اذهب الي المحتوي
الباشمهندس ياسر

عايز اتجوز....... عايزه عريس

Recommended Posts

لما تيجى فرصه هاحكلكوا الحكايه بالتفصيل .

انا مستنيه التفاصيل 0000متهيالى زوجه حضرتك مش مصريه ؟؟؟فلسطينيه تقريبا ؟؟ ولا انا هنجت :lol:

شوفى حضرتك انا مراتى على رأى الست نانسى (مصريه بنت مصري) .

تفاصيل جوازى فيها حاجات كتير قوى . بس هاقولكوا ازاى معملناش فرح .

اولا انا وهيا ماكناش مقتنعين بموضوع الفرح لكذا سبب . احنا ملناش في الأفراح الأسلاميه . وفى نفس الوقت لو هوا فرح

عادى . صعب علينا ان احنا نقعد نرقص قدام الناس دى كلها وهم يتفرجوا عليا وعليها بالذات موضوع مكنتش مستسيغه وهيا برده

مكانتش حباه . انا بس عشان محدش يضايق منى انا مش بنتقد الأفراح العاديه انا بتكلم عن شخصيتى انا ومراتى .

ولو قعدنا في الفرح من غير رقص . الناس طبعا هيقولوا اكيد متخناقين دا مجوزينهم بالعافيه وايه النكد ده ويجى واحد رخم وعايزك ترقص بالعافيه

المهم استقرينا ان احنا مانعملش فرح بس كانت المشكله نقنع اهالينا ازاى . اتبعنا سياسه غريبه اوى .

هيا في البيت عندهم ضاربه الوش الخشب . ويسألوها خير يابنتى . تقولوهم البيه خطيبى بتكلم معاه في الفرح يقولى احنا في فرحنا

مش هنرقص . قولتوا ازاى يعنى .قالى كده انا مش بحبك انك تقعدى تتنططى قدام الناس دى كلها . طبعا باباها انشكح وقالها يابنتى

دا واضح انه بيحبك وبيغير عليك وكلامه مش عيب . قالته يعنى ايه يابا اقعد في الفرح مرقصش كده قدام الناس هيا مش الناس برده جايا

تتفرج عليا وانا برقص انا لو هاقعد في الكوشه بس دا انا معملش فرح احسن . طبعا باباها سمع الكلمتين دول وقالها اما انك بنت قليلة.... بصى بقى ياتقعدى

في الفرح زى اللى انت لابسها ياخليه ميعملش فرح . طبعا هيا ماصدقت وقالت كده بتريقه لأ ميعملش فرح أحسن . طبعا باباها شاط قالها

طيب هتشوفى .

في الطرف الأخر

انا برده في بيتنا نفس الوش الخشب . برده نفس الكلام خير يابنى مالك؟ قلتلهم الهانم عايزه تمشى كلامها عليا في الفرح . والدى

اتخض كده وسألنى ازاى يعنى عايزه تعملوا فين ؟ قولتلوا المشكله مش في كده . المشكله انها بتقول انها في فرحنا مش هتقوم من على

الكرسى ولا في رقص ولا تنطيط ولا أى حاجه أخرتنا نقعد في الكوشه عشان مابتحبش ترقص قدام حد . طبعا والدى قالى طب في حد

يضايق من الكلام ده .قولتلوا يعنى ايه ماترقصشى في الفرح امال الناس هتتفرج على مين ياترقص يامفيش فرح .

هوا سمع الكلمه دى وكان بيدور على حاجه يحدفنى بيها مع شوية شتايم من نوعية عديم الرجوله وكده يعنى . وبيقول اللى زى البنت دى خساره في واحد زيك .

عرفنا بعد كده ان والدى ووالدها اتقابلوا وعايزين يفاتحوا بعض في موضوع ازاى يلغوا الفرح على اساس انه ممكن يكون مشكله بنا وكل واحد فيهم شايف

ان مش المفروض يفرط فى ناس ولادهم بالأخلاق دى . بس كل واحد مكسوف من التانى عشان كل واحد شايف ابنه اللى غلطان .

المهم بعد لف ودوران فاتحوا بعض وكأن كل واحد كان مستنى واتفقوا .

بعد كده لما موضوع الغاء الفرح اتعرف في اقارب العائلتين ومن غير اسباب واضحه . هوا في حد برده يفضح نفسه :lol: . والضغط ابتدى من

الجانبين عشان الفرح . الغريبه ان الضغط كان من بنات اقارب العائلتين كأن الفرح ده فرحهم مش فرحنا .

بس على مين ولا كانت فرقه معانا . ماهو خلاص الرجاله اتفقت يبقى الموضوع خلص .

على فكره والدى ووالدها لما بيكونوا مع بعض ويفتكروا الموضوع ده بيبقوا عايزين ..... ولا بلاش .

انتوا عارفين -فى رأى - اهم حاجه ايه فى الجواز ان الرجاله هيا اللى تتفق مع احترامى الكامل (للسيدات) .الراجل بيتربط من لسانه.

مره تانيه هحكيلكوا على موضوع الشبكه

تحياتى

شارك هذه المشاركه


رابط المشاركه
شارك

السلام عليكم و رحمة الله و بركاته

شباب و صبايا الحتة دي

مش عارفة هتصدقوني لو قولتلكم اني امبارح كان عندي شحنة اوكتشئاااااااااب عالية جدا.... حاجة كده كانت كفيلة بقطع الميه و النور و المعونة الامريكية عن العالم العربي كولاااااااته

بس اما مبستحملش اعيش في الليلة دي كتير.... نطيت ع المنتدي (هو طبعا مش عمل بطولي و لا ملحمي) و جبت الحوتة اللي احنا قاعدين فيها دي م الاول

بجد.... كل اللي بيعدي من هنا..... كل اللي بيسيب بصمة..... كل اللي بيسيب سؤاله و لا حيرته...... كل اللي بيهرش في دماغه و يفكر لينا في افكار مفتكسة (ايون.....انتي عارفة نفسك ياللي باصة من خرم الباب.... انتي يا ست قلب ابيض.... صباحو عثل.... بس اوسكتي مش شيلنا الباب و حطينا ستاير و انتي و لا دريانة.... :lol: )

كل اللي بيشاركنا بعض منه.....ال بعض ده بيخليني بجد اتمسك بحاجة جوايا رافضة تموت.... و رافضة تسيب نفسها للموجة

عارفين علي اد ما باب "عايزة عريس.....عايز اتجوز"....فيه فريقين فريق لسه تايه و حيران و جواه شوية امل... فيه فريق بياخد بايده و يقوله كل اللي بتحلم بيه... حقك و ممكن يحصل

انا رايي ان احنا بقي نغير العنوان و نخليه...."والله هنتجوز مثلا" و لا "والله بكرة تروق و تحلي"..... حبة تفاؤل يا خلق هوووووه

أستاذي و ملهمي president

أنا مش عايشة قصة حضرتك.... انا بتنفسها لأنها بتكسر كل محاولة يأس جوايا اني ابطل احلم

ربنا يبارك لحضرتك و يقر عينك بزوجتك في الدنيا و الآخرة

انا عارفة ان حضرتك مش بخيل.... كمل لنا بقية المواقف.....بجد حلوة اوي

عارف احلي ما فيها ايه

ان حضرتك و زوجتك فعلا كنتوا جبهة واحدة.....يعني دماغ واحدة... يعني تصرف واحد... هي في ضهرك و انت في كتفها.....

لا انا مش قادرة استحمل... انا هسورق خلااااااااااااص

بس انزل بقي بالتفاصيل

انا مستنية و كلي أمل

صباحكم دعااااااااء بجد يا رب يديكم أمل في كل دقة عقرب ساعة...... فرجه قريب

معنديش غير زمزمية امل

شارك هذه المشاركه


رابط المشاركه
شارك

اصبح الاتقان خارج حساباتنا فالكل يبحث عن الربح السريع والسلطة يعني في الاخر برضه المال وعندما يتحقق له ذلك فانه ينسى الاصل الذي جاء منه ويبدأ يقولك مستوايا ومستواك طبعا ليس الجميع وانما هناك من يفكرونبهذه الطريقة

والمثالية او التواضع في مجتمعنا اصبحت عيب وليست ميزة فعندما تدخل احد البيوت ولا تسرف في الحديث عن امكاناتك مثلا بيعتبروك عريس غلبان وهذا حصل واتقالي اكتر من مرة لازم تبهر من امامك وبالذات لو البنت كويسة ومتمسك بيها فلازم تقعد تحكي وتطلع بنفسك القلعة زي مابيقولوا المعيار بقى مدي

عموما لن اتحدث عن نفسي فانا دائما افهم خطأ ولكن المجتمع يعييش صراعا داخليا فكل منا يعرف الصواب والخطأ او على الاقل معظمنا لكنه لا يلتزم ولذلك البحث عن المظهر وليس الجوهر

وللتقريب لو تقدم لمعظم البنات شخص مثلا في ثراء احمد عز بتاع الحديد مثلا مش الممثل في فكركم كام عيلة او بنت هترفض او تفكر في الرفض حتى بس عايز رد موضوعي مش عاطفي

طالما حضرتك طلبت رد موضوعى . هاقولك رأى . نبعد خالص عن الزواج الناشئ عن قصه حب . احنا بتكلم في جواز الصالونات مظبوط .

جواز الصالونات ياسيدى دا بالظبط عامل زى المناقصات . هيئه او مكان ما عايزه تعمل مشروع بتتقدم اكتر من شركه وكل شركه بتقدم

العرض المالى والعرض الفنى وسابقة الأعمال ويمكن في حاجات تانيه .

طب لو شركه كان العرض المالى بتاعها أحسن العروض وبقيت الحاجات التانيه مفيش ياترى عرض الشركه هيتقبل ؟ اكيد لا .

يبقى اساس قبول العرض انه يكون في توازن بين كل المتطلبات ومينفعش حاجه تطغى على الأخرى . تمام كده .

خد ياسيدى المثل اللى فات وقيسه على الزواج . او افترضنا ان فيه بنت كويسه واكتر من واحدعايز يتقدملها طب ياترى هيا هتختار على اساس ايه ؟

ابدا كل عريس بيبقى عباره عن (package )كامله فيها (السمعه الشخصيه من اخلاق ودين – الحاله الماديه – الناحيه الشكليه – و حاجات

تانيه وظيفته وعمره و هوا مطلق ولا ارمل ولا عيلته نظامها ايه كده يعنى) .

تفتكر انت لو واحد عنده في العرض بتاعه كل حاجه عاليه بس الأخلاق صفر . تفتكر حد ممكن يرضى بيه . لو حد رضى بيه يبقى دا الوضع

الشاذ مش الطبيعى . بس احنا بنتكلم في الطبيعى . يعنى في الطبيعى الناحيه الماديه مش هيا المعيار بس . متفقين ؟

طيب انت المفروض كعريس بتحاول تطلع العرض بتاعك في ازهى صوره بلا مبالغات . وماتفترضش فى اللى قدامك انه بيبص على

المظاهر بس لأنه ميعرفش انت جواك ايه. هوا ليه اللى قدامه . يعنى افترضنا انك عندك شقه بس قلت للعروسه معنديش كانوع من الأختبار

مفترض ليه انها هتتنازل عن شقه عشانك الا اذا كان حاجات تانيه في العرض بتاعك ممكن تعملك دعم . بس لو في عروض تانيه احسن منك اكيد

هترفض عرضك .

انا مكنتش عايز اجيب مثل مادى . لأن اللى مسيطر على تفكيرك ان الجواز بيتم وبيفشل لأسباب ماديه بحته ؟ .

جواز الصالونات ياسيدى –في رأى - هوا صفقه بس مش صفقه ماديه فقط - وحط تحت فقط خطوط زى مانت عايز- هوا صفقه

بتشمل حاجات كتير وبتنجح لما بيوافق عليها الطرفين. وخلى بالك لما الطرفين بيحبوا يمشوا الصفقه ساعات بيغيروا في الشروط .

(دورت على كلمه تانيه غير صفقه –حاسس انها تجاريه شويه – بس ملقتش حاجه تحمل نفس المعنى ) .

عز بقى او غير عز اتقدم لحد بيطبق عليه نفس الكلام ده . في نقطه بس احنا اختلافنا مع عز اختلاف سياسى انا ماسمعش عنه انه اخلاقه وحشه مثلا.

حاجه اخيره

انت لما بتقدم في شغلانه جديده بتعمل ايه ؟ مش بتسوق نفسك عشان تاخد احسن عرض ؟ مش الناس بتاخد كورسات في كتابة السيره الذاتيه ؟

برده جواز الصالونات كده سوق نفسك . بس خلى بالك في الشغل اللى بيسوق نفسه كدب بيبان وبينكشف وبينطرد تانى يوم .

في الجواز بقى الله اعلم .

ربنا يوفقك

ياااااااااااااااااااااااااه كلمة صفقة دي جامدة اوي

في العصور الوسطي كان الرجال يشترون النساء من سوق الرقيق

اليوم الحل لم يتغير فالعريس يعقد صفقة للحصول على عروسة مناسبة

بجد حاجة تحزن

بس هو فعلا صفقة و دي الحقيقة المرة، العريس كمان بيفاصل و هو وشطرته

في حاجات انا نفسي مش موافقة عليها ولكنها اصبحت عادات و تقاليد مجتمعنا و ليست من الإسلام في شئ

ليه مجتمعنا بيصمم على العادات دي ؟

الشبكة مثلا: اول الكلام يقولوا : دي هدية العريس للعروسة و انت و مقدرتك يا ابني .

و بعدين لما العريس يقول هجيب شبكة مثلا ب كذااااا

تلاقي الكلام يتغير و ان الشبكة دي مش من قيمة بنتنا

طيب لو البنت مش بتحب الذهب اصلا، ولا الالماظ

برضه الاهل يقولوا لازم شبكة ، اشمعنى انتي؟ هو انتي اقل من البنات في ايه؟

و بعدين الاهل يقولوا : لو العريس تعثر ممكن نبيع الشبكة و نديله ثمنها علشان يكمل فرش الشقة

طيب كان ليه التعنت من الاول و الاصرار ان الشبكة تكون بمبلغ معين طالما هي في الاخر هتتباع؟ و ليه الشبكة اصلا؟؟؟؟ و ليه تبوظ الجوازة علشان الشبكة مش اد كدة؟

الرسول صلى الله غليه و سلم قال: تزوجوا و لو بخاتم من حديد

(هو الحديث دا ليه مش بنطبقه؟؟؟)

و حديث تاني: اقلهم مهرا اكثرهم بركة

السيدة فاطمة ابنة سيدنا محمد صلى الله عليه وسلم ايه كان مهرها؟ و ايه كانت عيشتها؟

يا جماعة احنا بنتقتضي بيهم في مظهرهم بس ،هو احنا بنختار من دينا الي على مزجنا؟

موضوع القايمة دا كمان يغيظ، يعني اتنين لسة هيجوزوا ليه نفكر في الطلاق كدة من اولها؟

و ليه الولد لو حصل طلاق (بعد الشر) يخرج كما ولدته مه من هذه الزيجة و يبدأ من الصفر ، حراااام

و البنت هتأخد العفش تعمل بيه ايه؟ هتحطه في فيترينا مثلا؟

العقل يقول لو الزواج فشل (بعد الشر) كل واحد يكون عنده المقومات الي تخليه يبدأ من جديد ، سواء البنت او الولد

لو انسان بحبه اهدي لي عقد من الياسمين هكون اسعد انسانة في الوجود

الانسان ليس بالشبكة و لا بالمهر

الانسان بقلبه

و انا ابحث عن قلب من ذهب

طبعا الكلام دا لو وقفت قدام بابا و مش عارفة ايه هيكون رد فعله !!!! :lol:

الي واثقة منه ان ماما هتقعد تندب حظها و تقول: انتي يا بنتي هبلة!!!!! :lol: :lol:

ايه رأيكم هو انا بجد هبلة؟

مقدرش اقولك الا برافو

الحمد لله ان لسه فى ناس عندها شجاعه تفكر بالاسلوب التقدمى ده

امثالك هم الامل الباقى فى انقاذ هذه المجتمعات المريضه

شارك هذه المشاركه


رابط المشاركه
شارك

حذفت للتكرار

تم تعديل بواسطة الباشمهندس ياسر

شارك هذه المشاركه


رابط المشاركه
شارك
ربنا معاك ومعانا ويفرجها عليك وعلينا قادر يا كريم

اااااااااااااااااااااااامين

مره تانيه هحكيلكوا على موضوع الشبكه

تحياتى

ربنا يتم عليك نعمته :lol:

بس بكل اسف ف اوقات الرجالة بيرجعوا ف كلامهم

و انا شخصيا اتعرضت لموقف زي كده

شارك هذه المشاركه


رابط المشاركه
شارك
السلام عليكم و رحمة الله و بركاته

برينسس...... شكلنا هنبقي اصحاب علي فكرة.... تعالي اركبي ورايا ع العجلة

بصي يا برنسيس....أنا مؤيداكي مية في المية في موضوعات شكلية كتير بقت بتكتف الجواز و بتبعده كتير عن مضمونه

انتي جيتي ع الجرح.... ف موضوع القايمة ده مثلا...

أنا ناقشت اهلي في الموضوع ده فعلا...... و ع الرغم انهم حاولوا يربوني بشكل مختلف.... بس جم في حتت الجواز دي و لقيت كل نظريات التمرد تحطمت

و هو في الحقيقة مش تمرد (دي وجهة نظرهم هم).... يعني انا لو زوجي لا قدر الله زعلني.... و لا راح اتجوز عليا.... أجيب انا بقي القايمة و انام عليها

انا بستغرب كمان لما بشوف الناس بتعمل قعدة القايمة دي قعدة عسكرية... يعني ناس تجيب م الفريق الاول.... و ناس تجيب المدءدءين للفريق التاني.... هو فيه ايه؟؟؟

و تلاقي الحوار.....المعالق أم فراشة من فوة اتكتبت 12 حتة و لا ستة.....(طبعا انا كنت واقفة بره الباب و رامية ودن.....)

خدي عندك دي بقي...... مرة من ذات المرات.... فعلا فكرت اعمل فرحي بسيط جدا.....أنا و هو و مجموعة م الاهل... (مش فاهمة ايه حكمة اني اعزم ناس معرفهاش فرحي... و يفضلوا يجوا يبوسوا فيا و يزقوني هم و عيالهم م ع الكوشة)

فكرت اعمله ع البحر... خيمة صغيرة....و في الصبح....(هو ليه لازم يبقي الفرح بالليل يعني.....) طب ما نبتدي حياتنا بنسمة الصبح الجميلة

و قوقولت نوفر فلوس الفرح و نعمل مثلا عمرة....

طبعا يا بنتي انا قولت الاقتراحات دي.....بونية أيه..... فردة شبشب ايه.....انا لقيت عيلتي بتقولي احنا بنديلك الحرية في كل حاجة بس في الجواز....ده بتاعنا احنا؟؟؟

هو يعني ايه بتاعنا احنا؟؟؟

عشان يعني فيه شق بتحكمه الاعراف.... و التقاليد.... طب ما هي الافكار اللي بقولها هتبسطني انا.... و يا رب هو كمان.... الاعراف بقي ايه اللي يزعلها؟؟؟

بصي انا حاسة اني مقتنعة بأفكاري دي....و ان شاء الله بدعي ربنا كتير يرزقني حد يستوعب الافكار دي كمان.... يبقي ع نفس الموجة...

أما اهالينا متهيالي لو اقنعناهم ان احنا هنبقي مبسوطين.... هيتغيروا.... و لا ايه؟؟؟

انزلي بقي م ع العجلة..... انا نفسي اتقطعت....

فوتكم بعافية

يا لماضة انا لي الشرف انك تكوني صاحبتي

كلامك جميل جدااااا، انتي بتعبري عن نفس افكاري على فكرة

بالنسبة لوضوع القايمة دا ، والدي بيصمم يكلم فيه من اول مرة ، اسالوني لييييييييه؟

علشان من وجهة نظره ان في جوازات كتيرة بتتفركش علشان موضوع القايمة دا ، فأحسن حل من اول قاعدة يقول للعريس على القايمة دي ، علشان لو موافقش و الموضوع اتفشكل انا قلبي ميكسرش و هكون لسة ملحقتش ارتبط عاطفيا بالخطيب دا.

اول عريس جاء لي كان عن طريق صديقة لي....كنت لسة مخلصة كلية ....و كنت بعمل دراسات عليا في الترجمة...المهم رحت شفت العريس و كان كويس...اتكلمنا مع بعض في حاجات عامة...اول حاجة كان له تعليق عليها ليه بعمل الدراسات العليا دي و انها ملهاش لازمة و احنا مش هينفع نستنى لحد لما تخلصي (كان فاضل لي سنة بس) و اني مش هعرف اوفق بين البيت و الدراسة..وطبعا مش عاوزني اشتغل

يعني كان واحد بيحطم في مجاديفي

انا كنت لسة صغيرة وافقت

اول مقاببلة مع والدي انتهت بسلام، و الموضوع بدأ يمشي

جه بابا كلمني كدة على جنب وقالي : هنعمل ايه يا برنسيس في الخطوبة انا اتفقت مع العريس انها علينا

انا: و ماله يا بابا هنعملها حاجة صغيرة كدة في البيت، انا و انت و ماما و اخويا و جدتي و عائلة العريس بس

بابا: طب و عماتك و خالاتك يا بنتي؟ انتي مش عاووزة تعزميهم ، دا انا كبير العيلة و لازم يجوا

انا: يا بابا بيتنا مش هيقضي (عاوزة بس اديكم فكرة عن العيلة : انا عندي 4 عمات و عدد اولاد عماتي 9 دا غير عيالهم و ازواجهم، عندي خالتين و خالين و ولادهم 10 ) دا غير عيلة العريس

طيب كل دول يروحوا فييييييييين يا بابا؟

كان فكرته اننا نأجر كراسي و نشيل عفش البيت ....انا كنت رافضة جداااا وكنت عاوزة اعمل الخطوبة في مكان برة بس اقل مكان و بالعدد دا هيكلف 5000 جنيه او اكتر، طيب مش انا اولي بالمبلغ دا اشتري بيه حاجة لجهازي؟

الحمدلله الموضوع مكملش و اتفركش بسبب القايمة

انا عارفة انا بابا عاوزني احسن واحدة في الدنيا، بس هو مش عنده خبرة في موضوع الجواز دا لاني بنت وحيدة، و بحس انا الموضوع دا بيحتاج خبرة....نفسي اقوله يا بابا حاول تغير افكارك....يا بابا اني عمري ما هقبل اخد حاجة مش بتعتي...يا بابا الجواز شركة في كل شئ و لو الشركة فشلت يبقي لازم الجانبين يخسروا ، مش طرف يطلع كسبان و التاني خسران....يا بابا سيبني اعمل فرحي زي ما انا عاوزة...

شارك هذه المشاركه


رابط المشاركه
شارك
أنا مش عايشة قصة حضرتك.... انا بتنفسها لأنها بتكسر كل محاولة يأس جوايا اني ابطل احلم

ربنا يبارك لحضرتك و يقر عينك بزوجتك في الدنيا و الآخرة

عارف احلي ما فيها ايه

ان حضرتك و زوجتك فعلا كنتوا جبهة واحدة.....يعني دماغ واحدة... يعني تصرف واحد... هي في ضهرك و انت في كتفها.....

وقفت عاجز امام كلماتك الرقيقه . مش هاعرف اقول غير

يارب يتحققلك كل اللى تتمنيه وكل اللى بتحلمى بيه :lol:

وهحكيلك حكاية الشبكه .

بالنسبه للشبكه عشان ابقى صريح معاكم .دى كانت فكرة مراتى من اساسها

قاعدين في يوم مع بعض لقيتها بتقولى انت هتجيبلى شبكه بكام . قلتلها يابنتى احنا مش اتفقنا خلاص . قالتى اه

قولتلها طيب هاتى من الأخر . قالتى انا مش عايزه شبكه قلتها كويس والله وفرت . قالتى واضح انك فهمت غلط .

انا عايز فلوس الشبكه هادفعها مقدم عربيه والأقساط كل منخنصر في حاجه نحوشها للأقساط .

انا في الأول كنت فاكرها بتهزر بس بعد كده

لقيتها بتتكلم جد . وبينى وبينكم الفكره عجبتنى .. وبعد ماتناقشنا واقتنعنا تماما بالفكره .

قلتها شوفى بالنسبالى الموضوع سهل لأنها فلوسك اساسا . انت المشكله هتبقى عندك .

قالتى طب نحاول ومش هنخسر حاجه . وبرده اتفقنى على السياسه بتاعتنا .

بالنسبالى انا . الموضوع برده كان بسيط . طبعا قدامهم مضايق وبشتم فيها واقول ايه البنت المتخلفه دى

اللى مش عايزه تجيب شبكه . طبعا الكل استغرب . وسألونى يعنى ايه مش عايزه تجيب شبكه . لأ طبعا لازم تجيب .

قولتهم بتقول انها عايزه توفر فلوس الشبكه وتخليها معانا لأى طوارئ بعد الجواز وهي مبسوطه بالحاجات اللى عندها .

ولا جبت سيرة عربيه ولا نيله . طبعا في البيت عندى مابقوش مصدقين ان في حد كده لدرجة والدتى كل شويه تقولى البنت دى خساره فيك .

عندها هي كان الأصعب . قعدت مع بابها ومامتها وقالتلهم هي الشبكه دى مش هديتى قالولها ايوه قالتلهم طب انا عايزه بالفلوس حاجه تانيه

سألوها عايزه ايه. قالتلهم عايزه ادفعها مقدم عربيه . للأمانه زى معرفت ان بابها ماكنش عنده اعتراض المشكله كانت في مامتها ونفس مشكلة الناس

هتقول ايه؟

قالتلها ياماما انا عندى حاجاتى مع شوية اكسسوار ومحدش بيسأل . طب واهل خطيبك هيقولوا علينا ايه قالتلهم انا عرضت عليه

الموضوع وموافقش خالص وقالى ازاى ميكونش عندك شبكه . قلتله بس انا نفسى في عربيه . قالى مش مشكله تجيبى شبكه وبعد الجواز

نتصرف ونجيبلك عربيه . كله الا شكلك قدام قرابيك . باباها سمع الكلام ده وقالها يابنتى اللى تتفقوا عليه اعملوه انا مش قلقان عليكى وانت

معاكى واحد زى خطيبك – دا احنا كنا بنشتغلهم اشتغالات والله كانوا بيصعبوا عليا :rolleyes: - . قالتلهم يعنى لو اقنعتوا بالعربيه هتبقى في مشكله .

قالها انتوا احرار مع بعض .

واتجوزنا وبعد جوازنا ب 3 شهور وكانت خلاص استقرت على العربيه اللى عايزها . عرفنا اننا هنسافر واجلت موضوع العربيه لغاية مانستقر تانى في مصر .

عايز اقولكم ان احنا استخدمنا سياسة ان كل واحد يحبب اهله فى التانى كتير وفي حاجات كتير والحمد لله نتائجها مبهره.

لدرجة ان والدينا كانوا بينكسفوا من بعض انهم يتكلموا في حاجه على اساس ان كل واحد فاكر التانى ملاك وميصحش يتكلم معاه .

ونتيجه للموضوع ده لما والدى قبل كتب الكتاب كلمهم عشان القايمه . باباها كان مضايق قوى ان احنا فاكرنهم انهم بيفكروا في حاجه

زى دى . وفعلا كتبنا الكتاب من غير قايمه .

والدى عرف بالصدفه بعدها بسنه ان احنا مكتبناش قايمه كان فاكر انى كتبتها واديتها لمراتى. لما عرف قعد يكتب حاجات كتيره وغريبه

ومضانى عليها واداها لمراتى .وكل لما أسالها علي القايمه عشان اشوف فيها ايه . مراتى تقول واضح ان عمو –اللى هوا والدى- كان قرفان

منك وعايز يخرب بيتك :lol: .

ربنا يوفقكوا كلكوا يارب .

شارك هذه المشاركه


رابط المشاركه
شارك
بس بكل اسف ف اوقات الرجالة بيرجعوا ف كلامهم

و انا شخصيا اتعرضت لموقف زي كده

معلش مش فى كل الحالات . مره تخيب وعشره تصيب ان شاء الله .

ربنا يوفقك بالزوجه الصالحه ان شاء الله

تحياتى

شارك هذه المشاركه


رابط المشاركه
شارك

السلام عليكم ورحمة الله وبركاته

أنا فعلاً لما أقرا آراء الشباب بيصعبوا عليا

والبنات صعبانين عليا من الأول اصلاً

مواضيع الشبكة والقايمة دول بيبهدلوا الدنيا ....... الحمد لله عمري ماوصلت لحد الاتفاقات دي ....... بس بجد أعرف واحدة صاحبتي يوم فرحها الموضوع كله اتفركش وهي لابسة الفستان الأبيض وروحت بيتها منهارة .... دة والله حصل فعلاً بسبب القايمة .... في وقت من الأوقات تقريباً كان بداية الالفية التانية يعني من حولي 7 ,8 سنين الموضوع دة حصل كانوا بيكتبوا الكتاب وبعدين المفروض حيروحوا الفرح وتروح بيتها ..... وماكانوش اتفقوا علي القايمة وتقريباً كدة والله أعلم ابو العروسة كان كاتب حاجات كتير فالعريس اعترض وقال لا والموضوع باظ علي كدة والبنت ياعيني اتدمرت ,,,,,,,,,,,,,,, بس بعد كدة الحمد لله اتجوزت وباباها مااتكلمش في موضوع القايمة تاني ......... طب ماكان م الاول

اما موضوع الشبكة ......... تعرفوا ان كل اهل اصحابي بيبصوا لقرايبهم في موضوع الشبكة دة .... ويقعد الاب من دول يفاصل مع العريس ويقوله أصل بنت خالتها جابت بكام وبنت عمتها وبنت الجيران ............ طيب ياسيدي الفاضل انت مالك ومال الناس كل واحد له ظروفة وبعدين تمن الشبكة دة مش تقييم للبنت لالالا... الموضوع مش درجة اخر السنة وكل واحد عايز بنته تطلع م الأوائل ......... وانا اعرف ناس كتير بيجيبوا شبكة بسيطة جداً تكاد تقتصر علي الدبلة بس وبيكونوا سعداء ............ انا عن نفسي في وقت كنت حكتفي بدبلة وخلصت دة مش تقييم ليا ولاهو تقدير العريس ليا لا دي امكانيات كل واحد بيبتدي حياته ازاي ....... والحمد لله ربنا يخلي بابا مؤمن جداً ان الشبكة دي هدية العريس للعروسة يجيبها علي اد امكانياته وظروفه .. عجبني جداً لما قال الكلام دة لخطيب اختي ...... ومن يومها وهو بيحترمه ويحبه بس كدة الأمور حتمشي

بس بجد انا اعرف اتنين ابتدوا حياتهم بسيطة جداً ومن غير اي تعقيد هي واهلها كانوا ناس متدينة جداً وبيعرفوا ربنا كويس ..... وهو انسان علي خلق عالي وراجل بمعني الكلمة

النهاردة ماشاء الله عليهم مع بعض قدروا يكونوا نفسهم وبدل الشقة الصغيرة جداً بقي عندهم فيلا كاملة ربنا يحميهم ويبارك لهم في أولادهم يارب بعد 11 سنة بس قدروا يتنقلوا من وضعهم الي وضع أفضل بمراحل من غير اي تعقيدات طول عمرهم ماشيين علي مبدأ / كل ما فاق امكانياتي فهو مجرد كماليات لاقيمة لها

شارك هذه المشاركه


رابط المشاركه
شارك

بصراحة تجارب ودروس مفيدة وبيستفيد منها اي حد وعاوز احكيلكم تجربتي في الموضوع ده

سنة 98 كنت في الجيش وفي نفس الوقت قررت اخطب البنت الي بحبها (انا كنت متثبت في شغلي الحمدلله)

بصراحة في الوقت ده ما كانش معايا فعلا ولا مليم وده مش تجاوزا دي بالفعل المهم قعدت مع الوالد الله يرحمه وفاتحته في الموضوع وقدرت اقنعه ان دي مشكلتي ومش عاوزه يتدخل في الحكاية دي ماديا من الاول .وان انا هروح لاهل العروسة اتفق معاهم على كل حاجة وبعدين الوالد والوالدة هييجوا علشان يطلبوا ايد البنت وقراية الفاتحة.

المشكلة الي كنت شايل همها اول مقابلة ليا مع حمايا العزيز وحماتي العزيزة وفعلا توكلت على الله ورحت بدأنا بالسلامات والتحيات وقلتله يا عمي انا عاوز اخطب بنتك قالي ما أنا عارف أمال انت جاي ليه :rolleyes:

ملحوظة:- عم المدام كان زميلي في الشغل وعارفني وعارف والدي كويس اوي

المهم بدأنا نخش في الجد

الشبكة :- هدية وانت حر في الي هتجيبه

طب عندك شقة يا أستاذ : لا ما عنديش شقو وانشاء الله هناخد شقة قانون جديد لمدة خمس سنين وفي الخمس سنين ربنا يفرجها وهنستقر

طب الخطوبة والفرح : يا عمي سيبك من موضوع الفرح بلاش فرح احسن

طبعا الراجل قلب وشه وهنا سمعت صوت حماتي المصون لاول مرة :lol: وعلشان اخلص من المطب ده قلتلهم طب بلاش خطوبة على الاقل علشان انا في الجيش دلوقت وساعة الفرح ربنا يفرجها

حماتي سالتني والقايمة :blink: قلتلها انا ما بكتبش قوايم ومافيش حد في عيلتنا بيكتب قوايم واختي لسة متجوزة من كام شهر وما اخدناش قايمة

المهم واتفقنا على العفش وكل حاجة مشيت تمام واتجوزنا سنة 2001 وانا جبت العفش(الجزء الي يخصني ) بالقسط وخلص على خمس سنين وماعملناش الخطوبة

والفرح كان بالنص .

المهم خلال الخمس سنين دول ربنا كرمنا الحمدلله بعد التلات سنين الاولانيين واخدنا شقة قانون قديم سنة 2003 واترقيت في شغلي واتنقلت لبنك تاني وتالت وربنا كرمنا الحمدلله باحسن هدية في الدنيا بنتي نور الهدى وهي في اولى ابتدائي دلوقتي والسنة دي الحمدلله ربنا افاض علينا من رزقه وكرمه واخدنا بيت جديد في التجمع الخامس وكل ده في 8 سنين تقريبا.

عارفين انا شايف ان ده كله حصل الحمدلله علشان النوايا كانت كويسة من الاول وانا داخل على الجوازة ونيتي سليمة وحمايا العزيز وحماتي طبعا الحمدلله ربنا هداهم واقتنعوا بالخطة الي رسمتهالهم وطبعا كان في دور كبير للمدام في اقناعهم

الخلاصة ان لو العريس والعروسة :ninja: اتفقوا مع بعض على كل حاجة من الاول اي حاجة تانية ربنا هيسهلها :blush2:

شارك هذه المشاركه


رابط المشاركه
شارك
بصراحة تجارب ودروس مفيدة وبيستفيد منها اي حد وعاوز احكيلكم تجربتي في الموضوع ده

سنة 98 كنت في الجيش وفي نفس الوقت قررت اخطب البنت الي بحبها (انا كنت متثبت في شغلي الحمدلله)

بصراحة في الوقت ده ما كانش معايا فعلا ولا مليم وده مش تجاوزا دي بالفعل المهم قعدت مع الوالد الله يرحمه وفاتحته في الموضوع وقدرت اقنعه ان دي مشكلتي ومش عاوزه يتدخل في الحكاية دي ماديا من الاول .وان انا هروح لاهل العروسة اتفق معاهم على كل حاجة وبعدين الوالد والوالدة هييجوا علشان يطلبوا ايد البنت وقراية الفاتحة.

المشكلة الي كنت شايل همها اول مقابلة ليا مع حمايا العزيز وحماتي العزيزة وفعلا توكلت على الله ورحت بدأنا بالسلامات والتحيات وقلتله يا عمي انا عاوز اخطب بنتك قالي ما أنا عارف أمال انت جاي ليه :partytime:

ملحوظة:- عم المدام كان زميلي في الشغل وعارفني وعارف والدي كويس اوي

المهم بدأنا نخش في الجد

الشبكة :- هدية وانت حر في الي هتجيبه

طب عندك شقة يا أستاذ : لا ما عنديش شقو وانشاء الله هناخد شقة قانون جديد لمدة خمس سنين وفي الخمس سنين ربنا يفرجها وهنستقر

طب الخطوبة والفرح : يا عمي سيبك من موضوع الفرح بلاش فرح احسن

طبعا الراجل قلب وشه وهنا سمعت صوت حماتي المصون لاول مرة :phar: وعلشان اخلص من المطب ده قلتلهم طب بلاش خطوبة على الاقل علشان انا في الجيش دلوقت وساعة الفرح ربنا يفرجها

حماتي سالتني والقايمة pps: قلتلها انا ما بكتبش قوايم ومافيش حد في عيلتنا بيكتب قوايم واختي لسة متجوزة من كام شهر وما اخدناش قايمة

المهم واتفقنا على العفش وكل حاجة مشيت تمام واتجوزنا سنة 2001 وانا جبت العفش(الجزء الي يخصني ) بالقسط وخلص على خمس سنين وماعملناش الخطوبة

والفرح كان بالنص .

المهم خلال الخمس سنين دول ربنا كرمنا الحمدلله بعد التلات سنين الاولانيين واخدنا شقة قانون قديم سنة 2003 واترقيت في شغلي واتنقلت لبنك تاني وتالت وربنا كرمنا الحمدلله باحسن هدية في الدنيا بنتي نور الهدى وهي في اولى ابتدائي دلوقتي والسنة دي الحمدلله ربنا افاض علينا من رزقه وكرمه واخدنا بيت جديد في التجمع الخامس وكل ده في 8 سنين تقريبا.

عارفين انا شايف ان ده كله حصل الحمدلله علشان النوايا كانت كويسة من الاول وانا داخل على الجوازة ونيتي سليمة وحمايا العزيز وحماتي طبعا الحمدلله ربنا هداهم واقتنعوا بالخطة الي رسمتهالهم وطبعا كان في دور كبير للمدام في اقناعهم

الخلاصة ان لو العريس والعروسة :phar: اتفقوا مع بعض على كل حاجة من الاول اي حاجة تانية ربنا هيسهلها :egyflag:

روح ياشيخ ربنا يزيدك كمان وكمان بجد قصة كفاااااااااح ممتعه بجد وربنا ياااااااااارب يكرم الجميع

وفعلاً الزواج بيزود فى الرزق بس اهم حاجه النيه السليمه

والله بجد فتحت نفسى على الزواج بجد ربنا يكرمنا ياااااااااارب يالزوجه الصالحه

شارك هذه المشاركه


رابط المشاركه
شارك

ربنا يكرمك يا محمد بس صدقني الموضوع مش صعب ابدا لو ربنا كرم الواحد فينا بناس بتتقي ربنا او على الاقل العروسة فاهمة الموضوع صح مش منظرة وخلاص

نسيت اقولك كمان ان واحنا بناخد الشقة القانون القديم المدام باعت الشبكة (بس الحكاية دي غرمتني شبكة تانية اغلى كتير :partytime: ) علشان كده اوعى حد يخلي مراته تبيع الشبكة :egyflag:

شارك هذه المشاركه


رابط المشاركه
شارك
المرأة اذا شعرت بغيرة زائدة من الرجل عليها اذا دلالا و تمايلا بينما اذا شعر الرجل بغيرة زائدة من المراة ازاد حنقا عليها

المرأة اذا تألمت ازدادت حبا و حنانا بينما اذا تألم الرجل تحول الي وحش كاسر

:blink: :blink: :blink:

ايه الكلام الكبير

تيجوا نغير الموضوع...

النهارده و انا سايق كده مع نفسي افتكرت اغنية ليلي مراد اللي يقدر علي قلبي

و قلت بما ان معظمنا ك شباب هنا مشافوش بعض .. ايه المانع اننا نحط تخيل لبعض طبقا لادوار الاغنية

و السوبر فايزور هنا هو تانت قلب ابيض

اين انتي يا قلب ابيض

ايووووه يا هندزه انا هنا اهو :blush2:

---------------------------------------

هنا بقى انا ارد عليك

الكلام الصح فى المكان الصح

بس استنانى هنام دلوقتى وبكره هارد عليك 00تصبحوا على كل الخير :roseop:

شارك هذه المشاركه


رابط المشاركه
شارك

واضح

وااااااضح انى نمت كتيير اوى من اخر مداخله

والواضح كمان ان كل الناس هنا نامت خااالص وعلى رأى كرومبو 00" الغتت 00مباحبهوش خاالص "

ياترى يا هل ترى الحديث بقى ممل

ولا 00هما فى انتظار كلام تانت قلب " على راى ياسر"

ولا 00بيخمنوا شكل الطرف التانى على رأى تانت ليلى مراد؟؟

اذا عرفتوا الحل 0000

ادخلوا ردوا 000وصحصحوا كده وصحصحونى معاكم

تعالوا كلوا عاشوره :roseop:

شارك هذه المشاركه


رابط المشاركه
شارك

والله افتكرته توبيك للتوفيق بين الولاد والبنات فى الحلال قولت ادخل يمكن الاقيلى عروسه , الله يكرمنى بالزوجه الصالحه اللى تقر عينى وتساعدنى على طاعة ربنا ونبقى متفاهمين سوا وبنحب بعض مش تبقى عيشه والسلام , بس بيقى صعب قوى للى زينا فى الغربه انه يروح مصر يدور ويقرر ويخطب فى شهر او يمكن بالنسبه ليا انا صعب لانى قرار الجواز ده صعب قوى ومحتاج تانى علشان الواحد عايز حياه مستقره وعيله مش كل شويه خناق ونكد لانى مليش فيه خالص , وربنا يسعد كل القصص اللى قريتها فى التوبيك ويديم عليهم المحبه والتفاهم لانى دى الحاجه اللى متنفعش الفلوس تشتريها ولا كنوز الدنيا والله

شارك هذه المشاركه


رابط المشاركه
شارك
واضح

وااااااضح انى نمت كتيير اوى من اخر مداخله

والواضح كمان ان كل الناس هنا نامت خااالص وعلى رأى كرومبو 00" الغتت 00مباحبهوش خاالص "

ياترى يا هل ترى الحديث بقى ممل

ولا 00هما فى انتظار كلام تانت قلب " على راى ياسر"

ولا 00بيخمنوا شكل الطرف التانى على رأى تانت ليلى مراد؟؟

اذا عرفتوا الحل 0000

ادخلوا ردوا 000وصحصحوا كده وصحصحونى معاكم

تعالوا كلوا عاشوره :closedeyes:

ممكن حضرتك توضحي اكتر

يعني بس حضرتك شاوري على السؤال وانا اجاوب على طوووووول

يعني حضرتك عايزة الواحد يكتب تخيلوا عن عضو معين معانا هنا

ياريت حضرتك توضحي بس انتي لو قصدك حد هنا يبقى حضرتك ترشحي واحد واحد والكل يكتب رأيه لأن هنا الاعضاء ماشاء الله والواحد زي حالاتي جديد ميعرفش الكل......

شارك هذه المشاركه


رابط المشاركه
شارك
والواضح كمان ان كل الناس هنا نامت خااالص وعلى رأى كرومبو 00" الغتت 00مباحبهوش خاالص "

فيه حد مبحبش كرومبو ياخبر ابيص ياولاد اخبر ابيض

كرومبو الامور السكره مافيش حد بحبه

دانا بفكر اول عيل اسميه كرومبو

اذا كان الامن بتاعنا فى دولة شومبونجو هو المسؤل الاول والاخير عنه

معلش ياكرومبو متزعلش الملكه متقصدش حاجه

ياعم جست مى قلب ابيض تقصد ان احنا هنا نتخيل بعض

يعنى مثلاً انا اتخيلك وانت تتخيل لماضه ولماضه تتخيل ياسر وياسر يتخيل دامو ....الخ

اهم حاجه انى انا اتخيل اول واحد علشان اختار واحد سهل اتخيله ؟؟

شارك هذه المشاركه


رابط المشاركه
شارك

الموضوع مش كده خالص يا عنبى 00

ويا عرايس وعرسان000المستقبل

مش معقول طبعا اقترح اننا نتخيل شكل وكلام من ده 000اطلاقا

الموضوع باختصار كان تعقيب على مداخله الباشمهندس ياسر 00عن تخيل فتى الاحلام بناء على اغنيه ليلى مراد

اوضح كمان؟؟؟ متهيألى واضح جدا

وبعدين يا شباب واااضح برده انكم بتتلككوا 00العشره اللى صارت بيننا كلنا على المنتدى خلتنا فعلا نتعايش مع بعض ونكاد نكون بنحس ببعض

انا شخصيا اصبح لى ابناء واخوات من المنتدى بحبهم جدا واعتقد هم كمان وبقلق عليهم لما يغيبوا عنى با خبارهم وده بدوره يخللى الواحد متشوق لمعرفه ملامح

الشخصيه دى استكمالا للصوره اللى تكونت فى خياله

ارجو ان اكون وضحت كلامى

تقبلوا تحياتى وامنياتى بحياه حلوه مستقره

شارك هذه المشاركه


رابط المشاركه
شارك
الموضوع مش كده خالص يا عنبى 00

ويا عرايس وعرسان000المستقبل

مش معقول طبعا اقترح اننا نتخيل شكل وكلام من ده 000اطلاقا

الموضوع باختصار كان تعقيب على مداخله الباشمهندس ياسر 00عن تخيل فتى الاحلام بناء على اغنيه ليلى مراد

اوضح كمان؟؟؟ متهيألى واضح جدا

وبعدين يا شباب واااضح برده انكم بتتلككوا 00العشره اللى صارت بيننا كلنا على المنتدى خلتنا فعلا نتعايش مع بعض ونكاد نكون بنحس ببعض

انا شخصيا اصبح لى ابناء واخوات من المنتدى بحبهم جدا واعتقد هم كمان وبقلق عليهم لما يغيبوا عنى با خبارهم وده بدوره يخللى الواحد متشوق لمعرفه ملامح

الشخصيه دى استكمالا للصوره اللى تكونت فى خياله

ارجو ان اكون وضحت كلامى

تقبلوا تحياتى وامنياتى بحياه حلوه مستقره

هوا سعادتك دي مشكلة

لأن الاغنية بتتكلم عن الرجالة بس

احنا ندور على اغنية رجالي ونشوف هما بيقولوا ايه

عموما انا لفت نظري في الاغنية حاجة واحدة

ان اللي اختارته ليلى مراد ملوش اي حاجة في اي حاجة غير البتاعة اللي ماسكها

يعني هي تقريبا اتنازلت عن كل حاجة

في مقابل شخص مبهم

هل حقا هذا ما تعشقه النساء

يعني ابن البلد والحبيب والموظف حتى اللغلبان بتاع لبنان كسرت بخاطره

طيب بالمواصفات دي وقياسا عليها هيبقى الشاب

روش

كول طحن اخر حاجة

ماسك جيتار او شغال على ميكسر او راكب عربية ومشغل الكاسيت على اغنية هو مش فاهم معناها بس الرزع فيها على ودنه

وهيكون ضارب شعره جل زي انور وجدي كده

بس هيكون نافخ العضلات في الجيم

واخيرا لازم يكون له موقع على الفيس توك

وياريت تويتر والحجات دي ميضرش

انا شكلي بعك

يلا بقى امتحانات وانتوا عارفين النفساوية بتبقى ضاربه ازاي

:roseop:

شارك هذه المشاركه


رابط المشاركه
شارك
والله افتكرته توبيك للتوفيق بين الولاد والبنات فى الحلال قولت ادخل يمكن الاقيلى عروسه , الله يكرمنى بالزوجه الصالحه اللى تقر عينى وتساعدنى على طاعة ربنا ونبقى متفاهمين سوا وبنحب بعض مش تبقى عيشه والسلام , بس بيقى صعب قوى للى زينا فى الغربه انه يروح مصر يدور ويقرر ويخطب فى شهر او يمكن بالنسبه ليا انا صعب لانى قرار الجواز ده صعب قوى ومحتاج تانى علشان الواحد عايز حياه مستقره وعيله مش كل شويه خناق ونكد لانى مليش فيه خالص , وربنا يسعد كل القصص اللى قريتها فى التوبيك ويديم عليهم المحبه والتفاهم لانى دى الحاجه اللى متنفعش الفلوس تشتريها ولا كنوز الدنيا والله

you touched my heart baby :roseop: :)

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • طلب معلومات حول الفيزا السياحية :مصري عايش في بلجيكا عاوز اتجوز جزائرية عايشة حاليا في الجزائر

      السلام عليكم انا مصري عايش في بلجيكا و اتعرفت علي بنت جزائرية عايشة دلوقتي في الجزائر. الاجراءات الروتينية طويلة ومملة. بداية من لما اروح الجزائر اقدم طلب واستني 3 شهور عشان يردو بالموافقة بعد التحري عني و بعد كده نبدأ الجواز الموثق في الحكومة الجزائرية و بعد كده ابتدي انا من بلجيكا اجهز اوراق كتير وابعتلها كل الاوراق دي وهي تقدم علي فيزا لم الشمل في السفارة البلجيكية في الجزائر. الموضوع هيعدي السنة وزيادة وانا بصراحة تعبت من البهدلة في الاوراق والترجمة ووجع الدماغ ده كله بقالي كام سنة من يوم

      في المغتربين المصريين - egyptian expatriates

    • عايزه اشترى ديب فريزر ................

      عايزه اشتري ديب فريزر بس مش عارفه اشتريه من هنا (الكويت) ولا اشتريه من مصر ...... فلو امكن حد من الاخوه والاخوات فى مصر يقلي ايه الاسعار الموجوده هناك .....................؟؟؟؟؟؟والماركات النضيفه مع توضيح عدد الادراج يبقي ياريت ..............جدا وامكانيه الشحن من هنا والجمرك بتاعه هيكون أد ايه ................؟؟؟؟؟ وايه مساؤي شحنه من هنا ياريت ..........تفيدونى فى الموضوع ده ............. منتظراكم ..............

      في موضوعات شخصية

    • عايزه رايكم ضروري

      جايلي عقد في مستوصف الجزيره بحي النسيم في الرياض ممارس عام ب 6 و لسه معرفش تفاصيل العقد ردوا عليا ضروري سمعه المستوصف ده ايه و حي النسيم ده كويس و لا لا

      في المغتربين المصريين - egyptian expatriates

    • عد من 1 إلى 5 و كهرب العضو اللي انت عايزه *_*

      اللعبة جميلة جدا و مش من تأليفي طبعا انا لقيتها على أحد المنتديات و عجبتني اوي فقلت خللينا نفك شوية في اللعبة دي و اهو منها برضه نكهرب الأعضاء اللي غايظينا ههههههههههه طبعا ممنوع كهربة المشرفين :closedeyes: هههههههههههههه يللا نبتدي كل واحد يدخل يكتب الرقم اللي بعد اللي كتبه العضو اللي قبله و العضو اللي حيكون دوره يكتب 5 هو اللي يكهرب واحد من الأعضاء و ممكن يكتب تعليق لو عايز 1 1 1 1 1 1

      في دعوة للأبتسام

    • مش عاوزة اتجوز

      دعوة نضحك شوية طبعا كلنا شفنا حلقات المسلسل حنقدم اجزاء منها كل مااتفرج عليه مش بامسك نفسى من الضحك خصوصا حلقات معينة المسلسل بيعرض بعض النماذج الغريبة والمستفزة لاشخاص موجودة فى المجتمع فهل قدمها بصورة طبيعية ام بالغ فى نقدها لدرجة جعلت العروسة من اول مقابلة للعريس ترفع شعار مش عاوزة اتجوز حلقة ضابط الشرطة http://www.youtube.com/watch?v=2-wxz-puYqA&feature=related

      في دعوة للأبتسام

×
×
  • اضف...