موبايلي اتسرق شوفوا عملت ايه عشان ارجعه وايه رايكم

[ornatepeacock]

انهارده و انا ماشي في الشارع و في الزحمه موبايلي اتنشل من غير ما حس

بدور عليه في جيبي مش لاقيه ، بدور في الجيوب التانية وببص حواليا

لقيت واحده ست بتقولي موبايلك قولتلها ايوه

قالتلي في واحد اخده و مشي من الناحية دي و معاه بنت مأنجشه ( حاطه ايديها في دراعه )

مشيت في الاتجاه اللي شاورت عليه و مش شايف حد

فكرة تكون الست دي لها صله باللي سرقه و بتبعدني عن المكان

بعدين شوفت ولد وبنت ماشين قدام

جريت وانا بجري سمعت واحد بيقول إلحق ياله ( ياولد )

الشخص اللي بينده ده معاهم وكان بيحذرهم بس هما مش سمعوه وانا ما اخدتش في بالي

وقفت الولد و البنت وقولتلهم موبايلي و قع و بيقولوا انك لقيته

فقالي موبايل ايه تعالي فتشني

البنت قالت انت هتفتشني ولا ايه

ببص ناحيتها لقيت الموبايل باين من تحت العباية بتاعتها

العباية ضيقة و هي حاطه الموبايل في صدرها و العباية مجسمه عليه من بره

قلتلها افتشك ايه واحده ست اللي تفتشك

فالولد عمل راجل و قالي تفتش مين

قلتله مش هنفتش حد تعالا نروح القسم

بس خلي بالك انا لي ظابط معرفه هناك

قالي انا كمان اعرف ظباط

قلتله انا عايز اعرف ايه ده وشاورت على الموبايل اللي البنت مخبياه

قالتلي البنت دي مطوه

قلتلها وريهالي كده

راحدت مطلعة المطوه

قلتلها طيب خلاص

راحت مدخلاها تاني و زقت الموبايل تحت باطها الشمال

رحت ندهت لوحده ست كانت واقفه وسمعانا و شكلها بنت بلد زي الجماعة اللي بيبيوا فاكهه وكده

قلتها شوفي ايه ده وشاورت على الموبايل

الست طلعت جدعة و كانت هتمسك دراع البنت

البنت اتخضت

الولد قالي انت عايز ايه دلوقتي

قولتله عايز الموبايل

قالي طيب تعالى معايا وكان عايز يدخلني شارع جانبي

طبعا كانوا ممكن يضربوني

قلتله لا هنا و هوجب معاك

قالي هتفع كام

قلتله عايز كام

قالي 100 جنيه

من هنا لهنا وافق على خمسين

قال للبنت هاتي الموبايل

ادتهوله و هي مش عاجبها

وطلعت قدام مشيت مع الواد التاني اللي معاهم

اخدت الموبايل منه واديته الفلوس

قالي فلوسك حلال و حاجتك رجعتلك

قلتله انا مش مسامح في الخمسين جنيه دي

قالي ما احنا لازم نسترزق احنا كمان و مشي

قلت للست اللي وقفت معايا

شايفه

قالتلي معلش

ومشيت و نسيت اقولها شكرا

و انا ماشي عديت على قسم شرطه في الطريق

دخلت قلت هقول لحد من الظباط على اللي حصل من غير ما اعمل محضر رسمي

لان مفيش حاجه اعمل بيها محضر

لا شهود ولا اعرف الحرامي ده

و موبايلي معايا

مفيش غير اني اقول للظابط على المكان اللي اتسرقت فيه

لما دخلت القسم لقيت الظباط مشغولين في حاجه

و الامين اللي بيعمل المحاضر كان بيحقق مع ناس

رحت واخد بعضي وماشي

على فكره لولا اني شوفت الموبايل متخبي في هدوم البنت كنت سبتهم و مشيت لأني مكنتش متأكد ان هما دول اللي سرقوني

و الحمد لله على كل حال

ايه رايكم في الموقف ده و في الشكل اللي اتصرفت بيه

و الموبايل اصلا كنت لسه بفكر من يومين اني اشتري غيره

على فكره تاني وزير الداخليه كان من كام ساعه على بعد 300 متر من المكان اللي اتسرقت فيه

[عبير يونس]

أحيي شجاعتك و اصرارك على استرداد الموبايل

و مذهولة من جراءة الحرامي و مساومته لك على شيء ملكك

لو كنا في دولة محترمة فيها قانون كنت قلتلك لازم تصر انه يروح القسم

بس اللي عملته أفضل

لأن اللي في جراءته دي أكيد يعرف ضباط فاسدين و مكنتش حتاخد حقك

بل كان عادي اوي انهم يلبسوك مصيبة كمان

تصرفت أنسب تصرف في ظل الأوضاع الحالية

و حسبي الله و نعم الوكيل

[سكر]

جدع

[rewsha]

ماااقدؤش اقول غير

مُجازف

واحمد ربنا انك رجعت سليم

انت رايح تتخانق معاهم في عقر دارهم؟

__________________

انا لو منك كنت فضلت ماشي وراهم لحد ما اعرف مصير الموبايل

من غير ما ياخدوا بالهم

وبعدين ااجر لهم حد بلطجي بال50 جنيه يروح يجيهولي منهم

اصل العمر مش بعزقه

وانت بتقول انهم شله مع بعض

____________________

عموما حمد الله على سلامتك ,وعلى رجوع الموبايل

[عصام أبوالفتح]

من مات دون ماله فهو شهيد . . اخشى ان يكون الموقف مقدمة لسرقة الناس بالاكراه تحت مسمى الاسترزاق

بعد كل ما فعلناه بالشرطة لا زلنا نخونهم ونتفاوض مع البلطجية

!

على الاقل كان ينبغى عليك عمل محضر وابلاغ اوصاف الولد والبنت للشرطة

[عبير يونس]

من مات دون ماله فهو شهيد . . اخشى ان يكون الموقف مقدمة لسرقة الناس بالاكراه تحت مسمى الاسترزاق

بعد كل ما فعلناه بالشرطة لا زلنا نخونهم ونتفاوض مع البلطجية

!

على الاقل كان ينبغى عليك عمل محضر وابلاغ اوصاف الولد والبنت للشرطة

توقفت عند مداخلتك طويلا

نعم لا أثق في الشرطة

و خصوصا بعد الثورة

وهل سينسون ما حدث لهم ؟؟؟!!!

عن نفسي أنا لوحصل لي الموقف ده

حأستعوض ربنا و خلاص

طبعا هناك شرفاء

ولكن...

ما أدراني من فيهم الشريف و من فيهم الفاسد؟؟؟

مجرد التفكير في المحاولة يُعتبر مغامرة بالنسبة لي

سميه جبن

سميه سلبية

سميه انهزامية

بس فعلا ماعادش عندي أي ثقة

طول ما لسه مفيش قوانين رادعة و مفعّلة في البلد

سأظل لا أثق في أي جهة في الدولة

و بكل أسف

[ozoozo]

طبعا انت مخطئ لانك لم تغض بصرك واسترقت النظر لما تحت العباءه :closedeyes:

ولو شافوك بتوع الهيئه المزمعه كانو سابو الموبايل اللي اتسرق وقعدوا يناقشوك في غض البصر

فحاول تصلح غلطتك وتروح تتجوز البنت اللي بصيت علي عبايتها

ومش مهم الموبايل اتسرق ولا لأ .....المهم غض البصر ياأخي

[se_ Elsyed]

بعد كل ما فعلناه بالشرطة لا زلنا نخونهم ونتفاوض مع البلطجية

وعندك شوية سم في طبق العسل يابني عشان الناس تاكل بالسم الهاري

ما فعلناه بالشرطة !!!!!!!!!

فعلاً شعب ظالم ولا يطمر فيه النفخ

إحنا أسفين يا شرطة

حجك علينا يابا الحج عادلي وإحنا فعلاً ظلمناك وأتهمناك زور

حقكوا علينا يا أمن دولت

إرجع بقى كما كنت لقبل يوم 25 يناير .. وفرجني مسلسل " ومازال النفخ مستمر "

[ذهبية]

اولا احييك على جراتك و قبل اى حاجة ربنا كان موفقك جدااا لان المووضع كلة فى ثوانى

اللى وقفت قدامة جراة الحرامية

اية الجراة دى ؟؟؟ هو احنا وصلنا لكدةةة

انت بتجد خوفتنى جدا وانا بقرا المداخلة دى

ربنا يستر من الى جاى

[عصام أبوالفتح]

بعد كل ما فعلناه بالشرطة لا زلنا نخونهم ونتفاوض مع البلطجية

وعندك شوية سم في طبق العسل يابني عشان الناس تاكل بالسم الهاري

ما فعلناه بالشرطة !!!!!!!!!

فعلاً شعب ظالم ولا يطمر فيه النفخ

إحنا أسفين يا شرطة

حجك علينا يابا الحج عادلي وإحنا فعلاً ظلمناك وأتهمناك زور

حقكوا علينا يا أمن دولت

إرجع بقى كما كنت لقبل يوم 25 يناير .. وفرجني مسليل " ومازال النفخ مستمر "

أخلاقى لا تسمح بالرد على هذا الاسلوب .. تم تقرير المشاركة للادارة

[سقراط المصري]

موقف جريء منك

كنت مجازف ........ الحمدلله..عدت على خير

متزعلش على ال50 جنيه...... دول فدو روحك........ كان ممكن الاتنين يغزوك مطوة.......... وتروح فطيس او شهيد الموبايل

تعيش ومتخدش غيرها

[mamdowh]

وهى الشرطة كانت ولا زالت بتعمل ايه غير التشريفات و ماتشات الكوره و زيارة وفد رسمى و طبعا تحصيل المخالفات المرورية وأى حاجة فيها أذى للناس

عمرها ما مسكت حرامى الا عشان ما بيدفعش المعلوم وطول عمرها بتساعد المجرمين عشان يجيبوا لهم قضايا يترقوا بيها ويمونوهم بالمزاج شغل المباحث كله كان لمراقبة خلق الله الطيبين اللى بيصلوا الفجر حاضر فى الجامع , ولماتحصل خناقة يخافوا ييجوا بيستنوا لما واحد يخلص على التانى وبعدين اذا قدروا يمسكوا اللى قتل دا اذا ما كانش له ضهر طبعا.

خد عندك كمان عساكر الأمن المركزى اللى جايبينهم من النجوع والكفور ومجندينهم فى المدن زى القاهرة واسكندريه حد يقدر يقول لى لما الواحد منهم ياخد أجازة 48 ساعة بيروح فين طبعا مايقدرش يروح بلدهم طب يعمل ايه ينزل الشوارع يتحرش فى بنات الناس فى المواصلات ما هو بيركب ببلاش وما مفيش وراه حاجه وما لوش أهل فى المكان.

تعالوا نشوف مثلا شرطة السياحة بيعملوا ايه ياعينى نص ظباط الشرطة نفسهم يروحوا شرطة السياحة أظن كلكم عارفين ليه والا أقول ..... بلاش انتوا عارفين والا شرطة الأداب قشطه طبعا أو شرطةالآثار سبوبه حلوه وسهله والا شرطة المطار. أى مكان مفيهوش خدمة المواطنين مرغوب.

حاجات كتير ياريت اللى يعرف حاجة يقولها......... نفسى منظومة الشرطة تتغير ..... الشرطة مش صباح الخير يا باشا مع السلامه ياباشا نورت سعادتك ....... قهوة الباشا زيادة............... يا باشا ياباشا

اسأل أى واحد كده لو اتسرقت تعمل محضر فى القسم يقول يا عم العوض على الله هما هايعملوا حاجه

الحل فين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تم تعديل 10 يناير 2012 بواسطة mamdowh

[أبو يمنى]

قالتلي البنت دي مطوه

قلتلها وريهالي كده

راحدت مطلعة المطوه

mfb:

[لماضة مصرية جدا]

السلام عليكم و رحمة الله و بركاته

حمدلله علي سلامة حضرتك

و فداك الموبايل علي الخمسين جنيه

الحقيقة اللافت نظري هو التشكيل العصابي نفسه

يعني هما كده كام واحد

متحاولشي تفكر في الموقف ده كتير لان ده فضل من ربنا انك ااتصرفت بالطريقة دي

و هنا يحضرني موقف شبيه بده

اختي بتحكيلي عن حكاية حصلت مع واحدة صاحبتها

البنت لابسة سلسلة دهب و جه حد خطفها منها بموتوسيكل

البنت بمنتهي الجرأ قالتله......يا حرام نايبك طلع علي شونة السلسلة دهب صيني

راح راميها في وشها

طبعن السلسلة دهب اصلي

بس سبحان اللي الهمها تتصرف في الموقف بالطريقة دي

موقف تاني حصل مع زميلة والدتي....النصاب ده بقي محترف احتراف يبهرك

بس هبقي احكيه في لقاء اخر ان شاء الله

حمد لله علي السلامة

و قولنا بقي

حبوب الشجاعة اشترتها منين

[رضوي]

براااااااااافوووووووووووووو

طبعاً ربنا سترها معاك ودي اهم حاجة

بس من حقك انك تدور على حاجتك حتى لو من غير فايدة وطالما أتأكدت ان الموبايل مع الناس دي يبقى من حقك تاخده ,,,, أنا لو مكانك وأتأكدت ان موبايلي مع البنت دي وطول ماأنا في وسط الناس مش هسيب موبايلي ولا هسيب البنت ولا الولد ,, وهعمل فيها سبع الرجال واخد حقي

لكن لو في مكان هادي ومافيهوش ناس هخلع طبعاً ومش عايزة الموبايل اهم حاجة اني مااتبهدلش

وربنا كمان وقفلك الست الجدعة دي هى ساعدتك كتير

[ابو محمد بن مصطفي]

برافو عليك ..... الواحد ممكن يتحرق دمه من تصرف زي ده ....

وكويس ان الموضوع جه في 50 جنية ... بس ليه مكملتش وبلغت البوليس اهو تبقي عملت اللي عليك

واهو يبقي الشعب في خدمة الشرطة

بس تعرف الجرأه الحقيقية انك كنت حطيت ايدك وجبت الموبايل وبأيدك التانية علي وش البنت (علي فكرة ده كان رد فعل واحد صاحبي لما حصل فيه نفس الموقف)

الحرامي اجبن انسان في الدنيا

[Hesham Zaki]

انا اتسرق موبايلي من 8 سنين سرقه سواق تاكس باكستاني وانا راجع من دبي للرياض

للصدفه كنت اخدت فاتورة من السواق .. قعدت اتصل عليه كتير مايردش لاما مشغول قلت هافضل وراه لغاية ما يرد

تاني يوم العصر ببص علي فاتورة الموبايل لقيتها 5000 ريال لانه دولي فاتورة

المهم وقفت الشريحة وطلعت الفاتورة ورحت الشركة اللي فيها اكتشفت ان عندهم 1200 سيارة ليموزين

طلعوا صور السواقين كلهم لقيت الموضوع صعب جدا خاصة اني ما اعرفش اوصافه لان الدنيا كانت ليل

وفقدت الامل تماما وبعدين بعد ما روحت قلت اشوف الارقام اللي طلبها في الفاتورة وفعلا

كلمت اول رقم عرفت انه سكن سواقين كلمت الارقام اللي في باكستان ومن اهله عرفت اسمه بالكامل بعد ما قلت لهم انه كسب جايزة كبيرة

كلمت الشركة قلت لهم انا عرفته واسمه كذا وهاروح الشرطة قالولي حرام عليك واحنا هانجيب لك فلوسك والموبايل قلت لهم بس ممكن يكررها قالولي هانسفره نهائي

وافقتهم وخدت الموبايل وفلوس الفاتورة

طبعا سر ارتفاع الفاتورة الباشا عملوا سنترال لكل اصحابه وقعدوا يكلموا كل الارقام بتاعة قنوات البورنو وقلة الادب

[عصام أبوالفتح]

انا اتسرق موبايلي من 8 سنين سرقه سواق تاكس باكستاني وانا راجع من دبي للرياض

للصدفه كنت اخدت فاتورة من السواق .. قعدت اتصل عليه كتير مايردش لاما مشغول قلت هافضل وراه لغاية ما يرد

تاني يوم العصر ببص علي فاتورة الموبايل لقيتها 5000 ريال لانه دولي فاتورة

المهم وقفت الشريحة وطلعت الفاتورة ورحت الشركة اللي فيها اكتشفت ان عندهم 1200 سيارة ليموزين

طلعوا صور السواقين كلهم لقيت الموضوع صعب جدا خاصة اني ما اعرفش اوصافه لان الدنيا كانت ليل

وفقدت الامل تماما وبعدين بعد ما روحت قلت اشوف الارقام اللي طلبها في الفاتورة وفعلا

كلمت اول رقم عرفت انه سكن سواقين كلمت الارقام اللي في باكستان ومن اهله عرفت اسمه بالكامل بعد ما قلت لهم انه كسب جايزة كبيرة

كلمت الشركة قلت لهم انا عرفته واسمه كذا وهاروح الشرطة قالولي حرام عليك واحنا هانجيب لك فلوسك والموبايل قلت لهم بس ممكن يكررها قالولي هانسفره نهائي

وافقتهم وخدت الموبايل وفلوس الفاتورة

طبعا سر ارتفاع الفاتورة الباشا عملوا سنترال لكل اصحابه وقعدوا يكلموا كل الارقام بتاعة قنوات البورنو وقلة الادب

موقف إيجابى جدا وعجبنى جدا جدا يا استاذ هشام

bv:- SMART

[EsoWay]

معقولة أخلاقنا وصلت للدرجة دي من الإنحطاط

بنت تسرق موبايل وتحطه في صدرها ! ومعاها راجل بيستغلها !

الموضوع دا فضيحة والله

وحلوة كل واحد عارف ضابط هناك يعني إيه المعنى إن كل واحد عارفله ضابط ؟!

وبعدين بصراحة متزعلش مني أنا مستغرب إزاي ممكن تشاور على صدر البنت وتقول عايز أعرف إيه دا

ممكن مش تكون ملام عن أي ردة فعل لإنك تعرضت للسرقة

ولكن لو فرضنا إنك متأكد إزاي ممكن تشاور على منطقة زي دي في البنت !

وإزاي اللي معاها يسكت حتى لو سارق فعلًا

و يمكن تصرفك صحيح ! دي وجهة نظري

[hOuSsAm]

برافو للاستاذ هشام وصاحب الموضوع

بس خلونا نعترف ان تساهيل ربنا كانت معاكوا وعرفتوا تلموا الموضوع فى وقتها

طيب لو محصلش والموبيل فص ملح وداب ايه الحل

-----------------

الخطوات القانوينية لاسترجاع اى موبيل مسروق فى مصر (معرفش الخليج ظروفهم ايه بس كفاية ان خدمة العملا عندهم زفت عالاقل فى السعودية)

1- تحتفظ بعلبة الموبيل اللى عليها السريال نمبر

2- لما الجهاز يتسرق منك تاخد العلبة وتروح قسم الشرطة تعمل محضر بالسرقة وتجيب اذن نيابة بتتبع السريال فى شركات المحمول الثلاثة

موبينيل وفودافون واتصالات

3- هو غالبا اذن واحد وبتودى صورته مش فاكر

4- بتودى اذن النيابة للادارة القانونية فى شركة الاتصالات و مع اول اتصال من الجهاز بيلقط رقم الشريحة الجديدة ومكانها وبالتبعية تفاصيل صاحب الخط (مهما كان) من واقع معلومات فاتورة الشراء والمرفق معاها صورة بطاقته

5- بيطبعلك خطاب رسمى من الادارة القانوينية بالشركة بتفاصيل صاحب الخط الجديد وبيانته وعنوانه

6- بموجب الخطاب ده تعرف تحبس صاحب الخط 3 سنين وتدفعه تعويض كمان (ممكن ميكونش اللى سرق الموبيل)

7- او ممكن تروحله مكانه وتحلها ودى معاه وهقولك ليه ودى

------------------

نفس الموقف ده حصل من حوالى 5 سنوات مع اعز اصدقائى موبايله اتسرق

هو بصراحة استعوض فيه ربنا قولتله اعمل محضر فى القسم بالسريال نمبر وجيبهولي

وديت المحضر لشركة فودافون فى القاهرة كبداية عن طريق صديق وفعلا خلال اسبوع جابلى الخطاب اللى فيه معلومات صاحب الخط

اديته لصحبى

اخد ظابط معرفة وراح لبيت صاحب الخط طلع طالب جامعى محترم وكان لسه شاريه من محل فى المنصورة (بالمناسبه هو من نبروه نفس بلد توفيق عوكاشة)

المهم اتفق معاه انه هياخد الموبيل منه عشان مش ذنبه وهيروح معاه لصاحب المحل اللى بايعه يعرفه انه مسروق ويتفاوض معاه بقى

--------------------

عشان كدة فيه ناس كانت بتنخدع وتشترى موبيلات من محلات من غير علبتها واللى بنسبة كبيرة بتبقى مسروقة (كل واحد يخلى باله بقى)