اذهب إلى المحتوى
محاورات المصريين

الاختلافات الحياتية بين مصر والسعودية


Recommended Posts

كلامكم ضحكني بصراحة وكله صح بس انا مش عارفة ليه كلكم شايلين من السعوديين قوي كده انا عن نفسي بحبهم جدا

وكنت عايشة هناك بس ده من 13 سنة كده كنت في اعدادي وكانوا السعوديات الي معايا قمة في الاحترام والذوق وودودين جدا ودلوقتي متعرفة على النت على بنات سعوديات قمة في الاحترام والذوق وبيسألوا عليا وبيتصلوا بيا على طول

الناس كلها مش زي بعضها

انتو لو افتكرتوا وانتو هنا في مصر

ده صعيدي فيه كذك وكذا

ده فلاح

ده قاهري ده اسكندراني

تيجي عندنا في الصعيد لا ده سوهاجي بتاع مصلحته ده مش عارف مين بتاع مين

تدخل في قلب القرية

ده من عيلة فلان فيهم كيت وكيت

تدخل في العيلة ده ابن الكبير الي خيره على الكل

وهكذا

انا عن نفسي من زماااااااااان لا احب التعميم ابدا

احب كل البشر واحسهم اخوتي كل البشر

لما كنت في السعودية

اتعرفت على سودانيات شاميات يمنيات سعوديات

هنا في مصر اي اجنبي كنت اشوفه في الشارع اتكلم واحكي وانزل معاه من اول ما بدأت اعرف كلمتين الماني في الثانوي

بحب كل الناس والحمد لله وبحس مفيش فرق قوي ومش متعصبة

هناك في السعودية برضه بعضهم واخد فكرة ان احنا كلنا حرامية والبنات مش كويسين

وحنروح بعيد ليه

احنا عندنا في الصعيد كنا بنسمع عن مصر ( القاهرة ) سمع وحش جدا

ابتداءا من الحرامية الي اول ما تنزل المحطة حيخطفوا منك الشنطة الى البنات الفاسدات الي مش لابسين في الشوارع

رحت القاهرة وانا في الكلية وانا ماسكة شنطتي بكل حيلي ومستعدة للحرامي وراسمة القرف على وشي من البنات الي ماشية مش لابسة

والشباب الي بيعاكس لأن احنا عندنا معروفة بنت الحج فلان ومفيش الكلام ده

نزلت ولقيت ناس زي العسل شباب عايز يساعدك اول ما يحس انك غريب وبنات مش لابسة بس لذيذة ومحترمات جدا جدا بس بيئتهم هي الي حسستهم ان اللبس ده صح

شباب اول ما بنت تركب المترو يقفوا علشان تقعد

ولا اتعاكست ولا شنطتي اتسرقت والبنات دول اتعرفت عليهم وواحدة لبست الحجاب وكانت غلبانة وطيبة قوي

وبقيت ماشية في الشوارع فاتحة بقي من الفرحة وببتسم لكل حد ماشي اعتذار مني عن فكرتي الي اخدتها في قريتي عن مصر المحروسة

ومن ساعتها بطلت اخد فكرة عن اي مكان عمومي كده

اي مكان فيه الكويس والوحش

رابط هذا التعليق
شارك

  • الردود 196
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

1- السعودية عشان يخشها اجنبي (واحد مصري مثلا) لازم فيزا .. يا اما عمرة او حج او انه يكون فيزة عمل

مصر .. تقدر تخشها من الباب من الشباك من اي حتة و مش محتاجة و لا فيزا و لا يحزنون

2- في مصر لو مش عاجبك الشغل او المدير غلس عليك .. ببساطة ما تروحش الشغل تاني يوم و تفضل في بيتك معزز مكرم و تدور علي شغل تاني ..

في السعودية .. لو فكرت بس انك تغيير الشغل هتلاقي نفسك في دوامة لمدة شهور غير الفلوس و الحقوق اللي هتسيبها لهم و تتنازل عنها ,, و خاصة لو الكفيل "قفش" عليك و رفض نقل كفالة .. يبقي احلامك و امالك المستقبلية راحت في الكازوزة ..

3- في مصر كل اصحاب العمل هما اللي بيدفعو المرتبات للموظفين

اما في السعودية انت اللي بتدفع للكفيل عشان تجدد اقامة .. تجيب مراتك استقدام .. تروح تشوف اهلك و ترجع تاني .. تعمل رخصة "سياقة" .. تفتح حساب في البنك .. او اي حاجة فيها ريحة تعامل حكومي لازم تدفع للكفيل عشان يأشر لك عليها و بعضهم برده بيدفع المرتبات عشان محدش يزعل .

4- في مصر ما تخافش علي ولادك و مراتك لو مشيو في الشارع ..

في السعودية .. تخاف علي نفسك لو مشيت في الشارع و خاصة لو عنيك خضرا و وسيم .

5- النقاب في مصر حشمة و وقار و تحس انك بتحترم الاخت اللي بتلبسه و تلاقي الشباب ما يقربوش منها

في السعودية النقاب عادة و ليس عبادة و من تحت النقاب تجد الملزق و المحزق و القصير و الايلينر و الشعر المسبسب و اللي سايبة شعرها مدلدل من تحت النقاب و احدث و لا حرج (طبعا مش الكل كده برده عشان محدش يزعل)

6- السعودية فيها روحانيات عالية في كل المساجد .. كل المساجد ..

اما مصر تجد ارباب المعاشات في كل المساجد و التربيط و الحجز بالكراسي عشان الصف الاول

7- الناس في مصر غلابة و بيحبو بعض فعلا و بيحبو الغريب و بيكرموه و يضيفوه .. الناس في السعودية بيخافو من الغريب

8- السعودية مليانة بنجالة و هنود .. مصر ما فيهاش ريحتهم و لا حتي ريحة الزيت بتاعهم .

9- في مصر .. لما بتشوف سيارة فارهة مرسيدس او بي ام دبليو او .. كل الناس بتبص عليها لاانها تحفة ماشية في الشارع ..... اما في السعودية لما بتشوف سيارة موديل الثمانينيات و اوائل التسعينيات بتكون غريبة برده و الكل بيبص عليها لانها تحفة تاريخية و بتكون عارف ان السواق بتاعها سوداني (مع احترامي الكامل لابناء النيل) .

10 - الملابس في مصر علي كل الالوان و كل الاشكال .. بدل .. جلاليب .. قميص و بنطلون .. تيشرت و بنطلون جينز .. جيبة .. فستان .. تيير .. ..

في السعودية يا توب ابيض للرجالة او عباية سودا للستات ...

في النهاية .. تحيا مصر ام الدنيا و تعيش السعودية بلد الحرمين

:P

تمام جدا

رابط هذا التعليق
شارك

كلامكم ضحكني بصراحة وكله صح بس انا مش عارفة ليه كلكم شايلين من السعوديين قوي كده انا عن نفسي بحبهم جدا

وكنت عايشة هناك بس ده من 13 سنة كده كنت في اعدادي وكانوا السعوديات الي معايا قمة في الاحترام والذوق وودودين جدا ودلوقتي متعرفة على النت على بنات سعوديات قمة في الاحترام والذوق وبيسألوا عليا وبيتصلوا بيا على طول

الناس كلها مش زي بعضها

انتو لو افتكرتوا وانتو هنا في مصر

ده صعيدي فيه كذك وكذا

ده فلاح

ده قاهري ده اسكندراني

تيجي عندنا في الصعيد لا ده سوهاجي بتاع مصلحته ده مش عارف مين بتاع مين

تدخل في قلب القرية

ده من عيلة فلان فيهم كيت وكيت

تدخل في العيلة ده ابن الكبير الي خيره على الكل

وهكذا

انا عن نفسي من زماااااااااان لا احب التعميم ابدا

احب كل البشر واحسهم اخوتي كل البشر

لما كنت في السعودية

اتعرفت على سودانيات شاميات يمنيات سعوديات

هنا في مصر اي اجنبي كنت اشوفه في الشارع اتكلم واحكي وانزل معاه من اول ما بدأت اعرف كلمتين الماني في الثانوي

بحب كل الناس والحمد لله وبحس مفيش فرق قوي ومش متعصبة

هناك في السعودية برضه بعضهم واخد فكرة ان احنا كلنا حرامية والبنات مش كويسين

وحنروح بعيد ليه

احنا عندنا في الصعيد كنا بنسمع عن مصر ( القاهرة ) سمع وحش جدا

ابتداءا من الحرامية الي اول ما تنزل المحطة حيخطفوا منك الشنطة الى البنات الفاسدات الي مش لابسين في الشوارع

رحت القاهرة وانا في الكلية وانا ماسكة شنطتي بكل حيلي ومستعدة للحرامي وراسمة القرف على وشي من البنات الي ماشية مش لابسة

والشباب الي بيعاكس لأن احنا عندنا معروفة بنت الحج فلان ومفيش الكلام ده

نزلت ولقيت ناس زي العسل شباب عايز يساعدك اول ما يحس انك غريب وبنات مش لابسة بس لذيذة ومحترمات جدا جدا بس بيئتهم هي الي حسستهم ان اللبس ده صح

شباب اول ما بنت تركب المترو يقفوا علشان تقعد

ولا اتعاكست ولا شنطتي اتسرقت والبنات دول اتعرفت عليهم وواحدة لبست الحجاب وكانت غلبانة وطيبة قوي

وبقيت ماشية في الشوارع فاتحة بقي من الفرحة وببتسم لكل حد ماشي اعتذار مني عن فكرتي الي اخدتها في قريتي عن مصر المحروسة

ومن ساعتها بطلت اخد فكرة عن اي مكان عمومي كده

اي مكان فيه الكويس والوحش

يا اختي الكريمة .. احنا بس بنجيب الفروق بس بطريقة كوميدية .. و لو تلاحظي .. هتلاقي ان شوية الفروق مع المصري او الخليجي .. مش فارقة .. و في النهاية احنا مصريين .. بنحب الاخوة السعودين .. بس عادي اننا نطلع الفروق في الحياة brth)

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

1-في مصر وأنت رايح مشوار بعربيتك لما بتوصل بتكون أتحرق دمك 100 مرة في السعودية وأنت رايح مشوار بسيارتك بتوصل بدون أي حرق دم ولا الضغط يعلي ولاحاج 2-ضابط المرور لما بتعمل مخالفة في السعودية بييجي من خلفك ويعطيك نور او سرينة وبتنزل بكل أحترام بتعرف أيه مخالفتك وبيعطيك وصل بالمخالفة برقم أقامتك وبتدفع أنت المخالفة في أي وقت عن طريق أي مصرف أو بنك في مصر ضابط المرور بييجي يسحب رخصتك وممكن كمان رخصة العربية وبيعطيك وصل مدته 48ساعة ولازم تسيب شغلك وتعطل نفسك عشان تروح تجيب رخصتك وطبعا لازم تقف في الطابور علي ماتوصل للموظفة وتدورلك في رزمة الرخص وممكن بعد ما تدور ماتلاقهاش كمان 3-في السعودية في أوقات الصلاة بيحصل شلل تام للبلد بأكملها في مصر ممكن يكون الأزان بيأزن وفي زفة لعفش مثلا شغالة ومش في الدماغ ياجماعة أنا لما بكون في السعودية مصر بتوحشني موووت لكن لما برجع بحزن أوي علينا عشان أحنا المفروض مانبقاش كدة خالص علي فكرة الشعب المصري أحسن شعب في الدنيا كلها وفعلا أطيب شعب لكن الضغط العلي الشعب أقوي بكتيير منه وبجد الله يكون في عون الشعب المصري وطبعا البيحصل في مصر ده الشعب مالوش أي زنب فيه بالعكس الناس عندها أستعداد تام أنها تلتزم لكن للأسف ..................

الحمد لله الذي أعطانا من نعمه

رابط هذا التعليق
شارك

حلو الموضوع جدا شكرا أبو أماني

وكنت مختفية ليه اليومين اللي فاتو يا فتفوتتنا brth)

brth)

1- في مصر تدفع فاتورة النور أو التليفون بمعاناة في السعودية بالتليفون على رقم مجاني كمان وأي فواتير لو حبيت

2- في مصر ليس أمامنا الا البقال أو السوبر ماركت المتواضع لشراء لوازمنا والهايبر وكارفور في مناطق

محدودة أما في السعودية كل سوبر ماركت في منطقة ممتاز وبيعمل عروض وكمان كارفور وبنده في كل مكان..

3- في مصر الخضار والفاكهة حسب المواسم أما السعودية تستطيع أن تشتري كل الانواع طول السنة

4- في مصر لما حاجة بتغلى لا يمكن ترخص تاني في السعودية عادي يا إما بترخص يا إما

بتنزل في عرض معاها هدية

5- في مصر الفول يجنن في السعودية مالوش طعم

6- في مصر الشوارع زحمة باستمرار في السعودية أوقات الذروة ( خروج مدارس - على الكورنيش يوم الخميس )

7- في مصر ممكن توقف أي حد في الشارع تسألة عن عنوان في السعودية ماحدش عارف للشوارع

الفرعية أسامي لازم تكون عارف المكان أو معانا وصفة تمام ..

8- في مصر لايمكن التنبؤ بمعاد رجوع زوجي من العمل هو ونصيبة( زحمة ) في السعودية تكاد تكون المواعيد بالظبط

9_ في مصر العيد طعم تاني في السعودية العيد يعني شوارع خالية بعد صلاة العيد والغربة

ودموع العين على الذكريات والاحباب

10_ في مصر اللبس غالي بشكل والناس عشان تمشي مستورة هي وعيالها لازم تكون من الاغنياء

في السعودية مهما كان الراتب نستطيع شراء ما يناسب الدخل والعروض ماحرمتش حد من حاجة

11- في مصر عشان تفرش شقة محترمة حدث ولا حرج في السعودية لا حرج!!!!!!!!!!!

12_ في مصر لا تستطيع أن تتقوقع أنت وأسرتك وتتحكم في تربية أولادك زي ما تحب في السعودية كل واحد في حاله

13_ في مصر الاطفال مش أطفال عيال مفتحة زيادة عن اللزوم في السعودية تقدر تخليهم على برائتهم مدة أطول

14_ في مصر الناس خلقها ضيق من الضغط اليومي وغصبن عنها في السعودية ( أبشر وإجلس إستريح ايش السالفة)

15_ في مصر أحلى جيران وعشرة سنين وكل اللي في العمارة يعرفوا بعض على الاقل في السعودية كويس

لو عرفت إسم جارك

16_ في مصر أجازات ملخبطة ناس الاحد وناس الجمعة وناس الجمعة والسبت وناس الاتنين في السعودية

كله مع بعضه في الغالب

17_ في مصر أجمل أكلات في الدنيا في المطاعم أو في البيوت في السعودية أكل ما يعلم بيه الاربنا الا قليل

مما حببنا نفسنا فيه من غلبنا

18_ في مصر الحجاب أشكال وألوان والله المستعان في السعودية الى حد ما هناك التزام

19_ في مصر لو بتعدي الشارع واحدة ست الكل يحاول ياخدلها رجلها تحت العجل في السعودية لما يشوفوا

واحدة بتعدي الكل يقف لما تعدي ويشاوروا لبعض عشان الكل يهدي ولو كان معاها طفل

على أقل من مهلها مفيش مشكلة

20_ في مصر كرم الضيافة حقيقي من القلب في كل مكان في السعودية ده واجب والواحد بيحرج من الكرم الزائد بصراحة

تم تعديل بواسطة بركة

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

نتابع الأختلافات :roseop:

11- فى مصر المشروب الرسمى الشاى - فى السعودية المشروب الرسمى القهوة

12 - فى مصر الحضارة عريقة 7000 سنة - فى السعودية الحضارة 50 تكاد تكون 50 سنة من بعد اكتشاف أبار البترول

13 -فى مصر فرحانين بمدينة العاشر من رمضان الصناعية - فى السعودية مدينة الجبيل الصناعية اللى واخدة ترتيب متقدم فى ترتيب المدن الصناعية على مستوى العالم

14- فى مصر أماكن الترفيه كتير ورخيصة - فى السعودية مفيش ترفيه اصلا أخرك تشوى على الكورنيش

15- فى مصر الدنيا بتقف لما بيكون فيه ماتش اهلى وزمالك - فى السعودية كله مهتم بالبيزنس

16- فى مصر لما العربية بتعطل تتصل بصاحبك يجى يشدك بحبل - فى السعودية لما العربية مفيش غير حل واحد اجبارى انك تجيب سطحة وترفع العربية عليها وتوديها تتصلح طبعا بعد الحصول على تصريح من المرور لو كانت حادثة

17- فى مصر البقشيش بقى شىء أساسى - فى السعودية نادرا مع انى شفتهم بياخدو بس دة كان فى مطاعم المصريين :blink:

18- فى مصر لو دخلت محل ملابس اللى شغال يفضل يزهقك عشان تشترى ولو جربت وقست ومشترتش يقعد ينفخ ويبصلك بأرف - فى السعودية أدخل قيس وجرب ومتشتريش مفيش أى مشكلة ده الطبيعى

19 - فى مصر بتضحك من قلبك - فى السعودية بتضحك بظروفها

20 - فى مصر فى ناس جدعة ورجالة أوى - فى السعودية كله بيخاف من بعضة

وللحديث بقية,,,

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

العملية سخنت و الكل بيقول تابع ..

هههههههههههههه

بس عاوزين في الاخر نعمل توثيق لكل الاختلافات

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

فى مصر تقدر تقف أو تجلس فى البلكونة ( التراس ) وقت العصر تشرب شاى وتعاكس بنت الجيران

فى السعودية مفيش بلكونة من أصلة

فى مصر تقدر تلاعب اى طفل فى اى مكان فى السعودية اياك تبص لأى طفل

فى مصر تحس بمتعة فصول السنه فى السعودية كلة زى بعضة

قريت و مليت كفايه ........................ خوف السقوط و البطاله

و كل ما ازداد قرايه ......................... بالدنيا أزداد جهاله

يا طالب العلم تنداس ........................ لو يبقى علمك بضاعه

تنفع و تستنفع الناس ........................ لو كنت صاحب صناعه

يا عالم العلم بالله ........................ يزيد في نور البصيره

و اللي استنارت نواياه ........................ يلقى الذهب في الحصيره

ان كنت تطلب رضى الله ........................ يجعل لك الناس عبيدك

و ان كنت تطلب رضا الناس ........................ أقلهم يبقى سيدك

الحلم و الصبر كنزين ........................ كلنا محتاج إليهم

و اللي يقولوا الكنوز فين ........................ ابكي يا عيني عليهم

رابط هذا التعليق
شارك

شكرا لكل الاخوة اللى شاركوا في الموضوع واللى تابعوه

ومن الاختلافات

14- في السعودية معظم المساجد ان لم نقل كل المساجد مكيفة - بحكم ارتفاع درجة الحرارة والغني أيضا- في مصر قلما تجد مسجد مكيف الهواء

15- في السعودية الناس في الصلاة بيكون ما بينهم مسافة اقصد ان اقدامهم بتكون بعيدة عن بعض حتى لما تيجي تحاول تقفل فرجه ما بينك وبين اللى جنبك يزيح رجله ولو حاولت تاني يبعد رجله تاني واياك بعد كده تفكر في حاجة زي دي مع الراجل دا وخليك في صلاتك, في مصر الناس كلها رجليهم في رجل بعض والصفوف مفيهاش مسافات فاضية ودا اللى المفروض يتعمل (طبعا ليس على العموم).

16- في السعودية لو لقيت شوية شباب روش وعامل شعره مش عارف ايه وكانوا مشغلين اغاني أو واقفين في الشارع وقت الصلاة ونصحتهم هيقولولك جزاك الله خير أحسن الله اليك وكتير بيسمعوا النصيحة ويقفلوا الاغاني او يروحوا يصلوا, في مصر ممكن يقولك انت مالك او يضحكوا ويتريقوا (طبعا ليس على العموم).

17- في السعودية البلح غالي عن مصر اقل كيلو ب 10 ريال ويصل الى 100 ريال للكيلو ودا طبعا عجوة المدينة اللى وردت في احاديث رسول الله صلى الله عليه وسلم ‏من تصبح بسبع تمرات عجوة لم يضره ذلك اليوم سم ولا سحر, في مصر ممكن تلاقي أنواع من البلح ب 5 جنيه الكيلو

18- في السعودية عاملين بروكسي بيفلتروا معظم وان شئت قل كل المواقع فلا يستطيع اي حد بيستخدم النت انه يدخل على المواقع الاباحية او الالحادية او ما شابهها من المواقع المشبوهة , في مصر مفيش بروكسي يعني اللى عاوز يدخل على اي موقع مش بيمنعه الا ضميره .

19- في السعودية بيصلوا صلاة الاستسقاء سواء في الصيف او الشتاء لو قل المطر وذلك بيكون بأمر من الملك , في مصر مش بنسمع عن الصلاة دي والله أعلم.

تم تعديل بواسطة أبو أماني
رابط هذا التعليق
شارك

نيجي لتعليق الاخ capitshino
لا وانت الصادق

بيعلقو صور الملك ووالى العهد فى كل مكان والهيئة ما تقدرش تفتح بقها وتقول الصور حرام ... انما اى صورة تانية فهى حرام

ههههههههههههههههههه على رائ اخونا وحبيبنا محمد اايجيبت

مش مختلف معك انهم بيعلقوا صور الملك وولي العهد وايضا صورة الملك عبدالعزيز مؤسس الدولة السعودية الثانية ولكن...........

دا في مصر يقابله تعليقنا في مصر لصورة الرئيس إنما..............

في مصر في كل الدورات الرياضية وفي المحافل الدولية بنضع صور فرعونية كشعار دال على مصر وبنقول لفرقنا الرياضية

الفراعنة عملوا الفراعنة سوو المهم بيقابلوا في السعودية صور الحرمين الشريفين فهما يدلان على السعودية

ولعلمك أنا أعرف مسؤول سعودي رفض أن يضع صور ذوات الارواح على جدار مكتبة رفض ان يضع صورة الملك وولي العهد

وظل في منصبة حتى استقال هو

وكمان بحكم شغلي في مؤسسة دعاية واعلان بيجينا ناس تطلب تصاميم وكتير من الناس هنا بيطلبوا من المصمم

أنه يشيل صورة الملك من التصميم عادي جدا العملية عملية الشخص نفسه المسؤول عن تعليق الصور دي وأنا معاك في ان الهيئة

متقدرش طبعا تشيل صورة الملك من اي مكان هي فيه والله أعلم.............

ايوة يا استاذ

ماهى كل قاعدة ليها شواذ .......واللى حضرتك بتقوله هو الشواذ

رابط هذا التعليق
شارك

فيه فرق برضه مهم

فى مصر : تروح تلاقى الموظف فى أى بنك عرقان وزهقان وقدامه طابور عشر تلاف واحد وشغال من نار.

فى السعودية: تروح -بالذات بنك الراجحى- تلاقى الموظف لابس الحتة البيضا المكوية وبيشرب كانز وخمس تنفار واخذين أرقام ومستنيين ليهم ساعة وكل شوية يقوم يكلم صاحبه أو يتكلم فى الجوال أو يروح ما تعرفش فين ويا سلام على وقت الصلاة وحلاوته، والله العظيم ساعة وربع صلاة الظهر والناس صلت ومستنيين ييجى ساعة إلا ربع قدام الباب علشان يدخلوا.

ولما ييجى دورك يقول لك: أبشر فتح الحساب من ثمانية إلى حداش فوت علينا بكرة.

انا رحت اكثر من خمس مرات علشان أفتح حساب كل ما أروح فرع يرمينى على فرع تانى وفى الآخر لما واحد حن على وقرر يفتح لى حساب طلع لازم أروح قبل حداشر صباحاً.

رابط هذا التعليق
شارك

ايوة يا استاذ

ماهى كل قاعدة ليها شواذ .......واللى حضرتك بتقوله هو الشواذ

الموضوع مش مستاهل خليك كول وعلى رأي أماني بنتي أنت صح

تم تعديل بواسطة أبو أماني
رابط هذا التعليق
شارك

من عاش منكم في مكة لن يجد فروق كثيرة عن مصر في السلبيات

أما الايجابيات فهي العمرة و الحج و زمزم

و الحقيقة أهل مكة يتاجرون بهذه الأشياء

الراتب قليل ...... احمد ربك انك في مكة

بدل السكن لا يكفي لتأجير عشة و أغلب الكفلاء لا يعطون بدل سكن من أصله

مو كفاية انك في مكة؟؟

الأسعار غالية نااااااااااااار ................ يا خوي مو كفاية بتحج ببلاش؟؟

زمزم يمنعوها شوية و يسعودوها شوية

عنصرية فوق الوصف

حتى مع بعضهم

ده حضري و ده بدوي و ده شريف و ده ابن.......... بنقالي واوووووووووووه هلكونا الأجانب

هذا ما تسمعه دوما و بلا انقطاع

السواقة في مكة بتفكرني بمصر

كله ماشي على كيفه

و ضباط المرور دلوقت بقوا يلفقوا مخالفات للسيارات و تتفاجئ ان عليك مخالفة في شارع عمرك ما مشيت فيه أو في وقت اكيد كنت في دوامك

و حلا لمشاكل الأجانب هناك قرار إن أي مشكلة بين سعودي و أجنبي يرحل الأجنبي فورا

غربة و فقر و خنقة و بهدلة و عنصرية و احباط و محاربة في الرزق هو ثمن العمرة و الحج للمقيمين في مكة

أعد شحن طاقتك

حدد وجهتك

و اطلق قواك

رابط هذا التعليق
شارك

من عاش منكم في مكة لن يجد فروق كثيرة عن مصر في السلبيات

أما الايجابيات فهي العمرة و الحج و زمزم

و الحقيقة أهل مكة يتاجرون بهذه الأشياء

الراتب قليل ...... احمد ربك انك في مكة

بدل السكن لا يكفي لتأجير عشة و أغلب الكفلاء لا يعطون بدل سكن من أصله

مو كفاية انك في مكة؟؟

الأسعار غالية نااااااااااااار ................ يا خوي مو كفاية بتحج ببلاش؟؟

زمزم يمنعوها شوية و يسعودوها شوية

عنصرية فوق الوصف

حتى مع بعضهم

ده حضري و ده بدوي و ده شريف و ده ابن.......... بنقالي واوووووووووووه هلكونا الأجانب

هذا ما تسمعه دوما و بلا انقطاع

السواقة في مكة بتفكرني بمصر

كله ماشي على كيفه

و ضباط المرور دلوقت بقوا يلفقوا مخالفات للسيارات و تتفاجئ ان عليك مخالفة في شارع عمرك ما مشيت فيه أو في وقت اكيد كنت في دوامك

و حلا لمشاكل الأجانب هناك قرار إن أي مشكلة بين سعودي و أجنبي يرحل الأجنبي فورا

غربة و فقر و خنقة و بهدلة و عنصرية و احباط و محاربة في الرزق هو ثمن العمرة و الحج للمقيمين في مكة

لا حول ولا قوة الا بالله

واضح انك عانيتي كثيرا جدا

ولكن..فعلا هو ده الحال و للأسف الشديد لمعظم من يعمل

خارج الرياض أو الدمام أو جدة أو المناطق الرئيسية..الراتب غالبا بيكون قليل و بدل السكن كذلك

وحتي بعض اللي شغالين في المناطق الرئسية أحيانا بيحصللهم كده.

فرج الله همك و هم كل المغتربين

تم تعديل بواسطة Alattar

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

رابط هذا التعليق
شارك

اخي الكريم .. الباحث عن الرزق ..

تحية لك ..

انت تعلم ان هناك اختلافات بين الناس و بعضها و فيه الكويس و الوحش حتي لو في اسرة واحدة .. من الاخر دي ممكن تكون سمة بين اهل مكة و هي ال"القسوة" و لكن من بين اهل مكة خرج سيدنا رسول الله صلي الله علية و سلم ..

نسيبي شغال الان في مكة و ربنا ييسر له الحال مستريح في شغله و في شركة محترمة (الي الان clp:: )

سافر و شوف رزقك و ربنا ييسر لك الاحوال ان شاء الله .. الطريق امامك مفتووووووووح clp:: و سواء كان عملك في جدة او في مكة او في الرياض او في اي مدينة اخري .. الاتفاق .. الاتفاق .. الاتفاق علي كل الامور الاساسية مثل بدل السكن و الراتب و باقي البدلات و مواعيد استحقاقها .. ستكون في راحة من المشاكل الا مع شركة درجة عشرين و دي ممكن تقدم شكوي ليها في مكتب العمل و هما اللي هيحاولوا يراضوك عشان انت في السليم و كل الاتفاقات في العقد (الموثق) ... :lol:

تم تعديل بواسطة Amr Radwan

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

الأخ عمرو رضوان ما شاء الله عليك , دا أنت واخد الموضوع بجدية خالص clp::

بالنسبة لي أنا لسة راجع من مصر من يومين , كنت في أجازة حوالي أسبوعين

من الفروقات اللي على بالي دلوقتي واللي لمستها في الكام اليوم اللي أعدتهم في مصر:

1- وانت في السعودية ممكن تحافظ على هدوء أعصابك فترة طويلة , أما في مصر فتلاقي نفسك غصب عنك متعصب ومتنرفز في معظم الوقت .. مش عارف ليه .. نفسي أعرف والله..

2- في مصر اليوم بيخلص بسرعة غريبة جدا , أما في السعودية فما أطول اليوم

3- في السعودية ممكن تعمل في اليوم 10 مشاوير في يوم واحد وتعمل فيهم كذا مصلحة , أما في مصر يا دوب المشوار بيوم كامل ..

4- في مصر الحياة ليها طعم جميل رغم كل الصعوبات , في السعودية اليوم مالوش لا طعم ولا لون ولا ريحة ..

5- وأنت في مصر لما تحب تتصدق أو تزكي هاتلاقي بدل الواحد ألف, وكلهم يستحقوا الزكاة والصدقة, لكن في السعودية تحتار جدا عشان تلاقي واحد يستحق الصدقة

6- مصر بالليل جميلة جدا , والسعودية بردو جميلة بالليل, لكن مش زي مصر

7- في مصر, الرجل الملتحي بيقولوا عليه: شيخ أو سني , أما في السعودية بيقولوا عليه : مطوع

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...