السلام عليكم من كنـدا - 2 - نتعاون لنفهم الدنيا أكثر .. و أكثر

[etreby]

يا اخ فري فرير

انا عملت دعوة زيارة لوالدتي من اسبوع. ممكن من فضللك تديني عنوان email بتاعك و انا هبعتلك صيغة الدعوة عليه. كل اللي هتعملو انك تغير الاسماء و العناوين ليتفق مع بياناتك ثم ترسل الصيغة بالفاكس للسفارة في مصر و نسخة تانية بالفاكس لقريبك. على قريبك الاتجاه للسفارة و معاه الفاكس بتاعك و ربنا يسهل إن شاء الله. بس اديني شوية علشان اروح البيت بعد الشغل و ابعتهولك. تحيياتي.

[freefreer]

تسلم يا عزيزى اتربى .. و تسلم كل اعضاءك ..  .. شكرا جزيلا مقدما

عنوانى سهل و ما يتوهشى .. وهو ..

freefreer@hotmail.com

على ايدك اليمين و انت باعت ..

:blush:  :inlove:  :inlove:  :inlove:

[etreby]

عزيزي فري فرير.

أنا بعتلك email

فيه الصيغة المطلوبة لدعوة قريبك لزيارة كندا.  هتلاقي رقم الفاكس موجود في الفورمة. ممكن تفتح الفورمة باستخدام برنامج word. مع تحيياتي لك و لقريبك و ارجو له التوفيق في السفارة و إن شاء الله يوصل بالسلامة.

[freefreer]

شكرا يا أخى العزيز .. جميلكم على راسنا من فوق .. شكرا جزيلا و ربنا يديم المعروف

:inlove:  :inlove:  :inlove:  :inlove:

[freefreer]

أين باقى الأخوة و الأخوات .. عسى ان تكونوا جميعا بخير  :inlove:

[اسكندراني]

السلام عليكم من السعوديه يا أهل "السلام عليكم من كندا"

[freefreer]

و عليكم السلام ورحمة الله و بركاته من كندا .. يا أهل السعودية

مرحبا بالأسكندرانى الأصيل فى مداخلته الأولى فى المنتدى .. و شكرا لأنه اختص هذا الباب بهذه المداخلة المتميزة .. و فى انتظار المزيد من المداخلات

[اسكندراني]

يا عم الله يكرمك .. يا كندي يا أصيل!

عموماً أنا سمعت عنكم من شله مصريه مكافحه ..تحلم اولاً ..وتسعي ثانياً .. لحياه افضل لها ولاولادها..تجري علي أكل عيشها في بلاد الله من شرقها لغربها..بكل شرف وأمانه ومهنيه عاليه  

قالولي ان فيه جماعه في الوفد بتقول كلام كبير عن كندا.. وجيت من أسبوع .. و"غصت" طوال هذا الاسبوع في مواضيعكم عن كندا .. لغايه ماجالي صداع ودوخه وزغلله .. وأحتجت أغير عدسات النظاره من كتر البحلقه في الشاشه.

"معظم" الكلام عجبني .. وأتعلمت كتير

و"معظم" المتكلمين عجبوني .. وأكن لهم التقدير

ويكفي وجود باب للمغتربين .. يميز هذا المنتدي عن غيره عن المنتديات العربيه التي أمر عليها .. (بغض النظر عن اختلاف مستوي النقاش في مواضيع الاغتراب الغربيه عنه في مواضيع الاغتراب الخليجيه!!)

السؤال الان .. هل هناك اي اخبار عن اثر تعديل قانون الهجره الي كندا بعد احداث سبتمبر علي طالبي الهجره العرب؟!

[freefreer]

شكرا جزيلا يا استاذنا .. .. ايه ده ؟ .. هو الموضوع بتاعنا اتشهر ولا ايه ؟ :cool:

عموما .. على الله تكون عثرت على كل المواضيع .. لأن هناك مواضيع اخرى كثيرة فى الصفحات الخلفية

و فيه موضوع به الوصلات الأنترنتية للمواقع الكندية

اما عن القانون الجديد .. فهنا بعض المداخلات عنه .. و الأخوة الذين هم فى حالة تقديم الآن .. خبرتهم افضل .. و أرجوا ان يتكرموا بالرد

[اسكندراني]

ايه الحكايه؟!

الكنادوه زهقوا من المصاروه والا ايه؟

[freefreer]

مستحيل طبعا .. بس يظهر ان الأخوة و الأخوات مشغولين

انت مقدم على هجرة مش كدة؟

[اسكندراني]

قدمت في يونيو الماضي

ومتوقع مقابله شخصيه في غضون الاسابيع القليله القادمه

وكنت اود سؤال اي شخص قام بعمل مقابله شخصيه بعد 1/1/2002 عن تأثير القانون الجديد للهجره علي مجريات المقابله وما بعدها؟

[Byte]

احنا اللي عايزين نسألك : ايه هو القانون الجديد؟ :D

[amir]

يا أهل كندا

لى صديق قدم للهجره و عمل مقابله شخصيه و رفضت لأسباب غير و اضحه .

السؤال هنا هل يستطيع تقديم طلب أخر بأسم زوجته مثلا  وهل يستطيع شقيقه الحاصل على الجنسيه الكنديه دعوته للزياره مثلا أو الاقامه ثم من هناك يبحث عن عمل أو متابعة اجراءت الهجره ؟

و تحياتى للجميع

[اسكندراني]

يا أهل كندا  

لى صديق قدم للهجره و عمل مقابله شخصيه و رفضت لأسباب غير و اضحه .

أمير ..

متي كانت هذه المقابله؟ .. قبل ام بعد 1/1/2002؟

[amir]

أخى اسكندرانى

اولا اشكرك على اهتمامك بالرد

ثانيا و حسب معلوماتى المقابله تمت منذ اكثر من سنه ، بمعنى انها تمت قبل 1.1.2002

وكما قال لى أنه رسب فى المقابله لعدم تقديمه على عمل أو الاتصال بالشركات للبحث عن عمل فى كندا !!

[اسكندراني]

اذن كان الرسوب لأسباب عمليه متعلقه بالشخص نفسه ..

ماهو غامض الان ..حجم التوجه لعدم قبول مهاجرين جدد من الشرق الاوسط بالرغم من وفاءهم بالحد الدني من مؤهلات الهجره .. بالعربي يعني "تلكيك".

سؤال اخر يا أمير .. هل استعان بمكتب متخصص ام قام بأجراءات الهجره وحده؟

[amir]

أخى اسكندرانى

أشكرك مره أخى على أهتمامك ، و حسب معلوماتى أنه قدم أوراقه عن طريق محامى كندى و قد أختفى هذا المحامى و لا يجيب على أى تليفون أو رسائل الكترونيه  و لهذا فهو يفكر بالسفر الى كندا كزياره و متابعة الاوراق من هناك ... فهل هذا أقتراح سليم ؟ و شكرا

[Byte]

وكما قال لى أنه رسب فى المقابله لعدم تقديمه على عمل أو الاتصال بالشركات للبحث عن عمل فى كندا

دي اكيد حاجة جديدة، لأننا وقت هجرتنا ماكناش مطالبين نعمل كده!

اقترح من الاخوة ان يوضحوا لنا بالتفصيل ما هي اجراءات وطلبات وشروط الهجرة الجديدة، فمشاركتكم تفيد غيركم :cool:

هل يستطيع تقديم طلب أخر بأسم زوجته مثلا

طب ازاي يعني؟ اذا كان الهجرة العائلية بتكون باسم الاتنين!

وهل يستطيع شقيقه الحاصل على الجنسيه الكنديه دعوته للزياره مثلا أو الاقامه ثم من هناك يبحث عن عمل أو متابعة اجراءت الهجره ؟

طبعا اخوه ممكن يعمل له دعوة زيارة! بس مش مسموح له بالعمل ولا بالتقديم علي هجرة من داخل كندا!

نصيحة أخيرة اسمعوها من أخوكم: لا تحضروا الي كندا الا كمهاجرين ، والا لن تستفيدوا من اي ميزة من الاقامة في كندا!

[amir]

الاعزاء اسكندرانى و بايت ... تحياتى لكما

اشكركما على الرد ، و بخصوص أسئلة الاخ بايت فسوف

اقوم بلاجابه عليها بدقه بعد ان استفسر من صديقى اكثر حتى تكون الصوره واضحه اكثر .