مبروك للأهلاوية مقدمآ

[disappointed]

عموما أنا كراجل زملكاوى أول حاجه حأعملها لو ربّنا رزقنى بولد انّى أطعّمه بالتطعيم السداسى علشان مايمرّش بالأزمة النفسية اللى أنا مرّيت بيها بعد ماتش 6/1

[DARWEEN]

لما تروح النكبة وتحرر فلسطين هتلاقينا على طول في القمة

وش بيضحك

وش ميت من الضحك

وش أترمى على الأرض من كتر الضحك

أهي دي احلى من نكتة مودي

بس ياجماعه حد يديني سبب واحد منطقي أنه الأنسان يكون زملكاوي

نادي بدأ نشأته بالمختلط لأنه أختلط مع المحتل

لاتوجد نسبة للمقارنة بن عدد البطولات دوري أو كاس أو غيره

نادي يضحي بأي أخلاق وأي مبدأ علشان نفسه ياعيني ياخد بطوله

نادي كان بيشجعه ويؤيده الملك فاروق وعبدالحكيم عامر

نادي مجلس أدارته من عينة مرتضى منصور

أقول كمان

وش محتار على الآخر

[Mohammad Abouzied]

لما تروح النكبة وتحرر فلسطين هتلاقينا على طول في القمة

وش بيضحك

وش ميت من الضحك

وش أترمى على الأرض من كتر الضحك

أهي دي احلى من نكتة مودي

ليه نكته دي حقيقة ان البلد منكوبه عاوز الزمالك يكسب في النكبة كمان ملكشي حق في دي

بس ياجماعه حد يديني سبب واحد منطقي أنه الأنسان يكون زملكاوي

نادي بدأ نشأته بالمختلط لأنه أختلط مع المحتل

اسمه المختلط لانه اول نادي سمح للمصريين بدخوله ولان باقي النوادي ومنهم الاهلي كانو للانجليز فقط مش بقولك نكبه واحتلال

لاتوجد نسبة للمقارنة بن عدد البطولات دوري أو كاس أو غيره

اهي دي سبق وضحناها

نادي يضحي بأي أخلاق وأي مبدأ علشان نفسه ياعيني ياخد بطوله

بالعكس هو دايما قريب من القمة وفقط بمجهوده

نادي كان بيشجعه ويؤيده الملك فاروق وعبدالحكيم عامر

دي مش مشكله ابدا ما ام كلثوم كان الملك بيحب يسمعها وجمال عبد الناصر كمان

نادي مجلس أدارته من عينة مرتضى منصور

أقول كمان

قول زي ما انت عاوز والي على راسه بطحة يدور عليها

وش محتار على الآخر

[Mohammad Abouzied]

http://www.zamalekfans.com/history.php

ادي تاريخ نادي الزمالك

[freefreer]

هو لسة فى حد مصدق ان الأهلى ب(يفوز) بالدورى فعلااااااا !!!!!

عجايب .. 

ما حدش جاوب يعنى .. ؟

طب ما هو عدد مرات فوز الأهلى بالدورى .. و كذلك بالنسبة للفرق الأخرى بالنسبة لعدد مرات اقامة مسابقة الدورى ؟

نتكلم بالأرقام .. و الأرقام ماتزعلشى .. .. (ضحكة غاية فى الخبث) ..

[M.H.M]

ياعم مودي هاكون أول واحد يقول للأهلوية مبروك إذا 

الأهلي خد الدوري

:) :D :D :D :D

بمناسبة إن ألأهلى هيولع فى إنبى وهناخد الدورى إنشاء الله خد النكتة دى

بس وعد لو عجبتك تقول مبروك من قلبك

:D :D

واحد زملكاوى قاعد مع خطيبته فبتقوله إنت أول واحد فى حياتى

قالها نفسى أصدقك أنا دايمآ يا تانى يا تالت

:D :D :D :lol:

أنا متهيألى النكتة دى اللى اتقالت موسم 4849

لأن من ساعتها والزمالك ياتانى ياتانى

[Lancelot]

ده مرة إتنين قاعدين مع بعض ....

واحد بيقول للتاني ... الإتحاد هيعمل الدوري السنة الجاية فرقة واحدة ...

قاله .... طب و إيه يعني ...

قاله ... أصل الزمالك هيكون الفرقة تاني ...

قاله .. طب و إيه يعني ....

قاله ... أصله ناوي يطلع التاني ....

[Mohammad Abouzied]

علشان خاطر عم فري بس خد تاريخ الاهلي الي اخذته من سيدة بطلوع الروح وكمان بطولاته

http://www.ahly.org/archive/league/l-all.shtml

http://www.ahly.org/archive/league/

http://www.ahly.org/Al-Ahly/indexb.htm

[freefreer]

لأ .. الشكك ممنوع .. و الزعل مرفوع .. و الأرزاق على الله ..

ده نقاش اخوة ..

المفروض .. أن بعض الأخوة هنا يشجعون الأهلى و يظنون انه يحصل على الدورى فى منافسة حقيقية .. ما يوجد لديا الدليل المادى و المنطقى على عكسة .. فالمفروض ان الحقيقة تطلب لذاتها .. و أظن شيئ مؤسف ان يكتشف الواحد انه بيشجع و ينفعل لوهم .. و ان هذا المفروض ان يؤدى الى سقوط الأهلى من نظرهم .. و ليس الغضب ممن كشف لهم الحقيقة ..

و للعلم .. بالأمانه .. انا لا اعرف شيئا حاليا لا عن الأهلى و لا الزمالك .. لماذا ؟ .. لأنى اكتشفت من فترة طويلة جدا التمثيلية بطريقتى الخاصة .. و ادركت ان ما يجرى امامى ليس منافسة .. و لكن تمثيلية رياضية مؤسفة و مخجلة لأهداء الدورى الى فريق محدد .. لدية قائمة احتيالية طويلة عريضة مع حوائط دفاعية متعددة .. لضمان النتيجة ..

و هنا احسست ان تشجيعى للزمالك تهريج .. و فى نفس الوقت حنقا على فرق الدورى التى تشارك جميعا فى هذه التمثيلية الهزلية .. راضية بالفتات فى هذا المجال .. مذكرة اياى بأحزاب المعارضة التى ترضى بفتات موائد الحزب الوطنى .. و هى تعلم ن عمرها ما حتوصل للحكم ..

و هكذا توقفت عن تشجيع الكرة من زمان .. و لا اشارك هنا الا قليلا من اجل مناكفة حبايبى ليس الااااااااااااااا

ها !!!!!! نتوكل على الله .. ؟؟؟؟؟!!!!!!!!

[freefreer]

الوصلة التى قدمها لى الأخ محمد ..

http://www.ahly.org/archive/league/l-all.shtml

تتحدث عن الدورى فقط .. و على فكرة هذه السلسلة من الأرقام هى الوحيدة التى ستكون شاذة فى وسط أى أرقام اخرى يتم تقديمها ..

أى ارقام اخرى .. ستطشف (اللعب) الموجود فى هذه الأرقام .. مرات فوز الأهلى بالدورى ..

السلسلة المقدمة .. تتحدث عن الدورى .. من عام 1948 حتى عام 1999

أى واحد و خمسين عاما .. توقف خلالها الدورى مرات عديدة بسبب الحروب و الثورات ..

فأقيم فى هذه الفترة .. 42 مرة فقط ..

الأهلى 28 مرة - بنسبة 66.7 تقريبا

زمالك 08 - بنسبة 19

اسماعيلى02 - بنسبة 4.8

الترسانة - الأوليمبى - المحلة - المقاولون

كل منهم 01 - بنسبة 2.3

جميل جدا ..

جميع فرق مصر 14 مرة فى مقابل 28 للأهلى

جميع فرق مصر 33.3% فى مقابل 66.7% للأهلى

واااااااااااااااو .. ما هذا الأعجاز ؟؟؟؟؟؟؟؟؟

[freefreer]

يا ترى ايه بقى سر هذا الإعجاز ؟؟

عندما اسأل هذا السؤال .. تكون الردود كما يلى :

السر فى الإدارة .. ايه يعنى مش فاهم .. ادارة الأهلى من كوكب اخر مثلا .. هم جادين و باقى ادارات الأندية الأخرى بيهرجوا .. ثم على مدى 50 سنة الإدارة اتغيرت 100 مرة .. ايه كل مرة تتغير الأدارة بيجيبوا رجال من ذهب من مكان ما سرى .. بينما باقى ادارات اندية مصر من صفيح ؟؟

طيب ادارة الأهلى تدير لعبات اخرى كثيرة .. سلة و طايرة و سباحة الخ الخ .. فهل هذه الفرق تحصد 70% من البطولات فى الخمسين سنة الماضية؟ ان هذا الأنجاز فقط فى القدم و فقط فى الدورى دونا عن الكاس ..

السر فى المدربين .. نفس الشيئ .. نفس الذى قيل على الإدارة ..

السر فى اللاعبين .. نفس الشيئ حرفيا ..

كلهم يتبدلون .. ادارة - مدربين - لاعبين .. و يبقى احتكار الدورى هو الشيئ الوحيد الثابت رغم تغير جميع معطيات المعادلة ..

نكتفى بهذا القدر مؤقتا ..

[Mohammad Abouzied]

فيه سياسة عليا يا عزيزي فري والجمهور عاوز كدا انت مش عارف ان دي الديمقراطية الي موجودة في البلد والي كلنا بندور عليها

اهيه موجوده ومش شايفنها

[se_ Elsyed]

أنا لحد دلوقت لابس وش واحد لابد فى الدره ومستني يوم الجمعة بفارغ الصبر علشان أخلع الوش وأعمل فيها حسن الهلالي اللى راجع ينتقم من كل الزملكاوية .

وإن شاء الله لما ترجع الامور لوضعها الطبيعي ويرجع الدوري لنا بعد فترة كسل لمدة عامين ... هانتكلم ونتكلم من غير وشوش ...

وأخيراً وليس آخراً أحب أسمع أغنية بودعك آخر وداع ... وأهديها لمعسكر الأعداء ..... وش واحد شايل سيف

[Mohammad Abouzied]

حتى لو العياذ بالله اخذتوا الدوري الزمالك حديد

[freefreer]

أنا لحد دلوقت لابس وش واحد لابد فى الدره ومستني يوم الجمعة بفارغ الصبر علشان أخلع الوش وأعمل فيها حسن الهلالي اللى راجع ينتقم من كل الزملكاوية .

وإن شاء الله لما ترجع الامور لوضعها الطبيعي ويرجع الدوري لنا بعد فترة كسل لمدة عامين ... هانتكلم ونتكلم من غير وشوش ...

وأخيراً وليس آخراً  أحب أسمع أغنية بودعك آخر وداع ... وأهديها لمعسكر الأعداء ..... وش واحد شايل سيف

هاهاهاها .. ما نا عامل حسابى .. و ما قلتش اللى عندى .. التقل ورا .. هاهاهاهاها ..

[disappointed]

موضوع الفوز بالبطولات الكثيرة (بالنسبة للأهلى) مقابل الأداء الجميل والممتع بلا بطولات (بالنسبة للزمالك) هو ما جعلنى أحب الزمالك وأشجّعه من منطلق أننى محب للجمال بصورة عامّة... فالأهلى نادى البطولات والزمالك نادى المتعة والامتاع

ياجماعة....أنا أفخر بكونى زملكاوى لأن الزمالك يشبّهنى بالحلوانى الّذى يقوم بامتاع الناس طوال اليوم بحلويّاته الشهيّة والطعمه واللذيذة ثم لاينوبه هو شخصيّا وهو يغلق المحل فى آخر اليوم سوى قطعة بسبوسة صغيرة

(وش فخور )

[kokowawa1979]

الزمالك بيفوق كده كل كام سنة يكون ألأهلى بيستريح شوية

الأهلي الظاهر هيفضل مستريح كدة على طول

شكرا للروح الرياضية للجميع

ياعم مودي هاكون أول واحد يقول للأهلوية مبروك إذا  

الأهلي خد الدوري

كان نفسي اقول لك مبروك ياأخ مودي بس مفيش نصيب خلليها للسنة الجاية يحيينا ويحييك ربنا

سبب فساد الكرة في الأهلي راجل واحد اسمه عدلي القيعي

صدقوني هو اللي دمر الأهلي باللعيبة السكلية اللى اتعاقد معاهم

آخر خبر :

قرر المهندس سامح فهمي وزير البترول والزملكاوي الكبير قوي بأن تكون فاتورة الغاز هذا الشهر مجانية للجيع بمناسبة فوز انبي على الأهلي وحصول الزمالك على الدوري

[Rabso]

:oops: :oops: :D :D

[جـورج]

يا زمالك يا مدرسه

الحمدلله انه خلى اول مشاركه ليا هنا تكون لتهنئه الزمالكويه بدرع الدورى لانه مجهود يستحق الاشاده به

مبروك و غيروا العنوان بسرعه

[disappointed]

أنا لحد دلوقت لابس وش واحد لابد فى الدره ومستني يوم الجمعة بفارغ الصبر

دبّور و زن على ضياع درعه

تلاقيك دلوقتى مش عايز تفتكر يوم الجمعه ده أبدا

(وش واحد زملكاوى طالع يقطع الطريق الزراعى على الأهلاويه وينتش منهم درع الدورى بعد ما كان لابد فى الدره)