في مجال الزراعة وإستيراد التقاوي المعدلة وراثياً من الكيان الصهيوني وقيام خبراء صهاينة بزيارات متكررة لمصر .... فأنبرى للمشككين وقال : من يُنكر أننا أستفدنا من الخبرات الإسرائيلية في مجال الزراعة .. إنتو مش شايفين محصول الكنتلوب والموز والخوخ بقى عامل إزاي ؟

خلاص .. بلاها قمح وناكل كنتلوب ... آه والله

نجيب الكنتلوبايه ونشقها نصين وننشفها شويه على حبل الغسيل .. وبعد يومين تلاتة نجيبها ونطحنه في الكبه بتاعت التوابل .... والدقيق اللي يطلع منها نخبز بيه عجين الفلاحه ونعمله عيش ..

ونسأ سأ العيش ده في عصير موز باللبن مع شرائح الخوخ .. ويبقى أحلى كمبوت

---------

عمرو أديب أول أمبارح جاب معاه شنطة عيش من فرن عادي ... وطول الحلقة كان بيوجه كلامه للرئيس - الراجل ده مهيس ولسه فاكر إن عندنا رئيس من 27 سنة ههههههه - وقال له ترضى سيادتك إن الشعب المصري ياكل عيش زي ده ؟ العيش كان شكله عامل زي الكائن الفضائي المنبعج الأطراف وحاجه مالهاش ملامح ..

انا متخيل شكل الريس أو اللي إسمه ريس وهو بيتصل بيه ويقول له : آه أرضى ...

وكانت قاعده جنبه ماما سوزان وهي ماسكه شلة الخيط وبتعمل لجدو مبارك شيرز عشان الشتا وراحت راميه الأبرة والفتله وقالت : ولما هو العيش وحش .. خليهم ياكلوا حلاوه .. ياكلوا جاتوه ... ياكلوا كل اللي يحبوه .. جاتكو نيله مليتو البلد

وأمام المدفئة كان آبية جمال يلاعب آبيه علاء دور دومينو .. وخلاص جمال زانق علاء في خانة اليك وقرب ياكل الفيل بتاعه وراح باصص لعمرو أديب وهو بيقول : وماله التوست ... خليهم يجيبوا توست ويعملوا شاندوشتات حلاوة بالقشطة ... الشاندوشت ده يحتوي على جميع العناصر الغذائية ..

------

رداً على زميلى الفاضل

ssmaly

اللي قال إن القمح درجات ..

هو فعلاً درجات .. لكن القمح اللي يحتوي على كمية لا بأس بها من الحشرات الميته وكل كيلو جرام حسب رأي النيابة المصرية اللي صادرت الشحنة يحتوي على 65 نوع من انواع بذور الحشائش السامة .. يُصنف ده بقى تحت أي نوع ؟

يا نهار مش فايت .... لما الكيلو فيه 65 نوع من البذور المسممة ... ليه هو الكيلو فيه كام حبايه قمح أساساً ؟

والله العظيم خير عقاب لهؤلاء الحثالة من البشر أننا نجمعهم جميعاً في ميدان التحرير .. ونكتفهم من إيديهم ورجليهم ... ونعمل لهم القمح ده بليلة ونأكلهم بالعافية ولو على طريقة زنفل بتاع فيلم حواء على الطريق لما كان بيدي الدوا للحمار اللي عنده شُحار وفاتح بؤه ببتاعه كده حديد عشان الحيوان ما يقوامش ويقفل بؤه ..

[ابو محمد المصري]

اخونا سي السيد جاب من الاخر وحط حل فيه الشفا

نجيب من اول راس النظام لحد اخر موظف منافق بيدافع عن الباطل ونحطهم في ميدان عام ونجيب الحشرات والبذور السامه المخلوطه بشويه قمح ونبسها في شويه ميه من الملوثه ونحط في بق كل واحد كام معلقه ونستني السر الالهي

[ssmaly]

سى السيد

اكيد طبعا انت فاهمى كويس

انا كنت بقول القمح درجات ليس دفاعا عن هذه الشحنة الفاسدة

نلعب لعبة البيضة

اادى الفاسدين اللى استوردوها

وادى الفاسدين اللى عدوها من الجمارك

وادى الفاسدين اللى يطلعوا فى التلفزيون بيدافعوا عنها وبيقولوا القمخ خللوه اقصد انخلوه يبقى فلة

وادىالفاسدين اللى حيدوا امور بخلطوه بالقمح المصرى ويخبزوا

وادى اللى حيقول هات حته

واضحكى ياللى مش غرمانة

اما هذا القمح فالمفروض انه ياخد درجة فاسد جدا مع مرتبة الشرف وغير صالح للحيوانات ومخصص فقط للمصريين(علشان ملهمش دية)

[زعلان]

طب هو مبارك و الاسرة الحاكمة ملهمش اي جانب من المسؤلية في هذا الفساد والي الشعب المصري الي بيدفع تمنه من صحته وصحة ابناءه

[se_ Elsyed]

إذا كان الطبال ولحاس الأحذية ممتاز القط بيقول إن دي زوبعة في فنجان وإن القمح أصفر ونضيف وزي الفل ..

يارب بحق جاه النبي يقع حظه في شوية قمح مخصوص من دول ياكلهم .. أو بلاش كده

لو هو نضيف وزي الفل ما تطلع تكذب أمين اباظة وزير الزراعة اللي قال إنه بيحتوي على بذور وحشائش سامة جاري غربلتها .. وذلك أمام نواب الشعب في مجلسهم .. إطلع إنت وقول له إنت كذاب يا وزير الزراعة وآدي كيس قمح أهو هاسفه قدامك وقدام الشعب عشان اثبت إنه زي الفل ..

صحيح اللي خلف ما متش ...

راح سمير رجب .. وجه أقذر منه نفاقاً وتطبيلاً .... وهو ممتاز القط .

اعتقد إن الحكومة مش محتاجه ملمع أحذية او أسفنج لتلميع أحذيتها لإن ممتاز يبمع اكثر بريقاً وبلسانه الطاهر كمان ..

[ssmaly]

لى صديق فلسطينى له أقارب فى مصر كان بيقولى مش حرام مصر بعظمتها وقدرها الكبير فى الزراعة نرسل لاقاربنا دقيق من الكويت علشان الدقيق اللى فى مصر عندما نعجنه ملوش عرق وبيخرب كل الاشياء اللى بنعملها

ماذا ارد عليه؟

[se_ Elsyed]

من شبكة محيط الاخبارية

القاهرة : في إطار قضية شحنة القمح الفاسد ، كشفت نتائج التحاليل لعينة من شحنة القمح الروسى المتحفظ عليها فى سفاجا المصرية عن احتوائها على 29 حبة من الحشائش السامة و72 من الخبيثة، موضحة أن عدد الحشائش السامة فى الكيلو جرام الواحد من القمح وصل إلى 101 حبة.

وجاءت النتائج التى توصل إليها المعمل الإقليمى لبحوث الحشائش بإدارة الحجر الزراعى بالقاهرة لتؤكد ما كانت ذكرت صحيفة "المصرى اليوم" في وقت سابق حول وصول رسالتى قمح روسى فاسد إلى ميناء دمياط خلال أسبوع .

ومن جانبه، أوضح السفير الروسى بالقاهرة ميخائيل بجدانوف أن روسيا تورد حوالي 25 بالمائة من احتياجات مصر من القمح، مؤكداً عدم إمكانية "تسييس" قضية شحنة القمح الفاسد، وقال فى حوار مع "المصرى اليوم" :" نتابع الأخبار المتعلقة بهذه القضية باندهاش لما تتعرض له من محاولات التسييس" ، مشيرا إلى أن القمح الروسى ممتاز ويتم تصدير كميات ضخمة منه للبلدان الأجنبية الكبرى. وأضاف " هناك آلية فعالة للتفتيش، فإذا دخلت مثلاً فواكه مصرية فاسدة إلى روسيا، فإننا لا نقول إن مصر صدرتها إلينا، بل نقول إن الجهات الروسية المسئولة لم تكن على مستوى التفتيش الجيد"، وتابع " فى حالة دخول منتجات فاسدة للأسواق المصرية، فإن المسؤولية هنا تقع على عاتق الجهات المختصة فى مصر".

كان النائب العام المصري عبد المجيد محمود قرر تشكيل لجنة ثلاثية من أساتذة كلية الزراعة بجامعة القاهرة لكتابة تقرير حول القمح الروسى بأخذ عينات من القمح المتحفظ عليه فى صوامع سفاجا وقنا وأسوان وأسيوط على أن تجرى تحليلها فى معامل القاهرة تمهيداً لكتابة تقريرها وتسليمه للنائب العام.

[~Heba~]

كان النائب العام المصري عبد المجيد محمود قرر تشكيل لجنة ثلاثية من أساتذة كلية الزراعة بجامعة القاهرة لكتابة تقرير حول القمح الروسى بأخذ عينات من القمح المتحفظ عليه فى صوامع سفاجا وقنا وأسوان وأسيوط

ايه ده إبادة جماعية للصعايدة!!!!!!!!!!!!!!!!!!!!!!!!!!!!!!!!!!!!!!!!!!!!!

[se_ Elsyed]

كان النائب العام المصري عبد المجيد محمود قرر تشكيل لجنة ثلاثية من أساتذة كلية الزراعة بجامعة القاهرة لكتابة تقرير حول القمح الروسى بأخذ عينات من القمح المتحفظ عليه فى صوامع سفاجا وقنا وأسوان وأسيوط

ايه ده إبادة جماعية للصعايدة!!!!!!!!!!!!!!!!!!!!!!!!!!!!!!!!!!!!!!!!!!!!!

شكلك ما قرأتيش الموضوع من بدايته

لأني ذكرت ان الشحنة جايه من البحر المتوسط فمن الطبيعي تفرغ في دمياط او اسكندرية او رشيد

لكن مستورد الزبالة دفع مليون جنيه

مليون جنيه زيادة في تكاليف الرحلة عشان ينزلها في سفاجا وتكون قريبه من الصعيد وتخرج من بره بره .. على اساس ان سوري يعني الصعايدة هم مواطنون من الدرجة التانية لدرجة اننا لا نسمع عن مشاكلهم او معاناتهم وبالتالي مش فارقه معاهم يأكلوهم قمح مسوس او سوس مقمح واهو معدتهم بتهضم الزلط

وطول ما المسائل بعيده عن القاهرة فبيتصور الفاسدون انها بعيده عن الاعين

يا ترى ممتاز القط لسه واثق انها زوبعه في كوباية ؟