محتاج رأيكم جدآآآآآآآآآآآآ

[moody00x]

إقروا اللى حصل لى وبعدين قولو زى ما انتو عايزين هاحاول أختصر

واحد إتصل بيا من مصر هو مش صاحبى لكن إتعرفنا أيام الكلية وبعد كده كان بيننا تليفونات لما جه هنا كان جاى يعمل دكتوراه فى الهندسة واتصل بيا كذا مرة هنا بحكم إننا فى بلد واحده...وبعد ألأربع سنين اتقطعت أخباره لحد ما اتصل بيا من مصر وقالى إنه إتخانق مع المشرف على الرسالة بتاعته ومعملش الدكتوراه...وبعدين؟ قالى عايزك تخدمنى فى سكن وشغل عندك وأنا ها أحول أوراقى لجامعة عندك....المهم وصل بالسلامة ورحت إستقبلته وسكنته معايا وجبت له شغل و أول يوم وصل فيه حطيت فى جيبه 400 دولار وبعد أسبوعين إديتله زيهم وقلت له تبعتهم مصر أكيد عيالك محتاجين فلوس دلوقتى..ولما تستقر إبقى سدد براحتك...المهم بعد حوالى 5 شهور قالى إنه رتب كل حاجة علشان يجيب أسرته هنا وفعلآ وصلوا بالسلامة وخد لهم شقة طبعآ ولحد كده كويس...بعد كده قالى إنه محتاج ضامن ليه علشان أوراقه تمشى فى الجامعة رحت مديله خمسة ألآف دولار يحطهم فى البنك باسمه..

كل الفلوس رجعت والحمدلله بس فى يوم لقيت جواب جانى من بنك وبيقولى إنى عندى حسابين مش واحد ومعايا 2 كريدت كارد{طلعو 3 بعدين}مش كريدت واحد...كلمت البنك وبعدين كان هايجيلى إنهيار عصبى ولسه لحد دلوقتى محتاج علاج....البيه المحترم اللى بيحضر دكتوراه فى أرقى جامعات العالم لقيته عمل ايه بقى...

من أول ما وصل وهو سرق السوشيال سيكيورتى نمبر بتاعى واستغل تشابه الاسمين [فرق حرف بينا]..وأخد شقة باسمى وسكن فيها ومضى العقد باسمى...ودخل الكهربا والتليفون بأسمى....وعمل 2 كريديت كارد كل ده بالرقم بتاعى...وطبعآ أنا آخر من يعلم وعمرى ما كنت أتخيل أبدآ إن إلأنسان ده يعمل معايا كده ...حتى لو إحنا مش أصحاب ومعرفتنا سطحية بس أنا قدمت الخير والله ليه المقابل يكون كده؟؟؟؟؟؟؟؟

المصيبة إنه كان هنا 4 سنين يعنى عارف القوانين هنا مش لعبة....مفيش هزار

طبعآ أنا ماآذتوش ولحد دلوقتى من ساعة ماعرفت شهرين دلوقتى...وأنا مابلغتش رغم إنه غلط عليا بس لو بلغت ممكن مايشوفش أهله تانى لأن عدة جرائم...طبعآ واجهته وطبعآ معندوش مبرر...وبعد ما واجهته لم حاجته وواخد أسرته ومسافر بكل برود...وسايب لى مصايب بقى شقة لازم ابجارها يتدفع وفواتير ماشاء الله مهو مش مهم طالما باسم واحد تانى اللى هو ساعدتى

المهم بعد مدولات ومناقشات وقرف أسرته سافرت وفضل البيه هنا يشتغل ويسدد ويحل المصايب اللى عملها فيا....ولحد ألآن مابلغتش وخايف يعمل حاجة

تانى ولا يكون عمل حاجة أكبر وانا مش عارف والمشكلة إن رقم السوشيال ما بيتغيرش....يعنى قلق دائم يأما أبلغ فيه ويروح فى ستين...

ايه رأيكو؟؟؟

وش واحد بيبكى دم على معانى كتير ضاعت

[freefreer]

لا اتهاون مع الخيانة .. خاصة لمن سبقت له بالخير

استشر محامى عندك .. و اتخذ الآجراءات التى يشير عليك بها ..

[nora]

نصحتي بلغ الي يقدر يخون اربع سنين مش بعيده يضيعك يا اما تخليه يكتب ورقة على نفسة و يديك البسبور بتاعة بس برضوا بلغ وبأسرع وقت ممكن

[alnadim]

رايي انك تخيروا وبشكل واضح وبدون مماطله بين ان يسدد التزاماته ويرحل حالا او تبلغ عنه حالا ايضا لان التاخير قد يجعلهم يتصورون ان متفق معه في التحايل علي الضمان الاجتماعي

والاهم من هذا الا تجعل ذلك يدفعك لان تاخذ موقف من الدنيا قد يجعلك اكثر حرصا لكن الامل في الا يجعلك اكثر يأسا

مع تحياتي

[BenNeal]

الباشمهندس محمد:

انا اؤيد الأخوة تماما بضرورة ابلاغ السلطات المختصة فورا[/....

انا اضفت وصلتين لمواقع عن الidentity theft يمكن تحب تطلع عليهم.

http://www.consumer.gov/idtheft/

http://www.idtheftcenter.org/index.shtml

صحيح اتق شر ....

Good Luck.

[Elham]

انا رأيى انك تبلغ السلطات المختصه و خصوصا لو انت فى بلد زى امريكا ما تضمنش هو عمل مصايب ايه تانى ممكن توديك انت فى داهيه و خصوصا هما اساسا متلكيكين للمسلمين و العرب فاخليك فى السليم احسن

[هشام عبد الوهاب]

أبلاغ السلطات فورا ودون اى تردد .

انا أجرت شقه و عملت كريديت واشتريت ادوات بالقسط و اشتريت سيارة وكل ده بأسمك .

مش يمكن اكون اخدت قرض واديته لأم العيال تنزل به مصر

مش يمكن اكون عملت مصيبه ولسه مابانتش

مش اقدر ارتكب حتى جريمة قتل واخلع فى نفس اليوم طالما قرينى موجود .

طبعا انت لا تنتهى ابدا من كل هذه الهواجس فى رأسك كل لحظة وان كان بعضها حقيقي .

اذا ابلغت السلطات فستكون ابلغت عن خائن للأمانة اخليت مسئوليتك تجاه كل ماحدث وتعرفه او لا تعرفه .

ثم ماذا لو ظهرت كارثة بعد ان سافر هذا الخائن ...هاتعمل ايه

هاتحلف لهم انك مش mooody و انك moody باتنين او بس مش ثلاثة ... وقتها هاتكتب فى المنتدى من ليمان Tourah أبو اتش واحده مش اتشين .

[moody00x]

إخوانى ألأعزاء أشكركم جميعآ واسمحولى أقول لكم الوضع الحالى للمأساة

1-تم تغيير عقد الشقة باسم واحد تانى إتبرع بحل المشكلة

2-قام بدفع كل الفواتير المتأخرة عليه

3-تم إلغاء كل الكريدت كارد والتليفون

4-أعرف مكان عمله وسكنه

5-من كام يوم وصللى مسيج عن طريق ناس إنه بيهدد إذا أنا بلغت هايقول إنى متفق معاه على إنى أديله الرقم مقابل مبلغ محترم منه

6-لو بلغت هتكون حكاية وحدوته ليهم هنا إتنين من بلد واحده ومع ألأحداث الجميلة على الساحة دلوقتى ممكن الضحية والجانى يتبادلو ألأدوار..أو على ألأقل الضحية مش هايتساب فى حاله كده بالساهل ....طبعآ قضايا مش قضية واحدة...وتقارير وأسئلة ومحاكم.....طبعآ لو الوضع زى ألأول ماكنش فيه مشكلة

بالأضافة إنى عايز أنزل أجازة وطبعآ كده هتبقى عطلة أكيد

7-فيه أوراق مهمة جدآ مستنيها من الهجرة ...الكارثة لو ألأمور مربوطة ببعضها وعرفو العك اللى فى إسمى ورقمى ده

8-البيه بعد ماكان بيعمل كل حاجة يروح متصل ويغير الكريديت على إسمه لكن فى نفس الوقت برقمى أنا...

9-لو نزلت أجازة وسيبته الله أعلم ممكن يعمل إيه فى غيابى

10-لو قولنا هنبلغ طب كنت فين الشهرين دول ومبلغتش من ساعة ما عرفت ليه؟؟؟

المستدات اللى معايا واللى جبتها منه هى عقد ألأيجار اللى عمل بيه الشقة وجواب البنك اللى بيقول إن عندى كريديت تانى

11-لو سيبته كده مش ضامنه لحظه واحده لأنه خاين..ولو قولتله سافر برضه مش مضمون ممكن يروح ولاية تانية ويبهدل الدنيا تانى...وممكن يرفض يسافر

أساسآ

مخى توقف عن العمل...بقى فيه ناس كده فى الدنيا؟؟؟؟؟؟؟؟

[wahed_masry]

السلام عليكم

أخي الكريم

ابحث عن محام ثقة

واعرض عليه الامر وناقش معه كل هواجسك

وأنظر ماذا سيقترح عليك

وكان الله في عونك

[غادة]

اخى moody00x

لبد من استشاره قانونيه فى كيفية التصرف مع هذا الشخص فى اسرع وقت ممكن قبل ان يورطك فى شئ اخر

المفروض انك تخاف على نفسك اكثر من انك تخاف عليه

وعليك بهذا الدعاء

(( اللهم ان نجعلك فى نحره ونعوذ بك من شره))

ودعاء اخر

((اللهم من ارد بنا كيد فرد كيده الى نحره وأعذنا من شره))

وادعوا الله ان ينصرك

[حشيش]

الأخ العزيز مودى

أتفق مع الأخوة والأخوات فى ضرورة مواجهة هذا الشخص بالأسلوب الذى يردع من هم على شاكلته وهو اللجوء للشرطة أو القضاء عن طريق محامى...لو تخوفت من عواقب المواجهة نتيجة لتهديداته الوضيعة فلا تلومن بعد ذلك إلا نفسك...المشاكل من هذا النوع ينبغى أن تحل بمنتهى الحزم والتردد فى مواجهتها غير مرغوب فيه.

[بنت شعنونة]

موووووووودي

دميييييييي فار والله

يارتني في البلد دي كنت ولعتلك فييييييييييه

"وش مولع نار"

بص يا ابني

انا معلوماتي مش قوي اوي كدا

بس اعتقد والله اعلم انها صح

في مكاتب محاماة عندك وظيفتها المواضيع اللي زي كدا وبتخلص الحاجات دي بسرعه جدا وبامان جدا ليك

لالالالالالالازم تدور على واحد من دول وتروح ليه تقوله ع اللي حصل

هما اللي ها يتصرفوا مع البييييه المحترم دا

"وش مولع نار تاني"

وغير كدا عاوزا اقولك على معلومة

حتى لو هوا عمل اللي في باله ديتها عطله بسسسس ليك مش اكتر

وصدقني

الكلام دا منه مش اكتر من رععععععععععببببببب منه

وهوا ولا ها يتكلم ولا ها ينيل ولا ها يعمل حاجا

دا بيهوشك عشان انت تسكت

يعني حركة كدا ويا صابت يا خابت

ما تخليش خوفك يعكس الصورة

انت اللي في ايدك القوة مش هوا

ف لو تقدر في اسرررررع وقت تدور على اللي قلتلك عليه دا وتتصرف

كدا تبقى حميت نفسك وبهدتله

ويارييييييييييييت

تبطل طيابة كدااااااااااا واللي يغلط ياخد عقابة

اللي بيسرق بتتقطع ايده

واللي يخون ياخد بال............

والا بلالالالالالالالالالالالالالالالاش

استغفر الله العظيييييم

وطمنا عنك يا ابني اول باول الله يخليك..

[ragab2]

دة

انسان نصاب ومستهتر

ويستاهل حش رقبته

انت لسة بتسأل

وببلاغك عنه سيتضح ماخفى منه

ولا تأخذك شفقة مع النصاب

[freefreer]

يا مودى .. ماتضيعشى وقت .. و تاخذ و تدى فى الكلام مع نفسك .. الأمور الخطيرة يابنى عليك و على المحامى على طول .. و اديك شايف بيهددك انه يقول انه متفق معاك .. لأنك سكت فترة على ذلك ..

هل لديك دليل انه لم يتحصل على سلفة كبيرة باسمك .. و انه يماطلك الآن لحين لهف المبلغ ؟

روح للمحامى .. و اللى يقولك عليه اعمله .. بس

-لو قولنا هنبلغ طب كنت فين الشهرين دول ومبلغتش من ساعة ما عرفت ليه؟؟؟ 

المستدات اللى معايا واللى جبتها منه هى عقد ألأيجار اللى عمل بيه الشقة وجواب البنك اللى بيقول إن عندى كريديت تانى

طالما انك سليم .. لا تخشى شيئ فى هذه الدنيا .. ربنا مع الحق .. تذكر هذا جيدا .. و كل هذه الأمور لها حلول مع المحاميين ..و هذا لن يؤثر على الهجرة .. اطمئن تماما .. و لا تتركة يلعب على خوفك ..

[freefreer]

ذهابك للمحامى يجب ان يكون فى قمة السرية .. و جميع الأجراءات فى قمة السرية .. حتى تفاجئه .. اسمع كلامى ..

و سيبك من حكاية تنزل اجازة .. تغور الأجازة .. لا تترك البلد حتى تحل هذه المشكلة جذريا .. و نهائيا

و اديك شايف .. نية الغدر لسة عندة (تهديده بادعاء الشراكة)

[الطفشان]

مودي

شوف محامي فورا

و قل له على موضوع التهديد دة منه، و على ايه مسئوليتك انك عارف من شهرين

و بعدين بلغ السلطات

لانك كل ما بتتأخر كل الموضوع ما ممكن يكلكع اكثر

دي بالتأكيد Identity theft

و الشهرين مش قصة

ممكن تقول انك كنت بتاخد legal counsel مثلا

الغريب

الفلوس و رجعها

طب ليه يستخدم ال SSN بتاعك؟

ايه الفايدة له؟

مثلا مابيدفعش ضرايب؟

طب ما هي بتتخصم من المنبع اكيد عنده!

[Spider]

أخى مودى

أعرف أن هذه الأصناف جعجاعة على مفيش..

يعنى

دلوقتى بيهددك وفاتح صدره عليك يمكن شافك طيب شوية ودى أصناف بتقول أن الطيب مش ضعيف ،لأ، بتقول عليه عبيط وده حصل معايا ذى مقلتلك.. المهم دلوقتى عامل هو أسد ،،، شوفه بعد ما تبلغ عنه ، حيكون أجبن من أى واحد...

يا أخ مودى

الحق معاك، الحق فى صفك

وأنت قادر أن تدافع عن نفسك بلا خوف أو تردد طالما كان الموضوع يخص مستقبلك وحياتك..

لا تفكر فى أى أجازة الآن قبل أن تنهى هذه المشكلة..

المستقبل هو كل ما يملكه الفرد فلا تضيعه من أجل تهديدات جبانة لا تضر ولا تنفع..

أنا لو عندك كنت جتلك خت يدك وجرينا على أقرب محامى بدون أضاعة ثانية واحدة.. لا تنظر الى الأحداث الدولية وكيفية تأثيرها على مشكلتك..حتى الأوراق المهمة التى تنتظرها ومهما كانت أهميتها لن تكون أهم من مستقبلك..

أتمنى أن تذهب فورا الى محامى وتبلغ عشان تخلى طرفك نهائى

كما قال الأخ طفشان شهرين مش حكاية أما طول ما المدة بتزيد هنا تكون المشكلة.. أنا مش عارف أقولك أيه بس أرجوك أتحرك عشان تخلى طرفك مفيش وقت..

الخوف هنا قد يكون مساويا للجبن لأن الحق فى جانبك..

وأذا لم تكن جبانا فلتتحرك أذا..وبسرعة

[mizo1957]

اخي مودي

لقد اصابتني قصتك بالغثيان،

اتفق مع جميع الاخوه والاخوات لا بد من اجراء

قانوني فوري مع محامي متخصص في مثل هذه القضايا و بدون تاخير.

هناك شخص نصاب يتحرك الان في امريكا و يستعمل اسمك وكل الاحتمالت مفتوحه من حادث

سياره شيله سعادتك الي جريمه نصب او قتل؟

يوم الاثنين اجازه اول حاجه تعملها يوم

الثلاثاء ان شاء الله ان تروح لمحامي او تروح

للبوليس راسا و تحكي لهم علي كل شيئ.

و يبقي السؤال احنا ليه بنعمل في بعض كده؟

[abofasad]

أخي مودي

قرأت موضوعك عدة مرات

واقترح عليك ان تذهب الى السفارة المصرية أو القنصلية ايهما اقرب وتطلب مقابلة شخصية مع القنصل وتشرح له الموضوع، وهو طبعا يعرف تماما ان هذا الموضوع قبل ان يصيبك بأذي فهمو سيصيب ايضا سمعة بلدنا في الخارج.

وتأكد تمام انك ستجد كل المساعدة خاصة اذا كانت القنصلية تتعامل مع محامي معروف لديها. وعلى الأقل عند أي تحقيق مع السلطات تذكر لهم ان قنصليتك على علم حتى يساعدوك

لأني كنت طبعا سأقف بجانبك لو كنت ما زلت في الخدمة

وربنا معاك

[Faro]

أنا متأكد أن هذا النصاب حجز له كرسي وزير فى الحكومة القادمة ... لذا يجب عليك الأخذ بنصيحة الإخوة حتى تضيع عليه فرصة النصب على الشعب إذا حاول العودة إلى مصر.