و ماذا غير المعادله ؟

[ELSHAMY]

يا عم سماح ايه بس.....ده شرف ليا انك ترد عليا أساسا

كفاية اللى عملتوا و بتعمله....(ولسه حاتعمله :rolleyes: )

شكرا على كل مجهوداتك.....

و لللأخوة اللى ما يعرفوش المهندس ياسر أقول لهم...هذا الرجل من نوادر الزمان و معرفته كنز....

ربنا يجمعنا فى الفردوس الأعلى.....(ممكن فى تورونتو قبل الفردوس عشان نتشرف برؤياك فى الدنيا)

و الدعوات شغالة فى الموضوع اللى بالى بالك...

ربنا ييسر أمرك و يحقق أمانيك

هابى كاريبيان داى...

[AL MUHAGER]

شكرا يا اخ ياسر على ردك... بخصوص موضوع project managerطبعا انت فاهم قصدي انا بتكلم عن مجال الإنشاءات

بص يا باشمهندس ياسر

لو تسمحلي

انا بعتبرك اخويا الكبير-وده شرف كبير ليا- شوف انت بقى ايه اللي ممكن تنصح اخوك الصغير بيه

وافكرك تاني بيا

اخوك مهندس معماري دفعة 2002- بشتغل في دبي في مكتب استشاري من سنتين -

شوف يا عمنا ايه اللي بعمله

بالنسبة لبرامج الكمبيوتر - الحمد لله - بشتغل كويس اوتوكاد و ماكس و ادوب

بالنسبة لطبيعة شغلي

ببتدي في المشروع من اول ما بحط تصور للمشروع بناءا على متطلبات المالك ولحد ما الفكرة تستوي و بعدين ابتدي احضر رسومات المشروع المعمارية وانسق مع باقي التخصصات زي الانشائي ومهندس التكييف ومهندس الصرف ومهندس الدفاع المدني ومهندس الكهربا وبراجع شغلهم كلهم واشوف لو فيه تعارض بين اي تخصص والتانيولو فيه نحل الموضوع ازاي وبعدين و بتبابع الاجراءات الرسمية لحد ما نستلم الرخصة وبعد كده بنزل اشرف على تنفيذ المشروع من طءطء ل سلامو عليكو .............يعني من الاخر بتاع كله وانا عارف انه مش صح وان التخصص كويس ..بس بيني وبينك الموضوع ده اداني خبرة كبيرة في المجال بتاعنا وفي وقت قليل.

انا عارف اني صدعتك و وجعت دماغك.. بس استحملني شوية

من اللي قلته ده انت بقى كاخ كبير تنصحني بايه مع العلم ان المسميات مش بتفرق معايا... يعني مش متمسك قوي بموضوع اني اكون مهندس معماري في الاول

لا انا مستعد ابتدي في اي مجال قريب من شغلنا واتبهدلي كام سنة لحد ماخد خبرة كندا ويكون فيه فرصة ان الواحد يكبر في المجال ده.

انا مستني ردك وبجد انا متشكر قوي قوي لسعة صدرك .. و ربنا يعوضك خير عن تعبك معايا ومع جميع الاخوة

[ابو الخير]

شوف يا dentist يا اخويا

عشان تبقى دكتور اسنان في كندا مهما كان تقديرك او خبرتك او اي حاجه لازم تمتحن الاول امتحان و بعد كده تاخد برنامج من سنتين في كلية اسنان كنديه و ده موجود في جامعتين بس دلهاوسي و ويسترن اونتاريو بعد كده تمتحن امتحان البورد الكندي للاسنان و بعديها بقى تبقى خدت الرخصه للعمل كطبيب اسنان. الصعوبه بقى تكمن في قلة الاماكن في الجامعتين دول ممكن تقدم كذا مره عشان تقدر تدخل و تلاقي لك مكان و طبعا هتدفع شئ و شويات في الجامعه مش مجانا زي هنا طبعا ممكن تاخد قرض و تسدده لما تتخرج بس برضو هتضطر تشتغل اي شغل تاني عشان تقدر تصرف علي نفسك أكل .. سكن .. و خلافه. لو محتاج حاجه تانيه اسأل

اقرا ده عشان تفهم الموضوع اكتر :

[يسار][/يسار]Regardless of education, licensure/registration or experience, non-Canadian and non-U.S. general practitioners must obtain a Canadian license/registration to practice dentistry in Canada. To obtain this license/registration, you will need to complete an accredited dental program, as a regular or degree completion student, or complete an accredited qualifying program. Only programs accredited by the Commission on Dental Accreditation of Canada (CDAC) or the American Dental Association Commission on Dental Accreditation are recognized as accredited.

To enter a qualifying program, you are required to complete the Eligibility Examination (EE) administered by the Association of Canadian Faculties of Dentistry (ACFD). To obtain further information about the EE, contact the ACFD directly.

The following Qualifying Programs are accredited:

Dalhousie University

Faculty of Dentistry

5981 University Ave.

Halifax, NS B3H 3J5

Website: www.dentistry.dal.ca

University of Western Ontario

Faculty of Medicine and Dentistry

School of Dentistry

1151 Richmond Street

London, ON N6A 5C1

Website: www.med.uwo.ca

Once you have graduated from an accredited qualifying program, the dental regulatory authority in your jurisdiction may require you to complete the certification exam administered the National Dental Examining Board (NDEB) of Canada. The NDEB administers this exam to ensure graduates are clinically competent in the field of general dentistry.

To find out more about the certification exam administered by the NDEB of Canada, contact the NDEB directly.

بالنسبه لموضوع انك تشتغل مساعد او كده ده مش ممكن بس ممكن تبقى مراقب بس اوبزيرفيشن يعني لكن ما تمدش ايدك و في الكليه اكيد هيبقى فيه تدريب اكلنيكي

تم تعديل 4 أغسطس 2008 بواسطة ابو الخير

[yassir]

شكرا يا اخ ياسر على ردك... بخصوص موضوع project managerطبعا انت فاهم قصدي انا بتكلم عن مجال الإنشاءات

بص يا باشمهندس ياسر

لو تسمحلي

انا بعتبرك اخويا الكبير-وده شرف كبير ليا- شوف انت بقى ايه اللي ممكن تنصح اخوك الصغير بيه

وافكرك تاني بيا

اخوك مهندس معماري دفعة 2002- بشتغل في دبي في مكتب استشاري من سنتين -

شوف يا عمنا ايه اللي بعمله

بالنسبة لبرامج الكمبيوتر - الحمد لله - بشتغل كويس اوتوكاد و ماكس و ادوب

بالنسبة لطبيعة شغلي

ببتدي في المشروع من اول ما بحط تصور للمشروع بناءا على متطلبات المالك ولحد ما الفكرة تستوي و بعدين ابتدي احضر رسومات المشروع المعمارية وانسق مع باقي التخصصات زي الانشائي ومهندس التكييف ومهندس الصرف ومهندس الدفاع المدني ومهندس الكهربا وبراجع شغلهم كلهم واشوف لو فيه تعارض بين اي تخصص والتانيولو فيه نحل الموضوع ازاي وبعدين و بتبابع الاجراءات الرسمية لحد ما نستلم الرخصة وبعد كده بنزل اشرف على تنفيذ المشروع من طءطء ل سلامو عليكو .............يعني من الاخر بتاع كله وانا عارف انه مش صح وان التخصص كويس ..بس بيني وبينك الموضوع ده اداني خبرة كبيرة في المجال بتاعنا وفي وقت قليل.

انا عارف اني صدعتك و وجعت دماغك.. بس استحملني شوية

من اللي قلته ده انت بقى كاخ كبير تنصحني بايه مع العلم ان المسميات مش بتفرق معايا... يعني مش متمسك قوي بموضوع اني اكون مهندس معماري في الاول

لا انا مستعد ابتدي في اي مجال قريب من شغلنا واتبهدلي كام سنة لحد ماخد خبرة كندا ويكون فيه فرصة ان الواحد يكبر في المجال ده.

انا مستني ردك وبجد انا متشكر قوي قوي لسعة صدرك .. و ربنا يعوضك خير عن تعبك معايا ومع جميع الاخوة

بص ياأخى المهاجر ....أحلى حاجه قلتها أنك عارف أنك بتاع كله وعارف ان ده مش متوفر فى كل بلد تروحها , الوضع هنا من رؤيتى المتواضعه مختلف ...بس قليلا ...ليه ...

1- أنت حاليا فى بلد التصميمات المعماريه مختلفه من مبنى لمبنى لأن معظم المبانى متعدده الطوابق سواء سكنيه أو منشآت تجاريه , هنا البيوت (معلش نتكلم بدون مصطلحات علشان محدش ينام مننا ) بتختلف فى مساحتها فقط لكن التصميم بنسبه 90 فى الميه واحد و كمان التشطيبات الداخليه و الخارجيه واحده ..بص على القطاعات السكنيه الجديده تلاقى الفروق محدوده للغايه يعنى أبداع المعماريين هنا محدود للغايه فى هذا القطاع ...و حتى فى القطاع التجارى ..تلاقى كل المقاطعات فيها نظام البلازا ...مجموعه من المحلات و السوبر ستورز فى تقاطعات الشوارع و طبعا انت هنا ملتزم بالتصميمات التكراريه للمالك ...يعنى حتعمل wallmart فى تورنتو هو الى فى لندن هو اللى ادمنتو ن....مجرد فروق المساحات...

2- حتى اللاندسكيب هنا يكاد يكون مكرر فى كل القطاعات التجاريه و السكنيه ...مفيش فروق فى مواد التشطيب و لا الألوان و لاأشكال الواجهات ....مفبيش واو ...الأبهار هنا و الأفكار فى الأنشاء شحيحه جدا و مقتصره على المشاريع الكبيره اللى طبعا مش حتشتغل فيها كل يوم .....

3- رغم ان الأفكار التصميميه قليله لكن يبرز دور هنا أهم من اللى موجود فى بلادنا بمئات المرات و هو دور المنسق ال coordinator فهنا دوره خرافى من كثره ال trades علشان هنا كميه المقاوليين العاملين تمثل 99 فى الميه من العاملين لديك فى المشروع و ده فى رأييى شغلانه جميله و مناسبه للمعمارى و هو أساسا بيعملها فى بلادنا ...و هنا أعنى التنسيق التصميمى ..

4- هناك نوعيه اخرى من التنسيق كما تعلم و هو التنسيق بين المقاولين على أرض الموقع و هى شغلانه ال Superintendent و فى رأيى أيضا أن أصلح من يقوم بها هو المعمارى ...لألمامه بكل البنود التصميميه فى المشروع و لكن هنا لها شهاده من الCollages و تجد عدد كبير ممن يشغلها ليس مهندسا و أنما فورمان قديم خبره 20 أو 25 سنه و درس فى أثناء العمل و حصل على شهاده Construction Engineering Technology Program و هى شهاده هامه لمن يحب العمل ك Construction superintendent وهو ما يساوى فى بلادنا مدير الموقع ....و تشمل الكورسات التاليه ...

Construction Field Practices

Housing and Small Buildings - Construction

Building Industry Practices

Computer Skills and Applications

Building Science and the Environment

Mathematics for Technology

Zoning and Building Regulations

Construction Theory - Methods and Materials

Quantity Surveying

Science of Architecture

History of Architecture

Professional Communications for CABT

Strength of Materials and Statics.

Structural Engineering - Timber Design

Building Science I

Building Code

Estimating - Small Buildings

Construction Site Management, Supervision and Inspection

General Education Elective

Construction Planning and Scheduling

Law and Construction Contracts

Structural Engineering - Steel Frame

Mechanical and Electrical Installations

Construction Safety Practices

Pricing Construction Works and Electronic Plans

Building Science II

Construction Project Management - Contractual Viewpoint

Specifications and Documentation

Estimating and Bidding Construction Works

Structures and Concrete Engineering

Construction Business Management

Construction Project Management - Cost Control

Computer Applied Construction Practices

Work Experience – Capstone Project

Technical Report Writing 2

معلش طولت عليك شويه بس فتحنا شغلتين جداد ال construction superintendent و ال Coordinator و للحديث بقيه .....ربنا يوفقك فى هجرتك....

[yassir]

الأخ العزيز أبو الخير و هو أسم على مسمى فى الحقيقه , أسمحلى أشكرك قبل ان يشكرك الأخ dentist على ردك و على المعلومات التى أثريت بها الموضوع أولا .....و ثانيا على طرحك موضوع عمل خطيبتك و هو أمر لم يأخذ حقه من التعليق على الرغم من أهميته ...

وذلك لأنه يوجد كثير ممن يعملون أعمال بدخل أقل من متوسط الدخل فى اونتاريو كبدايه و يترقى بعد ذلك بأجتهاده ليصل الى مايصبو اليه ...و عليه أن أرجو ممن يعمل اى عمل و لو بسيط أن يطرحه و يناقش كيفيه تطويره و الوصول به الى ما كان يرجو قبل أن يهاجر ....لو لم نتناقش و نطرح الوظائف التى نعملها و طرق تطويرها و كيف يفكر المهاجر الجديد فى العمل الذى سيقتات منه فى المكان الذى أختار أن يكمل حياته فيه ....و باذن الله نطور من انفسنا و نساعد القادم الجديد....

[somayasaleh]

ارجوا توضيح الامر بالنسبة للاطباء واطباء الاسنان,,,,,هل علي فرض انه اذا اعانني الله علي الذهاب هناك هاشتغل طبيب من البداية ولاهبقي مساعد و هل الحكومة تعترف بشهادتي من مصر ولا لا,,,,وعلي فرض اني هاشتغل مساعد لفاية اما ابقي دكتور هل فرصتي اكبر من خريجين اي كلية تانية زي الهندسة

تسجيل متابعه

شكرا علي فتح الموضوع يا باشمهندس

نفس السؤال السابق.... الاطباء ايه موقفهم؟؟؟

انا زوجي استشاري تخدير في السعوديه......ومعه العرب بورد.....ياتري ده يفيد في حاجه؟وطبعا الدكتوراه المصريه

عندي سؤال كمان من فضلك .... بالنسبه للطلبه انا ابني في سنه تالته هندسه.. ياتري ايه النظام بالنسبه للكليات هناك؟

كمان سؤال بنتي عايزه تدخل طب ان شاء الله.....ايه المجموع المطلوب او ايه الكليات اللي بتحول منها علي كليات طب كندا؟؟

وشكرا مره اخري علي المساعدات القيمه التي تقدمها للمنتدي

[ابو الخير]

اشكرك مرتين يا سيد ياسر مره علي موضوعك الرائع اللي اعتقد هيعود علي ناس كتير بالنفع .. و المره التانيه علي اطرائك عليا و ده شئ يشرفني

بالمناسبه شغل خطيبتي طلع كان شغل ودي مع واحد لبناني و طلع هو اللي كسبان في الموضوع ده عشان بيدفع بالقطعه مش بساعة العمل و بيدفع سعر قليل لكن مازلت اعتقد ان فيه فرص احسن للعمل من المنزل و من ضمنها التسويق الالكتروني زي ما حضرتك قلت اعرف ان موقع اي باي كان بيطلب مسوقين و الشغل عن طريق الانترنت

مدام سميه :

بالنسبه للاطباء الوضع صعب محتاج معادله و بعد كده محتاج حظ في التقديم لان بيخدوا عدد محدود من الاطباء طبعا الامتحانات مش صعبه علي واحد زي زوجك لكن المشكله في التقديم و هلي هيتم قبوله ولا لأ غير كده هيرجع ياخد نيابه من الاول و جديد يعني هيتساوي باللي لسه متخرج .. عموما عشان يزود فرصته في القبول كطبيب مقيم مرخص في كندا لازم يكون معاه شهاده بريطانيه او شهاده من اي دوله من دول الكومنولث او امريكا .. زماله .. دكتوراه .. او حتي دبلومه مع طبعا اجادة الانجليزيه و اللكنه ايضا

انا كنت كتبت موضوع قبل كده عن موضوع الاطباء في كندا

http://www.egyptiantalks.org/invb/index.ph...61023&st=15

و كمان فيه موضوع دكتور قناوي ممكن تطلعي عليه

بالنسبه للاولاد :

مفيش هناك مكتب تنسيق او هيئه لتنظيم الجامعات كل جامعه بتنظم امورها بنفسها

المتبع هناك ان حضرتك هتكلمي ادارة التسجيل في كل كليه او تبعتي لهم ايميلات تكتبي فيها ظروف ابنك و تسأليهم اذا كان ممكن يكمل .. بالنسبه لطب الاسنان مع خطيبتي .. قالوا لها هيعملوا امتحان في مجموعه من المواد و يشوفوا اذا كان ممكن تدخل عندهم ولا لأ و في اي سنه و ايه الكورسات اللي محتاجاها

بالنسبه لبنت حضرتك الطب هناك دراسته طويله جدا حوالي 8 سنين بيبقى حوالي نصهم في بريميديكال سكول و دي بيحضروهم فيها لدراسة الطب و بتدي شهاده ممكن الطالب يشتغل بيها ( زي علوم بايولوجي عندنا مثلا ) و بعد كده 4 سنين في كلية الطب علي حسب التخصص يعني فيه كليه للجراحه او للباطنه

طبعا دراسة الطب من اكتر الدراسات كلفة حوالي 100 الف دولار او يزيد لكن فيه منح و فيه مؤسسات ربحيه و غير ربحيه لتقديم القروض من اهمها الاوساب OSAP و دي في مقاطعة اونتاريو https://osap.gov.on.ca/eng/eng_osap_main.html بالاضافه للبنوك لكنها بتزود في الفوائد طبعا مفيش داعي اقول لك ان المبلغ بتاع الدراسه ممكن يتسدد بسهوله بعد بداية الشغل اللي وجوده مضمون في حالة الاطباء المتخرجين من الجامعات الكنديه

[hosiny]

سؤال عملي شوية يا ياسر باشا

دلوقتي انا شايف ان معظم هذه الوظائف تحتاج دراسة قد تمتد لاكثر من 6 اشهر و ربما سنة . فهل الاصلح ان الواحد يركز في دراسة مجاله ام يركز في دراسة مجال هيكون مؤقت لاكل العيش لحين اتمام الدراسة؟؟؟......يعني اكيد هنحتاج ان الوظائف دي يكون الحصول عليها سهل و بسرعة و باقل عدد من الكورسات...ولا ايه رأيك؟

واذا كنت موافقني ياريت نضيف حاجة مهمة لكل وظيفة من اللي حضرتك بتشرحهم وهي الوقت اللي الواحد يقدر يلتحق فيه بأي شغلانة من دول و بعد فترة كورسات قد ايه؟؟

[حسام يوسف]

كل التحية للأخ الفاضل ياسر على فكرتة

[qenawy]

اشكر الاخ الفاضل ياسر بك علي فتح الموضوع وهو بصراحة يضع الجميع علي مية بيضاء بالنسبة الي عمله وظروفه

عموما وفقط للتخفيف

مادا عن اعمال مثل مثل فتح استديو للتصوير الفوتوغرافي النقاشة والنحارة ايضا محسوبكم صبي ترزي قديم هل لي فرص

نسيت انا ايضا طبيب

[دعاء]

طيب يا جماعة وايه اخبار المدرسين فى كندا ؟؟

انا زوجى مدرس رياضيات باللغة الانجليزية يا ترى ممكن معادلة شهادته تاخد وقت قد ايه ؟

ولحد ما يخلص المعادلة هل فى امكانية انه يشتغل حاجة قريبة من مجاله ده لاكتساب الخبرة الكندية

يا رب الاقى اجابة ولو تقريبية عند احد السادة الافاضل وشكرا لكم مقدما

[yassir]

الف شكر ليك ياأخ ياسر على الموضوع المهم جدا ده

و فعلا لازم أي حد بيفكر في الهجرة و شغله محتاج معادلة (زي حالاتي كده) :blush2: :blush2: انه يحط لنفسه بلان بي أو خطة بديلة ... وعلى فكرة أنا كنت عايز أسالك يا عم ياسر لو عندك فكرة عن bio informatics اللي سأل عليها الأخ سامح لأني أنا كمان دورت عليها و على دبلومات pharmaceutical technology حاكم العبد لله صيدلي cr((: cr((: و ناوي انشاء الله أعمل المعادلة أو على الأقل الامتحان الأول منها قبل ما أجي فكنت عايز أعرف لو ربنا مسهلش كدة من أول مرة الواحد هيعرف يضبط نفسه واللا هيتسوح

الأخ العزيز رمسيس ,شكرا لتعليقك الكريم , بس فيه نقطه مفهمتهاش , أنت دورت و مقلتش collages بتقدم الدبلوماه دي و لا لقيت ؟

لأن شفت collages كتيره بتقدم الدبلوما دى بس خاصه و ليست عامه (العامه زى سينكا كولج و سينتيال كولج و جورج براون كولج ) و بتكون معنيه بالدراسات الطبيه و الأجتماعيه زى ال Social support worker و زى ال Medical Laboratory Assistant وال Pharmacy .Assistant

زى مثلا http://www.cjcollege.com/ , و كمان http://www.medixschool.ca/home/index.html و غيرها.

بس فى الحقيقه فيه هنا نكته متداوله بيقولك مره واحد دخل صيدليه ملقاش فيها صيدلى مصرى ..... :lol: و ده يدلك على ان المصريين الصيادله ماشاء الله عليهم مواس فى المعادله فمتقلقش باذن الله تعدى و تبقى صيدلى زى الفل بس زى مابتقول بلان بى مهمه .

و آدى كمان شغلانه هامه طرحها الأخ رمسيس و تنفع للبلان بى و هى ال Pharmacy Assistant ونسبه البطاله بها منخفضه للغايه و عائدها أعلى من متوسط الدخل فى أونتاريو اللى هو 18دولار و سته سنت فى الساعه بقليل يعنى 18 و نصف الى 19و نصف. على فكره الصيدليات هنا ليست المنتشره فى المحلات و السوبر ستورز الكبيره فقط لكن فيه أكتر من مكان اخر فيه صيدليات زى Long Term Care Facilities و المستشفيات و دور المسنين و غيرها .

بالنسبه لل Bioinformatics ففيها نقطه هامه لابد تسأل نفسك عليها قبل دخول غمار الدبلوما اللى هى كلها 8 شهور و هى : هل انت لديك الميل لدراسه ال SQL و ال C, Perl, HTML, Java ؟ و كمان الأوركال ....يعنى انا مثلا بأخد كورس فى ال SQL و ده بعد مرحله متقدمه من ال ACCESS و لكن أنت كصيدلى هل لديك ميل للنوعيه دى من الدراسه ؟ ده سؤال مهم جدا خاصه أن متوسط الدخل لها يتساوى مع ال Pharmacy Assistant بالرغم من موادها الأصعب و نسبه البطاله بها 6 فى الميه ...مجرد تفكير بصوت عالى و ربنا يوفقك.

[yassir]

اشكر الاخ الفاضل ياسر بك علي فتح الموضوع وهو بصراحة يضع الجميع علي مية بيضاء بالنسبة الي عمله وظروفه

عموما وفقط للتخفيف

مادا عن اعمال مثل مثل فتح استديو للتصوير الفوتوغرافي النقاشة والنحارة ايضا محسوبكم صبي ترزي قديم هل لي فرص :lol:

نسيت انا ايضا طبيب

دكتورنا العزيز أحلى تحيه, فى الحقيقه سؤالك هام جدا و يفتح محور جديد للموضوع سبق و طرقه أخى العزيز أبو مروان عسى الله يسهله هجرته هو الآخر و هو موضوع العمل الخاص .

تحديدا فى موضوع التصوير الفوتوغرافى و على وجه العموم فى باقى الأعمال الخاصه فتورنتو و مونتريال مدن تعتبر قديمه نسبيا مقارنتا بباقى المدن فالنوعيه دى من الأعمال الخاصه منتشره جدا فمثلا فى كل wallmart تجد ستوديو , فى كل بلازا تجد ستوديو , الكثير من المينى ستورز يقدم خدمه التصوير للوثائق الحكوميه و الباسبورات لكن كأى بيزنس لو أتجهت للتجمعات الجديده بيكون البيزنس مطلوب خاصه أن الناس بتفضل الخدمه القريبه لمسكنها مش بس الكسل بس كمان أسعار البنزين ...

ليا صديق يعمل فى مجال البيزنس الخاص بالنقاشه و هو مهندس مدنى و قال لى أن هذا العمل يعتبر من الأعمال الموسميه , يكثر الطلب فى الصيف مع أستعدادات الناس لتطوير بيوتهم و المبانى السكنيه العاليه أيضا تتحرك فيها أعمال الصيانه الخاصه بالدهانات فى هذا الفصل.

بيحصل ال Painter على حوالى 17 دولار فى الساعه و لكن لها معدل بطاله عالى نظرا لأن التشطيبات الداخليه لحوالى 85 فى الميه من البيوت من الخشب و هذا بيسهل دهان الناس لبيوتها بنفسها و أنتشار مشروعات Do it yourself فى البيوت .

صاحبى بيقولك مش كفايه المنافسه من المهندسين كمان الدكاتره حيفتحوا شركات دهانات ...... :blush2: :blush2:

[yassir]

:blush2:

طيب يا جماعة وايه اخبار المدرسين فى كندا ؟؟

انا زوجى مدرس رياضيات باللغة الانجليزية يا ترى ممكن معادلة شهادته تاخد وقت قد ايه ؟

ولحد ما يخلص المعادلة هل فى امكانية انه يشتغل حاجة قريبة من مجاله ده لاكتساب الخبرة الكندية

يا رب الاقى اجابة ولو تقريبية عند احد السادة الافاضل وشكرا لكم مقدما

:blush2:

الحقيقه ياأخت دعاء مهم تقرأى ال Registration Guide for Teachers Educated Outside Ontario أعتقد أهم شرط أنك تكون حاصل على برنامج تدريسى تكون النسب بتاعته :

Your teacher education program must have included at least:

* 40 per cent of one year focused on teaching methods – preparation in how to teach students in particular grades or subject areas

* 20 per cent of one year focused on education foundations – the history, philosophy and psychology of education

* 20 per cent in any other area of education

* a minimum of 40 days of practice teaching supervised by the program provider

ومده الدراسه فى الكولج الخاصه بتخريج المدرسين http://www.oct.ca/ سنه ولكن بعدها حصولك على عمل بيتوقف على أوفر من البورد اللى عددها حوالى 58 بورد فى أونتاريو .

لكن بما ان الموضوع خاص بالبلان بى فممكن تكون تدريس السوفت وير دراسه بديله لأن معظم مدرسى السوفت وير مش مدرسين حاصلين على رخصه من أونتاريو و لكن بيكونوا متخصيين فى سوفت وير معين و بيدرسوه فى الكولج ...

وده بيتواجد أيضا لكتير من المهن فمثلا مدرسين ميكانيكا السيارات معظمهم أصحاب ورش و بيعملوا ك instructor و كمان مدرسى ال home inspection بيكونوا مهندسين فى شركات و لامدرسين ولاحاجه و مع ذلك بيدرسوا هذه المواد فى معاهدكثيره .

فممكن تكون بلان بى هى ماده من المواد فى collage دوام كامل أو نصف دوام لأنه لاتشترط الرخصه ....ينفع الكلام ...و للحديث بقيه

[دعاء]

:blush2:

:blush2: yassir

لك جزيل الشكر على اهتمامك بالرد

وفى انتظار البقية ان امكن

[AL MUHAGER]

شكرا يا باشمهندس ياسر... عمي وعم كل المهندسين... ورئيس نقابة المهندسين المصريين في كندا

انا مش عارف اشكرك ازاي على المعلومات القيمة قوي دي

انا دلوقتي بدور على اي معلومات بخصوص التكلفة والوقت والطلبات وان شاء الله لو وصلت لحاجة هابعتها

انا فتحت الموقع اللي حضرتك قلت عليه http://www.goldsealcertification.com/dnn/

ولقيت فيه معلومات مهمة عن مهن Estimator, Superintendent, Project Manager, Owner's Project Manager and Construction Safety Coordinator.

اخ ياسر

لو تسمح لي ليا اقتراح صغنن

من باب تسهيل توصيل المعلومة والبحث عنها

اننا نعمل تبويب للمهن بمعنى المهن اللي ممكن المهندسين يشتغلوها في مختلف التخصصات وبرضو الاخوة الدكاترة والصيادلة والمدرسين والمحاسبين... الخ من الوظائف...

بالمناسبة انا مراتي دكتورة بشرية لسه خريجة من كام شهر بتشتغل ممارس عام

اللي فهمته من الاخوة ان موضوع المعادلة للدكاترة صعب جدا

انا بتمنى الاخوة اللي عندهم بدائل معقولة او افكار حلوة

شكرا لمعلوماتك المفيدة جدا وانا في انتظار اي جديد وقيم منك

[samehelassad]

الله يكرمك يابو اليسر ويسهلك ويديك على قد نيتك.

ممكن اعرف ازاي اجيب نسبة البطالة لاي مهنة حاليا في كندا؟ واضح ان قصة البيو انفورماتكس ممكن تتلغي عشان نسبة البطالة بالرغم ان الكورسات بتاعتها جميلة بحبها.

[yassir]

سؤال عملي شوية يا ياسر باشا

دلوقتي انا شايف ان معظم هذه الوظائف تحتاج دراسة قد تمتد لاكثر من 6 اشهر و ربما سنة . فهل الاصلح ان الواحد يركز في دراسة مجاله ام يركز في دراسة مجال هيكون مؤقت لاكل العيش لحين اتمام الدراسة؟؟؟......يعني اكيد هنحتاج ان الوظائف دي يكون الحصول عليها سهل و بسرعة و باقل عدد من الكورسات...ولا ايه رأيك؟

واذا كنت موافقني ياريت نضيف حاجة مهمة لكل وظيفة من اللي حضرتك بتشرحهم وهي الوقت اللي الواحد يقدر يلتحق فيه بأي شغلانة من دول و بعد فترة كورسات قد ايه؟؟

أخى العزيز الحسينى ,

سؤالك رغم اهميته لكنه رده مرتبط بأكثر من عامل منها مثلا الحاله فى الوقت اللى أنت جاى فيه يعنى ممكن تيجى فى وقت صعب متلقيش شغل بسرعه و ممكن تيجى فى وقت فيه أقبال شديد على شغلانه معينه و يكون مقابلها مناسب لك فتاخذ كورساتها و بعد ماتشتغل تكمل المعادله , و برضه الموضوع يتوقف على امكانياتك الماديه , فيه ناس عندها أمكانيات تمشى ورا المعادله مهما كلفتها و مهما طال الوقت...فيه ناس أمكانياتها متسمحش .....بتختلف من شخص للتانى ....

و برضه حكايه تشتغل بعد ايه بعد ما تخلص الكورسات مش مضمونه بتاتا دى كلها محاولات علشان يكون فيه أكثر من بلان ...لكن مفيش أى ضمان ... لكن ممكن تسترشد بس بنسبه البطاله فى المهنه دى ....و متنساش أنه فى النهايه دى أسباب و طرق السعى ...لكن الرزق بيد الله سنحانه و تعالى ....

[yassir]

الله يكرمك يابو اليسر ويسهلك ويديك على قد نيتك.

ممكن اعرف ازاي اجيب نسبة البطالة لاي مهنة حاليا في كندا؟ واضح ان قصة البيو انفورماتكس ممكن تتلغي عشان نسبة البطالة بالرغم ان الكورسات بتاعتها جميلة بحبها.

تسلم يا سامح ...فيه مواقع كثيره تديلك نسبة البطاله لكل مهنه و ان كان أسهلها http://www.jobfutures.ca/en/home.shtml

[bentbatota]

ا يه يا جماعة روحتو فين للدرجة الحياه صعبه فى كندا من غير معادلة ؟ طب اى معادله مع عبقرية المصريين حتاخد كام سنه طب اتنين طب خليهم تلاته انا مش باخص الاطباء لان موضوعنا فى المعادله طويل طب

ايه البديل؟معلومه مهمه ان اى شغل فى كندا لازمه كورسات نبتدى كورسات الnursing كورسات الparamedial كورسات الphysician assistant دى موجوده فى تورونتو السؤال حدمشى فى السكه دى او يعرف حد نجح فيها ممكن يفدناباى معلومه و جزاكم الله خيرا فى معلومه عرفتها من اخت عاشت فى امريكا 4 سنوات واشتغلت فى شغلانه اسمها المدرس البديل ودى لازم الاول تروح المدارس القريبه منك او فى اى مكان تطلب انك تشتغل متطوع لانك عايز تندمج فى المجتمع وتتعرف على الناس وبتحب العمل التطوعى ده حيفدك حتحسن اللغة عندك وتعمل علاقات وتعرفهم على مصر والمصريين وحتعرف منهم النظام وحاجات كتير وبعد مايعرفوك وتثبت ليهم انك ملتزم بنظام العمل والمواعيد ومندمج مع الحياه ومش بتفرض ارآئك على حد ممكن تاخد جواب من المدير بترشيحك للعمل كمدرس بديل عندهم وتروح تتمتحن الامتحان بتاعهم على حسب الكلام الى قالته لى هذه الاخت ان الامتحان بيكون عشان يعرفوا مستوى لغتك ومعلوماتك وال presentation زى اختبار هيئه وبتاخد الترخيص وتدى اسمك وتلفونك لكام مدرسه لما اى مدرس اساسى يتغيب لا ظروف يتصلوا بسعادتك تروح تلاقى المدرس الاساسى عمالك جدول بكل حاجه ايه الدرس وامتى الاسئله وامتى الراحه وكانت بتاخد حوالى 100 $ فى اليوم وكان تقريبا عندها شغل كل ىوم هل المدرس البديل موجود فى كندا؟ بالمناسبه الاخت دى داكتوره فى وزاره الصحه بمصر المحروسه ومقدمه على الهجره لكندا من 3 سنين معلش طولت عليكم وسامحونى لان لسه جديده على المنتدى

سوال وبس هل المواد الى اخدناها فى كلية الطب بيعادولها فى الكورسات ولاا زى قلتها يعنى ما لهاش لازمه