عمل للمصرين القادمين الى كندا حديثا

[TorontoBack]

ايه يا جدعان مفيش افكار خلص محدش عاوز يشارك اهحنا ديما كدا عمرنا ما كملنا حاجه ابدا

انا بقترح نعمل لقاء في تورونتو لكل الاخوه الي مستعدين يشاركو بالفكره دي من الموجودين في كندا و نقعد نناقش الموضوع و نتفق على ساعه معينه يكون جميع الاعضاء في المنتدى موجودين ونعمل كونفرنس على النت وناقش جميع المقترحات .

الي عندو اقتراح يتفضل . و اللي عاوز يشارك يا ريت يدخل على الفرع ـ مستقبلنا في كنداـ و يسجل فقط اسمه و رقم الهاتف ان امكن و التاريخ الي بيعتقد انه حيناسبه و المكان الذي يفضل ان نلتقي فيه اذا كان على درايه بالاماكن في تورونتو فقط .

و ربنا يوفقنا و همتكم معانا يا شباب كندا و بيكفينا نوم , مستنيين المشاركات .

عمرنا ما حنتفق.لا في اونتاريو و لا في موزمبيق :blink:

[حسام يوسف]

الاخ تونرنتو باك

لا

مش كل الفلسطينيين سيئين

فيهم الكويس وفيهم الوحش

زى المصريين تمام

وزى كل ناس من كل بلد

ولو انت شايف اننا مش هنتفق

ومش هنقدر نعمل حاجة

اوك

دة رأيك

سبنا نحاول من غير احباط

لأن الاحباط موجود حوالينابمافية الكفاية

تقبل تحياتى

[dawn walker]

هو الاخ تورنتو باك ..هو تورونتوا القديم ..طريقة ردوده زى اللى كانت موجودة فى الموضوع الطويل بتاع كنداز.(مش فاكر العنوان )

بس عامة احييك على صراحتك ..

[حسام يوسف]

هوة بعينة

[ايهاب سالم]

عشت عشر سنين في قطر

كان لي كثير من الاصدقاء الفلسطينين

كانوا قمه في الاخلاق

وبيموتوا حب في مصر

وما زلنا على صله حتى الان

[samehelassad]

انا بصراحة ياجماعة عاوز اسئل حبة اسئلة مهمة جدا:

هو احنا فعلا بتوع كلام بس؟

هو احنا العرب نستاهل اللي بيحصل فينا وبنعلق شماعتنا على حكامنا؟

هو احنا عاوزين نهاجر عشان نهرب وكلة في حالة؟

هو الاسلام قالنا نبقى كدة؟

ولا احنا اللي عاملين مسلمين هل فعلا خايفين على اسلام ولادنا ولا على شرفهم وبنتمحك في الدين قال يعني بنطبقة؟

هل نسينا ان الله لايغير ما بقوم حتى يغيرو ما بانفسهم.؟

ولا عاوزين نقعد نقول ان الاجانب كويسين واحنا وحشين بس ومانحاولش نبقى زيهم او احسن بحكم دينا على الاقل؟

ولا احنا فالحين نكرة بعض ونحب الاجانب ونعمل زي بتوع الخليج اللي بيدو الاجنبي اضعاب العربي لمجرد انة اجنبي والعربي مايستاهلش ياخذ فلوسي؟

ماتيجو نبتدي بنفسنا ونعمل حاجة ايجابية بجد وبلاش تكسير مجاديف وكلام وبس

والله الله يكرمك يا اخ كناني على الاقل فكرت في البداية وطلبت الناس اللي موجودة في كندا تجتمع ونبتدي نفكر

ياجماعة اليهود كانو قلة ضئيلة وعملو دولة!!!

والامريكان كانو حبة حرمية وبقوا اكبر دولة في العالم!!!

والاسترال كانو حبة مساجين ومنفيين انجليز!!!!

واحنا حتى مش عارفين نرفع راسنا ونعمل لنا قيمة قدام بعض او قدام الاجانب مش نعترف للاجانب اننا اي كلام.

ياريت كفاية ونبتدي بجد نفكر نساعد بعض او منتكلمش في موضوع الشغل دة عشان مايبقاش كلامنا مش متماشي مع الموضوع وكفايا علينا النصح وتبادل المعلومات.

[yassir]

انا بصراحة ياجماعة عاوز اسئل حبة اسئلة مهمة جدا:

هو احنا فعلا بتوع كلام بس؟

هو احنا العرب نستاهل اللي بيحصل فينا وبنعلق شماعتنا على حكامنا؟

هو احنا عاوزين نهاجر عشان نهرب وكلة في حالة؟

هو الاسلام قالنا نبقى كدة؟

ولا احنا اللي عاملين مسلمين هل فعلا خايفين على اسلام ولادنا ولا على شرفهم وبنتمحك في الدين قال يعني بنطبقة؟

هل نسينا ان الله لايغير ما بقوم حتى يغيرو ما بانفسهم.؟

ولا عاوزين نقعد نقول ان الاجانب كويسين واحنا وحشين بس ومانحاولش نبقى زيهم او احسن بحكم دينا على الاقل؟

ولا احنا فالحين نكرة بعض ونحب الاجانب ونعمل زي بتوع الخليج اللي بيدو الاجنبي اضعاب العربي لمجرد انة اجنبي والعربي مايستاهلش ياخذ فلوسي؟

ماتيجو نبتدي بنفسنا ونعمل حاجة ايجابية بجد وبلاش تكسير مجاديف وكلام وبس

والله الله يكرمك يا اخ كناني على الاقل فكرت في البداية وطلبت الناس اللي موجودة في كندا تجتمع ونبتدي نفكر

ياجماعة اليهود كانو قلة ضئيلة وعملو دولة!!!

والامريكان كانو حبة حرمية وبقوا اكبر دولة في العالم!!!

والاسترال كانو حبة مساجين ومنفيين انجليز!!!!

واحنا حتى مش عارفين نرفع راسنا ونعمل لنا قيمة قدام بعض او قدام الاجانب مش نعترف للاجانب اننا اي كلام.

ياريت كفاية ونبتدي بجد نفكر نساعد بعض او منتكلمش في موضوع الشغل دة عشان مايبقاش كلامنا مش متماشي مع الموضوع وكفايا علينا النصح وتبادل المعلومات.

الأخ الفاضل \ سامح

هون عليك ياأخى , بلاش تحبط بسهوله كده , المسأله محتاجه عزم , مش من يوم وليله , و الأيجابيات كتير و لما تيجى حتشوف. المسأله مش مجرد أرقام تليفونات و نقول يلابينا نعمل حاجه , لو درست النجاح اللى حققته جاليات كتير هنا حتلاقى ان تجاربهم بدأت بالnetwork و كل من عاش هنا لفتره تسمح له يتعلم من المجتمع و يؤثر ويتأثر حيقولك كده , الأساس هو تعارف و تمازج العائلات و ترابطها من هنا بيطلع أهداف مشتركه و شغل مشترك و تفاعلات مع المجتمع .

مصانع بأكملها تجد العاملين فيها من التاميل بنسبه أكثر من 90 فى الميه , شركات تاكسى يسيطر عليها عائلات من السيخ , شركات مقاولات يعمل فيها بنسبه فوق ال60 فى الميه ايطاليين , قطاعات زى ما أنت شايف مقفوله على أصحابها بدأت كده .... لورينزو يبقى ابن خالة ماركو , و باتريوتى صاحب فريدا و حياتك تشغله فى الموقع معاك ....و يوم ورا يوم قفله الشغل على جنسيات معينه ....عائلات قويه .

من أقوى التجارب اللى شفتها هنا على الأطلاق .....تجربة الكوريين .... اللى عايش هنا و عايز يشوف التجربه بنفسه يروح شارع لورانس و كاليدونيا , و خاصة يوم السبت و يتفرج على سول فى قلب تورنتو ....بيزنس كبير مملوك لشركه كوريه ....سعاتك كورى و عامل هجره لكندا ....قبل ما تنزل من الطياره بتكون عارف حتفتح محلك الصغير فين و البضاعه جاهزه و حتسدد لمين ...الواحد منهم ميعرفش كلمه واحده انجلش ....لكن رجل أعمال ....جه منين الترابط ده ....من العائلات ....لو واحد بس فكر ميدفعش علشان الدعم لبقيه العائلات و البيزنس الكبير ده ....يعزل من مجتمعه ....أقسى عقوبه ...

الأساس ياأخ سامح فى الشغل هنا .....الnetwork ...الناس تتصادق و تتعارف و تسند بعضها الأول و بعدين قوه المجتمع اللى انت خلقته ده يولد أفكار ...و كمان يخلقلك سهوله فى تعديل الفكره ...و يرسملك أستراتيجيه التطبيق ....و تفرح بالهدف و هو بيتحقق.

من التجارب القويه برضه ...تجربه الأحمديين , بغض النظر عن العقيده و الأختلاف العقائدى , لكنهم أستطاعوا يعملوا تجربه يرفع لها القبعه , أستطاعوا مش بس يتعارفوا و يترابطوا ...... بنوا بيوتهم جنب بعض .....المنطقه بالكامل من طائفه واحده ....بل و تخيل سموا المنطقه على اسم الطائفه ...و بنوا جامع فى داخل الكوملبكس ....روح و شوف كام واحد شركاء ...و طبعا الزباين مضمونيين و العجله تدور ...و العيال تربيها فى المجتمع اللى أنت خلقته ....و حيوصلوا فى يوم من الأيام أنهم يبنوا المدره زى ما بيحلموا .....أكيد ...

مفيش داعى نخترع العجله ....العجله موجوده و شغاله ...أنت بس محتاج تسوق عجله زيها و تجرى فى المارثون و حتوصل بس حط العربيه ورا الحصان......قوه الشد اللى فى الترابط و التكافل و مساعدة اللى ييجى جديد حتوصل العربيه للى فى دماغك و دماغى و دماغ كل واحد بيحب أهل بلده و دينه ......

[حسام يوسف]

انا من رأى اخى ياسر

بالراحة بس شوية يا أخى سامح

الموضوع محتاج دراسة

وفية نقطة تانية

المتحمسين للموضوع نوعين

نوع منهم فى مصر لسة مهاجرش

والتانى بالفعل هاجر

الاول يحلم ويحط تصورات

قابلة للتعديل

التانى اكثر واقعية بحكم المعايشة

انا شايف لازم الطرفين يتكلموا ويتفقوا على خطوط عريضة

[samehelassad]

اخي وحبيبي وجاري المستقبلي انشاء الله ياسر باشا و اخي العزيز حسام انا اشكركم شكر جزيل على ردودكم وكلامكم كلة صح محدش يقدر ينكر ان اللي في كندا شايف اكتر بكتير من اللي برة. وطبعا زي ماقلت يا ياسر ال network اهم حاجة خصوصا في كندا بل دي هية الاساس.

السوال هنا هل نقدر نبتدي نعمل network ولا لاء وهل لا بد ان يكون اعضائها كلهم من الاخوة اللي عايشين في كندا بس؟ ولو ينفع ازي نبتدي

2:هل ماينفعش نبتدي نفكر في مشاريع من دلوقتي؟

اخيرا اعذروني لو كان اسلوبي محبط شوية بس انا الحقيقة من اول مابدئنا نكتب في الموضوع دة والمشاركات ضعيفة وفاجئة ابتديت تزيد لما تغير الكلام بمين بيكرة مين اكتر ومين بيحب المصريين ومين بيكرهم وانسو حد يعبركم الخ. فكان هدفي من المداخلة اللي فاتت ان يائما نبتدي نتكلم في الموضوع بجد ياما بلاش انتقادات غير بنائة يعني بالظبط (من كان يومن بالله واليوم الاخر فليقل خيرا او ليصمت)

[حسام يوسف]

ليست دعوة للتسويف او التأجيل اخى سامح

لكنى اعتقد ان الاحلام العظيمة تحتاج تخطيطا ودراسة جيدة

وأرى انةممكن ان ننشئ رابطة حتى لمن لم يهاجروا بعد

لأكثر من سبب

اولا تشجيع الباقى على الهجرة-

ثانيا ممكن نسمع اكثر من فكرة مفيدة كلما زاد عدد المشتركين فى العصف الذهنى المزمع الاتفاق علية

تقبل تحياتى

[samehelassad]

بالظبط يا حسام هو دة بس اللي انا عاوزة نبتدي نعمل brain stormingونشوف هنوصل لائة. انا عارف ومتاكد ان اصعب جاجة هي البداية ولكن لو ابتدينا هتمشي العجلة لوحدها زي ماقال ياسر. وبمجرد اننا نبتدي نعمل مع بعض brain storming لهدف ثابت هتبتدي ال net work تزيد وتكبر والمشاركين فيها يزيدو. زكل مازادو كل ماكان الهدف افضل و تحقيق الهدف اسهل. عشان كدة انا نفسي نبتدي ونفسي حبايبنا وكندا يبتدو يقولولنا ازاي نبتدي عشان التقل كلة عليهم هما شايفين اكتر بكتير.

انا تحديدا اخص حبيبي ياسر عشان عندة بعد نظر رائع وقدرة على التنفيذ واخونا ايهاب عشان عندة قدرة على الترتيب والتفكير المنظم (اوراكل بقا). وحتي الاخ تورونتو عشان يبتدي يدينا النقض بتاعة بردة هيفيد خصوصا لو كان بنناء كل واحد في المصريين اللي في المنتدى لية ميزة خاصة ربنا ادهالة لو جمعنا بعضنا لهدف واحد اكيد هيكون المشروع دة ناجح خصوصا ان النية صافية. محدش يقدر ينكر ان كلنا عاوزين نهاجر او هاجرنا عشان ننجح مش عشان نعيش حياة افضل وبس.

[حسام يوسف]

انا معاك قلبا وقالبا

يد الله مع الجماعة

[yassir]

بالظبط يا حسام هو دة بس اللي انا عاوزة نبتدي نعمل brain stormingونشوف هنوصل لائة. انا عارف ومتاكد ان اصعب جاجة هي البداية ولكن لو ابتدينا هتمشي العجلة لوحدها زي ماقال ياسر. وبمجرد اننا نبتدي نعمل مع بعض brain storming لهدف ثابت هتبتدي ال net work تزيد وتكبر والمشاركين فيها يزيدو. زكل مازادو كل ماكان الهدف افضل و تحقيق الهدف اسهل. عشان كدة انا نفسي نبتدي ونفسي حبايبنا وكندا يبتدو يقولولنا ازاي نبتدي عشان التقل كلة عليهم هما شايفين اكتر بكتير.

انا تحديدا اخص حبيبي ياسر عشان عندة بعد نظر رائع وقدرة على التنفيذ واخونا ايهاب عشان عندة قدرة على الترتيب والتفكير المنظم (اوراكل بقا). وحتي الاخ تورونتو عشان يبتدي يدينا النقض بتاعة بردة هيفيد خصوصا لو كان بنناء كل واحد في المصريين اللي في المنتدى لية ميزة خاصة ربنا ادهالة لو جمعنا بعضنا لهدف واحد اكيد هيكون المشروع دة ناجح خصوصا ان النية صافية. محدش يقدر ينكر ان كلنا عاوزين نهاجر او هاجرنا عشان ننجح مش عشان نعيش حياة افضل وبس.

شوف يادكتورنا العزيز, معلش أطول عليك شويه , الويك اند بقى و الواحد عنده فرصه يقرأ المواضيع المهمه اللى زى موضوعك .

أولا\ الفكره

اللى أنت بتقوله يصنف على أنه أحاسيس , انتماءات, حب لأهلك و عشيرتك ...أكثر من توصيفه على أنه أفكار , ليه ؟ ....علشان تعمل شى مفيد فى المجتمع اللى أنت أخترته و قررت تكمل حياتك فيه لازم تعيش فيه ....تعرف قواعده و ترضى بها وبعدين تخرج من قناعتك بالمجتمع ده و رغبتك فى الأفضل ليه ... الرغبه فى أفادته و أفادة الناس اللى قررت تعيش و سطهم و ده مش حيتحقق و أنت بره كندا ....أنا عارف أنك حتقول دى مجرد بدايه , تعارفات , تحفيز للناس علشان تشارك بس ...معاك , بس انت مش عايز مشاركه كل الناس ...أنت عايز مشاركه اللى حتعيش و سطهم , مش حتقدر تدفع حد فى أوروبا أنه يهتم بأضافه أو فكره علشان الظروف كامله الأختلاف و أحتمال أنك متقدرش تستفز أهتمامه أساسا .

ثانيا \ الهدف

الهدف متحدد صح ....أكبر فائده ممكنه لمجتمعك اللى انت أخترته و مساعدة اللى جاى زيك يعيش فيه ......كلام منظم , لكن مش الحل أنك تفكر فى كيان جديد ...علشان هو ده أسلو ب تفكيرنا اللى حتغيره بعد فتره من عيشتك هنا و تأقلمك مع المجتمع...التفرق ....أتربينا فى وسط مئات من الفرق و الشيع ...عندك مثلا فى المنتدى..لسه لحد دلوقتى ناس بتفتح مواضيع نعمل ايه فى الهجره لكندا ...بدل ما أشوف موضوع موجود و أضيف فيه ...لأ أفتح موضوع جديد و علشان تلم معلومات الهجره كلها تقرأ ثلاثين موضوع ...

أنت أنتمائك ايه ...أنا مصرى المولد .... كندى الجنسيه ...عربى القوميه و التوجه....مسلم الديانه ...يبقى أقرب كيان قائم يعبر عنى و يحتضن نشاطى هو الأتحاد العربى ...أو مركز الجاليه العربيه ...أروح بأفكارى ليهم ...أقوى من مركزهم و دورهم فى المجتمع ... و هما مش حيرفضوا و لاحيساعدوا ...أنما حتقوى الكيان القائم بالفعل و مش حتضيع وقت فى ازاى اعرف الناس اللى انا بعمله ...حيكون كل تركيزك فى أفكار جديده ....و على فكره حتفاجأ ان الأفكار الجديده اللى فى مخيلتك موجوده بالفعل بس عايزه دعم زياده.

ثالثا خطوات العمل

* علشان أفيد الناس اللى أنا أخترت أعيش وسطهم لازم أكون انا ناجح , يعنى ازاى سامح حيفيدنى و هو مش لاقى شغل , أزاى حتنشغل بعمل يفيد أهلك و ناسك و خلينا نسميها بالكنداوى- الجاليه- و انت ملكش مصدر دخل , أنت أساسا مش ممكن حتنشغل بشى قبل ده ....يبقى الخطوه الأولى لتحقيق أفكار سامح أن سامح يكون ناجح .

* أى مصرى بيشتغل شغلانه هو مش بيحبها أو خجلان منها ....بيقفل عليه بابه و يتجرع مراره الهزيمه لوحده ...و يبدأ السباب فى كندا و اللى جابو كندا ...علشان تساعده و تخرجه و تخليه يتفاعل مع المجتمع لازم تكون قريب منه أجتماعيا...يبقى الخطوه التانيه لتحقيق أفكار سامح ... اللى تخليك فى قلب الهدف ...التقارب الأجتماعى .... لازم الأسر تتعارف و تتزاور ...كل ما زادت قوه الرباط الأجتماعى كل ما كانت قدره تأثير الكيان فى المجتمع الكبير كبيره .....

* المصريين و العرب اللى أعمالهم كانت فى الخليج و عانوا من مشاكل يعلمها الجميع و لايتسع المقام لسردها بيجى بروح غير محبه للكيانات اللى ذكرتها ...هو أساسا سايب لهم الدنيا و جى هنا ....حتخرجه أزاى من حاله الكراهيه و يؤثر فى جاليتك و يفيدها ....يبقى الخطوه الثالثه لتحقيق أفكار سامح ...لازم تكسب ثقته ...لازم تكون مبادر بالمساعده ...تساعد و تتصل أنت و تعرف نفسك و تعمله أى شىء يحسسه أنه له أخ هنا فى المهجر ....علشان هو خايف أصلا و كاره و شاكك فيك ...أنا مالى خلينى مع الكنديين ...بلا عرب بلا وجع دماغ ....لازم تتحمل و تقرب منه لحد ماقناعاته تتغير و يقول أه و الله الواحد مالوش غير أهله ...محدش هنا حيساعدنى غير المصرى و العربى اللى من دينى .... أنا عملت كده و كسبت جيران و اهل و معارف و منهم أسر من المنتدى هنا و حنزيد أكتر و أكتر.

الخطوات كتير ياأخى العزيز بس مش عايز أطول عليك أكتر من كده ....مادامت نيتك الخير و مساعدة اللى جاى .أكيد ربنا حيوفقنا و للحديث بقيه ...تحياتى ليك و لحسام ....

[KINANE]

انا مش فاهم ????? انا عرضت عليكم نعمل اجتماع لكل الاخواه الموجودين كندا و بيقدرو يوصلو تورونتو انا بحتاج ساعه و ربع علشان اوصل بس محدش رد ???????? يا عم ازا علشان طلبت ترفقوا رقم الهاتف ودا كان لمجرد التنسيق علشان الموعد ???? يا عمي بلاش الهاتف ممكن البريد الالكتروني ..... انا حطيت قسم في المنتدى علشان كل من يريد المشاركة ان يضع الطريقة التي ممكن نتواصل بها معه , بس شكلي علشان فلسطيني محدش عبرني على العموم انا بجدد الدعوه لجميع الاخوه الكنادوه , دعونا نلتقي يا جماعه ,ارجو من الجميع وضع الطريقه التي يراها مناسبه للتواصل معنا حتى نستطيع عقد الاجتماع ,ويمكنكم ذلك عبر الدخول إلى موضوع '' مستقبلنا في كندا ''

[somayasaleh]

مشروع رائع

انا معاكم قلبا وقالبا

وان شاء الله ننفذه مش كلام وبس

لازم التعاون والاتحاد وهو ده المطلوب في الغرب..... حتي لا نفقد هاويتنا العربية ونصبح كلمة قوية مسموعة لها كيان

الي الامام وربنا يوفقنا كلنا ان شاء الله :

انا من لسه في انتظار الهجرة ان شاء الله

الاخوه المهاجرين الحاليين برجاء الرد والانضمام :closedeyes:

[somayasaleh]

اسجل تحياتي واعجابي الشددين بكلام الاخ الفاضل ياسر

فعلا كلام حضرتك كله صحيح وعن خبرة وتجربة

اتمني من الله تعالي ان نلتقي في ارض المهجر في القريب :closedeyes:

[samehelassad]

جاري المستقبلي وحبيبي بشمهندس ياسر اشكرك جدا جدا على التعقيب والتوضيح بس انا عاوز افعم لية ماينفعش يبقى فية اتصال بين اللي جوة واللي برة

علشان تعمل شى مفيد فى المجتمع اللى أنت أخترته و قررت تكمل حياتك فيه لازم تعيش فيه ....تعرف قواعده و ترضى بها وبعدين تخرج من قناعتك بالمجتمع ده و رغبتك فى الأفضل ليه ... الرغبه فى أفادته و أفادة الناس اللى قررت تعيش و سطهم و ده مش حيتحقق و أنت بره كندا ....أنا عارف أنك حتقول دى مجرد بدايه

مش انت اللي قلت

من أقوى التجارب اللى شفتها هنا على الأطلاق .....تجربة الكوريين .... اللى عايش هنا و عايز يشوف التجربه بنفسه يروح شارع لورانس و كاليدونيا , و خاصة يوم السبت و يتفرج على سول فى قلب تورنتو ....بيزنس كبير مملوك لشركه كوريه ....سعاتك كورى و عامل هجره لكندا ....قبل ما تنزل من الطياره بتكون عارف حتفتح محلك الصغير فين و البضاعه جاهزه و حتسدد لمين ...الواحد منهم ميعرفش كلمه واحده انجلش

بالنسبة ل

مثلا فى المنتدى..لسه لحد دلوقتى ناس بتفتح مواضيع نعمل ايه فى الهجره لكندا ...بدل ما أشوف موضوع موجود و أضيف فيه ...لأ أفتح موضوع جديد و علشان تلم معلومات الهجره كلها تقرأ ثلاثين موضوع

دة انا بعتبرة كسل واستسهال في الحصول على المعلومة مش اسلوب اونظام المجتمع اللي احنا عايشين فية.

بالنسبة لموضوع الnetwork حضرتك قلت

الأساس ياأخ سامح فى الشغل هنا .....الnetwork ...الناس تتصادق و تتعارف و تسند بعضها الأول و بعدين قوه المجتمع اللى انت خلقته ده يولد أفكار ...و كمان يخلقلك سهوله فى تعديل الفكره ...و يرسملك أستراتيجيه التطبيق ....و تفرح بالهدف و هو بيتحقق.

دة اللي انا عاوزة نخلق مجتمع بتنفيذ اخوانا في كندا واللي برة كندا اللي عاجبة المجتمع دة يجي علية ويندمج فية ويبحث عن عمل بمجهودة وتوفيق ربنا ومساعدة المجتمع بتاعة واللي عاوز يدخا المجتمع دة يلتزم بشروطة وطباعة وعاداتة زي ماحضرتك قولت

جه منين الترابط ده ....من العائلات ....لو واحد بس فكر ميدفعش علشان الدعم لبقيه العائلات و البيزنس الكبير ده ....يعزل من مجتمعه ....أقسى عقوبه ...

واخيرا لية مانبتديش نعمل المجتمع ونعمل مشروع ماهو اخونا كناني طلب نعمل اجتماع في كندا مع الاخوة اللي قاعدين هناك ومحدش عبرة لدرجة انة اتهيئلة ان محدش عبرة عشان فلسطيني بالرغم من اني متاكد بدون اي شك ان موضوع انة فلسطيني دة غلط ومش كدة اطلاقا بدليل كلامك برضة ياياسر مهوانت اللي قلت

يبقى أقرب كيان قائم يعبر عنى و يحتضن نشاطى هو الأتحاد العربى ...أو مركز الجاليه العربيه ...أروح بأفكارى ليهم ...أقوى من مركزهم و دورهم فى المجتمع ...

وعلى فكرة كناني اللي عاوز يعمل اجتماع ونبتدي نعمل كيان او نكبر كيان موجود حتى كان قال انة عندة بزنس في فلسطين ونازل كندا عشان الجنسية وانة مستقر ودخلة محترم في فلسطين وبرغم ذلك نفسة يكون عضو فعال في مجتمع في كندا ويدخل فية وممكن يغير رائية ويعيش هناك ويكون قوة.

انا عاوز توضيح اكتر من حضرتك شوية لو ينفع نعمل ربط بين اللي برة واللي جوة ولا لاء. وهل ينفع نعمل مشروع ولا لاء

[yassir]

انا مش فاهم ????? انا عرضت عليكم نعمل اجتماع لكل الاخواه الموجودين كندا و بيقدرو يوصلو تورونتو انا بحتاج ساعه و ربع علشان اوصل بس محدش رد ???????? يا عم ازا علشان طلبت ترفقوا رقم الهاتف ودا كان لمجرد التنسيق علشان الموعد ???? يا عمي بلاش الهاتف ممكن البريد الالكتروني ..... انا حطيت قسم في المنتدى علشان كل من يريد المشاركة ان يضع الطريقة التي ممكن نتواصل بها معه , بس شكلي علشان فلسطيني محدش عبرني على العموم انا بجدد الدعوه لجميع الاخوه الكنادوه , دعونا نلتقي يا جماعه ,ارجو من الجميع وضع الطريقه التي يراها مناسبه للتواصل معنا حتى نستطيع عقد الاجتماع ,ويمكنكم ذلك عبر الدخول إلى موضوع '' مستقبلنا في كندا ''

ياأخ كنانى ...الفلسطينين أهلنا و أخواننا , مش كلام مديح و مراء و لاحاجه علشان مفيش ما يدفع لكده ,بس ليا توضيحين صغيرين :

أولا محدش يضع نمره تليفونه كده على النت , انا لما بعتلك نمرتى بعتهالك فى الخاص أبسط ما فيها علشان محدش من اللى بيعملوا ماركتنج مثلا ميعترش على نمرتك بالسهوله ديه , و علشان متتعرضش لتزوير أو تحايل زى ما حذرت الأخ ايهاب قبل كده من نشر معلوماته بالشكل الصريح ده.

ثانيا فيه كلام أنا وضحته فى ردى لسامح كان لازم تفهم منه ليه مفيش ناس أتصلوا بيك, مش كل الناس هنا ناحجين و بكره عندهم أستعداد يقعد معاك ...حتسأله و حضرتك بتشغل ايه ....حيتكسف و يضطر يكذب علشان يحافظ على ماء وجهه , حتقوله ...طيب نتكلم فى الجد ...أنا أفكارى كذا و كذا ...هو أصلا محتاس فى عالم اخر ....الفلوس اللى جى بيها بتنقص مش بتزيد و بياخد كورسات علشان المعادله و بيشتغل أمن و لا فى ويرهاوس علشان يقدر يلاقى دخل و يرجع تعبان مش بيذاكر كويس ....هو فى دنيا تانيه ....تايه ...مش كل الناس ناجحه علشان كده قلت سيبوكوا من البيزنس ....الأساس الترابط الأجتماعى ....مهما كان فيه فروق فى مستويات الدخول فالزيارات و تقارب الأولاد مع بعض و رغبه الزوجات أن يكون لهن أخوات هنا و صاحبات تهون عليهن الغربه ...كل ده عوامل بتقرب بين الناس .....بتخلى الناس اللى لسه موصلتش لأهدافها متتكسفش و ييجى يقابل كنانى و يقعد معاه ...أنا فلان دكتور و ماشى فى المعادله ...بس بشتغل بارت تايم أو كاجوال كده .....يقدر يفك و يتكلم ببساطه ...أنا مره قابلت دكتور مصرى هنا فى أحد المولات و قعدنا و شربنا قهوه و حكيبنا و بسأله ربنا وفقك و أشتغلت ...قالى أيوه بشتغل غفير محترم ....و ضحك و قعدنا ننكت على شغلانه الأمن اللى بيشتغلها على ميخلص المعادله ....مش كل الناس كده ياعم كنانى ...فيه ناس حست انها واقفه فى الرمل المتحرك كل لما يحاول يطلع يغوص أكتر ....علشان يبقى صاحب كنانى ...لازم مره و اتنين و زيارات بيوت و العائلات تروح الجنينيه و شوى بره و مرواح للجامع سوا و ايفنتز تحضروها و تطوع فى المدرسه و غيره وغيره ........حنانيك ياأخى ...طول بالك .... الموضوع ولا له أى علاقه بأنك فلسطينى ...كونك مقدسى ده شرف مش حاجه الناس تخاف منها ....

[yassir]

اسجل تحياتي واعجابي الشددين بكلام الاخ الفاضل ياسر

فعلا كلام حضرتك كله صحيح وعن خبرة وتجربة

اتمني من الله تعالي ان نلتقي في ارض المهجر في القريب :)

جزاكى الله كل خير ياأخت سميه و يشرفنى أن تلتقى عائلتنا فى المهجر باذن الله . بالتوفيق

[Automatic]

انا مش فاهم ????? انا عرضت عليكم نعمل اجتماع لكل الاخواه الموجودين كندا و بيقدرو يوصلو تورونتو انا بحتاج ساعه و ربع علشان اوصل بس محدش رد ???????? يا عم ازا علشان طلبت ترفقوا رقم الهاتف ودا كان لمجرد التنسيق علشان الموعد ???? يا عمي بلاش الهاتف ممكن البريد الالكتروني ..... انا حطيت قسم في المنتدى علشان كل من يريد المشاركة ان يضع الطريقة التي ممكن نتواصل بها معه , بس شكلي علشان فلسطيني محدش عبرني على العموم انا بجدد الدعوه لجميع الاخوه الكنادوه , دعونا نلتقي يا جماعه ,ارجو من الجميع وضع الطريقه التي يراها مناسبه للتواصل معنا حتى نستطيع عقد الاجتماع ,ويمكنكم ذلك عبر الدخول إلى موضوع '' مستقبلنا في كندا ''

لو قاعد لغايه نهايه الأسبوع أنا ممكن أقابلك في تورونتو و أتشرف بالمعرفه.