اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

عايز اتجوز....... عايزه عريس


Recommended Posts

السلام عليكم

اخوانى واخواتى الاعزاء

نويت بعد التكال على الله انى احط القصص الجامده اللى بنتعرض لها لما نشوف عروسة او نشوف عريس

و علشان اكون صريح معاكووووا فالموضوع متجمع من المدونات .. الصراحة راحة...

و هنحاول نناقش مع بعض المسألة من كل ظروفها المحيطه

ياريت متبخلوش بوقتكم لان الموضوع ده موجود فى كل بيوتنا

رابط المشاركه
شارك
  • الردود 249
  • Created
  • اخر رد

Top Posters In This Topic

اول قصة من الطرائف امنية لشاب مصرى من كتر ما تعب من اللف على عروسه

الكعب للقفا..بالحب و الوفا

الإرتباط ده موضوع يشبه البحث عن إبرة فى كومة قش

المهم الإبر مش موضوعنا دلوقتى أنا كنت بفكر فى نظام كونى مختلف يتماشى مع العصر الحالى. يعنى زمان مكانش فيه البشر دى كلها. المسألة كانت سهلة، آدم لحوا و حوا لآدم إنما دلوقتى فيه 3 بليون آدم و 3 بليون حوا ، الموضوع إتعقد شوية و مكنش حد عامل حسابه و أكيد محتاج حل من فوق أكبر منى و منك عشان كده فكرت فى طريقة تانية للموضوع ده، أحكيلكوا الحكاية الأول؟

- بابا عايز أتجوز

ورينى قفاك يابنى -

إتفضل يا بابا -

بصوت عالى

هاتى نضارة القراية يا فوزية

تجرى فوزية مهرولة و تحضر النضارة و هى تتمتم،

يا ألف نهار أبيض، و ترقع زغروتة مدوية

يقرأ الوالد بصعوبة من على قفا إبنه

- إسمها نادية عبد السلام و نمرتها أهى

- ميرسى يا بابا إستنى أديها رنة

- رنة إيه يا واد إبقى حب فيها براحتك بعدين كلمها خد عنوان البيت

يتصل الشاب بالنمرة

- ألو أيوه أنا تامر يا نادية

- تامر مين؟

- عريسك،إسمك مكتوب عندى

- صحيح يا تامر؟ إنت باباك عايش؟

- آه ليه؟

- طب و حياة والدك إبعتلى صورة قفاك

- قفايا؟ طب مش تشوفى وشى الأول؟

- يوه طب خد عندك العنوان أهه

يدق تامر بقوة على باب العروسة واقفاً متأنتكاً مع أهله، يفتح الباب رجلاً ضخماً و يقول

- أهلاً يا مرحب، إنت تامر يابنى؟

- أيوه يا أنكل عبد السلام - مشيراً بإصبعه إلى نقطة وراء رأسه - أنا العريس

- من وراء الباب - صوت أم العروس

- شرفتوا و أنستوا إتفضلوا

يدخل تامر و العائلة يتعارفون مع أهل العروس التى تخرج عليهم فى أبهى صورة.

يمد تامر يده ليسلم على عروسته نصيبه ، تسلم عليه سريعاً و تقول له:

- لف يا تامر

- نعم؟

- يوه لف خلينى أخلص

تخرج نادية تليفونها المزود بكاميرا و فلاش و تقوم بتصوير قفا تامر ثم تسارع بإرسال صورة القفا إلى كل صديقاتها إس إم إس موضحة إسمها و نمرتها على القفا

تتململ الست فوزية فى كرسيها فتقول الست أم نادية:

- دحنا زارنا النبى

فتقول الست فوزية

- يا نادية يا بنتى حد يلبس شراب برضه فى المناسبة دى؟ مش دى الأصول أبداً

تجلس نادية و تقوم بخلع الحذاء الرياضى و الشراب كاشفين عن قدمها اليسرى و تجلس الست فوزية على الأرض أمام نادية و تقترب من كعبها بعيونها و تقرأ بصوت مخنوق:

- تامر أبو العزايم

يقول والد العريس المثل الشهير: الكعب للقفا

و يكمل والد العروس: بالحب و الوفا

ترتسم إبتسامة خجول على وجه نادية و تنطلق الزغاريد من بيت العروس معلنة إكتشاف العريس

.

سهلة مش كده؟ مفيش أسهل من إن كل واحد يتولد و مكتوب على قفاه و لا كعبه إسم شريك مستقبله و نمرته، حاجة من عند ربنا كده - مش الناس بتقول نصيب؟ خلاص يبقى مفيش حاجة تمنع إنه يبقى معروف من الأول هتوفر وقت و مشاكل و كهربا و فلوس و وجع قلب

.

الكعب للقفا بالحب و الوفا.

رابط المشاركه
شارك

في عريس كان متقدم لاختي كان معيد في بيطري ومسافر ياخد دكتوراة من اليابان

لكن قعد 1.5 ساعة يتكلم عن ازاي هو طلع رخصة قيادة

وعن ازاي الموضوع ده صعب لولا ان عنده وسطة

وعمل ايه في العربية والظابط قاله ايه

و انا قاعد عمال اغير الموضوع و هو مصمم علي الموضوع ده

طبعا الكلام تطرق للحزام والمخالفات بتاعته وامناء الشرطة

انا مش فاهم هو كان بيعمل كده ليه وايه علاقة الكلام ده بالجواز

طبعا ساد جو من الهطل علي القعدة

واختي قاعدة بتنام خلاص وانا مستظرفه علي الاخر و ماما مكسوفة علي الاخر و قاعدة تدعي انه يركز شوية علشان ما يترفضش

بابا سابنا و دخل يتفرج عل الجزيرة

بس علشان ما أظلمش الراجل هو برضه اتكلم شوية عن الهندسة الوراثية وعن جهاز ال PCR

والله غلابه البنات دول بالقعده اللي بيقعدوها دي

رابط المشاركه
شارك

إختي قالت لي أخو زميلتها مدرس عربي عاوز يتقدم عليها

طبعاً فرحت وقلتها أهم حاجة الصلاة

العريس وصل وقلت في نفسي مدرس عربي يعن مدرس دين وطنشت اساله

الحمد لله هم سعداء مع المشاكل العاديه جات زعلانه

وبتقول اللي ايدة في الميه مش زي اللي ايدة في النار

اقولها ايه صالحتهم وفكرتها بيوم ماتقدم لها ضحكت وضحكنا

رابط المشاركه
شارك
في عريس كان متقدم لاختي كان معيد في بيطري ومسافر ياخد دكتوراة من اليابان

لكن قعد 1.5 ساعة يتكلم عن ازاي هو طلع رخصة قيادة

وعن ازاي الموضوع ده صعب لولا ان عنده وسطة

وعمل ايه في العربية والظابط قاله ايه

و انا قاعد عمال اغير الموضوع و هو مصمم علي الموضوع ده

طبعا الكلام تطرق للحزام والمخالفات بتاعته وامناء الشرطة

انا مش فاهم هو كان بيعمل كده ليه وايه علاقة الكلام ده بالجواز

طبعا ساد جو من الهطل علي القعدة

واختي قاعدة بتنام خلاص وانا مستظرفه علي الاخر و ماما مكسوفة علي الاخر و قاعدة تدعي انه يركز شوية علشان ما يترفضش

بابا سابنا و دخل يتفرج عل الجزيرة

بس علشان ما أظلمش الراجل هو برضه اتكلم شوية عن الهندسة الوراثية وعن جهاز ال PCR

والله غلابه البنات دول بالقعده اللي بيقعدوها دي

ربنا يتمملها بخير

و لعل الراجل كان من النوع الخجول شويتين فطبعا مصدق لقى حاجة يحكى فيها بطلاقة لسان

رابط المشاركه
شارك
موضوع ظريف

بس انا لى استفسار صغير من اخوانا المهندسين (واكن لهم كل احترام)

لماذا يقرنون كلمة باش بكلمة مهندس

عايز اعرف بصراحة ؟

السلام عليكم

الموضوع علشان يبقى ظريف عايزك زى الاسد كده تحكيلنا تجربة مريت بيها او تجربة حد يهمك مثلا

ام عن موضوع اللقب بتاع الباش

اولا : من ايام العهد الملكى ذكره الله بالخير كان لقب الباش يلحق للتفخيم و للدلالة على كونه يرئس مجموعة ما والله اعلم

و ابسط دليل الباش خبير و الباش تمرجى و الباش محضر و الباش شاويش و هكذا

و سلام عليكم

رابط المشاركه
شارك
إختي قالت لي أخو زميلتها مدرس عربي عاوز يتقدم عليها

طبعاً فرحت وقلتها أهم حاجة الصلاة

العريس وصل وقلت في نفسي مدرس عربي يعن مدرس دين وطنشت اساله

الحمد لله هم سعداء مع المشاكل العاديه جات زعلانه

وبتقول اللي ايدة في الميه مش زي اللي ايدة في النار

اقولها ايه صالحتهم وفكرتها بيوم ماتقدم لها ضحكت وضحكنا

ايوه كده صالحتهم على بعض

هو ده الكلام ربنا يتم نوره عليك

يا سلام لو كلنا نحاول نهدى النفوس

الله ينور بس انا عايزك تقول قصة حد جالو عريس او حد اتقدم لعروسة

و كان الموضوع فيه افيه

و شكرا على مرورك الكريم

رابط المشاركه
شارك

الولد راح لاهل البنت وطلب ايد بنتهم

المهم قالوا اهل البنت نشاور البنت الاول بعدين نديلك خبر

مرت الايام وقالولو تعالى عشان يعرف رأيهم

ابوها قالة هى عاوزة تقعد معاك الاول

الشاب فين

ابوها قالوة زى متحب المهم اتفقوا على المكان

وكان معاهم اخوها راحو الحديقة اتكلمو وانبسطو

رجعت البنت البيت ابوها سألها اية عجبك؟ ولا اية النظام؟

البت قالت هو عجبنى بس فية حاجة مش عجبانى فية

ابوها: اية دى؟؟

البنت: طول ماهو قاعد معايا فى الحديقة قاعد يأكل لبان طول الوقت

ابوها :خلاص خلاص انا هكلمة

ياريته ما كلمه

جاء الشاب الى ابوها فقالة ابوها هى فى حاجة وحدة مش عجباها فيك

الشاب :اية هى

ابوها :انك بتأكل لبان 24 ساعة فى اليوم

الشاب رد بصراحة: ( انا مكلتش لبان الا لما دخنت ) ياعينى على الصراحة

ابوها :انت بتدخن؟

الشاب :ماهو انا معرفش ادخن الا لما اكون شارب

ابوها :انت بتشرب ؟

الشاب :ماهو انا معرفش اشرب الا لما اكون محشش

ابوها :وبتحشش؟

الشاب: ماهو انا محشششتش الا لما اتعرفت على

(سيد اذيه)

ابوها: سيد اذيه ده شوفتة فين؟

الشاب: شوفتة فى السجن

ابوها: ودخلت السجن لية؟

الشاب: قتلت واحد

ابوها :قتلت ليه؟

الشاب :ابدا اصلي خطبت بنتة وقلى ان انا معجبتهوش

ابوها رجع للبنت وقلها ( فكرى تانى انا شايف ان اكل اللبان مفهوش حاجة)

وانا من رائى تفكرى تانى علشان ميزعلش

ــــــــــــــــــــــــــــــــــــــــــــــــــــــــــــــــــــــــــــــــ

ــــ

طبعا دى نكته انا نقلتها يمكن تعجبكم

رابط المشاركه
شارك

موضوع جميل وظريف ولهذا احضرت مجموعة من النكت (منقولة) لكن دمها خفيف

السلام عليكم

تفضلو مجموعة نكت عن الزواج

عجوز يبلغ من العمر فوق التسعون تزوج ممن هى فوق الثمانين وفى ليلة الزفاف الاولى قام بتقبيل يدها وقال لها تصبحين على خير وفى الليلة الثانية قبل رأسها وقال لها تصبحين على خير وفى الليلة الثالثة عندما هم بتقبيل خدها قالت له بلاش الليلة دى لحسن تعبانة من الليلتين اللى فاتوا

*************

والد الخطيبة: هل تستطيع أن تصرف على عائلة؟ الخطيب :أخبرتك أني أريد أن أتزوج ابنتك وحدها !!

**********

الزوجة منذرة زوجها : سأتركك إذا لم تترك الشراب ..سيكون هذا صعب عليك أليس كذلك؟ الزوج طبعاً سأفتقد إليك كثيراً.

**********

سألت الزوجة الشابة زوجها : ماذا حل بزوجتيك السابقتين؟ فقال : الأولى تسممت بعدأن أكلت الفطر. فقالت : والثانية؟ قال : كسر بالجمجمة ........بعد أن رفضت أكل الفطر.

العروس اغفر لي يا حبيبي أريد أن أصارحك بشئ. وما هو؟ أسناني اصطناعية ! العريس : الحمد لله الآن أستطيع أن أخلع أرجلي الإصطناعية وعيني الزجاجية .

17.gifوالد العروس : لاحظ أن ابنتي لن تأخذ مني قرشاً إلا بعد وفاتي .. العريس الفقير : لا بأس أنا مستعد للإنتظار !!

الخطيب:ألا يمكن أن تتساهل في المهر قليلاً؟ والد العروس الساعاتي:لايمكن,فابنتي جميلة ومتعلمة ومضمونة 12 سنة

العروس الجديدة:هل أعجبتك هذه الأكلة؟ العريس الجديد:جداًً العروس:لو أعملها لك كل يوم ماذا آخذ؟ العريس:تأخذين عمري على طول

الأول:صديقنا تزوج أمس.. الثاني:بيستاهل.. عمري ما حبيته!

17.gif17.gif17.gif

العروس:قلي كلمة حلوة يا حبيبي.. العريس:بقلاوة..

زوجة قالت لزوجها: قلى كلمة حلوه قالها: بسبوسة قالت يا راجل قلى كلمة تهزني..قالها: مرجيحة ..قالت له :حرام عليك قلى كلمة تشعرنى انى مراتك .... قالها : انتى طالق

في وحدة تبلغ عن أختفاء زوجها فضابط المركز قاللها شنو أوصاف زوجك قالت عيونة خضر وشعره أشقر وبشرته بيضاء صاح الطفل لاماما هذا مو بابا قالتلها أسكت لك بلكي يبدلوه

واحده حبت تفرح زوجها ليلة الدخله قالت له انا حامل

صرصور تزوج ناموسه بعد أسبوع طلقها ليش ؟ ذبحته بالمص!

في رجل سعيد تزوج امراه تعيسه جابو ولد سموه يا فرحه ما تمت

واحد شاف زوجتو تخونو صرخ بوجههم قالو الكامره الخفيه قال ملاعين هاي عاشر مره تعملوها بي

رابط المشاركه
شارك

القصة دى حقيقية و حصلت مع شاب كتبها على احدى المدونات قلت انقلها يمكن نستفيد بيها فى حاجة

انا اسمي ( ح ) أكبر اخواتي الخمسة ، ووالدي موظف بسيط ، قدر يربيني كويس وبكرم ربنا كنت متفوق ودخلت كلية قمة ويوم ما اتخرجت كان والدي طلع معاش والشركة اللي بيشتغل فيها شغلتني مكانه ، وده طبعا عشان ربنا مابينساش حد

طبعا هتقولي ان الحدوته ديه رايحه للمدونة اللي جنبك بتاعت خالدة الذكر فايزة واصف ...بس انا باقول يا ريت نصبر ، خصوصا انك يعني مش من النوع المختصر ورغايا في الفاضية والمليانه ( ديه اشاده مش هجاء علي فكره )

المهم انا كنت في كلية قمة وكنت شاطر فاسمي كان معروف جدا في المحاضرات ، بس طبعا مكانش ليا في الرجلات والحفلات وكده لأسباب واضحه

بس كان فيه سبب تاني مخليني مشهور في أوساط الطلبه المكبرين ...ان عنيا خضرا بشكل ملفت وشبه عينين المطرب الاسكندراني الشهير ( مش هقول مصطفي قمر عشان مايبقاش اعلان )

وصدقوني يا جماعه ان الموضوع ده كان عاملي " سوكسيه " جامد جدا ، يعني جمعت المجد من طرفيه " ذكي وشاطر وشبه مصطفي قمر كمان

باعتباري كنت مركز في الدراسة كنت باتجاهل الحركات الشهيرة من الزميلات اللي بترمي الكتب او عاوزين يستلفوا الكشاكيل او يصوروها ( وحياتكم بيحصل من ايام احمد رمزي لدلوقتي ) عشان انا فاهم اللي فيها خصوصا البنات اللي اسمائها بتبدأ ب ( ح) وهيبقوا مأنسين جنبي في اللجنة

بس للأسف مكنتش اقدر اقاوم ( م ) عشان كانت متفوقة وذكية ومتعرفش مصطفي قمر ، وغير كده كانت وحشه ، مش شبه الشاويش عطيه يعني ، بس محدش يقدر يغلط ويقول انه شاف اخر فيديو كليب ليها ، او يقتكرها قريبة من بعيد لنانسي أو حتي امال ماهر

طول الكلية ما جرؤتش اني اكلمها واكتفيت بالسهوكه والتسبيل ، وفجأة لقيت نفسي اتخرجت وباشتغل والآنسة ( م ) اختفت من جدولي

طبعا كرم ربنا استمر وغرقني ، وعرفت الاقي شغله احسن في شركة كبيرة بمرتب محترم خلاني اتنطق حبتين وابطل ركوب مكروباصات واركب الاتوبيس المكيف وكده

وبعد شغل لمده 3 شهور لقيت نفسي قصاد ( م ) ... اتاريها بتشتغل في نفس الشركة وانا طول الشهور ديه ما خدتش بالي منها ...مغفل وبتاع شغل هاقول ايه

كلمتها كاننا كنا صحاب من ايام مدرسة الوحدة العربية الابتدائية ، والغريبة انها كلمتني باعتبارنا كنا بنقسم سندوتشات المربي سوا

قلت الحمد لله ، يعني مش كفاية اشتغلت في مكان محترم ولقيت عروسة احلامي ...اكثر من كده ايه ))))))

وخلال ست شهور العلاقة تطورت بشكل ايجابي وبقيت اوصلها يومياً ...اه صحيح ماقلتلكمش اني جبت عربية بقرض شخصي من الشركة

المهم توكلت علي الله وفاتحتها وطلبت معاد اقابل والدها في بيتهم اللطيف في 555 شارع نوال حلمي في العجوزه ( عنوان افتراضي ) وهنا شفت وشها بيحمر للمرة الأولي وقالت انها هترتب مع والدها وترد عليا

في اليوم الموعود خدت والدي ورحنا بيتهم وبعد ما رحب بينا والدها جت هي ووالدتها وقعدوا فوالدي قال

ان ابني ( ح ) – اللي هو انا يعني مش اخويا مثلا – شاب مجتهد وطموح وذكي واهم حاجه انه ملتزم ومتدين وعشان كده ربنا بيكرمه لدرجة انه لما اتخرج اتعين بعدها بيوم في شركة كذا اللي هو كان شغال فيها ،

فرد والد ( م ) وقال

عشان كده انت شكلك مش غريب علي انا كنت رئيس قطاع في الشركة ديه ، اكيد لمحتك ، انت كنت ماسك انهي قطاع ،

والدي اتحرج شويه بس قال

انا كنت في الحسابات ،

فوالدها ابتسم وقال

يعني كنت بتتحكم في مرتباتنا وفلوسنا ، ده انت اهم واحد في الشركة

الحقيقة انا انبسطت من والدها وذكائه ، وانه راجل راسي وعاقل ، وفضلنا قاعدين نصف ساعة كمان نتعرف وبصيت ل ( م ) لقيتها بتتفادي نظراتي فقلت يمكن مكسوفه

تاني يوم استنيتها في الشغل ما جتش ، اتصلتبيها ما ردتش ، سألت عليها في مكتبها قالوا انها واخده اجازة اسبوع

استغربت جدا ، ليه ما قالتليش

حاولت اتصل تاني لقيت موبايلها خارج التغطيه

عدي الاسبوع ولقيتها باعتالي رسالة انها سافرت الساحل الشمالي عشان تنفرد بنفسها وتفكر في الموضوع

انا حقيقة استغربت ، هو مش احنا بقالنا ست شهور نعرف بعض ؟ ايه بقي اللي اتغير ومحتاج سفر مفاجئ وساحل شمالي وحركات ؟

قلت يا واد اصبر ، وطال صبري

لما رجعت الشغل لقيتها رجعت لايام الكلية تقريبا ، معاملة رسمي ومن طراطيف مناخيرها ويا استاذ ( ح ) ، وحضرتك ، وهكذا دواليك

رحت رايح بقي مكتبها وقفلت ورايا الباب وقلتلها

بقي ردي عليا دلوقتي ايه اللي جري ؟ هو انا دست علي مناخيرك مثلا وانا مش واخد بالي فعشان كده كل ما تشوفيني تكلميني من طراطيفها ؟

قالتلي

يا ( ح ) انا فكرت في الموضوع وشايفه ان احنا مش لايقين علي بعض ومفيش نصيب

انا خدت الموضوع عالبارد فقلتلها

عشان انت طويلة وانا قصير ؟ والا انا عنيا خضرا وانت عنيكي سودا ؟

قالت

انت فاهم كويس ومتخلنيش اقول حاجة تضايقك ، بس تصور ان رؤساء القطاعات يحضروا فرح كريمة زميلهم علي ابن موظف حسابات عالمعاش ...

طبعا انا كان نفسي اسيب كل ده وامسك في ( كريمة ) ديه ، بس مسكت اعصابي وقلتلها ما قاله بديع الزمان الهمذاني في كتاب نصوص اولي ثانوي

" الحمد لله الذي عافاني من ربقة الذل في وفائك بيدي جفائك"

مش عارف بقي هيا فهمت ولا لا ، بس انا كان نفسي اقول الجملة ديه لحد واخيرا قلتها

منكرش اني اتضايقت وزعلت وحسيت بالاستياء المشوب بالقرف ، بس الحياة لازم تستمر ورجعت اشتغل زي الحمير تاني ، ولقيت ان الشركة بتدي دورات كمبيوتر فقررت اروح بعد الشغل كمان عشان ما اروحش غير اخر الليل اتنيل انام واصحي الصبح الف في الساقية وخلاص

بس في دورة الكمبيوتر قابلت بنت لطيفة جدا حسستني ان ( م ) كانت حقيقي الشاويش عطيه ، لطيفه وهادية ومعقولة لحد كبير والالطف ان اسمها كان ( م ) برضه

انا حسيت اني اتعلمت كثير من التجربة الاولانية وقررت اني استغل فترة الدورة عشان اخذ قرار ، ولما كان الموضوع بيتطور بشكل ايجابي وسريع ، استخرت في الاخر واتقدمتلها ، فقاتلي اجيب والدي وازورهم فقلتلها

من الاول والدي موظف حسابات عالمعاش واحنا مش ساكنين في 555 شارع نوال حلمي في العجوزه

ضحكت جدا وقالتلي

انت عرفت منين عنوان بيتنا ؟ انت بتمشي ورايا ؟

قلتلها

لا انا باقول مثلا

قالتلي

ده عنواننا بالضبط

ويا تري ساكنين في الدور الخامس شقة 18 ؟

لا الدور السابع شقة 22

الحمد لله بعد 3 سنين من القصة ديه انا دلوقتي متجوز ( م ) اللي في الدور السابع شقة 22 ، وفي فرحنا كان فيه دعوة لشقة 18 في الدور الخامس بس للآسف محدش جيه ،

حد يعرف ليه ؟؟؟

رابط المشاركه
شارك

استاذ ياسر انا عايزه اشارك فى موضوعك دوت ،بس لسه حكتب واقول

واحكى...عشان كده انا على طول كده حختصر كل الحكايه اللى كنت عايزه اقولها

بكلمتين وهى الخلاصه بتاعه الحكايه..يعنى الزبده زى ما بيقولوا..

الكلمتين حضرتك "العروسه للعريس،والجرى للمتاعيس :wub: :roseop: )

رابط المشاركه
شارك
استاذ ياسر انا عايزه اشارك فى موضوعك دوت ،بس لسه حكتب واقول

واحكى...عشان كده انا على طول كده حختصر كل الحكايه اللى كنت عايزه اقولها

بكلمتين وهى الخلاصه بتاعه الحكايه..يعنى الزبده زى ما بيقولوا..

الكلمتين حضرتك "العروسه للعريس،والجرى للمتاعيس :blink: ;) )

يعنى اعيط ولا اعمل ايه طيب

انا عامل الموضوع علشان نكتب تجاربنا

و نفيد ونستفيد وكل الكلام الكبير دوت ... على رأى لولا ... طبعا

تيجى و تقفلى القصة كلها بكلمة

العروسه للعريس

طب اروح انا بقى وبلاش مواضيع

و اقعد اعيط شويه :)

رابط المشاركه
شارك
  • 2 weeks later...

القصة الجامدة دى حصلت لواحد من الشباب

قلنا ننزلها يمكن حد يحن علينا و نشوف لسه الفروق الاجتماعيه موجوده بالصورة دى ولا اختفت خلاص

انا اسمي ( ح ) أكبر اخواتي الخمسة ، ووالدي موظف بسيط ، قدر يربيني كويس وبكرم ربنا كنت متفوق ودخلت كلية قمة ويوم ما اتخرجت كان والدي طلع معاش والشركة اللي بيشتغل فيها شغلتني مكانه ، وده طبعا عشان ربنا مابينساش حد

طبعا هتقولي ان الحدوته ديه رايحه للمدونة اللي جنبك بتاعت خالدة الذكر فايزة واصف ...بس انا باقول يا ريت نصبر ، خصوصا انك يعني مش من النوع المختصر ورغايا في الفاضية والمليانه ( ديه اشاده مش هجاء علي فكره )

المهم انا كنت في كلية قمة وكنت شاطر فاسمي كان معروف جدا في المحاضرات ، بس طبعا مكانش ليا في الرجلات والحفلات وكده لأسباب واضحه

بس كان فيه سبب تاني مخليني مشهور في أوساط الطلبه المكبرين ...ان عنيا خضرا بشكل ملفت وشبه عينين المطرب الاسكندراني الشهير ( مش هقول مصطفي قمر عشان مايبقاش اعلان )

وصدقوني يا جماعه ان الموضوع ده كان عاملي " سوكسيه " جامد جدا ، يعني جمعت المجد من طرفيه " ذكي وشاطر وشبه مصطفي قمر كمان

باعتباري كنت مركز في الدراسة كنت باتجاهل الحركات الشهيرة من الزميلات اللي بترمي الكتب او عاوزين يستلفوا الكشاكيل او يصوروها ( وحياتكم بيحصل من ايام احمد رمزي لدلوقتي ) عشان انا فاهم اللي فيها خصوصا البنات اللي اسمائها بتبدأ ب ( ح) وهيبقوا مأنسين جنبي في اللجنة

بس للأسف مكنتش اقدر اقاوم ( م ) عشان كانت متفوقة وذكية ومتعرفش مصطفي قمر ، وغير كده كانت وحشه ، مش شبه الشاويش عطيه يعني ، بس محدش يقدر يغلط ويقول انه شاف اخر فيديو كليب ليها ، او يقتكرها قريبة من بعيد لنانسي أو حتي امال ماهر

طول الكلية ما جرؤتش اني اكلمها واكتفيت بالسهوكه والتسبيل ، وفجأة لقيت نفسي اتخرجت وباشتغل والآنسة ( م ) اختفت من جدولي

طبعا كرم ربنا استمر وغرقني ، وعرفت الاقي شغله احسن في شركة كبيرة بمرتب محترم خلاني اتنطق حبتين وابطل ركوب مكروباصات واركب الاتوبيس المكيف وكده

وبعد شغل لمده 3 شهور لقيت نفسي قصاد ( م ) ... اتاريها بتشتغل في نفس الشركة وانا طول الشهور ديه ما خدتش بالي منها ...مغفل وبتاع شغل هاقول ايه

كلمتها كاننا كنا صحاب من ايام مدرسة الوحدة العربية الابتدائية ، والغريبة انها كلمتني باعتبارنا كنا بنقسم سندوتشات المربي سوا

قلت الحمد لله ، يعني مش كفاية اشتغلت في مكان محترم ولقيت عروسة احلامي ...اكثر من كده ايه ))))))

وخلال ست شهور العلاقة تطورت بشكل ايجابي وبقيت اوصلها يومياً ...اه صحيح ماقلتلكمش اني جبت عربية بقرض شخصي من الشركة

المهم توكلت علي الله وفاتحتها وطلبت معاد اقابل والدها في بيتهم اللطيف في 555 شارع نوال حلمي في العجوزه ( عنوان افتراضي ) وهنا شفت وشها بيحمر للمرة الأولي وقالت انها هترتب مع والدها وترد عليا

في اليوم الموعود خدت والدي ورحنا بيتهم وبعد ما رحب بينا والدها جت هي ووالدتها وقعدوا فوالدي قال

ان ابني ( ح ) – اللي هو انا يعني مش اخويا مثلا – شاب مجتهد وطموح وذكي واهم حاجه انه ملتزم ومتدين وعشان كده ربنا بيكرمه لدرجة انه لما اتخرج اتعين بعدها بيوم في شركة كذا اللي هو كان شغال فيها ،

فرد والد ( م ) وقال

عشان كده انت شكلك مش غريب علي انا كنت رئيس قطاع في الشركة ديه ، اكيد لمحتك ، انت كنت ماسك انهي قطاع ،

والدي اتحرج شويه بس قال

انا كنت في الحسابات ،

فوالدها ابتسم وقال

يعني كنت بتتحكم في مرتباتنا وفلوسنا ، ده انت اهم واحد في الشركة

الحقيقة انا انبسطت من والدها وذكائه ، وانه راجل راسي وعاقل ، وفضلنا قاعدين نصف ساعة كمان نتعرف وبصيت ل ( م ) لقيتها بتتفادي نظراتي فقلت يمكن مكسوفه

تاني يوم استنيتها في الشغل ما جتش ، اتصلتبيها ما ردتش ، سألت عليها في مكتبها قالوا انها واخده اجازة اسبوع

استغربت جدا ، ليه ما قالتليش

حاولت اتصل تاني لقيت موبايلها خارج التغطيه

عدي الاسبوع ولقيتها باعتالي رسالة انها سافرت الساحل الشمالي عشان تنفرد بنفسها وتفكر في الموضوع

انا حقيقة استغربت ، هو مش احنا بقالنا ست شهور نعرف بعض ؟ ايه بقي اللي اتغير ومحتاج سفر مفاجئ وساحل شمالي وحركات ؟

قلت يا واد اصبر ، وطال صبري

لما رجعت الشغل لقيتها رجعت لايام الكلية تقريبا ، معاملة رسمي ومن طراطيف مناخيرها ويا استاذ ( ح ) ، وحضرتك ، وهكذا دواليك

رحت رايح بقي مكتبها وقفلت ورايا الباب وقلتلها

بقي ردي عليا دلوقتي ايه اللي جري ؟ هو انا دست علي مناخيرك مثلا وانا مش واخد بالي فعشان كده كل ما تشوفيني تكلميني من طراطيفها ؟

قالتلي

يا ( ح ) انا فكرت في الموضوع وشايفه ان احنا مش لايقين علي بعض ومفيش نصيب

انا خدت الموضوع عالبارد فقلتلها

عشان انت طويلة وانا قصير ؟ والا انا عنيا خضرا وانت عنيكي سودا ؟

قالت

انت فاهم كويس ومتخلنيش اقول حاجة تضايقك ، بس تصور ان رؤساء القطاعات يحضروا فرح كريمة زميلهم علي ابن موظف حسابات عالمعاش ...

طبعا انا كان نفسي اسيب كل ده وامسك في ( كريمة ) ديه ، بس مسكت اعصابي وقلتلها ما قاله بديع الزمان الهمذاني في كتاب نصوص اولي ثانوي

" الحمد لله الذي عافاني من ربقة الذل في وفائك بيدي جفائك"

مش عارف بقي هيا فهمت ولا لا ، بس انا كان نفسي اقول الجملة ديه لحد واخيرا قلتها

منكرش اني اتضايقت وزعلت وحسيت بالاستياء المشوب بالقرف ، بس الحياة لازم تستمر ورجعت اشتغل زي الحمير تاني ، ولقيت ان الشركة بتدي دورات كمبيوتر فقررت اروح بعد الشغل كمان عشان ما اروحش غير اخر الليل اتنيل انام واصحي الصبح الف في الساقية وخلاص

بس في دورة الكمبيوتر قابلت بنت لطيفة جدا حسستني ان ( م ) كانت حقيقي الشاويش عطيه ، لطيفه وهادية ومعقولة لحد كبير والالطف ان اسمها كان ( م ) برضه

انا حسيت اني اتعلمت كثير من التجربة الاولانية وقررت اني استغل فترة الدورة عشان اخذ قرار ، ولما كان الموضوع بيتطور بشكل ايجابي وسريع ، استخرت في الاخر واتقدمتلها ، فقاتلي اجيب والدي وازورهم فقلتلها

من الاول والدي موظف حسابات عالمعاش واحنا مش ساكنين في 555 شارع نوال حلمي في العجوزه

ضحكت جدا وقالتلي

انت عرفت منين عنوان بيتنا ؟ انت بتمشي ورايا ؟

قلتلها

لا انا باقول مثلا

قالتلي

ده عنواننا بالضبط

ويا تري ساكنين في الدور الخامس شقة 18 ؟

لا الدور السابع شقة 22

الحمد لله بعد 3 سنين من القصة ديه انا دلوقتي متجوز ( م ) اللي في الدور السابع شقة 22 ، وفي فرحنا كان فيه دعوة لشقة 18 في الدور الخامس بس للآسف محدش جيه ،

رابط المشاركه
شارك
  • 2 weeks later...
استاذ ياسر انا عايزه اشارك فى موضوعك دوت ،بس لسه حكتب واقول

واحكى...عشان كده انا على طول كده حختصر كل الحكايه اللى كنت عايزه اقولها

بكلمتين وهى الخلاصه بتاعه الحكايه..يعنى الزبده زى ما بيقولوا..

الكلمتين حضرتك "العروسه للعريس،والجرى للمتاعيس :rolleyes: :rolleyes: )

الله يسامحك يا لولا

الموضوع اتقفل بالضبة والمفتاح

يا جماعة اللى عنده حدوته ولا حاجة يحكيها

خلونا نستفيد من تجارب بعض

و برده الموضوع يفضل ماشى

و بلاش قطع الارزاق ده يا لولا

رابط المشاركه
شارك
  • 1 year later...

السلام عليكم و رحمة الله و بركاته

طب تصدق بايه.... طب و النعمة دي (أنا مسكة ساندوتش شاورمة ع فكرة).... انا افتكرت ده اعلان.... و طبعا بمزيد من العبط دخلت عشان اشوف بقي هتكتبوا اريدها ممشوقة القوام...بيضاء.... صلعاء... خرساء و م الحاجات بتاعتكو دي اللي دمها لطيف و برضه اشوف الحاجات بتاعتنا زي يقدس الحياة الزوجية...كريم...و الليلة دي

ثوووووووووف يا ابني

انا معظم المواقف اللي حصلت لي دايما بتلاقي الضحية بيتأزم اول ما ابتدي اساله اي حاجة و كانه كان متوقع اني هبص عي ال 10 ساغ في الارض و هرد و خلاص

قعد الضحية .....آن أن آن............ تش..... و بعدين جت الفرصة نتكلم مع بعض...... لقيته يا حرام قعد حوالي 15 ساعة ساكت..... و انا كده بوقي واجعني....المهم قولت معلش يا بت يا لمضمض ابتدي انتي.... المهم كلمة من هنا و كلمة من هناك....اخينا ابتدي يلاقي رابطة الجأش اللي كانت واقعة منه ع السلم.... و بعدين رحت قولتله بصوت انثوي سااااااااااااااااحر...... حضرتك بتقضي الاجازة ازاي.... يعني بتعمل ايه

تخيل بقي قالي ايه.....بصلي في عينيا انا قولت بقي بس خلاص هينطق و يقول هقضيه معاكي طول العمر..... لقيته بيقول انتي رخمة اوي

تخيلوا يا مؤمنين..... انا بقي عندي وش زي الشبشب البلاستيك ابو سبعة جنيه و نص في الحتت الشعبية.... رحت صدرته الواد طبعا وشه راح الوان

الضحية التانية

هي الزيارة كانت ماشية كويس بس كده كانت كتير أوي يعني... هو مش معني انه دخل علينا بتورتة يبقي هيشترينا بقي

الزيارة ابتديت الساعة 9 و فضل الزبون قاعد لغاية الساعة 12 و نص آه و الله

والحوار يا ريته معايا كان بينه و بين اخويا عارف بقي تحليل الكورة اللي بيبقي بعد الماتش..... طب انا لا شفت الماتش و مش عايزة اعمل تحليل؟؟؟

و انا قاعدة يا خويا زي النجفة في النص.... شوية اضحك.... و طبعا هو مش واخد باله ان فيه عرق هبل و شوية اروح اخش في الكلام باي حاجة

و شوية اقوم اعدل الخدديات

طبعا كل الضحايا السابقين دعيت ليهم من كل قلبي ربنا يسعدهم

بس انا خلاص مبقتش احب زواااااج الصالونات..... بس مافيش غيره

و لا زال النيل يجري....رش يا عم عايزين حبة طراوة

رابط المشاركه
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • طلب معلومات حول الفيزا السياحية :مصري عايش في بلجيكا عاوز اتجوز جزائرية عايشة حاليا في الجزائر

      السلام عليكم انا مصري عايش في بلجيكا و اتعرفت علي بنت جزائرية عايشة دلوقتي في الجزائر. الاجراءات الروتينية طويلة ومملة. بداية من لما اروح الجزائر اقدم طلب واستني 3 شهور عشان يردو بالموافقة بعد التحري عني و بعد كده نبدأ الجواز الموثق في الحكومة الجزائرية و بعد كده ابتدي انا من بلجيكا اجهز اوراق كتير وابعتلها كل الاوراق دي وهي تقدم علي فيزا لم الشمل في السفارة البلجيكية في الجزائر. الموضوع هيعدي السنة وزيادة وانا بصراحة تعبت من البهدلة في الاوراق والترجمة ووجع الدماغ ده كله بقالي كام سنة من يوم

      في المغتربين المصريين - egyptian expatriates

    • عايزه اشترى ديب فريزر ................

      عايزه اشتري ديب فريزر بس مش عارفه اشتريه من هنا (الكويت) ولا اشتريه من مصر ...... فلو امكن حد من الاخوه والاخوات فى مصر يقلي ايه الاسعار الموجوده هناك .....................؟؟؟؟؟؟والماركات النضيفه مع توضيح عدد الادراج يبقي ياريت ..............جدا وامكانيه الشحن من هنا والجمرك بتاعه هيكون أد ايه ................؟؟؟؟؟ وايه مساؤي شحنه من هنا ياريت ..........تفيدونى فى الموضوع ده ............. منتظراكم ..............

      في موضوعات شخصية

    • عايزه رايكم ضروري

      جايلي عقد في مستوصف الجزيره بحي النسيم في الرياض ممارس عام ب 6 و لسه معرفش تفاصيل العقد ردوا عليا ضروري سمعه المستوصف ده ايه و حي النسيم ده كويس و لا لا

      في المغتربين المصريين - egyptian expatriates

    • عد من 1 إلى 5 و كهرب العضو اللي انت عايزه *_*

      اللعبة جميلة جدا و مش من تأليفي طبعا انا لقيتها على أحد المنتديات و عجبتني اوي فقلت خللينا نفك شوية في اللعبة دي و اهو منها برضه نكهرب الأعضاء اللي غايظينا ههههههههههه طبعا ممنوع كهربة المشرفين :closedeyes: هههههههههههههه يللا نبتدي كل واحد يدخل يكتب الرقم اللي بعد اللي كتبه العضو اللي قبله و العضو اللي حيكون دوره يكتب 5 هو اللي يكهرب واحد من الأعضاء و ممكن يكتب تعليق لو عايز 1 1 1 1 1 1

      في دعوة للأبتسام

    • مش عاوزة اتجوز

      دعوة نضحك شوية طبعا كلنا شفنا حلقات المسلسل حنقدم اجزاء منها كل مااتفرج عليه مش بامسك نفسى من الضحك خصوصا حلقات معينة المسلسل بيعرض بعض النماذج الغريبة والمستفزة لاشخاص موجودة فى المجتمع فهل قدمها بصورة طبيعية ام بالغ فى نقدها لدرجة جعلت العروسة من اول مقابلة للعريس ترفع شعار مش عاوزة اتجوز حلقة ضابط الشرطة http://www.youtube.com/watch?v=2-wxz-puYqA&feature=related

      في دعوة للأبتسام


×
×
  • اضف...