لو قرر المصري المغترب إنه يتزوج من جنسية أخرى .. فما هي أنسب الجنسيات

[justtrying]

بشار الأسد علوي شيعي ..

وأنسب جنسية تتزوج منها .. هيه المصرية ثم المصرية ثم المصرية .. رغم أن اغلبهم نكديين وبيحبو النكد والقرف بس اهون من الخليجيات واللبنانيات ومن على شاكلتهن

[شاب مصري]

وأنسب جنسية تتزوج منها .. هيه المصرية ثم المصرية ثم المصرية .. رغم أن اغلبهم نكديين وبيحبو النكد والقرف بس اهون من الخليجيات واللبنانيات ومن على شاكلتهن

بس النكد المصري المركّز ده مش كل الناس تستحمله :ninja: :ninja:

بشار الأسد علوي شيعي ..

دلوقت فهمت حبه لايران

بس مع ان معلوماتي ان سوريا اغلبها سنة وفي قلة قليلة شيعة وقلة قليلة مسيحيين

لكن الرئيس طلع شيعي :ninja:

[essamalshaaer]

على فكره أنا اعتقد أن كل جنسية فيها عيوبها ومحاسنها ,,,,,,,, مفيش جنسية كاملة 100% ..... حتى الجمال والحلاوة والبياض.... متتغرش بيها قوي

أنا مرت بتجربة التفكير في الأرتباط بغير مصرية .... مع أني كنت مولود وعايش أنا وأسرتي لعشرات السنين في الغربة

بس بجد بجد مش علشان أنا مصري ............ المصرية ثم المصري .............. بجد في الآخر بنت بلدي أولى ... تعلم عيالي طباعنا ومبدائنا وعادتنا وتقالدنا

إلي أنا وهي أتربينا عليها ونربي أولادنا عليها .....

فى النهاية أيا كانت الجنسية المهم الحب والتفاهم والاءحترام بين الزوجين ........ ودعواتي بالتوفيق للجميع

[الباشمهندس ياسر]

اللي منك ... منك

و انت منه يا عم

الشكل ...... هو هو

و الدم نفس الدم

[المهندس تك]

اللي منك ... منك

و انت منه يا عم

الشكل ...... هو هو

و الدم نفس الدم

ههههههههههههههههههههه البشمهندس جاب من الأخر

بس شكلي كده هدوس في حوار السوريات ده

[egyprogramer]

المصريه افضل للمصري وخصوصا المغترب .انا متزوج من اجنبيه , وبيحصل مشاكل كتير بسبب دا

الا اذا كان فيه قبول متبادل وتضحيه معنويه وماديه كبيره

غير الاختلاف الكبير في التفكير والحياه اليوميه

انا علي فكره زوجتي عندي بالدنيا , ولو رجع بيا الزمن هايكون نفس القرار

بس ظروفي شويه مختلفه

ومن الاخر نصيب من عند ربنا والجواز دا زي البطيخه

[Rosea]

فى نفس هذا الاطار اللطيف جدا و الحوار الشيق...احب اسال الاعضاء الكرام برده عن رايهم فى افضل جنسيه ترتبط بيها المراة المصريه؟...يعنى معروف جدا برده عن الرجالة الشوام انهم كرما جدا..و انهم مساندين جدا لزوجاتهم ...و من صديقاتى اللى اتجوزوا من اوروبيين على نفس ديانتهم لاقوا مساحه عريضه من التفهم...مفيش بنت اعرفها اتجوزت هندى بصراحه لسه ...بس عموما خبراتكوا قد تفيد فى هذا الجانب....و عجبى

[لماضة مصرية جدا]

فى نفس هذا الاطار اللطيف جدا و الحوار الشيق...احب اسال الاعضاء الكرام برده عن رايهم فى افضل جنسيه ترتبط بيها المراة المصريه؟...يعنى معروف جدا برده عن الرجالة الشوام انهم كرما جدا..و انهم مساندين جدا لزوجاتهم ...و من صديقاتى اللى اتجوزوا من اوروبيين على نفس ديانتهم لاقوا مساحه عريضه من التفهم...مفيش بنت اعرفها اتجوزت هندى بصراحه لسه ...بس عموما خبراتكوا قد تفيد فى هذا الجانب....و عجبى

و جوووووووووووووووووووووووووووووووووون و جوووووووووووووووون و جوووووووووووووون

صوت ميمي الشربيني....و هو بيعلق...آه يا معاميعي يانا...قعدت اضحك 5 دقايق متواصلة

يا بنتي يا ضنايا....سيبيهم يفكوا عن نفسياتهم شوية

و الحقيقة كان فيه مثل لطيف ظريف نضيف قالوا احد الزملاء الاشاوس في توبيك

قالك ايه بقي

خليك مع القرد....لا يجيلك الاقرد منه....(ضحك للركب بقي...علي رايك)

و اوعي تساليني....مين القرد....

شاااافيقة يابنتي.....سيبيهم يحلموا....و يحلموا...و يحلموا...و يشدوا اللحاف

احنا قاعدين طابقين علي مراوحهم......كابسين علي انفاسهم

مش عشان حاجة....و لا المقارنات دي كولها

عشان حاجة آد النملة

هوشوشهالك......بعدين

مساكي.......احلي سلام.....من جمعية المرأة المتوحشة

[لماضة مصرية جدا]

ملحوظة...مش قادرة امنع نفسي منها

لماضة مصرية جدا, AbkaReno, أبوعمار, Ahmed Anwer, ali ali, لونا, المهندس تك, الباشمهندس ياسر, التونسى, الســـاري, الغريب, ابو عمر, Diab, dongol, egyprogramer, estishhad, givara, herohero, hoshos, hOuSsAm, kazabaza, mama nona, Melhakim, noureymo, pocy, raouf, Rosea, saleh hasan, zima zima

عزيزي القاريء....

انت عديت علي الموضوع ده ليه...و اللي في معظمه اخواتنا الخناشير(23 نفر....يا جبابرة)

هل

بتفكر

هل قررت

هل متردد

هل تبحث عن قضية فلسفية عميقة للوحدة العربية مثلا....بعد ان فشلت الشعوب ان تجتمع سياسيا.....طب ممكن يبقي زيتنا في دقيقنا...و نعمل كيكة مثلا

انا رايي....اتكلوا علي الله

و مبروك من اعماق اعماقي.....لكل الجاليات العربية

كان معكم

مراسل جامعة الدول العربية

لماضة.....مصرية....بالاوي

[raouf]

ملحوظة هــــــــــــــــــــــــــــــامة

ليه كل اراء الرجالة وبعض الاخوات الفضليات اتفقوا على ان مشكلة المرأة المصرية هى النكد !!!!!!

طيب اذا عرف الداء سهل الدواء

ليه الست المصرية ماتتغيرش

ليه ما تحاولش اتقلل من جرعة النكد

عايز الاخوات يرضوا بس مش من ناجية شخصية يعنى مش يتكلموا على نفسهم بل يتكلموا عن كل الستات اللى هم اهلم واصحابهم وجيرانهم

ليه الحب الفطرى للنكد للزوجة المصرية

سؤال محيرنى جدا

[Rosea]

يا ربى ارد...ماردش...ارد ...ماردش...يلا توكلنا على الله:

هو احنا اذا سلمنا بالاجماع الحلمنتيشى بتاع النكد اللى هو اجماع قهاوى يعنى مش علماء اجتماع و تحليل و نظريات و كده.. فممكن نسلم بالاجماعات الحلمنتيشى التانية بتاعة الستات على الشلت... بتاعة الارتباط المبالغ فيه للام للرجل المصرى... و تأثره باصحابه و اضطراب اولوياته حيث ياتى البيت بعد اصدقاء القهوة...فعندك حق يجب ان نعمل سويا مصريين و مصريات على هذه العيوب الحلمنتيشيه (اذا قررنا نعممها يعنى) و نقوم بثورة اجتماعية تصحيحيه يتعرف فيها كل جانب على مساوئه و واجباته قبل حقوقه

و ده طبعا مش تشجيع منى لصاحب التوبك على التخلى عن فكرة السورية..."دوس" يا اخى زى ما قلت و مش بهزر يا ريت تحكيلنا بامانة تامة عن كافة خطوات الموضوع من اول استقبال الاهل ليك و ما هى مطالبهم و ما هى شروطهم بالنسبة لحياة ابنتهم و هل ستعيشوا الى الابد فى مصر ...و انا مش بهزر انا فعلا احب اتابع تجربة ناجحة عن قرب ..لان التجربه السورية الوحيده اللى شفتها لم تتم لان الراجل نزل سوريا مخصوص يدور على عروسة ...الاهل اللى وافقوا طلبوا مهر حوالى 100 الف من الراجل المصرى لانهم غير مطمئنين لفكرة الزواج من اجنبى

[عصام أبوالفتح]

النية فى الزواج هى أهم شئ ومش لاقى غير كلمة قسمة ونصيب

وعشان اجاوب سؤال الموضوع الاساسى فانا كنت زمان. باعتبر السوريات هما القمة فى الجمال والامريكيات هما خفة الدم والمصريات هما قمة التوافق والصينيات قمة الطاعة والفلبينيات قمة الخدمة وطبيعى بعد التخرج بتيجى طريقة التفكير دى المليئة بالتعميم وبتمدد مع كل واحد حسب شخصيته

مهم جدا انك تتجوز بعد انتهاء المرحلة دى . مرحلة تعميم الاحكام وهاتفرق جدا فى صحة اختيارك

اللى بيميز الزوجة المصرية هو التوافق ودى حقيقة مش تعميم ومنهن كثيرات جميلات او دمهم خفيف او مطيعات او ستات بيوت ممتازة او كل ده مع بعض وذات الدين هى النجاح الحقيقى على المدى الطويل ودى حقيقة دينية أيضا

تم تعديل 4 أبريل 2011 بواسطة عصام أبوالفتح

[عبيد الله]

قرأت تقريباً جميع التعليقات من أول الموضوع حتى آخره.. واستمتعت جداً بآراء شباب وشابات المحاورات.. خفة الدم المصرية لا مثيل لها.. وتسرع أغلب الآراء في إصدار الأحكام أيضاً لا مثيل له..

أنت تريدها جميلة، متدينة، حسب ونسب، مثقفة، متعلمة، مبتسمة دائماً، راضية أبداً.. طيب وماذا عنك أنت يا أخي؟ كم صفة من هذه الصفات تتوفر فيك..؟ لماذا تريدها هي فتاة "سوبرية" وأنت كما أنت تظن نفسك نص آلهة؟! بأمانة اجلس مع نفسك وتدبر حالك.. وقس الأمور بمقياس الواقع..

ثم ليس معنى أن شخص ما تزوج من جنسية ما ونجح/أخفق في حياته أن يعمم هذا النموذج على كل جنسية زوجته.. هذا خطأ كبير.. أحياناً كثيرة تكون أنت وأخيك في بيت واحد، من نفس الأب والأم، تربيتما تربية متطابقة، ثم يكون هناك فرق بين السماء والأرض بينك وبينه في كل شيء.. الأخلاق، الأدب، التسامح، الوفاء، حتى في نظرة العين.. فما بالك بجنسيات أخرى وبلاد بعدية؟

ثم كم من بيوت ظاهرها التناغم والألفة، لكن داخلها قلوب ممزقة، وآهات ندم صاعقة..؟ وعلى العكس.. كم من رجل وامرأة متزوجان يقول الناس عنهم: كيف تزوجها، وكيف هي رضيت به؟ بينما يربط بين قلبيهما حب متدفق، وتوأمة روحية، ووفاء أبدي؟

إذا كان لي وجهة نظر شخصية هنا فهي أن المرأة المصرية لا يُعلى عليها، خصوصاً إذا كانت متدينة، مطيعة، قنوعة.