إلي الراغبين في ممارسة الصيدلة في كندا

[medopharm]

بالنسبة للشهادة الكارتون طبعا كلنا نعرف اهميتها بس هل لازم نبعت الاصل ولا ممكن الصورة ؟؟؟؟؟؟ ولو لازم الاصل هناخدها تانى ولا تبقى خلاص كدة؟؟؟؟؟

الأخوه الزملاء

بالنسبه للمعادله انت لو عندك صوره الشهاده الكرتون طبعا بتكون باللغه العربيه

هتاخدها وتروح لأى مكتب ترجمه معتمد من السفاره الكنديه

وبعد كده بتروح السفاره تختم كل الاوراق قبل ماتبعتها على مقر البورد الكندى

ده بالظبط اللى حصل معايا

ما طلبوش منى اصل الشهاده ولا اى حاجه

حتى شهاده الميلاد بتترجمها برضه وتختم النسخه الانجليش مع باقى الورق وبتحتفظ انت

بالاصل العربى معاك

أما بقى موضوع الايليت

طبعا بيكون مطلوب منك

over all scor=7

بشرط ماتقلش فى اى taskعن 6

بمعنى ايه

ممكن تجيب مثلا 7.5/8/6.5/6

بس ماينفعش تجيب مثلا

8/7/7/5

يارب تكون كده واضحه

د/ ميدو فارم ازي حضرتك ؟ أنا بجد سعيده اننا رجعنا لنفس الموضوع تاني

وربنا يوفقنا جميعا ان شاء الله. أنا بفكر جدبا اني أحجز للامتحان بس أنا معنديش غير

الكومبريهنسيف للمذاكره فهل هذا كافي ؟

معلش أنا مش فاهمه درجات ال academic تتحسب ازاي و التوتال قد ايه

وشكرا لك على تعاونك.

انا اللى سعيد جداااا للتعاون

واسأل الله عزوجل ان يوفقنا جميعا

الأخت الزميله بنت مصر

بالنسبه لكتاب الكومبرهنسيف هو كاف بس للأسف مختصر جدا

يعنى مثلا

عندك جزء الcalculation انا زاكرته من كتاب حوالى 400صفحه

هم نفسهم موجودين فى الكومبرهنسيف فى حوالى 15صفحه

يعنى الورقه الواحده نقدر نقول بتفرديها على اكتر من 20 ورقه

عشان كده اقدر اقولك الكتاب كاف اوى للزملاء اللى لسه مخلصين دراسه واللى لسه هيخلصو

بتكون المعلومات لسه حاضره فى ازهانهم

اما اللى مخلص بقى من سنتين او تلاته او اكتر بيتهيألى انه لازم يرجه لأمهات الكتب تانى

باختصار

المفروض تزاكرى فارماكولوجى من كتاب اسمه

LIPPINCOTT

وتزاكرى الكاليكيوليشن من كتاب اسمه

PHARMACEUTICAL AND CLINICAL CALCULATION

اهم حاجه انك تزاكرى الفارما كويس الاول

وبعد كده تشوفى الكالكيوليشن

وتبدأى بعد كده بقى بالكومبرهينسف

وسمعت اخيرا ان كتاب الTHERAPEUTIC CHOICES مطلوب انك تزاكرى منه جزء اسمه

INFECIOUS DISEASES

بالنسبه للأيليت

بيتحسب عادى المهم التوتال يكون 7

وماتقليش عن 6 فى اى واحد

يعنى الاسكور اللى هتجبيه بتجمعيهم على بعض وبعد كده تقسميهم على 4 والناتج المفروض مايقلش عن 7

بالتوفيق

[drmado]

د. ميدو فارم !!!!!!!!!!!! اية الروعة دى؟؟؟؟؟؟ استاذ ورئيس قسم والله انا مش قادر اصدق الصورة بس المطلوبة؟؟؟؟؟؟؟؟؟؟؟؟ ترجمتها سهلة باذن الله جزاك الله خير

[drmado]

الدكاترة هنا جامدين قوى والله انا عرفت كل اللى عايزة لحد دلوقتى ...............شكراااااااااااااااااااااااااااااااااااااااااااااااااااا

[medopharm]

د. ميدو فارم !!!!!!!!!!!! اية الروعة دى؟؟؟؟؟؟ استاذ ورئيس قسم والله انا مش قادر اصدق الصورة بس المطلوبة؟؟؟؟؟؟؟؟؟؟؟؟ ترجمتها سهلة باذن الله جزاك الله خير

الأخ العزيز drmado

ربنا يكرمك ويوفقك ويوفقنا جميعا ان شاء الله

بالنسبه للكلام ده هو فعلا اللى حصل معايا

انا قدمت صوره الشهاده الكرتون والنسخه المترجمه للسفاره

هنا فى الرياض وختمتها وبعتها مع باقى الاوراق لكندا

وبالفعل جانى الID

بالتوفيق

[sadany]

السلام عليكم يا اخوه واخوات الخير و رنبا يجمعنا دائما كده على النصح والمشوره.

انا بصراحه اخدت بالي ان كل استفساراتنا واجوبتنا هنا على موضوع المعادله و الامتحان و ده عشان نقدر لما نروح هناك نشتغل في الصيدليات والمستشفيات كصيادله .لكن في باب واسع ماحدش فينا طرقه واتمنى انه يكون في حد عنده معلومات عنه و هو العمل كindusterial pharmacist ,انا قريت فى الموقع بتاع workingincanada.gc.ca ان متوسط المرتبات كويس و لم يذكر انهم محتاجين معادله زي بقيه الحاجات .ياريت حد يؤلي الكلام ده صح وللا لا؟

[drmado]

http://www.amazon.com/Therapeutic-Ch.....;/dp/1894402065 دة كتاب therapeutic chocies اى خدمة

[medopharm]

http://www.amazon.com/Therapeutic-Ch.....;/dp/1894402065 دة كتاب therapeutic chocies اى خدمة

مشكور يا أخى بس ده موقع بفلوووس

ودورت كتير ماقدرتش اوصل لأى نسخه مجانيه

ياريت لو حد يقدر يدلنا على نسخه مجانيه

وشكراااااااااااااااا

[drmado]

انا كمان لسة بدور على نسخة مجانية وربنا يسهل وباذن الله احطة عالموقع ادعولى

[drmado]

يا جماعة انا سمعت ان الضرايب فكندا نااااااااااااااااااااااااااااار حد يطمنى

[drmado]

يا جماعة انا هقول حاجة طموحة شوية قصدى قـــــــــــــــــــــــــوى ينفع صيدلى مصرى قيم فى كندا يفتح صيدلية فى كندا؟؟؟؟ علشان نجيب من الاخر بقى هههههههههه

[حسام يوسف]

معتقدش فية مشكلة

حتى لو لم تأخذ الجنسية بعد

لانك ممكن تاخدها كمستثمر

وحتى لو ماخدتهاش

مفيش مشكلة

البلد مفتوحة

ورينا الهمة

[bent misr]

شكرااااااااا بجد يا د/ ميدوفارم على كل المعلومات القيمه دي

وأختك طبعا معلوماتها ممسوحه بالاستيكه وربنا يستر

بس احنا لازم نذاكر كل الكتب دي بجد دا كان كفايه الكومبريهنسيف أوي

علينا :P :sad:

ربنا يوفقك يا رب وتنجح واحنا وراك ان شاء الله

وتحياتي للعزيزه جلاكسي و د/ مادو و د/ حسام يوسف

تم تعديل 20 سبتمبر 2008 بواسطة bent misr

[drmado]

شكرا للعزيزة بنت مصر وشكرا جدا للدكتور حسام على اهتمامة وردة السريع انا بحاول ادرس جدوى الهجرة يا جماعة من كل الجهات انا سمعت ان الضرايب هناك عالية جدا حوالى 30% ودى نسبة فظيعة يعنى دة غير ان المعيشة هناك غالية جدا من خلال اللى قريتة يعنى ممكن الواحد يصرف فالشهر 7000 $ ودة مبلغ مش سهل يعنى انا قصدى ندرس الموضوع كويس بس على الرغم من كدة مازلت مصر وشايف ومقتنع ان الهجرة لكندا نقلة كبيرة وهتفرق كتير جدا

[drmado]

الحكاية مش salary وبس انت بتتعامل مع جو تانى وناس تانية ونظام مختلف اكيد احسن بكتير من وطنا العربى (اللى ربنا ينفخ فى صورتة يا رب) انا لا فكرت فى كندا كنت بحسب الدخل مقابل المصروفات وهحوش كام وكدة !! بس واضح ان كندا المتعة انك تعيش فيها والفلوس هتيجى باذن الله بس مايبقاش همنا كلة اننا نحوش وخلاص علشان كدة انا كنت بسال على ان الواحد يعمل صيدلية ويستقر هناك بس كان نفسى اعرف من باب العلم بالشيئ تكاليف الصيدلية هناك كام تقريباّّّّ؟؟؟!!

[drmado]

معلش انا مش فاهم حكاية مستثمر دى؟؟؟ يا د.حســـــــــــــام

[حسام يوسف]

يا دكتور مادو

انت كنت بتهزر فى موضوع انك تفتح صيدلية فى كندا

حبيت أوضحلك انة ممكن

ممكن تهاجر كمستثمر مش skilled worker

وتاخد الجنسية

وممكن تعمل مشروع الصيدلية فى كندا حتى لو ماخدتش الجنسية

بس

ادى الموضوع

وربنايوفقك

[drbeso]

انا متفق معاك يا دكتور مادو مهما كانت الضرايب عاليه بس طول مالواحد باذنالله هيقبض كويس ويعيش بمستوى محترم مش مهم الضريبه

انا كان عندى سؤال يا شباب مهم اووووووى يا جماعه هيا المزاكره من كتب زى ;cpr,therapurtic choices,patient self care

دول كلهم مطلوب في الامتحان الاول

ولا دول للامتحانين

ويا ترى مزاكرتهم هيعدو الواحد من الامتحان qualifying اللي بسمع عنه انه محترم اوى اوى ياريت يا جماعه تقسيم الكتب على كل امتحان من حد عنده خبره في الموضوع ده لانه مهممممممممممممممم جدااااااا واشايف انهم كتب كبيره جدا جدا يارب مكنش طولت عليكم

[drmado]

يا د. حسام انا مش بهزر انا بتكلم بجد

[drmado]

drbeso بالنسبة للامتحان الاول الكمبرهنسف اهم حاجة وحاول تقرا جزء الكالكيوليشن من medical and pharmaceutical calculations واى كتاب فارما محترم قبل كل دة انا عن نفسى بذاكر من medical pharmacology at glance كتاب صغير وحلو 100 صفحة بس وبالصور http://www.BLOCKED77/file/40347584/f20ce...rified=370c5d31

http://www.BLOCKED77/file/40388836/6abd3...rified=370c5d31

وكفاية دول قوى للاول ولو فى اى اخ عندة اضافة احب استفيد منة

[drbeso]

تسلم ايدك يا مادو :wub: :wub:

ربنا يكرمك يا حبيبي

طيب بالنسيه لل therapuetic choices,patient self care

ايه رايك فهم لانى لقيت ناس كتيييره اوى بيقولو انهم مهمين؟؟؟

ياترى دول لل qualifying ??

ولا لا(بيني وبينك كل كتاب من دول معدى 1300 صفحه :rolleyes: