محتاج رأيكم جدآآآآآآآآآآآآ

[الطفشان]

الاخ مودي

رحت للمحامي و الا لسة؟

برضه انا مش قادر استوعب

الغريب

الفلوس و رجعها

طب ليه يستخدم ال SSN بتاعك؟

ايه الفايدة له؟

مثلا مابيدفعش ضرايب؟

طب ما هي بتتخصم من المنبع اكيد عنده!

يعني ليه هو عمل كدة اذا كان الفلوس - و هي مبلغ كبير - رجعها؟

هل وراه مصيبة؟

يكون من جماعة ارهاب مثلا؟

او عامل عملة سودا و مش عايز يكشف شخصيته الحقيقية قدام الحكومة؟

مش قادر استوعب خالص ايه الدافع لشئ زي كدة

[DARWEEN]

يامودي أنا مستغرب ..

ياأخي واحد عمل دا كله وماخافش عليك لحظه أنت خايف عليه ليه وبعدين شخص بالشكل ده تأكد أنه حيضرك حيضرك دي مافيهاش شك لو ماكانش النهارده يبقى بكره

أجري يابني على المحامي زي ماقالولك وماتخافش منه وتأكد أن هذا هو أسلم طريق مع أمثال هذا الخائن

[KWA]

بسم الله الرحمن الرحيم

السلام عليكم ورحمة الله وبركاته

الأخ مودي...موضوعك فعلا موضوع يغيظ ....و لكن هناك الكثير من النقاط في صالحك قانونيا.....

المهم وصل بالسلامة ورحت إستقبلته وسكنته معايا وجبت له شغل و أول يوم وصل فيه حطيت فى جيبه 400 دولار وبعد أسبوعين إديتله زيهم وقلت له تبعتهم مصر أكيد عيالك محتاجين فلوس دلوقتى..ولما تستقر إبقى سدد براحتك...المهم بعد حوالى 5 شهور قالى إنه رتب كل حاجة علشان يجيب أسرته هنا وفعلآ وصلوا بالسلامة وخد لهم شقة طبعآ ولحد كده كويس...بعد كده قالى إنه محتاج ضامن ليه علشان أوراقه تمشى فى الجامعة رحت مديله خمسة ألآف دولار يحطهم فى البنك باسمه.. 

من المعروف ان اي شخص سوف يقضي في امريكا عام او اكثر لا بد ان يتقدم عن طريق عمله او مكان دراسته للحصول علي السوشيال سيكيورتي و عند اصدار السوشيال يكتب فيه غير مسموح لحامله بالعمل في الولايات المتحده بدون اذن من اداره الهجره و هذا ينطبق علي هذا المحتال .....اذن هذا المحتال كان له رقم السوشيال الخاص به و طبعا موجود في الجامعه وواذا كنت انت الضامن له ووقعت علي اوراق الضمان بالطبع سوف تكون بياناتك و رقم السوشيال الخاص بك ضمن اوراق الجامعه....و هذا مستند هام لأن من المستحيل التشابه في ارقام السوشيال....و لنفترض انك لم توقع له اي اوراق ...و ساعدته بالمال و كتبت له شيك بالمبلغ المطلوب للضمان فتستطيع الحصول علي هذا الشيك من البنك و عليه توقيعه.....الشئ الأهم و الأخطر هو الضرائب....كيف كان يدفع الضرائب و اي سوشيال سيكيورتي يضع في اقرارات

الضرائب....لأن مشكله مع الضرائب اخطر من مشكله جنايه قتل ....

فيه أوراق مهمة جدآ مستنيها من الهجرة ...الكارثة لو ألأمور مربوطة ببعضها وعرفو العك اللى فى إسمى ورقمى ده 

طبعا من كلامك انك منتظر المقابله لحصول علي الجنسيه و الأف بي اي تحري عن كل ما يتعلق عنك حتي الكريدت و الضرائب و كل شئ و دخولك في قضيه مع هذا المحتال لم ولن يعطل الأجرائات لأنها ليست جنائيه و لست المتهم فيها بل انت الجاني و لا علاقه بهذه القضيه و اوراق الهجره و و سيبك من حكايه انهممصرين و سوف ينظر اليها بمنظور اخر ...الكلام ده يا اخ مودي غير صحيح هنا و الحق في القضاء هنا لا يفرق مابين امريكي و لا مهاجر و لازم تلجأ لمحامي لحمايتك و لحمايه حقوقك ....

KWA

[ابو يوسف]

القضية ... أن ترك مثل هؤلاء بدون عقاب .. سيشجعهم على التمادى فى مثل هذه الامور مع آخرين (سيكون ذنبهم فى رقبتك !!! )

كما انه يجب اثبات الحالة رسمياً لتفادى اى افعال غير متوقعة منه قد تورطتك فى امور اشد خطورة ...

[crossfield]

مش عارفة أقولك ايه يا مودى أنا اتضايقتلك و الله ؛ربنا يعديك من المشكلة دى على خير ان شاء الله ؛لكن خد بالأسباب و شوف محامى زى ما الأخوة هنا نصحوك و ما يصعبش عليك و لا تأنب نفسك خااااااااالص. ربنا معاك.

[moody00x]

الاخ مودي 

رحت للمحامي و الا لسة؟ 

برضه انا مش قادر استوعب 

الطفشان wrote: 

الغريب 

الفلوس و رجعها 

طب ليه يستخدم ال SSN بتاعك؟ 

ايه الفايدة له؟ 

مثلا مابيدفعش ضرايب؟ 

طب ما هي بتتخصم من المنبع اكيد عنده! 

يعني ليه هو عمل كدة اذا كان الفلوس - و هي مبلغ كبير - رجعها؟ 

هل وراه مصيبة؟ 

يكون من جماعة ارهاب مثلا؟ 

او عامل عملة سودا و مش عايز يكشف شخصيته الحقيقية قدام الحكومة؟ 

مش قادر استوعب خالص ايه الدافع لشئ زي كدة

هو غالبآ بعد ما قضى 4سنين هنا وفشل فأظن السوشيال بتاعه غير صالح للعمل وبالتالى مش هيسمحو لو إنه يآخد شقة أو يعمل كريديت بألأضافة إنه طبعآ معندوش good history علشان يوافقو له على كل ده وبالتالى كان لازم يلجأ للى عمله على اعتبار إنى معنديش أى مشاكل و ان إسمى نضيف هنا

موضوع الضرائب مش مشكلة لأنه مش محتاج الرقم يشتغل بيه...هو ممكن يقبض كله كاش

رجع الفلوس ليه ؟ لأن كان لازم يرجعهم لأسباب كتيرة أهمها إنى ما أشكش فيه لحظة وكمان هو مش محتاج يسرقهم لأنه من وجهة نظره معاه كنز أكبر من الفلوس وهو الرقم وتشابه ألأسمين...

خلاص إقتنعت بآرائكم واضح إن فيه إجماع وبدأت آخد معاد مع المحامى

[moody00x]

BenNeal wrote:

الباشمهندس محمد: 

انا اؤيد الأخوة تماما بضرورة ابلاغ السلطات المختصة فورا.... 

انا اضفت وصلتين لمواقع عن الidentity theft يمكن تحب تطلع عليهم. 

http://www.consumer.gov/idtheft/ 

http://www.idtheftcenter.org/index.shtml 

صحيح اتق شر من احسنت اليه. انا آسف انى اقول ان انى لا اوافق مطلقا على اعطاءه فرصه تانيه. المؤمن لا يلدغ.... و اذا انت اكرمت اللئيم.... 

Good Luck.

أشكرك جدآ الموقع خلانى أتخذ أول خطوة صحيحة فى الموضوع...

[moody00x]

DARWEEN

wrote:

يامودي أنا مستغرب .. 

ياأخي واحد عمل دا كله وماخافش عليك لحظه أنت خايف عليه ليه وبعدين شخص بالشكل ده تأكد أنه حيضرك حيضرك دي مافيهاش شك لو ماكانش النهارده يبقى بكره 

والله العظيم أنا رغم اللى عمله كله رعيت ربنا فيه وفى عياله وكل ما أفكر وهو مرمى فى السجن وهما بعيد عنه باحس إنى باظلمهم وبيصعبو عليا ....هو وخاين ويروح فى داهية بس عياله؟؟

[moody00x]

KWA wrote:

من المعروف ان اي شخص سوف يقضي في امريكا عام او اكثر لا بد ان يتقدم عن طريق عمله او مكان دراسته للحصول علي السوشيال سيكيورتي و عند اصدار السوشيال يكتب فيه غير مسموح لحامله بالعمل في الولايات المتحده بدون اذن من اداره الهجره و هذا ينطبق علي هذا المحتال .....اذن هذا المحتال كان له رقم السوشيال الخاص به و طبعا موجود في الجامعه وواذا كنت انت الضامن له ووقعت علي اوراق الضمان بالطبع سوف تكون بياناتك و رقم السوشيال الخاص بك ضمن اوراق الجامعه....و هذا مستند هام لأن من المستحيل التشابه في ارقام السوشيال....و لنفترض انك لم توقع له اي اوراق ...و ساعدته بالمال و كتبت له شيك بالمبلغ المطلوب للضمان فتستطيع الحصول علي هذا الشيك من البنك و عليه توقيعه.....الشئ الأهم و الأخطر هو الضرائب....كيف كان يدفع الضرائب و اي سوشيال سيكيورتي يضع في اقرارات 

الضرائب....لأن مشكله مع الضرائب اخطر من مشكله جنايه قتل

لا أنا بعيد عن موضوع الضمان نهائى كل علاقتى بيه إنى إديته فلوس يحطها فى البنك باسمه لكن توقيع وشيكات لا

هو طبعآ السوشيال بتاعه غير صالح للعمل وده سبب إنه يترفض له أى أبلكيشن لكريدت أو شقة أو تليفون....لكن يقدر بس يشتغل ويقبض under tableعلشان الضرايب

طبعا من كلامك انك منتظر المقابله لحصول علي الجنسيه و الأف بي اي تحري عن كل ما يتعلق عنك حتي الكريدت و الضرائب و كل شئ و دخولك في قضيه مع هذا المحتال لم ولن يعطل الأجرائات لأنها ليست جنائيه و لست المتهم فيها بل انت الجاني و لا علاقه بهذه القضيه و اوراق الهجره و و سيبك من حكايه انهممصرين و سوف ينظر اليها بمنظور اخر ...الكلام ده يا اخ مودي غير صحيح هنا و الحق في القضاء هنا لا يفرق مابين امريكي و لا مهاجر و لازم تلجأ لمحامي لحمايتك و لحمايه حقوقك .... 

أنا خلصت المقابلة ونجحت فيها لكن لسه منتظر معاد القسم...المشكلة إنى طلبت أثناء المقابلة تغيير اللاست نيم بتاعى بسبب خطأ فى شهادة ميلاد إبنى وهيا جات بالصدفة بعيد عن الموضوع والله ..المشكلة لو بيبحثو من ألأول وجديد ويلاقو اللخبطة دى لأن البيه كان غبى كان بيتصل يعمل الكريدت مثلآ بأسمى ورقمى وبعد ما يجيلو يروح متصل مغير ألأسم لأسمه هو علشان فيه أماكن بتطلب ألآى دى مع الكريديت لما تشترى...أصبح السوشيال بتاعى له إسمين...هو ده اللى قلقنى من الهجرة وربنا يستر

[moody00x]

ابوفصاد wrote:

أخي مودي 

قرأت موضوعك عدة مرات 

واقترح عليك ان تذهب الى السفارة المصرية أو القنصلية ايهما اقرب وتطلب مقابلة شخصية مع القنصل وتشرح له الموضوع، وهو طبعا يعرف تماما ان هذا الموضوع قبل ان يصيبك بأذي فهمو سيصيب ايضا سمعة بلدنا في الخارج. 

وتأكد تمام انك ستجد كل المساعدة خاصة اذا كانت القنصلية تتعامل مع محامي معروف لديها. وعلى الأقل عند أي تحقيق مع السلطات تذكر لهم ان قنصليتك على علم حتى يساعدوك 

لأني كنت طبعا سأقف بجانبك لو كنت ما زلت في الخدمة 

وربنا معاك

أشكرك جدآ لكنى أعتقد إن أول كلام هيكون روح إشتكيه

[moody00x]

mizo1957 wrote:

و يبقي السؤال احنا ليه بنعمل في بعض كده؟

كنت أتمنى أجاوبك لكن مفيش جوايا غير الصمت الحزين

[moody00x]

أشكركم جميعآ على آرائكم وبدأت بفضل الله إجراءات المحامى

[Spider]

بالتوفيق يا مودى

وأبق طمّنا على أخبارك أول بأول

تحياتى

[se_ Elsyed]

أنا عايز اقولك كلمتين يا مودي بإختصار :

1- بإذن الله هاتلاقي ربنا جنبك فى كل خطوه لأنه مش ممكن يضيعك وأنت كنت ناوي خير وساعدت هذا الأدمي بكل طيبة وشهامة فمافيش داعي لأي قلق أو خوف.

2- يجب أن تتخذ الأجراءات القنونية المناسبة التى تحميك اولاً ، ولا تأخذك فيه رحمه ولا شفقة فهو أنسان شرير لا يستحق المساعد ، فلو كان الأمر أقتصر على أنه نصب عليك فى فلوس .. كانت تبقى بسيطة ن لكن كونه ينتح شخصيتك ويمارس أعمال أجرامية بأسمك فهذه مصيبة وجريمة يستحق عليها أشد العقاب.

وهناك حل أخير وهو

( أنك تدبر ثمن تذكرة وتبعتها لشعنونة مع عنوان الراجل بالتفصيل وتجيب هي صفيحة جاز وتولع فيه .. ولا من شاف ولا من دري ... وتبقى عمليه نضيفة وفى الأخر أنت تبقى بعيد عن الموضوع )

..

دي حتة دعابة علشان نطري القاعدة ( قاعدة تاني أستر يارب )

[Salwa]

مودى.

انت بتحكى حاجة زى اللى حصلت لنا...

كام مرة؟؟؟؟

كتير...ومش بنتعلم.

نفس الوضع واحنا زودنا عليه ......وكل مراسلاتك ممكن ترسلها علينا .

وراح وعمل شركة وهميه ...ولأن ربك كريم واحنا ناس كنا بنساعد لوجه الله ..

وصلنا جواب من النوتارى ...تعالوا استلموا الاسكريتورا باسم شركة .......

وجالنا ذهول ...وصدمة...وغضب...

وكلمنا المحامى وقال اننا لانقول له شىء قبل ان نتخذ بعض الاجراءات

وذهبنا للنوتارى الخاص بهذا الرجل وسألناه كيف حدث كل هذا واين هى المستندات التى على اساسها اقاموا هذه الشركة ؟؟؟

وللأسف قال لنا كل البيانات اتى بها محامى هذا الشخص .

وذهبنا فورا وارسلنا فاكس عن طريق بورو فاكس ...حتى يكون رسميا ويتسلمه المحامى ....

ثم اتصلنا بصديق لهذا الشخص ....وقلنا له ...ان حقنا مضمون بالذوق او بالقوة ..

ويقول له يذهب لتغيير كل هذا فورا ....او ...سوف نبلغ البوليس وسوف يرحل ولن يدخل كل اوروبا لان هذا نصب ...وسيكون هذا مسجل فى اوراقه .

وهو لم يجرؤ على الاتصال ...واتصل بنا شخص فاضل يرعى شئون المسلمين ...كان واسطة.

وقال لزوجى انت رجل فاضل وانى والله اعجب انك رغم انهم آذوك لكنك تتصرف بحكمه وهؤلاء هم من يسيئوا للاسلام ....وقال ان ربما هذا الشخص تصرف بغباء وليس بسوء نية ...وهيأله تفكيره الضيق انه عن طريق استخدام بياناتنا كلها ....سوف تفتح له الابواب المغلقة .

ويعلم الله وحده حقيقة نيته.

لكن كان ممكن لو نصب ...او..لو عنده مشاكل مع الضرائب او ....او...او.

اما المساعدة ......فيكفى ان زوجى عرض عليه فى يوم من الايام ...ان يدفع له ثمن بضاعة // ليست مجال عملنا//

ويسددها حين ميسرة...آه...ويدفع له الجمارك ايضا .

احيانا اشعر ان فيه ناس .........بتعاملنا على اننا متخلفين عقليا ....تستغلنا وتستغلنا وتستغلنا ....واحنا نتصرف بما يرضى الله

مش كانت العزلة افضل؟؟؟؟

يامودى

ماضاع حق وراءه مطالب.

وانا حزينه جدا جدا جدا ...وانا بقول لك .

المثل الاسبانى صح.

سىء الظن وحاتطلع صح .

احنا كنا حانتجنن......بعد العمر ده كله والسمعه اللى زى الالماظ ...ييجى شاب طائش يضحك علينا .

حصل خير

سلامى .

[se_ Elsyed]

وهانروح بعيد ليه طيب ما سيدنا عمر بن الخطاب قال أن " سوء الظن من حسن الفطن "

المشكلة أن هناك نوعية رديئة من البشر تستغل حياء وأدب ومرؤة الآخرين لترتكب مثل هذه الأعمال ،

وأظن أن معظمنا تعرض لموضوع سلف الفلوس ... تبقى أنت مسلف واحد فلوس بعد ما جه يشتكيلك ويعملك أفلام ويديليك ميعاد محدد لرد الفلوس وتعدي الأيام والشهور وربما السنين ولا حس ولا خبر ، وتوضع أنت فى موقف الشحات لأسترداد فلوسك وغالباً ما يكون رد المبلغ على أجزاء مما يعني انها فقدت قيمتها كمبلغ كامل.

ولكن لي كلمة اخيرة ... أن هذه الأمثلة السيئة جميعاً لا يجب أن تثنينا عن فعل الخير ... لأن ما نفعلة يكون لوجه الله وبالتالي فإن الله لا يضيع أجر من أحسن عملاً .

[abofasad]

اذا انت أكرمت الكريم ملكته

واذا أكرمت اللئيم تمرد

هذا أصدق قول يمكن ان نصف به الشخص الناكر للجميل

[mizo1957]

مودي

ياريت تطمنا ايه اللي حصل معاك ؟

المفروض انك حا تقابل المحامي اليوم.