السلام عليكم من كنـدا - 2 - نتعاون لنفهم الدنيا أكثر .. و أكثر

[rar]

السلام التمام علي كل المصاروة الأحرار و عمدتهم الهمام :D :

احييكم من Victoria

اقصي جنوب غرب كندا, علي جزيرة Vancouver

مدينة خلابة بكل المقاييس, ( فعلا جنة تجري تحتها الأنهار )

تعداد 300 ألف نسمة, ما يكفي لتكون "ونس" و ما لا يجعلها "زحمة"!!

لا نري الثلج هنا الا مرة كل سنتين تلاتة (أيوه صدقني بتكلم عن بلد في كندا)

يطلق عليها هنا: City of the newly wed, and nearly dead

وذلك لارتفاع مستوي السكان الرهيب.. مما يؤكد انهم اما يقضون شهر العسل.. و اما انهم عملوا طول حياتهم ليقضوا شيخوختهم هنا

رأيت Vancouver تلك التي تلقب بملكة مدن العالم.. لا تقترب من Victoria ابدا.. لعلي متيم ولذلك رأيي غير عادل!

لا يعيبنا هنا في عاصمة السياحة الكندية سوي قلة عدد الشركات و بالتالي الوظائف.. وارتفاع ثمن التذاكر للمحروسة عند الأجازة السنوية.

وأيضا عدم وجود كنيسة مصرية , بما يعني أنك لا تحضر قداسا غير كل فين و فين :(

المصريين هنا يعدوا علي الأصابع.. يوجد جامع واحد في وسط البلد.. لكن اغلبه باكستانيين.. الجنس الأصفر هنا هو السائد.. أغلب الشرق أوسطيين في شرق كندا.

أتشرف بالانضمام اليكم.. أرجو ارسال كارنيه العضوية علي البيت :D

و بالمناسبة يا عمدة.. كم عدد أعضاء النادي حتي الان في كندا

نمسك الخشب طبعا :wink:

[rar]

الي الصديق علي,

أنصحك باحدي أو كلتا الحسنيين : النصر و الشهادة!!!

النصر أن تحسب عدد نقاطك و ان كفوا فقدم هجرة.. هذا يأخذ ما يقرب من عام و نصف بعد ما تجيب 500 ورقة 500 مرة.. لكنها الطريقة الوحيدة لتدخل البيت من بابه و تجد ما بعدها أسهل..

الشهادة وهي أن تراسل دكاترة الجامعات الكندية بحثا عن منحة للماجستير, و ان لم تجد فممكن تاخدها علي حسابك لو تقدر..

و لو بتكره البحث العلمي ممكن تاخد M. Eng

وهو ماجستير بدون رسالة.. مواد فقط..

بعد الشهادة يكون النصر شبه مضمون.. لأنك الان تزيد 10 نقاط لو معاك ماجستير من كندا...

و لو انتصرت من الأول يبقي لازم الشهادة برضه لو ناوي تفضل مهندس!! يعني كده كده هتتعلم يعني هتتعلم...

الواضح ان الناس خارج كندا يظنون انها الجنة المنتظرة والواقع انها بلد عمالة تحتوى الطافشين من ظروف ظنوا انها سيئة فوجدوا ماهو أسوأ منها ..فالدكاترة والمهندسين واصحاب الشهادات المحترمة جدا فى بلادنا صدموا عندما جاءوا هنا لم يجدوا غير مهنة عامل فى انتظارهم وأحيانا يكون المطلوب عامل ذو خبرة

و أصحاب الشهادات المحترمة ما الذي منعهم من الدراسة علي حساب البلد (Student loan) حتي يستزيدوا و يتأقلموا بسرعة؟؟؟

الحقيقة يا Red horse ان هؤلاء ليسوا مهندسين و لا أطباء ولا ....الخ

فلا يوجد مهندس..أو...أو .. حقيقي مستواه لا يرقي للدراسات العليا, أو يرفض الفكرة من أساسها. و ليس كل من انتحر في الثانوية و دخل الهندزة بالعافية و طلع بمقبول.. أصبح مهندس.. نظرية التعليم الجماهيري دي لم تصل هنا بعد!

الناس في منتهي العدل, لو صحيح مهندس..أو.. ادرس علي حساب الدولة حتي نتأكد.. و تفتح لك أبواب العمل... أنا شايفه كلام مقنع؟؟

بالمناسبه ازاي أعمل quote؟

[Elham]

الاستاذ رار انا اختلف معك فى الراى فافانكوفر فى رأيى تستحق لقب ملكه مدن العالم بجداره فانا عشت فيها سنيين من احلى سنين عمرى و اراها اجمل بلد فى الدنيا :D :D

[freefreer]

عزيزى رار .. أهلا وسهلا بيك .. :D انستنا و شرفتنا و اسعدتنا بكلماتك الرقيقة حقا .. و شوقنما لفانكوفر و احنا عارفين انه لا ينزل فيها ثلج ..

اما عن الكارنية فسيصلك بالبريد المخصوص .. المستعجل .. :D

و شكرا للمعلومات القيمة و الأفكار لجديدة التى سقتها للأخ على .. و اتمنى ان يراها و يستفيد منها .. كما انها نصائح جيدة للكل ..

اما كيف تعمل كوت ..

فأثناء ادخال رد ما .. تجد زر مكتوب علية كوت .. تضغط علية .. ثم ( تعمل كوبى للجزء الذى تريد نقلة من مداخلة ما .. ثم تعمل بيست عندك ) .. ثم تعيد الضغط على كوت مرة اخرى ..

مع رجاء ملاحظة ان فى باب شؤون المنتدى يوجد موضوع للتجربه .. داخلة ستجد كحاولات عديدة للأخوة و الأخوات ز بمراقبتها ستفهم الكثير .. و شكرا ..

[rar]

و أنا لم أنكر اني متيم, و رأيي هنا غير عادل :lol:

قطعا لا نقارن مدينه تعدادها 2 مليون بمدينه بها 300 ألف , لكن أنا معقد شوية من زحمة القاهرة.. فعشان كدة لم أحب Vancouver

برغم أن الطبيعة متقاربة و الfacilities أكثر

علي العموم مسيرنا نسيب الجنة دي.. ورا أكل العيش, ربنا يستر !!

[maksoof]

يا سيدنا العزيز على

الكلا م اللى قاله الإخوة رار و فرىفرى كلام مضبوط جدا.

أولا: ما تحاولش تيجي كندا على أمل إنك حاتقدر تغير التأشيرة من سياحة الى هجرة لإن ده مش حايحصل.

ثانيا: أحسن طريقة هي أن تلتزم بالصدق و الأمانة من البداية. و أسهل وسيلة للحصول علي الهجرة هى كما قال لك الأخ رار: الحصول علي شهادة مأجستير من كندا.

ثالثا: كندا زى أي مكان تانى في العالم: ممكن تبقى جنة و ممكن تبقى جحيم علي حسب عملك و إخلاصك فيه. يعني فيه ناس هنا من مصر عندهم أعمال خاصة و ناجحين فيها لدرجة إنهم لما بيتكلموا الحكومة الكندبة بتسمع لهم. طبعا دى ناس أخذوا عملهم بجدبة و إخلاص و من غير "فهلوة" ولا محاولات غش أو خداع.

و فيه مصريين بيمثلوا الحكومة الكندية في الخارج. أللي عايز أقوله إنك حاتلاقى ثمرة شغلك هنا. يعنى أنا عشت هنا 28 سنة و الحمد لله دلوقت مرتاح و ربنا يحسن لى فى اللى باقى زى ما أحسن لى فى اللى مضى.

أما موضوع Vancouver أو Victoria فهذا موضوع شخصى و يعتمد على الميول الشخصية. يعني أنا عايش فى بلد صغيرة فى الشمال و درجة الحرارة كانت 42 تحت الصفر الأسبوع الماضى لاكن مرتاح فيها لإن الناس هنا كويسين و عندي أصدقاء فيها و مافيهاش مشاكل من ناحية الأمن.

أرجو أن أكون قد نقلت لك صورة أمينة عن الوضع هنا و ربنا يعمل اللي فيه الخير.

[Masrawy Abroad]

حد يقدر يفيدنا بخصوص نظام الضمان الصحي الحكومي لأونتاريو والكارت بتاع الضمان الصحي اللي طلعناه لما وصلنا كمهاجرين

...ما له وما عليه؟........وما هي امكانيات الكارت واستخداماته وما هي حدوده في مجال الرعاية الصحية والعلاج والدواء باونتاريو وتورونتو طبعا.......

شكرا مقدماً

[Horus]

انا كمان عندى سؤال فى الحته دى

إن شاء الله و بدون مقاطعه ... انا ناوى ادخل كندا عشان اعمل لاندنج بعد اسبوعين تقريبا .. و هاقعد كام يوم و هاخرج تانى عشان اصفى بعض المصالح ثم ارجع للاستقرار النهائى .. إن شاء الله ... السؤال هو انى فى المره الاولى هأنزل على بلد غير اللى ناوى استقر فيها بعد كده ..حتى مقاطعه تانيه خالص - لو قدمت على كارنيه التامين الصحى و باقى الاوراق .. هتبقى مشكله انى بعد عودتى لازم انزل على نفس البلد اللى سجلت فيها و عملت منها اوراقى و لا ما تفرقش؟؟؟؟؟

[maksoof]

انا كمان عندى سؤال فى الحته دى

إن شاء الله و بدون مقاطعه ... انا ناوى ادخل كندا عشان اعمل لاندنج بعد اسبوعين تقريبا .. و هاقعد كام يوم و هاخرج تانى عشان اصفى بعض المصالح ثم ارجع للاستقرار النهائى .. إن شاء الله ... السؤال هو انى فى المره الاولى هأنزل على بلد غير اللى ناوى استقر فيها بعد كده ..حتى مقاطعه تانيه خالص - لو قدمت على كارنيه التامين الصحى و باقى الاوراق .. هتبقى مشكله انى بعد عودتى لازم انزل على نفس البلد اللى سجلت فيها و عملت منها اوراقى و لا ما تفرقش؟؟؟؟؟

لو البلد اللى ناوى تستقر فيها فى نفس ال Province يبقى ما تفرقش.

لو حتغير الProvince يبقى لازم تقدم لطلب بطاقة جديدة. لكن البطاقة الاولى سارية المفعول لمدة 3 شهور من تاريخ الانتقال

[Horus]

جزاك الله خير يا عزيزى "مكسوف" ...

دلوقتى حصل لخبطه تانى ف الخطه :? ..و هناك رأيين من ناس أعرفهم فى كندا و باين كده ان الموضوع موش واضح ..

الرأى الأول بيقول :

أنى ادخل كندا - عشان ميعاد الاندنج فقط و اطلع تانى بعد يومين - و لست ملزم بالتقديم على الاوراق ID , SIN " ممكن كده" ؟؟؟

ثم و بعد عودتى المره القادمه أبقى أأقدم على الحاجات دى مره واحده؟؟ من البلد اللى هأستقر فيها.

و الحل التانى.. انى من اول مره ادخل كندا لازم ااقدم على الاوراق دى و استنى لما تطلع - أسبوعين ... تلاته .. اربعه - المهم ده لازم عشان لما أخرج من كندا لازم يبقى معى كارت ال ID لانه هو ده اللى هيبقى عليه معلومات الدخول و الخروج من كندا.

حد يكون فاهم التعديلات الجديده يفيدنا الله يخلليكم .. أخوكم مزنوق :lol:

[maksoof]

ال SIN ليس له علاقة بمكان إقامتك فى كندا. و ممكن تقدم لطلبه فى أي وقت لكن مش حاتقدر تشتغل أو تبدأ business خاص بدونه.

أما ال ID فلا أعرف ماذا تقصد به؟ هل هو ال medical card؟

أنا رأيى إنك تسأل فى قنصلية البلد اللى إنت مقيم فيها الآن عن المدة اللى مسموح لك فيها بالبقاء خارج كندا بعد ال landing عشان التأشيرة بتاعتك لا تلغى.

ممكن أيضا أن تبحث عن إجابة لأسإلتك فى:

http://canadainternational.gc.ca/view-en.a...?act=1&grp=00EB

أو إبعت لهم email

والله يوفقك

مكسوف

جزاك الله خير يا عزيزى "مكسوف" ...

دلوقتى حصل لخبطه تانى ف الخطه  :? ..و هناك رأيين من ناس أعرفهم فى كندا و باين كده ان الموضوع موش واضح .. 

الرأى الأول بيقول :

أنى ادخل كندا - عشان ميعاد الاندنج فقط و اطلع تانى بعد يومين - و لست ملزم بالتقديم على الاوراق ID , SIN " ممكن كده" ؟؟؟

ثم و بعد عودتى المره القادمه أبقى أأقدم على الحاجات دى مره واحده؟؟ من البلد اللى هأستقر فيها.

و الحل التانى..  انى من اول مره ادخل كندا لازم ااقدم على الاوراق دى و استنى لما تطلع - أسبوعين ... تلاته .. اربعه - المهم ده لازم عشان لما أخرج من كندا لازم يبقى معى كارت ال ID لانه هو ده اللى هيبقى عليه معلومات الدخول و الخروج من كندا.

حد يكون فاهم التعديلات الجديده يفيدنا الله يخلليكم .. أخوكم مزنوق  :oops:

[Faro]

أما ال ID فلا أعرف ماذا تقصد به؟ هل هو ال medical card؟

ID = البطاقة الشخصية أو بطاقة التعريف = Identification Card

صح أو خطأ

[Red Horse]

عزيزى حورس

اذا دخلت كندا من اجل اللاندينج وكان فى نيتك ان تخرج مرة أخرى فيجب ان تنتظر حتى يصدروا لك ال Permenant Resident Card

على الأقل لأنك اذا خرجت من كندا بدونه وحاولت ترجع اليها مرة أخرى فسيطلبوا منك ان تقدم على تأشيرة دخول اليها بالرغم أن معك أوراق الهجرة

هذا ماقالوه الينا فى المطار حيث ان النظام الجديد لم يعد يعترف بأوراق اللاندينج فى الدخول والخروج وسيختموا عليها عند دخولك أول مرة أنها غير صالحة لذلك

وممكن أن تتأكد أكثر من هذا الكلام عند دخولك لأول مرة

عزيزى فرى

أرجو الا تسىء فهم ماقلته من سلبيات عن هذه البلد وصحيح أننى اعبر عن وجهة نظرى الشخصية وهذا طبيعى لأن كل واحد يرى العالم بمنظوره ولاذنب لأحد فى ذلك - نعم لاذنب لأحد فى ذلك

نحن نتشارك فى الآراء وليس من المألوف أن تتطابق آراء الجميع

فستجد من هو مفتون ومن هو طفشان أيضا

على أى الأحوال رسالتى كانت ألا نبالغ فى التركيز على الايجابيات فيما نتجاهل الكثير من السلبيات حتى لانعطى صورة غير متوازنة أو بعيدة عن الواقع لمن لم يمارس هذه التجربة بعد ووربما تتفق معى أننا شعب يبالغ فى حبه وكرهه مثلما يبالغ فى مدحه وذمه وهذه واحدة من أكبر السلبيات فينا

رأى صحيح يحتمل الخطأ..! ورأى الآخرين خطأ يحتمل الصواب..!

[Masrawy Abroad]

كندا كبلد للمعيشة تعتبر بلد ممتازة (وان كان البرد الشديد احدى عيوبها) وده حتى كلام جنسيات غير عربية...مش كلامي....كندا بلد جميلة وظريفة وخفيفة وعظيمة.....في حالة واحدة فقط: هي عندما يوفقك الله وتجد دخل ثابت أو تجد فرصة وظيفية بمعنى أصح...وغير كده فستكون بلد كئيبة وفرص العيش بيها بدون دخل أمر مستحيل...

النقطة ان الوظائف قليلة وغير متاحة بسهولة....وتجد أي صاحب عمل رافع راية الخبرة الكندية....كأننا بكل خبرتنا جايين من بلاد لا تفهم معنى تعليم وعمل ولا يقدرون أن هذه العقول التي هاجرت ممكن تكون أفضل من الشخص اللي بيعمل معاه المقابلة الشخصية نفسه أو مدير العمل مثلا....والعملية تصبح في الاخر عبارة عن تضرع إلى الله ودعاء مستمر بالتوازي من الأهل بالقاهرة ومن المهاجر هنا "يارب فرصة واحدة...اعطني فرصة في مكان وها يعرفوا انني كويس..فرصة يا رب اثبت ليهم انني بافهم زيهم" ولكن أنفة الكنديين بنقطة الخبرة دي والله بتضيع عليهم فرص برضه زي ما بتضيع علينا واحنا طبعا المتضررين اكثر سواء من بدأ تلاشي الحلم أو الاحساس بأن كندا خدعته وان نسبة البطالة فيها عالية والحصول على وظيفة في مجالك الذي راكمت فيه خبرة كويسة وكبيرة أمر غاية في الصعوبة.. "...أمريكا تمتاز عن كندا في هذه الجزئية...فأمريكا تقدر العقول وتحترمها فلا تجد في أمريكا شركة تقولك بس احنا محتاجين الخبرة الأمريكية :mad: ...فتجدهم يسعون اليك حتى لو كنت في مصر...بعكس كندا في حالة نوووووووم غير مبررة......بتحس ان سوق العمل هنا في حالة سكون اوي...

وتجد أن موضوع تغيير الكاريير أو المستقبل الوظيفي دي هنا كتيرة فتجد من يترك الهندسة ويدخل في كاريير العمل بمحطات البنزين أو كسواق على تاكسي كاب وتمر سنوات العمر زي الصاروخ وتجد أنك ابتعدت عن الطريق والهدف اللي كنت بترسمه وبيداعبك طوال 20 ساعة هي رحلة الطيران من القاهرة لكندا...فهل ده اللي جينا عشانه..او ده اللي كنا رامسينه؟؟!

النقطة ان لا يوجد شيء اسمه مستحيل..ولكن يوجد شيء صعب وصعب جدا..وسهل ..وهكذا....كندا توضع في تصنيف الصعب جدا ولا تنسوا اننا اتفقنا ان لا يوجد مستحيل...(أنا بتكلم على العمل في مجالك المهني الأساسي)...فلازم تدرس السوق وتكيف اوضاعك ولو بصورة بسيطة ولكن...الشيء الأهم أن تضع هدفك في الأساس ولاتترك نفسك للتيار وتنسى انت كنت جاي ليه....

دا طبعا غير انك بتييجي اول سنة او اول 6 شهور بيكون الشغلات عبارة عن اقل الوظائف من عامل الى عتال الى عامل على ماكينة في ورشة نجارة الى مندوب مبيعات بدون أجر..بتعمل بالعمولة فقط :mad: :D او تشتغل في التسويق بالهاتف وتوعد 9 ساعات يوميا تتصل بناس تسوق سلعة عن طريق الهاتف (وغالبا بتكون سلعة تعبانة)يعني الشركات الكندية غلبت الشركات المصرية

يعني تبقى مهندس او اي شيء وتصطدم بحالة النوم في سوق العمل الكندي...على سبيل المثال: اذا قمت بالبحث في اكبر مواقع التوظيف العالمية زي مونستر دوت كوم عن مسمي وظيفي معين في كندا ستجد ان نتائج البحث طلعت بعدد قليل جدا.....ابحث بنفس الوظيفة في امريكا ستجد المئات...

ولكن أنا معكم أن الوضع في مصر أكثر سوءا ولا تعليق...

فأقول لاخواننا ممن هم على وشك الحضور ان يستعدوا ويتهيأوا نفسياً لأمور مثل ذلك ولازم التحلي بالتالي:

- ثقة بالله

- عزيمة من حديد

- تفاؤل

- صبر

هذا الكلام يعبر عن رأي شخصي لي قد يكون خطأ أو صواب.

[freefreer]

نعم الطريق صعب .. محدش قال انه سهل .. و لكن .. توجد نتيجة ..

لا يوجد كندى ممن لهم فترة طويلة هنا .. مش مستريح ..

اظن ان سوق العمل فى العالم كله فيه مشاكل .. و كندا ليست استثناء ..

و فى المقابل .. لا يوجد شيئ اسمة انك تجوع او تتشرد لا سمح الله هنا .. الدولة التى لم تر منك لا خير ولا شر .. بتقف جنبك .. و توفر ما يسترك لو فلوسك خلصت .. شهر اثنين .. سنة .. عشرة .. حتى تجد عمل انت تقبلة و ترضاه .. و فيه كثيرين خاصة الصوماليين و الهنود يستغلون هذه النقطة بضراوة ..

و أحب ان انبه بشدة و ضراوة الى اهمية اللغة الإنجليزية و طلاقة اللسان بها .. لأن هذا كثيرا ما يكون عاملا مشجعا فى حصولك على عمل بسرعة .. و أرجو انها تكون الشغل الشاغل لكل قادم بمجرد تأكدة من انه قادم .. الأنجليزية .. و بطلاقة ..

أنا بعتبر قدومى الى كندا .. بمثابة ميلاد جديد لى ..

[Horus]

عزيزى حورس  

اذا دخلت كندا من اجل اللاندينج وكان فى نيتك ان تخرج مرة أخرى فيجب ان تنتظر حتى يصدروا لك ال Permenant Resident Card  

على الأقل لأنك اذا خرجت من كندا بدونه وحاولت ترجع اليها مرة أخرى فسيطلبوا منك ان تقدم على تأشيرة دخول اليها بالرغم أن معك أوراق الهجرة  

هذا ماقالوه الينا فى المطار حيث ان النظام الجديد لم يعد يعترف بأوراق اللاندينج فى الدخول والخروج وسيختموا عليها عند دخولك أول مرة أنها غير صالحة لذلك  

وممكن أن تتأكد أكثر من هذا الكلام عند دخولك لأول مرة  

طيب .. إذا قدمت على ال Permenant Resident Card أول يوم نزلت فيه كندا ... ( الاول .. هل ده ممكن ؟ )... و ما هى المده اللى بيستغرقها اصدار الكارت.

معلهش يا اخواننا انا لازم اكون متأكد من الحكايه دى لانى هابقى سايب الترم فى وقت حرج جدا ... و لازم ارجع باسرع وقت .

[Masrawy Abroad]

من أربع إلى ست اسابيع

[وسام]

على حسب ما قاله صديق رومانى وصل فى الفترة الاخيرة انه عمل ورق الكارت الجديد و صوروه فى المطار اول ماوصل

و اتصل بيهم بعد كدة و استلموا

فا متيألى انت مش محتاج تدور عليهم عشان الكارت ...انت اول ما توصل بالسلامة حيلقطوك :lol:

[maksoof]

أما ال ID فلا أعرف ماذا تقصد به؟ هل هو ال medical card؟

ID = البطاقة الشخصية أو بطاقة التعريف = Identification Card

صح أو خطأ

أنا آسف يا سيد فارو. ما كنتش عارف إن دلوقت فيه ID. لما أنا دخلت كندا كان مافيش غير ال SIN و البطاقة الصحية.

مكسوف

[وسام]

البطاقة الشخصية او national ID card دة مشروع جديد لسة شايفهم بيتكلموا عليه النهاردة فى الاخبار !!!! وطبعا عاملين ازعرينا عليه بين الحكومة و المعارضة عشان البطاقة دى بتنتهك حرية و خصوصية المواطن الكندى :lol: