دور عبد الناصر في حرب يونيو 1967 م

[الباشمهندس ياسر]

الاخ العزيز الباشمهندس ياسر رجاء عدم غلق الموضوع

فانا ارى هذا الموضوع حيوي جدا ومهم

الاخ حموده

سامحنى فانى لم ارى الرد الا اليوم وانا اتصفح مواضيعى القديمة

و عموما اعلم انه تجدب الاشجار ان توقفنا عن ريها بالماء

[حسام يوسف]

السلام عليكم أخى العزيز باشمهندس ياسر

أرى وهو رأيى الشخصى ان حضرتك وكل من تكلموا مهاجمين ناصر

لم تكونوا موضوعيين بالمرة

عفوا

هذا رأيى

مسؤولية ناصر عن 67

موضوع منتهى

واللى يقول حاجة غير كدة يبقى الكلام مالوش داعى

لكنى لا ارى الموضوع لتحميل ناصر مسؤولية 67

وهو قد تحملها بالفعل كرئيس للجمهورية

وتحملها باعلانة المسؤولية عنها

تحملها بأن رضخ لتهديد امريكا بالا يكون البادئ بالحرب

وأخطأ فى تقديرة

وأعلن أنة مخطئ

لكن ان اردنا تقييم اى حاكم أو اى شخص

فلنكن موضوعيين

ولا نذكر فقط المساوئ والأخطاء

لأ مش بس كدة

ننكر وأحيانا نقلب المزايا والحسنات لجرائم

أعلم أن الكثير من أعضاء المنتدى ضد ناصر تماما

وهم أحرار فى ذلك

لكن ان اختلفنا فلنختلف بموضوعية

منها ما اختلف علية معك

(انة اصدر أوامرة بالانسحاب العشوائى للجنود)

لأ

عامر من فعلها

وهذا لا يبرئ ساحة ناصر

فهو المسؤول عن وجود عامر فى هذا المكان الحساس أمام الشعب

(كم خسرنابسبب طرد الملك ومازلنا نخسر)

أنا مش لاقى أى تفسير للجملة دى

والأمر متروك لك

ودفاعك عن محمد على على أساس انة بانى نهضة مصر الحديثة

صحيح هو بانى نهضة مصر

بس مش عشان مصر

عشان يبقى ملك قوى لدولة قوية

مش لسواد عيون مصر

لأنة فى الأول و فى الاخر ألبانى

والدليل انة رضى بفرمان لندن الاستعمارى1840

بقصقصة أجنحة الجيش المصرى

وتقليص نفوذ الامبراطورية المصرية الوليدة

مقابل تثبيت عرشة هو وأسرتة على حكم مصر

(حرب 56)

انت بتقلل من حدث من أهم الأحداث المصرية فى التاريخ الحديث

ان لم يكن اهمها

ولو انى مبحبش أفعل التفضيل دى

بذمتك يا شيخ الرئيس المؤمن كان هيحارب الغرب عشان قناة السويس؟

ولا أى حد تانى؟

صدقنى لولا ناصر ماكناش رجعناها

ولو انت مش شايف أهمية لعودة قناة السويس

دى مشكلة تانية

وأنا اسف دى مشكلة عندك

لأنك لازم تعرف ألف أهمية لعودة قناة السويس لمصر

حتى كلامك عن السد العالى

ذكرت عيوب السد العالى

وأنا بدعوك تشرفنى فى اسوان

بس فى الشتا

عشان متكرهش اسوان

وتكرة ناصر أكتر ما انت بتكرهة

عشان نتكلم عن السد العالى ع الطبيعة

حتى النهضة التعليمية

حضرتك قلبتها لعيوب

وفوضى

وان طبيب الاطفال بيشتغل مهندس

وبطالة

ومفيش حد شغال

ازاى الكلام دة؟

البطالة اللى احنا فيها دلوقتى 2008

سببها ناصر اللى مات 1970؟

دة كلام؟

بتحاسبة على أخطاء غيرة؟

كل اللى اتعينوا بعد ما اتعلموا اثناء النهضة التعليمية لحكم الرئيس عبدالناصر

بنوا انجازات مصر ايام عبدالناصر

أمال مين اللى بنى السد؟

مين اللى بنى المصانع؟

مين اللى ساهم فى نهضة صناعية

وتنمية اقتصادية كبيرة؟

مصانع

ورش

حديد وصلب

وجامعات

انت بتلوم ناصر انة خد سياسات

فاتعلم أطفال المصريين الغلابة

وانا منهم

وبقوا اطفال الفلاحين الغلابة

والعمال المطوحنين

مهندسين

وأطباء

ومدرسين

ومحامين؟

بجد ياباشمهندس

حرام عليك

أنا كنت بتابع الكلام دة كل يوم

ولانى مش عايز اختلف معاك

واحنا فى شهر رمضان

فضلت الا اتدخل بالمشاركة

النهاردة

حسيت بتأنيب الضمير ناحية الراجل اللى بين ايدين ربنا

وحارب الدنيا عشان يجيبلنا حقنا

فى التعليم

والتصنيع

والقطاع العام

وقناة السويس

واننا نبقى بنى ادمين

واحنا بنيجى فى الاخر نشوهة

ونتكلم عن عيوبة بدون حسناتة

وياريت بس كدة

دة احنا بنقلب الحسنات الى سيئات

متزعلش منى ياباشمهندس ياسر

انت عارف انت معزتك عندى قد اية

لكنة رأيى

وأنا اتمنى نتناقش بهدوء واحترام

وبشكل منظم فى أى نقطة لو حبيت

وأنا عارف انك شخصية تحب الاسلوب دة

وأنا تحت أمرك

ومتزعلش منى

الله يرحمك يا عبدالناصر

[الطائر الحر]

يكفي عبد الناصر عارا ان القدس الشريف ظل بيد المسلمين منذ ان اعاده صلاح الدين الايوبي منذ الف سنة الى ان فقدوه في عهد عبد الناصر... فارق كبير بين عهد الانتصارات و عهد الهزائم.... تاريخ صلاح الدين يتشرف بالنصر و بعودة القدس ... و تاريخ عبد الناصر يخزي بالهزيمة و ضياع القدس...

سكت الكلام...

[مصطفى عبد الوهاب]

يكفي عبد الناصر عارا ان القدس الشريف ظل بيد المسلمين منذ ان اعاده صلاح الدين الايوبي منذ الف سنة الى ان فقدوه في عهد عبد الناصر... فارق كبير بين عهد الانتصارات و عهد الهزائم.... تاريخ صلاح الدين يتشرف بالنصر و بعودة القدس ... و تاريخ عبد الناصر يخزي بالهزيمة و ضياع القدس...

سكت الكلام...

السلام عليكم

أولا أنا لست من المدافعين عن عبد الناصر و لا غير عبد الناصر لأن كل منا يعلم كل العلم ماذا فعل عبد الناصر و خلفاء عبد الناصر الى يومانا هذا من خير و شر

ثانيا لفت نظري من مداخلة الأخ الطائر الحر انه محمل عبد الناصر فوق طاقته أو أكبر من حجمه عبد الناصر انهزم في مصر و هو كان حاكم لمصر مش فلسطين و على فرض انه كان سبب من أسباب دخول اليهود لفلسطين فده مش مبرر ان احنا نقول ان عبد الناصر هو اللي ضيع القدس و يتحمل هو النتيجه كامله و شكرا

[حسام يوسف]

يكفي عبد الناصر عارا ان القدس الشريف ظل بيد المسلمين منذ ان اعاده صلاح الدين الايوبي منذ الف سنة الى ان فقدوه في عهد عبد الناصر... فارق كبير بين عهد الانتصارات و عهد الهزائم.... تاريخ صلاح الدين يتشرف بالنصر و بعودة القدس ... و تاريخ عبد الناصر يخزي بالهزيمة و ضياع القدس...

سكت الكلام...

الموضوع فى دور ناصر فى 67

وحضرتك بتتكلم عن القدس

ماشى انا معاك فى الخروج عن الموضوع

قدس اية اللى ضيعها ناصر؟

الدول العربية كانت محتلة ومتقسمة بين الدول الغربية

والقدس كانت تحت الانتداب البريطانى

اللى همة سلموا فلسطين

بالوعد الشهير والموالسة لليهود الصهاينة

فصلاح الدين اية وعبدالناصر اية؟

ياريت يا جماعة لو هنتناقش

نتكلم بجد

مش أى كلام بعيد عن الواقع او التاريخ

تم تعديل 9 سبتمبر 2008 بواسطة حسام يوسف

[iloveegypt]

عبد الناصر بصراحة احسن رئيس جاء فى التاريخ الحديث

بس مش لمصر لبلد تانية اسمها اسرائيل

عبد الناصر كا سببا فى قتل اغلى حاجة لاى انسان

الحرية

عبد الناصر كان ديكتاتورا لا يقبل الراى الاخر

هو فرعون العصر الحديث

احمد الله انى لم اعش فى عهد هذا الطاغية

زكفاه فخرا كونه شيوعيا اشتراكيا

حتى الشيخ الشعراوى لما عرف بهزيمة 67 سجد لله شكرا

\لان مصر لو انتصرت فتكون الشيوعية هى المنتصرة

بصراحة لما تيجى سيرته بحس بالخنقة كفاية على عبد الناصر صلاح نصر اللى قلب البلد كلها دعارة

وحمزة بسيونى وصلاح سالم وغيرهم ممن ذهبوا الى ...... التاريخ بغير رجعة

تم تعديل 9 سبتمبر 2008 بواسطة iloveegypt

[حسام يوسف]

من أبرز عيوب ناصر فى رأيى

هى الديكتاتورية

وتليها هزيمة 67

اللى هية كمان بسبب الديكتاتورية

حرب اليمن

وأعتقد أن الديكتاتورية التى اتسم بها حكم ناصر

هى التى جعلت أفكارة تموت أو تبتعد عن التطبيق يوم مات فى 1970

لانة لو كان لة حزبا او حركة ينتمى لها

وجعل هناك انتخابات حرة

لعلم الناس ان تتمسك بأفكارة

لا أن تسكت وتشاهد انجازات الثورة تضيع واحدة تلو الأخرى

على يد الرئيس المؤمن السادات

أما باقى كلامك ياباشمهندس I LOVE EGYPT

فمجرد كلام مرسل

وحتى كلام الشعراوى اللى حضرتك بتستشهد بية

يعتبر مأخذ على الشعراوى لا على ناصر

ومش عايز اقلب الموضوع خناقة بين من ضد الشعراوى وهم قلة وأنا منهم

مع مريدى الشعراوى وهم أكثرية

أما باقى كلامك عن ان ناصر كان شيوعيا اشتراكيا

فدة مش صحيح برضة

ناصر كان يؤمن باشتراكية ناصرية عروبية قومية

اشتراكية خاصة بطبيعة مصر

حتى أن هناك الكثير من الاشتراكيين اعتبروا ناصر لا اشتراكى ولايحزنون

وقالوا ان تجربتة كانت راسمالية دولة

مش اشتراكية وأنا اميل لهذا الرأى

واليسار وهو الاسم الجامع لكل التيارات والافكار الاشتراكية بة العديد من المدارس الفكرية المختلفة

أكثرها تطرفا الشيوعية

يعنى مش كل اشتراكى شيوعى

العكس صحيح

كل شيوعى يسارى أو اشتراكى

واليسار أو الاشتراكية مش عيب

ولا سبة

بالعكس

هى مذهب فكرى واقتصادى واجتماعى وثقافى

اسف لو كنت تطرقت للشيوعية والاشتراكية

بس كلامك أجبرنى اوضح الفرق بينهم

ناصر كانت لة عيوب

ديكتاتور

معاك

وثق فى ناس

منهم المحترم ومنهم الغير محترم بالمرة معاك

كان يفضل ادارة المعارك مع القوة المضادة بالاصطدام دائما حتى ولو بمن هو أقوى منة

وحتى لو كان الاصطدام ليس فى صالحة أو فى صالح مصر

معاك

يكفى القوى التى كان يحاربها

الملك والرجعية

الاقطاع

مصالح الأحزاب اياها

الاستعمار

من انجلترا وفرنسا والغرب كلة

حتى امريكا

اسرائيل

قوى الرجعية والحكم الملكى فى المنطقة

والكثير

لكن ناصر كان وطنيا

كان يعمل وفق رؤاة

لكن هدفة كان مصر

شريفا لم يسرق

اتهمة الساداتيون والتيارات المتاسلمة وكل من كرهوة بكل التهم

الا شرفة

الا امانتة

نهض بمصر نهضة اقتصادية

وتعليمية

تبنى سياسة الديموقراطية الاجتماعية لا السياسية

حرر الانسان المصرى من المذلة وراء لقمة العيش التى كان يجود به البشوات

تعلم الفلاح

والعامل

استرد القناة التى لم نكن لنستردها لولا ما حدث فى 56

بناء السد لو كان وحدة لكفاة

القطاع العام الذى تحمل النهضة الاقتصادية فى أصعب الاوقات

والذى يباع بأبخس الأثمان

ناصر الذى تتهمة بكل التهم ياباشمهندس هو الذى قرر انشاء اذاعة القران الكريم

وأرى فى رايى الشخصى أن انشاء اذاعة القران الكريم هو اعظم انجاز اسلامى فى العصر الحديث

اصبح بمقدور كل فرد حتى لو لم يكن يقرأ

أن يستمع لايات اللة

بضغطة زر

فى راديو صغير

ناصر حرر الأزهر من التخلف الذى كان يسيطر علية

وأضاف لة العلوم الحديثة بجانب العلوم الاسلامية

وأصبحنا نرى كليات الطب والصيدلة والهندسة وغيرها

ناصر أقام لمصر مكانة عظيمة فى عصرة (وراحت وكل سنة وانت طيب دلوقتى)

فى العالم كلة

عدم انحياز

حركات تحرر افريقى

اسال اى افريقى او اسيوى وقل لة مصر

سيبتسم ويذكر لك فضل مصر على بلادة فى حركات التحرر ببلادة

كان المصرى لو ذهب للبلاد العربية أو الافريقية أو الاسيوية يقابل بكل احترام

لمكانة بلادة

(بالظبط زى اللى بيحصل دلوقتى-طبعا انا بهزر)

ناصر شهد لة الأعداء

حتى الفرنسيين والامريكان

بانة كان خصما يحترموة

رحم الله عبدالناصر

اجتهد

أصاب وأخطأ

لكنة كان يجود بكل وقتة

وصحنة

وحياتة

ودمة

لمصر

رحم الله عبدالناصر

وغفر لة

تم تعديل 9 سبتمبر 2008 بواسطة حسام يوسف

[تامر احمد]

مش كدة وبس اللى اسمه عبد الناصر ده كان اكبر ارهابى فى تاريخ البشرية..

كان عميل للcia (المخابرات الامريكية .. وكان عميل لل MI5 (المخابرات البريطانية) ..

وكان عميل لل KGB (المخابرات السوفيتية السابقة)

وكان عميل للموساد (المخابرات الاسرائيلية)

واللبيب تكفية الاشارة.......................

[الباشمهندس ياسر]

رحم الله موتانا وموتى المسلمين

اما عن حديثك عن عبد الناصر فلا مانع لدينا من اكماله و لكن فيما بعد حتى ارتب لك نقاطك التى ذكرتها يا دكتور و نبدأ فى الرد عليها تباعا ان شاء الله

[حسام يوسف]

وأنا فى انتظارك مع نقاش هادئ نتعلم منة سويا

[الباشمهندس ياسر]

انا اخوك الصغير يا دكتور

و يشرفنى و يعلينى انى اتعلم منك

و اخيرا ربنا يهدينا للحق حيث كان

[الطائر الحر]

يكفي عبد الناصر عارا ان القدس الشريف ظل بيد المسلمين منذ ان اعاده صلاح الدين الايوبي منذ الف سنة الى ان فقدوه في عهد عبد الناصر... فارق كبير بين عهد الانتصارات و عهد الهزائم.... تاريخ صلاح الدين يتشرف بالنصر و بعودة القدس ... و تاريخ عبد الناصر يخزي بالهزيمة و ضياع القدس...

سكت الكلام...

الموضوع فى دور ناصر فى 67

وحضرتك بتتكلم عن القدس

ماشى انا معاك فى الخروج عن الموضوع

قدس اية اللى ضيعها ناصر؟

الدول العربية كانت محتلة ومتقسمة بين الدول الغربية

والقدس كانت تحت الانتداب البريطانى

اللى همة سلموا فلسطين

بالوعد الشهير والموالسة لليهود الصهاينة

فصلاح الدين اية وعبدالناصر اية؟

ياريت يا جماعة لو هنتناقش

نتكلم بجد

مش أى كلام بعيد عن الواقع او التاريخ

الاخ العزيز.. ارجو ان تراجع معلوماتك التاريخية لتعرف ان القدس الشرقية (او ما تسمى بالقدس القديمة) التى تتضمن المسجد الاقصى كانت تحت حكم الاردن منذ كام 1948 حتى احتلتها اسرائيل عام 1967 و لم تكن الاردن وقتها تحت الانتداب البريطانى الذي انتهى عام 1948 !!.. و اذا سلمنا بمسؤلية عبد الناصر عن هذه الهزيمة النكراء فنحن نسلم ايضا بمسؤليته عن ضياع القدس الشرقية. و قد تعمد موشى ديان ان يدعو كل و كالات الانباء و الاعلاميين لتسجيل لحظه دخوله للقدس و للمسجد الاقصى لتظل هذه اللحظة تعبيرا عن انتصار اسرائيل للابد. و اليك هذه الصورة الشهيرة:

http://www.media-vision.org/RADIOSIONTV/Da...usalem_1967.jpg

و اليك معلومات اضافية تاكيدا لكلامى :http://ar.wikipedia.org/wiki/%D8%A7%D9%84%D9%82%D8%AF%D8%B3_%D8%A7%D9%84%D8%B4%D8%B1%D9%82%D9%8A%D8%A9

لقد كانت القدس القديمة هي الجائزة الكبرى لاسرائيل عام 1967

........ و سوف اتغاضى عن اسلوبك الاستفزازي في الرد بشرط ان تعدني بقراءة التاريخ جيدا... مع الشكر و التقدير

[حسام يوسف]

أنا أسلوبى مستفز؟

ربنايكرمك

ممكن اعرف استفزيتك فى اية؟

هوة حضرتك يا اما تقول ان عبد الناصر هوة اللى ضيعه القدس اللى كانت محررة من أيام صلاح الدين

لحد ما جة ناصر وضيعها

وان ناصر هوة اللى ضيع القدس

وبعدين لأ

دة هوة اللى ضيع( القدس الشرقية)

وهوة ماكانش مسؤول عن القدس لا الشرقية ولا الغربية

يا اما أبقى مسنفز؟

النقد لأى شخصية سواء شخصية عادية أو شخصية عامة أو تاريخية

يجب ان يكون موضوعيا

ميزات وعيوب

انما نقد بالسلب بلا ميزات؟

أو تحميلة أخطاء لم تكن لة؟

زى ضياع القدس اللى حضرتك بتتكلم عنة

أنا لا اقصد اى استفزاز على الاطلاق

لك أو لغيرك من زملاء المنتدى الكرام

وحقيقى انا قلت رأيى فى الموضوع

ومعادش عندى حاجة اقولها تانى

واذا كنت زعلتك حقك علية

احنا فى ايام مفترجة

ورمضان كريم

كل سنة وانت طيب

[mizo]

ايه ده انا سبتكم يومين الاقى كله ماسك فى عبدالناصر

يكفي عبد الناصر عارا ان القدس الشريف ظل بيد المسلمين منذ ان اعاده صلاح الدين الايوبي منذ الف سنة الى ان فقدوه في عهد عبد الناصر... فارق كبير بين عهد الانتصارات و عهد الهزائم.... تاريخ صلاح الدين يتشرف بالنصر و بعودة القدس ... و تاريخ عبد الناصر يخزي بالهزيمة و ضياع القدس...

عبد الناصر بصراحة احسن رئيس جاء فى التاريخ الحديث

بس مش لمصر لبلد تانية اسمها اسرائيل

عبد الناصر كا سببا فى قتل اغلى حاجة لاى انسان

الحرية

عبد الناصر كان ديكتاتورا لا يقبل الراى الاخر

هو فرعون العصر الحديث

ش كدة وبس اللى اسمه عبد الناصر ده كان اكبر ارهابى فى تاريخ البشرية..

كان عميل للcia (المخابرات الامريكية .. وكان عميل لل MI5 (المخابرات البريطانية) ..

وكان عميل لل KGB (المخابرات السوفيتية السابقة)

وكان عميل للموساد (المخابرات الاسرائيلية)

كل ده وزى مايكون الراجل مالوش اى حاجه كويسه

برجاء من الاخوه اللى بيكتبوا يتاكد من اللى بيسمعه

المشكله كل واحد سمع كلمه او اتنين يقوم يردهم على سبيل المثال

عبد الناصر عميل للامريكان واسرائل وروسيا وووو

اتقوا الله فى رجل كان قريبا من الناس

اتقوا الله فى رجل استطاع الغرب والاعداء من تشويه صورته فتفقدون القدوه

اتقوا الله فى رجل مات ولم يكنز من الاموال ماكان احد يساله

الموضوع مش كده/ تقول عبد الناصر عليه غضب الله واقوللك امين

على العكس اقولك انت غلطان ومكن نناقش نقطه نقطه

عبد الناصر كان ومايزال من الناس الدين يفتخر بهم العرب الغير حقودين الدين ليس لهم مصالح فى تشويه القدوه

ياجماعه عبد الناصر قدوه ويخشى الغرب واسرائيل واعداء الاسلام من

منه علي انفسهم ولهدا يشوهون صورته

انا على استعداد لمناقشه الموضوع مع اي احد فى نقاط وفى حدود ادب

الحوار

رحم الله عبد الناصر فقد تحمل فوق مايستطيع

[حسام يوسف]

ربنايكرمك يا اخى الفاضل ميزو

بعض الناس لاتتعامل بموضوعية

انما بمنطق اشتم وبس

على حبة كلام مرسل لا اساس لة

على سلبيات وغير صحيحة كمان

بدون ذكر أى ايجابية

مش كل الكلام اللى الناس بتقراة صحيح

لازم الواحد يفلتر ويعقل

تم تعديل 10 سبتمبر 2008 بواسطة حسام يوسف

[كمبورا 6]

الزملاء الافاضل

اسعد الله اوقاتكم جميعا وكل سنة وانتو طيبين

الفاضل حسام يوسف والفاضل ميزو

كلامكم من وجهة نظر واحد عاش التجربة صحيح

انما لازم نضع فى الاعتبار ان الشباب سمعو فقط ولم يشاهدو

ياريت تقدرو تتواصلو معاهم لان دى الطريقة الوحيدة لتوضيح حقائق فترة جميلة جدا من تاريخ مصر

مع الاحترام

[حسام يوسف]

الاخ العزيز كمبورا

انا معشتش عصر ناصر

أنا مواليد 74

وحكاية ان مواليد العصر اللى يقدروا يحكموا أو يناقشوا بلاش يحكموا دى

انا مش معاها

من حق الكل يتناقش

انما بموضوعية

اللى هيشوف ناصر ملاك أو شيطان يبقى كلام مش منطقى لأنة انسان

ومش لازم نتفق على راى واحد على فكرة

انما مش عميل ومعرفش اية والكلام اللى مش قد كدة دة

[كمبورا 6]

العزيز حسام

الزملاء الافاضل مساء الخير

انا قصدى اللى بيعيش التجربة الحية وبيكون عنها قناعاته بنفسه ( سواء صح اوغلط ) غير اللى بس بيقرأ وجهه

نظر الله وحده اعلم باهدافها واتجاهاتها او هى صح او خطأ

سيبك انت اسعدتنى جدا جدا لما عرفت انك مواليد74

وده تأكيد على ان التجربة الناصرية تستحق انها تتفهم صح اى كانت نتائجها

مع الاحترام

[mizo]

انا عشت ايامه

ولايهمك يادكتور حسام كله هايبقى تمام

[حسام يوسف]

انا اللى سعيد بيكم أخوتى الاعزاء كمبورا وحضرتك يا دكتور ميزو