لو حد خبط عربيتك

[مصري أصيل]

سؤال خفيف و قلت أشوف إختلاف التصرفات يعني

لو حد خبط عربيتك لا قدر الله بتتصرف ازاي ؟

هل بتسامحه و تقوله روح يا عم الله يسهلك ؟

و لا بتخليه يصلحهالك و يا دار ما دخلك شر ؟

و لا بتتصل علي الدورية تيجي و تروح بيه علي اقرب مركز شرطه أو مخفر و تعمله محضر

انا عن نفسي عملت كل ده بس هاقولكم التفاصيل بعد ما اسمع ردكم

[الباشمهندس ياسر]

مفتكرش انى اتخانقت عشان خبط سيارتى

دائما حظى بيقع مع ناس كبيرة ف السن او بنات صغيرة

و ف الحالتين مببقاش عارف المفروض انزل اعمل ايه

كل اللى بعمله انى انزل ابص على حجم الخساير و هينفع امشى ولا ولأ

و خلاص ...و ممكن اطمن على اللى خبطنى لو كبير ف السن

انما زمان كنت بعمل مشاكل جامده لمجرد ان حد يرمى عليا و انا ماشى

دلوقتى بقيت باشترى دماغى .. خلى اللى يرمى يرمى واللى يجرى يجرى

[سهل جدا]

الحمد لله ما حصلتش معايا إلا قليل جدا

لو عربيتي اتخبطت في مصر لازم أنزل أزعق بغض النظر عن مين اللي غلطان

لأني لو ما زعقتش الناس كلها هاتعتبرني غلطان

هو كده في مصر اللي بيزعق هو اللي معاه حق

خذوهم بالصوت يعني :happy:

لكن بعد ما أزعق وأعمل اللازم , وطلعت إن أنا الغلطان بدفع فلوس للمتضرر والله يعوض علي

لكن بصراحة في السعودية , الموضوع بسيط خالص

الواحد بيعرف ياخذ حقه بسهولة

لو الخبطة بسيطة بطنش وأمشي

لكن لو الخبطة كبيرة بتصل بالشرطة

بس الحمد لله ما فيش ولا مرة كانت الخبطة كبيرة

وربنا يعافينا جميعا وإياكم

ويستر طريقنا ويكفينا شر البلاوي

[osmel33]

باتبع القواعد على حسب أنا فين ؟

لو في مصر غالباً بنتوصل لاتفاق بدون البوليس والحاجات اللى مش هاتوصل لحاجة دى وبحاول أكون هادي معاه

حتى لو هو اللى اتنرفز "غلطان وبيزعق!"

لو في قطر أو الإمارات القانون بيمشى على الجميع بننزل نسلم على بعض ولا كأن فيه حاجة خالص وبنتصل بالشرطة

والتأمين هو اللى بيكوع وشكراً على كده وساعات بنتعرف على بعض وبنبقى اصحاب وحصلت فعلاً معايا

تم تعديل 28 فبراير 2009 بواسطة osmel33

[nizza la bella]

بس ياسيدى فى الدول المتقدمة فى حاجة اسمها تامين....

يعنى فى تامين شامل بمعنى ادق لو خبط واحد و انت اللى غلطان تامينك

بيتكفل بتصليح عربيتك والعربية التانية .....,

فى تامين عادى اقل فى السعر بمعنى لو خبط واحد و انت اللى غلطان تامينك

بيتكفل بتصليح العربية التانية فقط.....

اغلب العربيات الناس اللى بتشترى عربية جديدة على الزيرو

بتاخد تامين شامل فى حدود 700 يورو فى السنة...

التامين اجبارى.... ,

لو لا قدر اللة خبط واحد حتى لو خربوش بتملا ورقة اسمة اثبات حالة وفى الورقة دة بترسم كل حاجة وبكل احترام بتمضى انت وهوا

وتامينك وتامين العربية التانية بيتعملو مع بعض وفى خلال يومين تلاتة بتبعت عرابيتك تتصلح والتامين مش بيسيبك بيديلك عربية تمشى بيها.....

زاى ما حصل معايا من تلت شهور كنت واقف فى اشارة يقوم واحد ابن حلال خابطنى خبطة صغيرة جرح الاكسيدام من ورة الاستاذ كان اللة اعلم كان سرحان المهم كان فى اتنين ماشين وشافو اللى حصل البهوات يااستاذ دى حاجة بسيطة مش مستهلا.....

ماهو حاجة بسيطة مع حاجة بسيطة فى الاخر العربية تكون اتكهنت.....

اما فى مصرناالحبيبة سمك لبن تمر هندى

البقا لى الاقوه :happy:

بس لو حد خبط عربيتى وهوااللى غلطان

لازم يدفع غلطة...

زوق عافية هايدفع...

اللى يغلط يدفع غلطة....

مش كدة ولا اية.

تم تعديل 28 فبراير 2009 بواسطة nizza la bella

[سهران]

سؤال خفيف و قلت أشوف إختلاف التصرفات يعني

لو حد خبط عربيتك لا قدر الله بتتصرف ازاي ؟

هل بتسامحه و تقوله روح يا عم الله يسهلك ؟

و لا بتخليه يصلحهالك و يا دار ما دخلك شر ؟

و لا بتتصل علي الدورية تيجي و تروح بيه علي اقرب مركز شرطه أو مخفر و تعمله محضر

انا عن نفسي عملت كل ده بس هاقولكم التفاصيل بعد ما اسمع ردكم

الأستاذ مصري أصيل ..... نورت المنتدى و وحشتنا مشاركاتك .

هنا في السعودية الأمر محسوم .....بنبتسم و نسلم على بعض ( في الغالب ) لغاية ما المرور يوصل .... الشرطة هتيجي و كل واحد ياخد حقه .

في مصر أنا اللي هاسألك ماذا كنت ستفعل لو كنت مكاني ؟؟؟؟؟؟؟؟؟!!!! :

ركنت عربيتي و نزلت أجيب للولاد ساندوتشات .... و أنا خارج ( و قدام عيني ) ميكروباص بأكصدامه الخلفي جابلي العربية من الفانوس الأمامي حتى منتصف باب العربية .......... و ما وقفش كمان :happy: ...... جريت وراه ( آي و الله ) على رجلي طبعا حصلته و وقفته ...... قاللي بمنتهى البرود أنا ماخبطتهاش و لو جدع أثبت !!!!! زعقت و أتنططت و تدخل بعض المارة و على جية أحد المواطنين الشرفاء اللي أستفزه ما رآه و قاله يا بني آدم أنت خبطتها قدامنا كلنا .... قاله أثبتوا لو تقدروا و أنا ما خبطتهاش !!!!!!!!! جه أمين الشرطة و قال ما توقفليش الطريق يا تتفقوا يا تروحوا على القسم ......

طبعا قولتله حسبنا الله و نعم الوكيل و روحت صلحت عربيتي......نسيت أقولك أن المواطن الشريف نصحني اني ( أهفه بطوبة ) قبل ما يمشي خلاصة حق يعني علشان أفش غلي و غله من هذا الأفاق wst:: طبعا أبتسمت و تمتمت حسبي الله و نعم الوكيل.......

تم تعديل 28 فبراير 2009 بواسطة سهران

[fatfouta]

انا حصلت معايا فى مصر وساعتها كان من حوالى 5 سنين لما كنا فى مصر بس والله انا كنت راجعة من شغلى وزهقانة ساعتها فلما حصل كده سكتت لانى اولا واحدة ست ولو نزلت مش هخلص وثانيا الخبطة كانت خفيفة مش جامدة وهو كمان ماكانش قصده وكان سائق تاكسى غلبان قعد يقول معلش يا مدام والله تعبان ومش عارف ايه ...قلتله اتكل على الله وخلاص حصل خير

بس بجد لو كان واحد تانى وحسيت انه قصده يعاكس ولا يضايق ولا كده طبعا ماكنتش هسكت wst:: وهنزله

وكمان دلوقتى بيقولوا ان مصر بقت خنقة فى المرور

واختى عايشة فى مصر فدايما لما اسالها تقولى يا بنتى ده احنا (بنلعب اتارى) مش بنسوق والله ماتشوفيش مابقاش حد يستنى حد وتلاقى اللى بيرمى عليكى وحاجة اخر حلاوة والله احسنلك انك مش بتسوقى !!! وده كلامها هى انا معرفش بقالى 4 سنين ماشفتش مصر :happy:

لكن دلوقتى بقى احنا يا ستات فى السعودية محرومين من القيادة ومستريحين لا حد يخبطنا ولا احنا نخبط حد

تم تعديل 28 فبراير 2009 بواسطة fatfouta

[MoHaMMeD EgYpT]

طبعا لو في مصر يبقي بالدراع و البقاء للاقوي ههههههههههههه اما لو في الكويت يبقي المخفر

لكني بصراحة ما عنديش سيارة :lol: ما فيش احلي من المشي رياضة و كمان ما بتكلف فلوس خالص

[مصري أصيل]

أشكر جميع الأخوة و الأخوات الذين شاركوا في هذا الموضوع أما أنا و حيث أنني تعرضت للكثير جداً من المواقف المشابهه و سوف ارويها لكم

أولاً انا حتي الأن لم أتعرض لشيء مماثل في مصر و لكن كل تجربتي تنحصر في الكويت و الحمد لله كلها خبطات بتكون بسيطه حتي الأن

و نظام التأمين معمول به هنا و لكن بصراحة لم الجأ اليه و لو مره واحده و ذلك لطول الإجراءات و التي تستغرق في العادة عدة ايام و لا أستطيع ان أوقف السيارة كل هذه المدة و دائماً الجأ الي أحد الحلول الأتيه :-

في حالة لو حد خبطني و بعدها نزل و اعتزر و ابدي استعداده لتصليح ما أفسد فبيكون رد فعلي اني اقوله روح ربنا يسهلك و بطلع علي اي حد يصلحلي الخبطة لان في الغالب المبلغ بيكون بسيط و ده حصل اكتر من مره

في حالة لو حد خبطني و لم يعترف بخطئه و يصمم أن انا اللي غلطان بيكون الحل الوحيد هو الأتصال علي الدورية و ساعتها الدورية بتيجي تعرفه مين اللي غلطان و ساعتها للأسف هوه بيتعمل ليه محضر و أنا بطلع من المولد بلا حمص زي ما بيقولوا.

مره واحده فقط اللي اجبرت اللي خبطني انه يصلحلي العربيه لأنه خبطها أثناء عدم و جودي بها و لكن زوجتي كانت موجوده في السياره و عند عودتي و صفت لي السياره التي خبطتني و لحقت بها و بالرغم من ان الخبطة كانت بسيطه جداً الا أنني صممت ان يصلحها أو نذهب لقسم الشرطه و ذلك لأنه أنكر أنه هو من خبط سيارتي . و بالفعل ذهب معي الي ورشة التصليح و دفع قيمة إصلاح السيارة.

أخي الكريم سهران

شكراً لترحيبك بي و فعلاً ربنا يكون في عونك في الموقف اللي حصل معاك و بجد لو انا مكانك مش عارف انا كان ممكن اعمل ايه

تم تعديل 2 مارس 2009 بواسطة مصري أصيل

[icehearted girl]

:sad: ممممممممممم

طب اقول ايه بس انا لي مع الموضوع دا صولات وجولات

الحقيقة خبطة العربية دي بتبقي خضه جمده جدا للي بيعملها اكتر من المستقبل عشان التكاليف يعني :roseop:

علي اد مقدر لما حد بيخبطلي حاجة لو حاجة بسيطة بعديها وبتقي ربنا ومبتطلبش تعويض دا في سيارتي القديمة

انما لو معايا حاجة جديدة بصراحة ولا هقبل فيها خدشة واحدة

[زعلان]

حد خبط السيارة يعني عطلة و ازعاج بس حصل مؤخرا ان واحد خبط العربية خبطة بسيطة ( بس لو ناوي تصلحها تكلفك خمس الاف درهم ) فوضت امري لله وسبته ومشيت طلع مصري وانا كنت مستعجل وهوكان غشيم وهو صحيح في تأمين بس الشركة بتاعته كانت حتغرمه و التأمين حيخليه يدفع جزء و احتمال ما يخلوهوش يسوق تاني

لكن في اغلب الاحيان لو الخبطة لازم تتصلح بنروح في اي وقت للمرور نطلع رسالة علشان اصلحها على حساب التأمين