كيف تهاجر الي كيبك بدون محامي (نسخة 2009)

[qenawy]

السؤال الثالث عشر اين ترغب في الاقامة في كيبك اكتب اسم مدينة في كيبك اوعي تكتب تورنتو

السؤال الرابع عشر تذكره جيدا ماهي الوظيفة اللي تحب تشتغلها هناك تكتب المهنة بتاعتك وبعدها ايه المهنة المقاربة لو مالقيتش وظيفة تكتب حاجة مقاربة وافتكر السؤال ده لان في الانترفيو هتتساله مؤكد

الخامس عشر هل تلقيت عرض توظيف في كيبك اغلبنا سيكتب لا

السادس عشر حالتك الوظيفية الان طالب بتشتغل ما بتشتغلش سهل قوي

[qenawy]

الصور

ارفق صور باسبور لك ولزوجتك وابناءك

[qenawy]

اخر حاجة التوقيع حضرتك والمدام

اكتب اسمك كماالباسبور رباعي تماما

لا تنسي ان هذا الطلب سيكتب مرتين مرة لك كطالب رئيسي ومرة المدام هتكتبه

لو لديك شباب اكبر من 18 سنة برضه هيكتبوه ويمضوا

لاتنسي التاريخ مهم جدا بتاع كتابة الطلب والمدينة والبلد

[qenawy]

الخلاصة تمت كتابة الطلب بالانجليزي معلش

سارفق الطلب بالفرنسية بس فاضي

اتلم علي اي صاحب لك بيعرف فرنساوي او بالفهلوة المصرية المعتادة السؤال الانجليزي اللي فاهمه نفس المطلوب بالفرنساوي

لو بعته انجليزي ممكن بس خد بالك بتوع كيبك بتجيلهم هرش من الانجليزي ما يحبوش لذلك انصحك يكون طلبك بالفرنسية هذا امر واضح الا قد بلغت

انا كتبت الانجليزي عشان بس نفهم كلنا سوا

طيب بعد كتابة الطلب

ما هو المطلوب ارفاقه مع الطلب؟

بكل بساطة صور رسمية مترجمة ترجمة معتمده وكبر دماغك من التوثيق بتاع الخارجية مالوش لازمه من

شهادا الميلاد

شهادات الدراسة

عقد الزواج

عفوا ساؤكد بقية التفاصيل واعود ولو حد عاوزالميكروفون ينزل

[qenawy]

انا استاذنت دكتور جادوللي ونقلت الفقرة دي

انا قلت اساعد عشان شايف ان فيه حبة تخبط

صلوا بينا علي النبي

اولا الوراق المطلوبة و تجهيزها:

كل الورق صور و متبعتش اي اصول, و كل الورق بترجموا عند اي مكتب ترجمة معتمد و مش محتاجين توثيق, مكتب الترجمة بيصور الشهادة و يترجمها و بيدبسهم في بعض, انت بقي تصور الترجمة و الورقة العربية اللي عليها ختم المكتب اللي اترجمت و تبعتها.

في ورق مش محتاج ترجمة و ممكن تطلعه انجليزي علي طول حنقول عليه.

1-بيان درجات من الكلية بتاعتك و طبعا طلعهم بالانجليزي توفيرا للوقت و الترجمة و اسهل

2-كل شهادات الميلاد لكل افراد الاسرة, لو طلعتهم انجليزي يبقي احسن, لو عربي يبقي عند اي مكتب ترجمة و تصور الترجمة و تبعنهم, من غير توثيق و لا اي حاجة.

3-قسيمة الجواز, تترجمها بنفس الطريقة.

4-شهادات الخبرة, لو عرفت تجبهم بالانجليزي كان بها, لو معرفتش يبقي نفس طريقة الترجمة. شهادة الخبرة اهم حاجة تاريخ بداية العمل و تاريخ الانتهاء, الورقة اللي مكتوب عليها شهادة الخبرة تبقي خاصة بجهة العمل, يعني ارقام التليفونات بتاعة الشغل عليها و اسم الشركة و لو امكن عنوانها, يعني لو حبوا يوصلوا للشركة يقدروا, و اهم حاجة امضاء المدير او صاحب العمل و ده عندهم اهم من الختم. تحاول توضح مهام وظيفتك في شهادة الخبر و المرتب لو امكن, و حاول تشوف ايه مهام الوظيفة المطلوبة في موقع الهجرة و تكتب زيها لو امكن عشان تسهل عليهم. لو لسة شغال في نفس الشركة اوعي تسيب التاريخ مفتوح, لازم تكتب الموظف شغال حتي الان بتاريخ كذا, او عند الامضاء تكتب التاريخ.

5-اي شهادات لغة, انجليزي او فرنسي, تبعت الصور

6-اي شهادات تقدير اخدتها, تترجمها و تبعت الصورة. و ملحق بهذا اي شهادات انت شايف انها تقوي موقفك

7-شهادات الثانوية العامة, انا مبعتهاش و كتير اوي مبعتهاش و محدش طلبها لو انت خريج جامعة, بس لو حبيت, تروح المنطقة التعليمية و تطلع واحدة بالانجليزي, او تترجم الشهادة و تبعت الصورة من غير توثيق.

8-صور جواز السفر لك و للزوجة و الاولاد, و طبعا ده مش محتاج ترجمة و لا توثيق, حاول جواز الزوجة تصور الصفحة اللي مبنة انك الزوج و طبعا الصفحة اللي فيها الاولاد لو مضافيين علي نفس الجواز.

ده اللي فاكروا و قريبا ده كل حاجة في الورق المطلوب, لو كنت دخلت الجيش تبعت صورة الشهادة عشان تتحسب خبرة, لو شفته فيديو زي حالاتي ملهاش لازمة.

ثانيا الرسوم:

المقدم الرئيسي 390 دولار و كل مرافق 150 دولار اضافي, بتعمل شيك لوزير المالية الكندي و حتلاقي الصيغة علي موقع الهجرة بس مش معاييا دلوقتي, الشيك من البنك الاهلي المصري و بتحطه مع الملف و تبعته

ثالثا الابليكشن:

لك و لزوجتك كل واحد ابليكشن منفصل و معاه ملحقات حنتكلم عليها مرة تانية, بس خلينا في الورق و طريقة تحضير الملف.

خامسا ملحوظات هامة

لازم كل ابليكيشن يتمضي منك و الزوجة, و كل خانة فاضية تكتب عليها n/a و تعلم علي مستوي اللغة بس بلاش تحط مستوي اكتر من مستواك ب 3 مراحل, و خد بالك اكتر من المستوي ال 6\12 بيعتبروك فرانكوفون, انا عن نفسي و صحابي كنا معلمين علي 7, يعني اول الفرانكوفون.

لازم تلرفق صورة شخصية لك و لكل افراد الاسرة مع الابليكيشن.

[qenawy]

Bureau d'immigration du Québec à Damas

a/s Ambassade du Canada

38 Autostrade Mezzeh, CP 3394

Damas

Syrie

[qenawy]

Payment of the applicable fees must be made in Canadian dollars, in a single payment. It can be made by credit card (Static PDF, 37 Kb - Dynamic PDF, 537 Kb) or by:

* certified international cheque

* money order or bank draft

* Canadian postal order

* certified cheque

Cheques and money orders must be made out to the Ministre des Finances du Québec.

NOTE

The issuing banking institution must ensure that the cheque or money order is drawn on a Canadian bank and can be cashed without incurring fees by our departments. These fees are non-refundable and cannot be deducted from the fees required by the Canadian Visa Office.

The following methods of payment will be refused:

* Personal cheque

* Traveller’s cheque

* Cash

* Bank transfer

* Funds transfer

* Payment order

طرق الدفع ويمكن ايضا دفع بالكريديت كارد شوف العز

الوصلة او الرابط التالي

http://www.immigration-quebec.gouv.qc.ca/e...rkers/fees.html

[savaryxxx]

حد يعرف مكتب ترجمه معتمد فى القاهره نترجم عنده الورق اللى بالعربى ؟؟؟

شكراااا

[drpharma]

انا ترجمت عند راجل عاااااااااادي جدا عند الجامعه معرفش اذا كان صح ولا غلط

[Torontotruk]

انا ترجمت عند راجل عاااااااااادي جدا عند الجامعه معرفش اذا كان صح ولا غلط

طالما مختومة بختم المترجم تبقي في الجون...

[Torontotruk]

حد يعرف مكتب ترجمه معتمد فى القاهره نترجم عنده الورق اللى بالعربى ؟؟؟

شكراااا

في ميدان التحرير بجانب كنتاكي في ممر ضيق جانبه استوديو تصوير.

[drpharma]

انا ترجمت عند راجل عاااااااااادي جدا عند الجامعه افتكر لو ترجمت عند اي حد تماااااام

[حسام يوسف]

ولو الترجمة كويسة ودقيقة بس مش معتمدة بختم

ماتنفعش؟

[savaryxxx]

متلخبط شوبه فى حكايه الشيك

انا مقيم بالسعوديه وعندى الحساب البنكى اللى بينزل عليه مرتبى بس طبعا بالريال السعودى

اروح البنك اقولهم ايه بالضبط

ايه هى الصيغه بتاعه الشيك او المسمى اللى اطلبه من موظف البنك

وهل القيمه فعلا 390 دولار كندى

شكرااا

[znaty]

متلخبط شوبه فى حكايه الشيك

انا مقيم بالسعوديه وعندى الحساب البنكى اللى بينزل عليه مرتبى بس طبعا بالريال السعودى

اروح البنك اقولهم ايه بالضبط

ايه هى الصيغه بتاعه الشيك او المسمى اللى اطلبه من موظف البنك

وهل القيمه فعلا 390 دولار كندى

شكرااا

انا مقيم في السعودية بردة وعملت الشيك بمنتهي السهولة من البنك البريطاني واي بنك تاني هايعملهولك بس بشرط يكون عندك حساب

روح البنك وخد استمارة bank draft

واملاها بالحرف باسم المستفيد بالحرف والقيمة اكتب جنبها CAD يعني دولار كندي

وقول للموظف بالدولار الكندي ويتصرف فيه بنك كندي

موظفين الصرافين عادي

وانت واقف هايديك الشيك عادي جدا

بالنسبة للقيمة انا ماعرفش اي حاجة عن كيبيك انا متخصص شيكات بس :unsure:

[savaryxxx]

ربنا يبارك فى حضرتك يا استاذزناتى

انا وظيفتى مش فى للسته فعشان كده حولت كيبك , بس بصراحه شايف مجهود حضرتك فى الفيدرال وربنا يجازى حضرتك كل خير انت وعمنا كلنا هنا الدكتور الفاضل قناوى وان شاء الله نباركلكم على الفيزا

سؤالى ,, الراجل اللى هطلع الشيك باسمه

اكتب ايه ,, وزير الماليه الكندى

ولا الراجل له اسم اكتبه فى الشيك ؟؟

وانا المرسل اكتب اسمى ورا الشيك زى ما اتقال قبل كده ؟؟

[qenawy]

ربنا يبارك فى حضرتك يا استاذزناتى

انا وظيفتى مش فى للسته فعشان كده حولت كيبك , بس بصراحه شايف مجهود حضرتك فى الفيدرال وربنا يجازى حضرتك كل خير انت وعمنا كلنا هنا الدكتور الفاضل قناوى وان شاء الله نباركلكم على الفيزا

سؤالى ,, الراجل اللى هطلع الشيك باسمه

اكتب ايه ,, وزير الماليه الكندى

ولا الراجل له اسم اكتبه فى الشيك ؟؟

وانا المرسل اكتب اسمى ورا الشيك زى ما اتقال قبل كده ؟؟

اهلا يا دكتور خد بالك وزير مالية كيبك وليس كندا فيه فرق كبير

Ministre des Finances du Québec.

[znaty]

ربنا يبارك فى حضرتك يا استاذزناتى

انا وظيفتى مش فى للسته فعشان كده حولت كيبك , بس بصراحه شايف مجهود حضرتك فى الفيدرال وربنا يجازى حضرتك كل خير انت وعمنا كلنا هنا الدكتور الفاضل قناوى وان شاء الله نباركلكم على الفيزا

سؤالى ,, الراجل اللى هطلع الشيك باسمه

اكتب ايه ,, وزير الماليه الكندى

ولا الراجل له اسم اكتبه فى الشيك ؟؟

وانا المرسل اكتب اسمى ورا الشيك زى ما اتقال قبل كده ؟؟

اهلا يا دكتور خد بالك وزير مالية كيبك وليس كندا فيه فرق كبير

Ministre des Finances du Québec.

زي ماقال دكتور قناوي كدة انا ماعرفش الشيك باسم مين لكيبك لكن اعرف للفيدرال وموش هاقولك علشان ماتتلخبطش

بالنسبة لكتابة الاسمك

انا كتبته في ضهر الشيك في الجنب اليمين اوعيى واكرر اوعي تكتب في ضهر كود الكمبيوتر اللي بيبقي اسفل الشيك في الوش

انا قصدي

لو انت ماسك اي شيك من وشه اللي بيتكتب فيه الاسم والمبلغ

موش تحت خالص خالص فيه سطر مكتوب زي الاله الكاتبة كدة بالاسود فيه رقم وحروف وكدة ؟

ماتكتبش في ضهر الشيك على المكان دة

وعلى فكرة واحد صاحبي ماكتبش اسمه على الشيك وعادي الامور مشيت وهو الوقت لله الحمد منتظر الباسبورات بالفيزا باذن الله

[savaryxxx]

انا عملت الشيك بعد ما شفت البوست بتاع الدكتور قناوى على طوووووووووول

روحت متهور ومتصل بمديرى انا اكسيوز بتاع ساعتين كدا ورحت طالع ع البنك

المشكله ان الشيك اللى طلع مش زى اللى حضراتكم بتتكلموا عليه خالص وربنا يستر ويطلع اللى عملته صح

روحت البنك الاهلى السعودى وادانى ورقه تحويل ,, ومليت بياناتها والموظف مش فاهم حاجه وانا تقريبا شرحه وبنخبط سوا والصراحه انه كان متعاون فى التخبيط جدا

المهم المنظر النهائى للشيك كالتالى

مقسوم نصين , اليمين عربى والشمال انجليزى

والبيانات كلها بالانجلش

purchaser's name

وقدامه مكتوب اسمى بالعربى ,,, احاول افهم الموظف انى عاوزه انجلش زى ما كتبته فى التحويل وزى ما هو فى جواز السفر

وهو ابدا ,,, زى ما متسجل عندنا فى البنك حيظهر

يهديك يرضيك , قالى مينفعش

فكرنى بعساكر الامن المركزى ممنوع ,, ممنوع

وبعدين رقم حسابى فى البنك بحروف انجلش

ثم

beneficiary 's name ministre des finances du quebec

drawee bank candian imperial bank of commerce

ودا اسم البنك اللى اتحول عليه

والموظف قالى ان دا البنك الوحيد اللى ممكن احول عليه لانه البنك الوحيد اللى بيتعامل معاه البنك الاهلى السعودى

وعنوان البنك دا مكتوب فى الشيك كالتالى

commerce court

tornto

ontario m5l 1h1

canda

انا مكنش قدامى حل تانى ولا وقت انى اسأل او اتصل بحد حتى

واول ما سمعت تورنتو قلت يبقى تمام

وربنا يستر

cheque amount cad* 390

وبعدين القيمه دى بالريال السعودى و المصاريف اللى خصموها منى

والمجموع بالريال السعودى لقيمه التحويل والمصاريف

كده تمام ولا فى حاجه

الناس كانت بتقول ان الواحد بيكتب اسمه على ضهر الشيك

واول مره اعرف ان فى حد اسمه مكتوب ع الشيك نفسه وبالعربى كمان

حيمشى يا جدعان ولا ايه الوضع

؟؟؟؟؟؟؟؟؟؟؟؟؟؟؟؟؟؟؟؟

[znaty]

الاهلي السعودي دة بنك نتن اصلا مابحبش اتعامل معاه

شيكك مظبوط يا حاج خلاص

الراجحي كمان بيتعامل مع نفس البنك الكندي

بالتوفيق