و ماذا غير المعادله ؟

[yassir]

هل المدرس البديل موجود فى كندا؟

الأخت بنت بطوطه, انا بس حأرد على الجزئيه اللى فوق , المدرس البديل موجود و ليا صديق يعمل هذه المهنه رغم أنه كان مهندس و لكن مشاكله مش فى الأندماج فى المجتمع و لا اللغه و لاحاجه , مشاكله مع الطلبه فى مرحله 11 و 12 سنه كده علشان هما عارفين انك مجرد بديل لمدرسهم أو مدرستهم الأساسيه علشان كده احترامهم ليه أقل بكتير من مدرسهم الاساسى , و كمان اللغه مش معناها انك بتعرفى تتكلمى أنجلش أو فرنش بس , الأولاد ليهم لغه دارجه مستقاه من ألعابهم و المسلسلات اللى بيتفرجوا عليها و الأغانى اللى بيسمعوها و ده طبعا بالنسبه للى جى جديد صعب أنه يتعود عليه بسرعه .

ا يه يا جماعة روحتو فين للدرجة الحياه صعبه فى كندا من غير معادلة ؟ طب اى معادله مع عبقرية المصريين حتاخد كام سنه طب اتنين طب خليهم تلاته

الحياه مش صعبه أنا بس كان قصدى بالموضوع ده مساعده اللى جاى جديد أنه يكون عنده بلان بى , معرفش أنه كله جاهز و مش محتاج أى بلان و لاحاجه ...معلهش ..آسف للأزعاج ياسيدتى ....

[لولا]

ليس لى فى كندا بصراحه كوع ولا بوع كما يقولون angl::

ولكنى اصبحت اتابع موضوعك وموضوع الدكتور تهامى لشده

احترامى لشخوصكم الكريمه.

استاذ ياسر ، ما هذا الخلق العظيم الذى تملكه.

فعلا بارك الله لك وفيك ورعاك، اذ تفرد الصفحات

فى هذا الموضوع لا لشيء سوى مساعده من يحتاج

وارشاد من ينتظر الإرشاد، ونفع الجميع بكل معلومه

تعرفها مهما كانت صغيره.

الحمد الله انا الدنيا ما زالت بخير..

والله كلما دخلت ركن الهجره الى كندا هذا ، وجدت الدنيا

كلها بمبى فى عينى كما كانت تقول سعاد حسنى..

شكرا اخى ياسر على هذا المجهود، وهذا الكرم الفائق

منك بمنح كل هذا الوقت ، وهذه المعلومات.

[حسام يوسف]

يا لولا كل اللى جة المنتدى

لو ماكانش بيفكر فى كندا

بعد مايشوف الباب دة

بيفكر فية

صدقينى

اهلا بيك مستفربة كندية ان شاءالله

[bentbatota]

انا اسفه يا استاذ ياسر انا ماكنش اقصدى ان الحياه حلوه وسهله فى كندا انا كان كل اقصدى زى حضرتك ان يكون ليك خطة موزايه للمعادله يعنى انا دكتوره مش حاروح اقعد استنى لغاية مااخلص المعادله 6او 7او10 سنين ادور على البديل فى مجال تخصصى واخد فى كورسات فى مهن قريبه من تخصصى زى التمريض وغيرهاوالمدرس البديل كان قصدى بيه اهو مجال اخر لاخوانا الى فى كندا وكل واحد يحسبها ويسال ويستشيرويشوف لكل مهنة مميزات وعيوب وحتى لو حتشتغل فى مهنتك الاصليه مش مدرس هم ليهم لغه بينهم زى مصر فى دلوقتى لغه دارجه عايز مترجم عشان افهمها

[Dr Ayman Kamel]

انا اسفه يا استاذ ياسر انا ماكنش اقصدى ان الحياه حلوه وسهله فى كندا انا كان كل اقصدى زى حضرتك ان يكون ليك خطة موزايه للمعادله يعنى انا دكتوره مش حاروح اقعد استنى لغاية مااخلص المعادله 6او 7او10 سنين ادور على البديل فى مجال تخصصى واخد فى كورسات فى مهن قريبه من تخصصى زى التمريض وغيرهاوالمدرس البديل كان قصدى بيه اهو مجال اخر لاخوانا الى فى كندا وكل واحد يحسبها ويسال ويستشيرويشوف لكل مهنة مميزات وعيوب وحتى لو حتشتغل فى مهنتك الاصليه مش مدرس هم ليهم لغه بينهم زى مصر فى دلوقتى لغه دارجه عايز مترجم عشان افهمها

ــــــــــــــــــــــــــــــــــــــــــــــــــــــــــــــــــــــــــــــــ

ـــ

الاخوة الاعزاء

انا باشكركم من كل قلبى على النصائح لاخوانكم المهاجرين

والنصيحة اللى ممكن اقولها على الاقل الانسان بكون عنده عدة خطط على الاقل 3 خطط يبدا يصوب ويحدد الهدف والله هو الموفق (ومارميت اذ ------ ولكن الله رمى)

اسجل متابعة واعجاب

[hosiny]

كنت عايز اسألك يا ياسر باشا علي حاجة

انا كويس في موضوع صيانة الحاسب و البرامج و حل مشاكله و علي خفيف كده في الشبكات هل الموضوع ده ممكن ينفعني كشغل مؤقت و هل عائده كويس؟؟؟؟

[yassir]

كنت عايز اسألك يا ياسر باشا علي حاجة

انا كويس في موضوع صيانة الحاسب و البرامج و حل مشاكله و علي خفيف كده في الشبكات هل الموضوع ده ممكن ينفعني كشغل مؤقت و هل عائده كويس؟؟؟؟

أخى العزيز الحسينى , العمل اللى بتسأل عليه موجود بالفعل و فى بعض الأحيان بيكون شغلتين منفصلتين , واحده العاملين بمجال صيانه الحاسب computer Technician و الآخر هو العاملين بمجال تركيب و صيانه الشبكات .

الComputer Technician لها أكثر من ميزه :

1- يعمل معظمهم بنظام العقد و هو بالطبع أجزى ماديا و أوفر فى الضرائب.

2- يعمل الفنيين بنظام الأكواد , حيث ترسل لك الشركه كود على الميل بوكس بتاعك يؤهلك للدخول على مواقعها للدعم الفنى و يحتوى على بيانات العميل و موقعه و الشكوى و هذا يعطى الفنى التحكم فى دوامه , فيمكن أن تجد نفسك فى البيت من الساعه الثانيه ظهرا لو خلصت كل الاوردرز بدري.

3- متوسط دخل الفنيين حوالى 19 دولار بالساعه اللى 20 دولار بالساعه .

4- تعمل عدد من الشركات مثل DELL على تأجير النظام و الكومبيوترز للجامعات و الكولجز و الشركات الكبيره و هذا يجعلها مسئوله عن الصيانه طوال فتره الليس و بعد أنتهاء الليس يقوم بعمل upgrade للنظام مما يعطى أوردرز كثيره للفنيين .

5- على المستوى الشخصى ليا صديقين مصريين يعملان بهذا المجال كل منهم يعمل بشركه فى الصباح و لديه شركه صغيره لأصلاح الحاسب للأفراد , العائد من الشركه الشخصيه بسيط و لكنه يعطيك مؤشرا على عدم صعوبه الجمع بين العمل و المذاكره او مباشره الشركه .

العاملين بالشبكات لهم نفس مزايا أكثر:

1 - توجد شركات مثل NEC مثلا تقوم بعمل برامج تدريب لمن له خبره بالنت ورك على أصلاح ال ATM و هو مجال جيد يضاف لعملك بصيانه النتورك .

2 - نسبه عمل فنيين أصلاح و صيانه النتورك بالشركات طبعا أكبر من فنيين أصلاح الكومبيوتر فهو جزء من قسم ال IT و يستطيعون القيام أيضا بأصلاح الحاسب على العكس من فنى أصلاح الحاسب فقط .

3- متوسط دخل الفنيين حوالى 25 بالساعه اللى 30 دولار بالساعه .

4- معظم العاملين بصيانه أو تركيب أو اصلاح النتورك يقوم بدراسه ال Network Administration و هى شهاده معتمده من مايكروسوفت و لها كورسات بجميع الكولجز و هى تجعله ليس فقط فنى يقوم بتركيب الكابلات و عمل setup للشبكه و أنما عمل بقيه منظومه الشبكات من تحديد من له أحقيه الدخول على النت , كلمات السر و أساليب الدخول على الشبكه , تحديد مستويات السلطه على الشبكه و غيره من الأمور التى يعلمها المتخصصون بهذا المجال . على الله أكون اضفت شىء يفيدك .

و أخيرا دعواتى بالتوفيق لك و لجميع الأخوه القادمين .

[hosiny]

مش عارف اشكرك ازاي يا ياسر باشا

والله ما قصرت علي رأي ............. مش فاكر مين

ده كده الواحد يسيبه من المذاكرة بقي و يعيش في الشغل ده اسهله وربحه احسن

[فــيــروز]

مش عارفه الموضوع لسّه فيه مجال للأسئله ولاّ خلاص شطّب !! :wub:

الحقيقه أنا لازلت فى مرحلة قراءة الموضوعات الكتيره جدا عن الهجره ولم أتّخذ أى إجراءات لكن الفكره مطروحه وحبّيت أسأل عشان تبقى الإجابه فى الاعتبار عند اتّخاذ قرار

كنت عاوزه أسأل على حاجه لها علاقه بالشغل و الوظائف و المعادلات

أنا شهادتى بكالوريوس هندسه قسم كهربا .. بس أنا لم أعمل بالهندسه خالص و عملى الحالى Senior Oracle Developer

فهل لازم أعمل معادله لبكالوريوس الهندسه لو حبّيت أشتغل مع العلم إنّى مش عاوزه أشتغل مهندسه و باقول لو ينفع أشتغل شغلانه شبه شغلتى الحاليه يبقى نقطه إيجابيه .. فلو ده ينفع إيه مقدار المعادلات اللىّ مفروض أعملها أو الدراسات التى أحصل عليها؟ و هل لازم الواحد يعمل معادله لشهادته عشان يبقى لها قيمه هناك ولاّ ده يعتمد على طبيعة الشغل اللىّ عاوز يشتغله؟

أرجو مايكونش السؤال بعيدا عن هدف الموضوع

وشكرا مقدّما ..

[yassir]

مش عارفه الموضوع لسّه فيه مجال للأسئله ولاّ خلاص شطّب !!

و الله يا أخت فيروز و لا أنا عارف , المفروض أن المهتم هو اللى يسأل و يدور و اللى موجود فى كندا يساعد على قدر أستطاعته بس زى ماأنت ماأنتى شايفه كما يقول على سلامه أهجس ....ألاقى ميت مليون هجاس ...أفكر ...هس لاصوت ولاناس .... علشان كده الواحد نقل نشاطه مع أخوانا المطاريد مادام مالوش عيش هنا ....... :wub:

أنا شهادتى بكالوريوس هندسه قسم كهربا .. بس أنا لم أعمل بالهندسه خالص و عملى الحالى Senior Oracle Developer

يابختك

فهل لازم أعمل معادله لبكالوريوس الهندسه لو حبّيت أشتغل مع العلم إنّى مش عاوزه أشتغل مهندسه.

طبعا لو مش عايزه تشتغلى مهندسه مش لازم تعادلى بكالوريوس الهندسه , المعادله للى عايز يعمل كمهندس نقابى , و كثير من المهندسين بيعملوا بدون المعادله أساسا زى اللى بيعمل Master مثلا و بيحصل على ال Title كمهندس فى شركه حتى و لو لم يكن نقابيا .

و باقول لو ينفع أشتغل شغلانه شبه شغلتى الحاليه يبقى نقطه إيجابيه ..

طبعا نقطه شديده الأيجابيه , لى صديق بيعمل نفس وظيفه حضرتك الآن , وكان مهندسا مدنيا , و لم يفلح فى أكمال المعادله و لا فى عمل وظيفه قريبه الشبه من وظيفته لأسباب كثيره و بدأ يتعلم ال Oracle و بعد عامين من الكفاح و الكورسات و الأمتحانات لم يعمل خلالها أى شىء بجوار الدراسه ربنا كرمه بعمل Oracle Developer و الحمد لله تعدى راتبه ال 100k . ربنا يوفقه و يوفقك .

إيه مقدار المعادلات اللىّ مفروض أعملها أو الدراسات التى أحصل عليها؟

اذا كان قصدك بالنسبه للأوريكال فده طبعا متوقف على دراستك و ما حصلتى عليه من شهادات و لكن على قدر علمى لايوجد معادله فى مجالك دى شغلانه Plug and Play

الأخ ايهاب سالم مختفى من فتره هو أقدر على أجابه سؤالك فهو يعمل بنفس المجال لأن كورسات الأوريكال مغرقه الدنيا هنا فى جميع الCollages

أنما لو حبيتى تاخدى فكره عن أمتحانات المعادله لشهاده مهندس الكهرباء هتجيديها فى الملف المرفق مع هذا الموضوع .

http://www.egyptiantalks.org/invb/index.php?showtopic=57837

و هل لازم الواحد يعمل معادله لشهادته عشان يبقى لها قيمه هناك ولاّ ده يعتمد على طبيعة الشغل اللىّ عاوز يشتغله؟

معادله الشهاده ملهاش دعوه بالقيمه , الموضوع كما تفضلتى له علاقه بما تبحث عنه من عمل , يعنى أفرضى أن شهادتك مثلا فى مهنه معينه و جيت عادلتى الشهاده ووجدتى أن العمل بها غير مربح يبقى ايه قيمه الشهاده زى التدريس مثلا يطلع عينك مذاكره و عمل كمدرس بديل و تبعت فى كل بورد علشان حد يبعت أوفر و بعدين تلاقى العائد أقل من سائق الأوتوبيس ....طبعا كل واحد بيحكم قراره أعتبارات كتيره منها المسئوليات العائليه و الماديه و السن و غيرها....

ربنا يوفقكك و يعينك فى هجرتك .

[فــيــروز]

عزيزى ياسر

مالكش عيش هنا إزّاى ما شاء الله لقد أفدت الكثيرين من طالبى المشوره و النصيحه .. و على أى حال لا بأس أن يوسّع الإنسان مدى خدماته و كلّه عند ربنا wst::

شكرا جزيلا على الإجابه المستفيضه حقيقى أفادتنى كتير ..

[مسافرة]

السلام عليكم

شكرا يا باشمهندس ياسر على الموضوع .. كما عهدناك بتساعد اخوانك قدر استطاعتك..

لى اضافة صغيرة ممكن تفيد المهندسين و المهندسات المقبلين على الهجرة.. نقابة المهندسين فى مقاطعتى كيبيك و اونتاريو فقط فيهما ميزة انك ممكن تعمل academic assessment لشهادة الهندسة بتاعتك و انت ما زلت فى بلدك .. بالمراسلة.. و هذا التقييم بيوفر وقت فى الحصول على رخصة مزاولة المهنة بدل ما تبدا المشوار بعد الوصول (حيث ان تقييم الشهادات الدراسية هو أهم ركن فى الرخصة) , و كمان بيعرفك ماذا تعنى شهادتك بالنسبة لهم و ممكن يدعم موقف ملفك فى السفارة لان اذا النقابة قيموا شهاداتك و لقوها معادلة هذا يعنى انك عارف طريقك هناك و ماشى فى الطريق السليم يعنى مش عايز الفيزا و خلاص و بعدين تروح تلطش و هذا ضرورى فى دراسة ملفك لانهم دايما يسألوا فى المقابلة عن معادلة شهاداتك هناك و ظروف العمل فى مجالك و رخصة المهنة ماذا تعرف عنها ؟

ملحوظة.. فيه جهات كثيرة جدا بتعمل التقييم ده .. ما لهاش لازمة .. اطرق باب نقابة المهندسين فى اونتاريو مباشرة و استعين بموضوع نقيب المهنسين المصريين فى كندا الباشمهندس ياسر عن هذه الرخصة .

موقع النقابة .. peo.on.ca

تم تعديل 12 أغسطس 2008 بواسطة مسافرة

[hosiny]

لسلام عليكم استاذ ياسر

انا حاسس انك محبط بسببنا بس لازم تعذرنا احنا هنا مش عارفين الجو بتاع كندا و لسه دماغنا واخده علي النظام العربي فحتي الاسئلة اكيد مش هتبقى كاملة

ياريت حضرتك تفتح معانا المواضيع بطريقة سهلة قوي مثلا تحكيلنا زي يوميات في كندا هتلاقي الاسئلة بتطلع لوحدها عن الشغلانات اللي ممكن مش حاسين بيها

سؤال كمان بصفتك نقيب المهندسين في المنتدي...معادلة الشهادة من خارج كندا بتاخد وقت قد ايه؟؟ وهل تفرق في التكلفة لو عادلتها و انا لسه موصلتش كندا؟؟؟

[samehelassad]

اخويا وحبيبي العزيز ياسر وحبيبي حسيني اخباركم اية انا بس باعتزر عن انقطاعي الفترة اللي فاتت عشان زي مانتم عارفين انا في مصر في اجازتي وكند في شرم الشيخ ولسة جاي النهاردة وماكنش عندي نت ولا حاجة.

وياريت يابو اليسر تكمل في موضوعك ومتغطسش. عاوز اول مافتح السايت الاقية في اول صفحة ياباشا. موضوعك دة مهم جداجدا جدا وانا شايف انة لازم يتثبت. دة هو عبارة عن الطريق الصح للعمل في كندا.

[hosiny]

حمد الله علي السلامة يا سامح باشا......ماشية معاك ياعم....لسه راجع من بلد الريس

[samehelassad]

الله يكرمك ويخليك شكرا غلى ردك ياحسيني.

والله على رائيك وانا اقول البلد (شرم الشيخ) مالها نظيفة لية ومترتبة. اتارية نقل عليها.

[AL MUHAGER]

يا جماعة هو الباشمهندس ياسر فين... مش باين من كام يوم... لعل المانع خير wst::

[drbeso]

قولولي يا جماعه اعمل ايه ؟؟

تعالو نحسب حبه ارقام كده

انا بكالوريس صيدله حلو؟؟ كده بتاع 20 درجه

+لو هيبقى عندي خبره 4 سنين =21 درجه

+العمر بتاع 24 او 25 =10درجات

=51 درجه

فاضل على 67 بتاع 16 درجه انا مش مجوز

يبقى انا محتاج لو انا عايز اخش على كيبك اجيب

في الانترفيو 16 في الفرنش تفتكرو هل في طريقه احسن لاني لسه هبدا ازاكر فرنساوي من الصفر

سؤال اخر انا سمعت ان كيبك ميزتها الوحيده عن اي حته تانيه انك مش بتمتحن لا في الانجليزي ولا في الفرنساوي حقيقي الكلام ده؟؟؟؟؟

هو انا بقيت لوحدي كده ليه في الموضوع ده ..........؟

[fxdesigner]

الف شكر ليك ياأخ ياسر على الموضوع المهم جدا ده

و فعلا لازم أي حد بيفكر في الهجرة و شغله محتاج معادلة (زي حالاتي كده) po:: po:: انه يحط لنفسه بلان بي أو خطة بديلة ... وعلى فكرة أنا كنت عايز أسالك يا عم ياسر لو عندك فكرة عن bio informatics اللي سأل عليها الأخ سامح لأني أنا كمان دورت عليها و على دبلومات pharmaceutical technology حاكم العبد لله صيدلي po:: po:: و ناوي انشاء الله أعمل المعادلة أو على الأقل الامتحان الأول منها قبل ما أجي فكنت عايز أعرف لو ربنا مسهلش كدة من أول مرة الواحد هيعرف يضبط نفسه واللا هيتسوح po::

الأخ العزيز رمسيس ,شكرا لتعليقك الكريم , بس فيه نقطه مفهمتهاش , أنت دورت و مقلتش collages بتقدم الدبلوماه دي و لا لقيت ؟

لأن شفت collages كتيره بتقدم الدبلوما دى بس خاصه و ليست عامه (العامه زى سينكا كولج و سينتيال كولج و جورج براون كولج ) و بتكون معنيه بالدراسات الطبيه و الأجتماعيه زى ال Social support worker و زى ال Medical Laboratory Assistant وال Pharmacy .Assistant

زى مثلا http://www.cjcollege.com/ , و كمان http://www.medixschool.ca/home/index.html و غيرها.

بس فى الحقيقه فيه هنا نكته متداوله بيقولك مره واحد دخل صيدليه ملقاش فيها صيدلى مصرى ..... po:: و ده يدلك على ان المصريين الصيادله ماشاء الله عليهم مواس فى المعادله فمتقلقش باذن الله تعدى و تبقى صيدلى زى الفل بس زى مابتقول بلان بى مهمه .

و آدى كمان شغلانه هامه طرحها الأخ رمسيس و تنفع للبلان بى و هى ال Pharmacy Assistant ونسبه البطاله بها منخفضه للغايه و عائدها أعلى من متوسط الدخل فى أونتاريو اللى هو 18دولار و سته سنت فى الساعه بقليل يعنى 18 و نصف الى 19و نصف. على فكره الصيدليات هنا ليست المنتشره فى المحلات و السوبر ستورز الكبيره فقط لكن فيه أكتر من مكان اخر فيه صيدليات زى Long Term Care Facilities و المستشفيات و دور المسنين و غيرها .

بالنسبه لل Bioinformatics ففيها نقطه هامه لابد تسأل نفسك عليها قبل دخول غمار الدبلوما اللى هى كلها 8 شهور و هى : هل انت لديك الميل لدراسه ال SQL و ال C, Perl, HTML, Java ؟ و كمان الأوركال ....يعنى انا مثلا بأخد كورس فى ال SQL و ده بعد مرحله متقدمه من ال ACCESS و لكن أنت كصيدلى هل لديك ميل للنوعيه دى من الدراسه ؟ ده سؤال مهم جدا خاصه أن متوسط الدخل لها يتساوى مع ال Pharmacy Assistant بالرغم من موادها الأصعب و نسبه البطاله بها 6 فى الميه ...مجرد تفكير بصوت عالى و ربنا يوفقك.

معلش يا أستاذ ياسر ... الكورس اللي بتدرسه ده في أنهي كولج ؟؟؟ أنا معايا شهادة قي الوب ديزاين مالهاش لازمة إسمها CIW و كنت عايز أدرس الوب ديزاين هناك ... أكيد الوب ديزاين فلوسه حلوة ... ولا الوضع مش زي مانا متخيل هناك ؟؟؟؟؟؟؟؟؟؟؟؟؟؟؟؟؟؟؟؟

[yassir]

الف شكر ليك ياأخ ياسر على الموضوع المهم جدا ده

و فعلا لازم أي حد بيفكر في الهجرة و شغله محتاج معادلة (زي حالاتي كده) po:: po:: انه يحط لنفسه بلان بي أو خطة بديلة ... وعلى فكرة أنا كنت عايز أسالك يا عم ياسر لو عندك فكرة عن bio informatics اللي سأل عليها الأخ سامح لأني أنا كمان دورت عليها و على دبلومات pharmaceutical technology حاكم العبد لله صيدلي po:: po:: و ناوي انشاء الله أعمل المعادلة أو على الأقل الامتحان الأول منها قبل ما أجي فكنت عايز أعرف لو ربنا مسهلش كدة من أول مرة الواحد هيعرف يضبط نفسه واللا هيتسوح po::

الأخ العزيز رمسيس ,شكرا لتعليقك الكريم , بس فيه نقطه مفهمتهاش , أنت دورت و مقلتش collages بتقدم الدبلوماه دي و لا لقيت ؟

لأن شفت collages كتيره بتقدم الدبلوما دى بس خاصه و ليست عامه (العامه زى سينكا كولج و سينتيال كولج و جورج براون كولج ) و بتكون معنيه بالدراسات الطبيه و الأجتماعيه زى ال Social support worker و زى ال Medical Laboratory Assistant وال Pharmacy .Assistant

زى مثلا http://www.cjcollege.com/ , و كمان http://www.medixschool.ca/home/index.html و غيرها.

بس فى الحقيقه فيه هنا نكته متداوله بيقولك مره واحد دخل صيدليه ملقاش فيها صيدلى مصرى ..... po:: و ده يدلك على ان المصريين الصيادله ماشاء الله عليهم مواس فى المعادله فمتقلقش باذن الله تعدى و تبقى صيدلى زى الفل بس زى مابتقول بلان بى مهمه .

و آدى كمان شغلانه هامه طرحها الأخ رمسيس و تنفع للبلان بى و هى ال Pharmacy Assistant ونسبه البطاله بها منخفضه للغايه و عائدها أعلى من متوسط الدخل فى أونتاريو اللى هو 18دولار و سته سنت فى الساعه بقليل يعنى 18 و نصف الى 19و نصف. على فكره الصيدليات هنا ليست المنتشره فى المحلات و السوبر ستورز الكبيره فقط لكن فيه أكتر من مكان اخر فيه صيدليات زى Long Term Care Facilities و المستشفيات و دور المسنين و غيرها .

بالنسبه لل Bioinformatics ففيها نقطه هامه لابد تسأل نفسك عليها قبل دخول غمار الدبلوما اللى هى كلها 8 شهور و هى : هل انت لديك الميل لدراسه ال SQL و ال C, Perl, HTML, Java ؟ و كمان الأوركال ....يعنى انا مثلا بأخد كورس فى ال SQL و ده بعد مرحله متقدمه من ال ACCESS و لكن أنت كصيدلى هل لديك ميل للنوعيه دى من الدراسه ؟ ده سؤال مهم جدا خاصه أن متوسط الدخل لها يتساوى مع ال Pharmacy Assistant بالرغم من موادها الأصعب و نسبه البطاله بها 6 فى الميه ...مجرد تفكير بصوت عالى و ربنا يوفقك.

معلش يا أستاذ ياسر ... الكورس اللي بتدرسه ده في أنهي كولج ؟؟؟ أنا معايا شهادة قي الوب ديزاين مالهاش لازمة إسمها CIW و كنت عايز أدرس الوب ديزاين هناك ... أكيد الوب ديزاين فلوسه حلوة ... ولا الوضع مش زي مانا متخيل هناك ؟؟؟؟؟؟؟؟؟؟؟؟؟؟؟؟؟؟؟؟

أخى الكريم , أرسل لك ردى على الخاص. تحياتى