مبروك للأهلاوية مقدمآ

[disappointed]

وأخيراً وليس آخراً  أحب أسمع أغنية بودعك آخر وداع ... وأهديها لمعسكر الأعداء ..... وش واحد شايل سيف

آهو يا سيدى لعيبة الأهلى سمّعوا لك الأغنية اللى انت طالبها , بس غيّروا الاهداء وأهدوها الى جماهيرهم

اللذيذ فى الموضوع انى كراجل زملكاوى متمرّس على الفصول الباردة للزمالك وعندى خبرة تراكمية مهوله فى مقالب الزمالك السخيفه مع جمهوره عمرى ما وضعنى الزمالك فى موقف يحرق الدم كده زى الموقف اللى لعيبة الأهلى حطّوا جمهورهم فيه

ده الزمالك اللى هوّه الزمالك اللى هوّه تخصص حرق دم جمهوره ماعملش حركه مفتكسه زى دى فى جمهوره قبل كده

وعلى رأى أحمد حلمى فى فيلم عبّود على الحدود : احساس جديد جديد جديد يا أفندم

والله صعبان عليّا جمهور الأهلى قوى.....أحمد شوبير جاب فى دريم امبارح بالليل شوية لقطات لجماهير الأهلى : كانوا حيتجنّنوا

(وش واحد رامى السيف من ايده و رافع الرايه البيضاء...بس أم خطّين حمر)

[disappointed]

ياجماعة....أنا أفخر بكونى زملكاوى لأن الزمالك يشبّهنى بالحلوانى الّذى يقوم بامتاع الناس طوال اليوم بحلويّاته الشهيّة والطعمه واللذيذة ثم لاينوبه هو شخصيّا وهو يغلق المحل فى آخر اليوم سوى قطعة بسبوسة صغيرة

(وش فخور )

الحلوانى باين عليه أمّم صينيّة البسبوسة كلّها الموسم ده

(وش واحد عمّال يمزمز فى البسبوسه)

[disappointed]

ألذ و أطعم دورى دقته فى حياتى كلّها

طعمه لذيذ جدددددددااااااااااا

اللى حصل الموسم ده بيفكّرنى بالراجل اللى راح البنك ومعاه شيك مصدّق قام الراجل الصرّاف طلّع له الفلوس من الخزنه و مضّاه على ورقه باستلام الفلوس و لمّا الراجل راح يصرف الفلوس من على الشبّاك جه واحد من بعييييييييييييييد أخذ الفلوس ومشى

(وش واحد عمّال بيعد فى الفلوس)