طبيب ناجح بالصعيد أفكر فى الهجرة .. أشيروا على

[samehelassad]

دكتور قناوي: لغة المقابلة انجليزي او علربي ولا يهمك كدة كدة انت بتقول هتقدم شهادة الايلتس وبالتالي لغتك هتكون حلوة زي ما الشهادة هتقوة ودة هيكملك النقط. عاوز عربي توكل على الله.

بالنسبة للدبلومة اكتب انك واخد دبلومة لكن ماتكتبش ماجستير لو حسو ان دة كدب وانك بتكدب عليهم مش هتاخد الفيزا. والله اعلم

[طبيب راجي]

اولا يشرفني ان يكون هذا اول موضوع لي في هذا المنتدي الرائع والذي يبدو انه يتكون من خيرة ابناء مصر العظيمة باهلها وناسها

ادخل في الموضوع مباشرة

انا اخصائي امراض جلدية خريج طب عين شمس وحاصل علي دبلوما من سنة 2005 في الامراض الجلدية والتناسلية

لدي عيادة خاصة وشغالة تمام التمام اعمل في الصعيد بالمناسبة

متزوج واعول 3 اطفال ملائكة

لكن رغم كل هذا مخنوق من البلد خنقة سوداء ومدرك تماما ان مستقبل اولادي سيء جدا فيها لاسباب لا تخفي علي احد

وددت استشارة الجميع وطبعا انا متاكد ان هناك من سيستغرب لطلبي هذا وهو لو انت مكاني هل تفكر في الهجرة لكندا

اراها حلما رائعا للولاد ولي

مع العلم اني دخلي السنوي من العيادة واوعي يكون حد منكم تبع الضرايب لا يقل عن 90 الف جنيه قابلة للزيادة لان العيادة كل يوم في الطالع

وهنا فيي الصعيد تكاليف الحياة رخيصة نسبيا

يعني بوفر سنويا حوالي ستين الف جنيه وانا مرتاح جدا وبدون مجهود ضخم

قيمة ومركز في وظيفة ميري

ولكن بصراحة الكنز الذي املكه هو اولادي وللاسف التعليم سيء جدا جدا جدا

ورغم اجتهادي في تعليمهم انا وزوجتي الفاضلة الا ان الوضع التعليمي سيء جدا

هل اهاجر علما باني خلال عدة سنوات لن تزيد عن ست ساكون مليونيرا وانا طبعا بدات حياتي صبي ترزي ب 2جنيه في الاسبوع

يعني عصامي من الاخر

هل اترك كل هذا وادخل في اجراءات الهجرة

موضوع الصبر علي حال البلد وما اعرفش ايه اراه ليس من سماتي فاولادي اولا

وانا اعرف اني لو طلعت كندا مش هاشتغل دكتور لان يبدو ان الطريق الي ان اكون دكتور كندي صعب جدا جدا

عفوا لو ازعجتكم ولكن اضحي من اجل اولادي ام اعيش في مصر مهموما وطبعا لدي ايضا بعض الاسئلة الغبية فسامحوني مقدما

هل الدبلوما تجعل نقطي 22 ولا 20 وخصوصا انها دبلوما سنة واحدة

وهل ارفق صور فوتوغرافية وصورة من البطاقة مع طلب الهجرة ولا لا وبالنسبة الي العنوان البريدي هل انشيء صندوق بريد في البوسطة افضل ولا الجوابات بتوصل عادي من غير قلق واسف علي رخامتي

إياك ثم إياك ثم إياك ان تفكر في وهم الهجرة

انا معي زمالة من الولايات المتحدة

انا الآن في الخليج و لا يمكن افكر في هذا البلد المظلم (امريكا او كندا)

لو كنت فعلا تفكر في اولادك فاشطب الهجرة من خياراتك

ضياع إلا من عصم الله

لا دين ولا دنيا

انا اقسم لك ان شاء الله انك لن تستطيع ان تدخر هناك مثل ما تدخه في مصر

[Automatic]

اولا يشرفني ان يكون هذا اول موضوع لي في هذا المنتدي الرائع والذي يبدو انه يتكون من خيرة ابناء مصر العظيمة باهلها وناسها

ادخل في الموضوع مباشرة

انا اخصائي امراض جلدية خريج طب عين شمس وحاصل علي دبلوما من سنة 2005 في الامراض الجلدية والتناسلية

لدي عيادة خاصة وشغالة تمام التمام اعمل في الصعيد بالمناسبة

متزوج واعول 3 اطفال ملائكة

لكن رغم كل هذا مخنوق من البلد خنقة سوداء ومدرك تماما ان مستقبل اولادي سيء جدا فيها لاسباب لا تخفي علي احد

وددت استشارة الجميع وطبعا انا متاكد ان هناك من سيستغرب لطلبي هذا وهو لو انت مكاني هل تفكر في الهجرة لكندا

اراها حلما رائعا للولاد ولي

مع العلم اني دخلي السنوي من العيادة واوعي يكون حد منكم تبع الضرايب لا يقل عن 90 الف جنيه قابلة للزيادة لان العيادة كل يوم في الطالع

وهنا فيي الصعيد تكاليف الحياة رخيصة نسبيا

يعني بوفر سنويا حوالي ستين الف جنيه وانا مرتاح جدا وبدون مجهود ضخم

قيمة ومركز في وظيفة ميري

ولكن بصراحة الكنز الذي املكه هو اولادي وللاسف التعليم سيء جدا جدا جدا

ورغم اجتهادي في تعليمهم انا وزوجتي الفاضلة الا ان الوضع التعليمي سيء جدا

هل اهاجر علما باني خلال عدة سنوات لن تزيد عن ست ساكون مليونيرا وانا طبعا بدات حياتي صبي ترزي ب 2جنيه في الاسبوع

يعني عصامي من الاخر

هل اترك كل هذا وادخل في اجراءات الهجرة

موضوع الصبر علي حال البلد وما اعرفش ايه اراه ليس من سماتي فاولادي اولا

وانا اعرف اني لو طلعت كندا مش هاشتغل دكتور لان يبدو ان الطريق الي ان اكون دكتور كندي صعب جدا جدا

عفوا لو ازعجتكم ولكن اضحي من اجل اولادي ام اعيش في مصر مهموما وطبعا لدي ايضا بعض الاسئلة الغبية فسامحوني مقدما

هل الدبلوما تجعل نقطي 22 ولا 20 وخصوصا انها دبلوما سنة واحدة

وهل ارفق صور فوتوغرافية وصورة من البطاقة مع طلب الهجرة ولا لا وبالنسبة الي العنوان البريدي هل انشيء صندوق بريد في البوسطة افضل ولا الجوابات بتوصل عادي من غير قلق واسف علي رخامتي

خليك في الصعيد و ساعد علي قد تقدر و علم أولدك مساعده الأخرين و حب اليلد.

سافر ولف العالم و أتفرج علي البلاد المتطوره و حاول تطبق بعض ما شفته في الخارج علي مصر.

[ايهاب سالم]

هاقول لك حاجة أنا لمستها في كندا... أعصابك دايماً مرتاحة هناك. مش باتنشن وأعصابي بتتشد غير لما بارجع مصر!

باحس إن الناس هناك بتحب بعض... ما باحسش إن فيه عدوانية والناس مش طايقة بعضها غير لما بارجع مصر!

الهدوم دايماً نضيفة في كندا... ما بتتبهدلش وتتوسّخ غير لما بارجع مصر! ;)

مش خايف على نفسك طول مانتا ف كندا... في مصر لو - لا قدر الله - جالك تيومَر ، هتبيع اللي وراك واللي أدامك عشان تتعالج صح ، وبرضه الله أعلم! (ومش محتاج أقول لك النظام العلاجي في مستشفياتنا عامل ازاي)

الأسعار في كندا عالية شوية (بس متناسبة مع الدخل هناك) ، والزيادات ف الأسعار منطقية ، وبنسب متوقعة كل سنة... الأسعار هنا قليلة (أو كانت) ، بس بيحصل لها جنون حالياً ، واللي بيعلى ما بينزلش ، ومفيش مبرر لارتفاعها أصلاً!

مفيش مشكلة إسكان في كندا... هنا بقى فيه مشكلة إسكان ، ومحدش قادر ع الأسعار ، والمباني كتيييير ، وأسعارها نااار ، وكلها محجوزة مقدماً ، ومحدش فاهم حاجة!

في كندا، ما بتشوفش أفراد البوليس في المعتاد (ممكن واحد تايه بيشيّك على الباركنج) ، أو عربية بوليس مشغلة السارينة ، و واخدة الشارع قص... هنا بقى ، تحس هنا إن فيه عداء بين الشرطة والشعب! ويا ويلك لو احتجت لهم في حاجة!

وبالنسبة لكندا ، إنتا ملاك نازل من السما ، لا بتكذب ولا بتسرق ولا تعرف العيب... هنا بقى ، إنتا متهم إلى أن يثبت العكس ، واثبت إنك ما عملتش! وان قالو للحرامي إحلف!

هناك كل حاجة ماشية بنظام ، والطوابير في كل مكان حتى في تيم هورتونز (مش كده برضه يا إيهاب؟)... هنا بأه مسخرة المساخر لو فيه طوابير! ومش محتاج أقول لك ع اللي بيحصل ، أنتا مننا وعارف اللي فيها!

المصالح الحكومية أتخن مصلحة ممكن تاخد ساعة ، وبتوصلك الأوراق ع البيت بالبوسطة... هنا بقى ، كنت دايماً بابتسامة عريضة ، أقول لبابا الله يرحمه كل ما يسألني إن كنت خلصت إجراءات الأجازة (هيا فيه حاجة ف الحكومة بتخلص)! وخلّصت الإجراءات بعد شهرين!!!

هناك أمن الناس له الأولوية ، والبوليس هناك عنيف جداً لو حد بيمثل خطر ع اللي حواليه... هنا بأه مفيش أي نوع من الإحساس بالأمان ، والبوليس نفسه ساعات ما بيعملش حاجة ، والبلطجية تلاقيه بيتلاشاهم! ماهو ظباط البوليس دول ليهم عيال عايزين يربوهم يا عم الحاج!

هناك كل حاجة نضيفة وصحية ، والأكل في نو فريلز زي ما يكون ناشيونال جيوجرافيك رايحين يصوروه (ولاّ إيه يا إيهاب؟)... هنا بقى قل لي إيه حواليك ما فيهوش تلوث؟! (الجو ، المبيدات ، مياه النيل ، بحر اسكندرية اللي د. الشامي راجع له :P ، الألبان ، الدم ومشتقاته ، ...)!

هناك الجو بارد جداً ف الشتا ، لطيف ممطر صيفاً (يمكن تورونتو فيها رطوبة بعض الأيام ف الصيف عشان موقعها بالنسبة لبحيرة أونتاريو) ، وعلى فكرة أنا كنت مستمتع جداً في درجة -29 ، آه والله... هنا بقى ، الجو الحار جاف صيفاً (كنا بندرسها كده والله!) ، فين الجاف ده؟!

واسمع إن الناس في كندا لبست شورتات عشان الجو بقى حر ودرجة الحرارة بقت 21! أروحش انتحر واخلص؟!

الناس هناك بتحب بعض بجد ، وبيتلككو عشان يساعدو بعض! والله بيتلككوا! هنا بقى ، ... قول انتا!

أيه ده يا تهامي باشا

ده أنت كأنك عايش معانا يا راجل

وكمان طلعت تورونتاوي قديم

ما تحكيلنا حكايتك

أيه حكاية .... المنصوره ... الخبر .... تورونتو

إنت فين حاليا ؟

تم تعديل 28 يونيو 2008 بواسطة ايهاب سالم

[ايهاب سالم]

الفلوس في مصر ممكن تعيش الواحد كأنه في بلد هادية و مفيهاش زحمة و لا فيها مشاكل

أنا الحقيقه مش عارف إزاي الواحد يعيش مرتاح جدا في مصر .. حتى لو معاه فلوس كتير

إذا كان كل حاجه حواليك تطلع الروح

لو هو موضوع فلوس .... انا كان ممكن ارجع مصر بعد 10 سنين في قطر و اشتري فيلا و عربيه حلوه و أعمل مشروع و أعيش

لكن برضه مش هي دي الحياه المستريحه و لا هي دي راحة البال و لا ده ال life style اللي أحب أعيشه باقي عمري (مع كامل إحترامي للناس اللي عايشه في مصر )

أنا أصلي مش هأفضل 24 ساعه حابس نفسي في فيلتي في التجمع الخامس

مش هأمشي بعربيتي الأخر موديل في الشوارع المكسره وأطحن في زحمة المرور

مش هأكل أغذيه بمبيدات مسرطنه

مش هأتنفس أنا و أولادي هوا من أعلى معدلات التلوث في العالم

مش هيجيلنا حرقان في عنينا و صدرنا من السحابه السوداء

مش ممكن أهيف أمين شرطه يوديني ورا الشمس بقانون الطوارئ لو شكلي معجبوش

مش و مش و مش ...................

كملي إنت كل السلبيات و المشاكل اللي كلنا عارفينها

هأعزل نفسي أنا و أولادي إزاي عن كل المشاكل الي حواليا

شوفوا كمان وجدي اللي عايش معانا هنا برضه بيقول أيه في موضوع أخر

يعني أنا ركبت احلى عربية فيكي يا مصر...فين بقى الشارع النضيف إلى حمشي فيه؟ طب نظرات الحقد من الناس إلى محشورة في الميكروباسات أعمل فيها إيه؟؟؟ طب الهوا النضيف؟ طب حاقعد أكل في أغلى مطعم فيكي يا مصر والناحية التانية من الشارع فيه ناس بتشتري عضم الفراخ علشان تأكل عيالها؟؟؟... طب حادخل أولادي أحسن مدارس والبسهم أنضف لبس وأجيبلهم سواق بعربية يوديهم ويرجعهم... طب وهما واقفين في الإشارة لما يشوفوا عيال في سنهم حافيين ودايرين بورق كلينكس في الشوراع ويبصوا لأبنك و بنتك وعينهم عجينة حقد على ذل على غضب على حرمان... ويسألك هو بيبصلي كدة ليه يا بابا....تقوله إيه؟؟؟؟

أنا فعلاً عايز أعرف صدقني.

هنا مفيش أطفال شوارع نايمه تحت الكباري

مفيش طفل بيسيب التعليم و يشتغل صبي ميكانيكي أو خدامه في البيوت عشان تساعد أهلها

يا جماعه عشان خاطر النبي خليكوا و اقعيين شويه

و بلاش العاطفيه و الوطنيه الفارغه اللي جابتنا ورا دي

[iloveegypt]

بصراحة يا دكتور انا لو مكانك مسبش مصر ابدا وحكاية التعليم دى اختلف معاك فيها انا الان فى السعودية التعليم فى مصر افضل بكتير من هنا تانى حاجة انا للى رأى بس يا ريت محدش من الناس اللى مهاجرة يزعل منى كفاية انك فى مصر بتسمع الاذان فى الشارع تستطيع ان تصلةى الخمس صلوات فى المسجد الجو العام دينيا بالنسبة للاولاد فى مصر افضل حرية العبادة والحجاب فى مصر افضل انا زميلى فى امريكا مبيصلش غير الجمعة فى المسجد وتانى حاجة انا وانت وكلنا ما احنا اتعلمنا فى مصر ولا مصر بعد ما نكبر بتبقى وحشة الهجرة او السفر هذا يكون لظروف مادية صعبة او مش لاقى فرصة فى مصر كويسة

[qenawy]

عاوزين الحقيقة

يبدو ان موضوع الهجرة هذا سيكون هو مشروعي القادم طبعا بعد طلب المشورة من حضراتكم وانا سعيد جدا بها

كلام الاخ الفاضل ايهاب يثلج صدري وان كنت بقي خايف اساسا احسن ما جيبش مجموع 67 ومقابلة القنصل ولا الضابط وخايف من لخبطة الورق

وبخصوص محامي الهجرة انا مرك تماما انه ليس له اي دور في الموضوع لكن واحد صاحبي قالي ارميله خمس الاف جنيه وريح دماغك

مش عارف اعمل كده ولا هيقعد المحامي يزن ورايا ويطالبني اني انا اللي اطلع له المستخرجات الرسمية والشهادات

و لا هو بياخد الموضوع تسليم مفتاح

حيث ان ظروف عملي لا تسمح باللف في المصالح الحكومية وخصوصا اني عايش في الصعيد

اذا السؤال في اختصار

انا اقدر اكتب application

واقدر اطلع المستخرجات يبقي لازمة المحامي ايه؟

ثانيا شهادات الخبرة ينفع تكون ورقة من عملي الحكومي عليها ختم نسر بان فلان الفلاني ذو خبرة في كذا لمدة كذا سنة والتوصيف الوظيفي

ومثل هذه الشهادات بصراحة ممكن اكتبها بنفسي وامضي عليها كمان لاني مدير المستشفي يبقي العبد لله والختم في جيبي

ام انهم يريدوا شهادات من وزارة الصحة شخصيا

اسف لا ستكمال مسلسل الاسئلة العبيطة وخليكم معايا واشكركم وخدوا الصورة دي من الصعيد الجواني انا مصورها

من فوق منزلي

[qenawy]

الاخت الفاضلة جويرية

عفوا انا لا اعذر مدرسا ابدا لان ضرب الولد جريمة انسانية بكل المقاييس ولا استطيع ان ابرر له ذلك مهما كان واشكرك علي ردك الكريم

شكرا جزيلا للدكتور طبيب راجي

معلش صديقي انا في مرحلة التفكير ولكن للاسف هنا الوضع كما وصفه الاخ الفاضل ايهاب عايش ومش عايش ومستقبل غير مضمون

وردا مقدما ونعم بالله لكنه من باب السعي للافضل

شكرا للفاضل اوتوماتيك

وشكرا i love egypt لكل منا وجهة نظر

بكل صراحة التعليم الان في مصر جريمة

في زماننا يا دكتور كنا من اخر جيل اتعلم بدون دروس خصوصية تلغي العقول انما الان هناك وكالة للعقول وبغباء اسمها الدروس

تطلع عيالك اتكاليين واغبياء للاسف

شكرا صديقي

[qenawy]

احد الاصدقاء قال اخذ زمالة بريطانية من اجل ان اتي واعمل طبيبا عاما هل يقصد اخذها في الباطنة حيث ان الجلدية قسم من الباطنة والنقابة عندنا لا تنظم الا الباطنة والاطفال حسب معلومات الابتدائي بتاعتي ام اخذها في الاطفال اكيد اسهل لانهم اطفال وتنفع تشغلني في كندا ( قال يعني كندا مستنياني)

رايكم ايه

[moheltohamy]

ما تضيعش وقتك يا دكتورنا ف البريطانية ولا النيجيرية! لو معاك اليو إس إم إل إي (الأمريكية) ، برضه ما بيعترفوش بيها!

لو ناوي على المعادلة إتكل على الله ، وابدأ ف الكندية. أو ممكن تأجلها شوية ، وتنأنأ فيها براحتك ، أدامك ع الأقل 4 سنين على ما يقولولك تعالى!

الحاجة التانية ، إلعب ف المضمون (Play in the Madmoon) ، وشهادة الخبرة تطلع من مديرية الشئون الصحية في المنيا. وبعد كده تتختم بختم النسر ، وتصدق عليها م الخارجية المصرية ، وتطلع بيها على فؤاد نعمة في مصر الجديدة ، تترجم (ما هما ف المديرية مش هيرضو يدوهالك غير بالعربي!). وبس ، ده بالنسبة لشهادة الخبرة.

بالنسبة لمكتب الهجرة ، معاك هنا ف المنتدى ميت واحد قدمو ع الهجرة ، وموقع الهجرة نفسه ، بيقول كل حاجة ، بصراحة مش هتحتاج لأي حاجة من بره ، ولو احتجت ، رجالة المنتدى _ وانا أولهم - تحت أمرك. المشكلة إننا شعب بيحب يريّح ، وما بنحبش نقرأ ، مع إن كله مكتووب!

إنوي انتا بس ، وربنا المعين.

[Bassam El Sayed]

الاخ الدكتور الطبيب راجى

لماذا ذهبت الى الولايات المتحدة من الاساس لتاخد الزمالة؟

وهل الزمالة الى اخدتها زيها زى قلتها بمعنى انها لم تساعدك فى الخليج وما قدرتش تشتغل بيها براتب محترم جدا جدا جدا ؟

هل لو كنت رحت ببكالوريوس الطب بتاعك او الدبلومة زى الدكتور قناوى كنت هتحصل ربع الراتب الى بتاخدة وانت معاك الزمالة من امريكا؟

الاستاذ I LOVE EGYPT انا بردة I LOVE EGYPT VERY MUCH لكن صحيح احنا اتعلمنا فى مصر لكن هل انت اتعلمت صح ؟؟؟؟؟

ولو بفرض ان احنا اتعلمنا صح ودة شىء غير صحيح بالمرة لية ما تدورش على شىء لاولادك افضل من كدة . هو انت علشان تعلمت فى مصر يبقى اولادك لازم يتعلموا فى مصر كمان؟. على اى اساس نصحت الدكتور قناوى انة يقعد فى الصعيد , دة على اساس العائد المادى الى بيطلعلة فقط يعنى؟

واخيرا نصيحة للدكتور قناوى افضل لك انك تستعين بمحامى لكن من خارج مصر يعنى محامى هناك فى كندا مثلما فعلت ولهم مواقع كثيرة على النت . مش لانهم هيعملوا شىء انت ما تقدرش تعملة لا ابدا .علشان هتريح دماغك تماما وتكون واثق ان ورقك مظبوط وتمام التمام . كمان لو احتجت تعرف شىء من شخص محترف هيقلك معلومة كاملة وصحيحة . ودة راى الشخصى يا دكتور ومش هياخدوا منك فلوس كتير فى حدود تقريبا 3000 دولار .

[qenawy]

شكرا للاخ الفاضل بسام السيد واود ان اعرف ما هي الخدمات التي يقدمها محامي الهجرة انا قريت هنا ان وهيب يوسف كل اللي بيعمله انه بيقدم الورق

طيب هو انا مافياش رجلين

واحدة واحدة يتم انجاز الورق بسهولة الرك علي درجات الشخص

و يبدو لي ان موضوع المحامي ما هو الا ترييح للدماغ فقط لكن ترييح مقابل 16 الف جنيه لماذا

انا دماغي عندها تتعب اكتر علي فلوسي اللي انا تعبان فيها

واحدة واحدة معاكم انتم افضل من الف محامي

علي الاقل خدماتكم لوجه الله وبنية خالصة فلا يوجد اي مبرر لتقديم خدمة لديكم الا المساعدة المخلصة وهذا واضح من الجميع

لذا الشكر الجزيل لكم

عموما انا هدفي الاول الان الاليتس

[حسام يوسف]

يادكتور قناوى

ربنايوفقك فى قرارك

لكن بلاش وهيب

بالله عليك بلاش الجدع دة

وبلاش المحامين أو الوكلاء من اصلة

مبيعملوش اى حاجة

لية تدفع اكتر لما ممكن متدفعش اصلا :closedeyes:

[Bassam El Sayed]

دكتور قناوى

انا احترم وجهة نظرك فى موضوع انك ممكن تعمل الى المحامى بيعملة وتستعين بالاخوة الاعضاء فى اى شىء عايز تستفسر عنة . مش لازم محامى ولا حاجة انا كان قصدى اريحك :closedeyes: .

بخصوص وهيب يوسف انا رحت لة والله بس لم ارتاح له مطلقا ولا للجو العام بمكتبة وكان بيتعامل مع الناس الى جاية تقدم بشىء من قلة الزوق . احنا قاعدين بنسال. السؤال الى مش على مزاجة ما بيردش علية. لدرجة انى سالتة سؤال كنت محتاج اجابتة ما عجبوش السؤال ما ردش عليا وكمل كلامة منتهى قلة الادب وقلة الذوق زى ما يكون الفيزا بيدة هو الى هيدهالك.

دة غير الشكاوى الكتير منة وانة لص وحرامى . وانا لم انصحك بالتعامل مع هذا النوع من المحاميين.

[jgeorge]

انا برضه دكتور و لسه راجع من انجلترا برضه علشان خاطر الاولاد ميضعوش منى

احمد ربنا على الرزق اللى عندك و بلاش تضيع اولادك

ايوه كندا احلى من مصر و تجنن، طب ليه ما تزوجتش من اجنبية؟؟ عارف ليه لان المصرية محصنة و من اهل بلدك تفهما و تفهمك.

ارسل لى بريدك الالكترونى و سوف ارسل لك الصورة عن المجتمع الغربى و تأثيره على الجيل الثانى اللى هو اولادنا.

بعد كده تبقى اخذت القرار عن وعى و معرفة

ربنا يوفقك

انا كا يوم باتأكد انى اخذت القرار الصح بالرجوع لمصر

[طبيب راجي]

الاخ الدكتور الطبيب راجى

لماذا ذهبت الى الولايات المتحدة من الاساس لتاخد الزمالة؟

وهل الزمالة الى اخدتها زيها زى قلتها بمعنى انها لم تساعدك فى الخليج وما قدرتش تشتغل بيها براتب محترم جدا جدا جدا ؟

هل لو كنت رحت ببكالوريوس الطب بتاعك او الدبلومة زى الدكتور قناوى كنت هتحصل ربع الراتب الى بتاخدة وانت معاك الزمالة من امريكا؟

الاستاذ I LOVE EGYPT انا بردة I LOVE EGYPT VERY MUCH لكن صحيح احنا اتعلمنا فى مصر لكن هل انت اتعلمت صح ؟؟؟؟؟

ولو بفرض ان احنا اتعلمنا صح ودة شىء غير صحيح بالمرة لية ما تدورش على شىء لاولادك افضل من كدة . هو انت علشان تعلمت فى مصر يبقى اولادك لازم يتعلموا فى مصر كمان؟. على اى اساس نصحت الدكتور قناوى انة يقعد فى الصعيد , دة على اساس العائد المادى الى بيطلعلة فقط يعنى؟

واخيرا نصيحة للدكتور قناوى افضل لك انك تستعين بمحامى لكن من خارج مصر يعنى محامى هناك فى كندا مثلما فعلت ولهم مواقع كثيرة على النت . مش لانهم هيعملوا شىء انت ما تقدرش تعملة لا ابدا .علشان هتريح دماغك تماما وتكون واثق ان ورقك مظبوط وتمام التمام . كمان لو احتجت تعرف شىء من شخص محترف هيقلك معلومة كاملة وصحيحة . ودة راى الشخصى يا دكتور ومش هياخدوا منك فلوس كتير فى حدود تقريبا 3000 دولار .

السلام عليكم و رحمة الله

شكرا على التعقيب

و لكن ارجو التنبه إلى

الدكتور قناوي لا يتحدث عن المال فهو ميسور الحال

ثانيا المل ليس كل شئ..و ليس هو سبب السعادة في هذه الدنيا

اكثر من ذهب لكندا او امريكا فقد الكثير .. لم يجني حتى المال..

هذا رايي ..ارجو تقبله

و قول للكدتور قناوي...مرة ثانية

ما انت فيه انا و امثالي نحلم به

احمد ربنا

و حافظ على اولادك

و ربيهم على دين و اخلاق الاسلم

هتفرح بيهم

و تعيش سعيد...سعادة لم يذقها احد في كندا إلا من رحم الله

[iloveegypt]

انا برضه دكتور و لسه راجع من انجلترا برضه علشان خاطر الاولاد ميضعوش منى

احمد ربنا على الرزق اللى عندك و بلاش تضيع اولادك

ايوه كندا احلى من مصر و تجنن، طب ليه ما تزوجتش من اجنبية؟؟ عارف ليه لان المصرية محصنة و من اهل بلدك تفهما و تفهمك.

ارسل لى بريدك الالكترونى و سوف ارسل لك الصورة عن المجتمع الغربى و تأثيره على الجيل الثانى اللى هو اولادنا.

بعد كده تبقى اخذت القرار عن وعى و معرفة

ربنا يوفقك

انا كا يوم باتأكد انى اخذت القرار الصح بالرجوع لمصر

بصراحة يا دكتور لوعايز تسافر دول عربية ماشى بس الهجرة ممكن ولادك يضيعو هناك من الناحية الدينية انا عن نفسى تخصصى فى الهندسة نادر ومطلوب للهجرة بس رفضت كذا عرض علشان ولادى امريكا وكندا فى رأى للدراسة فقط ام الهجرة صعب لان اهم حاجة فى حياة الواحد دينه ودين ولاده

[Automatic]

الدكتور قناوي قرر علي الهجره قبل دخوله المنتدي و واضح أنه بيدور علي تشجيع مش نصاءح.

كل الي نقدر نعمله أن نتمني له و لعاءلته بتوفيق الله.

[Automatic]

أنا الحقيقه مش عارف إزاي الواحد يعيش مرتاح جدا في مصر .. حتى لو معاه فلوس كتير

إذا كان كل حاجه حواليك تطلع الروح

لو هو موضوع فلوس .... انا كان ممكن ارجع مصر بعد 10 سنين في قطر و اشتري فيلا و عربيه حلوه و أعمل مشروع و أعيش

لكن برضه مش هي دي الحياه المستريحه و لا هي دي راحة البال و لا ده ال life style اللي أحب أعيشه باقي عمري (مع كامل إحترامي للناس اللي عايشه في مصر )

أنتا بتنصح أي شخص أيآ كان بالهجره ولا في حالات معينه تنصحهم بالعيشه في مصر؟

[qenawy]

الاخوة الافاضل

مداخلة علي السريع

لست انا الذي كتبت عنوان الموضوع طبيبي ناجح بالصعيد افكر بالهجرة بل الادارة الكريمة في المنتدي انا كنت حاطط عنوان اسمه ضع نفسك مكاني

لاني بصراحة لا اشعر اني ناجح حيث ان مقاييس النجاح لدي تتمثل في اطر كثيرة اهمها الشعور بالادمية المفتقدة في مصر

حتي بالفلوس الناس بتحترمني اه بس عشان ممكن اظبطهم

قلت اني لست سوداويا ولكن انا شخصيا عانيت كثيرا وخايف اقول قصص من حياتي تفتكروني اميتاب باتشان لمحت اني بديت صبي ترزي وده حقيقة مشرفة لي مرورا بمهن كثيرة شريفة مش هاكمل لاني احيانا انا شخصيا لا اصدق اني انا مريت بتلك الظروف

طبعا انا لم اقرر الهجرة مائة في المائة لكن يبدو ان تفكيري مثل العمدة ايهاب نفس الطريقة تقريبا مع الفارق لصالحه فهو يبدو لي انه مقدام اما انا ففي درجة جبن او خوف وباحسبها ليس ماديا ولكن اجتماعيا جدا وبصراحة مجتمعات بلية واخواته بتقولي اطفش الفرصة سنحت

ساعود لا حقا