اتجوز ... عشان تروق و تحلى

[الباشمهندس ياسر]

بنتناقش مع بعض

و قام واحد و قال ان الجواز احد اسباب الغنى و السعة ف الرزق و البركة

و قعد يمدح لغاية الصبح

طب ازاى .. و نص الناس المتزوجين بيستلفوا عشان يكملوا الشهر

و بيشتغلوا شغلانة تانية ف بعض الاوقات

ممكن اخوانا اللى عندهم تجارب او معرفة بالقضية دى يدلوا بدلوهم ف الموضوع ده

بس ياريت من غير خنااااااااااااااق

و تصبحوا على احلى وردة ف الدنيا

[MZohairy]

هو طبعا من المنطقي ان مرتبك لو اتصرف عليك لوحدك افضل كثيرا من لو صرفته على نفسك + 4 اشخاص

عشان قبل الجواز حيكون نصيبك يعادل نصيبك بعد الجواز 5 مرات من حجم المال المنفق

لكن لما تلاقي ابنك بيصبح عليك

و بنتك بتبوسك

و مراتك بتدعيلك

و بالليل تقعدوا كلكم تتعشوا مع بعض و تتبادلوا الاراء و تحلوا المشاكل

حتعرف انها حكمه من المولى عز و جل ان يتزوج الرجل و يجيب لنفسه الخلق دي عشان يصرف عليها

[شاب مصري]

للأسف يا ياسر معنديش دلو عشان ادلي بدلوي :sad:

بس متهيألي ان السعة المادية مع الجواز وطفلين جمال لطاف هتكون الدنيا جميلة بس متتجوزش واحدة نكدية او غبية او غلسة .

[doudy]

هو طبعا من المنطقي ان مرتبك لو اتصرف عليك لوحدك افضل كثيرا من لو صرفته على نفسك + 4 اشخاص

عشان قبل الجواز حيكون نصيبك يعادل نصيبك بعد الجواز 5 مرات من حجم المال المنفق

لكن لما تلاقي ابنك بيصبح عليك

و بنتك بتبوسك

و مراتك بتدعيلك

و بالليل تقعدوا كلكم تتعشوا مع بعض و تتبادلوا الاراء و تحلوا المشاكل :sad:

حتعرف انها حكمه من المولى عز و جل ان يتزوج الرجل و يجيب لنفسه الخلق دي عشان يصرف عليها

كلام حضرتك صح مليون فى المية

و اضيف عليه لو عندك هم او مشكلة تلاقى حد قريب منك يشيله معاك"الزوجة "

و تفرح لما تلاقى ولادك بيكبروا حواليك تحس ان حياتك ما راحتش ع الفاضى و انك

عملت حاجة مفيدةتفرح بيهم فى الدنيا و يؤجرك عليها الله فى الاخرة باذن الله

دودى

[aimen]

صباح الخير يا بشمهندس ياسر :sad: :)

حيث اننا فى نفس المركب ( اصل انا عازب كمان والحمد لله )

حبيبت اجيب لك كل الحوارات والحكايات اللى العزاب والمتزوجين بيقولوها عن الزواج

مش حتصدق لما تقرأ نفس الكلام اللى اتقال لك بالضبط

اقرأ كتاب شكلها باظت الفصل الخاص بكيف يعيش العازب فى مصر ؟؟ ص173

لتحميل الكتاب

تحياتى

[زعلان]

هو طبعا من المنطقي ان مرتبك لو اتصرف عليك لوحدك افضل كثيرا من لو صرفته على نفسك + 4 اشخاص

اشمعنى نفسك + اربع اشخاص يعني

في حاجة اسمها البركة في المال و الرزق لما ربنا يبارك بتحس ان الفلوس كثير وبتزيد وبتقضي و بتفيض رغم انها هي هي نفس الفلوس

[doha]

كلامه صحيح ..

فعلا في ناس بتتزنق بعد الجواز ومتبقاش قادره تصرف لكن لو بصيت هتلاقي الناس دي اصلا قبل الجواز ( مكانتش لاقية تاكل )

يعني بص حواليك هتلاقي اكيد في واحد وظيفته يادوب راتبها يكفيه سجاير او حتى مش بيشتغل من اساسه .. وتلاقيه مجرد مابدأ في اجراءات الجواز بدأت اموره تتحسن وممكن كمان بعد اول طفل ولا اثنين تلاقيه نقل لوظيفة احسن براتب افضل او حتى فتح مشروع .. الخ

كتير جدا ناس تسعى في موضوع الجواز وكل الي حواليهم يقولوا لهم منين وانت مش عارف تأكل نفسك وبتاكل وتشرب على حساب البيت ومع ذلك مرتبك مش بيكفيك لآخر الشهر .. وتبص تلاقي السنين مرت والشخص ده عايش ومتجوز وعنده عيال وعادي جدا . طيب جاب منين؟

وبرضه بنسمع كتير اوي حد بيحكي ذكرياته وتلاقي من ضمنها ان حصل له كذا وكانت لسه مراته حامل في طفلهم الاول او كان لسه الطفل بيرضع وفقد وظيفته او خسر امواله وتلاقي تكمله القصة ان بعدها ربنا فتح عليه ومتعرفش ازاي .. لما تتوقف عند كل قصة من دول هتلاقي القاسم المشترك هو وجود طفل ( في السكه ) او لسه بيقول ( ياهادي ) وهتلاقي برضه ربنا في الآخر بيحلها ( ومنعرفش ازاي )

هي دي البركه الي بيتكلموا عنها واكيد الانسان طول ماهو ( عامل الي عليه ) وبيسعى ثم يتكل على الله ويسيبها لربنا في النهايه بيتوفق بالي ربنا رايد بيه ..

[MZohairy]

هو طبعا من المنطقي ان مرتبك لو اتصرف عليك لوحدك افضل كثيرا من لو صرفته على نفسك + 4 اشخاص

اشمعنى نفسك + اربع اشخاص يعني

مجرد مثال يعني يا زعزع ليس له علاقه بأرض الواقع اطلاقا :sad:

[se_ Elsyed]

قال رسول الله صلى الله عليه وسلم

" ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف "

[elfakhrany]

بس متتجوزش واحدة نكدية او غبية او غلسة .

هى دى الخلاصة :sad:

تم تعديل 28 أبريل 2009 بواسطة elfakhrany

[الجدار]

السلام عليكم

جرى ايه يا باشمهندس انت مش ناوي تفرحنا

شوف يا سيدي انا الحكاية دي حصلت معايا والله على ما أقول شهيد

انا اتقدمت لواحدة (اللي هي خطيبتي دلوقتي) وكنت عالحديدة (مش عايز أتجوز بمساعدة الوالد ربنا يباركلي فيه) طبعاً المرتب اللي جاي بيطير

لأني في حتة التحويش دي تعبان قوي

المهم اتقدمت وشرحت ظروفي وأني بحاول على أد ما أقدر وبصراحة الناس أشتروني والحمد لله

والله أول ما خطبت شهر بالظبط جالي عقد سفر للكويت والحمد لله بدأ الرزق يظهر

كنت في شركة صغيرة قدرت اشتري شقة في خلال سنه ونص تقريباً

ولو قلتلك تفاصيل ازاي ربنا يسرلي الشقة دي وازاي الموضوع تم من غير معاناه مش حتصدقني

كان ليا واحدة قريبتي عندها شقة مش محتاجاها المهم في الفترة اللي كنت بدور علي الشقة (في خلال أجازتي اللي كانت شهر)

المهم في خلال اسبوع من نزولي لقيتها بتعرض على الوالدة لوحدها انها تديني الشقة بحيث أدفع 20 ألف الأول والباقي بالتقسيط

وسبحان الله ربنا يسرها

ورجعت الكويت بعد ما الإجازة خلصت وطبعاً بتزيد الأعباء المالية واحدة واحدة

وراك فرش وعفش وتوضيب المهم ربنا كرمني بأني حولت على شركة أكبر شوية بمرتب ضعف المرتب الأولاني ولله الحمد

وان شاء الله حتجوز شهر 6 اللي جاي (دعواتكم جميعاً) والحمد لله الشقة بقت جاهزة من كله

والله لما ببص لل 3 سنين اللي فاتوا واني ازاي عملت كل ده مش عارف والله

ربنا يخليلي الوالد والوالده بصراحة الأتنين مش مقصرين معايا يعني وانا مسافر هما شايلين هم التوضيب والإقتصاد وتكميل الفلوس لو حاجة ناقصة

بس بجد الواحد فرحان ان ربنا أكرمه ولوحده عمل كل ده

برضو لما تبقى خطيبتك مش معقداك في حياتك وبتقولك ان كل حاجة بتيجي براحتها

ده بيساعدك كتير ان مايبقاش في ضغط عليك

وحفكرك بحديث الرسول صلى الله عليه وسلم "ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف"

وسيدنا عمر رضي الله عنه قال "عجبت لمن ابتغى الغنى بغير النكاح والله عز وجل يقول : {إن يكونوا فقراء يغنهم الله من فضله}"

وسيدنا أبو بكر قال في تعليق على الآية دي "أطيعوا الله فيما أمركم به من النكاح ينجز لكم ما وعدكم به من الغنى.

توكل على الله وسيبها عليه

:wub:

[الباشمهندس ياسر]

هو طبعا من المنطقي ان مرتبك لو اتصرف عليك لوحدك افضل كثيرا من لو صرفته على نفسك + 4 اشخاص

عشان قبل الجواز حيكون نصيبك يعادل نصيبك بعد الجواز 5 مرات من حجم المال المنفق

لكن لما تلاقي ابنك بيصبح عليك

و بنتك بتبوسك

و مراتك بتدعيلك

و بالليل تقعدوا كلكم تتعشوا مع بعض و تتبادلوا الاراء و تحلوا المشاكل md2:

حتعرف انها حكمه من المولى عز و جل ان يتزوج الرجل و يجيب لنفسه الخلق دي عشان يصرف عليها

امنت بالله يا زهيرى يا اخويا

بس تصدق .. حلو اوى الجو اللى انت وصفته ده..

تجربة تستحق التجربة فعلا

للأسف يا ياسر معنديش دلو عشان ادلي بدلوي :sad:

بس متهيألي ان السعة المادية مع الجواز وطفلين جمال لطاف هتكون الدنيا جميلة بس متتجوزش واحدة نكدية او غبية او غلسة .

اعرف بنات كتير اوى مرحة و بتحب الحياة و الفرفشة

مش نكدية و سهله ..

انما ذكية دى تيجى منين....؟

صباح الخير يا بشمهندس ياسر :wub:

حيث اننا فى نفس المركب ( اصل انا عازب كمان والحمد لله )

حبيبت اجيب لك كل الحوارات والحكايات اللى العزاب والمتزوجين بيقولوها عن الزواج

مش حتصدق لما تقرأ نفس الكلام اللى اتقال لك بالضبط wst::

اقرأ كتاب شكلها باظت الفصل الخاص بكيف يعيش العازب فى مصر ؟؟ ص173

لتحميل الكتاب

تحياتى

ماشى يا زميلى الفاضل

ادينى بحمل الكتاب اهو

و اوعدك هقولك راى فيه

انما انت مش ناوى بقى...؟

عايزين حد يعملنا فرح ف المنتدى و يعزمنا

هو طبعا من المنطقي ان مرتبك لو اتصرف عليك لوحدك افضل كثيرا من لو صرفته على نفسك + 4 اشخاص

اشمعنى نفسك + اربع اشخاص يعني

في حاجة اسمها البركة في المال و الرزق لما ربنا يبارك بتحس ان الفلوس كثير وبتزيد وبتقضي و بتفيض رغم انها هي هي نفس الفلوس

ربنا يتم عليك و علينا البركة يا استاذ زعلان

بس من غير زعل و الله

كلامه صحيح ..

فعلا في ناس بتتزنق بعد الجواز ومتبقاش قادره تصرف لكن لو بصيت هتلاقي الناس دي اصلا قبل الجواز ( مكانتش لاقية تاكل )

يعني بص حواليك هتلاقي اكيد في واحد وظيفته يادوب راتبها يكفيه سجاير او حتى مش بيشتغل من اساسه .. وتلاقيه مجرد مابدأ في اجراءات الجواز بدأت اموره تتحسن وممكن كمان بعد اول طفل ولا اثنين تلاقيه نقل لوظيفة احسن براتب افضل او حتى فتح مشروع .. الخ

كتير جدا ناس تسعى في موضوع الجواز وكل الي حواليهم يقولوا لهم منين وانت مش عارف تأكل نفسك وبتاكل وتشرب على حساب البيت ومع ذلك مرتبك مش بيكفيك لآخر الشهر .. وتبص تلاقي السنين مرت والشخص ده عايش ومتجوز وعنده عيال وعادي جدا . طيب جاب منين؟

وبرضه بنسمع كتير اوي حد بيحكي ذكرياته وتلاقي من ضمنها ان حصل له كذا وكانت لسه مراته حامل في طفلهم الاول او كان لسه الطفل بيرضع وفقد وظيفته او خسر امواله وتلاقي تكمله القصة ان بعدها ربنا فتح عليه ومتعرفش ازاي .. لما تتوقف عند كل قصة من دول هتلاقي القاسم المشترك هو وجود طفل ( في السكه ) او لسه بيقول ( ياهادي ) وهتلاقي برضه ربنا في الآخر بيحلها ( ومنعرفش ازاي )

هي دي البركه الي بيتكلموا عنها واكيد الانسان طول ماهو ( عامل الي عليه ) وبيسعى ثم يتكل على الله ويسيبها لربنا في النهايه بيتوفق بالي ربنا رايد بيه ..

يعنى افهم من كده ان اللى اموره ماشية و تمام التمام قبل الجواز

هتبقى اموره احسن بعد الجواز...؟؟

مستنى ردك يا ضحى

بالمناسبة

واحد صاحبى ... اول ما اتخرجنا مرضيش يشتغل معانا ف المجال بتاعنا

عشان انا مش هقدر اقضيها سفر و عشان لما اتجوز مش هينفع اسيب مراتى

و عشان و عشان ,,,,

المهم لغاية دلوقتى لا اتجوز ولا حتى عمل شقة ولا عمل اى حاجة

و بيفكر يغير الكاريير بتاعه .. بس بعد ايه

ما خلاص السنين عدت و مبقاش ينفع

قال رسول الله صلى الله عليه وسلم

" ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف "

صدق رسول الله صلى الله عليه و سلم

[fatfouta]

صح يا ياسر كلام الجدار سليم والله

لو نويت واتوكلت على الله ربنا هيفتحها عليك

ومتخافش انت ونصيبك وان شاء الله يبقى خير

[الباشمهندس ياسر]

على فكرة يا جماعه الخير

انتوا فهمتونى غلط

انا مش قصدى ان مفيش فلوس و انا هضطر ارتبط بقى و الجو ده

انما انا قصدى

ازاى الناس بتقول ان الجواز بيجيب السعة و احنا شايفين ناس كتير جدا متجوزيين و حالتهم ف الضياع خالص

طبعا لما ناقشنا الموضوع

ناس اتكلمت على محور السينات و ناس اتكلمت على محور الصادات

يووووووووووووه هنقلبها رياضة

القصد

عايز افهم

ليه فيه ناس متجوزة و لم يتحقق لها الوعد بالسعة ؟

[بركة]

التقوى ثم التقوى

بِسْمِ اللهِ الرَّحْمنِ الرَّحِيمِ

وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب

والله العظيم يا باشمهندس كل اللي أعرفهم من المتجوزين من اللي حالهم كرب

كانوا باينين من أولها " كله افترى ومنظرة وقلبهم مش على بعض "

يعني من أول اشتراط شبكة كبيرة ومهر مبالغ فيه و عايزه وبحب ومابحبش

والفرح لازم يكون أحسن من فرح فلانة.........

بس هو ده مربط قلة البركة

لكن على العكس تماما كل اللي بيرضى ويضحي عشان البيت يعمر وما بيبصش

للمبالغات التافهة ربنا بيكرمه........

وأنا مثل من أمثلة الجوازات اللي إبتدت بدبلتين بس .......

ما أنا عشان كده بحب كلمة بركة وبحب أعرف الناس دايما سر التقوى والبركة في حياتي........

[شاب مصري]

السلام عليكم

جرى ايه يا باشمهندس انت مش ناوي تفرحنا

شوف يا سيدي انا الحكاية دي حصلت معايا والله على ما أقول شهيد

انا اتقدمت لواحدة (اللي هي خطيبتي دلوقتي) وكنت عالحديدة (مش عايز أتجوز بمساعدة الوالد ربنا يباركلي فيه) طبعاً المرتب اللي جاي بيطير

لأني في حتة التحويش دي تعبان قوي

المهم اتقدمت وشرحت ظروفي وأني بحاول على أد ما أقدر وبصراحة الناس أشتروني والحمد لله

والله أول ما خطبت شهر بالظبط جالي عقد سفر للكويت والحمد لله بدأ الرزق يظهر

كنت في شركة صغيرة قدرت اشتري شقة في خلال سنه ونص تقريباً

ولو قلتلك تفاصيل ازاي ربنا يسرلي الشقة دي وازاي الموضوع تم من غير معاناه مش حتصدقني

كان ليا واحدة قريبتي عندها شقة مش محتاجاها المهم في الفترة اللي كنت بدور علي الشقة (في خلال أجازتي اللي كانت شهر)

المهم في خلال اسبوع من نزولي لقيتها بتعرض على الوالدة لوحدها انها تديني الشقة بحيث أدفع 20 ألف الأول والباقي بالتقسيط

وسبحان الله ربنا يسرها

ورجعت الكويت بعد ما الإجازة خلصت وطبعاً بتزيد الأعباء المالية واحدة واحدة

وراك فرش وعفش وتوضيب المهم ربنا كرمني بأني حولت على شركة أكبر شوية بمرتب ضعف المرتب الأولاني ولله الحمد

وان شاء الله حتجوز شهر 6 اللي جاي (دعواتكم جميعاً) والحمد لله الشقة بقت جاهزة من كله

والله لما ببص لل 3 سنين اللي فاتوا واني ازاي عملت كل ده مش عارف والله

ربنا يخليلي الوالد والوالده بصراحة الأتنين مش مقصرين معايا يعني وانا مسافر هما شايلين هم التوضيب والإقتصاد وتكميل الفلوس لو حاجة ناقصة

بس بجد الواحد فرحان ان ربنا أكرمه ولوحده عمل كل ده

برضو لما تبقى خطيبتك مش معقداك في حياتك وبتقولك ان كل حاجة بتيجي براحتها

ده بيساعدك كتير ان مايبقاش في ضغط عليك

وحفكرك بحديث الرسول صلى الله عليه وسلم "ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف"

وسيدنا عمر رضي الله عنه قال "عجبت لمن ابتغى الغنى بغير النكاح والله عز وجل يقول : {إن يكونوا فقراء يغنهم الله من فضله}"

وسيدنا أبو بكر قال في تعليق على الآية دي "أطيعوا الله فيما أمركم به من النكاح ينجز لكم ما وعدكم به من الغنى.

توكل على الله وسيبها عليه

:wub:

مليون مبروك وربنا يتمم لك على الخير والهناء ان شاء الله .

[icehearted girl]

ياعم ياسر يا ابني

انت نقي واحدة ماللي جبتهملك وهما اللي هيصرفوا عليك متشغلش بالك :wub:

[الجدار]

مليون مبروك وربنا يتمم لك على الخير والهناء ان شاء الله .

الله يباركلنا فيك يا شاب يا مصري يا اصيل

كلك ذوق

ويارب يسعدك ببنت الحلال :wub: :sad:

[ghnammar]

الف مبروك بارك الله لكم وجمع بينكما فى الخير

[سهل جدا]

أيوه يا باشمهندس الكلام ده صحيح

الزواج سبب في سعة الرزق

وهذا المعنى موجود في القرآن الكريم

قال بعض المفسرين في تفسير قوله تعالى:

{وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله والله واسع عليم (32) وليستعفف الذين لا يجدون نكاحا حتى يغنيهم الله من فضله ...}

{ يغنهم الله من فضله } فلا يمنعكم ما تتوهمون، من أنه إذا تزوج، افتقر بسبب كثرة العائلة ونحوه، وفيه حث على التزوج، ووعد للمتزوج بالغنى بعد الفقر.

{ والله واسع } كثير الخير عظيم الفضل ....

وهذا رأيته بيعيني كثيرا وأمر مشاهد

كل من نوى الزواج وسعى وأخذ بالأسباب الله عز وجل بيسر له أموره

لكن أهم شيء تكون نيته العفاف..

طيب نيجي للإشكال اللي حضرتك ذكرته

وهو إنك بتشوف كثير من المتزوجين بيقترضوا وظروفهم صعبة

فالجواب من عدة وجوه:

أولا: إن الغنى المذكور في الآية لا يشترط أن يكون ثراء فاحش, وإنما هو الكفاية , يعني أن الله سيكفيك مؤنة الزواج وتبعته, وإن كنت ستضطر للاقتراض فالله عز وجل سيغنيك في رد هذه الديون..

ثانياً: أن وعد الله بالإغناء ينبغي معه السعي , وهذا كقولنا : أن من يتوكل على الله فسوف يغنيه الله وييسر له أموره, لكن يجب الأخذ بالأسباب

والواقع يقول: أن كثير من الناس كسالى لا يسعون في طلب الرزق بجدية

والرجل المتزوج صاحب العيال إذا سعى بجدية في طلب الرزق فسوف يغنيه الله

هذا ما يحضرني الآن والله أعلم بالصواب

وتوكل على الله يا عم بقى , والحق اتجوز وانت صغير

أنا سامع إن الرجالة دلوقتي بتفيّص بدري

حدثني صديق لي دكتور إن أغلب مرضى عيادات العجز الجنسي في مصر في عمر ال 35 وانت طالع

والموضوع ده بقى أهم من الفلوس بكثير

ربنا يوفقك :closedeyes: