الاختلافات الحياتية بين مصر والسعودية

[hOuSsAm]

1- فى السعودية اذا كنت غير مدخن فمش هتشم ريحة السجاير فى اى مكان لانه ممنوع فى الاماكن المغلقة ولكن فى مصر هتدخن غصب عنك فى بيتك او فى المواصلات او فى اى مكان عام (هتبقى مدخن سلبى)

2- فى السعودية هتلاقى بين كل مغسلة ومغسلة مغسلة تانية فى مصر الموضوع محدود

3- فى مصر ثلث السنة اجازات (من اعياد فطر واضحى وشم نسيم وستة اكتوبر وتحرير سينا والمولد النبوى وراس السنة والام والاب والاخت وكل يوم يعملوا عيد جديد عشان ياخدوه اجازة) فى السعودية معندكش غير اجازتك السنوية وعيد الفطر وعيد الاضحى

4- فى مصر تلاقى الاختلاط فى كل مكان فى الجامعة فى المواصلات فى المطاعم فى اى مكان هتلاقى اختلاط0 طبعا الموضوع ده فى السعودية معدوم

5- فى مصر فيه اضرحة وموالد فى السعودية مفيش حاجة من دى

6- فى مصر لوربيت دقنك تبقى ارهابى وتروح امن الدولة فى السعودية ده تبقى عالفطرة

7-فى مصر الناس بتسعى يبقى عندها اصغر عربية ممكنة عشان يوفر فى البنزين وعشان الشوارع ضيقة0 فى السعودية بيحاولوا يبقى عندهم اكبر عربية ممكن عشان الاتزان عالطريق ويقدر ياخد زوجاته الاربعة معاه والعشرين عيل

8- فى مصر الغالب ان كل واحد متجوزست واحدة بس ويادوب عايش اما فى السعودية كل واحد متجوز اربعة وبيفكر يعمل احلال وتبديل

9-فى مصر الشقق متناسبة ومتقاربة من بعضها فى السعودية الشقق نوعين لاما ضيقة جدا بحيث تحدد انت هتدخل تعمل ايه فى الشقة لاما واسعة جدا تدخل تتوه فيها

10-فى مصر لو واحد عاكس واحدة لاما هتشبشبله لاما هتسكت وتمشى فى حالها اما فى السعودية ده لو حصل الهيئة تيجى ترحله عالطول

11- فى مصر تعامل معظم الشركات التجارية كاش0 فى السعودية كل التعامل بالآجل

12- فى مصر فى الغالب بتخرج من البيت لابس حذاء فى السعودية بيخرجوا من البيت لابسين شباشب

13- فى مصر تعرف تعيش جدا من غير تكييف فى السعودية استحالة تقضى ليلة من غير مكيف

14- التيار الكهربى فى مصر 120 فولت فى السعودية فيه تيارين 120 و 240 وتفضل بقى تحاول مع الاجهزة

15- فى مصر ممكن تناماتلساعة 3 الفجر وتقوم الصبح الشغل نشيط مفيش مشاكل فى السعودية مهما نمت بدرى متاخر بنقوم عندك صداع من المخدات والتكييف

16- فى مصر توجد اماكن لحفظالاحذية داخل المساجد ولو سبتها بره فى الغالب هتطلع مش لاقيها اما فى السعودية فممنوع تشيل الحذاء داخل المسجد ولازمتسيبها بره ولما بتخرج تلاقيها

17- فى مصر لو نزل شريط جديد لمطرب بتلاقى صوره مالية الشوارع وبتسمع الشريط غصب عنك حتى لو انت مش متابع او حتى بتسمعش اغانى لازم تسمعه اربع خمس مرات كل يوم فى المواصلات وفى الشوارع وتلاقى العربيات ماشية فى الشارع وكانها صالات ديسكو متنقلة ده غير الجيران اللى بيعلوا السمعات عالاخر0 طبعا فى السعودية مفيش الكلام ده

18- فى مصر الويك اند بتاعك بيبقى ليه طعم لكن فى السعودية ملهوش طعم

19- فى مصر ممكن تقابل واحد متعرفوش وتسلمعليه بابتسامة وترحب بيه وتساله عن اخباره وياسلام لوكنتوا فى مواصلة متبطلوش كلام طول الطريق وكانكوا تعرفوا بعض من عشرين سنة اما فى السعودية ممكن تقابل زميلك ميسلمش عليك ومتفهمش ليه ولا هوحتى فاهم

20- فى مصر بتقضى حياتك على امل انك تسافر ووضعك يتحسن لحد متعدى الـ 35 سنة وتبدا تفقد الامل فى السعودية بتفضل عايش على امل انك كل سنة جاية هتبقى اخر سنة فى السعودية وترجع تستمتع بالفلوس اللى تعبت فيها

وتابع,,,,,,,,,,,,,

[Amr Radwan]

هههههههههههه

تابع اية يا حسحس .. كفاية عليك 20 .. خلي شوية لاصحابك ..

حد يكمل يا جماعة احنا اخرنا 20 فرق في الرد الواحد (بعد اذن صاحب الموضوع) .. و غير كده لازم ياخد اذن من الادارة ..

[hOuSsAm]

هههههههههههه

تابع اية يا حسحس .. كفاية عليك 20 .. خلي شوية لاصحابك ..

حد يكمل يا جماعة احنا اخرنا 20 فرق في الرد الواحد (بعد اذن صاحب الموضوع) .. و غير كده لازم ياخد اذن من الادارة ..

خلاص ماشى يا عمرو

اللى تشوفه

انا هستنى اشوف اصحابى وبعدين لو فيه زيادات هتابع (ده بعد اذن الادارة)

وتابع,,,,,,,,

[بركة]

واحده صاحبتي سعودية قالتلي ( أنا لما رحت مصر لاقيت الناس عندكم بتحل مشاكلها في الشارع )

الحقيقة كلمتها دي خلتني أفكر لقيت فعلا إحنا بنمشي نحكّي في الشارع وصوتنا مسموع للغير

وحاولت أسمع هنا في السعودية حد صوته واضح في مناقشة في الشارع أو بيحكي حاجه ؟؟؟؟؟؟؟؟؟

لم أجد .......

لو في مصر ممكن أي حد يقف يحكي اللي في نفسة ويزعق و محدش هيحس أنه بيعمل حاجه غريبة أصلا

[السيد توفيق]

بمصر لو حدثت لك مشكلة مع رجل امن على طول ضابط الامن بيضربك وبيبهدلك لكن بالسعودية مستحيل رجل امن بيمد يده على حد

بمصر مش حتقدر تدخل على ضابط برتبة ملازم لكن بالسعودية من السهل انك تدخل على لواء

بمصر اصغر ضابط بيلعب لك بالتحقيق لكن بالسعودية من الصعب بل من شبه المستحيل

بمصر بتدفع ضرايب على طول بالسعودية مفش ضرايب

بمصر تتعامل مع جنسية وحده اللي هم المصريين لكن بالسعودية بتتعامل مع جميع دول العالم

بمصر التعامل كله بالاوراق لكن بالسعودية التعامل بالانترنت ممكن تعمل اللي عاوزه بالحاسب الالي

[السيد توفيق]

بمصر دورات المياه بفلوس لكن بالسعودية مفش الكلام دا

بمصر لو تعطلت سياراتك وانت مسافر مش حد حيوقف لك لكن بالسعودية بتحصل الكل بيوقف لك ويعرض عليك المساعدة وممكن تتصل على أمن الطرق وهم بيساعدوك حسب النظام عندهم

بمصر لو حصل لك حادث بالطرق بتقعد ساعات وانت متبهدل لكن بالسعودية لو حصل لك حادث بالطريق حتجد خلال دقائق سيارات الامن والاسعاف والطوارئ وعدد كبير من الاطباء بموقع الحادث وبينقلوك للمستشفى باحدث سيارات الاسعاف مجاني

تم تعديل 17 أبريل 2009 بواسطة السيد توفيق

[hOuSsAm]

بمصر لو حدثت لك مشكلة مع رجل امن على طول ضابط الامن بيضربك وبيبهدلك لكن بالسعودية مستحيل رجل امن بيمد يده على حد

بمصر مش حتقدر تدخل على ضابط برتبة ملازم لكن بالسعودية من السهل انك تدخل على لواء

بمصر اصغر ضابط بيلعب لك بالتحقيق لكن بالسعودية من الصعب بل من شبه المستحيل

بمصر بتدفع ضرايب على طول بالسعودية مفش ضرايب

بمصر تتعامل مع جنسية وحده اللي هم المصريين لكن بالسعودية بتتعامل مع جميع دول العالم

بمصر التعامل كله بالاوراق لكن بالسعودية التعامل بالانترنت ممكن تعمل اللي عاوزه بالحاسب الالي

أخى العزيز نشكرك جدا عالمشاركة فى هذا الموضوع ولكن لى تعقيب صغير

بخصوص موضوع رجال الامن مش كلهم كدة بمصر وكمان انا اتعملت مع ناس كتير منهم اللى حصل معايا كان مختلف عن كدة تماما وبخصوص رجال الامن بالسعودية وانهم مستحيل انه يمد ايده على احد انا شفت بعينى وكنا امام مسجد انهم بلا مناسبة اخدوا واحد من وسطنا وضربوه علقة تمام قدام ابنه الصغير بدون سماع توسلاته بانهم يسمعوه وذلك لانه ليس المقصود :blush2: بعد العلقة التمام اكتشفوا انه مش هو اللى عايزينه وده قدام عينى محدش حكالى

بخصوص الجنسيات فى مصر فى المدن الكبيرة ذى القاهرة والاسكندرية والاقصر هتلاقى كل الجنسيات لكن فى السعودية الجنسيات محدودة هما دول مصر وباكستان والهند واليمن وبلاد الشام دول من وجهة نظرى كل الجنسيات الموجودة الا بعض الفلتات

بخصوص الاوراق فعلا فى مصر فى اماكن كتيرة بداوا يتجهو للنت بس بسبب قلة الوعى بثقافة النت وكمان قلة المستخدمين وان كل الناس مش عنده كمبيوتر ونت ابلبيت الموضوع بطئ شوية

عمرو يا عمرو انا لسه عندى اختلافات كتيرة ومحدش قالها ينفع ادخل ازودها gsm::

[عبير يونس]

من عاش منكم في مكة لن يجد فروق كثيرة عن مصر في السلبيات

أما الايجابيات فهي العمرة و الحج و زمزم

و الحقيقة أهل مكة يتاجرون بهذه الأشياء

الراتب قليل ...... احمد ربك انك في مكة

بدل السكن لا يكفي لتأجير عشة و أغلب الكفلاء لا يعطون بدل سكن من أصله

مو كفاية انك في مكة؟؟

الأسعار غالية نااااااااااااار ................ يا خوي مو كفاية بتحج ببلاش؟؟

زمزم يمنعوها شوية و يسعودوها شوية

عنصرية فوق الوصف

حتى مع بعضهم

ده حضري و ده بدوي و ده شريف و ده ابن.......... بنقالي واوووووووووووه هلكونا الأجانب

هذا ما تسمعه دوما و بلا انقطاع

السواقة في مكة بتفكرني بمصر

كله ماشي على كيفه

و ضباط المرور دلوقت بقوا يلفقوا مخالفات للسيارات و تتفاجئ ان عليك مخالفة في شارع عمرك ما مشيت فيه أو في وقت اكيد كنت في دوامك

و حلا لمشاكل الأجانب هناك قرار إن أي مشكلة بين سعودي و أجنبي يرحل الأجنبي فورا

غربة و فقر و خنقة و بهدلة و عنصرية و احباط و محاربة في الرزق هو ثمن العمرة و الحج للمقيمين في مكة

لا حول ولا قوة الا بالله

واضح انك عانيتي كثيرا جدا

ولكن..فعلا هو ده الحال و للأسف الشديد لمعظم من يعمل

خارج الرياض أو الدمام أو جدة أو المناطق الرئيسية..الراتب غالبا بيكون قليل و بدل السكن كذلك

وحتي بعض اللي شغالين في المناطق الرئسية أحيانا بيحصللهم كده.

فرج الله همك و هم كل المغتربين

المعاناة ده مصطلح طبيعي جدا في قاموس حياتي اليومية و لله الحمد

المعاناة طبعا موجودة في كل مكان و زمان في الدنيا ده أمر مفروغ منه

و كل شيء يمكن احتماله نسبيا و بدرجات و ذلك مع الأخذ في الاعتبار تفاوت قدرات الناس على التحمل

لكن الغير محتمل فعلا هو التضييق في الرزق على المقيمين و اعتبارهم مقاسمين لهم في الرزق!!!

مع ان الأرزاق بيد الله تعالى وحده و لا يستطيع أحد أخذ رزق آخر

يعني لو الراتب قليل لا توجد لك فرصة لزيادة دخلك خوفا من الترحيل!!!

تصور حضرتك انهم بيعملوا كمين للناس عشان يرحلوهم!!!

ده كان موجود بكثرة الصيف الماضي

واحد كان راكب جنبه أخوه شقيقه في السيارة قبضوا عليه بتهمة انه مركب أنفار في السيارة!!!

واحد مباحث تظاهر انه تعبان في الحر و طلب من واحد يوصله بالسيارة ( دي حاجة منتشرة في مكة انك تركب مع سيارات ملاكي زي الاتوستوب و هي محظورة على الأجانب حاليا) المهم اخينا مرضيش

قعد المباحث ده يتحايل عليه و يقول له الجو حر طيب حتى قربني من المكان

و اول لما وافق الراجل و ركبه راح واخد المفاتيح من الكونتاكت و قبض عليه بتهمة تركيب انفار

واحد تاني بيسأل واحد معندكش شقة فاضية قاله فيه ان شاء الله قبض عليه بتهمة العمل في العقارات

و دي كمان مهنة تم حظرها على الأجانب

و غيره كتير

ده في ناس أقسمت انهم كانوا بياخدوا الناس بطريقة عشوائية

و حتى لو لقوا معاهم اقامات نظامية يقطعوها و يرحلوهم فورا

و طبعا من الرعب من البهدلة اتحبسنا في البيت طول الصيف و كان كل جوزي ما يتأخر شوية برة قلبي يقع في رجليا

لما كانوا ولادي صغيرين مكنتش حاسة بمشاكل

اما دلوقت مدخلاهم مدرسة سعودي أهلية ( تعتبر من أحسن المدارس في مكة)ابتدينا نعاني من الفجوة الحضارية

و ابتدى ابني شوية يشتم في مصر زي ما بيسمع من السعوديين و شوية يشتم في السعوديين زي ما بيسمع من المصريين

و غلبت أفهمه ان كل مكان فيه الكويس و الوحش

لكن الولد لسه صغير و الصراع الثقافي أكبر منه بكتير

و ده طبعا بالإضافة اننا نفتقر لكل ما يحتاجه الأطفال من منتزهات و نوادي لتفريغ الطاقات الموجودة فيهم

و أصبحت التسلية الوحيدة هي قنوات الدش اللانهائية و الأكل بلا حساب

لا تفريغ للطاقة الذهنية و لا الحركية اللهم في التنطيط على السراير و الكنب و قلب البيت سيرك

المشكلة أن الواحد مش عارف يعيش لا اجتماعيا و لا اقتصاديا ( مع الأخذ في الاعتبار ان التحويش بات حلما مستحيلا)

طب و بعدين و لحد امتى

اذا علينا اهي ماشية

لكن ولادي

حاسة بمسئولية كبيرة اوي تجاههم

و خايفة موت ليطبعوا بطباع أهل البلد و ما بهم من قسوة و عنصرية

[عبير يونس]

طبعا بقالي سبع سنين ما شفتش مصر

و السبب طبعا اننا لا نملك قيمة تذاكر طيران لنا جميعا

و لا يمكن ابهدل ولادي في السفر البري ( طبعا من اللي باسمعه)

والدتي الله يرحمها توفيت من أربع سنوات و لم أستطع النزول و بأصبر نفسي اني كنت حامل في آخر التاسع و مستحيل اني كنت اقدر اسافر

و سنة تجر سنة مش عارفين نفك من الوضع اللي احنا فيه

و كل ما حد ينزل و يرجع يقولنا اوعوا تنزلوا

حتى أهالينا في التيلفون و الانترنت بيحذرونا من العودة!!

ساعات بأسأل نفسي : أمال الناس اللي عايشة في مصر دي عايشة ازاي؟؟

و بأخاف من التجربة

خايفة اننا ناخد قرار بالعودة و نلاقي الحال أسوأ

فكرت في الهجرة جديا لكن لقيت المصاريف كبيرة جدا علينا في ظل ظروفنا اللي احنا فيها دب

و ما زلنا نكافح في انتظار معجزة من السماء

[عبير يونس]

السلام عليكم

الاخت الفاضله

مغتربه مصريه

انا كدا خايف من العمل فى مكه لونى على وشك السفر

ربنا يستر

ربنا يكتب لك الخير أخي الكريم

الناس ظروفها مش زي بعض

و متطلباتها كمان بتتفاوت

و تجربتك قد تختلف جذريا عن تجربتي

و رؤيتك للأمور أكيد حتكون من وجهة نظر مختلفة عن وجهة نظري

و الموضوع ده بيوضح فعلا أن وجهات النظر متفاوتة جدا

كل اللي انصحك بيه انك تكون على حذر في أي مكان

و توكل على الله أولا و أخيرا

أنا شخصيا لو بالحسابات كان زماني بأشحت قدام الحرم

لكن بستر المولى عز وجل بتتدبر

أكيد في ناس ظروفهم أحسن من ظروفي

و أكيد برضه في ناس ظروفهم أسوأ

أهم حاجة انك تكون مع الله في كل خطوة و تستخير

و طبعا لا ننكر ان حضرتك بمشيئة المولى عزوجل حتعتمر و تحج

و دول بس كفاية نتبهدل عشانهم

انا بس كل اللي بيحز فيا ولادي

لكن لو لسه متجوز جديد او ولادك صغيرين

يبقى ان شاء الله حالك يكون أفضل

اتمنى لك كل الخير

[عبير يونس]

اخي الكريم .. الباحث عن الرزق ..

تحية لك ..

انت تعلم ان هناك اختلافات بين الناس و بعضها و فيه الكويس و الوحش حتي لو في اسرة واحدة .. من الاخر دي ممكن تكون سمة بين اهل مكة و هي ال"القسوة" و لكن من بين اهل مكة خرج سيدنا رسول الله صلي الله علية و سلم ..

نسيبي شغال الان في مكة و ربنا ييسر له الحال مستريح في شغله و في شركة محترمة (الي الان )

سافر و شوف رزقك و ربنا ييسر لك الاحوال ان شاء الله .. الطريق امامك مفتووووووووح و سواء كان عملك في جدة او في مكة او في الرياض او في اي مدينة اخري .. الاتفاق .. الاتفاق .. الاتفاق علي كل الامور الاساسية مثل بدل السكن و الراتب و باقي البدلات و مواعيد استحقاقها .. ستكون في راحة من المشاكل الا مع شركة درجة عشرين و دي ممكن تقدم شكوي ليها في مكتب العمل و هما اللي هيحاولوا يراضوك عشان انت في السليم و كل الاتفاقات في العقد (الموثق) ... :lol:

أستاذ عمرو

كلام حضرتك سليم 100%

و على فكرة احنا من واحنا في مصر كنا عارفين الراتب و بدل السكن

و ساعتها الكفيل قال لجوزي لما ناقشه : يا أخي كفاية انك حتحج ببلاش

طبعا لهفتنا للعمرة و الحج ( و ده شيء طبعا مش نادمنين عليه)

مع قلة خبرتنا عن مكة و الحياة فيها

مع أزمة الغلاء العالمية و اللي ختمت بالأزمة الإقتصادية

كل ده هو اللي خلانا نعاني

و طبعا كل مكان فيه الكويس و الوحش

و لا يمكن نعمم أي حاجة على شعب بحاله

لكن دايما الوحش هو اللي بيظهر على السطح

و طبعا لأن الخير هو القاعدة

[خالد شحاته]

فعلا اخت مغتربه

الان في مكه

الامير خالد الفيصل صعب جداا في التعامل مع الاجانب

المشكله انا انسان معي اقامه نظامه ليه اتمسك واترحل وتقطيع الاقامه بدون اي ذنب وفي نفس الوقت ترحيل فورا بدون الرجوع للكفيل مجرد استخراج وثيقه سفر من قنصليه بلدك وتسافر الله يستر علي الناس الا في المنطقه الغربيه كلها

[سهل جدا]

من عاش منكم في مكة لن يجد فروق كثيرة عن مصر في السلبيات

أما الايجابيات فهي العمرة و الحج و زمزم

و الحقيقة أهل مكة يتاجرون بهذه الأشياء

الراتب قليل ...... احمد ربك انك في مكة

بدل السكن لا يكفي لتأجير عشة و أغلب الكفلاء لا يعطون بدل سكن من أصله

مو كفاية انك في مكة؟؟

الأسعار غالية نااااااااااااار ................ يا خوي مو كفاية بتحج ببلاش؟؟

زمزم يمنعوها شوية و يسعودوها شوية

عنصرية فوق الوصف

حتى مع بعضهم

ده حضري و ده بدوي و ده شريف و ده ابن.......... بنقالي واوووووووووووه هلكونا الأجانب

هذا ما تسمعه دوما و بلا انقطاع

السواقة في مكة بتفكرني بمصر

كله ماشي على كيفه

و ضباط المرور دلوقت بقوا يلفقوا مخالفات للسيارات و تتفاجئ ان عليك مخالفة في شارع عمرك ما مشيت فيه أو في وقت اكيد كنت في دوامك

و حلا لمشاكل الأجانب هناك قرار إن أي مشكلة بين سعودي و أجنبي يرحل الأجنبي فورا

غربة و فقر و خنقة و بهدلة و عنصرية و احباط و محاربة في الرزق هو ثمن العمرة و الحج للمقيمين في مكة

لا حول ولا قوة الا بالله

واضح انك عانيتي كثيرا جدا

ولكن..فعلا هو ده الحال و للأسف الشديد لمعظم من يعمل

خارج الرياض أو الدمام أو جدة أو المناطق الرئيسية..الراتب غالبا بيكون قليل و بدل السكن كذلك

وحتي بعض اللي شغالين في المناطق الرئسية أحيانا بيحصللهم كده.

فرج الله همك و هم كل المغتربين

المعاناة ده مصطلح طبيعي جدا في قاموس حياتي اليومية و لله الحمد

المعاناة طبعا موجودة في كل مكان و زمان في الدنيا ده أمر مفروغ منه

و كل شيء يمكن احتماله نسبيا و بدرجات و ذلك مع الأخذ في الاعتبار تفاوت قدرات الناس على التحمل

لكن الغير محتمل فعلا هو التضييق في الرزق على المقيمين و اعتبارهم مقاسمين لهم في الرزق!!!

مع ان الأرزاق بيد الله تعالى وحده و لا يستطيع أحد أخذ رزق آخر

يعني لو الراتب قليل لا توجد لك فرصة لزيادة دخلك خوفا من الترحيل!!!

تصور حضرتك انهم بيعملوا كمين للناس عشان يرحلوهم!!!

ده كان موجود بكثرة الصيف الماضي

واحد كان راكب جنبه أخوه شقيقه في السيارة قبضوا عليه بتهمة انه مركب أنفار في السيارة!!!

واحد مباحث تظاهر انه تعبان في الحر و طلب من واحد يوصله بالسيارة ( دي حاجة منتشرة في مكة انك تركب مع سيارات ملاكي زي الاتوستوب و هي محظورة على الأجانب حاليا) المهم اخينا مرضيش

قعد المباحث ده يتحايل عليه و يقول له الجو حر طيب حتى قربني من المكان

و اول لما وافق الراجل و ركبه راح واخد المفاتيح من الكونتاكت و قبض عليه بتهمة تركيب انفار

واحد تاني بيسأل واحد معندكش شقة فاضية قاله فيه ان شاء الله قبض عليه بتهمة العمل في العقارات

و دي كمان مهنة تم حظرها على الأجانب

و غيره كتير

ده في ناس أقسمت انهم كانوا بياخدوا الناس بطريقة عشوائية

و حتى لو لقوا معاهم اقامات نظامية يقطعوها و يرحلوهم فورا

و طبعا من الرعب من البهدلة اتحبسنا في البيت طول الصيف و كان كل جوزي ما يتأخر شوية برة قلبي يقع في رجليا

لما كانوا ولادي صغيرين مكنتش حاسة بمشاكل

اما دلوقت مدخلاهم مدرسة سعودي أهلية ( تعتبر من أحسن المدارس في مكة)ابتدينا نعاني من الفجوة الحضارية

و ابتدى ابني شوية يشتم في مصر زي ما بيسمع من السعوديين و شوية يشتم في السعوديين زي ما بيسمع من المصريين

و غلبت أفهمه ان كل مكان فيه الكويس و الوحش

لكن الولد لسه صغير و الصراع الثقافي أكبر منه بكتير

و ده طبعا بالإضافة اننا نفتقر لكل ما يحتاجه الأطفال من منتزهات و نوادي لتفريغ الطاقات الموجودة فيهم

و أصبحت التسلية الوحيدة هي قنوات الدش اللانهائية و الأكل بلا حساب

لا تفريغ للطاقة الذهنية و لا الحركية اللهم في التنطيط على السراير و الكنب و قلب البيت سيرك

المشكلة أن الواحد مش عارف يعيش لا اجتماعيا و لا اقتصاديا ( مع الأخذ في الاعتبار ان التحويش بات حلما مستحيلا)

طب و بعدين و لحد امتى

اذا علينا اهي ماشية

لكن ولادي

حاسة بمسئولية كبيرة اوي تجاههم

و خايفة موت ليطبعوا بطباع أهل البلد و ما بهم من قسوة و عنصرية

طبعا بقالي سبع سنين ما شفتش مصر

و السبب طبعا اننا لا نملك قيمة تذاكر طيران لنا جميعا

و لا يمكن ابهدل ولادي في السفر البري ( طبعا من اللي باسمعه)

والدتي الله يرحمها توفيت من أربع سنوات و لم أستطع النزول و بأصبر نفسي اني كنت حامل في آخر التاسع و مستحيل اني كنت اقدر اسافر

و سنة تجر سنة مش عارفين نفك من الوضع اللي احنا فيه

و كل ما حد ينزل و يرجع يقولنا اوعوا تنزلوا

حتى أهالينا في التيلفون و الانترنت بيحذرونا من العودة!!

ساعات بأسأل نفسي : أمال الناس اللي عايشة في مصر دي عايشة ازاي؟؟

و بأخاف من التجربة

خايفة اننا ناخد قرار بالعودة و نلاقي الحال أسوأ

فكرت في الهجرة جديا لكن لقيت المصاريف كبيرة جدا علينا في ظل ظروفنا اللي احنا فيها دب

و ما زلنا نكافح في انتظار معجزة من السماء

الأخت الفاضلة مصرية مغتربة

يسّر الله أمرك ووفقك وزوجك وأولادك لما يحب ويرضى

كلام حضرتك السابق من أجمل وأهم ما يكون

ولازم الكل يقرأه كويس

وياريت تكتبيه في موضوع مستقل

لأن إخواننا المصريين اللي عايشين في مصر كل همهم إنهم يطلعوا برّة

وفاكرين إن الحياة برّة مصر أفضل تحت أي ظرف وأي وضع ..

والرزق الإنسان بياخذه سواء في مصر أو في السعودية أو حتى في جوانتناموا

كما في الحديث الشريف:

( لو أن ابن آدم هرب من رزقه كما يهرب من الموت لأدركه رزقه كما يدركه الموت )

وقوله تعالى: { وما من دابة في الأرض إلا على الله رزقها }

وحضرتك سألتي سؤال جميل جدا , سأقتبسه مرة أخرى ليكون عبرة لنا جميعا ..

ساعات بأسأل نفسي : أمال الناس اللي عايشة في مصر دي عايشة ازاي؟؟

[عبير يونس]

الأخت الفاضلة مصرية مغتربة

يسّر الله أمرك ووفقك وزوجك وأولادك لما يحب ويرضى

كلام حضرتك السابق من أجمل وأهم ما يكون

ولازم الكل يقرأه كويس

وياريت تكتبيه في موضوع مستقل

لأن إخواننا المصريين اللي عايشين في مصر كل همهم إنهم يطلعوا برّة

وفاكرين إن الحياة برّة مصر أفضل تحت أي ظرف وأي وضع ..

والرزق الإنسان بياخذه سواء في مصر أو في السعودية أو حتى في جوانتناموا

كما في الحديث الشريف:

( لو أن ابن آدم هرب من رزقه كما يهرب من الموت لأدركه رزقه كما يدركه الموت )

وقوله تعالى: { وما من دابة في الأرض إلا على الله رزقها }

وحضرتك سألتي سؤال جميل جدا , سأقتبسه مرة أخرى ليكون عبرة لنا جميعا ..

ساعات بأسأل نفسي : أمال الناس اللي عايشة في مصر دي عايشة ازاي؟؟

المشكلة ان محدش بيصدقنا

و بيفتكرونا بنخزي العين!!!

أو كارهين لهم الخير

[عبير يونس]

فعلا اخت مغتربه

الان في مكه

الامير خالد الفيصل صعب جداا في التعامل مع الاجانب

المشكله انا انسان معي اقامه نظامه ليه اتمسك واترحل وتقطيع الاقامه بدون اي ذنب وفي نفس الوقت ترحيل فورا بدون الرجوع للكفيل مجرد استخراج وثيقه سفر من قنصليه بلدك وتسافر الله يستر علي الناس الا في المنطقه الغربيه كلها

اللهم آمين

[ابو حودة]

على فكرة فيه عروض شركات الطيران الجديدة ساعات بتكون اقل في السعر من السفر البري

[mokhtarelmalahy]

طبعا بقالي سبع سنين ما شفتش مصر

و السبب طبعا اننا لا نملك قيمة تذاكر طيران لنا جميعا

و لا يمكن ابهدل ولادي في السفر البري ( طبعا من اللي باسمعه)

والدتي الله يرحمها توفيت من أربع سنوات و لم أستطع النزول و بأصبر نفسي اني كنت حامل في آخر التاسع و مستحيل اني كنت اقدر اسافر

و سنة تجر سنة مش عارفين نفك من الوضع اللي احنا فيه

و كل ما حد ينزل و يرجع يقولنا اوعوا تنزلوا

حتى أهالينا في التيلفون و الانترنت بيحذرونا من العودة!!

ساعات بأسأل نفسي : أمال الناس اللي عايشة في مصر دي عايشة ازاي؟؟

و بأخاف من التجربة

خايفة اننا ناخد قرار بالعودة و نلاقي الحال أسوأ

فكرت في الهجرة جديا لكن لقيت المصاريف كبيرة جدا علينا في ظل ظروفنا اللي احنا فيها دب

و ما زلنا نكافح في انتظار معجزة من السماء

يا اختى الفاضله اللى فى مصر بيقولولكم ماترجعوش لانهم من نظرهم شايفين ان السعوديه والخليج واللى فى الخارج عامه فى جنه الفردوس فلوس ورفاهيه وعربيات وريالات ودراهم بالهبل مش عارفين بينسوا او بيتناسول القرف والذل والمهانه اللى انتم عايشين فيها وفعلا الاوضاع بقت صعبه جدا ربنا يعينك ويعين كل المغتربين وترجعوا لبدكم بالسلامه

[عبير يونس]

يا اختى الفاضله اللى فى مصر بيقولولكم ماترجعوش لانهم من نظرهم شايفين ان السعوديه والخليج واللى فى الخارج عامه فى جنه الفردوس فلوس ورفاهيه وعربيات وريالات ودراهم بالهبل مش عارفين بينسوا او بيتناسول القرف والذل والمهانه اللى انتم عايشين فيها وفعلا الاوضاع بقت صعبه جدا ربنا يعينك ويعين كل المغتربين وترجعوا لبدكم بالسلامه

الله يكرمك يارب وربنا يجعلنا حظ من الدعوات الحلوة دي

بس حتى زمايلنا اللي بيروحوا مصر بيرجعوا يقولولنا كده

طب ما همة كمان معان في المطحنة اللي احنا فيها

يبقى مش ليا حق أخاف برضه؟؟

[jamalpody]

يا اختى الفاضله اللى فى مصر بيقولولكم ماترجعوش لانهم من نظرهم شايفين ان السعوديه والخليج واللى فى الخارج عامه فى جنه الفردوس فلوس ورفاهيه وعربيات وريالات ودراهم بالهبل مش عارفين بينسوا او بيتناسول القرف والذل والمهانه اللى انتم عايشين فيها وفعلا الاوضاع بقت صعبه جدا ربنا يعينك ويعين كل المغتربين وترجعوا لبدكم بالسلامه

الله يكرمك يارب وربنا يجعلنا حظ من الدعوات الحلوة دي

بس حتى زمايلنا اللي بيروحوا مصر بيرجعوا يقولولنا كده

طب ما همة كمان معان في المطحنة اللي احنا فيها

يبقى مش ليا حق أخاف برضه؟؟

كلامك كله صدق وبدون اي تزييف ربنا ييسر لك الخير ويوسع رزقكم ورزقنا يارب لكن عزائنا الوحيد انها دنيا جبلها الله

عز وجل علي الكدر والمعاناة فالانسان يجب ان يعيش في الدنيا بما شرع الله طمعا فيما عند الله لان ما عند الله هو

الحياة الباقية وفعلا ركعتين داخل الحرم المكي بأخلاص لله عز وجل تساوي عندي كل كنوز الارض

[alex man]

فى السعودية هناك النظام واحترام المواعيد فى العمل واحترام الكلمة

فى مصر كل شىء بالفلهوة والجدعنة