إلي الراغبين في ممارسة الصيدلة في كندا

[drmado]

انا ليا سؤال للدكتور حسام او الكتورة ولاء

لازم اخد معايا الشهادة الكارتون السفارة علشان اختم الصورة (صورة طبق الصل)؟

[drbeso]

الف شكر يا دكتور باسم على معلومات استراليا

ممكن توضيح أو

summary

للفلوس المطلوبة فى قصة استراليا؟

---------------------------------------------------------------------------

لا العفو يا دكتورنا

بالنسبه للمبالغ المطلوبه للمعادله كالاتي http://www.apec.asn.au/APEC_feeschedule.html#APEC

وفيه الجدول اللي هتلقوه في السايت ده

تاخد بالك من الاتي

انك هتدفع

لفتح الملف 500+ولstage 1هتدفع 1600+وللstage2هتدفع حوالى1185+965ده عشان appeal for comittee وباقيه الحاجات

يعني الحسبه بمرحله الاولى الي هنا في مصر (2100)ولو هتاخد ال OET يبقا زود 600$=2700$ للمرحله الاولى

خد بالك انك هناك هتشتغل بمرتب منخفض من هذا المرتب هتسرف على المرحله التانيه

لو جينا نحسب المرحله التانيه هتبقا حوالى(2150)$

يبقا للمرحلتين وكله حوالي 4850$

انا مش عارف بالضبط تكلفه معادله كندا وتزاكر السفر والفيزه السياحه عشان اقارن مابينهم

ربنا يكرم يا جماعه ويووفق ان شالله

لكم تحياتى wst::

[waloaa]

والله انا شايف ان اكبر ميزة فى معادلة استراليا انها امتحانها الاول فى مصر يعنى توفيـــــــــــــــــــــــــــــــــــــــــــــــر كبير بس انا شايف من خلال رايى المتواضع ان كندا افضل

شكرا اخى الكريم للمشاركة فى الحوار

ياترى ليه حضرتك شايف ان كندا أفضل؟؟؟؟

[waloaa]

الف شكر يا دكتور باسم على معلومات استراليا

ممكن توضيح أو

summary

للفلوس المطلوبة فى قصة استراليا؟

اهلا وسهلا بالدكتور حسام مرة أخرى بعد غياب دام الكثير حرمنا فيه اراءه وإضافاته القيمة

ايه يادكتور انت لسه متحير بين كيبك ولا فيدرال mfb: ؟؟؟ ولا قررت خلاص

وايه حكاية استراليا دى؟؟ wst::

انتا الكلام لخبطلك مخك انت كمان ولا ايه؟؟ :lol:

[waloaa]

[quote name

انا مش عارف بالضبط تكلفه معادله كندا وتزاكر السفر والفيزه السياحه عشان اقارن مابينهم

ربنا يكرم يا جماعه ويووفق ان شالله

لكم تحياتى

ايه ده دكتور باسم عايز يعرف التكلفة

بس كدة تحت امرك

بالنسبةالى تكاليف الامتحان الاول من مصر فهى تشمل(تقريبا)

تكلفة حجز الامتحان وهى 500 دولار كندى ده غير تكلفة تقييم الورق515 دولار كندى

تكلفة تحضير الورق وارساله فى حدود 500 جنيه

تكلفة تذاكر السفر :وهى تختلف حسب(خطوط الطيران وميعاد السفر) حيث ان الامتحان يعقد مرتين سنويا فى شهر يناير وشهر يوليو وبعد البحث وجدت ان شهر يناير بيكون ارخص نظرا لبرودة الجو هناك وكذلك اذدياد الطلب على السفر للسياحة من والى كندا خلال شهور الصيف

ده موقع air france http://www.airfrance.com/index COM.html

واادى كمان موقع lufhanza

http://www.lufthansa.com/onlin e/portal/LH_COM

ممكن تدخل وتحسب تمن ذكرتك بنفسك

ملحوظة :مصر للطيران رحلتها الى مونريال فقط وتكون فى شهور الصيف فقط

وممكن كمان تنزل شركات السياحة الموجودة فى وسط البلد وتشوف العروض اللى عندهم

لكن ممكن نقول تقريبا فى حدود6500 جنيه(ذهاب وعودة)الى منريال او تورنتو (لو مكان عقد الامتحان غيرهم حتضطر تكمل طيران داخلى للوصول الى المكان المنشود وده بيكون air canada وتذكرة السفر بتكون شاملاه غالبالكن طبعا اغلى

فكرة لتقليل النفقات: خطوط الطيران بتعمل عروض قوية جدا اذا حجزت قبل السفر بفترة طويلة فاذا تأكدت من ميعاد السفر يمكنك القيام بذلك

تكلفة الاقامة والتنقلات والمعيشة حوالى 1000 دولار(على اعتبار السكن فى بيوت للشباب او موتيلات حيث تكون منخفضة التكلفة) والكلام ده لمدة اسبوعين

تكلفة الحصول على فيزا سياحة للسفر للامتحان(لا اعرف تكلفتها بعد)

بقيت نقطة اخيرة هى ليست من التكلفة ولكنها من الامور الهامةوهى ان السفارة تشترط لاعطائك فيزا سياحة ان تثبت لها قدرتك الماليةبان تحضر لها كشف خساب بحوالى 10000 دولار او ما يوازيه مصرى

(تكلفة تذاكر السفر والاقامة) حتى تضمن انك فعلا رايح وراجع (مش مثلا رايح للهجرة ومش ناوى ترجع)

اما بالنسبة لفترة الاقامة ممكن نقول عشرة ايام او اسبوعين

لكن توصل بإذن الله قبل الامتحان بفترة كافيةللراحة والتعود على الجو (لاتنس ان مدة السفر لاتقل عن 13 ساعة دا غير الترانزيت اللى ساعات بيزود الوقت)

ملحوظة:مدة الفيزا تصل الى ثلاثة شهور

اما تكلفة الامتحان الثانى فتشمل الاتى

Qualifying Examination - Part I MCQ , $390 for Spring and Fall 2009

Qualifying Examination - Part II OSCE , $1475 for Spring and Fall 2009

تقبل تحياتى وشد حيلك فى المذاكرة عايزين امتياز ان شاء الله :lol:

[drbeso]

الف شكر يا دكتوره walla

ربنا يسعدك :lol:

واخي دكتور حسام منورنا وارجوك لا تطيل عنا يا دكتور

wst::

[waloaa]

الف شكر يا دكتوره walla

ربنا يسعدك :lol: wst::

واخي دكتور حسام منورنا وارجوك لا تطيل عنا يا دكتور

:wub:

ياااااااااااه يا دكتور باسم انت رجعت تكتب الاسم غلط تانى mfb:

المهم ان انتا كل مرة تكتبة بطريقة شكل

لدرجة انى ساعات ما بعرفش كان بيتكتب صح ازاى :lol:

يمكن انا حسدتك ولا ايه

بس تعرف ساعات بقول هو فعلا صعب وخصوصا بالنسبة للاجانب

بقعد اتخيلهم وهما بيحاولو ينطقوا اسمى و اقعد اضحك :D

خلاص ياسيدى اكتبه زى ما انتا عايز

ماانتا حتبقى كندي ان شاء الله smk:

[drbeso]

ههههههههههه

لا والله يا دكتوره ولاء شفتي اهو قلته صح :lol:

معلش بس انتى عارفه لازم اغير كل يوم بشكل بس انتى عارفه نيتي وده الاهم

ربنا يكرمك يا دكتوره وانتى اعزريني لو كتبته غلط قبل كده بس المشكله ان الاجانب معندهمش الهمزه يعني شفي انتى بقا هيبقا ايه

[waloaa]

بقى كدة يا دكتور باسم :lol:

دا احنا حتى ابناء رابطة واحدة wst::

وكمان جامعة واحدة

وانا اللى بقالى يومين بقول

إلا الدكتور باسم

مفيش إلا الدكتور باسم

اللى يؤمر بيه الدكتور باسم

وخد بالك من مذاكرتك يا دكتور باسم

عشان تنجح يادكتور باسم

وتهاجر يا دكتور باسم

وتبقى كندى يا دكتور باسم

دى تكون اخرتها

ماااااشى.....لولا بس إنى عارفة نيتك كنت.... :lol:

بس برضو ولا يهمنى

حخليهم يعرفو ا ينطقوا الهمزة mfb:

وانا وراهم والزمن طويل :wub:

[drbeso]

انا هركب مركب واركبلها شراع وهيا توديني اما للغرب لكندا او للشرق واروح لاستراليا

بس يارب متقفش في الهند والحتت ديه

لا ولله يا دكتوره ولاء مش قصدي انتى الاحسن يا دكتوره

وانا ليا الشرف انى اكون عند حسن ظنكم

ربنا يوفقنا كلنا يا رب

[hamdy farag]

انا هركب مركب واركبلها شراع وهيا توديني اما للغرب لكندا او للشرق واروح لاستراليا

بس يارب متقفش في الهند والحتت ديه

لا ولله يا دكتوره ولاء مش قصدي انتى الاحسن يا دكتوره

وانا ليا الشرف انى اكون عند حسن ظنكم

ربنا يوفقنا كلنا يا رب

اتمني لك التوفيق .ولكن يجب ان تسرع في السفر الي كندا لان بعد عدة شهور سوف تولد عدة قوانين يمكن ان تجعل الهجرة من الشرق الاوسط او دول الخليج صعيبة حتي وان توافرت النقاط و المستوي العلمي المطلوب...ففي مجلة لو سولي قرأت موضوع لجو سيلفيوس وهو كاتب اسباني يشكر الحكومة الكندية علي سرعة الموافقه علي طلبات هجرة نصف مليون مهاجر كولمبي كانت طلبات هجرتهم موقوفة منذ ثلاثة سنوات...كما خفضت الرسوم المطلوب دفعها مع طلب الهجرة لكل البلاد الأتيه ذكرها...شيلي,,فنزويلا,,اورجواى,,الأرجنتين...وكانت آخر احصائات المتقدمين للهجرة منذ عام 2005 674 الف مهاجر وصل منهم 17 وربعمائة مهاجر...18في المائة منهم يتمركزون في مقاطعة كيبيك...وفي آخر المقال طلب الكاتب من الحكومة الكندية تقديم تسهيلات اكثر من ذلك لتشجيع الهجرة من دول امريكا الاتينية...ويوجد اكثر من 49 وثمانية من عشر من اعضاء البرلمان مؤيدين لهذه التسهيلات...

[drmado]

ياترى ليه حضرتك شايف ان كندا أفضل؟؟؟؟

انا شايف ان كندا افضل لان المرتبات فى كندا اعلى بكتير ولانى تعبت فى تجهيز الورق لكندا هههههه مش هرمية يعنى :happy:

[drbeso]

انا لقيت فيديو بسيط لسه نازل على البيبك

امتنى انه يحوز على اعجابكم

http://www.pebc.ca/EnglishVideos/pebce.html

تحياتى

[medopharm]

انا لقيت فيديو بسيط لسه نازل على البيبك

امتنى انه يحوز على اعجابكم

http://www.pebc.ca/EnglishVideos/pebce.html

تحياتى

فعلا كليب جميل

بارك الله فيك

[waloaa]

السلام عليكم

الفيديو راااااائع يادكتور باسم

بس يخوف

بارك الله فيك

[drbeso]

اكتر حاجه عجبتني الصيدليه اللي هناك

يعني الفرق بسيط بين صيادليات اللي هنا وللي هناك مش كده برضه ؟؟؟ :blush2:

متهيالي احنا للي خلينا الصيدليه قريبه من البقاله لعدم امكانياتها و اختلافها عن صيدليات العالم كلها

ربنا يخلكم اشكركم عالردود

[bent misr]

ايه يا جماعه ده الفيديو رائع بس بجد مرعب

يا ترى احنا هنقدر نعمل كل ده :lol: ربنا يستر

ويوفقنا جميعا

[drbeso]

هاي يا شباب انا قلت الناس نامت عشان الجو بقا برد الايام ديه قلت لازم برده موضوع الصيدله يبقا في مقدمه المواضيع لاجدد الردود وميبقاش في صفحه 3 او 4 ( بغير على المهنه اعمل ايه )

بصراحه مش ده السبب انا جيه في بالي اسال

هل ممكن الواحد ميقدمش على الهجره خالص لكن يعمل المعادله الكنديه عادي جداا بحيث انه يستطيع انه يشتغل في كندا ولا ده مش هياكل معاهم؟؟؟ :hi:

ياريت اسمع ردود منكم في النقطه ديه يا جماعه

الله معاكم

ومتحرموناش من ردودككم ومتخلوش الشتا يمنعكم من الردود والمواضيع الشيقه

[medopharm]

هاي يا شباب انا قلت الناس نامت عشان الجو بقا برد الايام ديه قلت لازم برده موضوع الصيدله يبقا في مقدمه المواضيع لاجدد الردود وميبقاش في صفحه 3 او 4 ( بغير على المهنه اعمل ايه wst:: )

بصراحه مش ده السبب انا جيه في بالي اسال

هل ممكن الواحد ميقدمش على الهجره خالص لكن يعمل المعادله الكنديه عادي جداا بحيث انه يستطيع انه يشتغل في كندا ولا ده مش هياكل معاهم؟؟؟ :lol: wst::

ياريت اسمع ردود منكم في النقطه ديه يا جماعه

الله معاكم

ومتحرموناش من ردودككم ومتخلوش الشتا يمنعكم من الردود والمواضيع الشيقه

عادى جدااااااااا

ممكن تاخد المعادله وتشتغل من غير هجره

بس ليه تحط نفسك فى مخاطره زى دى

يعنى انت دلوقتى هتكون شغال بعقد مؤقت

لو حصل فى يوم من الايام وحصل زياده فى اعداد الصيادله مثلا

اكيد مش هيجددو العقد لكل الناس اللى شغاله مؤقت

فى الحاله دى الجنسيه هتحميك

مش كده ولا ايييييييييييييييييييييييه

تحياتى

[drbeso]

معاك حق يا دكتور ده كان بس مجرد اقتراح بس انتا بتتكلم صح

انتا عارف طبعا ان الخبر بتاع امبارح مش مخلي اي حد عارف يفكر وكله مش مصدق

عالعموم انا من راي ان احنا نستننا كمان كم شهر ونشوف الوضع هيرسى على ايه ؟؟