رد على إستفساراتكم السريعة عن الهجرة لكندا

[memma]

مش المفروض ان الفيش والايلتس هما الاصول والباقى صور.....التوضيح يا دكترة

لما يطلب منك ورق الابديت سيطلب كل الاصول

مش فاهم بردو يا دكترة ....امتى ابعت الصور ولمين والاصول ولمين

[qenawy]

لما نوفا سكوتشيا ترد عليك بارسال الوق للسفارة هتبعت الاصول

[memma]

تمام بس نوفا سكوتشيا بتاخد الفورمات بس....ومفيش اى ورق ولا حتى صور....صح؟......امال انا ببعت الصور لمين؟

[qenawy]

مافيش صور

يا ميما

روح يا شيخ الهي ربنا يكرمك ب 2 سيزيريان

[memma]

مافيش صور

يا ميما

روح يا شيخ الهي ربنا يكرمك ب 2 سيزيريان

ارجوك واتوسل اليك انا عايز انام مش فايق....والله اسيبها تولد لوحدها

[qenawy]

والله يا ميما اصلي انا خايف الناس تشك ان احنا مش دكاترة من اساسه

فاضيين يا اخويا للاسئلة والاجوبة اون لاين

وقال ايه ما عندناش وقت

عموما انا النهاردة اجازة من الشغل الرسمي

[memma]

ربنا يزيد اجازاتك يا دكترة اصل انا باخد اجازة مجمعة....يعنى كل اربعين يوم اسبوع اجازة...والشغل 12 ساعة وال12 ساعة التانيين اون كول....يعنى عذاب السنين بس انا شغال مع الاجانب مش بكشف على مصريين تماما والحمد لله لانى شغال فى السياحة.....المهم يا دكترة فى الابندكس A كاتبين لا ترسل اوريجينالز فقط الايلتس والفيش ..طب ده معناه ايه؟

[qenawy]

يا صديقي appendicitis a

ده obsolete

هتاخد المفيد في الايميل اللي سيرسل اليك

ويطلب منك الاصول

الابندكس مش متوافق مع النظام الجديد

وhave a nice day

calamera

rotana

[Nour moaty]

اوكيه يا دكتره بس عندي كمان استفسار صغييرر

انا شهاده الخبره اللي معايا من شغلي الاولاني متكوب فيه اني اشتغلت well service Field Specialist مشNOC 8222 fracturing supervisor

وانا كنت شغال fracturing supervisorبس بالتيتل well service Field Specialist اوضح لهم ازاي النقطه دي انا لاتنين زي بعض ؟؟

اعمل ايه يا ساده .....

اخي نور

الوظائف

اكتب الوظيفة التي ستتقدم اليها للهجرة هي 8222 واكتب توصيفك الوظيفي كما في الرابط ولكن ما تنقلش المهام بالنص

تاتي بشهادة خبرة من جهة عملك انك عملت ك 8222 لمدة كذا علي ان لا تقل عن عام متواصل وانك كنت تؤدي المهام التالية كذا وكذا

اكتب في ورق الهجرة كما سيطلب منك كل الوظائف خلال عشر سنوات فائتة

الموضوع بسيط

مش كده والا ايه يا دكتور ميما

اكيد يا جناوى ياخوى هو انت عتجول كلام مش زين كل كلامك زين يا راجل .....صوح ولا مش صوح؟ :ok: :ok: :ok:

[memma]

يا صديقي appendicitis a

ده obsolete

Obsolete يعنى زى الreserpine فى الفارما ولا زى ال taenia pedis فى مصر

[qenawy]

عملية فورا

يا ميما

ما تفكرنيش

يخرب بيت الطب اللي اتعلمناه علي اللي اتعلموه علي اللي علموه علي اللي عاوز يتعلمه

كلمة قالها تهامي انحني لها اجلالا

الطب في مصر اغلبه بكش للاسف يا ميما وحاجات طراز سنة 60

جيت علي الجرح

روح يا شيخ وتعال بسرعة

تم تعديل 24 أكتوبر 2009 بواسطة qenawy

[qenawy]

اوكيه يا دكتره بس عندي كمان استفسار صغييرر

انا شهاده الخبره اللي معايا من شغلي الاولاني متكوب فيه اني اشتغلت well service Field Specialist مشNOC 8222 fracturing supervisor

وانا كنت شغال fracturing supervisorبس بالتيتل well service Field Specialist اوضح لهم ازاي النقطه دي انا لاتنين زي بعض ؟؟

اعمل ايه يا ساده .....

اخي نور

الوظائف

اكتب الوظيفة التي ستتقدم اليها للهجرة هي 8222 واكتب توصيفك الوظيفي كما في الرابط ولكن ما تنقلش المهام بالنص

تاتي بشهادة خبرة من جهة عملك انك عملت ك 8222 لمدة كذا علي ان لا تقل عن عام متواصل وانك كنت تؤدي المهام التالية كذا وكذا

اكتب في ورق الهجرة كما سيطلب منك كل الوظائف خلال عشر سنوات فائتة

الموضوع بسيط

مش كده والا ايه يا دكتور ميما

اكيد يا جناوى ياخوى هو انت عتجول كلام مش زين كل كلامك زين يا راجل .....صوح ولا مش صوح؟ :ok: :ok: :ok:

هي شهادة الخبرة بتاعتك يا نور شهادة مقدسة

غيرها يا سيدي بما يتوافق مع cic وال noc

ليس تزويرا ولكن لتاكيد علي مهامك الوظيفية يعني اكتب اللي هما عاوزينه

بالتوفيق

[qenawy]

الاسلام عليكم

الى الاخوة الافاضل عندى سؤال مهم, ايه الاوراق اللى اخدها معايا كندا غير شهادات الميلاد و الجامعة؟

و هل لازم توثيق شهادات الميلاد و الجامعة من السفارة الكندية؟

اذا كان لازم توثيق , ممكن خطوات التوثيق

شهادات الميلاد اصدرها باللغة الانجليزية من وزارة الصحة بدون توثيق اضافي وخليها معاك

شهادات الجامعه استخرجها باللغة الانجليزية اما اجراءات التحقق منها فتطول كما قرات علي حد علمي الضعيف فهم يراسلون جامعتك مباشة للتحقق

فريح دماغك ودع لكل مقام مقال

هذا رايي وحضرتك صاحب القرار

[qenawy]

سلام الى كل من يدخل المحاورات قارئا او سائلا او مجيبا على الاستفسارات ...انا كما تعلمون لم اوفق في امتحان الايلس ..ولم ابعت النتيجة بعد لأني لم استلم جواب التمديد ...هل ارسل النتيجة ولا انتظر اكتر ...كان المفروض يكون وصل على بداية اكتوبر 7او 8 تقريبا ...بعدين بفكر اقدم مرة تانية على اللاجئين ..معانا وثائق تثبت اننا لاجئين فلسطينيين ...وموجود فئة على موقع الهجرة الرسمي تخص الrefugeeهل حد يعرف اي فكرة عن النوع ده من الهجرة يمشي فعلا زي ما كاتبين على الموقع ..وليهم فورمات خاصة واخرى زي الطلبات السابقة اللي ارسلناها ....اتمنى اللي عندة خلفية او اجابة الا يبخل علينا ..كما عهدناكم دائما نعم المعاونين وتحية للجميع..ا

مساء الخير ترسليها حضرتك لو جبت السكور المطلوب لو غير كافي طنشي وامتحني تاني وابعتي اليتس بسكور يوصلك لل67 نقطة غير كده يبقي حضرتك بتقوليلهم درجاتي مش كفاية اقفلوا ملفي

موضوعاللاجئين ما عنديش معلومات كفاية

بس الي اعرفه انه فيه تهيل كبير للفلسطنيين

اثبتي انك لاجئة وتعاني من الاضطهاد وعندها ستاخذي فايل نومبر ايضا ومقابلة مع ضابط الهجرة لاقناعه بظروفكم

هناك جهات تدعم طلبات هجرة اللاجئين وشيء اسمه كفالة خماسية بان يوافق خمس اشخاص من كندا علي دعم موضوع الهجرة

موفقة

[طبيبة مصرية]

السلام عليكم ورحمة الله

فى البداية اتوجه بالشكر لدكتور قناوى على موضوع التوبيك ده لانه فعلا رائع جدا والمعلومات فيه كتيرة ومفيدة ...........

انا كنت عايزة اسال بخصوص طريقة حساب النقاط فى نظام الفيدرال لانى محتارة مين فينا انا او زوجى يكون المقدم الرئيسى وده بسبب امتحان الايلتس لان زوجى ماعندوش وقت ولا رغبة يذاكر انجليزى...فبفكر اقدم انا باسمى ولكن احتاج بعض التوضيح..........

انا وزوجى بكالوريوس طب وهو معاه دكتوراة وانا ماجيستير ده معناه ان كده احنا الاتنين 25 درجة؟؟؟

الخبرة بالنسبة لزوجى اكترمن 4 سنوات يعنى كده 21 نقطة

بالنسبة لى 4 سنوات فقط ولكنها ايضا تعطى ال21 نقطة فى حساباتهم وانا حاسبة فيهم 3 سنوات بتوع النيابة يعنى قبل ما احصل على الماجيستير فهل بيتم احتسابهم ولا الخبرة بتكون بعد الحصول على الماجيستير اللى هى فى حالتى هتكون سنة واحدة فقط وده طبعا هيفرق معايا جدا فى النقط وفى الحالة دى لامفر من ان زوجى يذاكر الايلتس

العمر: 10 نقاط

نقاط الزوج او الزوجة: 5

انا كده حسبت لزوجى هيطلع 61 نقطة

يعنى محتاج 6 نقط من امتحان الايلتس ختى نصل ل67 نقطة ......... وعلى حسب ما فهمت انه اقل حاجة بتقبل فى الايلتس هى المستوى المتوسط فى الاربع مهارات يعنى هيكون محتاج من الايلتس 8 نقط وعلى حسب ما فهمت من مداخلات الاعضاء انها لستت بمسالة صعبة على الاطلاق.............

هل انا كده حساباتى صح؟؟؟؟

وهل كده سواء انا او هو كنا المقدم الرئيسى فنقاطنا متساوية وهى ال61 نقطة؟؟؟؟؟؟؟؟والمطلوب فقط 8 فى الايلتس ؟؟؟

وهل التخصص بيفرق فى سرعة دراسة الطلب؟؟؟؟ لان زوجى امراض نفسية وخبرة 16 عام وهذا من التخصصات المطلوبة هناك اما انا كلينيكال باثولوجى وخبرة 4 سنوات فقط بما فيهم سنوات النيابة........

اعتذر على كثرة الاسئلة ومشكورين مقدما..........

تم تعديل 25 أكتوبر 2009 بواسطة طبيبة مصرية

[elhusseiney]

أنا يا جماعة الخير من ساعة ما بعت الميدكال في يوليو لا حس ولا خبر هل ده طبيعي ولا اعمل ايه شكرا اهتمامكم

[memma]

أنا يا جماعة الخير من ساعة ما بعت الميدكال في يوليو لا حس ولا خبر هل ده طبيعي ولا اعمل ايه شكرا اهتمامكم

الصبر ثم الصبر وباذن الله خير....ربنا هيكرمنا كلنا ان شاء الله....

[somayasaleh]

أنا يا جماعة الخير من ساعة ما بعت الميدكال في يوليو لا حس ولا خبر هل ده طبيعي ولا اعمل ايه شكرا اهتمامكم

ما تقلقش خالص

احنا بعتنا المديكال شهر يونيو.....والحمد لله طلبوا البسبورات يوم 15 اكتوبر

يعني حضرتك كده من اسبوعين لشهر ان شاء الله

واضح ان الضغط عليهم شديد

وربنا يوفق الجميع

[elhusseiney]

شكرا دكتوره سمية على إجابتك وتمنياتي بالتوفيق في الخطوات القادمة والشكر موصول للاستاذة Memma

أنا يا جماعة الخير من ساعة ما بعت الميدكال في يوليو لا حس ولا خبر هل ده طبيعي ولا اعمل ايه شكرا اهتمامكم

ما تقلقش خالص

احنا بعتنا المديكال شهر يونيو.....والحمد لله طلبوا البسبورات يوم 15 اكتوبر

يعني حضرتك كده من اسبوعين لشهر ان شاء الله

واضح ان الضغط عليهم شديد

وربنا يوفق الجميع

[qenawy]

ايوة ربنا يخلي لنا الاستاذة ميما امين