كندا هي تورونتو وبس؟؟؟؟؟

[Horus]

يا عم صمدي انت تنورنا

بس الفكرة ان عمنا حورس هو من كبار مهندسي المنتدى وبالتالي لا يفتى وحورس في البرتا

بس اللي عندو اي معلومة مش هايتأخر

بس انا عندي معلومات متواضعة وعرفتها للامانة من المنتدي بتاعنا ده

ان الصيادلة المصريين ليهم سمعة حلوة قوي ومعروف انهم شاطرين لدرجة ان فيه نكتة بتقول ان مرة واحد كندي دخل صيدلية ملقاش فيها صيدلي مصري :sad:

وان شاء الله بالتوفيق يا عم صمدي

شوف يا سيدي ..ايلي سمعت من واحد صديق صيدلي إنو إمتحان الصيدلة في ألبرتا أسهل شوية من انتاريو ...

[Horus]

ش بنقول الواحد لازم يقرأ الاول علشان يعرف يحط موضوعه فين علشان يلاقي ناس تجاوبه

صحيح يا دكتور بيسو ان المنتدي مفتوح للجميع بس لازم تنقي المكان المناسب علشان تحط سؤالك فيه علشان تلاقي حد يجاوبك مضبوط.....النظام و لا ايه يا دكتور ؟؟؟

علي العموم فيه موضوع كامل بيقارن ما بين كندا واستراليا هتلاقيه هنا و اعتقد ان ده انسب مكان تسأل فيه عن الفرق بين كندا و استراليا مش "البرتا و تورونتو"

اسف علي الازعاج

فييييييينك يا حورس باشا؟؟؟؟ الاسبوع خلص و محدش شافك؟؟؟

أسف يا رجالا عل تأخير ...

المشكلة كمان اني بكتب عربي على كي نورد انجلش .. و دى حاجة متعبة جداً ..

ما علينا .. إستعانة ع الشقا بالله ...

[Horus]

عندي سؤال مهم تاني للاستاذ حورس

الواحد لما ييجي يدور علي سكن مؤقت علي النت علشان ينزل عليه في كالجري مؤقتا لاول مرة ايه الاماكن الكويسة و اسماء الشوارع اللي بجوارها اللي الواحد ممكن يدور فيها (من خلال مواقع النت و الجوجل ايرث) بحيث تكون قريبة من المصالح الحكومية اللي الواحد هيخلص فيها ورقه و من المواصلات و تكون هادية و بعيد عن المناطق اللبش ياريت تدينا اكتر من خيار و اكثر من منطقة.

ونفس الكلام بردو لما الواحد يجي يدور علي سكن دائم ايه المناطق المناسبة للسكن و هادية بعيد عن المشاكل و قريبة من وسط البلد و الخدمات بحكم خبرتك (ياريت بردو اكتر من خيار) مع ذكر اسماء الشوارع اللي بجوارها حيث انها بتبقي اسهل في البحث من علي الجوجل باسماء الشوارع .

ولو فيه اعتبارات اخري للموضوع ده ياريت تذكرهالنا بردو

السكن فالدون تون كويس للي جي فالأول لوحدو ...

أغلب المصالح الحكومية فالداون تون و كمان معظم الشركات الكبيرة ..

و لو كنت عوز تروح أي مشوار .. فيه باصات أو المترو

واحد يقوللي .. ازاي هامشي فالبلد و درجة الحرارة -٢٠ مثلاً

أقوله .. شوف يا سيدي ...

فيه شبكة من الكبري والممرات ف الداون تون اسمها

+١٥ - plus fifteen ..

كلو مكيف طبعاً .. ملكش دعو الجو برا عامل ازاي ..

و دي ماشية جوا المباني و فيها محلات و مطاعم و كلو .. و من خلالها تقدر تمشي الداون تون كله في كل الاتجاهات ..

الافضل كدة .. عشان تمشي للشغل .. و بكدة مش هتكون محتاج عربية ف الاول

العربية هتكلف جمد .. تأمين و بنزين ..

والكارثة الحققية في كالجري الباركينج

زمان 4 سنين كنت بركن إليوم فالدون تون ب-11دولار

فضل يزيد كل كم شهر ... تعرفو كان اليوم دلوأتي ...

أرخص حاجة تلقيها ب-٢٢ ..

و ساعة بدتر أركن جانب الشغل ب-٣٥ دولار فاليوم والله.

------------------------------------------------------------------

لبش في كالجري ..!!!

أعتقد إن كالجري من أكتر الأماكن أمان إلي عشت فيها في حياتي

أنا سمعت فالأخبار من يومين عن حادثة .. و كان فيه .. درب نار

الخبر كان بيقول إنو الضحية ال -٢٩ في ٢٠٠٨ ..

[Horus]

عم حورس

انا الحمد لله بشتغل اوتوكاد كويس من حوالي 8 سنين

لكن انا نفسي اشتغل بلانر

لو تتكرم يا كبير المهندسين ايه اخبار رواتب الرسام و البلانر اللي معندوش خبرة كندية

ويجعله عامر :sad: wst:: wst::

نصيحتي ليك .. إشتغل في مجالك الاول .. الرسم الهندسي

بعدين .. خد كورسات ف البلانينج و إبدأ ...

أول راتب .. أظن يكون في حدود ال-٢٠ - ٣٠ دولار فالساعة

[hamoudi]

البستامي تهامي الشامي جادوللي h love egypt الخ كلها اسمي مشهور فى المنتدى ووفى اسامي تانيه انا ماكتبتهاش علشان ناسيها لا ماكتبتهاش علشانعلشان مش هانخلص المهم انا زعلان منكم كلك انا الوقتى سالت سوالوماحدش عايز يرد عليا ليه كده؟؟؟عموما السوال تاني احسن 3 مدن فى كندا من حيث الدخل ومن حيث سهولة الشغل ورخص الخدمات والاقامه والسن ايه هما لانى ممكن مايكونش فى داغي ان اكمل دراسة رجاء الرد

[hosiny]

ويلكم بااك يا عم حورس

انت نورتنا بس بلاش الغيبات الطويلة دي....في ناس بتستناك هنا

فيه شويه حجات كنت عايز تفاصيل فيها اكتر

ايه المميزات لو اشتريت بيت بالرهن العقاري بدل قصة التأجير و هل تقدر تبيعه في اي وقت بعد كده حتي لو مسديتش تمنه كامل؟؟

هل في كالجري ممكن تستقبل اي اقمار عربيه و قنوات عربية و لا لازم تشترك مع الشركات اللي بتوفر القنوات دي؟؟

هل فيه خدمات في كالجري احسن منها في تورونتو؟؟؟ او العكس ان تورونتو افضل من كالجري فيها ؟؟ لاني سمعت من الاخ ياسر قبل كده ان مستوي توفر الخدمات عامة في تورونتو اكثر كثافة حولك في اي مكان انت ممكن تسكن فيه

ياريت تدينا اسماء اماكم محددة في الداون تاون الواحد لما ييجي يدور علي سكن يدور فيها (هادية - فيها مدارس - اسعار معقولة - فيها عرب و محلات و مطاعم عربية ......كده يعني)

وبعدين انت قلت للي جاي لوحده..... انا جاي ان شاء الله انا وعائلتي مره واحده...هتفرق مكان السكن؟؟

-بالنسبة للاربع كورسات اللي انت ذكرتهم قبل كده...ياخدوا فلوس و وقت اد ايه لحد ما يخلصوا و الواحد يقدر يشتغل بلانر بعدهم؟؟

-بمناسبة ان النهاردة الجمعه (اجازة عندنا) بتصلوا الجمعه ازاي هناك و لا مفيش؟؟؟

تم تعديل 22 أغسطس 2008 بواسطة hosiny

[AMRBONGA]

السلام عليكم ورحمة الله وبركاته

ما شاء الله عليكم يا شباب

انا اخوكم عمرو صيدلي من قطر

الايام اللي فاتت شدني موضوع الهجرة لكندا واستفدت من المنتدي كتير

بس كان ليا سؤال

هل موضوع البرتا دا برده احسن من تورنتو للصيادلة

او ايه هي احسن مكان لشغل الصيدلة

[Horus]

احسن 3 مدن فى كندا من حيث الدخل ومن حيث سهولة الشغل ورخص الخدمات والاقامه والسن ايه هما لانى ممكن مايكونش فى داغي ان اكمل دراسة رجاء الرد

ولا تزعل يا عم

إذا كنت عوز شغل كويس.. أسهل شوية .. أقولك ألبرتا ..

وإذا كنت بتدور على عيشة أفضل حبتين .. أقولك تورنتو

انما ألبرتا أغلى من تورنتو .. و دي المشكلة ..

إذا لا سمح الله .. و دورت على شغل في تخصصك .. و مالقيتش .. هتكون العشة أصعب شوية ...

[hosiny]

ماشي يا عم حورس تيجي و تمشي من غير ما تسلم و ترد .....

كله بحسابه لما اجيلك ان شاء الله هيبقي عليك عزومة عشان الحركة دي

تم تعديل 22 أغسطس 2008 بواسطة hosiny

[Horus]

ويلكم بااك يا عم حورس

انت نورتنا بس بلاش الغيبات الطويلة دي....في ناس بتستناك هنا

فيه شويه حجات كنت عايز تفاصيل فيها اكتر

ايه المميزات لو اشتريت بيت بالرهن العقاري بدل قصة التأجير و هل تقدر تبيعه في اي وقت بعد كده حتي لو مسديتش تمنه كامل؟؟

شرا بيت شي كويس .. المشكلة ان أي بيت دلوقتي في حدود النص مليون دولار .. و لو مش عوز تدفع مورجج كبير يبقى لزم تحط داون بيمنت محترم ..

مش أقل من150 - ٢٠٠ ألف مثلاً .. ساعتها المورجج بيكون تقريباً قد الايجار .. ١٧٠٠ - ٢٠٠٠ --- غالباً باقي التمن بيكون على ٢٥ سنة ...

طبعاً تقدر تبيع بتك وقت ما تحب .. مش لزم تكون خلصت تمنه ..

هل في كالجري ممكن تستقبل اي اقمار عربيه و قنوات عربية و لا لازم تشترك مع الشركات اللي بتوفر القنوات دي؟؟

كل الكلام د موجود ..

أنا عندي إشتراك .. بشوف مصر و دريم ٢ و ART و كمان الجزيرة و LBC .. اقرا و MBC ..

بيكلف ٥٠ دولار في الشهر ..

هل فيه خدمات في كالجري احسن منها في تورونتو؟؟؟ او العكس ان تورونتو افضل من كالجري فيها ؟؟ لاني سمعت من الاخ ياسر قبل كده ان مستوي توفر الخدمات عامة في تورونتو اكثر كثافة حولك في اي مكان انت ممكن تسكن فيه

أكتر كثافة في تورنتو .. ممكن .. عشان تورنتو أكبر من كالجري ١٠ مرات

انما أكيد مستوى الخدمات واحد ..

ياريت تدينا اسماء اماكم محددة في الداون تاون الواحد لما ييجي يدور علي سكن يدور فيها (هادية - فيها مدارس - اسعار معقولة - فيها عرب و محلات و مطاعم عربية ......كده يعني)

وبعدين انت قلت للي جاي لوحده..... انا جاي ان شاء الله انا وعائلتي مره واحده...هتفرق مكان السكن؟؟

الداون تاون كلها مش كبيرة .. خلي بالك إن دي كالجري مش تورنتو ...

معرفش مكان أو شارع ممكن أرشح ليك .. انما حدور وأسأل .. وارد عليك

طبعاً تفرق لو جيت الاول لوحدك ... دي نصحت أخ ..

هتتكلف كتير أوي لو جيت معاك الاولاد في الاول ..

أنا عملت كدة .. و كانت فعلاً مشكلة كبيرة .. و كمان الاولاد بتتعب

الافضل صدقني .. تعالى إنت الاول كم شهر .. ظبت نفسك .. و بعدين ابعت هاتهم

-بالنسبة للاربع كورسات اللي انت ذكرتهم قبل كده...ياخدوا فلوس و وقت اد ايه لحد ما يخلصوا و الواحد يقدر يشتغل بلانر بعدهم؟؟

كورسات إيه .. أنا لم اذكر أي كورسات ..

-بمناسبة ان النهاردة الجمعه (اجازة عندنا) بتصلوا الجمعه ازاي هناك و لا مفيش؟؟؟

طبعاً

كالجري فيها مساجد و مدرسه إسلامية كمان ..

بالنسبة للي شغال زي في إلدون تاون

.. فيه كنيسه .. بنصلي فيها الجمعة

http://www.muslimsofcalgary.ca/

[hosiny]

كرا يا حورس باشا علي الردود و لو ان ده مش هيعفيك من موضوع العزومة اللي انت كأنك مأخدتش بالك منه

بالنسبة لموضوع الكورسات انا اسف اتلخبطت بس الاخ ياسر كان ذكرهم في مشاركته و هم

Construction Estimating all levels (4 courses)

Construction Planning and Scheduling

Construction Cost Control

Construction Administration

هل انت اخدت الكورسات دي بردو و لا في نظام تاني عندكو؟؟؟

وهل كفاية موضوع الكورسات ولا بيشترطوا خبرة عملية علشان تشتغل و لو حتي مبتدأ في المجال ده؟؟؟

_____________

موضوع الكنيسه ده غريب... فيه فتوي في الموضوع ده؟؟؟

هل الواحد يدخل موضوع المورجاج ده لما يبدأ يستقر كنوع من البيزنس؟؟؟

شكراااااااااااااااااااااااااااااااااا

[Horus]

ماشي يا عم حورس تيجي و تمشي من غير ما تسلم و ترد .....

كله بحسابه لما اجيلك ان شاء الله هيبقي عليك عزومة عشان الحركة دي

شوف يا أخي ظلم الانسان لأخيه الانسان

أنا ماشفتش الكلام د عشان كنت بكتبلك الرد بتاعك في نفس الوقت

يالله .. أنا مسامحك ... :ninja:

بخصوص موضوع العزومة ..

يا سلام ... إنت تنور كالجري يا باشمهندس ..

أخوك بيعمل شوية فول .. انما إيه .. :happy:

الناس هنا بتسألني عليه مخصوص ... و أنا قررت أدوقك منه ...

ابسط يا عم

[Horus]

كرا يا حورس باشا علي الردود و لو ان ده مش هيعفيك من موضوع العزومة اللي انت كأنك مأخدتش بالك منه

بالنسبة لموضوع الكورسات انا اسف اتلخبطت بس الاخ ياسر كان ذكرهم في مشاركته و هم

Construction Estimating all levels (4 courses)

Construction Planning and Scheduling

Construction Cost Control

Construction Administration

هل انت اخدت الكورسات دي بردو و لا في نظام تاني عندكو؟؟؟

وهل كفاية موضوع الكورسات ولا بيشترطوا خبرة عملية علشان تشتغل و لو حتي مبتدأ في المجال ده؟؟؟

شوف يا سيدي

أنا درست بريمافيرا زمان في ال-AUC و أخدت شهاده

Project management certificate - professional

بعدين رحت أمريكا .. درست ماسترز ف -Project management بردو

كمان ال thesis --كانت فال-advanced scheduling techniques

و أخيراً عملت شهادة من AACEI في نفس التخصص .. PSP

أو Planning & scheduling professional certificate

كل دا كان قبل ما اجي كندا

عشان كدة اشتغلت على طول .. الحمدلله

و دايماً نصيحتي للناس كلها ..

خلص برى عشان تجي جاهز

_____________

موضوع الكنيسه ده غريب... فيه فتوي في الموضوع ده؟؟؟

هل الواحد يدخل موضوع المورجاج ده لما يبدأ يستقر كنوع من البيزنس؟؟؟

شكراااااااااااااااااااااااااااااااااا

[samady]

يا عم صمدي انت تنورنا

بس الفكرة ان عمنا حورس هو من كبار مهندسي المنتدى وبالتالي لا يفتى وحورس في البرتا

بس اللي عندو اي معلومة مش هايتأخر

بس انا عندي معلومات متواضعة وعرفتها للامانة من المنتدي بتاعنا ده

ان الصيادلة المصريين ليهم سمعة حلوة قوي ومعروف انهم شاطرين لدرجة ان فيه نكتة بتقول ان مرة واحد كندي دخل صيدلية ملقاش فيها صيدلي مصري :ninja:

وان شاء الله بالتوفيق يا عم صمدي

شوف يا سيدي ..ايلي سمعت من واحد صديق صيدلي إنو إمتحان الصيدلة في ألبرتا أسهل شوية من انتاريو ...

متشكرين ياباشا على المعلومة دي وربنا يجعله عامر إن شاء الله

بس هو أنا لو امتحنت في كالجاري وبعدين حبيت انقل مكان تاني (وليكن برة البرتا كلها) بمتحن مرة تانية في المكان الجديد ولا إيه النظام؟؟

[AL MUHAGER]

عم حورس

انا الحمد لله بشتغل اوتوكاد كويس من حوالي 8 سنين

لكن انا نفسي اشتغل بلانر

لو تتكرم يا كبير المهندسين ايه اخبار رواتب الرسام و البلانر اللي معندوش خبرة كندية

ويجعله عامر :wub: :P

نصيحتي ليك .. إشتغل في مجالك الاول .. الرسم الهندسي

بعدين .. خد كورسات ف البلانينج و إبدأ ...

أول راتب .. أظن يكون في حدود ال-٢٠ - ٣٠ دولار فالساعة

شكرا يا عم حورس كبير المهندسين المصريين في بر كندا كله

طيب ممكن اتقل عليك واسألك ايه الكورسات اللس ممكن ابتدي بيها في البلانينج

ويجعله عامر يا كبيرنا

[Horus]

يا عم صمدي انت تنورنا

بس الفكرة ان عمنا حورس هو من كبار مهندسي المنتدى وبالتالي لا يفتى وحورس في البرتا

بس اللي عندو اي معلومة مش هايتأخر

بس انا عندي معلومات متواضعة وعرفتها للامانة من المنتدي بتاعنا ده

ان الصيادلة المصريين ليهم سمعة حلوة قوي ومعروف انهم شاطرين لدرجة ان فيه نكتة بتقول ان مرة واحد كندي دخل صيدلية ملقاش فيها صيدلي مصري

وان شاء الله بالتوفيق يا عم صمدي

شوف يا سيدي ..ايلي سمعت من واحد صديق صيدلي إنو إمتحان الصيدلة في ألبرتا أسهل شوية من انتاريو ...

متشكرين ياباشا على المعلومة دي وربنا يجعله عامر إن شاء الله :aslam:

بس هو أنا لو امتحنت في كالجاري وبعدين حبيت انقل مكان تاني (وليكن برة البرتا كلها) بمتحن مرة تانية في المكان الجديد ولا إيه النظام؟؟

الصيدلي فى كندا اللى معاه رخصه بيكون قادر على ممارسة المهنه فى المقاطعه اللى حصل منها على الرخصه فقط يعنى مافيش رخصه خاصه بكندا ,انما فى رخصه خاصه ب ألبرتا , أونتاريو و ... كل مقاطعه لها لوايحها الخاصه .

تم تعديل 24 أغسطس 2008 بواسطة Horus

[Bustami]

سلام

طيب ايه الدورات او الكورسات الي ممكن الواحد ياخدها قبل ما يروح كندا علشان تفيده يلاقي شغل بسرعة , حتى لو بعيدة عن تخصصه , يعني المهم تكون مطلوبة في كندا

اسمع عن التمريض , برمجة , فوتوشوب , بروجيكت مانيجمينت ,

[ابن الصعيد]

الاخوة الاعزاء

هذا التوبك اكثر من رائع لانة بيضع بدائل ولكن كان لي كام سؤال

ماذا عن مقاطعة مانيتوبا او نوفاسكوشيا انا اقرا من النت انهم اقل كلفة في المعيشة من انتاريوا والبرتا ولكن برد اكتر ولكن اعتقد هم اسهل في المعادلات .

طيب سؤال تاني للجميع الواحد يروح مكان في كندا يعيش فية كويس ومليان عرب ذي تورونتوا ولا مكان محدوف يمارس فية وظيفتة الاصلية(طبيب او مهندس) بمعني اخر اشتغل طبيب مثلا بمدينة منعزلة بسيشكوان ولا باراميدك في تورونتوا .

طيب انا سمعت عن موضوع انك تشتغل مساعد باحث او بالابحاث هل الشغلانة دي محتاجة لدراسة ولا ببكالوريوس الطب ممكن نشتغلها اسف طولت عليكم

[hosiny]

السلام عليكم

حبيت ارفع ترتيب الموضوع لان كان فيه ناس بتستفسر عن البيرتا في موضوعات اخري

وكل عام وانتم بخير

[mohamed omar]

البستامي تهامي الشامي جادوللي h love egypt الخ كلها اسمي مشهور فى المنتدى ووفى اسامي تانيه انا ماكتبتهاش علشان ناسيها لا ماكتبتهاش علشانعلشان مش هانخلص المهم انا زعلان منكم كلك انا الوقتى سالت سوالوماحدش عايز يرد عليا ليه كده؟؟؟عموما السوال تاني احسن 3 مدن فى كندا من حيث الدخل ومن حيث سهولة الشغل ورخص الخدمات والاقامه والسن ايه هما لانى ممكن مايكونش فى داغي ان اكمل دراسة رجاء الرد

اوك احسن ثلاثة مدن في كندا من ناحية الدخل ادمنتون كالجاري..بس الحياة نار...اونتاريوا ...فانكوفر...